ذئاب من دم واحد الجزء التاني من زعماء المافيا - الفصل السادس - بقلم Zainab Mohamed - مكتملة | روايتك

*#ذئاب_من_دم_واحد😌❤️‍🔥{{6}}* *{{قسوة_وجبروت_أحفاد_الفاروقي}}* *بقلم≈Zainab_Mohamed* *#عَاشقة الليل🙈❣️* *الجزء≈التاني* *⫷..≋ـــــــــــہہہہہہ♡♡ـہہہہـــــــــــ≋..⫸*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ كونك أخاً هو أحياناً أفضل من كونك بطلاً خارقاً ========================= آذكروآ آلله 🤍🤍 في صباح اليوم التاني في مطار باريس الدولي الجو كان مغيم وبارد شديد.....رعد النمر كان واقف بهيبته المعتادة وساعته اللي بتلمع في يده وعيونه بتراقب كل كبيرة وصغيرة.....وجمبه صقر اللي كان لابس نضارته السوداء وسارح بعيد..... ​بعد شوية وصلت سيارات عدّي......نزل عدّي ومعاهو أميرة والأولاد عدي كان باين التوتر.....أما رعد الفهد فنزل من السيارة بي برود .....ما عاين لزول بس مسك شنطته ومشى وقف جمب صقر ​رعد النمر بي برود:جيتوا بدري.....كويس عدي بي برود:الليل كله ما نمناه يا رعد.....الأولاد ديل من كترة التفكير وجهيز الشنط لغاية الصباح وهم صاحيين رائد بي ضحك:أنا غايتو من كترة الحماس للسودان غلبني النوم والله.....😂❤️ ​رعد النمر ابتسم ابتسامة خفيفة وعاين لي ياسمين اللي كانت ماسكة في يد أمها وخايفة قال:ما تخافي يا بتي.....أنتي ماشة لبيتك وأهلك ياسمين بي صوت واطي:حاضر يا عمو..... ​صقر مال على الفهد وقال ليهو بهمس:مالك يا ود عمي.....شايفك قالب وشك من الصباح.....لسه زعلان من الحقيقة الفهد بي برود:ما في شي بستاهل الزعل يا صقر.....أنا بس بفكر في السودان دي حأقدر أتعايش فيها كيف وسط ناس كانوا داسينهم علينا السنين دي كلها.....انت عارف إنو أنا ما بحب المفاجآت ​صقر ضحك:أبشرك بالخير.....المفاجآت في قصر الفاروقي ما بتنتهي أرحكا الطيارة جأت..... ​========================= داخل الطيارة الخاصة رعد النمر وعدي كانوا قاعدين قصاد بعض.....والجو كان هادي عدّي عاين ليده الكانت بترجف شوية ورعد لاحظ الحاجة دي.....خت يده فوق يد أخوه وضغط عليها رعد النمر:أنسى الفات يا عدي.....أنا هسي راجع ومعايا أخوي وأولاده......ده المهم عندي عدي بي ندم:رعد.....تفتكر أسد ورحيم حيسامحوني.....أنا خايف من نظراتهم يا رعد رعد النمر بي برود:أسد ورحيم أخوانك.....وأنا ظبطت الأمور هناك المهم أنت خليك قوي قدام أولادك.....رعد شكلوا متعصب شديد وأنا ما عايزك تضغط عليه كتير..... ​بجانب التاني في الطيارة رائد كان قاعد بيحكي لي صقر عن بطولاته الوهمية في فرنسا وصقر بيضحك عليهو رائد:يا صقر.....في السودان عندكم شنو وكمان فريد دا مالو مستفز كده♥️😂 صقر بي برود:عندنا ذئاب يا رائد.....و فريد ده قلبه ميت وما بعرف الهظار.....خليك بعيد منه أحسن ليك رائد:فريد ده القولتوا عليهو مستفز......غايتو الله يستر علينا بس......🥲💔 ========================= بعد مرور ساعات طويلة في مطار الخرطوم الدولي الطيارة هبطت بسلام.... رعد النمر نزل أول واحد و أخد نفس عميق وابتسم بهدوء ونزل وراه عدي اللي عيونه دمعت أول ما لمست رجله أرض السودان.....بقى يتلفت يمين وشمال بفرح وهو مامصدق إنو رجع بلدو بعد كل السنين دي......🥺♥️ رعد الفهد نزل وراهو وهو بيعدل في ياقة قميصه....عيونه كانت بتفحص المكان ببرود و هو متعصب من جو السخانة ده الفهد بي برود:أمممم يعني دي الخرطوم......شكلوا الجو ده حيحرقنا ولا شنو.....😒✋ فجأة.....شافوا أسطول من السيارات السودة الفخمة واقفة في المطار والحراس مالين المكان ومن نص السيارات دي.....طلع عامر وهارون ومعاهم فريد.....كلهم كانوا واقفين ببدلهم الرسمية وكانوا بيعاينو لي الفهد بيغرور...... فريد قرب بخطوات سريعة وحضن صقر:حمد الله على السلامة يا غالي.....نورت البلد صقر:الله يسلمك يا وحش..... عامر كان واقف بعيد شوية عيونه كانت مركزة على عدّي وأولاده بنظرات حادة خلت عدّي يبتسم بسخرية.....وهو شايف نسخة من رعد قدامو رعد النمر نادى فريد:تعال يا فريد.....سلم على عمك عدّي فريد قرب ببرود تام.....ما حضن عدّي بس مد يده بجمود وقال بصوت بارد:حمد الله على السلامة يا عمي......نورت وشرفت عدّي عاين لي فريد بتركيز.....عرف إنو ده نسخة من أبوه أسد عامر وهارون سلموا على رائد والفهد ببرود..... هارون عاين للفهد وقال:أهلاً بيك في السودان......وبتمنى إنو تثبت لينا إنك وفي وما بتغدر في دمك...... الفهد رفع حاجبه وبادله النظرة الباردة:الفهد بيفضل فهد في أي مكان يا هارون.....وما محتاج أثبت ليك أي شي رعد النمر قال بي صوت عالي:خلاص.....التعارف بتم في البيت أركبوا السيارات سريع و خلونا نمشي...... ========================= في قصر الفاروقي البيت كان مقلوب قلب.....الخدم شغالين والذبائح مدبوحة.....والكل في حالة توتر أسد ورحيم كانوا واقفين في الصالة الكبيرة لابسين الجلاليب السودانية الفخمة والسِديري....🥲♥️ أول ما دخل رعد النمر ومعاهو عدي.....الصمت ساد المكان أسد عاين لعدّي نظرة طويلة.....نظرة فيها عتاب سنين ووجع ما بنوصف عدّي وقف مكانه ما قدر يتقدم خطوة واحدة.....رعد النمر عاين ليهم بغيظ لمن شافهم لسه وافقين في مكانهم ورحيم عاين لي رعد النمر ثم رحيم قرب وكسر الصمت ده وهو بيفتح يدينه لعدّي:تعال يا غالي.....والله اشتقنا ليك يا ولد أبوي....😭🫂 عدي جرى على رحيم وحضنه وبقى يبكي زي الشافع.....أسد فضل واقف مكانه لسه رعد النمر قرب من أسد وهمس ليهو:عشان خاطري يا أسد.....عدّي ندمان وجاب أولادو وجاا ما تكسره قدامهم......أسد أخد نفس طويل وقرب من عدّي رحيم فكه وأسد مسك عدّي من كتفه وحضنو ثم باسو في راسه وقال:حمد الله على السلامة يا عدّي .....نورت بيتك وسط أخوانك ​عدّي بي حزن:سامحني يا أسد.....أنا غلطت في حقكم كتير أسد بي هدوء:المهم إنك رجعت.....والباقي بنحله بعدين في اللحظة دي.....الأولاد كلهم دخلوا رعد الفهد رائد ياسمين وأميرة.....وقفوا مبهورين من عظمة القصر وفخامته..... تميم أول ما شاف صقر جرى عليهو حضنه:صقرررر.....والله القصر كان ضلام من دونك حقيقي انت هسي نورتوا صقر أبتسم وقال:القصر منور بأهله يا شافع......وبعدين أنا غبت أسبوع واحد بس قلبتها ليا دراما مالك تميم ضحك عليه وثم عاين لي عدّي وقال بي فرح:بعيداً عن كل حاجه......تعرف إنو كان نفسي اشوفك من زمان يا عمي عدّي أبتسم وقال:تعال ليا.....تميم مشى حضن عدّي و عدّي قال:وانا كنت بتمنى اشوفكم من زمان يا قلب عمك......وهنا جات غزل ومعها إسراء غزل بي دموع:عدّي.......بجد ده أنت يا أخوي يعني أنت هنا بجد وأنا مابتخيل عدّي فتح يدينه ليها وقال:تعالي يا غزل.......تعالي يا حبيبة أخوك غزل جرت عليه ورمت نفسها في حضنه وهي بتبكي بصوت عالي بكي يقطع القلب وكأنها بتطلع وجع السنين والانتظار والأسئلة اللي ما لقت ليها إجابة..... غزل وهي بتشهق:ليه يا عدّي......ليه حرمتنا منك السنين دي كلها البيت ده كان ناقص......وأنت غايب لي ماحاولت تصلح اغلاطك قبل ما تهرب منها........عدّي غمض عيونه بوجع وهو بيكي رفع راسه وعاين لإسراء الواقفة بعيد بتبكي مد ليها يده ببطء وإسراء جرت عليه وحضنتهم هما الاتنين وقال:انا اسف يا أحلى أخوات في دنيا دي كلها......سامحوني أنا جيت الليلة وداير رضاكم بس إسراء مسحت دموعها وبعدت عن عدّي و قالت بي هدوء:خلاص يا عدي....العتاب هسي ما وقته المهم إنك جيت ودخلت بيتك بالسلامة......الحصل حصلل وانتهت و الحمد لله على كل حال التفتت إسراء على رعد الفهد ورائد وياسمين وقالت بصوت حنين:تعالوا يا اولاد....تعالوا يا عيال الغالي.....والله ما مصدقين إنو إنتو هسي معانا ياسمين جرت عليها طوالي وارتمت في حضنها وغزل مشت على أميرة و حضنتها وقالت بي ابتسامة:مرت أخوي الحلوة......نورتي بلدك وبيتك يا غالية أميرة قالت:بي نوركم..... والله يا غزل عدّي كان طوالي بيتكلم عنكم......والحمد لله القدر لمانا بعد ما غزل سلمت على أميرة والكل تبادلوا عبارات الشوق والترحاب......رعد قال بي هدوء:خلاص يا جماعة كفاية كلام كتير.......أرحكم على السفرة الأكل برد🥲♥️ وبعد شويه الكل اتجمع في صالة الطعام الكبيرة طاولة طويلة بتشيل عيلة الفاروقي كلها......وفجأة الباب الخارجي اتفتح بقوة وظهر فارس الفاروقي ببدلته السوداء وهو ماشي ببرود.....وقف في مدخل الصالة وعيونه كانت بتعاين الوجوه كلها ببرود مستفز وكلهم عاينوا ليهوا.......فارس رفع حاجبو وبدأ يصفق ببطء وهو بيتقدم بخطوات واثقة ونظراته مركزة على عمه عدّي:أوووووو......وأنا بقول القصر الليلة منور كدة زيادة عن اللزوم ليه......أتاري الغول أخيراً فكر يرجع لبيته خير ان شاء الله المره دي جاي تخون منو...... الكلمة نزلت زي الصاعقة......عدّي نزل راسه بوجع لكين رعد الفهد قام وقف وهو متعصب وقال لي فارس:الغول لما يرجع لبيته الصغار المفروض يلزموا حدودهم ويسلموا بأدب......ولا قانون الفاروقي ما علمك الإحترام عدي حاول يهدي الموقف وقال بصوت مخنوق:خلاص يا رعد.....فارس عنده حق....أنا.. الفهد قاطعه بحدة وهو عينه لسه في عين فارس:لا يا أبوي......ما عنده حق ولا حيكون عنده حق طالما أنا واقف على رجلي وأنت يا فارس لو فاكر إنك بكلماتك دي بتهزنا تبقى غلطان شديد......نحنا ما بنرد بالكلام نحنا بنرد بالفعل......والأيام بينا يا ود عمي رعد النمر قال بي عصبية:بس خلاااااص فارس.....الزم حدك ده عمك وكلمتي أنا ما بتنكسر....والبيغلط في حق عدّي كأنه غلط في حقي أنا......وانت يا رعد أقعد مكانك نحنا هنا في بيت واحد وكمان دمنا واحد والبينا أكبر من نقاش شفع زيكم.... فارس قام مشى بخطوات تقيلة و قال بي برود وهو بيعدل في قميصه وقال:عن إذنكم......أنا ما بحب أتعشى في جو مليان نفاق نورت يا غول......ونشوف الفهد ده حيعمل شنو.....قال كده و طلع الفهد فضل واقف و وشو حمر من الغضب.......وأميرة كانت ماسكة يد عدي وبتحاول تصبره......الجو كلوا بقى مكهرب وهنا جاا مراد و سلم عليهم......مراد بعد ما سلم على الكل عينو وقعت على عدّي الابتسامة الكانت في وشو بدت تتلاشى تدريجياً وحل مكانها نظرة عتاب........ومشى عليهو مراد وقف قدام عدّي وقال ليهو بصوت بارد وقال:حمد الله على السلامة يا عدّي....... عدّي بي هدوء:الله يسلمك..... مراد عاين لي الفهد وقال بي ابتسامة:نورتوا يا أولاد عدّي..... الفهد بي برود:بي نورك..... رعد النمر عاين لعدي وقال بصوت فيه نبرة آمرة:ارفع راسك يا عدّي أنت في بيتك وفارس ولدنا....وانت عارف إنو إنه لسانه سابق عقله أحياناً......لكنه حيهدا رائد اللي كان بيراقب الفهد شاف إنه عروق رقبته لسه بارزة من الغضب رائد ضغط على كتف الفهد وقال ليه بصوت واطي:أقعد يا رعد......انا معاك الفهد قعد ببطء لكن عيونه كانت لسه معلقة على المكان اللي واقف فيهوا فارس...... الفهد قال بصوت بارد:الوجع ما مبرر لقلة الأدب يا رائد.......والبيغلط في أبوي كأنه غلط فيني أنا ما جيت هنا عشان أسمع إهانات.... رعد النمر خبط الطاولة بيده خبطة خفيفة لفتت انتباه الكل وقال:خلاص قفلوا السيرة دي......واكلو ا أكلكم يا جماعة بدأ الجميع يأكل في صمت لكن الصمت ده كان.....مشحوناً بنظرات الذئاب المتبادلة هارون وعامر كانوا بيراقبوا رعد الفهد بتركيز......أما صقر كان هادي بشكل مو طبيعي من وقت ما عرف إنو الفهد بيكون ود عدّي بعد العشاء عدي دخل غرفته ========================= في غرفة عدّي أميرة قفلت الباب وجات وقفت جنبه:عدّي.....أهدأ أنت كنت عارف إنه الرجوع ما حيكون مفروش بالورد.... عدي بكسرة:فارس عنده حق يا أميرة......أنا الخنت وأنا الهربت......بس الوجعني إنه أولادي هسي بيدفعوا تمن غلطتي دي أميرة قالت بي حزن:كلو يهون إن شاء الله وبكونو كلهم سند لي بعض...... ========================= ​في ممر القصر المؤدي للجناح صقر ​صقر كان ماشي بخطوات سريعة وكأن الحيطان بتضيق عليه......فجأة يد قوية مسكت كتفه ووقفته التفت لقى رعد الفهد واقف قدامه عيونه كانت فيها نظرة عتاب غريبة..... ​الفهد مسك يد صقر وضغط عليها ببطء وقال بصوت هادئ:مالك متغير كدة يا صقر......من وقت ما عرفت إني بكون ود عمك كأنك شفت عدو قدامك ما  صاحب عمرك...... ​صقر سحب يده بحدة وعيونه كانت بتلمع بوجع قديم وتوتر:في باريس كنت رعد صاحبي اللي بعرفه وبثق فيه لكين هنا.......أنت ود عدّي أنت ولد الشخص اللي دمر حياة أبوي و دمر عيلتنا......تفتكر السنين والدم والدموع ممكن ينمحوا بكلمة صاحب الفهد بي برود:أنا ما اخترت أكون ود منو يا صقر.....ولا أنت اخترت نحنا جينا للدنيا دي لقينا الحسابات دي جاهزة لكين الصداقة البنيناها في الغربة دي كانت بقرارنا نحنا......ليه هسي عايز تهدمها بغلطة أبوي و بوجع أبوك ​صقر قال بصوت بارد:خلاص يا فهد الصداقة دي بقت بالنسبة ليا كضبة كبيرة يا رعد.......كضبة عشناها في باريس ونحنا ما عارفين الحقيقة أنت كنت بتخبي وراك دم الغول وأنا كنت بفتش عليهوا.....يعني الصداقة اللي بينا إنتهت الفهد حس كأن الكلمات دي رصاص حي اخترق صدره اتراجع خطوة لورا وملامحه القوية بدت تتهز الفهد قال بصوت مخنوق ومليان وجع:كضبة.....السنين اللي قضيناها سوا والمواقف اللي وقفنا فيها لبعض والدم اللي سال منا نحنا الاثنين عشان نحمي بعض......ده كله كان كضبة يا صقر......أنا ما كنت بعرف إني ود عمك ولا كنت بعرف إنه في مشاكل بين أهلنا........أنا كنت بعرف صقر الصاحب والأخ...... هسي جاي تمحي ده كله عشان خاطر ماضي نحنا ما كان لينا يد فيه صقر عاين ليهوا ببرود مشى وساب الفهد واقف في نص الممر......عيونه كانت بتلمع بدموع رفضت تنزل بكبرياء الفهد لكين الوجع في قلبه كان أكبر من إنه يتوصف...... ========================= برا القصر هارون كان واقف ساند ظهره على سيارته وبوزع في ابتسامات مستفزة لرائد اللي كان بيستكشف المكان..... ​هارون بي سخريّة:أسمع يا ولد باريس.......القصر ده قوانينه صعبة ونحنا هنا بنتعامل بالقوة.....لكين بالرقة والشياكة الشايفها فيك دي شكلك حا تتعب من أول الطريق.... ​رائد وقف مكانه وابتسامته الهادية اختفت فجأة قرب من هارون بخطوات واثقة لغاية ما بقى قصاد عينه.....نظرة رائد اتغيرت تماماً وبقت حادة ​رائد بي صوت قوي وثابت:أسمعني كويس يا هارون......أوعى تكون مفكرني واحد جاي من فرنسا وما بقدر عليكم......لا أصحي على نفسك يا بطل أنا بكون رائد عدّي الفاروقي.....يعني بقدر أخلص عليكم بدون أي تردد لو فكرت بس تمس طرفي أو تغلط في أبوي ​هارون رفع حاجبه باستغراب من قوة رد رائد وكان لسه داير يتكلم لكن رائد قاطعه وهو بيضغط على كلامه:الغربة ما علمتنا الرقة........الغربة علمتنا كيف نكون ذئاب في بلاد ما بتعرفنا.. ...فما تغرك المظاهرة البرا لأنو الجوانا فاروقي أصيل......أحسن تكون بعيد عني وعن أخوي فهمت يا ود عمي....... ========================= في غرفة صقر صقر كان رامي نفسه على السرير، كلام الفهد كان بيتردد في أذنه نحنا جينا للدنيا لقينا الحسابات جاهزة.......حس بتأنيب ضمير شوية هو عارف إن رعد ما ليهو ذنب في اللي عمله أبوه لكين وجع سنين اللي عاشه أبوه كان أكبر من إنه يتجاوزه بسهولة..... ​فجأة الباب خبط ودخل تميم وهو شايل صينية فيها قهوة..... تميم: يا صقر.....القهوة دي عشان تهد شوية شايفك من وقت ما جيت وانت مو طبيعي مالك في شنو...... صقر قام قعد وسند ظهره:تميم.....تفتكر الصداقة بتموت لما الحقيقة تظهر تميم بي هدوء:لو الصداقة بجد......الحقيقة بتقويها ما بتموتها بس أنتوا كبار وبتصعبوا الحاجات......أنا غايتو حبيت رائد ده شكله زول طيب النصيحة ود عمي عسل 🥲♥️ صقر عاين لتميم بنظرة شاردة وما رد عليه شرب القهوة بمرارة وكأنه بيشرب وجعه مع كل رشفة تميم طلع وساب صقر مع أفكاره وصقر قفل النور وحاول ينوم لكين صورة الفهد وهو مكسور في الممر كانت بتطارده...... ========================= في الصباح اليوم التاني على طاولة الإفطار الكل كان متجمع......​لكين الكرسي اللي كان المفروض يقعد فيه رعد الفهد كان فاضي رعد النمر عاين للكرسي الفاضي ورفع حاجبه وصقر اللي كان بيعاين للصحن ببرود حس بوجع في قلبه.....لفت نظره هدوء رائد الزايد ​صقر سأل بصوت هادي وبحاول يبان طبيعي:رعد وين.... ​الكل سكت وعاين لصقر.......رائد رفع راسه وعاين لصقر ببرود رد عليه بي سخرية:الفهد عيان......وما حيقدر ينزل ​صقر بي برود:عيان بشنو.....أمبارح بليل كان كويس رائد خت المعلقة ببطء ومسح خشمو بالمنديل وقال بي برود:والله يا صقر......الفهد جسده قوي وبستحمل لكين ظاهر الكذبة الكبيرة اللي عاشها في باريس وجعت قلبه شديد لدرجة مرض فيها بس انت بتسأل عنه ليه......ما خلاص هو انتهى بالنسبة ليك بمجرد ما عرفت هو ود منو..... ​عدّي عاين لرائد بحدة:رائد......الزم حدودك مع ود عمك رائد قام وقف وقال بي برود:عن إذنكم......ماشي أشوف أخوي صقر حس بغصة في حلقه من كلام رائد الجارح لكين كبرياءه منعه يرد قدام العيلة......استنى لحد ما رائد طلع وبعد دقايق صقر انسحب بهدوء ومشى لغرفة الفهد..... ​وقف قدام الباب لحظة تردد وبعدين دخل لقى الغرفة ضلمة والجو فيها كئيب. ...الفهد كان قاعد على طرف السرير سانداً راسه بيدينه،وشاحب اللون كأنه خاض معركة لوحده طول الليل.....صقر وقف قدامه بجمود ويدينه في جيوبه وقال بصوت بارد:رائد قال إنك عيان......شكلك بجد ما بتتحمل جونا هنا ولا ده تمثيل عشان تتهرب من مواجهة الحقيقة ​الفهد رفع راسه ببطء.....عيونه كانت حمراء من السهر والوجع لكين نظرته كانت لسه حادة عاين لصقر ببرود وقام وقف قدامه رغم التعب اللي باين في مشيته...... الفهد بي برود:تمثيل......أنا ما بعرف أمثل يا صقر وما عندي حاجة أهرب منها......الوجع الجواك أنت اللي صنعتو بخيالك وبقصص الماضي اللي بتسمعها من أهلك....أنا هنا عشان أبوي وعشان دمي مش عشان رضاك ​صقر بي برود:أنا ما محتاج قصص عشان أعرف الحقيقة يا ود عمي الحقيقة محفورة في ملامح أبوي وفي السنين الضاعت منه بسبب أبوك......وإذا فاكر إنك بكلمتين حتقدر تطلع نفسك ضحية تبقى واهم نفسك......أنت هنا غريب وحتفضل غريب لحد أخر يوم في عمرك الفهد ضحك ضحكة باردة خلت صقر يشد على يده بغضب و الفهد قال:بتعرف يا صقر......أكبر غلطة في حياتي هي شنو..... ​صقر رفع حاجبه وقال ببرود:شنو..... ​الفهد رجع خطوة لورا وعاين ليهو بنظرة مليانة احتقار وقال:هي الصداقة اللي كانت بينا......دي كانت أكبر وأبشع غلطة ارتكبتها في حق نفسي.. ...لو كان الزمن رجع بي كنت حأختار ألغاء الصفقة اللي جمعتنا ولا إني أشارك تفاصيلي وأيامي مع زول......أول ما الحقيقة ظهرت رماني وباع عِشرتي عشان ماضي هو أصلاً ما عاشه..... صقر بي غيظ:انا اللي رميتك.......ولا أبوك اللي رمى عيلتنا كلها في النار أنت دايرني أحبك واشوفك صاحب وأنا شايف أبوي بيتعذب بسبب أبوك...... الفهد بي برود:أبوي غلط......لكين أنا ما كنت غلطة الصداقة هي الكانت الغلطة......والحمد  لله إنك صحيتني من الغلطة دي...ثم قال بصوت خالي من أي مشاعر:أطلع برا يا صقر......وما تسأل عني تاني أنا هنا الفهد والفهد ما عنده أصحاب عنده بس أعداء  صقر لف ضهره بجمود وطلع من الغرفة وهو بيقفل الباب وراه بقوة هزت جدران الممر......الفهد أول ما الباب اتقفل قعد على السرير وأخد نفس طويل وقال بي وجع:انت اللي الدمرت صداقتنا بيدك يا ود عمي.....عشان كده استحمل الجاي، لأنو الفهد الجوايا صحى وما حيرحم زول وانت اكتر زول عارف ده وبعد كده قررت تكون عدوي صلو على النبي _____________________________ إن كانت الصداقة كذبةً بطلها الماضي فإن العداوة حقيقةٌ سأكتبُ أنا فصولها يتبع_______😘