من عرفتك وانا ما غيرك اشوف - الفصل 13 - بقلم شانيلا - مكتملة | روايتك

أًلُأُمِأًڳّنّ أًلَلِيَ مّرُيّتٌ أِنٌتِ فِيًهِأِ ۶ـأٌيُشّة بّرٌوّحَيّ وَأَبُيٌهٌأٌ بٌسٌ لُڳٌنّ مّأٌ لَقُيٌتُڳَ جَيٌتُ قِبِلٌ أُلٌعَطًرّ يُبُرٌدَ قِبُلّ حِتًى يِذًوَبٌ فٌيَ صَمٌتِيَ أًلَڳَلِأِمُ وٌأَحِتُرِيِتٌڳِ ڳّنًتُ أَظِنّ أَلِرٌيَحّ جَأَبّتّ عَطّرُڳَ يًسَلّمً عٌلَيً ڳّنَتً أًظّنّ أُلُشًوِقّ جِأَبًڳَ تِجِلِسَ بُـ جّنُبِيُ شًۇۈۉيَ ڳًنِتً وَڳًنَتَ أِظِنٌ وّخُأِبُ ظَنُيٌ مُأَ بُقِى بًأِلِعُمَرٌ شًيَ وٌأٌحِتّرَيّتُڳً (البارت الثالث عشر ) \ كانوا هو وخالد واحد رايح واحد جاي في الممر ومنال ومرت عمهم كانوا واقفين . كلهم كانوا في الطوارئ وكانوا مغطين سرير عمهم بالستارة والدكاترة مانعينهم من الدخول .الين ما خرج الدكتور وراحوا له خالد وناصر وعلق الدكتور "انتوا عياله .علقوا الاثنين "أي . ورد ناصر علق بتوتر لان وجه الدكتور ما عجبه "عسى ما شر يا دكتور ؟ "ما شر ان شالله بس انتوا عندكم فكرة عن وضع الوالد . علق خالد بسرعة "أي هو عنده انسداد في واحد من الشرايين وسوى دعامات قبل سنة ونص . طالعه الدكتور وعلق "امم تعرف وش الادوية الي يستخدمها ؟ "أي اعرف بس علمني هو وش في الحين ؟ "هو الحين في حالة اجهاد او تقدر تقول ضغط . هو زعل او شي .سكتوا الاثنين وطالعوا في بعض وعلق ناصر "طيب وش بتسون الحين ؟ "نبي ندخله العناية وباكر بنسوي له قسطرة للقلب عشان نشوف الشرايين .. صحى حمد ثاني يوم بعد ما نقلوا غرفة .ولقى نواف وخالد الي كانوا واقفين فوق راسه .انصدم من نظرات الخوف الي في عيونهم وعلق نواف وهو يحط يده على راس عمه "عمي شلونك الحين . حمد الي استغرب ها الحنان وحس ان حلقه ناشف وعلق بصوت مبحوح "ابي ماي . علق خالد "عمي ما نقدر نعطيك ماي عشان القسطرة بس اصبر ساعة . انتبه لنواف الي جاب منديل في ماي بارد ومسح وجه عمه ومسح شفايفه .وعلق نواف لما شاف خالد خرج "عمي تكفى سامحني انا عارف ان هذا كله بسبتي انا و اخواني , عمه طالعه بعيون ملاينة دموع وفكر انه طاح من كثر ما حس انه ظلم عيال اخوه ,والحين نواف يقولي سامحني انتبه لفيصل وخالد وموضي الي دخلوا بلهفة وسلموا عليه وجلست موضي ع الكرسي تبكي وعلق حمد بنفس مكسورة "ما فيني شي و انا اخوك لا تبكين وانتبه لناصر الي جاء وسلم على راسه وعلق بلهفة ما تختلف عن نواف وخالد "خطاك السواء يا عم . "هلا ولدي . انتبه للدكتور الي دخل وطمنه ان كل اوضاعه بخير. وان كل الي صار من الزعل الزايد قام ناصر يفكر ان عمه زعلان عشانه جالس يأجل زواج بنته . انتبهوا للي دقت الباب ودخلت وكانت عنود دخلت سلمت على ابوها وناصر يطالعها بحقد مقدر يخفيه دخلت الغرفة ووراها وحدة متغطية وظنو انها منال كشفت وجهها انصدم لما شاف عذاري وفكر شلون قدرت تجي عقب الي سمعته طالع في ملامحه الي كان يغطيها البرود وكأنها مغصوبة ع الجية سلمت على عمها الي لم شافها حس بتأنيب الضمير.وحس ان قلبه بدا يوجعه من جديد , علقت عذاري " ماتشوف شر ياعمي و وخرت عن عمه وهي مافي في قلبه أي شفقة عليه وجات من بعد اصرار من عمته واخوانها الي غصبوها تجي بالقوة . حمد الي طالع الغرفة وسأل عنود الي كانت قريب منه . "وين امك واختك ؟ "يبى هم كانوا طول الليل معك وبعد ماتطمنو عليك ردو ينامون شوي . هز راسه اما عذاري الي ظلت تطالع عنود بوجه خالي من كل المشاعر وفكرت انتي ماتعرفيني ياعنود انا ماحب احد يخذ مني شي دامك بديتي تحملي ناصر الي كان مندمج مع كلام عمته الي كانت تكلام الجميع ولم خلصت .تكلمت عذاري "يلا ناصر ولدي لحاله عند الخادمة ناصر الي انصدم انها طلبت منه كل الغرفة طالعتها وهي مستغربة استرق نظرة لعمه حمد الي ماكان في وجه أي ملامح ناصر الي قام وكأنه ماصار بينهم أي شي و هز راسه بالايجاب واستاذن وطلع قامت عذاري سلمت على عمها .وتغطت وخرجت وراء ناصر . طلعت السيارة وقعدت وطلع وهو يفكر بجدية انه لازم يقدم الملكة "متى بتملك ؟ انصدم من هالسئوال وحس انها تعرف أي شي يدور في باله .وسكت ومارد .وعلقت بنفس الهدوء "ناصر لازم نتفاهم في وضعنا .شال راسه وهو يفكر ان كلامها بالفعل صح. وعلق "معك حق . .. قعد في الصالة وهو ينتظر عذاري تجيب القهوة وولده نايم يمه ع الكنبه شاف عذاري الي كانت جاية وهي لابسه فستان اسود و فاكه شعرها تنهد وهو يحبس انفسه من شكلها المغري .حطت القهوة وهي تقعد وعلقت وهي تصب القهوة " اي متى بتملك ؟ كانت تتكلم وهي خايفة وهي عارفة ان هذه النهاية بينهم .علق وهي تمنع دموعها . "قريب . حست ان الكلام يطعنها وحاولت تتحمل "والطلاق ؟ طالعها بغضب وعلقت بعصبية "لا تطالعني به النظرة انت شايف الي صار لعمي . شال راسه بعصبية . "ليش مصرة ع الطلاق "انا ماقبل انه يكون علي ثانية ومو أي وحده هذه الي دمرت حياتي وبعدين لا تنسى ان عمي حالف انك تطلقني . "عذاري حرام عليك و هال ولد "ما بيضره شي "عذاري ما عرفت فيك هالانا نية "تعلمتها منك لم انهيت قصه كنت احيها معك بدون ماتكلف نفسك انك تسالني الي صار صح ولا خطاء "عذاري انا بشر ....... سكتت وهي تحاول تمنع دموعها " وانا بعد بشر. الاهانات الي سمعتها منك ليلة زواجي و اسبوع العسل . شلون امحيها . سكت وهو يطالع الدموع الي في عينها وحس و لأول مرة انه ما يقدر يغصبها على شي وعلق " ما سويت أي شي يشفع انك تقعدين معي ولا حتى كلمة . فكرت انه ما يحتاج انه يسوي أي شي يكفيه انه على كل الي سوه فيني قلبي الخاين للحين يحبه انا بعد بشر . كل من يشوفك المثالي لكن انا شفت عيوبك كلها . شي سهل ان الناس تحب الكامل لكن الي كله اخطاء وعيوب صعب حبه رغم عيوبك رغم كل الي صار للحين احبك ..... كان يحسها تفكر بشي ويحس انها تكذب وهي تتكلم بنفس الكبرياء " وش الفرق وافقت ولا ما وفقت خلص عماني تدخلوا في الموضوع . ناصر الي شال راسه بيأس وقام وقف وعلق " عذاري لا تكابرين وتنهين كل شي خلينا نحاول عندنا ولد يستحق اننا نفكر فيه . صدت عنه وعلقت "هذا الي عندي انا معاد اقدر استمر معك. كل من شايف كرهك لي شفت عمي ذاك اليوم وش قال. بنات عمي يطالعون ويحكون علي ليش خطب عليك في شهر العسل انتي وش مسوية. خلص ناصر انا تعبت من كثر ما برر لك وتعبت من نظارات الوم .انت حتى لم عرفت الي صار بعدك مثل منت مختلف فيك أي شي و لاختلف موقفك . وقف يطالعها بيأس مو قادر يقول لها ع الحقيقة وهو يزفر انفاسه بتعب .وعلق "يعني طلب الطلاق بس عشان تحاسبيني ع الماضي .. "لا ليش احسبك على مراهقة غبية . تكلمت وهي ما تدري شلون كانت ماسكة نفسها تحس انها شوي وتنفجر..سكت وحس بجرح الكلمة الي قالها لها من قبل طالعها وعلق قبل لا يمشي "اسف على كل الي صار . عذاري طالعته مذهولة وطاحت دموعها وعلقت بصوت مبحوح "اســـــــــــف ! كل ها الي صار و اســـــــــف! هذا الي طلع معك . شال راسه عنها بألم وعض على شفايفه بقهر وحس فيها قامت بعصبية وعلقت وهي تقرب منه "كلامك القاسي وزواجك من شوق وزواج الاهانة الي تزوجته وخطبتك لعنود و الطق الي طقتني ايه و اســــــــــــــــــــــف . طالع فيها وهي تقرب وشال راسه بألم عنها .علق بعصبية "قولي وش تبين اسوي و انا اسويه غير الطلاق طالعته ونفك حصار دموعها وطاحت غصب عنها وعلقت بضيم "رد كل الي راح حبنا و انت وليلة زواجي وشهر العسل والغي زواجك من شوق والغي خطبة العنود رد يوم من الايام الي عشقنا فيها بعضنا لو يوم من الايام الي كنت اشوفك شخص عادي بحياتي . .كانت تتكلم ودموعها تطيح وهي منهارة من داخلها. ناصر الي تألم على هال كلام وعظ شفايفه بعصبية وهو يتلفت بقهر .راح جلس عال مقعد وهو مهموم وعلق "لا تعنين القلب يكفيه ما فيه . "انت اقسى شخص شفته في حياتي حتى في حنانك قاسي حتى و انت نايم حتى لم تلعب ولدك منين جبته ها القسوة لا امك ولا ابوك قاسين . طالعها بضيق واضح وفكر ان كلامها صحيح وفكر ليش تتعلق فيه وهو ماسوى أي شي قام طالعها وطالع ولده وسمعها وكأنها تكلم نفسها وهي رايحة لولدها . الي التفت لها بيأس ومسك ايدها وعلق "هذا اخار حكي عندك ؟ عذاري الي سحبت ايدها منه و شالت ولدها وقعدت تهز فيه ودموعها تنزل "اي خلي كلن في دربه يروح ونرتاح . .ناصر كان يسمع هال الكلام وشافها اخذت ولدها وطلعت غرفتها .وقف يطالع المكان وهو عارف ان هذه النهاية بينهم وانتبه لخالد و ابوه الي دخلوا وعلق ابوه وهو عاقد حواجبه "الحقني ع المجلس .لحق ابوه وخالد وهو عارف الموضوع مسبقاٌ وعلق ابوه بعصبية "متى بتطلق ؟ شال راسه وهو يحس انه بينفجر وعلق بعصبية "يبى عذاري وصية عمي جاسم لي . ابوه وخالد الي نصدموا من هال خبر وعلق ابوه بنفس العصبية "انت عبالك انا ماعرف انا عارف كل شي ولي مخليني مصر ع الطلاق لاني عارف هذه امانه وسويت فيها .... "يبى شسويت خطبت عليها . "أي ولا انت منت شايف هذا ذنب ؟ ناصر الي كان ماسك نفسه و ما يبي يقولهم ع الحقيقة خصوصاُ وعمه به الظروف هز راسه بصبر وعلق "وش تامرون فيه علق ابوه بغضب "طلقها . ناصر الي طالع خالد الي كان ابد مو راضي علق "خالد انت موافق . "مافي قول بعد قول عمي. وتنهد خالد وكأنه مو راضي علق ناصر بعصبية "في ناس يتمنون طلاق بنتهم . ابوه الي عقد حواجبه بشده "همهم ما شافوا الي يعجبهم منك . "خالد انت شفتني ما ريحت اختك انا خطبت عليها بس ما ذليتها نادها وسألها ان كان قصرت عليها بشي حتى الوظيفة كانت رافضها بس خليتها . خالد الي كان ماسك نفسه قام ونادى عذاري وهو ما يبيها تطلق .دخل الغرفة ولقها تبكي وعلق وهو يترجها "تكفين يا خيتي والله الرجال شاريك و مايبي الطلاق . عذاري الي مي عارفة وش تبي علقت "والله مو داري عني و اللحين بعد تعب عمي بيدللها ويحطها فوق راسها والعذر مرض عمي . "يا خوك انتي تتكلمين عن ناصر الي في طيحة عمي الحين مو هامه احد وبعده متمسك فيك و انتي ما تبكين هال بكي الا انك تبينه نزلي وقولي لعمي انك تبينه . "لا خلص معاد اقدر اعيش معه وفي وحده ثانية بتشاركني فيه مقدر اتحمل الفكرة روح وقولهم ماتبيها عافته النفس . خالد الي خرج من الغرفة بانفعال . .ناصر الي تنهد بألم .وخرج من البيت بعصبية ووقف وطالع نور غرفتها المفتوح والكرسي الي كان دايم يقعد يدخن عليه عشان يشوف غرفتها . ومشى بضياع ..... الهَوَىْ كَآنْه مَ هُوْ حَدّ آلنْخَآعّ . . . . . .لآ تَحّرَىْ مِنْ حَصّآيْلَه ثَمّرَه ! مِنَ يْبِيَعّ آلحُبْ يْسَتَآهِلْ يْبَآعّ . . . . . .وَمَنْ يْحَآوْلَ يْهَجّرْكَ آنْتَ آهَجّرَه إنْكِسَآرَآلقَلْبَ مَ يعني ضَيَآعّ . . . . . .آلضَيْآ آ آ آعّ إنك تَرْدّ وَتْكَسّرَه :/ بعد ستة شهور كانت قاعدة تلبس عشان تروح المدرسة وطالعت في ولدها الي كان يناغي ويلعب .شالته وكانت تلعبه وهي تضحك طالعت ملامحه الي كانت تشبه ابوه كثير وعورها قلبها وفكرت انها اشتقت له من ذاك اليوم معاد شافته مع انه اتصل كذا مرة لكنه رفضت ترد عليه حتى انه كان كل اسبوع يجي ويشوف ولده ويجيب لهم كل احتياجاتهم ويمشي بس الاهم من ذا كله انه رافض يطلق للحين وهاشي مريحها . طالعت الساعة وحست انها تأخرت اخذت ولدها ونيمته عند عمتها موضي ووصت الخادمة عليه وخرجت . طلعت السيارة وتذكرت كل يوم لم كانت تروح مع ناصر ويشغل موسيقى هادية وريحة عطره تمسك في عبايتها تنهدت بألم واضح وهي تحاول تشيل هالا فكار من راسها . وقف قدام المراية وهو يطالع شكله الغريب الهالات تحت عينه زايده لحيته الي بدت تنمو بزيادة ومهملها تذكر لما كانت تحلق له وابتسم بعيون حزينة عطر من عطره وطالع في عطره الي كان لازال موجود ع التسريحة عطر منه في الجو وغمض عيونه واستنشقه وحس انه سكر بس وش بيفيد العطر وصحبه غايب . طالع السرير من نفس المراية وطالع مكانها وتنهد بألم وفكر . لما كانت موجودة كنت حاس بقيمتها عمري ماتجهلتها بس ظنوني ظيعتني . طالع في ثوبه الي كان نضيف مافرق عن ايام عذاري بس الفرق ان ريحتها مي في طالع الساعة وحس انه تأخر طلع السيارة ومشى وهو يحس ان كل شي ماله لون والشوارع الي على كثر الزحام هادية .. كانت قاعدة تراقب الصغار وهو يلعبون وهي حطه ايدها على خدها .وكان واضح عليها الهم رغم انها تكابر تنهدت بحسرة على حالها و قربت منها وهمست "عذاري . التفتت لها بصدمة وبعدين ابتسمت ابتسامة صادقة وحضنوا بعضهم الاثنين وعلقت عذاري وهي تخذ مشاري في حضنها وتلثمه . " حبيبي وحشتني و انتي بعد اشتقت لكم كثير . "يا عمري يا عذاري و انا بعد اشتقت لك كثير شلونك و شلون تروك . ابتسمت عذاري لم تذكرت تركي وعلقت "الحمد الله الحين صاير يسولف. ضحكوا الاثنين.ترددت شوي وردت علقت "ليه ماتزوريني . عمي يجيني كل يوم وعمتي كل اسبوع ؟ سكتت وعلقت بحرج وهي تفرك ايدينها " عذاري تعرفين زوجي يدوب يجيبني عند اهلي حتى عند خالتي ما يرضى .ما يوديني غير ناصر . سكتت وكأنها ضغطت على جرح كانت تبي تسأل يا ترى تزوج اولا مافي احد يجيب لها علومه كل من يسكت لا جاء طاريه وهي بتموت عشان تعرف اخباره . وهي انقطعت عن العائلة تملكت نفسها وعلقت بسرعة "أي ما قلتي لي وش سبب هال زيارة الجميلة ؟ علقت مشاعل بنفس الابتسامة وهي تحس فيها تكابر لا جاء طريه . "جيت ابسجله عندك . عذاري الي طالعته بصدمة وابتسمت وعلقت "يا هلا يا هلا .بس ما تحسينه صغير شوي . "إلا بس ما تدرين اني بصير زميلة لك هني ؟ علقت عذاري بفرح "لا ! مشاعل هزت راسها وهي تضحك وعلقت عذاري بنفس الحماس " واي ماني مصدقة طيب خلصتي كل امورك .... انشغلوا الثنتين مع بعض طول اليوم ولم جاء نهاية اليوم علقت عذاري وهي تلبس عبايتها "شعول مع من بترجعين ؟ سكتت مشاعل وكأنها تذكرت ومسكت جوالها بسرعة "يا ويلي من ناصر قالي اعطني خبر من بدري . سكتت عذاري ومسكت الجوال منها وعلقت "لا تتصلين عليه خلص انا اوصلك معي كل يوم مو من بعد البيت . هزت راسها وعلقت بسرعة " بس خاني ادق عليه اقوله بروح معك . سكتت وهي تحاول تسوي نفسها عادي وفكرت بزوج مشاعل الي رمي كل امورها على ناصر وفكرت كيف كان ناصر يرفض تروح مع أي احد حتى لو كانوا اخوانها . سمعت صوته العميق الي كان طالع وهو قاعد يكلم مشاعل حست وكأنه يستفز مشاعرها وخرت عنها وراحت اخذت مشاري وحست انها تبي تنجن حتى مشاري شكله مثل ناصر .علقت "حلوة الروضة ميشو ؟ كان يكلمها كلام مكسر مو مفهوم وكانت فاهمته .شافت عنود داخلة وما نتبهت لها وحست الدم فار منها ورجعت على وراء عشان ما تشوفها .خافت تحرجها قدام البنات ولا تذلها نصدمت بمشاعل الي عقدت حواجبها تسأول وعلقت "وش فيك ؟ سكتت عذاري والتفتت وشافت عنود دخلت وفكرت هذه وش رجعها مو انا افتكيت منها وارتحت وعلقت مشاعل "اها . يلا مشينا . اومأت عذاري براسها وخرجوا الاثنين ولم طلعوا السيارة علقت عذاري بانفعال "تزوجها ؟ سكتت مشاعل وحست بعصبية عذاري وعلقت "لا بس لبسها خاتم . عذاري حست انها بتموت مسكت مشاعل ايدها وعلقت بتوسل "عذاري ليش تتركينه لها . سكتت عذاري وعلقت بصوت مبحوح "مقدر اتحمل مقدر. قربت منها مشاعل ومسحت على يدها وعلقت بصدق "عذاري ناصر لما تزوج اول مرة ما كان سعيد ولا كان فيه فرحة العريس والحين بعد نفس الشي انتي الوحيدة الي شفته سعيد يوم زواجك وكان يضحك و يسولف . سكتت عذاري وهزت راسه وكأنه ما تبي تصدق " انتي حرمة مثلي يعني لو زوجك سوى هالسوا وش بيكون ردة فعلك ؟ .سكتت مشاعل وفكرت بصدق وعلقت "شوفي هو شي يحرق القلب بس والله ما تركه لها . طالعته عذاري وعلقت وهي عاقدة حواجبه "شلون ماني فاهمة ؟ "والله اقعد في بيتي و اعلقة فيني اكثر خصوصا اذا كان شخصيته قوية وما يرجع في كلامه والله لخليه يرد لي غصب ويلعن الساعة الي فكر يتزوج علي . ضحكت عذاري وعلقت بقهر " كلام. الي رجله في النار مو ....... "من قالك ترى انا جربت هاشي وسكتت . انصدمت عذاري من هال كلام والتفتت له وعلقت "شنو وش قلتي ؟ "الي سمعتيه بس محد درا عن الموضوع وطلقها زياد ورد لي انا وولده . "معقولة انتي يا مشاعل ! طب ليه . "زياد يسافر كثير وتعرفين الرجال .... سكتت عذاري وفكرت بكلامها وترددت .الين ما وصلوا عند بيت عمها فيصل .علقت مشاعل وهي تشيل ولدها الي نام في حضنها "نزلي سلمي على امي .استحت عذاري تقول لا وطالعت الساعة "لا تخافين هو الحين في دوامه و انتي تعرفين دوامه اكثر مني .. عذاري كانت قاعدة وهي مثل المقروصة و خايفة انه يجي في أي لحظة ويشوفها .ام عمها وعمتها الي كانوا طايرين فيها وفرحانين بزيارتها . طالعت الساعة وخافت ان عمتها تفقدها واستأذنت وقامت وهي تسلم على راس عمها وعمتها ووصلتها مشاعل الين الباب وعلقت " فكري في الي قلته لك زين .وترى من تركك صار مو ناصر الي تعرفينه . سكتت عذاري وطالعتها بتسأول وعلقت "ليش وش فيه ؟ "صاير معصب اربع وعشرين ساعة ومهموم ونزل وزنه كثير ويدخن كثير . حزنت عذاري على حاله .وتغطت وهي خارجة .وتمنت لو انها تلتقي فيه لو بالغلط .. فكرت في كلام مشاعل وتذكرت العنود لم دخلت شلون انخشت عنها . عصبت لم تذكرت انه صار يخص العنود . - وحيد? ˛ و آسولف للفضآء صمتي ˛ يجآوبني رمآد آلحلم : يَ آنتي هي? ه آجرمتي ˛ لأنگك حآلم? ب الحيل  ! گم مر? ن?يتگك بس .. تمردتي و تمردتي ♡̷̷̷̷̷̷̷♡̷̷̷̷̷̷̷' ناصر الي كان قاعد عند عمه حمد في مكتبه ويقوله على اخار المستجدات في الشغل .انتبه للباب الي انفتح ودخلت منه عنود لابسه فستان كان كثير مكشوف وقربت وسلمت .رخى راسه بعصبية واستأذن من عمه وهو قايم .وعلقت عنود بزعل واضح "وين رايح انا توي بقعد معك ؟ "مرة ثانية اناشالله . قام لم الاورق وسلم على عمه وخرج .وهو يفكر لهدرجة زال الحيا ماقول غير الله يردك يا عذاري .رد البيت وقعد في بيت الشعر وحس انه يبي ينجن يبيها و عاجز يوصل لها تنهد وهو يدخن سيجارته بعصبية وتذكر كلام مشاعل انها كانت حليانة و انها وصلتها معها كان وده يشوفها وهو راجع البيت .وفكر في عنود بجدية انه بالفعل مو قادر يتقبلها يا ربي ماني قادر حتى عمي ملاحظ اني مابيها مسك جواله وفكر انه يبي يسمع صوتها بس حتى لو قفلت الجوال في وجهه .لكنه تخلى عن الفكرة وهو يحس ان النوم غلبه قام وهو تعبان . دخل غرفته وكالعادة يشم ريحتها كل ما دخل الغرفة بس تجهل هالا حساس وراح ودخل في فرشه ونام .