الفصل الثاني
# *﴿رحلت_عافية_راضية﴾*💜🪻
# *بارت﴿ 2﴾*💜🪻
# *بقلمي روز_فتاة_الورد*💜🪻
*★★★ــــــــــــــــ★★★ــــــــــــــــــــ★★★*
🪻........
🪻.....
🪻...
*سأحاول أن أبقى وحدي حتى لاازعج احد*💜💚
"تاني يوم الصباح"
.....يابت يا عافية عااااافية بصرخة خلعتها
.... نعم
..... تعالي افتحي الزفتي ده
....نعم يا خالتوا نعماة
....نايمة للوقت ده هيي يابت مافي نوم الساعة خمسة صلي الصبح وابدي شغلك سوي الشاي و قومي نضفي البيت لمن يلمع كنسي الحوش والغرف وامسحهيهم .
...طيب
قمت وتعبانة دخلت أخدت لي شاور يزح لي الكسل والتعب الفيني ده و اتسوكت وبعد داك صليت الصبح عملت شاي اللبن وكبيته في سيرموس وجهزت صينية فيها كبابي الشاي ومشيت بديت انضف بديت في الحوش الرجال عشان كبير وبعد انتهيت جيت نضفتى حوش النسوان ونضفت المطبخ والمظلة بعد داك دخلتى جوه نضفت الغرف والهول والحمام بع أنتهيت الساعة 8 جات خالتوا نعماة جابت حاجات الفطور وقالت لي أمشي سويه عملت شوربة عدس مع شكشوكة وحمرت سجوك وقطعت سلطة جهزت الصينية وكبيت الاكل وختيت صحن جبنة وزيتون وجبيتوا ليهم الساعة 9
ذي ما قالت لي ما أتأخر والساعة 9 يكون الأكل جاهز
وديت الاكل ومشيت ناديتم للفطور بعد الناس كلهم جوا قعدوا جيت دايرة أقعد قالت لي عاوزة شنو هنا امشي اكلي في المطبخ ....طبعاً زعلت واتكسرت شديد طوالي طلعت يدي من الاكل ومشيت المطبخ كنت في البداية ما عاوزة اكل بس أكلت لأني أجعانة شديد من امبارح بس ساكته
بعد انتهوا من الاكل نادتني اشيل العدة مشيت غسلتهم بعد انتهيت اخذت لي شاور ودخلت جوه في غرفتي قاعدة ارسم عشان أطلع من الجوه الأنا فيه ويشيل عني وأنا بحس براحة نفسية لمن أرسم
بعد شوية خالتوا نعماة نادتني
.... يا عافية يا بت عافية
...نعم يا خالتوا (سامعة صوت جوطة بره شكلوا في ضيوف جوه )
....أمشي سوي الجبنة
...طيب( إتأففت ومشت تعمل القلتوا ليها)
بعد ما قربت انتهي من الرسمة نادتني خالتوا قالت أمشي اعملي جبنة وشاي مشيت عملتهم سريع وجهزت حاجات الجبنة وديتهم ليها
في واحدة من النسوان قالت جبتي ليك شغالة ولاشنو يانعماة
....ههههههههههه اااي والله ارتحتي عشان كده انت مروقة وحليانة
....اااي شغالة وكمان ببلاش
....ما جدة كيف
....دي بت اختوا لإسماعيل أمها وأبوها جادعينا جدعة حتى الحيوانات ما بتجدع والدها كده
....اجي ما جادة في ناس ذي ديل أعوذ بالله
.....والله لو ما نحنا هسي تكون ذي الكلاب حايمة في الشارع
....اااي عارفاك طيبة وبتساعدي االناس
مشيت منهم وأنا حاسه بالقهر وكأنوا أنا اتخلقت عشان أتوجع لمن قالت لي خدامة ما وجعني ذي ما قالوا لي أهلي جدعوني ختيت الحاجات ومشيت قفلت الغرفة وبكيت لمن عيوني حمرت إحساس ماعندك سند في الحياة الله لا ضوغوا لزول إحساس مر شديد بعد وفاة حبوبة بقى ما عندي سند
أحياناً بحس إنوا فيني عيب
*لا تبكي أنت قوى لا تحزن انت قوي تحمل انت قوي
اخبروهم اننا نملك قلوباً وليس صخورا*💜💚
_________________________________
*إلى الملتقى*💜💚
*إلى اللقاء في أحداث جديده و شيقة*
#في أمان الله وحفظه ورعايته 🪻
*•••••••••••••••••••••••••••••••••••••••••••••••••••••••••••*
*☆☆يتبـــــــــــ فاروق ـــــــــــــــــــــع☆☆*