الفصل الاول
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵صديقي الاكتورني*
*❴🔢❵الـــبـــــــــــ❴الاول❵ــــــــــــارت*
➖➖➖➖➖➖➖➖➖
*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *ميلام* 🧡
➖➖➖➖➖➖➖
*📚قصص||روايات||منوعة📚*
*{😍}قــرا۽ة ممتعــه للجميــع
بقلم آموشة🖋️📚
صديقي الألكتروني🦋🫂
اول شي بحب احكيه انو هي قصة واقعية فيها شوي خيال صغيرة.....🔥
الجزء الأول
في يوم من الأيام بأحد البيوت القديمة كانت قاعدة عل ارض ضامة رجليها عصدرا وعم تبكي من ظلم أهلها ومن كلشي عم تعيشو بعد بشوي بيجيها صوت أمها بتقوم تمسح دموعها بسرعة منشان ترد عليها قبل ماتعصب
يمان:نعم ماما شوتريدي
إم يمان(تبارك): منيح يلي نضربتي ع قلبك ورديتي من ايمت بندهلك
يمان:ماتواخزيني ماما مانتبهت كنت بدرس
تبارك:لأشوف شورح تنفعك الدراسة
يمان:قليلي شوبدك
تبارك: في موضوع بدي احكيه معك لحالنا وازا بيطلع من هون ماتلومي غير نفسك وغير هيك مرجعتك لبيت اخوكي فاهمة
يمان :(قلبها رح يوقف) حكيلي شوفي
تبارك: رفيق ابوكي طلب ايدي وانا وافقت وأخواتك كلهن ماعندهن مشكلة بس حكا اخوكي الكبير اذا يمان مابتوافق كلنا مالنا موافقين شوفي وليك اذا بتقولي لاء ماتلومي غير نفسك فاهمة
يمان: طيب ليش يا ماما هي تاني مرا رح تتجوزي بعد بابا وماظبط معك ليش لترجعي تجيبي الحكي الك يا أمي ويأمي ماعاد ضل شي الي غيرك لسا كل فترا تتركيني ماحاج صار عمري20 سنة وانا بنتقل من اخ لاخت حاج والله تعبت خلينا عايشين سوا ليكي محلانا
تبارك:دي خرسي خرسي مين من اخوتك عم يسأل علينا عم نترجاهن لحتى يبعتولنا ليرة
يمان: بس ماعم يقصرو هاا رغم ظروفهن محدا مقصر فيهن وانا عم اشتغل والحمدالله مرتاحين ليش بتجوزي
تبارك: منشان استقر ماحاج اجارات والزلمة عندو بيت رح يسكني فيو ورح يكتب نصو بأسمي
يمان: هاا بدك تستقري طيب وانا
تبارك:رح تعيشي عند اخوكي
يمان: بس انا مابدي
تبارك لمن سمعت هيك جنت قامت سحبت يمان من شعرها وبلشت ضرب فيها رغم كبر يمان بس لحد هلق بتنضرب على اتفه شغلة .....
بعد ساعة بتكون متشطحة ع تختها عم تأن من وجعها بدق الها رفيقتها رغم كسرها ودموعها بتخبي كلشي وبترسم ضحكة وبترد بصوت ضحوكي
رنيم: ميمييي يعمري ترفعتي وصرتي سنة تانية ياعمري مبارك عليكي
يمان: يروحي خليلي قلبك احلا خبر اصلا كنت واثقة
رنيم : خليلي الواثق بحالو انا نزلت منشور النا عملتلك مشاركة شاركيه ع صفحتك
يمان: هلق بشوف ماشي روحي سلامة
رنيم :سلام
بتسكر خط وبتفتح نت بتدخل على الفيس بوك بتشوف منشور رفيقتها تهاني ع ترفعها على سنة التانية بتشاركو وبتسكر بتقوم على الغرفة تانية بتلاقي امها عم تحكي تليفون مابتعطيها اهتمام بتروح بتاكل لقمتين وبتنزل ع شغلها
لوقت تخلص اكل رح عرفكن على البطلة وعيلتها(يمان بنت بتجنن عيونها وساع وبنيات رموشها طوال كتير وكثيفات بقولولها عيون الريم عنهدا غمازة بخدها اليسار وهية بتحكي بتنطعج شعرها طويل لاخر ضهرها غزير وحلو متل الليل ناعمة طولها 150 جسمها مناسب لطولها..عايشة مع مرت ابوها بس مابتعرف مفكرتها أمها ام يمان تزوجها ابوها بل سر وقت حملت بيمان وهية عم تولد ماتت جابها ابوها ليمان عند تبارك وخبرها كل القصة وهوي بيعرف مرتو تحب المصاري حكالها ازا تعامليها متل بنتك رح اشتريلك طقم دهب وافقت بشرط انو مابيحكي لحدا وحتى ل يمان انو هية مالها امها الحقيقة وصارت تعامل يمان قدام ابوها معاملة حلوة وبغيابو تشلهفا لاهواتها و بعد ماتوفها ابوها صارت كتير تقسا على يمان تبارك كتير أنانية وماتحب غير حالها ومستعدة تخرب حياة الكل كرمال تكون مرتاحة ومابهمها شي اخواتها لـ يمان 3شب وبنتين كلهن متجوزين
اخوها عمران كتير طيوب كتير بس بنفس الوقت عصبي لدرجة بكسر الدنيا منشان كلمة وبيرجع بيهدا بكلمة وحدة طبعو صعب بس حنون
اختها الكبيرة ندى ماتهتم لشي غير بيتها وجوزها و ولادها خط أحمر عكس امها
اختها التانية هديل حنونة قلبها طيب ودمعتها سخية كمان ولادها وجوزها خط احمر متعقدين من اهمن صح بس عايشين غير عيشت امهن هم الكبير بيتن و ولادهن
مرت اخوها اسمها علياء انسان. كلمة حقيرة قليلة عليها بضل ترمي فتن بين الاخوات وتعمل حالها بريئة
منرجع للبطلة
بتنزل ع شغلها وهية بطريقا تحس حالها كتير مخنوقة بدا تحكي مع حدا تفتح تليفونها بتشوف اشعار واصلها بتدخل عليه بكون شب بتقرأ شوباعتلها /مُبارك الترفع منها للأعلا بس شلون هيك برودة اعصابك حدا بيترفع وبس بشارك منشور مابنزل منشور خاص فيو/
بترد عليه ../يبارك فيك حاج بكفي العالم عرفت انو ترفعت/
الشب:/مبارك لكن/
يمان: /يبارك فيك/
وبتسكر وبتكمل يومها طبيعي بتروح على النادي لانها تشتغل هنيك كوتش رقص شرقي وأجنبي رقصها بجنن
بيجو مشتركاتها وبتبلش بل دروس وبتكمل يومها بل شغل اخر الدوام بتطلع عطريقها بتشتري قهوة مثلجة بتصورها وبتحطها ستوري بعد يوم متعب اطيب شي وبتنشرها بعد خمس دقايق وهية عم تمشي بجيها اشعار بتطلع بكون نفس الشب هية اول مرا ترد ع حدا بس الملل الروتين قاتلها لهيك عم ترد شافت الراسلة كاتب فيها
الشب:هنا
بعتتلو :عقلبك ميرسي
الشب :هلاا ... ماقلتيلي شوعم تعملي بشارع هلق ساعة8
اول مرا حدا يسألها هاد السؤال لانو محدا يهتم بأمرها بل بيت تحس بجفاف العاطفي(يلي كلنا نحس فيو😂)
يمان: ولاشي هلق خلصت شغل
الشب اسمو اسمر: يعطيكي العافية شو تشتغلي ليش
يمان:كوتش بـ نادي رياضة/طبعا مابتقلو شوبدرب/
اسمر: حلو الله يوفق يارب
يمان: الله يسلمك ..
وبتسكر تليفونها وبتكمل عل بيت لتعيش روتينها اليومي بكل معناتو
رح احكيلك وعرفكن ع بطلنا يلي هوي اسمر(شب اسمراني بعيون عسلية وساع ورموش مقلوبة كتير حلوين دقنو محددة وكتير غزيرة وحلوة شعرو حلو محدد واغلب ايامو يتركو بطريقة عشوائية حلوة طويل بس موكتير طولو170 عندو عضلات اسمر من عيلة غنية شوي هوي بكون ابن عشيرة معروفة وكتير لطيف بيمزح كتير بس بنفس الوقت عصبي ومزاجي شوي عندو امو بديا كلها امو عمرها 49 مرا كتير مقدرة وحنونة وتحب ولادها وتحاول تسعدهن بكلشي وبتحب المساعدة للعالم ابوه انسان مقتدر عاقل عندو حكمة ونظرتو صاخبة اسمر عندو تلت اخوات عبدرالزاق الكبير متجوز وعندو بنت وصبي واختو رند حنونة كتير وطيوبة متجوزة وعندها صبي وعندو واختو تانية نورة كتير لطيفة ومحبوبة ودلولة امها ...
لحد هون بينتهي الجزء الأول عطوني رئيكن 🥺