زعماء المافيا الجزء الأول - الفصل العشرين - بقلم Zainab Mohamed - مكتملة | روايتك

*#زعماء_المافيا🥹❤️‍🩹{{20}}* *[[قسوة_وجبروت_أحفاد_الفاروقي]]* *بقلم≈Zainab_Mohamed* *#عَاشقة الليل🙈❣️* *⫷..≋ـــــــــــہہہہہہ♡♡ـہہہہـــــــــــ≋..⫸*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ التضحيات التي لا يدري عنها أحد هي الأقسى ========================= > صلو على النبي في قصر الفاروقي في المساء ​الساعة كانت قربت على نص الليل والهدوء غطى القصر بعد يوم كلو شغل وقوانين صارمة فرضها رعد عليهم..... ​في مكتب رعد الضخم... ​رعد كان قاعد في مكتبو....ومسك الأوراق قدامو بي برود بيحاول يركز في الشغل الجديد و خطط الصفقة الجاية بعد ما لغى صفقة الساحل جواتو كان لسه حاسس بالوجع من كلام رحيم و كف عدّي لكن كان مصمم إنو يواصل في القسوة دي...... ​فجأة الباب بتاع المكتب دق دق خفيف كده... ​رعد ما رفع راسو عرف إنو الحارس ما بيدق بالطريقة دي يعني الزول واحد من اخوانو...... ​رعد بي صوتو البارد:أدخل..... ​الباب انفتح بهدوء و دخل منه عدّي عدّي كان باين عليهو التوتر و الحزن لسه في عيونو من الساعه اللي ضرب فيها رعد كف...... ​عدّي وقف على بعد خطوات من رعد و يدو كانت في جيب بنطلون و قال بي صوت هادي:ممكن أتكلم معاك...... ​رعد رفع عينو من الأوراق وعاين لي عدّي بنظرة خالية من أي تعبير.....وقال ببرود:ما عندك شغل الليلة دي......و القوانين واضحة الشغل بينتهي قبل الساعة عشرة ​عدّي بي هدوء:الكلام ده ما عندو علاقة بالشغل، كلام شخصي بيني و بينك..... ​رعد سكت مسافة و بعدين أشر بي يدو على الكرسي القدامو ​رعد:أقعد.... ​قعد عدّي في الكرسي.... ​عدّي بي صوت حزين: أنا جاي أعتذر ليك يا رعد.....أنا آسف عشان ضربتك لكن ما كان قصدي الغضب و الزعل خلوني أتهور.... ​رعد بي هدوء:التهور ده ندمان عليهو عشان أنا أخوك الكبير.....ولا عشان أنا هسي الزعيم ​عدّي بي وجع:أنا ندمان عشان ضربت أخوي.....أنا في اللحظة ديك ما شفت زعيم أنا شفت الزول الخان الوعد و مشى و اتهمنا كلنا بالخيانة.....لو انت عارف إحساس إنو أقرب زول ليك بيشك فيك.....ما كنت سألت السؤال ده ​رعد بي برود:طيب انت عارف إحساس إنو أقرب زول ليك يسممك.....يا عدّي عارف إحساس إنو تقعد في كرسي متحرك سنتين و تفقد ثقتك في كل الناس اللي في حياتك......ما تجي تلومني و تنسى الشي اللي حصل فيني قبل سنتين و كمان بسبب واحد فيكم ​عدّي قام وقف بي عصبية:كلنا خسرنا يا رعد.....بس انت أناني وما بهمك غير نفسك ​رعد بي سخرية:لو أنا فعلاً أناني زي ما بتقول.....كان زمان قتلتكم كلكم وخلصت من الشك اللي عايش فيهوا كان قتلتكم بدل ما أحميكم.....​ثم قال بي غرور:القوانين دي أنا عملتها عشان تعرفوا إنو مافي زول فيكم بيكون زعيم طالما انا عايش.......وعشان تعرفوا إنو الزول البيفكر يعمل حركة غلط النهاية حقتو بتكون قريبة الشغل حقي أنا لغيتو عشان أنا الزعيم فاهم يا عدّي......الزعيم رعد الفاروقي ​عدّي عاين لي رعد بحزن وشاف إنو الأخ القديم ده راح خلاص ​عدّي:طيب...وقام عشان يطلع بس رعد قال :عاين الكف داك أنا نسيتوا لكن عشان أنت كسرت أول قاعدة.....من بكرة الصباح حتكون ممنوع عليك تطلع من القصر ده لي مدة أسبوع كامل......أي صفقة أو شغل عندك بيمر علي أنا أول و حأتصرف فيهو ​عدّي بي صدمة:كيف يعني......أسبوع كامل في القصر دي ما عقوبة ده سجن عديل كدا ​رعد بي برود تام:شوفها زي ما عايز......المهم إنك ما حتطلع و هسي......ممكن تمشي عندي شغل عايز انتهى منه ​عدّي هز راسو بي حزن و طلع من المكتب بدون ما يقول أي كلمة تانية......حس إنو المحاولة حقتو عشان يصلح العلاقة زادت الطين بلة ​رعد رفع راسو بعد ما عدّي طلع و مسح وشو بي يدو بتعب ========================= في غرفة عدّي كان قاعد على السرير بغضب و هو بتذكر كلام رعد ليهو ما قدر يتحمل الفكرة إنو حيقعد محبوس أسبوع كامل زي المجرم.....و أخوهو رعد هو الـبيسجنو مشى ناحية الشباك فتحو بقوة و عاين عدّي لي تحت الغرفة كانت في الطابق الأول بس النطة كانت خطيرة وممكن يحصل ليهو كسر لو هو نط لكن اليأس و الإحساس بالضياع كانوا أقوى من أي خوف....عدّي وقف على الشباك وكان مستعد ينط وقال في نفسو:أحسن أموت ولا أعيش سجين....بأوامرك يا رعد ثم أخد عدّي نفس عميق و خلاص حا ينط...... ========================= في نفس اللحظة....في الممر رعد كان لسه ما مشى لي جناحو كان ماشي بي بطء بعد ما طلع من المكتب.....بس فجأه وقف قدام غرفة عدّي جاهو إحساس إنو لازم يدخل و يشوف أخوهو......رعد قرب من باب الغرفة و فتح الباب و دخل بس وقف عند الباب بصدمة لمن شاف عدّي واقف على الشباك وكان على وشك إنو ينط من الشباك...... رعد بي برود:رايك شنو انا أساعدك فيها..... عدّي بي برود مثالي:لا شكرا انا براي بعرف انط كيف.....بالأول رعد وقف في مكانو بي نفس الهدوء بس لمن شاف عدّي إنو خلاص حا ينط عيون رعد اتسعت بي رعب حقيقي مافي تفكير مافي برود بس أخ بيشوف أخوهو على حافة الموت.... اندفع رعد ناحية الشباك بي سرعة جنونية وبي قوة و مسك عدّي من ملابسو وسحبو لي جوه الغرفة ​عدّي وقع على الأرض بي شكل غير متوازن و مسك ضهرو بي ألم ​عدّي بـي غضب:اها يا ضهري.....أنا كان أحسن أنط من إنو أقع على ضهري كده اخخخخ منك يا مفتري 🥲❤️....رعد عاين ليهو بيتعب و مشى قعد على السرير بصدمة.....وقال:تعال يا عدّي عدّي بي غيظ:أخاتاني يا رعد..... رعد بهدوء شديد:ما حأخاتك ولا أنت حتختاني أنا عارف إنك موجوع و كلامي كان قاسي لكن اللي شفتو هسي.....دا تهور يا عدّي كدي تعال خت راسك على رجلي واحكي ليا أنا حا أسمعك يا عدّي.....وأنا أخوك قبل أي شي وبطل هبلك دا عدّي عاين لي رعد بي عدم تصديق شاف في عيونو دموع ما نزلت في الوقت دا شاف أخوهو الكبير اللي كان بيحميهو زمان وهو لسه محتاج ليهو ​دمعة سخنة نزلت من عين عدّي قرب بي بطء و وخت راسو على رجل رعد و غمض عيونو بوجع.....رعد ما تردد رفع يدو بي حنان و بدأ يمررها على شعر عدّي وقال في نفسو:أنا أسف يا عدّي لكن قسوتي دي هي اللي بتحميكم بس شكلي بخسركم وفوق كله دا أنا لسه ما قدرت أعرف الغول منو فيكم أنا ضايع......رعد كان لسه بيطبطب على شعر عدّي بي حنان عيونو كانت بتعاين لي الحايط بيحاول يستوعب كل اللي حصل..... رعد قال بي هدوء:طيب احكي يا عدّي...... عدّي ما رفع راسو بس قال:أنا بس عايز أنوم يا رعد....عايز أرتاح رعد ابتسم بهدوء و فعلآ بعد شوية كده عدّي نام بهدوء رعد ما حرك يدو قعد ساكت مسافة طويلة بيعاين لي أخوهو اللي كان خلاص حيررح منه لما اتأكد إنو عدّي غطس في نوم عميق شال راسو بي حذر شديد و نومو على المخدة....رعد قام واقف بـي بطء عاين لي الشباك المفتوح اللي كان لسه بيذكر بـي الكارثة اللي كانت حاتحصل قرب من عدّي وهو نايم وقعد جمبو ثم باسو في راسو بهدوء......وقام مسح دموعو اللي ما قدر يتحكم فيها و طلع بهدوء من الغرفة و قفل الباب وراهو...... ========================= في الصباح اليوم التاني..... في الصالة الرئيسية على طاولة الإفطار العيله كلها كانت قاعدة عدّي نازل من السلم ببطء باين عليهو آثار النوم و عيونو كانت بتعاين لي رعد البيقعد على طاولة الإفطار بهدوء مثالي وكأنو ما في أي حاجة حصلت....... ​عدّي بي برود:صباح الخير...... ​رعد رفع راسو وعاين ليهو نظرة باردة:صباح النور...اقعد أفطر عدّي مشى قعد لكن كان بيحاول يتجنب إنو عيونو تجي في عين رعد عشان ما عايز اليوم ده يبدأ بمشاكل تانيه الحزن والقهر اللي حس بيهو الليلة الفاتت خلاهو خلاص يفقد طاقة المواجهة..... ​رحيم بهدوء وهو بيشرب قهوتو:كيف بقيت يا عدّي حاسس بوجع في ضهرك...... ​عدّي:الحمد لله......كويس ​رعد بي برود:قبل ما تبدأوا الفطور عايز أتكلم في موضوع مهم..... ​الكل سكت، عارفين إنو الموضوع المهم عند رعد ما بيجيب معاهو غير المصيبة.....🥲 ​رعد واصل كلامو ببرود:زي ما عارفين عدّي ممنوع عليهو يطلع من القصر لمدة أسبوع.... ​أسد بي هدوء:رعد.....ما شايف إنو العقوبة دي... ​رعد قاطعو بنظرة خلت أسد يسكت قبل ما يكمل كلمتو وقال :العقوبة دي ما حتتغير والسبب ما عقوبة لي عدّي السبب إنو أنا ما حا أسمح لي أي زول فيكم يتهور بالطريقة دي تاني..... ​عدّي رفع راسو بي غضب وكأنو عايز يرد لكن رعد سبقهو وقال:أنا كلامي لسه ما انتهى.....عشان ما تتكرر الحركات دي تاني وعشان نعرف الغول منو فيكم......قررت إنو القصر ده حيكون تحت المراقبة الكاملة ​رحيم قام وقف بي عصبية:مراقبة شنو يا رعد.....أنا زول شغلي كلو أسرار وصفقات....ما ممكن تكون في عيون بتراقبني ليل ونهار ما تنسى إنو أنا كمان بكون زعيم مافيا ​رعد رجع ضهرو لي الكرسي بي غرور:من الليلة دي حتكون في كاميرات في كل مكان في القصر ما عدا الغرف الخاصة.....و التلفونات والرسائل حقتكم كلها ح فتشها أنا.....أي زول فيكم بيفكر يخالف القانون أو بيعمل حاجة ما في مزاجي حيكون الخاين الأول..... ​مراد بي صدمة:دي ما مراقبة يا رعد......دا سجن رسمي أنت بتحولنا لي مجرمين في بيتنا ​رعد بي سخرية:ما فرقت كتير......المجرم هو الزول البيخون عيلتو لحد ما أعرف منو هو الزول ده كلكم حتكونوا تحت عيني ​اسر:أنت بتفقدنا الثقة في بعضنا يا رعد......بتخلينا نشك في روحنا قبل ما نشك فيك ​رعد عاين لي أسر نظرة طويلة.... ​رعد:أنا الثقة فقدتها يوم شربت السم دوركم أنتوا .....كأخوان تثبتوا ليا إنكم ما خنتوني ​وقام رعد وقف عاين لي كل واحد فيهم نظرة أخيرة ثم قال بي غرور:كملوا فطوركم..... انا عندي اجتماع مهم رحيم......أوراق الصفقة الجديدة عايزها على مكتبي قبل الظهر ​وطلع رعد من الصالة بهدوء تام خلى وراهو ناس أسد اللي كانوا قاعدين في صدمة وغضب ​رحيم صوت غاضب وهو بيخبط يدو على الطاولة:المجنون ده.....شكلوا نسى إنو أنا أسوأ من أي زعيم مافيا.... ​ رأفت:دي ما عيشة يا رحيم حسينا بقينا تحت رحمة.....زول شايف إنو نحنا كلنا ممكن نكون خاينين ​اما عز الدين كان قاعد بهدوء..... ​رحيم عاين لي عدّي اللي كان سارح وقال ليهو:حركة الشباك دي......ما حتعيدها تاني رعد عمل القوانين دي عشان يحبسك أنت بالذات ​عدّي بي هدوء :ما حعيدها لكن لو فكرت أطلع.....ما حأطلع من الشباك حأطلع من الباب الرئيسي وبالقوة كمان رحيم بي غيظ:رعد يصبر ليا بس...... عز الدين:كدي فكر إنو تعمل شي لي رعد عشان انا اخلص عليك رحيم بي برود:ما تخاف عشان لمن اعمل شي لي.....رعد انت حتكون معاهوا عز الدين بي برود:انت شكلك نسيت عز الدين بيكون منو.....انت نسيت إنو أنا بكون الوحش أكاد رحيم إن يتكلم بس سيف قال:مافي احترام لي الناس الكبار ولا شنو.....اسكتوا و كملوا فطوركم كلهم عاينوا لي بعض بغضب واكلو....... صلو على النبي _____________________________ كُنت أُصدق كثيرًا حتى صُعقت في هذه الصفة ثم لم أعد أصدق الطمأنينة حتى وهي بين يديّ يتبع_______😘