الفصل الثالث
# *﴿رحلت_عافية_راضية﴾*💜🪻
# *بارت﴿ 3﴾*💜🪻
# *بقلمي روز_فتاة_الورد*💜🪻
*★★★ــــــــــــــــ★★★ــــــــــــــــــــ★★★*
🪻...........
🪻.......
🪻....
*شخصيات الرواية*
البطلة :عافية( 15)
أمها :عرفة
أبوها :محمد
مرت أبوها : محاسن
أخواتها من أمها:
شيماء (14)
سيما (10)
سمير( 9)
عامر(7)
وأخواتها من أبوها:
لمياء (13)
زهراء (12)
وحسناء (10)
على(7 )
حبوبتها: أم الحسن
خالها :إسماعيل
مرخالها:نعماة
أولادهم:
إبتسام (16 )
أماني (13)
إسلام(11)
حسن( 8 )
لؤي(5)
البيست فريند:
«أمل و وعد و رشا و لدن و لين و رونق وشمس»
طول الستة أشهر القعدتهم دي أنا بشتغل شغل البيت كلوا من طبخ لنظافة البيت والغسيل والمكوة....الخ
وخالتوا نعماة بترسلني بأمشي اجيب حاجات البيت وبراجع لي إسلام وحسن ولؤي الحاجات الادوها ليهم في المدرسة بس السنة دي ما قريت فيها حياتي بقت جايطة وخالتوا نعماة قالت الناس فاتوني في الدراسة إلا انزل السنة الجاية بس أنا قلت ليها ما مشكلة بلحق نهرتني وصرخت فيني قالت لي فوق ما مأكلنيك ومشربينك اجاااية تتفاصحي.
؛؛؛ في الفترة دى أتعرف على صحبات أمل و وعد و رشا احلى صحبات بالجد بجوني دائماً في البيت بروق لي الجو الملان شحنات ده .
*"بعد سنة"*
دخولي المدرسة فرحني شديد السنة دي انا ممتحنة شهادة أدبي شايلة فنون و امل برضوا أدبي و، وعد ورشا علمي أمل شايلة دراسات وانا فنون ورشا أحياء و وعد هندسية.
السنة دي كنت مضغوطة في المدرسة والقراية كتيرة ومضغوطة في شغل البيت ما في ذول بشتغل غيري من اجي اطلع ملابسي أمشي اسوي الغداء واغسل عدة الفطور وألم البيت وأضايره بعد داك أمش أخد لي حمام واجي اصلي ده كان روتين يومي إذا ما شتغلت خالتوا نعماة بطلعني من المدرسة وبعده منتظرني إسلام وحسن ولؤي أراجع ليهم بعده أمشي أجهز الغداء لو الغداء أتأخر يكون الساعة خمسة أصلا نحن بنتغدا الساعة أربعة أو خمسة بعد الغدى بلم الصينية واغسل العدة سريع واغسل ملابس المدرسه عقبال انتهي من الغسيل العشاء بكون خلاص جى بشيل معاي كتابي لمن اغسل براجع يكون جنبي بعد انتهي بمش اقراء شوية قبل الملابس تجف اقرأ شوية زمن صلاة العشاء بجي بمشي اصلي وبجي اكوي وكتابي بجي جنبي بقرأ فيه بعد انتهي من شغل البيت بكون قريب الساعة 9 بعدها بقرى لساعة 11 وبصحى الساعة 4 بقرى لساعة 5 بعدها بصلي وبعمل الشاي وبنضف البيت سريع وبمش بجهز للمدرسة وكتابي في يدي ... السنة دي تعبتها فيها تعب وجاني التهاب في الدم الأبيض وتايفوت وملاريا من الارهاق كل شهر أنا عيانة ارقد يوم يومين طوالي اقوم بشتغل إبتسام و أماني وإسلام بنقنقوا وبشاكلوا لمن أكون عيانة لمن عاوزين يجيبوا لي نفسيات.
إبتسام : ....يا جزمة انتي جايبنك عشان ترقدي يا خدامة
أماني : ....اااي العدة دي منو البغسلها أنا قبيل غسلتها تاني ما بغسل.
إسلام : ...وملابس المدرسة دي وسخانة بكره نحنا ماشين المدرسة.
إبتسام : ...يا أمي أمي
نعماة : ...نعم يا إبتسام
إبتسام : ....عافية دي قاعد تمثل لا عيانة ولا حاجة
نعماة : ...أصلا أنا كنت شاكة فيك إنك قاعدة تدعي عشان ما تشتغلي.
عافية :....يا خالتوا نعماة والله أنا ما قاعدة أمثل لوكنت بمثل بجي في الفحص إنو عندي تايفوت
نعماة :...قومي أمشي يلا بلا كلام فارغ معاك أو تاني ما حتشوفي المدرسة
عافية : ...طيب
.... قومت مشيت بوجعة وذل ودموعي عشرة عشرة في عيوني غسلت العده والملابس وكويتهم ونضفت الحوش تلاتة مرات من الذعل لمن راسي لفى ووقعت في الأرض قلت إن شاء الله ذاتو أموت لهم وارتاح .
تعبت أنا والله يا الله من الدنيا الموحشة دي عاوزة ارتاح لمتين اتعذب واتهان كده لمتين
خالي بسافر كتير ما قاعد يقعد معانا كتير وإبتسام بتستغل فرصة غياب أبوها بتعاملني معاملة للخدم ما بعاملوها ليه ولمن خالوا يجي تمثل انها بتحبني وبترأف على *( أم وجهين)*.
نسيت أقول ليكم إنوا إبتسام أدبي معاي برضوا بس هي ما بتقرى غير الكسل والحبكانيات مع الاولاد ما عندها حاجة دائماً قاعد أشوفها بتنزل من عربية سوداء وفي الليل بتساهر للساعة ثلاثة كلو في الرغي مع سيد الريد وشغلها في الامتحانات ذي وشها ساقطة في كل المواد في الامتحان التجريبي ... و انا جبت 6٪98 غارت مني شديد ومشت حرقت لي دفتري بتاع الرسم عشان أنا بحبوا شديد وشخبتت لي في كراسي وقالت ده لؤي زعلت شديد منها دفتري الحاجة الوحيدة البتنفس بيها من العالم الظالم .
*لقد تم معاملتي بشكل سيئ جدًا، رغم أن قلبي كان نقيًا الى ابعد الحدود، ولكن لن انسى ذلك ابدًا.*💜💚
_________________________________
*إلى الملتقى*💜💚
*إلى اللقاء في أحداث جديده و شيقة*
#في أمان الله وحفظه ورعايته🪻
*•••••••••••••••••••••••••••••••••••••••••••••••••••••••••••*
*☆☆يتبـــــــــــ فاروق ـــــــــــــــــــــع☆☆*