الفصل السابع
# *رحلت_عافية_راضية*💜🪻
# *بارت﴿ 7﴾*💜🪻
# *بقلمي روز_فتاة_الورد*💜🪻
*★★★ــــــــــــــــ★★★ــــــــــــــــــــ★★★*
🪻.........
🪻......
🪻...
*من سيفهم ضجيج في داخلك وأنت في أتم هدوئك*💜💚
طبعاً الايام دي مضغوط شديد الحاجة مصرة تلقى لي عروس هي عاوزة تعرس بت خالتوا محاسن لمياء أصلا لكن خالي قال أعرس شيماء وأمي عالقة بين إخوانها طبعاً هم متزاعلين من زمان لو عرست لي شيماء خالتي ح عتزل ولو عرست لي لمياء خالوا بياخد موقف وتحصل مشكلة وهي علقانة في النص بيناتهم وأنا أصلا ما كنت عاوز ولا واحدة فيهم وهسي أمي من جينا السودان كلوا يوم بتفتش لعروس وأنا ما موافق لسه ما لقيت وحده في بالي إلا اليوم الشفت فيها البيت ديك أنا شهر بقول بين امش ولا لا
اتشجعت بعد شهر كامل حاسس اني عاوز أشوفها ولو لمحة .. بس مشيت ليهم بس للأسف ما لقيتها قالوا رحلت من البيت كلمتني بت قلت ليها اديني رقمها بس قالت ما عندها راح منها طوالي مشيت وكلي خيبة أمل عاوز أطلع أشوف ليك راجل سألني كلمتوا إنوا جاي اطمن على البت الضربتها بالعربية أصلا ما عارف إسمها قال لي قصدك عافية اااي بس ما فيشا الحمدلله لله بقت كويسة قال لي هو خالها طبعاً كذبت ليه قلت في دفتر نستوا عاوز ارجعوا ليها قال لي طيب جيبوا أنا بديها ليها قلت ليه لا بوصلوا ليها ما في مشكلة قال ما تعذب حالك قلت ليه عادي ما فيها أي عذاب.
وصف لي البيت واداني العنوان وسجلت رقموا عندي بس قلت ليه اديني رقمها عشان لو وصلت وكده...الخ المهم ادني الرقم وأنا أصلا ما مصدق رجعت البيت ومن الصباح متردد بين اتصل ولا أرسل ليها حسمت قراري ورسلت ليها رسالة قصيرة .
السلام عليكم ورحمه الله وبركاته
بس تاني مسحتها وقلت اتصل أحسن
أتصلت الساعة 9:5 مساء
...الو
...السلام عليكم
عافية : وعليكم السلام
....كيف اخبارك وصحتك إن شاء الله إتحسنتي
عافية : أحسن الحمدلله بس ما عرفتك
..أنا محمد حسن
عافية : معليش بس ما عرفتك
....الولد الضربك بالعربية اتزكرتيني
عافية : اااي
.عم الصمت قاطعه محمد :قال ليها من دون مقدمات
عافية أنا عاوزك على سنة الله ورسوله وشاريك
كنت معجب بيك وهسي أنا مجنون فيكي
....سكتت ما قالت حاجة
...أنا منتظر ردك بفارغ الصبر
...لو سمحتي ما تتأخري لي
عافية : أنا ما عاوزة أتزوج الله يديك بت الحلال البتسعدك.
....وأنا سعادتي ما ح تكون ولا تكمل إلا معاكي.
...يعني رفضتيني بالسرعة دي
...طيب ما مشكلة.
عافية : عاين أنا ما رفضتك عشان ما كويس ولا حاجة عندي ظروف و ما بقدر أتزوج .
.... طيب ظروفك شنو .
. .سكتت ..
...عافية احكي لي ح أسمعك .
...عافية مترددة.
عافية ...بس حسمت أمرها وقالت ليه أنا يتيمة
...ما كنت عارف إنوا اهلك ميتين البقية في حياتهم
عافية: ...لا ما ميتين
...كيف يعني ما فهمت؟
عافية : خليني أشرح ليك أمي وأبوي أطلقوا من عمري سنة وكل واحد شاف حياتوا أبوي سافر برى واتزوج وأمي أتزوجت وخلوني مع حبوبة بعد موت حبوبة بقيت قاعدة مع خالي لمن وقوع الحادث وبعد الحادث قاعدة مع صحباتي وانا متأثرة نفسيا عشان كده ما عاوزة أتزوج ولا حتى فكرت أتزوج يوم .
....طيب يا عافية ما ضروري نعيش تجارب أهلنا تمام سهل عليك تقول الكلام ده بس أنا عانيت وبكره الرجال بسبب أبوي بس رجاء أنا حكيت ليك القصة فياريت تتخطاني أنت عارف حالتي انهت المكالمة.
"*من جانب محمد*"
.... بس اكيد ما ح خليها أنا ...... عافية شكلها عندها صدمة نفسية من هي وصغيرة و ده الخلاها يكون عندها عقدة من الزواج بس ماح خليها وأساعدها واكون معاها سند ورفيق درب ..درب ..
_________________________________
*إلى الملتقى*💜💚
*إلى اللقاء في أحداث جديدة و شيقة*
# في أمان الله وحفظه ورعايته *•••••••••••••••••••••••••••••••••••••••••••••••••••••••••••*
*☆☆يتبـــــــــــ فاروق ـــــــــــــــــــــع☆☆*