من عرفتك وانا ما غيرك اشوف - الفصل 11 - بقلم شانيلا - مكتملة | روايتك

البارت الحادي عشر ) مها الي حست انها قاعده تتخيل الي تسمعه وطالعته وهي مصدومة وعلقت "شنو ؟ "الي سمعتيه . "طيب ومنال ؟ "عمي مايبيني. "يعني بتتزوجني بس عشان عمي مايبيك؟ "انتي حبيتيني وانا مريض وراضيتي فيني وعمي رغم عيوبي شاريني بأريك هذه مي اسباب تخليني اخطبك واذا على منال لاتخافين انا ماعدت احبها . قلبي معاد اتعبه بالحب وهالحكي الفاضي . مها الي انصدمت به الكلام وردت علقت بغيض . "وليش ماعدت تحبها ؟ "منال سلبية من مرضت اختفت واتذكرتني قبل شهر بس برأيك شلون اتزوج شخص من اول ازمة اعترضت طريقنا ابتعدت عني ؟ مها الي مو عارفة تحدد موقفها ردت علقت بقلب مكسور "يعني بتتزوجني بدون ماتحبني . "من قال هالحكي انتي وشاطرتك اما تخلني احبك واما تخليني اكرهك عموما اذا انتي مترددة عندك وقت طويل تفكرين اما ترفضين اما توافقين وانا ماخطبتك الا انا شاريك . "يعني مو عشان تنتقم من منال ؟ طالعه بعيون متسعه من الصدمة "انتي من جدك منال هي بنفسها عارفه انه انا وهي مستحيل نلتقي بسبب عمي وبعدين قلت لك فكري معك وقتك وصدقيني انا ماني حقير انا شخص راحت عليه نص حياته وهو مريض والحين يبي يلحق الباقي منه ابجيب عيال ابي العب معهم ابي وحده نتهوش انا وهي ونختلف ونرد نترضى هل الي اطلبه كثير ... مها الي طلعت وهي تفكر في كلام نواف وفكرت انها مفروض تكون ميتة من السعادة مو مكتئبة .كانت قاعدة عند عذاري الي هم هي الثانية ساكتة وتفكر وكان واضح عليها الحزن دخلت عليهم مشاعل بالقهوة وعلقت وهي تطالعهم بغرابة "عسى ماشر طالعوها الثنتين وضحكو وعلقت مها وهي تتصنع الضحكة "شكل عذاري عندها اكتأب مابعد الولادة طالعته عذاري وضحكت "اسم الله علي .. وقعدو يسولفون وكل وحدة تحاول تخفي الي في نفسها قعدت تلعب ولدها بعد مامشو الحريم وتضحك كان الوقت متأخر حتى عمها وعمتها نايمين رفعت عينها تطالع الساعة وهي مستغربة ناصر له فترة يتأخر ماتدري ليش! سمعت صوت الباب ينفتح وينقل بشويش وعرفت انه ناصر عدلت نفسه بسرعة وحطت من كريم معطر كان قريب منها ! استغربت تصرفته هذه وكأنها مراهقة وكأنها نست انها طلبت منه الطلاق . دخل الغرفة بوجه تعبان من السهر وكانت الهلالت تحت عينه مخيفة شكله الحين ذكرها باليوم الي شفته اول مرة في مجلسهم .علق بود لم شاف ولده صاحي "اش عنده صاحي ؟ ابتسمت عذاري وعلقت وهي تطالعه "طول النهار نايم وباليل صاحي . ضحك ناصر وهو يطالعها .وعلق "مايخليكي تنامين . اجبته بالنفي وبشكل طفولي .ضحك ناصر وشاله وقعد يلعبه بحذر ,استرق نظرة لها وشافها تبتسم بتعب .وعلق وهو يرد ولده مكانه "بعدك للحين تبعانة ؟ "للحين بعده ظهري يعورني وحتى رجولي ماني قادرة اقوم واقعد . طالعه ناصر بتعاطف لدرجه حست انه مايبيها تتألم .شالت راسها ماتبي تشوف الي يضعفها اكثر .شافته قايم وهو يعلق "نسيت شي . طالعته عذاري وهو خارج بعيون متسألة وغاب شوي ورد دخل بكيس هدية مرتب .واعطها ايه بوجه مافيه أي معالم .اخذت الكيس وفتحته ولقت هدية مغلفة طالعته من الكيس وناصر قاعد يطالعها فتحت الهدية بحرج من نظارات ناصر لها ولقت علبة صغيرة وفتحتها ولقت في خاتم الماس كان شكله كثير غالي وكثير حلو لبسته على ايدها وابتسمت وهي تطالعها وعلقت بضيق "انا عمري ماجبت لك هدية . طالعها ناصر بتسلية وعلق "أي صح انا الي دايم اجيب وانتي عمرك ماجبتي لي شي . طالعته عذاريي بقهر وشافته وهو يضحك وضربته على رجله بخفة وضحك اكثر وعلق وهو يحاول يتملك نفسه "انشالله تحسين في الايام الجاية وتجيبين لي . .ورد ضحك وعذاري كانت تطالعه والدموع ملي عينها .لكنها تملكت نفسها بسرعة وسكتت .وشالت راسها على يم ناصر كأنه فهم هالحركة وقرب منها وهو يعلق بعيون مثل عيون الصقر "تعوذي من ابليس وشيلي موضوع الطلاق من راسك لواني لو ايش ماصار ماراح اطلق انتي زوجتي وملكي انا وبس . "وعنود ! "عذاري انا لي خمس شهور خاطب عنود عمرك حسيتي اني مهتم فيها اكثر منك او حتى بديتها مرة عليك احلفك بربك جاوبيني ؟ . سكتت عذاري وهي ماتبي تفكر بشي وعلقت بقلب مكسور "ماقدر اعيش معك وبينا عنود انت ماتعرفها وش ممكن تسوي عشان تخذ الي تبي . ناصر الي رخى راسه وهو عارف زين وش ممكن تسوي . عذاري الي استغربت سكوته وطالعت وجهه القريب منها وحست بلهفة انها ودها ترمي نفسها بحضنه لكنها منعت نفسها وهي تغمض عيونها بأخفاء لمشاعرها .سمعته يعلق "ابي انام هني الليلة . استغربت طلبه لان الغرفة الي كانت نايمه فيها ماكان فيها غير سرير مفرد وسرير الصغير يمها وعلقت "وين بتنام بالضبط .؟ "عندك على نفس السرير ؟ طالعها وانتظر ردة فعلها الي انصدم لم شافها تضحك وضحك بدون مايدري عن نفسه. "ليش تضحكين ؟ "بس تخيلت عمتي داخلة الغرفة وتشوفك نايم عندي . ناصر الي علق وهو يضحك "وش تبي تسوي ؟ "مايصير تنام عندي انا بعدني بالاربعين جيب لك فراش وافرشه ع الارض . "على الارض على الارض ولا انام بروحي . "راح تنزعج ولدك بس يبكي . "ليش انتي امه بروحك انا بعد ابوه وملزوم اني انزعج مثلك . عذاري الي طلعته وضحكت وشافته وهو يضحك وهو قايم عشان يجيب فراشه . انصدمت لطيفة لم دخلت غرفة عذاري ولقت ناصر فارش فراشه ونايم ع الارض راحت لعنده وطالعته بضيق وصحته عشان يروح طالعته وهو رايح لغرفته بكسل .وتنهدت بضيق على حال ولدها . .... نواف الي كان في جالس في حديقة بيتهم وهو سعيد كان له يومين خارج من المستشفى .كانوا متجمعين على طاولة الفطور وانتبه لرسالة الجوال الي كانت من مها "انا موافقة " ابتسم بسعادة وعلق وهو رافع راسه "عمتي انا قررت اخطب . خالد وعمته الي تهللت اساريرهم بالسعادة علقت موضي "أي ياولدي هذه العلوم الزينة ومنهي ذي الي تبينا نخطبها لك . خالد الي كان مستمع للحوار بابتسامة نواف الي رد علق "مها بنت عمي خالد شاف سكوت عمته وخالد لكن خالد تدراك الوضع وعلق بسرعة "مافييها شي البنت وعمي خالد شروة . نواف الي علق بجدية "عمي خالد السبب الرئيسي الي خلني ابيها لانها صراحة كثير يحترمني وكذا مرة فهمت منه انه يتشرف فيني . موضي الي ابتسمت وعلقت "مادام هذه علومه يستاهل نخطب البنت .خالد يومة كلم عمك فيصل وقوله وخله هو يقول لحمد . "حاضر عمتي . اجتمعو عمامه ماعادا حمد طبعأ الي الجميع استغرب منه عند بيت عمه خالد الي كان مايدري عن سبب الزيارة. . ناصر كان قاعد قرب نواف وهو سعيد لنواف ومتضيق من وجود جاسم .علق عمه فيصل "اكيد انك متفاجي لزيارتنا كلنا لك ياخالد . علق خالد وهو يضحك "وانا اخوك هذه الساعة المباركة بدخلتكم بيتي . فيصل الي رد علق "والله حنا اليوم جاينك نبي نخطب مها لنواف . خالد الي تهللت اساريره بالسعادة وعلق "هذه الساعة المباركة وانا اخوك انا وين القى رجل مثل نواف يصون بنتي ويحافظ عليها .ترى مها لك من غير ماشورها . علقت موضي بزعل "لا وان اختك شاورها وخذو وقتكم يمكن البنت عندها طلبات او ....... "وانا اخوك من غير ماشاورها من يشاور في نواف هذا يكفيه انه ولد جاسم . نواف الي ابتسم وعلق "مشكور ياعمي انشالله اكون عند حسن ظنك فيني وانا جاهز بالي تمرون فيه . ناصر وخالد الي ابتسمو وقام ناصر يبارك لنواف . "مبروك يانواف والله وصرت عوائل .. قامو كلهم يضحكون ويباركون له . ..... خالد الي كان مقهور من عمه حمد الي حتى خطبة نواف ماحضرها . وفكر بجدية وش راح يسوي . كان قاعد في مكتبه وقام وراح لمكتب عمه حمد لأنه عارف ان هالحزة اجتمع أعمامه .دق الباب ودخل .ودار بعيونه و لقهم كلهم قاعدين حتى ناصر وجاسم كانوا موجودين .علق عمه فيصل "علامك يا خالد عسى ما شر و انا عمك ؟ طالعه خالد بتفكير وعلق "ابد ما شر . ام عمه حمد الي كان يطالعه بنص عين علق "الايام الي كنت غايب فيها تراكم عليك الشغل بدل ما تقعد روح خلص شغلك .ضحك خالد بسخرية وشرب القهوة الي صبها له ناصر ورد علق "وش شغلة جاسم وناصر ما يخلصون الشغل . كل الموجودين استغربوا طريقة النقاش وعلق حمد بنفس الاسلوب "هال هرج جديد يا ولد ... "طبعاٌ انت متعود على سمعاٌ وطاعة . حمد الي كشر وعلق " تأدب و انت تكلمني يا ولد "طول عمري متأدب وش خذت غير قل التقدير لي و لآخوني. "هال هرج مو لي يا ولد ! "لا عاد تقول ولد انا رجال يا عم والشيب بداء يطلع مو من الكبر من الي تسويه فيني. حمد الي عصب " وش سويت ف.. "تعوذوا من ابليس يا جماعة . (تدخل فيصل) حمد الي عصب اكثر وعلق "منت سمعه شي يقول "ما عليه هو معصب شوي بس .. تدخل خالد بغضب يشبه غضب عمه "لا انا ماني معصب انا كنت نايم طول عمري والحين صحيت . "قول يولد اشوف النفس ملاينة هذا كله عشان ما جيت لإخوانك ولحضرت خطبة نواف ؟ طالعه خالد وابتسم بسخرية وعلق "لا يا عم انا ماني تافه لهدرجة .انا بس جاي ابي انهي التفويض الي بينا عشان ابي اخذ حقي انا وخواني وقف عمه بغضب ووقفوا باقي أعمامه يطالعونه باستغراب ام خالد الي ما تحرك فيه ساكن وعلق عمه خالد بغضب "خالد يوبى شفيك وش صار لك ؟ تدخل حمد بعصبية "اطلع برا المكتب ولم يرد لك عقلك ارجع . خلص شغلك. بسوي نفسي ما سمعت . خالد الي كان مثل ماهو وعلق وهو واقف "قلت ابي حقي انا و اخواني واعتقد هذا شي ما يزعل . فيصل الي عقد حواجبه وبينه وبين نفسه ماستغرب كان متوقع ان ها اليوم بيجي بس ما توقعه قريب به الشكل علق بصدر مهموم "اقعد يا حمد خن نتفهم اقعد يا جاسم اقصد يا خالد اقعد الله يرحم الي جابك . قام ناصر وطالع في جاسم انهم يخرجون وقام جاسم بنظرة الي ما يبي يطيع بس انه خاف من ابوه .وخرجوا الاثنين من المكتب وكلن راح لمكتبه وقف جاسم يطالع ناصر بعيون حقد وفكر انه وده يذبح هال ادمي عشان يخذ عذاري . نواف وموضي قعدوا يطالعون خالد المبتسم ابتسامة نصر علق نواف بحيرة "ابي افهم شلون ؟ طالعه خالد بابتسامة وهو يعلق " ولاشي قلت له ابي انهي التفويض الي بينا وانهه ويصير يا حبيبي انا ويك الشركة الثانية لنا بروحنا و عذاري معنا . نواف حس انه يبي ينجن ورد علق بحيرة "أي عاد شلون لنا بروحنا حنا اصلان لنا حق . خالد الي طالع اخوه بتعجب وعلق "انت ما تدري ان عمامي لهم النص وحنا لنا النص.. موضي الي نكست راسها بضيق علي صار بس ما يلمون طول عمرهم يخذون اقل من حقهم ويتعاملون بتهميش حقهم يخذون حق ابوهم الله يسامحك يا حمد . "وشلون لهم النص ولنا النص ابوي ماتوفى بعد ماتأسست هالشركة ؟ "لا يانواف ابوي هو الي مأسس هالشركة ؟ نواف الي حس انه يبي ينجن وعلق بقهر "يعني حنا طول هال سنين وحنا نشتغل عند عمي طلعنا اصحاب حلال مثلنا مثل جاسم وناصر . هز خالد راسه بضيق وعلق نواف بنفس العصبية "و انت من متى تدري و ساكت ؟ " من سنين اعرف بس كنت اقول هذيل اعامي و الظفر ما يطلع من الحم . نواف الي العبره خنقته "يعني هال بيت الي عمي مفهمنا انه منه وها لسيارات الي كأنه صدقة كلها من حلالنا . موضي الي طالعتهم بصدمة معقول حمد يسوي ذا كله . " و انت ساكت راضي اننا نتعامل هال معاملة و اختك الي كأنهم متصدقين عليها بناصر و هذاك بعد...... خالد انت شنو . خالد الي انصدم من حالة نواف ووقف وهو يحاول انه يهدي اخوه وعلق "نواف خلص ان اخذت لكم حقكم ومن.. "بعد شنو بعد ما كنت اظن اني اقل واحد وحتى بنات عمي مقدر افكر فيهم اقول ماني من مستواهم حرام عليك والله حرام عليك . خالد وموضي الي شافوا نواف راح لغرفته بصعوبة ولبس ثوبه وخرج وهو يتكي على عكاز وكان يتنفس بصعوبة وراحو الاثنين واعترضوا طريقه وعلقت عمته بخوف " وين رايح يومة . طالعه نواف بعيون تشبه عيون الافعى وعلق "انتي كنتي تدرين يا عمة . موضي الي علقت بصدق "انا كنت اظن انه بيعدل ما هقيته انه بيسوي ذا كله . رد طالعها وفي عيونه رجاء "لـــــيش يا عمة ليش سوى ذا كله مو معقول يكرهنا بدون سبب . عمته الي نكست راسها و وضحت انها ما تبي ترد .هز راسه وكأنه فهم خرج وخالد وراه يسأله وين بيروح لكن نواف ما هتم ونادى السايق عشان يوصله بيت عمه فيصل .ناصر الي كان قاعد بصمت مع اعمامه وفكر بالي صار معقول عيال عمي لهم النص ويتعاملون هال معاملة حنا طول عمرنا فاهمين ان عمي مات قبل لتتأسس الشركة. اثاري عمي له النص طالع عمه حمد الي اول مرة يحس انه يخاف من هال شخص.انتبه لنواف الي دخل بعكازه قام ناصر وهو كان عارف ان هاشي بيصير وقف طالع نواف الي عمره ما شفه به الغضب علق عمه خالد الي كان يبي يتدارك الموضوع " هلا نواف هلا ب..... "جيت اسلم عليك يا عم قلت دامه ما سلم علي ولا باركلي انا اجيه هو مهم كان مقام ابوي الله يرحمه الي ابوي تركنا امانه عنده ووصنا نسمع كلامه . حمد الي كان يحس انه بينجلط وهو يسمع كلام نواف .الي كان واقف وبه الحظة بالذات حسه يشبه ابوه بشموخه وهيبته حتى وهو تعبان رد علق نواف بنفس العصبية " ليش يا عم ليش قعدت تعملنا هال معاملة طول هال سنين ليش حسستنا انه حنا عايشين على صدقتكم و مخلي ناصر يمسك ادارة الشركة و انا ماسك مكتب موظف عادي و انا الي شايل كل الشغل و حسبلي مسوين فينا اجر و خالد م مسكتوه الحسابات قمنا نبوس ايدينا قفا وظهر ولا كله كوم ولم جاسم جاب وظيفة لعذاري .بس قولوا لي شلون نطلع من جزكم صراحة ما قصرتوا الله يعطيكم الاجر اناشالله . طالع ناصر بنص عين ورد علق " والعملية الي تكلف مبالغ شايدة والي كانت على حساب الشركة يعني ما عرف اش اقول والله لا والصدقة الكبيرة يوم ناصر تكرم علينا وخطب عذاري هال بنت الي انا وخالد شايلين همها انا معاشي ما ضمنه له بعد ما موت وخالد يدوب معاشه لولده ومرته قلنا جاء الفرج ولد عمي صديقي مستحيل يخلني اشيل همها قام وش وسوى خطب عليها وكأنه ما يقدر يكمل وضعه الاجتماعي معها لأنها مي من مستواه قام خطب عليها في شهر العسل وعمي عطاه . والتفت لعمه بنظرة تشبه نظرة الذيب . "ولا اقول القصة الي عرفتها توي . حمد الي وقف وأول مرة يحس انه توتر وعلق "وش تبي يولد ... عذاري الي كانوا اعمامه قاعدين في الصالة وسمعت كل الكلام الي دار وما نتبهت إلا نواف الي كان يصارخ "عـــــــــــــذاري ... راحت تجري ونزلت الدرج بصعوبة وهي ماسكة و لدها . دخلت المجلس وهي خايفة وطالعت في ناصر الي كان يطالعها وكأنه خايف عليها راحت ووفقت قدام نواف وعلقت بخوف ما تدري ليش اول مرة تخاف من نواف . "وش في ؟ . "شيلي قشك ولحقني معاد لك مكان هني . عذاري الي طالعت نواف بغباء والتفت لناصر الي نظرته كانت نفس نظرتها وعلق بعد ما تملك نفسه بهدوء " ليش تبي تخذها ؟ طالعه نواف بغضب وتقدم منه بعصبية " بعد كل الي صار تسأل ليش ! ناصر الي حس نفسه ما يبي يفهم شي وعلق بغضب اكبر " و انا و اختك اش دخلنا بمشكلكم . نواف الي كان وده يضرب ناصر لكن عمه فيصل دخل بينهم وهو يهديهم " وش صار لكم تعوذوا من ابليس. ناصر الي عصب وهو يطالع عذاري الي كانت كأنه تستجديه "يوبى سامع وش يقول يبي يخذها لعب بزران هو . التفت فيصل لولده بنظرة وعيد "خلاص خليها تروح نواف صادق انت عنيتها كثير. عذاري الي طاحت دموعها .وعلقت "حتى انت يا عمي ما تبيني . التفت فيصل لعذاري وراح لها بحنان اب وعلق "خلاص يا بنتي مو انتي الي تبين الطلاق من اول ؟ و انا بعد ما بيك معه. ناصر عنكي كثير ابيك ترتاحين خلاص اصلان حتى لم يطالعك .يطالعك بتهديد انتو ما بينكم حياة طبيعية . ناصر الي حس انه بيطق فيه عرق وهو يسمع هال كلام انتبه لعذاري الي علقت بدافع عنه "هو كذا يطالع مو قصده شي . التفت لها نواف بعصبية " يعني وش تبين بالضبط . عذاري الي فقدت اعصابه بعد وعلقت بصوت عالي " لا تهينونه قدامي وخلوا يطلق براحته بس لا تعيبون فيه هذا ناصر صاحبك و ابو ولدي طالعها نواف بعصبية وعلق "يانا .. "انا بروح معك بس ماله داعي الي صار ذا كله . ناصر الي حس ان اعصابه فلتت وراح ومسك ايدها بأقوى ما عنده وعلق بصوت عالي "والله منتي متحركة من هني . نواف الي ثارت ثيرته وعلق بصوت مبحوح "تعوذ من ابليس وطلقها بال... "انا قلت زوجتي مي متحركة مني تدخل عمه حمد "و انا قلت خلها تروح وتفكنا. عذاري الي وقفت تطالع المشهد وولدها يبكي في ايدها ومي قادرة تهزه وناصر ماسك ايدها علق بصوت عالي "و انا قلت لأحد يتدخل والله بعالي سماه محد بيحركها مني. ابوه الي زدت حدته وعلق " ناصر هذا امر ... ناصر الي حس نفسه ما عاد يشوف وقف في وجه ابوه وعلق بصوت عالي " ما راح اطلقها لو مادري اش يصير فيكم. عذاري انتبهت لأيد عمها الي ارتفعت على ناصر لكن عذاري صرخت ووقفت بينهم وهي تبكي وعلقت "لا يا عمي لا تكـــــــــــــفى . فيصل الي كان يطالع في وجه ولده بقهر وكان يتنفس بصعوبه .وناصر الي كان يطالع في ابوه وهو عاقد حواجبه من الصدمة علق بهدوء "تبي تضربني يوبى "واكسر راسك بعد دامك ما تطيعني . "يوبى هذه امانة في رقبتي و انا ما عندي استعداد افرط فيها "أي من موصيك قولي ؟ .ناصر الي قعد يطالع في ابوه ومقدر يكشف السر قدامها ورد ابوه علق وهو عارف انه ما راح يرد " اذا مطلقتها ما راح ارضى عليك لا دنيا و لا اخرة . ناصر الي فك ايدها وطاحت دموع عذاري اكثر وطالع الارض بقهر وشافها من طرف عيونه وهي رايحة تجري لغرفتها وهي تبكي ورفع راسه في نواف الي اول مرة في حياته يكرهه . سمع نواف الي كأنه هدا وهو طالع يعلق "تبي تشوف ولدك تعال كل يوم محد بي ردك وصدر البيت لك و.... .نواف مانتبه لنفسه الي وهو طايح في الارض من طراق ناصر الي رمه بالارض الي طالع فيه بكره علق بفحيح " ليتك مت ولا سويت العملية ليتك تميت على حالك . طالعه نواف بسخرية وعلق "تبي تذل فيها طول عمرك ! طالعه ناصر بغيض واضح وعلق "اناشالله اشوفك بحال اخس من حالي . تجاهله نواف وقومه عمه خالد بضيق وهو يطالع ناصر قام نواف وهو متألم للي صار لكن خلاص لازم يرد اعتبار اخته . عذاري الي لملمت اغراضها وهي منهارة من البكي ولبست عبتها و جات الشغالة ونزلت شنطتها و انصدمت في ناصر الي دخل يطالعها بنظرات مقدرت تحددها طالعته وانتظرت انه يعلق لكنه سكت وهو يطالعها وهو مضيق عيونه بتفكير ..... عذاري الي مسكت نفسها وحست انها يئست منه ومن صمته و ما تبي توريه انها ضعيفة شالت راسها وهي تعاند دموعها وشالت ولدها من ع السرير وخرجت وهو كان واقف مكانه وقبل لا تروح ا سمعته يعلق وهي تغطي وجهه بصوت مبحوح من الصراخ " تحملي بروحك . عذاري الي نزلت دموعها سيل ومشت وهي تفكر ان هذه النهاية .... الي قرب منها وهي تمشي ولازالت اثار الصدمة عليه وقف يطالعها و يطالع السيارة ال قاعدة تغيب عن عيونه وتبعد عذاري عنه ... صعب السؤال ليه نفترق !! صعب السؤال وين نلتقي إنتي الجنوب وأنا الشمال .. وما بيننا بحر ورمال لكن نحب والله نحب وفوق الخيال .. صعب السؤال يا اللي اجمل من كلامي عنك وأقرب من سكوتي آه يا طول المسافة بين احساسي وصوتي ما هو غريب إني أسألك و إنتي أنا كيف أوصلك !! لا مستحيل هذا الرحيل من يقطع الصمت الطويل ويدلني بدر بن عبد المحسن)).. حمد الي كان قاعد يصلي اخار اليل وسلم من الصلاة وفكر بالي صار اليوم كان قاعد وشكله مهموم .منال الي كانت قاعدة تراقب ابوها الي من جاء وهو معصب حتى نوم ما نام وقاعد بالصالة .راحت له وقعدت قدامه .وعلقت بصدق "يوبى شفيك ؟ تنهد حمد وهو يطالع بنته الحنونة الي كانت تفهمه علق بتعب " مادري و انا ابوك ! استغربت من ابوها ونبرته الحزينة وعلقت بإلحاح "يوبى ! طالعها وعلق بحزن كبير "ما فيني إلا العافية يوبى روحي نامي . طالعته منال بتشكيك وحست ان ابوها ما يبي يتكلم .قامت وراحت لغرفتها .وهو قعد مكانه يفكر فكر بالي سواه وتذكر اخوه جاسم وتذكر امه و ابوه و شلون كانوا يحبونه ويحترمونه ويعدونه غير مع انه اصغر منه واخذ الهنوف بنت عمي وهو الي جاب العيال وحتى بنته احسن البنات وهو الي اسس الشركة الي خيرنا الحين منها وحتى يوم مات قالي عيالي هديتي لك عدهم عيلك و عذاري بنتك يا موضي هذا كله وهو يبتسم "كانت الدنيا على كيفه . علق به الكلمة بصوت عالي عند اخته موضي الي كانت زايرته في بيته موضي الي ضيقت عيونها بتسأل "منو ذا ؟ تنهد وهو يطالع في الفراغ "جاسم .. انتبه لموضي الي ضاقت عيونها وكأنها تبي تبكي " جاسم كانت الدنيا على كيفه جاسم الي كان يتعب ويشقى وانتو نايمين جاسم الي جاب لكم الشركة باردة مبردة وانتو هم نايمين جاسم الي ما تهنى لا بعياله و لا بماله جاسم الي ضمن مستقبل كل واحد فيكم وعياله جاسم الي اهلك صحته عشان تعيشون جاسم الي تتكلم عنه مات وشبع موت وانتو عايشين و متهنين بخيره مات ما شاف عياله كبروا و لا ماله عالجه من مرضه ,الى متى بتظل بحقدك القديم على اخوك الي مبدآ لك غير الطيب ,حمد الي كان راخي راسه يسمع كلام اخته بنفس مكسورة رفع راسه وعلق بضيق "حتى انتي للحين حاقدة علي . طالعته موضي بغصة بعيونها وشالت راسها على يم وعلق "الظاهر الي انا فيه حوبتك سامحني يا خيتي تكفين . موضي الي كانت تطالع الشباك طاحت دمعتها وفكرت (اسامحك على عمري الي ضيعته وعلى الظنا الي ما حملته ولا على شبابي الي راح . وهذا كله عشان شنو عشانه بس صديق جاسم . وزوجتني الي تبيه الي عنني لأنه عرف بقصتي معه اسامحك على شنو ولا شنو يا حمد .التفتت لأخوها وعلقت " الله الي يسامح و انا اختك مو انا . ................ عذاري الي ضلت تبكي طول اليل وهي تذكر الي صار بكت فراقه وبكت تصغيرهم .لناصر الي محد يسترجي يكسره له كلمة اول من يضيع هيبته نواف ليه يانواف ليه الله يسامحك البارح بس الي حسيت انه يحبني وقام ولدها وكأنه حس باالي صار وشالته وهي تشهق من كثر البكي نواف الي كان قاعد في الصالة وهو يسمع صوتها وهي تبكي وفكر انه بالي سوه اليوم خسر صديق عمره ضغط على شفايفه بألم وهو يتذكر الي صار وفكر في عمه الي اول مرة في حياته يكرهه هالكره وتذكر ابوه لاخر لحظة وهويوصيهم على عمهم طالع صورة ابوه الي كان مبتسم وتألم بشدة وشال راسه على يم يابوي ليتك حيّ وتشوف حالي تشوف وش هو صار من بعد فرقاك صار الوطن بعدك من الناس خالي صار... ( الوطن غربه ) بعد مافقدناك يابوي أنا بعدّك سهير الليالي مقهور من دنيّاي منّا.... ومنّاك ! حدتني الدنيا وأنا راس مالي إني ... عزيز النفس . مثلك وشرواك مافيه شيٍ في حياتي صفالي حتى . الورود . إن جيتها صارت أشواك أطيح واحمولي عليّه إثقالي وأتخيلك مديت لي كف , يمناك بعدّك ولامره ترى إرتاح بالي أصفّق على كفي ندم وآتحراك من ضيقتي ياكّم أصّدق خيالي وأقوم أدوّر عنّك وآقول ب القاك أضيع بالعالم وهمي سؤالي ؟ هو أنت ؟ وينك ؟ ليه ماعاد شفناك ؟ أدري لو إنك حي ياعز غالي يمديك.. تفزع قبل.. ماجيك وانخاك !! ................ .