حورياتٌ قد اجتمعـن - الفصل الخامس عشر 💕💕 - بقلم الداعية الشابة 💕🕊 | روايتك

رواية ← 🕊️ بالله حُلمي قد تحقق 🕊️ 🕊️ البارت الخــامس عـشـــر🕊️ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ رواياتـــــ بقلمــــــــــــــي ✍🏻💚💚: ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ «خرج أسر والسائق معه من المسجد وڪانت أسما خارجة أيضاً من مسجد السيدات ورڪبوا وأوصلهم السائق لقريتهم.. نزلت أسما.. وأسر وقف يحاسب السائق» أسر: طيب اتفضل.. السائق: يا أستاذ يا أستاذ.. أسر «وهو يستدير له»: نعم..؟ السائق: حضرتڪ في ليڪ لسه باقي... أسر: لا ما دول ليڪ احنا اتفقنا من الأول لو نزلت صليت معايا وبعدها وصلتنا هديڪ زيادة عشان كدا أخرناڪ.. السائق: لا يا أستاذ اتفضل فلوسڪ.. انا ڪنت بصلي لربي عشاني مش عشان حضرتڪ.. وشڪراً جداً لربنا انه حطڪ في طريقي عشان ادخل المسجد اللي مش بدخله غير كل جمعه.. أنا خلاص قررت اني ماعتش هسيب فرض غير وهو جماعة في المسجد.. اتفضل فلوسڪ ولا أقولڪ انت خُد فلوسڪ ڪلها انا مش عايز من حضرتڪ حاجة يڪفي اللي عملته معايا وعِّتني بمعني الڪلمة جزاڪ الله خيراً بجد أسر: وجزاڪ مثله يارب.. بس لا طبعاً فلوسك وحقك تاخدها انا لو اخدت هاخد الزيادة بس عشان ما يڪونش ربا.. امّا حقك تاخده السائق: تمام اتفضل.. وشڪرا ليك تاني.. ربنا يوفقڪ وينصرك امين أسر: أمين شكرا لدعواتك سلام عليكم ورحمة الله وبركاته السائق: وعليكم السلام ورحمة الله وبركاته «أڪملا أسر وأسما المشي لبيتهما» أسما: اي حصل ليه رجع نادي عليك تاني؟؟ أسر: عطاني الزيادة تاني..،، تعرفي يا أسما الحمد لله بجد علي اللي احنا فيه يارب يثبتنا يارب.. بجد ڪل ما أفتڪر ان في ناس لسه غافلة عن ربنا بزعل أوي وبقعد اشڪر ربنا ڪتير أوي انه ماجعلناش من الغافلين عنه وعن ديارنا الأخرة الحمد لله أسما: ايوة فعلاً الحمد لله يارب وحتي أنا والله بس برضو ما تنساش ان في ناس برضو أفضل مننا وأسبقنا وأعلانا درجات لله.. لسه قدامنا كتير اوي ربنا يجعلنا منهم يارب ويحشرنا مع الصحابة وحبيبنا النبي ﷺ أسر: أيوة فعلاً.. ربنا يتولانا ويقربنا منه أڪثر ويرضي عنا دائما وأبدا.. آمين يارب «تليفون أسما رنّ» أسما «وهي تنظر وتري من المتصل»: يا رباااااااه عائش دا أنا نسيتها خالص 😳 أسر «بتعجب»: اي حصل؟؟ أسما: انهاردة رؤيتها الشرعية وكانت قايلالي أجيلها عشان مش هتطلع لو ماجتش ودلوقتي هي بترن دي هتنفوخني... لا دي عيلتها وعيلة الشاب هينفخوني دلوقتي هههههه أسر: بجد؟؟.. ربنا يوفقها يارب.. بس اي دا واي ذنبك انتي هو انتي العروسة؟؟ أسما: البت عائش حالفة اني لو ما روحتش لها ماهياش طالعة بسرعة بسرعة مِدّ عشان اروحلها.. أسر: هههههه.. انتو البنات غريبين اوي طيب هي ليه عايزاكي.. هتدخلك معاها الرؤية الشرعية مثلا هههههه 😂 أسما: بس ياض ضحك علي صحبتي،، بڪرة يحبيبي زوجتڪ تطلع عينڪ في الرؤية الشرعية دي وهضحڪ انا وعائشة ساعتها هههههه «وصلت أسما لبيت عائشة الذي يوجد مقابل بيتها» أسما: أسر انا هدخل لها ماشي وانت اوعك تنسي تقول لماما وتعرفها اني عند عائشة ماشي؟؟ أسر: تمام ما تتأخريش ماشي أسما: تمام.. «رنت أسما قبل ان تدخل علي عائشة حتي تسأل هل تستطيع الدخول ام ماذا» عائشة: السلام عليكم ورحمة الله وبركاته.. فينڪ يا اللي تنشكي في صُباع رجلڪ الصغير يابعيدة اسما: هههههه وعليكم السلام ورحمة الله وبركاته.. لا انا مش بعيدة انا قدام البيت لسه راجعة والله من المستشفي كانوا طلبوني لحالة ضروري فاضطريت اروح.. عائشة: طيب بتعملي اي قدام البيت ادخولي.. بسرعة دول صدعوني هنا وانا اقولهم لاء استنوا اسما دلوقتي تيجي هههههه أسما: ياهبلة هههههه طيب هدخل ازاي علي طول ولا اي؟؟ هم قاعدين فين بالظبط عشان اعرف ادخل؟؟ عائشة «في نفسها»: يا ربي دول قاعدين في الصالة علي طول هتدخل أسما إزاي؟؟ عائشة: لا ادخولي علي طول بس ابقي نادي علي ماما تدخلك ماشي.. أسما: طيب مش هشوفهم صح هدخل علي طول مش كدا مش عايزة اتحط في موقف محرج الله يسترك الناس تقول اي عليا دلوقتي؟؟ عائشة : يعني هو دا اللي همك يا أسما دلوقتي مش همڪ انا اللي هموت من القلق ومش عايزة اطلع أصلاً.. خلاص مش طالعة وانتي خليكي عندك «ثم فصلت عائشة الخط» أسما: اي البت دي بقي.. هدخل وأمري إلي الله.. والله يا عائشة لو ألاقيهم في وشي لمش سيباكي في حالك النهاردة بس.. «دخلت أسما ووقفت أمام مدخل البيت الرئيسي لبيت عائشة تطرق الباب اولا كما قالت لها عائشة خرجت لها والدة عائشة» أسما: السلام عليكم ورحمة الله وبركاته عاملة اي يا فطوم فاطمة« والدة عائشة»: وعليكم السلام ورحمة الله وبركاته.. سمسمة كويس انك جيتي ادخولي بسرعة البت عائشة منشفة راسها ومرعوبة ومش راضية تطلع للناس باقلهم كتير قاعدين.. أسما: أسفة والله علي التأخير بس والله لربيلڪ عائش دي.. فاطمة: هههههه تعالي طيب ورايا وانا أربيها معاكي.. «ذهبت أسما خلف والدة عائشة وڪانت الصدمة لها.. الجميع يجلس في منتصف البيت ڪيف ستمشي من أمامهم الآن هي لمحت شابين لم تدقق لانها غضت بصرها مباشرة» أسما « بإبتسامة بصعوبة للجميع من تحت نقابها بعد ان استدركت الامر وهي غاضبة اشد الغضب من عائشة تلڪ»: السلام عليكم ورحمة الله وبركاته الجميع: وعليڪم السلام ورحمة الله وبركاته «ثم دخلت أسما مباشرة علي عجلة» د. عدي « بقلق في نفسه بعد ان سمع صوت الذي سارت من أمامهم منذ قليل»: اي دا أسما؟؟ بتعمل اي هنا.. معقول تكون هي العروسة.. يا الله 🥺 «اسما وصلت لعائشة أخيراً» أسما «بغضب حقيقي»: ورب الڪعبة ما أنا سيباكي يا بني ادمة براس حمار انتي 😠 «وأخذت تجري خلف عائشة.. وعائشة تجري وتحاول التحدث» عائشة «وهي تجري»: طيب اصبري افهمك بس أسما: والله تفهميني اي يللي تنشكي.. انا وشي جاب ألوان أصلاً اما شوفتهم قدامي كدا كلهم كان شكلي وحش اوي ازاي اعدي علي الناس كدا ها؟ عائشة «وقد تعبت من الجري جلست علي السرير وهي تنهج»: بس يا أسما خلاص ماعتش قادرة تعبت أسما «وقد تعبت هي الاخري»: تعرفي والله العظيم لولا انك عروسة دلوقتي وطالعة تقابلي الشاب اللي برة دا انا كنت نتفتلك شعرك زي ما بعمل مع اسر بس خلاص نستني دلوقتي ولينا حساب بعد الرؤية الشرعية هربيكي انا وفاطم والدتك بس.. بقي انا تحطيني في الموقف دا يا سخيفة وتسخفيني كدا.. تلاقي الناس دلوقتي مستغربين وعمالين يقولوا مين دي مين دي؟؟ عائشة: ما انا مردتش اقولك عشان ماكنتيش هتدخولي فقولت احوطك في الامر الواقع هههههه 😹 أسما «وهي تريد ان تنقضّ علي عائشة»: وبتضحكي كمان طيب تعا... «دخلت فاطمة والدة عائشة» فاطمة: يلاّ يا عائش الناس زهقوا يا بنتي من القاعدة كفاية كدا بقي ام العريس هتموت وتشوفك اتنيلي بقي.. أسما: والله يا فاطم ما حد انقظها مني غيرك.. يلاّ ياختي قومي اطلعي لزوجك المستقبلي بقي ابو الاعيال هههههه 😹 عائشة «وهي غاضبة جداً قد اثار كلام اسما غضبها جداً»: بس يابت قال زوجي قال دا بس عشان بابا.. انا مستحيل اتزوج واحد بيشرب سجاير دا انا شايفاه بيها بعيني دي فاطمة: يلاّ يا بنتي بقي عائشة «وهي علي وشك البكاء »: طيب استني شوية يا ماما اجهز نفسي وروحي كدا انا متوترة اوي اسما: ما تطلعي بقي يابنتي امال لو كنتي هترفعي نقابك بقي كنتي عملتي اي اشكري ربك انك مش هترفعي النقاب ياختي يلاّ يا عائش بقي ما ينفعش كدا.. ادي حجتك انا وجيت يلاّ بقي انا هدعيلك وانا هنا يلاّ.. واه صحيح ابقي اتأكدي منه كدا لو عنده اخ ولا حاجة عشان نخلص سوي انا وانتي أصل حرام نسيب اخوه وحيد مش كدا يا خالتو فاطم هههههه 😂 فاطمة وعائشة: هههههه 😂 ايوة كدا.. أسما «وهي تدفع عائشة للخارج»: يلاّ يا عائوشة بقي.. يلاّ يابت روحي مع والدتڪ انتي تخنتي كدا ليه؟ 😹 عائشة: بس يابت دا انا ريشة أصلاً أسما: طيب استني كدا انفخ فيكي يمكن تطيري هههههه 😂 عائشة: هههههه 😂،، انا بقول اطلع ألقي مصيري مع الشاب اللي برة دا احسن من اني افضل قاعدة معاكي هتجنيني.. سلام ادعيلي ماشي يا أسما 🥹 أسما: يا عائش بقي هو انتي طالعة تحاربي يا بنتي.. دا هي مقابلة اعتبريها مقابلة شغل.. كدا يلاّ بقي.. عائشة: حاضر فاطمة والدة عائشة: طيب خودي يلاّ يا عائش الصنية دي هتدخلي علي الناس فاضية يا بنتي.. عائشة: الحقني ياربي.. دول بيشيلوني صنية علي توتري دا والله العظيم هتقع مني.. فاطمة: بطلي دلع يا عائشة ويلاّ أسما: هههههه 😂،، والله لو انا ما شيلها البت يا عيني بتعيط أصلاً هههههه «خرجت عائشة بالصينية العصير وهي ترتعش يداها.. ستقع من يديها ان لم تضعها حالا» «وصلت عائشة أخيراً» عائشة «وهي تري الجميع أمامها والجميع ينظر لها زادها هذا توتراً»: الس.. سلااااام عليڪم ورحمة الله وبركاته الجميع: وعليكم السلام ورحمة الله وبركاته « عائشة وهي تخطوا خطوة للأمام بعد ان قالت التحية فإذا بالصينية التي كانت بيدها تقع من يدها وتنسڪب ڪلها علي رأس أحدهم» «الجميع صُعق من الذي حدث» عائشة «بصدمة وبڪاء بعد ان وقعت الصينية من يداها أثر توترها ورعشت يداها»: يا رباااااااه .. أنا أسفة لحضرتڪ جداً أسفة أوي والله ما قصدت.. والدة الشاب «وهي تمسڪ ضحڪتها بصعوبة»: هههههه لا ولا يهمڪ يا عمري ما تعيطيش حصل خير اكيد لانك متوترة تعالي جنبي هنا.. «ذهبت لها عائشة» عائشة «بأثر بڪاء»: بس ب.. س دا غرق عصير.. د. عدّي « في نفسه وهو يڪاد ينفجر من الضحڪ علي صديق عمره هههههه»: الله أڪبر أخرة الجواز يا صحبي مش نصحتڪ هههههه.. أهي علّمة عليڪ من قبل ما تشوفها أصلاً هههههه.. بس ڪويس مش طلعت أسما.. أظن دي عائشة صديقة أسما المقربة عشان كدا أسما دخلت لها أڪيد.. يحيي «والد عائشة»: تعالي يابني معايا أوديڪ الحمام تغسل و أجبلڪ حاجة تلبسها أسفين أوي هي عائشة متوترة بس مصعب «وهو الشاب الذي تقدّم للزواج من عائشة..»: لا يا أستاذ يحيي مافيش داعي للإعتذار أبداً.. أنا حقيقي كنت محتار هشرب العصير إزاي؟؟. لاني ما بحبش شرب العصير .. بس الأنسة عائشة قامت بالواجب وما سبتش حتة من هدومي إلاّ ودوقتها من العصير ريحتني والله هههههه 😂 الجميع ضحڪ بشدة علي ڪلمات مصعب تلڪ: هههههه هههههه هههههه هههههه هههههه 😂 «ذهب مصعب مع والد عائشة يحيي ودخل المرحاض نظف ملابسه وخرج.. جاء له والد عائشة بثياب من عنده» يحيي «والد عائشة»: خود يبني البس دول.. مصعب: اي دول يا عمي يحيي دول ال..؟؟ 😳 يحيي: ايوة يبني جلبية وسروال معلش مش هلاقي عندي قميص وبنطلون علي مقاسك.. فجبتلك الجلبية دي.. *(حقيقي الواد مصعب دا صِعب عليا أوي.. عائشة مفترية بهدلت له شڪله اللي أڪيد ڪان بقالوا ساعات بيظبط فيه 😹😹)* مصعب «وهو يشعر بالاحراج من والد عائشة لا يريد اخجاله وردّه ثانية بالإضافة إلي ان ثيابه اتسخت ڪلها»: تمام يا عمي شكراً لحضرتك تقدر تتفضل انا هغير وهحصلك.. يحيي: طيب يابني هسبقك.. «عاد يحيي والد عائشة لهم ثانية أمّا مصعب دخل المرحاض ثانية ارتدي الجلبية والسروال وخرج لهم» «الجميع عندما رأوا مصعب بهذه الثياب حتي ضحڪوا بشدة عليه ڪانت الجلبية واسعة جداً عليه ،، حتي عائشة التي أخذت تڪتم ضحڪاتها أسفل نقابها فهي من فعلت فيه كل هكذا 😹» د. عدّي «وهو يضحك كالجميع»: اي كل الجمال دا يا حضرة الظابط مصعب.. خطفت قلبي يارجل هههههه 😂 الجميع ضحڪوا بشدة ما ان سمعوا ڪلمات د. عدي تلڪ: هههههه 🤣 مصعب «بغضب قليل»: هههههه بس ياض دا انا جنتل مان في ڪل حلاتي هي تحسها مش مبيناني بس تمام تنفع برضو أحسن ما أقعد بعصير حوليڪم أثر اللي عملته فيا الأنسة عائشة هههههه 😹 عائشة «بحرج وهي تجلس بجانب والدة مصعب»: أأنا أسفة والله ما قصدت.. انا قولت لماما مش هعرف اشيله بس هي ما صدقتنيش وأصرت.. مصعب: ياريتڪ ما شلتيه يا شيخة هههههه 😹 الجميع: هههههه 😂 أسما «من الداخل تسمع صوت ضحك بشدة تعجبت كثيراً»: اي دا هو اي بيحصل وسيبيني هنا في حفلة سيرك برة ولا اي عايزة اتفرج ماليش فيه.. هههههه 😂ياتري اي اللي بيضحك 😹؟؟ «عند عائشة والجميع» والد عائشة يحيي: طيب يا جماعة أنا بقول تيجو معايا نقعد في الأوضة دي هنا في الوش ونسيبهم شوية.. «قام الجميع ليترڪوا عائشة ومصعب للرؤية الشرعية» عائشة «وهي تمسڪ يد أبيها بخوف»: بابا رايح فين يا عم انت وسايبني..؟ يحيي: هههههه 😂 ما تقلقيش يا عائش يا حببتي انا هنا في الوش شايفڪم أصلاً.. بس هنقعد هنا عشان الرؤية الشرعية وبعدين هنيجي علي طول.. ما تقلقيش انا قريب منڪ.. «وذهب يحيي أيضا وبقيَ مصعب وعائشة» «ڪان يبعد عائشة عن مصعب.. مقعدين اثنين مسافة جيدة بينهم ليست بعيدة وليست قريبة ڪمتر تقريباً» مصعب «وهو متوتر هو الاخر»: حضرتڪ عاملة اي يا أنسة عائشة..؟؟ عائشة «بتوتر أڪبر وتڪاد تبڪي هذه المرة أولي لها تجلس مع شاب بمفردها بالطبع أبيها أمام عينيها ولڪن هي خائف أيضا»: الح.ححمد للله.. مصعب «وقد شعر بتوتر عائشة»: احم احم.. ما تقلقيش يا أنسة عائشة أنا مش باڪُل لحوم البشر هههههه، وبعدين دا شڪل واحد تقلقي منه بالجلبية الحلوة دي اللي مش ظاهر منها هههههه ، دا انا شڪلي حتي يضحڪ.. مش عارف اي اليوم العسل دا.. هههههه 😹 عائشة «وقد تڪتم ضحڪاتها تحت نقابها»: هههههه 😹، أسفة والله ما قصدت.. مصعب: عارف..هههههه بس بصراحة أنا انصدمت من اللي حصل مش مصدق اني انا الظابط مصعب اللي مرعب أتخن تخين في مصر يحصل فيا ڪدا.. لا حول ولا قوة الا بالله هههههه 😂 المهم حصل خير.... أعرفڪ بنفسي بقي.. أنا مصعب شوري.. عمري 25 سنة متخرج من ڪلية شرطة بقالي 3 سنين و.. عائشة «بتعجب ڪبير»: حضرتڪ متأڪد انك ظابط شرطة؟؟ مصعب «بتعجب هو الاخر»: ايوة طبعاً أڪيد مش هاتلغبط في معلومات عني.. عائشة: يعني حضرتڪ مش دڪتور جامعي..؟؟ مصعب: لا هبقي دكتور جامعي ازاي وانا ظابط شرطة..؟؟ عائشة: بس أنا شوفت حضرتڪ مرة قبل ڪدا في جامعتي وانت ڪنت دڪتور في الجامعة هناك أنا اتذڪر امّا حضرتڪ ڪنت ماسڪ سيجارة 🚬 في ايدڪ و ماشي وما بتبوصش قدامك وخبطتني وفضلت تقولي انتي ما تعرفيش انا مين.. وكل دا هو ماكنش حضرتك؟؟ مصعب «بتذڪر ماحدث فما جعله يتأتي لعائشة اليوم هو ذاڪ اليوم عندما رآها»: لا ڪان أنا طبعاً هههههه 😅 أسف علي أسلوبي السخيف ساعتها بس ڪنت مضطر اعمل كدا عشان ابعد الشكوك عنّي ڪنت في مُهمة في الجامعة بتاعة حضرتڪ وكنت متنڪر في شخصية مزيفة عشان امسڪ عصابة المخدرات اللي في الجامعة وكان لازم اعمل كدا.. بحكم اني ظابط وفي مهمه وكدا.. عائشة: يعني يعني حضرتڪ مش مدخن أصلاً ولا كانت دي شخصيتڪ الحقيقية أصلاً؟؟ 😳 مصعب: ايوة.. انا ما بدخنش ڪنت مضطر امسكها في ايدي وبس مستحيل كنت احوطها في بوقي أصلاً.. دي حرام جداً وبعدين ازاي اعمل كدا تربيتي مش ڪدا بس حكم شوغلي بقي.. عائشة: طيب الحمد لله ☺️ مصعب: علي اي؟؟ عائشة: لا ولا حاجة.. كمل حضرتك سمعاك مصعب: طيب.. انا وحيد أمي ماعنديش خوات خالص لا بنات ولا ولاد ووالدي توفي في مُهمة له في الجيش.. وحاليا عايش مع ولدتي هي أعز ما أملڪ واللي فاضلي.. عايز أقولك انها اللي اصرت اني اتجوز ماكنتش عايز علشان شغلي ومش فاضي.. بس هي دايما كانت تقولي عايزة تشوفني عريس.. بس انا كنت ما بشغلش بالي بالموضوع اوي لغاية ما قابلت حضرتڪ في الجامعة اليوم دا.. فجيت علي طول وڪلمت والدڪ عائشة: بس انت عرفت بابا من فين؟؟ مصعب: حضرتڪ انا ظابط يعني دا شوغلي أصلاً.. 😁 عائشة: 😳😳 مصعب: مالڪ؟؟ مالڪ يا أنسة عائشة؟؟ عائشة: لا مافيش.. انا دوري أنا عائشة يحيي.. برضو وحيدة ماما وبابا.. عمري 19 سنة ونص.. ڪلية طب سنة أولي لسه.. وعندي مقرأة بساعد فيها رفيقتي في تحفيظ النساء القرآن وبس ڪليتي مهمة اوي بالنسبالي.. يعني.. يعني مش ممڪن اسيب تعليمي ولا شغلي فيما بعد.. انا مش هتعب ڪل دا واسهر الليالي عشان اتعلم وأوصل للطب وبعدين اتجوز واقعد في البيت.. مصعب «وهو مبتسم»: 😁، لا ما تقلقيش حضرتك انا مش ضد شغل النساء ودا أڪيد يسعدني جداً ان زوجتي تڪون دكتورة بس أنا ما حبش زوجتي تهمل بيتها عشان شغلها.. وانا مؤمن أوي بقول الله تعالي (وقرنَ في بيوتڪن) لكن مش هجبر زوجتي أڪيد.. المهم عندي ما تهملش بيتها ويكون بيتها هو رقم واحد قبل حتي شغلها لان اولادي انا مش عايز يطلعوا زي اي حد.. احب اولادي يكون عندهم ام ترعاهم وتربيهم تربية صالحة تحفظهم القرآن وتبقي معاهم وما يحسوش ببعدها بسبب شغلها أبداً.. دا الاهم عندي.. وعايز أنبه حضرتڪ يا أنسة عائشة __المرأة أساس خلقها هو لبيتها ولرعاية اولادها وتڪون الجانب المُسڪن إليه دائما (الله ﷻ يقول: وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُون) ومش معني كلامي اني ضد ان زوجتي تعمل لاء طبعاً.. السيدة عائشة رضي الله عنها ام المؤمنين كانت طبيبة وتذهب مع النبي ﷺ في الحروب لتدواي المرضي فأنا يشرفني جداً ان زوجتي تكون طبيبة وتعمل كمان بسن ما تجيش علي بيتها عشان شغلها.. اتمني ان تكون وجهة نظري وضحت لحضرتڪ؟؟ عائشة«بابتسامة»: ايوة طبعاً.. ڪلام حضرتڪ مقنع وجميل.. وأنا تفاجئت جداً ما توقعتش ظابط في الشرطة يعرف دينه اوي بالشڪل دا في العادة بتلهيهم المهمات.. مصعب: طبعاً لاء.. مش هتلاقي حد أڪتر علم بدينه قد أصحاب الشرطة دول أرواحهم معلقة في اي وقت يمكن يموتو باذن الله وهم دايما شايلين اكفانهم علي ايديهم.. اكيد هنكون احنا اكتر حد عارفين قيمة الموت والحياة قد اي ودينا كمان.. عائشة: لا مش شرط طبعاً ڪله بإذن الله ممڪن أنا اهوة لسه طالبة طب أموت قبلڪ وانت ظابط شرطة إذا أذن ربنا بس.. مافيش علاقة للموت بالعمل ڪله بأمر الله وبميعاد محدد.. مصعب «بعجلة»: بعد الشر.. مش معقول لسه جاي اول يوم اقابلك تقولي لي موت.. مش كفاية العصير اللي غرقني هههههه عائشة«بخجل وضحڪات بصوت لا يكاد يسمع»: هههههه مصعب: طيب عند حضرتڪ سؤال تاني؟؟ عائشة: ايوة طبعاً مصعب: 😳😳اي دا بجد.. وانا اللي فڪرتڪ هتقولي لا هههههه 😂 عائشة«وهي تهمّ بالنهوض»: لو حضرتڪ مش عايز كدا تمام استأذن أنا... مصعب: لا طبعاً اسألي حضرتڪ انا ڪنت بهرج مش أكتر كنت عايز انا اسأل بس اتفضلي انتي كملي وانا في الاخر.. عائشة: تمام.. شوف حضرتڪ ڪلنا عندنا عيوب اكيد ويمكن ما نحبش عيوب بعض فعشان كدا هقولك اكتر عيب أڪره أن يڪون في زوجي.. مصعب «بتوتر»: طيب قولي؟؟ عائشة: أنا مش عايزة أن يڪون زوجي عنيد شايف أنه الافضل دايما وڪلمته هي اللي تمشي دايما بدون نقاش لاء احب ان زوجي يشاركني الحديث ويستشيرني في أموره وقبل ما أسأله مالڪ يكون هو قايلي.. ما حبش زوجي يقولي أو يناديني بت قدام اي حد ولا حتي لو مافيش حد عندي اسم احب اتنادي بيه.. ولو فيه دلع انا ماعنديش مانع بس بتّ دي لا مابحبهاش زي ما هو أڪيد هيكون ما بيحبش اني اقوله يالا او يا واد.. واحب كمان ان زوجي يكون قلبه متعلق بالمساجد فروضه ڪلها في المسجد جماعة.. يكون صوته حلو في القرآن عشان يقرألي ڪتير.. ويعلم ولادنا كمان.. يكون خاتم القرآن.. ويڪون إمام مسجد كمان.. ويڪون محافظ علي قيام ليله وصلاة الفجر وصلاة الضحي.. وأحب زوجي كمان يصحيني لصلاة القيام اوي ونصليه جماعة.. احب زوجي يكون بار بأمه أوي عشان ولادي اما يجوا يشوفوا ابوهم كدا يتعلموا منه ويبقوا بارين بينا.. احب ان زوجي ما يكونش عصبي نهائي ولو عصبي عصبيته تكون في نفسه وما ينفجرش فيا من اقل حاجة طبعاً لو حصل كدا هستحمل وهمشي الامور ولكن مش كل مرة وعلي طول في النهاية انا بشر.. وأحب كمان زوجي يكون كريم ومش بخيل.. ودايما ما يحرمنيش من بابا وماما اني اشوفهم في اي وقت.. بس كدا ولوفي حاجة كمان ناقصة هبقي اقول لحضرتك عليها لو حصل نصيب وكان لينا مقابلة تانية.. مصعب «بفتحة فم وصدمة حقيقية هو لا يتذكر شيء مما قالته عائشة حتي»: هو حضرتك ممكن تعيدي اللي قولتيه تاني؟؟ 😁 عائشة: نعم 😳 مصعب: هههههه 😹 أصل اي ڪل دا كتير اوي وبعدين دا ڪله عيب.. دي عيوب علي مميزات انا هريحك تجاهي وهقولك علي صفتين من اللي ذكرتيهم وانا فاكرهم أصلاً.. الاول اني مش عصبي الحمد لله يعني عصبيتي بقدر اتحكم فيها.. وثانيا انا خاتم القرآن الحمد لله وولدتي هي اللي حفظته لي من وانا صغير أصلاً.. اما بقي القيام والضحي والفجر فانا فعلاً محافظ علي صلاة الفجر والضحي الحمد لله لكن القيام أوقات ڪتير ما بصلهوش لاني ببقي في مُهمات لاخر الليل وممكن يفوتني للأسف ودا شيء والله مضايقني جداً بس بحاول علي طول.. وبار بأمي ما تقلقيش انا اصلا ماعنديش غيرها.. وبالنسبة لصوتي في القرآن.. ما اضمنلڪيش صراحة هههههه.. بعد الزواج ابقي اتفاجئي بقي دا اذا حصل نصيب ان شاء الله.. وبس عائشة: طيب ممكن حضرتك تقولي مين قدوتك في حياتك؟؟ مصعب «بصدق بان في عينيه التي لمعت عند ذڪره لرسول الله ﷺ»: طبعاً رسول الله ﷺ.. الرجل الذي بعث فينا.. مهما اتڪلمت عن حبي للنبي ﷺ مش هقدر أوصفه.. هو قدوتي وحبيبي كل ما بقرأ في سيرته ﷺ بانبهر بيه ﷺ حنانه وجماله وعفوه ورحمته *والله أحبه فوق حب المحبين حبا* دايما بأتسائل لو كنت في عصر النبي ﷺ وشوفته كنت هبقي عامل ازاي.. أنا من وأنا صغير اوي وانا متعود أتڪلم مع ربنا كتيير وأقول اني مستحيل اخيب ظن النبي ﷺ فيا انا عايز أقولڪ اني دخلت ڪلية الشرطة دي عشان حبيبي النبي ﷺ.. حابب اوي أموت شهيد وأحشر مع النبي ﷺ في الجنة وأجري له أما أشوفه في الجنة وأقعد أحڪيله عن جهادي في سبيل الله واقوله ان كل دا عشان احشر معڪ يا رسول الله في الجنة.. أنا حابب اوي يكون بيتي وذريتي صالحة زي بيت وذرية النبي ﷺ.. عائشة«بإعجاب بڪلامه جداً لمعت عيناها وهي تسمعه يتحدث عن النبي ﷺ هڪذا لو تتوقع من قبل ان يكون هكذا هو من ظنته يشرب السجائر وأساءت الظن بيه فاليوم هي مبهورة من حديثه ومعجبه بڪلماته وبشخصيته جداً»: جميل.. جمعنا الله به آمين تمام لو عند حضرتڪ سؤال اتفضل انا خلصت؟؟ مصعب «بصعوبة في الحديث»: طيب ممكن لو سمحتي نعمل الرؤية الشرعية؟؟ عائشة «بتعجب»: نعم؟؟ امال. دا ڪله كان اي؟؟ مصعب: لا دا كان تعارف بالكلام بس فين الرؤية انا ما رأتش حاجة لسه 😁 عائشة «فهمت أنه يريد ان يري وجهها»: ايوة فهمت حضرتڪ.. ارفع النقاب يعني؟؟ مصعب: ايوة اذا دا ما يضايقش حضرتك طبعاً عائشة «بتوتر ودموع عادت لعيناها وهي تقول في نفسها»: بس دا ماكنتش اتفاقنا.. ااااااااه مصعب «شعر بنفس عائشة الذي ارتفع أثر القلق»: لا خلاص ما تتوتريش انا مش هجبر حضرتڪ.. عايزة تمام مش عايزة برضو تمام.. بس بصراحة انا جاي عشان الرؤية الشرعية.. مش معقول اقول قراري من غير ما أشوف زوجتي المستقبلية حلوة ولا وحشة.. هههههه 😹 عائشة: لا حلوة ان شاء الله ما تقلقش 😁 «عائشة شعرت أنها تحرجه هڪذا قررت ان ترفع نقابها بسرعة وتضعه ثانية حتي لا تبدي له الرفض بهذا.. فهي ارتاحت له كثيراً يڪفيها أن قدوته رسول الله ﷺ» «فڪّت عائشة عقدة نقابها اخيراً» «نظر لوجهها مصعب وهو يري جمال ونور وجهها تلڪ وعيناها الخضروتان.. فقد ڪانت تمتلڪ عائشة نور في وجهها يملڪه أصحاب قيام الليل » مصعب «بسعادة وهو يري عائشة لأول مرة»: ما شاء الله اللهم بارڪ.. «عائشة وجهها ڪان ڪالطماطم من الخجل وكانت تنظر للأرض فقط وما ان سمعت مصعب يقول هذا حتي همّت بعقد عقدة نقابها ثانية وارتدائه» «عائشة منذ بداية هذه الرؤية الشرعية لم ترفع بصرها علي مصعب بعد.. لانها كانت خجلة جداً.. وهي ترتدي نقابها ثانية رفعت بصرها عليه رأته عن قرب لأول مرة ڪان أيضا ملامحه هاديء ورجولية لم تڪن عيناه خضروتان بل عادية وسعدت جداً عندما رأت أنه يمتلڪ لحية..» عائشة «في نفسها وهي ترتدي نقابها وقد نظرت لمصعب فاليوم يسمح لهما بالنظر ولا يجب عليهما غض البصر فقط اليوم لانها رؤية شرعية»: انا شڪلي هوافق ولا اي 😹،، دا طلع عنده لحية الله أڪبر.. أنا ضعفت يا ناس.. دا انا لو شوفت ان عنده لحية من الاول ما كنتش تجادلت ولا سألته ڪل الأسئلة دا.. ووفقت علي طول 😹😁،، مصعب «شعر بأنا عائشة تنظر إليه وهي سعيدة رفرف قلبه»: لا ما تقلقيش ملتحي وقمور ڪمان 😂 عائشة «في نفسها»: يارباااه عرف ازاي دا اللي بقوله في نفسي؟؟ هههههه 😹 *_اختموا القراءة بالصلاة علي خير الخلق محمداً ﷺ🌸🥹 )""_* * اللـهم صـلِّ وسلـم وبـارڪ علـى سيـدنا مـحمـد"")). * اللـهم صـلِّ وسلـم وبـارڪ علـى سيـدنا مـحمـد"")). * اللـهم صـلِّ وسلـم وبـارڪ علـى سيـدنا مـحمـد"")). * اللـهم صـلِّ وسلـم وبـارڪ علـى سيـدنا مـحمـد"")). * اللـهم صـلِّ وسلـم وبـارڪ علـى سيـدنا مـحمـد"")). 🕊️ ما تروحوش بعيد نڪمل في وقت لاحق أريد فقط دعوة جميلة منڪم 🥺🤲🏻🕊️ > 🕊️ *للڪاتبة: الداعية الشابّة🕊️* ‏عشان تكمل باقي الرواية ادخل القناة وتابع 👇🏼 https://whatsapp.com/channel/0029VajgC6t90x31ffmvze2d رابط صارحني: https://twet.link/hoor2khaled