الفصل 5
البـــــــــــــــــــار� � الخامـــــــــــس)
خنقت الورد يآ يمّه بيدّي وآنكسر ذبلآن ...!
آحسب أن الزمن يقدر يعدّل ( غلطة ) سنيني ..!!
وآثآري الورد يآ يمّه له إحسآس وحزن وآشجآن ..!
سمعته ... بـ آخر آنفآسه ينآدي /
( لآ تخليني ) ...!!
جلست تكوي ثياب ناصر بعد ما غسلتها مع ثيابها لأنهم الاثنين بيدومون كانت قاعدة تكوي في غرفة الجلوس وتطالع
الساعة و خايفة ان الوقت يروح عليهم وانتهت من الملابس وعلقتها .وراحت عشان تصحيه وقفت يمه وهمست
"ناصر ناصر
...ناصر الي صحى من يوم ما وقفت بس ما يدري ليش مارد عليها قربت اكثر وهمست وهي تحط ايدها على كتفه
وتهزه بحذر "ناصر ! تنهد بملل وعلق بصوت مبحوح من النوم
"وش فيه ؟
ابتسمت عذاري و جات وقعدت ع السرير من الجهة المقابلة له وعلقت
"سلامتك مآبي شي بس ورانا دوامات نبي نلحقها .عوج شفايفه وعلق
"الساعة كم ؟
"علقت عذاري بسرعة وهي تقوم من فوق ألسرير
" ستة اسمع انا بروح احظر الفطور على ما تكون انت خلصت حمامك ناصر مو ترد تنام .
قام وشافها وهي تبي تخرج بجينز و توب احمر مظهر مفتنها واستوقفها
"وين وين رايحة به البس ؟
علقت عذاري بسخط
"ناصر ما في احد حتى الشغالات اخذينهم .
دف اللحاف وقام بغضب
"اقولك تراني رايق ستري نفسك ما تدرين يمكن الحين يجوون .
عذاري الي راحت بسكات وواضح انها معصبة من تصرفاته ودخلت الغرفة ولبست بلوزة محتشمة ,انتهت من تحضير
الفطور وطلعت الصينية الغرفة و لقته قاعد على سجادته و يقراء قران وابتسمت غصب عليه وفكرت انه مهما كان انسان
سيء معها لكنها يخاف ربه والي يخاف الله ما يخوف. حطت الفطور ع الطاولة وراحت بسرعة عشان تغير ملابسها
وانتهت بسرعة قيسية وراحت وشافته يفطر على مهل وجلست عشان تفطر معه.ناصر الي كان مستغرب من عذاري
وفكر شلون تقدر تسوي اكثر من شي فوقت واحد ثوبه معلق ومكوي والفطور جاهز و هي جاهزة فكر لحد اخار يوم
قبل زوجها وهو يتهوش مع امه ويدور ثيابه .هز راسه كأنه يشيل هالا فكار منه ورد طالع عذاري الي كانت رافعه
شعرها ذيل حصان ولابس لبس يليق بالمدرسة كان شكلها حنونة ومريحة و لايقة عليها وظيفتها علق بملل يتصنعها .
" يعني الحين كل يوم بتصحيني بدري !
طالعته عذاري وهي مركزة مع جوالها
"أي اذا ما تبي عادي اروح مع السايق .
رفع حاجب غضب و اعطها نظرة .رفعت حواجبها باستغراب وهي تحط الجوال على اذنها ...
"أي الو صحيت ولا ..
كانت تتكلم بهمس وحنان استفزه قام عشان لا يتعكر مزاجه الرايق وبدل ثيابه وحاول يقفل ازرار الثوب وما قدر تنهد
بملل والتفت لعذاري الي كانت واقفة تطالعه وكأنها عارفة انه بينديها راحت وقفلت الازرار بسرعة . انتبه انها ما كانت
تلبس الدبلة ولم انتهت مسك ايدها وعلق
"وين دبلتك ؟ عذاري الي طالعته بتعجب غريب وهزت راسها وعلقت لما ابتعدت عنه
"انت ما جبت لي دبلة .طالعها بتعجب هو متأكد انه كلم امه انه تجيب دب....اااي نسيت ان السالفة فيها امي لاحظ انها
متضايقة وشافها وهي تروح تشيل الفطور تنهد بملل و انا اشوف استغفر الله بس ..
وصلها عند مدرستها وعلق "متى ينتهي دوامك ؟ علقت عذاري وهي قاعدة تلم اغراضها " الساعة 12.هز راسه
وطالعها وهي تنزل وابتسم وفكر ان له سنتين يصحى بنفس الوقت عشان يجي و يشوفها وصلت اولا من يصدق ان
عذاري صارت زوجتي وصرت كل يوم اصحى والقها يمي ووصلها مدرسته وو......بس وش الفايدة دامنا نكره بعض
ليش الدنيا ما تجي على كيفنا وكل واحد يحب يخذ الي يحبه ليه.لما كرهنا بعض تجمعنا ..استغفر لله بس وش ذا الحكي
الي انا قاعد اقوله .
قعدت عذاري وسط صديقتها الي كانوا يتغشمرون عليها وهي تضحك وانتبهت ان عنود ما داومت وسألوها عنها المديرة
وباقي المعلمات وما عرفت ترد عليهم لأنها هي ما تدري .انتبهت لجوالها الي رن في الشنطة و ما تدري شلون راح عن
بالها انها تزوجت ومن زوجها ؟ ناصر ؟؟؟؟الي تقضي وقتها كله تفكر فيه لم شافت رقمه ابتسمت وردت بهمس خايفة
احد يسمعها
"هلا ....
سكت وكأنه استغرب رده عليه وعلق بجمود
"هلا فيك ؟..
.سكتت وهي ما تبي تظهر له خيبة املها
وعلقت .
" وينك ؟
.."قريب منك تجهزي يوم اوصل ادق عليك تطلعين
....انتبهت لصحبتها الي قاموا يعلقون وحلفوا انهم يطالعونه من الشباك..ابتسمت وعلقت بحذر
"حاضر بس اسمع اوقف بعيد شوي لا توقف قدام الباب ..
"ليش ؟...فكرت عشان مابي احد يشوفك وعلقت
"مو عشان شي .
استغرب طلبها وعلق وهو مو مقتنع
"ماشي ...
لما وصل وقف بعيد واتصل عليها انها تطلع وبالفعل ما طولت و جات وطلعت السيارة
"السلام عليكم ....طالعها وهو يمشي بالسيارة
"هلا وعليكم السلام شلون الدوام .
"الحمد لله .وسمعها علقت بتردد
"عادي تخرج من الدوام كل يوم به الوقت ولا اليوم بس ؟
طالعها وابتسم بسخرية هزت راسها بعدم فهم وردت تكلمت بس هال مرة بتردد
"ماني فاهمة .ناصر الي كان يسوي نفسه مشغول في السواقة وهو في الحقيقة مشغول فيها عذاري عصبت منه وردت
تسأل
"طب الحين انت بترد دوامك ؟
"أي ما خلص غير الساعة اربعة ليش تسألين و انتي عارفة ؟
رد سمع ترددها بالكلام
"أي اعرف بس قلت يم...
"عذاري قولي وش تبين ؟
"امم ما يخالف اروح عند عمتي موضي اعرف انها عند اخواني بس الحين البيت فاضي وهي ما تعرف تتغداء بروحها....
"ما يخلف روحي و لا جيت الساعة اربع امر اخذك هال عادة ما راح تقطعينها..
حس فيها تبتسم ووصلته سعادتها .
موضي الي كانت قاعدة في حديقة بيتهم وحطة القهوة الي ما جاز لها طعمها تنهدت بعدم رضا وطالعت الحديقة
المزروعة وكأنها جنة وفكرت ان أي احد راح يشوف البيت راح يفكر ان اهله اسعد ناس ما تدري ليش تخيلت انها
مفروض تكون قاعدة بين عيالها الي طول عمرها تتخيلهم من سعود .ابتسمت على ذكرى هال اسم وفكرت هو شلونه
الحين حي و لا ميت وش جاب من عيال ؟ الله يرحمك يومة ويحللك الي حرمتني منه ويسامحك يا حمد ابتسمت وحست
نفسها كأنها صغيرة لأنها للحين تفكر فيه وتتخيل حياتها معه دمعت عيونها وانتبهت للباب الي انفتح ودخلوا ناصر و
عذاري وابتسمت ما تدري ليش تحس ان هذولا الاثنين يذكرونها بقصتها جات عذاري وبست راسها
"شلونك عمتي
؟"هلا حبيبتي هلا ناصر
"هلا عمتي شلونك حبيبتي .
"الله يسلمكم من كل شر .
جلس عال كرسي المقابل لعمته و عذاري
وقفت وعلقت بابتسامة
"بروح اسوي قهوة اكيد القهوة مي جايزة لك .
ضحكت موضي وعلقت
"أي والله و انا عمتك القهوة من غير يدك مي قهوة .
ضحكت عذاري وطالعت ناصر وكأنها تغيضه
"الله يخلني لكم بس مادري من بعدي وش يصير فيكم .
ضحكت عمتها وناصر ضحك بسخرية ما نتبهت لها عمته .
طالع عمته الي كان وجهها مو عاجبه كان فيه حزن علق وهو يشوف عذاري داخلة البيت
"عسى ما شر يا عمة علامك متكدرة ؟
ابتسمت ومسحت على ايده بحنان
"مثل ابوك حنون وما يفوتك شي ما فيني شي و انا عمتك بس الوحدة شينه ما عليك مني شلونك انت و عذاري عساكم مرتاحين ؟
ابتسم بصدق ما عرفه في نفسه وعلق
" الحمد لله كثير مرتاح معها عذاري جنة يا عمة .
ابتسمت عمته بفرح شديد وعلقت
"شفت شلون يا ولدي هذه بنت الهنوف سنعة مثل امها هذه اليتيمة الي كل العيلة استقلتها واستقلتها اكثر بعد طلقها بس
الحمد الله .الله عوضها فيك انت احسن الرجال و اناشالله ما تخيب ظني فيك .
ابتسم وهو يفكر شلون مستقلينها وهو كان يشوفها احسن وحدة ..رد علق بتردد وعينه كانت عال باب
" ما فهمت و شلون مستقلينها ؟ تنهدت عمته وعلقت بحزن
"كانوا مراهقين يوم توفى ابوهم وحاولت اخذهم عندي لكن خالد رفض وحاولت اني اجي اقعد عندهم لكن حمود رفض
.وتميت كل يوم اروح وارد عليهم و هاشي خلى العايلة تستقلهم .و عذاري لان امها توفت من هي صغير الناس استقلتها
و ابوها دلعها كثير هذا الشي ....
"عجلت بالقهوة عشان ناصر يتقهوى قبل لا يروح الدوام ...طالعتها عمته وغيرت الموضوع على طول ....
ناصر الي كان طول النهار يفكر في كلام عمته وانتبه ان امه تكالمه الي لما ردو البيت لقهم واصلين .و قعد معهم بعد
العشاء
"اشفيك يا ولد احسك منت معجبني ؟
طالع امه بتسأول وعلق
" ليش وش فيني ؟
امه الي لما شافت عذاري جات وقعدت يم عمها الي كان مركز مع التلفزيون والصوت كان عالي وكانوا ما يقدرون
يسمعونهم
"مادري عنك اول كنا ما نشوفك والحين لاصق بالبيت ما عندك نية تطلع ؟
اطلع روح شوف ربعك طفى وش مسوية فيك بنت الهنوف ؟
"مي مسوية شي بس انا بعدني معرس وبعدين مو كافي اني حتى شهر عسل ما وديتها .
امه الي كأنه معجبها الكلام وشالت راسها على يم و علقت
" حسستني انها اول مرة تعرس ما كنها فضلة رجال ثاني .
ناصر الي رخى راسه وحس ان كلمة امه المته كثير وقام من عند امه غصب عليه وخاف ان عذاري تسمعها وقام وطلع
غرفته. ولبس ثوبه ما يدري ليه ما يبي احد يئذيها حتى بالكلام لبس ثوبه وقرر انه يروح الاستراحة ..
عذاري الي كانت تطالع الاخبار مع عمها استغربت من ناصر الي كان شكله معصب وهو خارج وخافت تسأله وين
بيروح ويحرجها لكنه وقف وعلق وهو يطالعها
"انا بروح الاستراحة اذا تبون شي دقوا علي ..
عذاري هزت راسها وفكرت انها مالها حق توصله للباب وتستقبله تحس ان مالها أي حق فيه .
دخل ع الشباب واستقبلوه استقبال حار وكانوا يرمون عليه التعليقات وهو يضحك بصوت عالي
"وش ذا حسستني محد تزوج غيرك ياخي انا جيت ثالث يوم الاستراحة يابو في زواجك الاول جيتنا ثاني يوم .
ضحكوا كلهم ورد عليه ناصر
"اقول لا يكثر انت ويه وتراني جيت غصب علي .
ردو ضحكوا كلهم وشاف نواف وجاسم داخلين وشافهم انبسطوا بجيته بس ما يدري ليش جاسم مو عاجبه يحس انه
مختلف علق نواف
"حيا الله ابو نسب .
"الله يحييك .شلونك وين خالد ؟
"والله مادري عنه قلت لجاسم مرني لأنه كان مو بي البيت .
"قلط بس معنا يا رجال ...
عذاري كانت قاعدة تحاول تدق على عنود وفكرت .هذه وشفيها ليكون مريضة ولا شي اساساً لو انها مريضا كان كل
العايلة دقت علي تشره ..انتبهت للي دخل وقفل الباب والتفتت لناصر الي كان مشمر ايد الثوب وداخل يدندن وفكرت له
الدرجة اذا بعد عنها ترتاح نفسيته وتروق اعصابه شالت راسها ببرود .وحست فيه جاء ووقف قريب منها وعلق
"اش قاعدة تسوين ؟
شالت راسها على يم .ما تبي ترد عليه وسمعته يتنهد .رمى عليها كيس هدية ببرود وطالعته باستغراب وهي عاقدة
حواجبه وعلقت
"شنو هذا ؟
جاء جلس بعيد عنها شوي ورفع رجله ع الطاولة وعلق
"دبلتك .فتحت الكيس وشافت الخاتم الي كان كثير حلو ومنعت ابتسامتها وسوت نفسها عادي وعلقت وهي تلبسها .
"و انت وين دبلتك ؟ طالعها بسعادة استغربها بنفسه .ومد ايدها في الهوا يوريها الخاتم ولاحظ نظرتها المستغربة وعلى
فمها شبه ابتسامة وقام عشان يغير هدومه وينام . طالعت الخاتم الي في يدها الي واضح ان سعرها كان غالي كثير بس
كان كثير ذوق. طالعها بدون ما تدري من داخل غرفه تبديل الملابس وهي تطالع الخاتم وشاف قميصها الاسود الي كان
ضيق ومظهر مفتنها تنفس بعصبية وقام يمشي ع السير عشان يبي يجهد نفسه و ما يحس فيها يمه عذاري الي حست
بحركته داخل الغرفة وقامت تشغل نفسها بكوي ملابسها وملابسه لثاني يوم ناصر الي كان قاعد يفكر في كلام عمه
الي يبيها يرد له على حكاية السفرة ساعات ما يدري عمه شلون يفكر يبيه يطلع الرياض ويترك عذاري حتى انه رافض
انه يخذها معه وشكل الشغل مطول يعني على الاقل عشان يخلص الشغل اسبوعين استغرب من اصراره انه اهو الي
يروح مع ان خالد هو ماسك كل الشغل هناك .
"وشفيك ما ترد ؟
اجفل على صوتها وتردد شوي وهو يشوفها واقفة على باب الغرفة وفكر لمتى بتمنعني عنها وعلق بسرعة
"وش قلتي ؟
..طالعته عذاري بتسأول وردت علقت
"ما تبيني اكوي لك شي لبكرى .
بداء يحس بالعرق يتصبب منه وبداء يحس بالإجهاد نزل من فوق السير وعلق وهو يتنفس بصوت عالي
"اكوي لي الشماغ بس
..اخذت الشماغ وراحت تكويه .
دخل الحمام عشان يخذ دوش .شافت نور الغرفة ينطفي .خلصت من الي في يدها وقامت وطفت نور غرفة الجلوس
وراحت للحمام وحطت كريم وتعطرت و انبت نفسها شلون اتزين له بعد الي صار .راحت للسرير وحست بأنفاسه
المنتظمة وشمت ريحة عطره الي بعد الحمام وحست انها تبي تختنق .وحست بيده تجي عليها .و تضايقت بس حست انه
نايم لأنه مستحيل يفرض نفسه عليها وهي ما تبيه .تعرفه زين إلا كرامته .التفتت له ولقت وجهه قريب منها وحست انها
جالسة تكابر هي تبيه يمكن اكثر ماهو يبيه كرهت نفسها على هال تفكير وتذكرت كلمته لم كانوا بالشاليه
"من قالك اني ابيك .
هال كلمة صحت مشاعر الكره داخلها وابتعدت عنه بنفور.
كانت قاعدة وسط المدرسات وتسمع لهم وهي واضح عليها التعب لأنه كانت نهاية اليوم .وحده من زميلاتها رفعت ايدها
عشان تشوف الخاتم وقاموا كلهم يعلقون ويمدحون ذوقه وعلقوا انها كانت خايفة من الحسد عشان كذا ملبسته البارح
.كانت تضحك وهم يتغشمرون .انتبهت لجوالها الي ران برسالة .
"ارسلت لك السايق يجي يخذك انا عندي اجتماع اليوم بس ..
ما تدري ليش حست بشعور الخذلان والوحدة انتبهت للسايق الي دق على جوالها عشان يعطيها خبر انه برا .
ما راحت لعمتها اليوم كانت تبي تنام لان التعذيب النفسي الي كانت فيه البارح ما خلها تنام .حطت راسها على مخدته
وشمت ريحته الي كانت مثل المهدي لها وغطت في النوم .
دخل ناصر ولقى امه و ابوه يتغدون وعلقت امه
"تغداء يومة معنا و لا غداي معاد صار يعجبك .
جاء جلس معهم ع السفرة عشان لا يزعلون وضحك وهو يعلق والتعب واضح في وجهه
"افا عليك انا معرف اكل إلا من يدك .
وعلق ابوه بهدوء
"من جاب عذاري اليوم .
"رسلت لها السايق .
علقت امه بملل
"علام وجهك كذا تعبان و الهالات تحت عيونك .
ناصر الي فكر ان هذا كله من قل النوم والعذاب الي يشوفه وهي يمه .ابتسم بخبث وهو يتغشمر .
"عاد يومة مثلك عارف ان عر سان تونا .
ابوه الي قام يضحك و امه الي شالت راسها عنه وضربته وهي تضحك .
دخل الغرفة الي كانت غرقانة بالظلام والمكيف الي كان بارد وحس على طول بالخدر راح غير هدومه وجاء واسلقى
يمها و جات ايده على يدها الناعمة ومقدر يشيل ايده وقرب اكثر وضمها بشوق وهو يتنهد وشم شعرها وحس فيها تتأوه
في حضنه وتعلقت فيه اكثر ........
وقفت تحت الدش بعد ما صحت من النوم وغسلت اثاره الي كرهته بشده وعصبت وحست بالاشمئزاز من نفسها شلون
خلته يخذ راحته بعد كل الي صار شلون سمحت لنفسها .حست بالحرج شلون بتواجهه . بدلت ثيابها بعد ما طلعت من
الحمام ونشفت شعرها ولبست وخرجت بسرعة من الغرفة وراحت للمطبخ عشان تسوي لهم أي شي .
نزل وشاف ابوه و امه ومشاعل قاعدين وعلقت مشاعل
" حيا الله المعرس
ابتسم ناصر وهي تسلم عليه وعلق وهو يبتسم
"وش عندك جيتنا .
ضحكت مشاعل الي كنت بطبعها مرحه وعلقت
"الحين لي اسبوعين ما شفتك و انت كذا تقابلني .
ضحك وهو يقعد وقعدت يمه وعلقت
"لا تفوتك الفطاير الي مسويتها عذاري
ابتسم وهو يدورها وشافها خارجة من المطبخ ومعها صينية الشاي .صبت لهم وراحت حطت له صحن فطاير وحطت
معه الشاي وقربتها له وراحت قعدت بعيد عنه وقعدت تسولف هي ومشاعل بنت خالة ناصر إلي توفت أمها وهي
صغيرة وربتها لطيفة هي اصغر من عذاري بسنتين ومالها سنتين متزوجة وأنجبت طفل جميل يشبه لناصر وسمته
مشاري عذاري كانت تحس إن مشاعل وولدها كانوا يهونون عليه القعدة في البيت لان مشاعل نقية وصافية من داخلها
مي مثل خالتها لطيفة إلي حقدت عليها عشان خاطر شوق , ناصر الي كان يطالعها وفكر. كل هال هروب عشان الي
صار اليوم ...
طالعته عذاري وهو يكل بهدوء وفاتح الاب توب يخلص شغله . ظلت تطالعه بألم لو ما صار الي صار ما كنت جالسه
بعيد عنه كانت قاعدة ولصقه فيه الحين كان ما تهربت منه كل ما صار شي بالعكس اكون سعيدا بكل الي بينا .رفع راسه
فجاء وكأنه حس انه تطالعه وشالت راسها بسرعة وحس انه انصدم من الي النظرة الي شافها كانت نظرة استجداء او
توسل او ما عرف شلون افسر الي شفته .علقت مشاعل
"تكفون قوموا خن نروح نتعشى ع البحر .
ناصر الي ما أعجبته الفكرة ابد وهو يقفل الابتوب
"روحوا بروحكم انا مابي .
علقت امه "وهي صادقة خن نطلع نغير جو ملينا من القعدة بالبيت .
علق ابوه "انا ما عندي مانع بس ناصر لازم يروح ماني رايح مع ثلاث حريم لحالي .
ناصر الي كان بعده مو موافق شال راسه على يم وعلقت مشاعل
"اصلان اذا هو ما راح عذاري ما راح تروح .
ابتسمت عذاري وفكرت انها بالفعل كلمها صحيح لأنها لو راحت عمتها راح تزعجها وتضايقها بالحكي .وعلق ناصر
وهو يطالعها بجدية
" من جد عذاري .عذاري الي سكتت و ما عرفت وش ترد وعلقت وهي تغتصب ابتسامة
" عادي لو ما يبي ناصر يروح روحوا انتوا مو لازم نروح . علق عمها فيصل
"لا لزم. حنا نروح نغير جو وانتو قاعدين لا ما يصير هال حكي
قام ناصر عشان يلبس و عذاري تتعذر بتجهيز الاغراض في المطبخ . انتهى من لابسه وانتبه لها وهي داخلة ولوت
وجهها بنفور ودخلت تغير. لحقها بعصبية وهي كانت منزلة نص ملابسها .
"وبعدين يعني ......اجفلت من صوته وجرت البلوزة وتسترت فيها وعلقت بعصبية
"انت شل....
"يعني مسويه الحين مستحية تراني زوجك وبعدين معك !صار لك ساعة قاعدة تحت ترى اهلي شاكو ان بينا شي
.عذاري الي كانت شايلة راسها على يم ومي قادرة تتفاهم وهي به الوضع .
"خاني ابدل و اتكلم معك بس اطلع الحين .
"ماني بطالع بعدين لازم تتعودين .
عذاري الي حست نفسها شوي و تبي تبكي و توسلته
"تكفى اطلع ولي يسلمك .طلع من الغرفة وهو مكره وعلق وهو تارك الغرفة
"انا نزلت خلص لا تطولين .
قعدت وهي تمنع نفسها من البكاء وقامت بسرعة لبست و ايدها ترتجف من كثر التوتر .
كانوا قاعدين ع البحر وفيصل وناصر يشون و عذاري الي كانت شايلة مشاري ووقفه فيه ع البحر وهو خايف ومتعلق
فيها .وهي كانت تضحك .ردت قعدت وهي تتجنب الكلام مع عمتها وعلقت مشاعل
"ناصر تكفى جيب العود وغني لنا .
عذاري الي رفعت حواجبها وفكرت من متى يغني ولا يعرف يدق ع العود .
علقت امه
"أي تكفى يمه عاد كمل لنا هالجو الحلو .ابتسم وطالع عذاري الي كانت تطالعه باستغراب وفكر ان هال موهبة ما طلعت معه إلا لم تركوا بعضهم .راح طالع العود وجاء جلس وعلق
"وش تبون تسمعون ؟ .
علقت امه
"إنت تعرف الاغنية الي احبها وفكر بالي صار معه هالايام مع عذاري وبداء يدندن ويغني بشجن
كانت تسمع صوته المبحوح والعميق كان جدا جميل كان ودها تبكي على كلمات هالا غنية كانت كثير تحبها
بس هو ما يعرف. ناصر الي كان يقصد عذاري به الكلمات ونصدم من هال فكرة وطردها من باله وفكر انه
مستحيل يحبها بعد الي صار .
"وش علي هذا كله لعذاري .
اجفلوا الاثنين على صوت مشاعل الي كانت تتغشمر عليهم وابتسموا الاثنين بالقوة وعلق ناصر
"امي الي طلبت الاغنية .
ضحكوا عليه وحزنت عذاري انه مقدر يكذب ويقول أي من شدة كرهه وابتسمت لهم وسمعته مشاعل تتغشمر
عليه
"أي صح صدقنا .
ناصر الي قام يضحك وعلق يبي يستفز ها
"انتي طبعاُ زواجك ما يعرف يسوي أي شي .
ضحكت مشاعل وضربته وعلقت
"انت وش دخلك انا راضية فيه .
"تكفين ولي يسلمك وين هال مرة مسافر.
"مالك شغل ...
انتهت خرجتهم الي زادت جروحها .....
كانت مستلقية على فرشها و مطفية النور وانتبهت للي دخل الغرفة كان راجع من الاستراحة دخل بهدوء عشان ما
يزعجها وسمعته يدندن نفس الاغنية كان رايق اليوم خرج من الغرفة وراح لغرفة الملابس ورد ووقف يم
السرير وكأنه متردد .عذاري الي سوت نفسها نايمة من دخل. حست بشي يقرص اصبع رجلها الصغير وشالت
رجولها بخوف وقامت قعدت و لقته يبتسم وعلق
"كنت عارف انك ما نمتي.
قلبها كان يدق بسرعة من الخوف تنهدات بصبر وشالت راسها على يم وعلقت
"وش تبي ؟
"ابي شاي .
قامت ولبست المراد الي فوق القميص وربطته زين ونزلت .ناصر الي كان قاعد يطالع التلفزيون ويدخن
.شافها داخله ومعها الشاهي وعلقت وهي تحطه بملل
"ليه ما نجيب هيتر هني اريح بدل الطلعة والنزلة .
هز راسه وهو يصب الشاي وعلق
"سوي الي تبين .
قعدت ع المقعد المقابل له وصبت لها شاهي وشربت وهي تطالعه وهو كان مركز بالفيلم وعلقت
"اول مرة اعرف انه صوتك حلو .طالعها بجمود .وعلق
"حتى انا ما كنت اعرف واكتشفت قريب .
سكتت وهي تحس انها مرفوضة كرهت هالا حساس وطالعته بنفور وهي قايمة يخسآ اترجه يطالعني ولا يتكلم معي ,
"وين رايحة ؟
ما ردت عليه وهي رايحة تستلقي ع السرير قفلت النور وحست بدموعها تنزل من القهر .وحست فيه واقف فوق راسها وعلق
" وش في ؟ .
ما ردت وهي تحس بالكره نحيته وحست فيه يقعد يمها لكنها ما تحركت .وقومها بالقوة وهو يواجهها .شالت
راسها عنه وهي تتمنى انه ما يشوف دموعها .وسمعته يعلق بصبر
"عذاري ترى الي قاعدة تسوينه حرام و انتي عارفة زين وما يحتاج اعلمك انا بس.......
"مو انت قلت ما تبيني ليش الحين تغير كلامك .
"وش متوقعة اقولك و انتي تقولين مابيك .تعرفين متى الاهانة بالنسبة لك؟ لم تلبسين و انتي به الجمال و انا ما
شوفك شي .صدقيني عذاري مافي اهانة اكثر من انا الرجل ما يشوف زوجته شي ولا يعبرها بنظرة و انا و
انتي رغم الي بينا انا للحين ابيك. انتي جميله و انا رجل طبيعي و انا قلت لك من قبل المختل الي يشوفك ويتركك
.رجاء لا تدخلين مشاكلنا وماضينا به الشي انتي عارفة حنا ليش متزوجين .
عذاري الي كانت لسعها معصبة لكنها فكرت بكلامه بجديه وحست انها معه حق .وحست ان كلامه اعتذار مبطن
بس بعدها شايلة عليه .كان يراقب سكوته والحرب الداخلية الي هي فيها تنهد بتعب على حالهم وحس انه يبي
ينهي هال حرب ,استلقى ع السرير .و ما حس بنفسه إلا وهو غاط في النوم .طالعته عذاري واستلقت بتعب و
نامت
بسرعة .
..........
"شنو تسافر وتتركني و انا بعدي عروس .
شافت ناصر الي كان قاعد ويشرب قهوته وكأن الامر ما فيه مناقشة
"هذه اوامر عمي عاد .
عذاري الي كانت قاعدة تتجهز حق دومها طالعته بصدمة ما تدري ليش حست ان فكرة تركها فكرة ما تقدر تتحملها اجل
شلون لو سافر صدق طالعته عذاري وعلقت بنفس مجروحة
"والله انها نفسك المشيلة علي تبي كل الناس يتشمتون فيني تاركني من ثاني اسبوع ومسافر مو كافي حتى شهر عسل ما
وديتني بعد تبي تسافر طيب ما عندي مشكلة يوم يومين لكن ثلاث اسابيع ! و جاي ترمي الموضوع في وجهي و لا
تناقشيني فيه ياخي انت شنو ما عندك احساس
"عذاري روقينا ع الصبح قلت لك عمي قال مو انا .
طالعته عذاري بنص عين
"تبي تقنعني ان في احد يقدر يفرض عليك شي .
ناصر الي عصبه كلامها قام وهو يتعوذ من ابليس ودور غترته عشان يخرج من الغرفة ما ينفع هو يشد وهي تشد
"وين رايح ؟
تنهد بغضب وحاول انه يتفهمها وعلق بهدوء
"انا بخرج عشان تهدين انا لو جلست مادري اش راح يصير .
"وش بيصير اكثر من الي صار ومسوي لي بعد معصب ياخي انت انذل واحد شفته بحياتي انا شلون كنت غبية وصدقتك .
ناصر الي بدا يحس ان اعصابه بدت تفلت منه
"عذاري ..
"لا تقول شي خلص .
.راحت ودخلت الحمام وقفلته بقوة.
وحس انها دخلت عشان تبكي تنهد بعدم رضى ولم ثيابه ووقف يطالع الباب الي دخلت منه لكنه غصب نفسه انها يمشي ....
ناصر
قعد في مكتبه يطالع الملفات إلي قدامه مو قادر يستوعب شي له أسبوعين في الرياض .طالع في جواله وكأنه يستناها
تتصل علاقتهم كانت باردة من ذاك اليوم من يوم ما جاء دق عليه مرتين كانت ترد عليه بإجابات مقتضبة وكأنها ما تبيه
يتصل إلي كان يستغربه ذوقها وأدبها معه بدون ما تدري رغم المشاكل إلي بينهم صار له أسبوعين كان يحس نفسه
في الجنة بس الله يسامحك يا عمي بالفعل المدة طويلة اليوم نكمل شهر وآنا ما قعدت معاها غير أسبوعين أكيد بعدها
شايلة عليه وما راح تفهمه لو يذبح نفسه حقها هدية بعد كل إلي صار..آنا اشفيني هدية حق شنو هذا الشي الطبيعي إلي
لازم يسير خلها تفهم إلي تبيه بالعكس آنا أبيه تتزعزع ثقتها بنفسها عشان أقدر ألعب عليها مضبوط انتبه لي جواله
.ابتسم باستغراب ما يدري ليش حس إن قلبه فز لما شاف الرقم...لكنه هز راسه و تجهل كل هال مشاعر إلي داخله ورد
بهدوء وحاول انه يظهر عدم الاهتمام
"نعم ..
انتبه لسكوته في الطرف الثاني وكأنها ترددت في إلي بتقوله حس انه حقير في طريقة كلامه وتكلم بسرعة كأنه بيصلح إلي سواه
"عذاري فيك شي ؟
سمع تنهيده صدرت منها بس ما عرف وش تقصد فيها ,و أخيرا جاه صوتها ما يدري ليش حس انه ينتظره دهر
"آه.. ما فيني شي بس ....آنت.... طيب !!
سكت واستغرب سؤالها أول مرة تسأله عن حاله علق بتردد
"أي حمد الله ..ليش تسألين يعني صار لي أسبوعين اليوم فكرتي تسألين !!!
سمع تنهيدة ضجر منه وما يدري ليش ابتسم على أسلوبها
"تكفى إلي يسمعك يقول كل يوم تتصل وتسأل ! قطعاها بهدؤ يعرف انه ينر فزها
"اتصلت مرتين ووضحت لي انك ما تبيني اتصل احترمت رغبتك وما اتصلت .بس ما جاوبتيني أتصلك ذا مو لله! أنتي عندك شي ؟و شو ؟
سمعه تتنهد بغضب مكبوت
"عمي حمد دق علي وقالي ليش زواجك تركك و رايح أكيد أنتي مسويه فيه شي ... سكتت وسمعها تتنهد وحس انه مو
قادر يفهم شي عمه حمد ليش يقول هل كلام وهو مو صحيح .حسها تملكت نفسها وردت تحاكيه
"آنت قلت إن هو إلي طلب منك ليش الحين يقول هل حكي ولا....لا يكون آنت تقصد انك تسوي هل حركات عشان تكمل
إلي بديته ... رفع حواجبه بغضب وفكر انه ما يقدر يغلط عمه عشان يبري نفسه مهمً كان هذا في مقام أبوه , بس هو
مستغرب ليش عمه سوى هال سواه .انتبه لعذاري وكلامها اللاذع وعلق وهو رافع حاجبه بغضب
"ليش وش شايفتني عندك ؟ وبعدين حتى لو إني ماني حط لك اعتبار إخوانك يهموني .قلت لك عندي شغل وبرد يوم الاثنين إنا شاء الله ..في شي بعد ؟...
علقت بعصبية "هذا إلي طلع معك يعني حتى ما بتكلف نفسك تدافع عني شنو ما في إحساس حتى ما في لا تخذين على خاطرك حتى لو بالكذب يا آخي آنت شنو ......
صر على أسنانه و أطبق على شفايفه بشده لما سمع سدت التلفون في وجهه وفكر بجدية إن معها حق خلص ناصر
خلص إلي قاعد تسويه هذي مو مرجله إلي فهمته من موقفها إن هي بعد عانت أكثر منه وطلاقها ومعاملة العائلة لها شي
ثاني وهو عارف إن إخوانها ما راح يخذون لها حقها خلص عطها فرصة ولا تكذب على نفسك أكثر من كذا تراك منت
قادر تتحمل تبعد عنها حتى منت قادر تخفي شوقك في عيونك... مسك جواله ورجع اتصل عليه أعطته مشغول قام
عصب ورمى جواله على المكتب ..
.........
عذاري إلي كانت قاعدة على سريره وحالفة إنها ما تبكي.... وبعدين يعني بتقعد طول عمرها حقها ضايع عمه حمد كانت
طريقة كلامه غريبة أول مرة يتعامل معها به الطريقة تذكرت كلامه
"أنتي وبعدين معك كل شوي و أنتي مهججه رجل يعني على كذا ما نلوم الأول لان الحق معه لأنه بما انه ناصر تركك
من ثاني أسبوع وحتى ما اعترض معنتك ...
"آنا وناصر ما فينا شي وترى مخذني معه عشان المدرسة وترى علاقتنا كلش زينة ! سمعت زفرة عمه بغضب و أطلق
شتايم لا متناهية عليه استغربته عذاري من عمه وسكتت الين مسد التلفون في وجهها يا ربي هذيلي شفيهم من يوم ما
تزوجت وآنا علاقتي فيهم متكهربة هذا غير عنود إلي كأن الله شاله وحط بداله حتى المدرسة معاد داومت وكل كوم
ومرت عمه حمد إلي لما شافتها عند عمتها موضي تحس إن وجهها صار اسود والله إنهم عندهم سالفة ,وعت من أفكارها
على صوت دق الباب و فتحته , عذاري إلي التفتت لمشاعل الي كانت مبتسمة بابتسامة واسعة
"ادخل ولا بتنامين !
عذاري إلي ابتسمت لها وقامت من فوق سريرها عشان ترحب فيها .كانت تحبها من زمان لأنها كانت تشوفها من ريحة
ناصر .علقت عذاري
"حيا الله من جانا متى جيتي ! وو ين مشمش !ابتسمت مشاعل وعلقت بتكاسل يشبه تكاسل ناصر
"نيمته و جيتك خفت يزعج أمي وعمي لان شكلهم نايمين ..عذاري إلي كانت تقودها لغرفة الجلوس .جلست مشاعل
وراحت عذاري تجيب لها القهوة إلي عمتها أمرتها أنها تخذها معاها غرفته لأنها هي إلي سوتها حست إن عمتها ما تبيها
تسوي شي ويعجب عمها ما تدري ليش تحس أنها تغار ! فتحت الثلاجة إلي قبل ما يمشي ناصر ملاها لها من كل شي
طالعت لها كم شوكلايت لأنها تدري بمشاعل تحبها ..وسمعت صوتها وهي تناديها
"عذاري ما جيت عشان أتعبك تراني جاية اسهر معك لاني مالة بروحي .عذاري إلي توها استوعبت إن مشاعل جاية
في وقت متأخر ولا حتى سألتها وش فيها .الله يسامحك يا ناصر أنا ذبحت نفسي من التفكير فيك وأنت تاركني ولا حتى
فكرت فيني .حطت الصينية قدام مشاعل وعلقت بحذر
"هذا واجبك بس عسى ما شر ؟
علقت مشاعل بسرعة
"ما شر الحمد الله بس زياد مسافر وخفت اقعد في بيتي بروحي .
ابتسمت لها عذاري وصبت لها قهوة وقعدوا يتكلمون في مواضيع عامة شافت مشاعل غفت على مقعدها إلي كانت قاعدة
عليها ..قامت عذاري وقفلت التلفزيون وقفلت أنوار الغرفة وراحت طلعت لحاف من دولابها وراحت غطتها فيه ..نزلت
تدور مشاري إلي كان في سن عبد الله ولد خالد و لقته نايم في غرفة مشاعل .شالته بحذر وراحت فيه لغرفتها وحطته
على سريرها وغطته زين .جلست فترة تطالعه وتمسح على راسه الين غالبها النوم وحطت راسها يم راسه ونامت
..............
جلست تراقب الأطفال إلي كانوا يلعبون حولها وهي حط إيدها على خدها وتطالعهم بحب ما تدري ليش تحس إن أي
مشكلة تمر فيه تختفي هنا حتى مشكلة غثيان الصباح إلي صار له يومين ما تدري وش سببها ؟. حتى ناصر إلي قال انه
بيجي اليوم ما تدري متى وصوله ؟ سمعت اثنين يضحكون وراها بصوت عالي والتفت ولقت عنود متجه لها .عذاري
رفعت حواجبه باستغراب وعلى فمه شبه ابتسامة وعلقت بسخرية
"حيا الله عنود والله آنا قلت خلص معاد بدوم ولعاد تكلمني ..
علقت عنود إلي كانت تنظر لها بشكل غريب
"تكفين لو انك مهتمة كان جيتي بيتنا وسائلتي !عذاري اللي رفعت حاجب وعلقت
"والله كنت بجيكم بس كنتي تقفلين الجوال في وجهي حتى لما سالت أمك وأخواتك مردو علي ! قولي آنا غلطت معك
بشي ؟ عنود إلي بدت ترفع حاجب غضب علقت بعنجهية
"مشكلتك ما تغلطين على احد وما تعطين مجال لأحد انه يزعل عليك.
عذاري إلي أومأت براسها كأنه تقولها كملي .لاحظتها ترددت في إلي بتقوله ولكنه تكلمت بشموخ ما عرفته فيها
"ناصر ؟؟؟
عذاري إلي ضيقت عيونها وكأنها تسأله وش فيه ! ردت تكلمت عنود بفروغ صبر
"ليش تزوجتيه؟
ليش وافقتي عليه ؟ مو هذا إلي جرحك ؟و أهانك و آنا شاهده على ها الشي .ردت عذاري بحذر
" ليش تسألين عنود ؟ لاحظت ملامح وجهها إلي كسها التوتر لكنه علقت بجرأة
"عمتي لطيفة خطبتني من أمي الشهر إلي فات قبل أسبوعين من زوجكم.
عذاري إلي حافظت على ملامح وجهها وما تدري شلون صوتها طلع طبيعي
"وأنتي عشان كذا محضرتي عرسنا .مو هذا ناصر الحقير إلي كنتي تسبينه معي وكنتي تبكين أكثر مني علي سواه
.أللحين حلا في عينك ! .طالعته عنود بتوتر مخفي وتكلمت بتردد
"عذاري أنتي تعرفين إني كبرت .ولما جاء ناصر خطبني ما توقعت إن ها الشي في خيانة لك بالعكس توقعتك تفرحين لي
مو تخذينه مني. عذاري صدق ليش وافقتي ؟
عذاري تجهلت سؤالها وسألتها
"ناصر وعمي يدرون به ألحكي ؟
عنود بغرور
"طبعاً .بس ..
سكتته عذاري وهي ترفع إيدها في وجهها
"طب ليش ناصر وهو خاطبك جاي خطبني واستعجل الزواج ؟شافت توتر عنود إلي تحس إن اغلب كلامها كذب وعلقت
"عمتي موضي ترجت ناصر انه يخطبك مع إن أبوي محلفني ما أقول هل حكي بس مهمً كان أنتي صديقتي لازم كل
شي يكون لك واضح واتفقوا أبوي وعمي إن بعد شهر من زوجكم ناصر يعلن للعائلة خطبتنا وأنتي بتطلقين بتمين على
ذمته شي راجع لك .بس عذاري بيني وبينك و شلون علاقتكم بالله مي نكد في نكد عذاري عشان خاطر صداقتنا اتركيه
لي يمكن يحلفني الحظ معه .علقت عذاري بابتسامة ما تدري و شلون طلعت وعلقت
"ما تصدقين لو أقولك السعادة إلي آنا عايشه فيها صحيح أول الأيام كنا محنا طايقين بعض لكن بعدين ندمنا على كل
السنيين إلي ضيعنها وآنا أللحين حامل شلون تبيني اتركه .
لاحظت وجه عنود إلي شحب وكان كأنه بيغمى عليه وابتسمت لأنها سددت لها ضربة .علقت عنود بكره أول مرة تشوفه
في عيونها
"آنا عارفة انك قاعدة تقصين علي عشان ما تبينه يتزوجني لكن ناصر خطبني رسمي اليوم وحتى شوفي الرسالة أبوي
توه أرسلها لي وفتحت لها الجوال عال رسالة إلي كانت جاهزة ومفتوحة
"تمت خطبتك من ناصر أللحين "
عذاري إلي ابتسمت ولا كان الموضوع همها .بس من جوا كانت جالسة تحترق ورن جوالها في إيدها من ناصر في
البداية كانت ما تبي ترد لكن لما شافت نظرة عنود المنتصرة خطرت على بالها فكرة ثانية ورفعت الجوال وردت عليه
"هلا حبيبي .
سمعت سكوته وابتسمت طرف ابتسامة لأنها عارفة انه أكيد أنصدم بس بالنسبة لعنود كانت توحي إن ناصر يغازلها تكلم
بعد صمت طويل
"آنا انتظرك برا ؟
علقت عذاري بدلع ما تدري من وين جبته
"ليش حبيبي متعب عمرك و جايني كان جيت آنا مع السايق وأنت ارتحت .
سمعت صوته المبحوح يعلق
"أللحين فهمت يلا لتطولين وأنتي تقصين على الناس .
ضحكت عذاري بصوت عالي وعلقت
"حاضر حبيبي أللحين خارجة وآنا بعد اشتقت لك ..
قفلت السماعة وطالعت عنود إلي كانت تطالعه برفعة حاجب ابتسمت له عذاري وأومأت له عذاري براسها ومرت من
يمها وهي رافعة راسها وما تدري شلون مثلت هل تمثيل
........
ناصر كان قاعد في السيارة ينتظرها وهو يحس إن راسه بين فجر من كثر إلي صار من يوم ما وصل الصبح دق عليه
عمه حمد انه يجي الشركة تذكر إلي صار لما دخل على عمه المكتب شلون لقه متوتر أول مرة عمه حمد إلي ما يكسر
كلمته شي يتوتر هل كثر راح وبس راس عمه وجلس ع الكرسي وعلق عمه
"حمدا لله ع السلامة متى وصلت .
ابتسم وعلق
"الله يسلمك الساعة ثمانية ونص بس لا تخاف نمت البارح طول الليل والشغل ...
."ما جبتك عشان أسألك عن الشغل الحقيقة يا ولدي في موضوع ثاني بس ما ني عارف شلون أفتحك فيه .
ضيق عيونه وقرب وعلق بخوف
"عسى ما شر يا عمي صاير شي ؟
عمه إلي أرخى راسه وتكلم بحزن
"عنود يولدي يا ناصر صار لها شهر على فراشها لاتكل ولا تشرب ودمعته على خده ما ندري وش فيها ودينها الدكتور
يقول هذا اكتأب حولوا فيها خواتها تتكلم ما رضت و جلست معها البارح الين ما رضت إنها تتكلم ما هان عليه إن بنت
عمها عذاري هذه المرة الثانية يجي نصيبها وهي للحين ما ادري يا ولدي وش أسوي أحس إني قطعت نصيب بناتي
بالي سويته ..حس انه بداء يستوعب كلام عمه وعرف وش يقصد وسمع كلمة عمه الأخيرة وما خله يكمل
"لا تكمل يا عم آنا لها وآنا أتشرف ببنتك وإنا شاالله الله يقدرنا يا عم ونرضيك
شاف وجه عمه إلي كله حيا وتكلم عمه بتردد
"يا ولدي مودي أخرب عليك وآنت توك معرس ولو إني شفتك مرتاح ما جيتك .
سكت وحس انه توه استوعب انه متزوج و مو إي زوجة عذاري إلي قرر انه اليوم يتصالح معه وجاب لها هداية يا رب
عني علي آنا فيه وحب يرد على كلمة عمه وينصف عذاري
" عمي عذاري ما قصرت معي بشي وآنا ما تركتها إلا عشان المدرسة وصدقني علاقتنا ممتازة جداً
انتبه لعمه إلي رفع راسه وتكلم براس مكسور
"لا تفرق في المعاملة بينها وبين عذاري صحيح إن ذيك بعد مكسورة بس شسوي ما هنت علي بنتي .
ما يدري ليش حس ولأول مرة في حياته حس بأنانية عمه ,طيب و عذاري إلي مقعد معها غير أسبوعين وش وجهه مع
نواف وخالد وعمتي موضي والاهم من ذا كله هي وش راح يصير فيها حتى شهر عسل ما وديتها .استأذن من عمه
وخرج من المكتب وهو مخنوق من كثر التفكير
في شي كان يقوله كمل انتقامك منها به الشي...بس هز راسه و تجهل الفكرة وحس انه مثل الرخمة و شلون أشيل على
حرمة .بس هذي مو أي حرمة هذه حبيبتي إلي تركتني ؟ بس رجعت لك خلاص عاد أنسى وفكر في هل مصيبة . لقى
نفسه واقف في مكتب خالد وما حس على نفسه وانتبه لنواف إلي ضربه على كتفه فاق وابتسم لنواف وآخذو بعض
بالأحضان وقعدوا يتغشمرون عليه نواف وخالد وانتبه لعمه إلي داق على خالد يبيه يجي المكتب خاف لا يكون يبي يقوله
ع السالفة ويقعد يسب في عذاري .لاحظ خالد إلي كان يبي يقوم لكنه امنعه وطالعهم بتوتر وعلق بتردد
"آنا أبيكم في موضوع والله أني مستحي منكم و خايف إنكم تفهموني غلط !!
لاحظ نواف إلي كان مبتسم والي هذه كانت طريقته في تلاقي الأخبار الصعبة وخالد إلي بدت ملامحه تضيق
" بس الشيء إلي بقولكم إيه عذاري لا تدري فيه تردد شوي وتكلم "ترى آنا خطبت عنود بنت عمي مو عشان عذاري
فيها شي لكن لسبب ما اقدر أقوله..... لاحظ الصدمة إلي كانت على وجه خالد وعوجة فم نواف وعم الهدوء المكتب
وهو ينتظر ردة فعلهم .وعلق نواف بلهجة مريرة
"ليش يا ناصر أصلاً عمي شلون يوافق ليه عذاري..........قاطعه خالد إلي تكلم بزعل واضح في وجهه
" قولي ياناصر عذاري مضايقتك في شي ؟
رفع حاجب غضب في وجه خالد وكأنه يقوله استحي من ذا الهرج وعلق بصدق
"والله عذاري جنة وترى ما في فالحريم مثله بس آنا جيت أقلكم لاني شفتكم إخواني وآنا خايف إنكم تسمعون من غيري
والسبب صراحة مقدر أقوله آنا أسف سامحوني ولا تخافون موعشان عيب في عذري و ترها في عيوني ...شاف ملامح الارتياح إلي
غطت ووجوه الاثنين وتكلم نواف بحكمة كعادته
"حنا ما نشكك فيك يا ناصر وآنا متأكد إن السبب كبير وطالع في خالد إلي كان ساكت وكأنه زعلان وعلق بضيق
"يعني لو انك الله يهديك منتظر شهرين ثلاثة أربع كان قدرت ابلع الموضوع يعني الحين....
"خلص يا خالد قوم شوف عمي شيبي .تدخل نواف إلي الزعل كان واضح في صوته ... وسمعه يتمتم بصوت راخي
بعد خروج خالد "ما راح أسامحك لو طلع في أختي شي وما قلت لي ؟سكت وكأنه توه استوعب إلي صار وفكر إذا هذه
ردة فعل نواف وش بتكون ردة فعل عذاري ..
".السلام عليكم.
وعى من أفكاره على صوت عذاري إلي دخلت السيارة وقفلت الباب والتفتت عليه وكشفت عيونها إلي كانت مكحلتها
ومعطره عطرها إلي يعشقه قعد فترة عشان يحرك السيارة وكأنه يملي عيونه منها تكلمت عذاري بصوت مبحوح
"الحمد لله ع السلامة ما بغيت تجي .ابتسم لها وعلق
"الله يسلمك .
مد إيده ومسك إيدها ورفعه لشفايفه وهو يستنشق عطرها وهو مغمض عيونه ولثم إيدها كم مرة وحس بتوترها وهي
تسحب إيدها من إيده وعلقت بحرج
"متى وصلت ؟
حرك السيارة وهو يبتسم لها برقة
"الساعة ثمانية ونص ,إلا شلونك أنتي ؟ أمي قالت إن وجهك الصبح كان اصفر! عسى ما شر ؟
حس فيها أجفلت بس ما عرف ليش ورد ت برقة
" لا ما فيني شي من السهر بس إلا ليش تارك لحيتك كذا ما حلقتها .
ابتسم ورجع اخذ إيدها ولثمها وعلق بتكاسل
"خلص أنتي عودتيني انك تحلقينها لي. .رجع وعلق بسخرية
"وش الفيلم ذا إلي سوتيه قبل شوي !
طالعته عذاري وكأنه مي مستوعبة وبعدين ضحكت وعلقت بخجل
"لا بس كنت واقفة مع عنود بنت عمي وقاعدة تسألني إذا في بينا مشاكل أولا فسويت كذا عشان توصل لعمي إلي شافته.
وضحكت.ناصر حس بالتوتر هذي لا يكون قالت لعذاري شي مو عمي يقول إنها تعبانه وش قومها فجاء الله يعيني عليها بس .
.........
عذاري كانت قاعدة في غرفتها تطلع في ناصر إلي كان نايم وفكرت إن تصرفاته اليوم كانت غريبة رقته زايدة وحتى
جايب لها هدية لا يكون هذا تسكيت لي بعد سواته الشينة شلون بتصرف معه ؟ واي يا شماتة الناس فيني الأول تركني
بعد ثلاث شهور والثاني بعد شهر تزوج علي والمصيبة للحين ما عنده نية يفاتحني في الموضوع اخذ إلي يبي وأكيد لا
صحا من النوم بيرمي الموضوع في وجهي ...إي صح موضوع الحمل آنا شكلي حامل لازم أتأكد .شافت ناصر إلي
كان يوخر اللحاف عنه وطلعت في راسها فكرة إن لو قالها انه بيتزوج بكل قوة عين ما بتقوله عن موضوع الحمل و
بتروح تقعد في بيت أهلها ومراح تخليه يدري بس قبل ذا كله شلون أتأكد بدون ما يدري .بس مالي غير جواهر هي إلي
بتساعدني من غير ما تسأل .انتبهت لصوته المبحوح من آثار النوم وهو يسألها عن الساعة .ردت ببال شارد
"الساعة السبع المغرب .
شافته وهو يقعد ويطالعها وهو مضيق عيونه بنظرة غريبة وقام بتكاسل للحمام
انتبهت لجواله إلي رجع يرن قامت عذاري وشالته وشافت رقم غريب استغربته . خرج والمنشفة بإيده و طالعها
وانتبه لجواله وتكلم بهدؤ
"وش عندك مع جوالي ؟
عذاري إلي ما تدري ليش مي قادرة تتحمل أي كلمة من احد علقت بعصبية
"ليش عندك شي خايف منه
!طالعها بعد ما رمى المنشفة ع سرير وعلق بهدؤ مميت تحس انه يذبحها به الأسلوب حتى مو خايف ولا متوتر! طبعاً
أنتي وشفيك هذا ناصر ما يخوفه شي
"سؤالي عادي ما يحتاج له هل عصبية كلها
!!ومر من يمها وقرص خدها برقة وطلع سجادته وقام يصلي .عذاري إلي حست نفسها لا تطاق بسبب عصبيتها الزايدة
راحت ووقفت قدام المراية و انصدمت من شكلها إلي كان غاية في الجمال وفكرت انه لما كان مو موجود كان وجهه
اصفر وعيونها شاحبة من السهر أم أللحين خدودها موردة وعيونها فيها نظرة غريبة توردت خدودها لما شافت آثار
ناصر في رقبتها .يا لله وش ها الإحراج و شلون بكرى أدوام به المنظر .تحركت من قدام المراية وراحت ألبست لها
فستان بيت طويل اسود وكان بأكمام ما تدري ليش تحسه يناسب حالته النفسية وكان أهم شي انه محتشم وجميل في نفس
الوقت وتركت شعرها مسدول وحطت كحل وروج احمر وعطرت من العطر إلي يحبه . وقفت قدام المراية تقيم نفسها
.وعطت نفسه ابتسامة رضا وخرجت من الغرفة ولقيته لازال قاعد على سجادته وكأنه مهموم راحت عذاري وجلست ع
الأريكة إلي يمه وهي عارفة وش يفكر فيه .رفع عيونه لها بنظرة إعجاب واضحة خلتها تنحرج وعلقت بتردد
"تبي أجيب القهوة هني ولا ننزل عند عمي وعمتي ؟
كان كأنه عنده موضوع ومتردد يقوله .مسح راسه بإيده بفروغ صبر وعلق
"ننزل أحسن
أومأت له عذاري وقامت تسبقه لأنه بيبدل ثيابه. وهي بتخرج من باب الغرفة ما انتبهت إلا ليده إلي محوطة خصرها
وجرتها لحضنه وهمس بقرب إذنه
"ما يحق لي به الجمال شوي .
عذاري إلي توترت من قربها منه به الشكل واستغربت تصرفاته الرومانسية إلي كان مكثرها اليوم وخافت تنسى نفسها
مرة ثانية .ما قدرت تمسك لسانه أكثر وتكلمت وهي في حضنه
" وش فيك اليوم !
و اخرها عنه وطلعه وهو مضيق عيونه وعلق بهدؤ
"لما أضمك وش فيني ! !
تلعثمت عذاري لكنه قاطعاه وعلق وهو رافع حواجبه بسخط وعلق بهدؤ
"اعرف إن معاملتي متغيرة بس جد خلص إن زهقت من الهواش إلي بينا أربع وعشرين ساعة خلص عذاري خلينا مراح أقلك ننسى , على اقل خن نأخذ هدنة .
.طالعته عذاري بتشكك وعلقت بحذر
"هدنة لمتى اقصد بعدها بنرد نكره بعض مثل أللحين ؟
زفر أنفاسه بهدوء وعلق
"خنا نعطي بعض فرصة عذاري حنا الحين متزوجين والطلاق أبد موارد عندي ف ليش ما نجرب ؟ على اقل آنا ويك متفقين في حاجات كثيرة
...وحط إيده على أثاره إلي في رقبتها ودارت عذاري وجهه للجهة الثانية بحرج .وكمل بهدوء
"وش قلتي ؟
كانت مفكرة انه يبي يفاتحها في موضوع الزواج استغربت فتحته له الموضوع بس لا على منو أكيد الهدنة ذي يبي
يكسبني فيها عشان يرد يرميني ويحقق إلي في نفسه التفتت له عذاري وهي مبتسمة وعلقت بهدوء
"العب غيرها يا ناصر مو آنا إلي تسويها فيني مرتين على فكرة آنا عارفة بموضوع خطبتك من عنود وتراني جالسة من
الصبح انتظرك تتكلم ! لاحظت إجفاله وصدمته إلي وضحت على وجهه وعلق بهدوء مخيف
"أنتي وش دارك به
الموضوع ؟
ابتسمت عذاري بعدم تصديق وعلقت
"ناصر توقعتك أذكى من كذا !أقولك عنود من يوم خطبته الصبح راحت بلغت كل المدرسة وبلغتني .
سكت وتغيرت نظرته من الرقة للقسوة وعلق بازدراء
"هذه رفيقتك إلي امنتيها على سرك جاية تغيضك !
طالعت فيه عذاري بقهر وعلقت
"شفت شلون طلعت غبية في كل اختياراتي من البداية ! طالعها بضيق وعلق
"طيب وش افهم من كلامك ؟
طالعته عذاري بقوة ما تدري من وين طلعت
"ليش وش معنى عنود في ألف وحدة غيرها وش معنى صديقتي ؟
طالعها وضحك بسخرية وعلق
"تكفين الله يخليك الله والصديقة إلي حتى ما فكرت فيك! تصدقين العيب طلع فيك كلهم ما يبونك! .
عذاري إلي كانت منتظرة كل هل حكي إلي كان وقعه أألم من إلي تصورته لكنه بقت رافعة راسها وتكلمت من تحت
أسنانها
" خلص على كذا كل شي بينا انتهى طلقني عليكم بألف عافية ..
لاحظت عيونه إلي قست بشكل مرعب وشافته يقترب منه ورفع له إيدها ولوها لها وطلع صوتها من الألم وتكلم بصوت
مبحوح
"آنا قلت لك طلاق ماني مطلق ولعاد اسمع هل كلمة مرة ثانية تفهمين أولا ! عذاري إلي ما قدرت تتحمل أكثر ونزلت
دموعها وتكلمت بقهر
"ليش مخلص انتقامك وش أكثر انك تتزوج علي وآنا عروس خلاص اتركني آنا ما أبيك .
علق بنفس العصبية وهو شد على إيدها أكثر
" يعني آنا إلي أبيك.
ولا بعدني مخلصت أبي أخليها هي حبيبتي و أنتي مثل الخدامة هني راح أوديها وأجيبها وآخذها معي في كل مكان
وارجع أخار الليل ألقك تنتظرني في فراشك هذا حقك ويخب عليك بعد.
رماها على الأرض وخرج من الغرفة . عذاري إلي كانت غرقانة في دموعها وحطت إيدها على بطنها كأنه تحميها وهي
تبكي فكرت إنها لو راحت لبيت أهلها خالد مراح يرحمها لأنه مراح يصدقها لأنه أكيد بيصدق ناصر .معقول هذا
الشخص اهو نفسه والله ماني مصدقة قامت من عل ارض بحذر واتجهت وجلست على الأريكة وسمعت صوت عمتها
لطيفة وهي تكلم وحدة في التلفون وتبارك لها بصوت عالي وكأنها تبي عذاري تسمع قامت عذاري وقربت وسمعت
لطيفة وهي تبارك لعنود ..عذاري كانت تحس إنها تبي تموت لكن في شي كان يقولها اصبري آن الله مع الصابرين
شافت باب الغرفة ينفتح وما رفعت راسها حست إنها
عمته لطيفة جاية تتشمت فيها بس ما سمعت صوت وانتبهت ليد
عمها فيصل إلي حط إيده على راسها . طالعته عذاري وسالت دموعه ورمت نفسه في حضنه وسمعته وهو يجبر في
خاطرها ويمسح على ظهرها بحنية ورفعت راسها لما هدت و علقت
"شفت يا عمي ؟طالعه عمه بحزن وعلق
"سامحيني يا بنتي آنا لو كنت ادري آنا كل هذا بيسير ما كان خليته يخذك ..
علقت عذاري بإلحاح
"طب ليش عمي رضا و ليش عنود وافقت ؟
طالعه عماه وشال راسه على الجهة الثانية وكأنه يخفي سر .
علقت عذاري
"عمي آبي أروح بيت أهلي ماني قادرة أتحمل والله .
طالعه عمه بحنان ووافقها
"قومي يا بنتي آنا أوصلك .
طالعت عذاري في عمه بامتنان وقامت ترتب أغراضها بأطرف ترتجف
وألقت على الغرفة نظرة أخيرة وكأنه نظرة وادع ومشت تجر رجلها بيأس .
#17