من عرفتك وانا ما غيرك اشوف - الفصل 10 - بقلم شانيلا - مكتملة | روايتك

أِلُصّمٌتُ فًيَ عَيُنُيّ رّصَيًفَ أًلَنَوُأًيُأً يَأَمُأٌ تّحًرًيّتّ أٌلًأَمَأًنِيِ وِلِأُ جًوٌّ أَلٌوُقًتّ هٌمّسٌة وّأَلّلّيّأٌلًيٌ حِڳّأُيٌأَوٌمّأٌ بّيِنّ بٌأَڳّرِ ۇۈۉأَمٌسّ أِضُحٌڳً عُلًى تِوٌّ نًأًدِيًتً شُبٌأِڳَ أَلًأٌمّلِ وُأَلِزٌۇۈۉأٌيًأً وٌسِأَلِتٌهّمٌ عّنَ ڳَذٌبٌة أِلُضّيّّ وّأُلًضِوَّ عٌمٌرُ أًلّأِلَمٌ مُأٌ يَنّعَڳِسَ بّأًلًمٌرًأِيّأِ ۇۈۉأِلًجّرًحً لُوِ تِمًحّيَهَ أُلًأَيَأٌمً .. هِوُّ / ﮭوّّ نواف صحى وهو مستغرب اهو وينه فيه طالع في المكان الي حوله الي كان كله اجهزة وحس بألم بصدره وتأوه بصوت عالي وانتبه للممرضة الي جات وقفت عنده وهي تبتسم وسألته اذا كان يبي شي . ورد عليها بالنفي وهو يحس بألا لم تزيد انتبه للدكتور الي جاء وقف ومعه كم دكتور و كانوا يطمنونه عن حاله وان العملية نجحت وان حياته بتكون طبيعية بعد اليوم .لكنه ما كان يدري عن اغلب كلامهم لأنه كان بعده مخدر ويرجع يغط في النوم من جديد . "نواف نواف ! فتح عيونه وهو يسمع هال صوت المألوف لا هذا صوت واحد يفديني بحياته فتح عينه ولقى ناصر بوجه مرهق وهالات تحت عيونه ورغم هذا كان فرحان بشدة وقرب منه وهو يسلم على راسه ما يدري ليش نواف دمعت عيونه انتبه لناصر وهو ماسك ايده "عذاري عذاري يا نواف ولدت! . نواف الي نزلت دموعه وسأل بصوت مبحوح "احد كان معها ؟ "أي انا وعمتي . سكت نواف ودمعت عينه اكثر وعلق بصوت مبحوح اكثر "عذاري الصغيرة صار عندها ولد ..إلا عسى ما تعبت ؟ هز ناصر راسه بالنفي .ورد نواف سأله "إلا شلون شكل الصغير لك ولا لها . ابتسم ناصر وعلق بصوت مبحوح "فضحنا هال ولد بكل شي لامه . ابتسم نواف وهو يدمع ومو عارف ليش دموعه قاعدة تطيح غصب عنه .رد طالع ناصر وسأله "خالد وينه . ناصر الي رد عليه بنفس الابتسامة "خالد الله يعينه عليكم ساعة عندك وساعة عندها . ابتسم نواف وعلق "عمي وعمتي وش ردة فعلهم . ضحك ناصر وهو يحكي عن سعادة ابوه و امه الي ما تنوصف .... عذاري الي صحت بعد تعب مرير ومؤلم صحت وعيونها فيها دموع التعب وفكرت وش اخار شي صار فتحت عيونها ودارت بالغرفة وحطت ايدها على بطنها واستوعبت وقامت جلست والدموع بعيونها "يومة ولدي وينه ؟ استوعبت ان عمتها موضي وعمته لطيفة و جواهر كانوا كلهم موجودين .قامت جواهر لعندها وضمتها وهي تبارك لها وسمعت هم كلهم يباركون لها سألت جواهر الي كانت جالسة يمها ع السرير "وين ولدي ؟ ابتسمت لها جواهر وهي تعلق "بعده بالحضانة حبيبتي . هزت راسه وتذكرت نواف وحست بالألم يعصر قلبها شلون نست اخوها ورد سألت جواهر "نواف نواف . ردت عليها عمته موضي "الحمد الله يا بنتي الله نجكم انتو الاثنين . عذاري الي طاحت دموعها وهي تبتسم وشكرت ربها وسمعت صوت خالد الي دخل وهو مبتسم وسمعت صوت ناصر ال كان يمهد لدخوله وقامت جواهر من يمها وتغطت جاء خالد وسلم على راسها ودخل وراء ناصر الي كان معه باقة ورد كبيرة لونها احمر بس كان يطالعها بنظرة غريبة حست انه وقف دهر يطالعها وتطالعه .قرب منها ورخت راسه تمسح دموعه وهي تحس انها كارهتها من التعب الي مرت فيه وانتظرته يحط الورد لكنه حط الورد وقرب منها وضمها بشوق. توترت عذاري من ضمته الي تقول كثير لها طاحت دموعها وهي تشم عطره ما تدري ليش. لكنها انتبهت للموجودين ودفعته عنها بحرج وكره لكن ناصر سلم على راسها وجلس ع الكرسي الي يم السرير وهو يطالعه بنظرات غريبة اول مرة تشوفه يطالعها به الاسلوب بس ما تدري ليش هال مرة تحس انه شكله غير كان وسيم مثل ما هو بس كان شكله تعبان فكرت انه لايق عليه يكون اب وانتبهت للممرضة الي دخلت السرير الي كان في ولدها طاحت دموع عذاري لما شافت ولدها عمرها ما تصورت في يوم انها بتشيل ولدها .من ناصر .طالعت عمتها الي شالته والفرحة ماليتها وقامت اعطته ناصر الي التردد والحذر كان واضح عليه وسمعت عمته تضحك وتعلق "سمي و انا عمتك ولا تسوي مثل خالد الي يوم شال ولده بغى يطيح منه . ضحكوا كلهم .وضحك ناصر وشال ولده بحذر وطالعت في عيونه الي امتلأت بدموع لكنه اختفت بسرعة ورفع عينه و حمدا لله بصوت عالي وقرب من عذاري وحطه في حضنه ومسك ايدها وسلم عليها ورد سلم على راسها .عذاري ما كانت مركزة مع ناصر وكانت تطالع ولدها وهي تدمع ومسحت على شعره الي كان مثل شعر ابوه اسود وكثير وناعم مثل شعرها وطالعت بشرته السمراء الي خذها من ابوه ويدينه الصغيرة الي رفعته لشفايفها وبستها ورفعته لها عشان تشم ريحة شعره وسمعت عمته ام ناصر تعلق "والله يا عذاري يوم اني جبت ناصر كرهت نفسي وكرهته وقعد عمك اسبوع يترجني اطالعه . ابتسمت عذاري لعمتها وسمعت ناصر الي كان جداٌ سعيد وهو يعلق "اشوف اني احب ابوي اكثر منك. ضحكوا كلهم ..علقت عذاري بصوت راخي وهي تطالع في ولدها الي كان يتثوب "من يشوف هال ملاك ويعافه . شافت ناصر الي كان راخي راسه ويطالعها نحرجت وسوت نفسها ما شافته. وعلق بصوت راخي وهو ماسك ايدها "عسى ما تعبتي ؟ طالعته وزمت شفايفها بضيق وانتبهت لعيونه الي كانت تقول كلام اكثر وعلقت بصوت مبحوح "أي شي حلو به الدنيا ما يجي الابعد معاناة وتعب . ابتسم وبانت اسنانه الحادة ورفع ايدها لشفايفه ولثمها . ناصر كان جالس في غرفة نواف الي خوينه في الاستراحة كانوا كلهم عنده و الموظفين الي بالشركة محد نقص منهم كلهم جاو معاد عمه حمد ! كان جالس على طرف السرير ويبتسم على تعليقات الشباب "اقول ناصر حنا من ربكة نواف نسينا نبارك لك بولدك "أي والله صدق مبــــــــــروك "مــــــــبروك "مبـــــــــروك يابو من ؟ .ناصر الي رد عليهم وهو طاير من الفرحة "ابو نــــــــــواف . اغلبهم عارض الاسم "ناصر كأنك تفاول على نواف لما تسمي ولدك عليه .سكت وفكر ورد علق "انا مخذتها من ها المبداء . علق نواف الي كان صابر على الالم "اقول فكنا وغير الاسم . ضحك ناصر والشباب وانتبه للباب الي انفتح ودخل جاسم ومعه كم واحد من الشباب ودخلوا يسلمون ع الموجودين .ا لتفت لنواف وتكلم بصوت راخي "تبيني اخرجه من الغرفة و..... "خله يا بن الحلال وانزل شوف عذاري وجيب لي ولدك خاني اشوفه . ناصر الي طالع جاسم بتردد وهو مو مقتنع وترك خالد وجاسم مع الشباب . ونزل وهو يفكر في كلام نواف خاف انه يطلبه انه يطلقها . لو نواف كان طيب كان راح يطنشه وما راح يخذ كلامه على محمل الجد بس الحين لو طلب منه يطلقها وش راح يسوي ؟ وصل عند باب الغرفة ودق الباب و ما سمع صوت فتح الباب بحذر وتكلم بصوت عالي "عـــــذاري في احد ؟ ما سمع صوت وعقد حواجبه ودخل ولقى عذاري نايمة وما عندها احد والصغير في حضنها استغرب ان ما في احد عندها .قرب منها وهو يهمس "حبيبتي حبيبتي . صحت عذاري وهو تتأوه من التعب وكانت مي قادرة تفتح عيونها من كثر الارهاق .رجع سئل " محد بينام الليلة عندك ؟ علقت عذاري "لا . سكت وعلق "خلص انا .... "لا .... .انصدم من ردة فعلها الغريبة وفكر انه تعبانة ومي منتبه لردة فعلها قام وشال ولده وحطه في سريره و غطاه " تبي تخذه مني ؟ انصدم وهو يلتفت لها بتسأول "عذاري وش فيك؟ وش هال كلام الي قاعدة تقولينه ؟ "متى بتطلقني ؟. سكت وشد شفايفه بعصبية وهو ماسك إيده وكأنه يمنع نفسه من انه يسوي شي .طالعه بوجه يشبه الصنم وشافها تطالعه بكره اول مرة يشوفه بعيونه .علق بصوت هادي "عذاري اهدي وطالعي ولدك تبين تربينه في .. "اربيه لوحدي عند اخواني الي يحترموني واطلع ام مكافحة ومستقلة ولا اربيه عندك و انت ما تحترمني و عنود الي راح تسوي البدع فيني و انت ما تقدر تقولها شي عشان خاطر عمي واطلع ام مغلوب على امرها . سكت وهو يحس انه مو قادر يتحلملها وعلق من تحت اسنانه "طلاق ماني مطلاق لو تطلعين السماء وش تقولين ؟ اعطها ظهرها وكان يبي يخرج لكنها استوقفته "انا لحد الحين احترمك تكفى لا تفقد احترامك عندي . عض على شفايفه بقسوة وعلق قبل لا يخرج من الغرفة "هذا اخار حكي عندي. خرج من الغرفة وهو يحس انه شوي وينفجر من كثر العصبية انتبه لأبوه الي استوقفه رخى راسه ما يبي ابوه يشوف ملامحه المكشرة علق ابوه بحواجب متسائلة " وش فيك عاقد حواجبك ؟ سكت ومارد وشال راسه للجهة الثانية .رد ابوه الي تكلام بضيق "تعال ابيك بموضوع . تبع ابوه للاستراحة و جلسوا وهو شد شفايفه باستفهام .طالعه ابوه بنظرة ازدراء وعلق "اسمع يا ناصر انا عمري ما وقفت بوجهك في اي شي انت تسويه وعمري ما طلبت منك فوق طاقتك . سكت وفكر ان كلامه صحيح وهز راسه بجدية وهو عقد حواجبه بتفكير .رد ابوه كمل كلامه "لكن هال مرة اول مرة راح اطلب منك فوق طاقتك و اقولك طلق عذاري ... ناصر الي رفع حواجبه بصدمة "لا اله إلا الله انتو وشفيكم طلق وطلق.!! "نــــــــــاصر . علق ابوه بغضب اول مرة يكلمه به الطريقة . ناصر الي علق بيأس ما عرفه في نفسه "زين ليش يُبى ؟. سكت فيصل وطالع ولده بغضب " لأنك عنيت ها المسكينة الي تحبك . سكت ورفع حاجب استهزاء "تحبني والله انك ...... "انت المسكين الي ضيعت عمرك عليك بغبأك ! سكت وطالع ابوه الي حسسه انه يعرف شي " وش تقصد يٌبى . "اقصد الي اقصده خلاص طلق هال بنت وترى هذا امر . "يٌبى... "قلت خلاص ... مشى ابوه بغضب وناصر يطالعه بيأس وقف في نص الممر ساعة يلتفت وراه لغرفة عذاري وساعة يلتفت للدرب الي مشى منه ابوه راح وجلس بيأس على كرسي قريب وهو راخي راسه بتفكير .اذا طلاقتها حياتي بتوقف مقدر اطلقها انا مقدر اعيش من غيرها انا .شلون كنت عايش من غيرها ؟ ليش الواحد لما يحس انه بيفقد الشي يشوف كل حسناته يا رب طلبتك لا تبعدها عني و انا اوعدك ما عنيها .انتبه لجواله الي ران بجيبه وشاف رقم نواف .وقام بسرعة واتجه لغرفته . نواف الي كان لازال يحس بعض الالم لكن متألم اكثر لعدم زيارة عمه حمد له ليش دايم يتعمد انه دايم يحسسهم انهم اقل عيال العائلة وطول الوقت يعملهم كأنهم خدم من هم صغار كانت كل العايلة تنزل المزرعة معاد اهو وخالد يمسكون الشركة وحتى مالهم حق بالإجازات و عذاري تتعمل كأنها خادمة هناك ويوم تتزوج يزوج ناصر بنته بس عشان اختي ما تسعد بزواجها .والله يا عم انك قومت الحرب على نفسك اسأل الله انه يقومني سالم غانم وابشر بالي يجيك .انتبه لناصر الي دخل الغرفة وشكله معصب . استغرب نواف وعلق بتعب "عسى ما شر و وين ولدك الي قلت لك جيبه؟ . سكت ناصر وطالعه وكأنه نسى وبعدين علق "يا شيخ نسيت .عموماً انا الليلة بنام عندك .اومأ نواف راسه بالإيجاب وطالعه بتفكير " تهوشت انت و عذاري ؟ سكت ناصر وشال راسه على جهة الثانية .وعلق وهو يمسك دلة القهوة ويصبه في الفنجان "ما في قهوة بعد قهوة عذاري . شرب الفنجان وما استسغ طعمه ورده مكانه .وهو رافع حاجب غير راضي علق " متى مشو الشباب ؟ علق نواف "قبل شوي . إلا عمي كان يدورك شفته . اومأ ناصر بنفس العصبية.وهو يفك غترته ويرميها يمه وفرك راسه بيدينه الثنيتين وعلق بضيق " الحين وش يركد راسي . علق نواف وهو ياشر على دلة ألقهوة "طب شوف ها الدلة امك ارسلتها توها . سكت وطالع الدلة وكأنه منصدم وبعدين قام وصب له فنجان وشرب.وهز راسه و كأنها تمشي الحال وراح قرب الكرسي يم السرير و صب له فنجان ومده له .طالعه نواف وضحك ورد الفنجان بأيده وهو يضحك .وعلق "تعرف لي ثلاث سنين ما شربت القهوة من يوم منعني عنها الدكتور . علق ناصر بضيق "والحين هم بعد ممنوع اقول اشرب بس اشرب خله تركد راسك هي صحيح انها مي مثل قهوة عذاري بس تركد الراس .علق بملل "يا شيخ مقدر اشرب شي قبل ما أسئل الدكتور. طالعه ناصر وهز راسه. انتبهوا للباب الي انفتح ودخل خالد ومعه ولده ودخلت عمته موضي الي كانت معصبة وعلقت "كل ما جيت بجي ردني خالد ولا ناصر عنده ربعه عنده ربعه وربعكم ما يستحون ما يشوفونه تعبان قاعدين عندك من العصر استغفرا لله بس . ضحك نواف وسلم على إيد عمته الي قربت منه وقعدت عال كرسي الي قام عنه ناصر وعبدالله ولد خالد الي كان يطالعه و يبيه يشيله بس مقدر عشان الاجهزة الي على صدره مسح على راسه من بعيد وهو مبتسم وعلق "ماريتو على عذاري ؟ علقت عمته "تركت عندها خدامتي و مشاعل بنت خالة ناصر . هز راسه برضا وهو يطالع في وجه خالد الي كان مو شي طالعه نواف وسئله بالإشارة . خالد الي فهمه وهز راسه وكأنه يقول ما في شي. عذاري الي فتحت عينها وهي لازالت تحس بالألم وطالعت الشباك الي كان الوقت صبح شافت ناصر الي كان قاعد عندها عال كرسي وماسك ولده في حضنه انحرجت عذاري من شكلها وقامت تعدل بشعرها وعلقت بهدؤ "صباح الخير ,علق وهو يطالعها بنظرات استغربتها "يا صباح الورد استغربت عذاري من طريقة كلامه .ابتسم ناصر الي حس بتوترها وقام ورد ولده في السرير عذاري الي استغلت انشغاله وقامت بحذر عشان تروح الحمام وتضبط حالها مشت بحذر وهي تحس بالتعب الين وصلت الحمام ودخلت وقفلت الباب وشافت الشنطة حقتها الي كان فيها كريمتها وعطورها وكل احتيجتها الي طلبت من مرت خالد اخوها ترسلها لها ... خرجت وشافت ناصر كان قاعد وهو ماسك الجريدة .وقاعد عال كنبة الي كانت قدمها طاولة وكان عليه الفطور . قفل الجريدة ووقف يوم شافها وراح ومد لها ايده عشان تستند عليها ترددت لكنه مسك ايده بالقوة ووصلها للكنبة وخلها تجلس بحذر و هدؤوا .وجلس يمها وفتح لها علبة عصير وناولها ايها وعلق بتردد "شلونك اليوم ؟ سكتت عذاري وهي تأخذ العصير منه وعلقت "الحمد الله احسن . هز راسه وصب له قهوة وكان يشرب ويطالعها استغربت عذاري و انحرجت من كثر ما كان يطالعه وسمعته وهو يعلق "إلا وش تبينا نسميه ؟ طالعته عذاري وكأنها مي مستوعبة وش قال وعلقت "شنو ؟ "وش تبينا نسميه ؟ عذاري رخت راسها بتعب وعلقت بلا مبالاة "صراحة انا ما حسبت حساب انه ولد فا عشان كذا ما فكرت بأسماء . وطالعته بتعب .علق ناصر بسرعة "تقومين فراشك . هزت راسها بتعب وقامت وما حست إلا بناصر شالها بخفة وحطه ع السرير عذاري استحت ورخت راسها وانتبهت ان قرب وجلس وقرب منها الين ما صرت بحضنه وضمها بقوة .عذاري الي كانت تحس بالفراغ من البارح وتحس انها بروحها . ضمة ناصر جات بوقتها وبكت بصمت بحضنه وفكرت ان فراقها هي وناصر قريب وتمسكت بحضنه اكثر لما تذكرت انه بيكون لعنود فكرت انها تحبه مهم عناها و انها ما راح تحتمل فراقه فكرت انها تلغي كل الحواجز الي بينهم وتقوله انها تحبه يمكن يلين ما تبي تلوم نفسها انها ما حولت في علاقتهم انتبهت للي داق الباب .ووخر ناصر عن عذاري بهدوء وابتعد عنها عشان ما يحرج الي داخل . عذاري مسحت وجهها بسرعة وحاولت انها تبتسم وشافت عمها وعمتها دخلوا وابتسمت لهم وقام ناصر وباس راس امه و ابوه و شالوا الصغير . عمته الي كانت طايرة فيه وكانت قاعدة تغني لها وتدللاه وعمه الي سحب الكرسي وقعد يمها وعلق "ها وش قررتوا تسمونه ؟ سكتت وطالعت ناصر الي كان يطالعه ويبتسم وعلق "و شرايك تسميه انت يوبى . ابتسمت عذاري وطالعت عمه .سكت عمها وعلق "والله مع انه مو من حقي لكن انا كان ودي اجيب ولد ثاني واسميه تركي على اسم ابوي . سكتوا عذاري وناصر وطالعو بعض وقام ناصر واخذ ولده من امه وراح وده لأبوه وعلق "هاك سماه يوبى .وطالع في عذاري وابتسم. نواف كانوا جايبين له الفطور و الجرايد وكان يقرءا الجريد وهو باله في مكان ثاني فكر بشرود بعمه حمد الي اختلف اختلاف كبير من يوم زواج عذاري وفكر انه قبل لا يتعب كان هو الي شايل كل شي الحين عاد صرت معاد انفعكم طيب والله بتشوف نواف جديد .خصوصاُ مع ازمة الشركة .ابتسم على هال فكرة ورخى راسه وكمل قرية وهو يبتسم .انتبه لخالد الي كان داخل وعاقد النونة وشكله مو تمام ها الايام "سلام . رد وهو يرمي الجريدة ويطالع اخوه باهتمام "وعليكم السلام عسى ما شر ؟. علق خالد وهو يحط الاغراض عال طاولة " ما شر الحمد الله . شوف هذه شوربة سوتها عمتي موضي وهذه قهوة وشاي ارسلتها مرت عمي فيصل تبي شوربة . هز نواف راسه بلا ورد سأله خالد " اصب لك شاي . هز راسه بالإيجاب وهو يعلق "خالد قول اشفيك ؟ خالد مد الشاي لنواف الي اخذه وقعد عال كرسي القريب من السرير وعلق بضيق "يا شيخ ما ادري وش اقول لك ؟ . رفع نواف حواجبه وكأنه يسأل. رد علق خالد الي ابتدت ملامحه تصير حاده "اشريك بالي قاعد يسويه عمي حمد ؟ نواف تنهد بعصبية ورخى راسه .رد علق خالد الي كان واضح انه اتحمل اكثر من اللازم " يعني مقدر يكلف على روحه لو يتصل على الاقل ؟ يا شيخ لا يتصل لو يقول لو بالكذب حمد الله على سلامة اخوك اليوم رحت لعمي فيصل بالمكتب وقعدنا انا ويهم و ما دريت الي جاي وعاقد النونة ويطالعني بنص عين ويقول اختك و اخوك ما يعرفون يوقتون اختك ما حلا لها تولد إلا قبل ملكة بنتي . نواف الي رفع حاجب استهزاء وعلق بسخرية "من جدك انت يمكن قالها بدفاشة كعادته و انت. !... "يا شيخ اقولك ينفخ ويطالعني بنص عين ما دري اش كنا مسوين له ! نواف الي قام يضحك ودموعه غرقت عيونه من كثر الضحك .وسمع خالد الي قام يهوشه "تضحك و انا محروق دمي عليك انت و اختك . نواف الي بداء يحس بالم بصدره وعض على شفايفه وهو يتأوه ويحاول يمنع نفسه من الضحك وعلق بصعوبة "يا شيخ شر البلية ما يضحك . مارد خالد الي كان معصب وكتف ايدنه على صدره علامة الغضب وشال راسه عن اخوه وعلق "احس من جد ان الفراش لها قيمة في الشركة و انا مالي ياخي حسسني انه يتصدق علي ما كأنه ...سكت فجاء وكأنه يخفي شي . سكت نواف وطالع اخوه بتفكير و علق " و شنسوي هذا عمنا ولازم نتحمله . التفت خالد بغضب وعيون يطير منها الشرر "انا ما قبل اني انهان وسط املاكي الشركة الي فرحانين فيها ذي ترى محد قومها غيري هم طول عمرهم مابين سفرات و روحات و جيات و انا الي ضيعت شبابي وقتي وكل مجهودي بعد هذا كله اتعامل به الشكل . نواف الي بداء الخوف يسكنه هو يعرف خالد اذا امتلئ قلبه على احد مستحيل يغفر له .علق بتردد " يا معود هونها تهون . "ابد ماني مهونها وهال مرة خلص طفح الكيل من تصرفاته ولا تسألني وش بسوي .وقام وخرج من الغرفة نواف الي عرف ان خالد بيسوي مشكلة كبيرة .التفت للجوال الي كان يمه عال طاولة بصعوبة ورفعه عشان يتصل على ناصر وانتبه لناصر الي دخل وكانت اساريره متهللة لكنه رفع حواجبه بضيق لما شاف ملامح نواف وعلق بخوف "وش فيك؟ . علق بسرعة "مو انا الي فيني خالد الي فيه تكفى الحقه وعقله ولا تسألني عن شي روح الحقه بسرعة ! ناصر الي طالعه بتردد وخرج بخطوات سريعة .. خالد الي كان خارج والشر بعيونه وحالف انه يدفع عمه ثمن هال سنين كلها .فتح باب السيارة وقعد وشغل المحرك بعصبية وكان بيمشي وانتبه لناصر الي فتح الباب الثاني وجلس طالعه خالد باستغراب وعلق "وشفيك! التفت ناصر له بهدوء وعلق "انت الي وشفيك عسى ما شر ؟ علق خالد بغضب "اه هذا نواف راسلك وراي ؟ ناصر الي عقد حواجبه بتكشيرة "وش المشكلة اخوك خايف عليك و ارسلني اهديك وش فيه وش صاير ؟ سكت خالد وزفر انفاسه بغيض وسكت لفترة وبعدين علق " لو اقعد اشرح لك طول عمري عمرك ما راح تحس بالي راح اقوله او انك تفهم . لاحظ هدوء ناصر الي يوتر وفكر انه لازم يتأنى بالفعل ما ينفع يسوي أي شي قبل يحسبها صح .تنهد بضيق وانتبه لناصر الي فتح باب السيارة وراح وفتح له الباب و اشار لها انه ينزل. اطاعه بصمت وهو يفكر بعذاري وتذكر ان ناصر بيملاك بعد كم يوم وفكر في حسرة اخته ورفع راسه لناصر وسأل "متى بتملك ؟ ناصر الي كان ماشي معه بهدوء كأنه انصدم بالسوائل وتوترت ملامحه وعلق "تبي ترجع المستشفى ولا تبي اخذك القهوة ؟ طالعه خالد بحيرة وعلق "براحتك سوي الي تبي . و اتجهوا للقهوة الي كانت قريبة من المستشفى وكل واحد فيهم سارح بهمومه .. وقف يطالع عذاري الي كانت قاعدة تلم اغراضها بهدوء وشعرها سايح و محوط وجهها بتملك ورموشها الي ما يدري ليش يحسه طولنه بزيادة كانت لبسه روب طويل وأكمامه طويلة كان لونه بنك وكان معطيها انوثة تقطع الانفاس .فكر انها بطلة احلامه طول عمرها والحين هي ام ولده تركي ابتسم على هال فكرة والقى نظرة عال صغير الي كان في سريره نايم ورد طالعها و فجاء ر وده شعور انه يعشقها ويعشق تفاصيله وجنانها وحنانها وانتبه انها قالت شي وما سمعها وفكر انه وهي ساكتة يشوفها حورية ولا تكلمت يحسها تصير فتنه وقرب منها ووقف خلفها بالضبط وحس فيها تصلبت لكنه قرب اكثر ولثم رقبتها .شالت راسها على يم وكأنها ترفضه لكنه ما هتم له الرفض وحط شفايفه على اذنها يلثمه ابتعدت بغضب والتفتت له بعيون ملاينه دموع صدمته علق بصوت راخي وهو رافع حواجبه بغضب مكبوت "وش فيك لهدرجة قربي يضيقك ؟ طالعته وهي تحاول انها تمنع دموعها من الانهيار وعلقت "لا تتعبني معك اكثر خلاص يكيفني عناء طالعه بصدمة وعلق "لم اقرب منك اتعبك و اعنيك لهدرجة ان..... " انت عارف ان هذه النهاية بيني وبينك وقاعد تسوي هال حركات عشان تقولهم انا حاولت . وهي الي كانت تصدني . تألم من داخله على هال تفكير وفكر ان كل الناس تشوفه رجال وما يخون الثقة وكلهم يحطون ثقتهم فيه وهي ...احب الناس لقلبه ما هي واثقة فيه . علق بغيض "طلاق ماني مطلق فهمتي اولا والحين بخذك و بنروح بيتنا و مآبي اسمع هال كلام مرة ثانية فاهمة اولا . "لا ماني فاهمة وخلص حرام عليك لا تعذبني معك ومن الاخير انا ما قبل تكون علي ثانية هاشي ما قدر اتحمله . صدت عنه وهي ما تبيه يشوف دموعها انتهت من حزم اغراضها و اغراض ولدها وطالعت ناصر الي اشتدت ملامحه من الغيض وعلقت بجفاء "ا انا ودي اشوف نواف . طالعها بنفس الغضب ومارد ردت طالعته بغيض "بتوديني اولا ؟ "يعني انتي الحين على اساس انه يهمك شوري منتي حاسمة امورك وخالصة .. عذاري الي كانت تحس بغصة كانت تبي تنهار وتبكي لكنها ظلت متماسكة وردت علقت " طب يلا قوم ؟ قام وهو معطيها ظهره وشايل ولده . خرجت وراه من الغرفة ودموعها خانتها كانت تمشي وهي عارفة النهاية خلص الاسبوع الجاي ملكته وحنا اتفقنا ينتهي هنا حست انها بتتقطع من الغيرة .. نواف الي كان قاعد يطالع الفراغ بشفايف مشدودة انتبه لفتحة الباب ودخول ناصر مع ولده. نواف الي دمعت عيونه وهو يشوف الصغير الي حطه ناصر على رجله الي كان يشبه امه وضحك وهو يمسح على راسه التفت للي دخلت الغرفة وكانت تتنفس بصوت عالي من التعب هني نواف كل اسواره طاحت لم شاف عذاري الي كان طول عمره يحس انها مسئول عنها وصاية ابوه له خاف انه يموت و تنذل من بعده طاحت دموعها ودموعه في وقت واحد وتقدمت منه بتعب ورمت نفسها في حضنه .وشهقت .ناصر الي شال ولده وهو مستغرب من ها المنظر و ما يدري ليش غار من هال موقف للحظة بس تمنى انه يكون مريض عشان يحصل على اهتمامها . واستغفر ربه على هال تفكير .. مشاعل ولطيفة الي كانوا مجهزين ومصلحين استقبال لعذاري في مجلس عمتها لطيفة انصدمت عذاري من ها المفاجأة لان الاستقبال كان كثير فخم . علقت لطيفة " شوفي يومة راح تقعدين هنا عندي انتي ولدك الين ما تخلصين اربعينك . عذاري الي طالعت عمتها بحرج وعلقت بمتنان واضح "عمتي ماله .. "ولا كلمة هذا واجب علي انت مرت ولدي اذا انا ما قمت فيك من يقوم فيك . عذاري الي حست ان نظرتها اختلفت لعمته لطيفة الي بالفعل اختلفت معها من يوم حملت و ما عاد صرت ترفضها مثل اول .. قعدت تطالعه وهي يرش الحب للحمام الي كان كل صبح يقعد ينتظره كان يتحرك وشكله مهموم و مشاري ولد مشاعل قعد يحاول يطيرهم والحمام كان يطير ويرد يرجع ووقف على يم وهو يطالع في الحمام الي يلقط الحب ويبتسم لمشاري الي كان يضحك بصوت عالي حسدت الصغير على هال ابتسامة وفكرت ان الي بينهم انتهى و ما عاد بيلتقون مرة ثانية كلها شهر بس وتروح وتتركه نزلت دمعتها على التفكير وفكرت ليته يسوي أي ردة فعل يقولي ابيك قعدي لو عشان خاطر ولدنا راح تقعد لو قال , بس طبعا اكيد يبي الفكه ليش يا ناصر ليش ذا كله ليه هال جفاء قلي انا شسويت فيك ؟ انتبهت انه رفع عينه وقام يطالعها بي نظرة غريبة ما تدري ليش نظرته ذكرتها بناصر العاشق .مقدرت تشيل راسها حست انه كأنه بيوصل لها شي . ولدها الي على يديها قام يبكي وقامت تهزه وهي مي قادرة ترفع عينها عنه وشافته شال راسه لواحد ناده وطاحت دمعتها بيأس على ولدها الي هدا من البكاء وكان يطالعها بتأمل ابتسمت على ها الملاك الي الله رزقها فيه وشافت ملامح. ناصر فيه وحست ان ناصر يطالعها وابتسمت بتعب وهي تمسح دموعها .. ﻣﻮ ﺣﺮﺍﻡ ﺃﺑﻜﻲ ﻋﺸﺎﻧﻜﹿ ﻣﻮ ﺣﺮﺍﻡ ﺃﺑﻜﻲ ﻫﻮﺍﻙ .. .... ﻣﻮ ﺣﺮﺍﻡ ﺃﺑﻜﻲ ﺑـﹻ ﺻﺪﺭﻙ ﻟـﹻ ﺍﻟﺪﻓﺎﺗﺮ .. ﻭﺍﻟﻘﺼﻴﺪ ﻣﺎ ﺑﻘﻰ ﺷﻲ ﹴ ﻭ ﺍﺳﺎﻓﺮ .. ﻭﺍﻧﺘﻬﻲ ﻛﻠﻲ .. ﻣﻌﺎﻙ ! .... ﻟﻴﻪ ﺗﺤﺮﻣﻨﻲ " ﺛﻮﺍﻧﻲ " ﻛﻨﹽﻬﺎ ﻃﻔﻠﻪ ... ﻭﻋﻴﺪ ! .. نواف الي مل من جلسة المستشفى لأنه الحين كمل اسبوعين ومل من كثر الناس الي يجونه تنهد بملل وكمل قراية كتاب وانتبه للباب الي دق وانفتح وشاف وحده داخلة وهي مغطية وكانت شايله باقة ورد كبيرة وابتسم لانه عرف انها منال و انصدم لم كشفت وجهها وطلعت مها رفع حاجب استغراب وسخرية بنفس الوقت لأنه اول مرة يشوف مها تغطي وجهها ابتسمت له بلهفة وعلقت "الحمدالله ع السلامة ما تشوف شر اناشالله. هم كذا دايم يقولون صح . ضحك نواف وعلق . "احتمال قربت الكرسي وعلقت بنظرة غريبة معرف شلون يفسرها "ها شلونك الحين ؟ طالعها بغرابة هال بنت غريبة عجيبة عمري ما فهمتها علق بسرعة "الحمدالله بغض النظر عن الملل الي في المستشفى . "ليش ملل وهل كتاب كلها وش تسوي ؟ "خلصتها كلها وهذا اخار كتاب طالعته وضحكت وعلقت وهي تصب له شاي وتناوله ايه وصبت لها هي قهوة "خلص نجيب لك كتب جديدة هز نواف راسه بلا وعلق "لا خلص احسني مليت ابي اطلع ابي ارد الشغل طالعته بتأنيب "من جدك انت ترد الشغل انت على الاقل تخذ راحة من الشغل شهر طالعها وابتسم وعلق "عمي يعرف انك جاية عندي ؟ هزت راسها بأي وعلقت "هو قالي روحي نواف الي عقد حاجبه بتسأول وعلق باستغراب "يعني انتي ما جيتي من نفسك ضحكت وطلعت اسنانها وأول مرة يحسها جميلة "لا انا كنت بجي من اول بس سمعت عمتي تقول انه بس ربعك عندك بعدين لم قلو الزوار ابوي قالي روحي . طالعه وهو مستغرب وفكر عمي يقوله تجيني في شي غريب في الموضوع وعلق بسخرية "غريبة اول مرة اشوفك مغطية وجهك طالعته بنفس السخرية وعلقت "جاسم قالي انك انتقدته على حجابي . طالعه وابتسم بسخرية "يعني انتي الحين غطيتي بس عشان اني انتقدتك ما غطيتي عشان ربك . سكتت وحس بتردده لكنه رد علق "يا ليتني انتقدتك من زمان عشان تغطين وجهك . طالعته وهي رافعة حواجبه باستغراب "يعني ما بتعتذر ؟ طالعه نواف وهو عاقد حواجبه "اعتذر لاني خليتك تغطين وجهك . "على اقل اعتذر عن اسلوبك ؟ طالعها وابتسم وهو يهز راسه بلا مها الي عصبت من اسلوبه وعلقت "و انا الي قلت الحين بيطيح وجهه ويقعد يعتذر ساعة لكن ابد رافض يعتذر نواف الي ضحك واشتد الالم عليه وهو يحط ايده على قلبه وعلق "حسبي الله عليك كأنك بتذبحيني ؟ طالعته مها وهي مقهورة وعلقت "احسن . رد ضحك وعلق "ما تعرفين ابدن شي اسمه مجاملة اسم الله عليك بعيد الشر عنك أي شي "لا حركات منال ذي انا معرفها . طالعها باستغراب وعلق "وتعرفين بعد الي بيني وبين منال ؟ "انا اعرف كل شي يخصك . طالعها وابتسم وهو يأشر لها تكمل ردت علقت بطفولية "اعرف وزنك وطولك وش تحب وش تكره واعرف انك تركت منال والحين هي ردت لك لكن الي مستغربته ليش ماجاتك ولا يمكن خايفة من ابوها . طالعها وهو على نفس ابتسامته وعلق "يمكن ! لكن ممكن اعرف انتي وش وضعك ليش تعرفين عني كل شي ؟ طالعته وابتسمت وعلقت "ما تعرف للحين . "من متى تحبيني ؟ طالعته وضحكت "من تعبت . "تحبين مريض! . "لا مو ..... . "تعطفتي معي ؟ "لا ... "اجل ليه ؟ "قلت لك ما عرف يمكن اهتمامك بعذاري كأنك ابوه فكرت انك شخص مخلص . "بس هذه اختي ! كثير ناس يتطلقون اخوتهم ولا يسألون فيهم . "بس هذه امانه في رقبتي ! " خالد اكبر منك و ما هتم او مهتم كثرك بس كل الي عرفه الحين انك شخص مخلص والحين لم ناصر قال بيتزوج انت رديت تعبت .هالاشياء كلها تكبرك في العين . استغرب تفكيرها واهتمامها وطالعها باهتمام وتكلم بتهور ما عرفه في نفسه . "مـــــــــــــها ؟ "شنــــــــــــــــو ؟ "تتــــــــــــزوجيــــــ� �ـــــني ؟ ............   #36