البارت الاول
الكاتبه _ ذو النورين
انتقام الود (الثأر).
ـــــــــــــــــــــــــــــــــــــ««~~»» ـــــــــــــــــــــــــــــــــــ
لاتنسون ــ التصويت ــ وتعليق بين الفقرت
ــــــــــــــــــــــــــــــــــــــــــــــــــــــــــــــــــــــــــــــــــــــــ
ما نِرد بعد وبيا عِذر أقنع؟
أذيتني بگد ما أحبك وتريدني أرجع! .
ــــــــــــــــــــــــــــــــــــــــــــــــــــــــــــــــــــــــ ــــــــــــ
في احدى اماكن الريفية
الساعة: 44 : 12
رندة//
جانت عندي صديقه حيل قريبة علية يعني بأختصار
مثل اختي فد يوم من الايام اجتني للبيت.
دلال: رندة انطيني تلفونج.
رندة: ليش شسوين بي.
دلال: لان اهلي خذوو تليفوني واريد احاجي صديقتي.
رندة: اوكي حبي اخذي عادي.
دلال: شكرا عمري.
راحت اخذتة وبقت اهواي تحاجي صديقتهه خلصت وراحت اجوي اخواني صبيت غدة واحنة جاي ناكل اتصل تلفوني.
عبدالله: رندة تلفونج يتصل.
رندة: هاي دلال لو وحدة من صديقاتي.
عبداللة: كومي جاوبيهن.
رندة: اوووو مابية حيل خل اكل واحاجيهن.
بقينة ناكل وتلفوني ماسكت ولا دقيقة فكمل اكل عبدالله.
رندة: عفيه عبود جيبلي تلفوني.
عبدالله: ليش متكومين انتي.
رنده: حباب مو جاي اكل.
عبدالله: هسةة.
لزم تلفوني وبقه صافن وجهه صار دم.
عبدالله: رندة منوووو هذا الرقم.
رندة: ماعرفة اول مره اشوفة ايجوز دلال.
عبدالله: وليش مكاتبة اسمهه.
رندة: كاتبتة بس يجوز بدلت رقمهه انطيني اجاوبهه.
عبدالله: لا اني اجاوب خل اشوفهه هية لو لا.
رندة: على راحتك.
بعدني مطالعة من الغرفة وصوت عبدالله رج البيت.
عبدالله: رندددةةة طلععع ولدددد المتصللل وفوكاهه دكولين صديقتي وجذبين بعدني ممستوعبه الي جاي يصير وعلى شنو يحجي وجرني من شعري سحل لحد ماوصلني بنص اهلي.
ام عبدالله: شبيك يمة عبدالله ليش هيج وياهه ولك.
عبدالله: لا تسأليني اسألي بنتج الي نزلت روسنة وتحاجي شباب ودكول صديقتي.
ام عبدالله: لايمة ممسوية.
رندة: والله ماحاجية ومااعرفه والله صدكني.
عبدالله: ولا كلمه اليوم اذبحج على ايدي.
دخل ابوية وسولفلة السالفه كلها وصدكة واني اتوسل بي ميصدكني.
ابو عبدالله: احححججييي لج حيوانة من هذا الكلب الي تحاجينة.
رندة: بويا اني ما حاجيه ويا اي واحد ما اعرفه وبشنو احلف وصدكوني.
ابو عبدالله: اسكتي حقيرة ماعندج تربية ياحيف التعب بيج ياحيف.
رحت باتجاه رجلين ابوي دلقت عليهن بستهن اتوسل بي لا يصدكهم.
رندة: بوية ابوس رجلك لاتصدكهم اني مانزل راسك كدام الوادم.
ضربني برجلة على راسي بعدني عنة وكام تقدم علي
سحبني من شعري ويحجي.
ابو عبدالله: ما عشت ولا راح اعيش اذا اخليج تشمين الهوة.
دفرني برجلة على خاصرتي خلة روحي تطلع من خشمي وما كمت اشوف غير الضلام الدامس وبعدهه ماعرفت شنو الصار......... يتببع.
ــــــــــــــــــــــــــــــــــــــــــــــــــــــــــــــــــــــــــــــــــــــــ
انتضروا البارت الثاني
بًنِوٌتٌآتٌيَ ♡♡❤👉
ـــــــــــــــــــــــــــــــــــ««~~»» ــــــــــــــــــــــــــــــــــــ