زعماء المافيا الجزء الأول - الفصل التامن عشر - بقلم Zainab Mohamed - مكتملة | روايتك

*#زعماء_المافيا🥹❤️‍🩹{{18}}* *[[قسوة_وجبروت_أحفاد_الفاروقي]]* *بقلم≈Zainab_Mohamed* *#عَاشقة الليل🙈❣️* *⫷..≋ـــــــــــہہہہہہ♡♡ـہہہہـــــــــــ≋..⫸*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ لماذا تبدو الأكاذيب ممتعة ولكن الحقيقة مؤلمة ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌========================= > آذكروآ آلله 🤍🤍 ‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ في قصر الفاروقي:في الساعة التاسعة المساء ​في الصالة الرئيسية كانوا كلهم قاعدين ​مراد كان مركز في الشاشة على أسهم الشركات جنبو رحيم وأسد بتناقشوا بهمس عن تجهيزات صفقة أبراج الساحل ​رأفت أسر وعدّي بيتكلموا عن أمن القصر وشغل المافيا عز الدين كان قاعد بعيد شوية و سرحان ​كلهم بقوا زعماء وكل واحد فيهم لابس قناع الجبروت اللي خلاهو ليهم رعد في غيابو ​فجأة الباب الرئيسي بتاع الصالة اتفتح بقوة وبطريقة ما متعودين عليها في القصر ده...... ​دخل الحارس الشخصي لي أسد وشو مخطوف بين الخوف والصدمة ​الحارس بي توتر:أستاذ أسد......أستاذ رحيم في زول دخل القصر....... ​أسد رفع راسو ببرود وقال:كيف يعني زول دخل.....القصر ده ما فيهو حارس ولا شنو ​رحيم وقف وقال بي برود:منو الزول اللي سمح....لنفسو يدخل القصر بالشكل ده مافي مخلوق بيتجرئ يكسر قوانين الفاروقي بشكل ده.....هو منو ​الحارس ما قدر يرد ثبت مكانو وعيونو متعلقة على الباب ​في اللحظة دي سمعوا صوت هادي..... وصوت اشتاقوا ليهو وخافوا منو في نفس الوقت قال بي برود:​ما محتاج إذن عشان أدخل بيتي يا رحيم.... ​الكلمة نزلت عليهم زي الصاعقة كل زول التفت الصدمة كاتمة أنفاسهم مراد رفع راسو ونسى الأسهم والشركات عدّي اتصدم وعز الدين غمض عيونو بألم ​ظهر رعد الفاروقي في المدخل ​ما كان في كرسي متحرك كان واقف شامخ بقوتو الكاملة لابس بدلة سوداء فخمة وكأنو ما غاب ولا يوم لكن ما كان نفس رعد البعرفوهو هم ​ملامحو كانت أقسى عيونو باردة زي التلج بتعاين ليهم كأنهم أعداء أو مجرد اشخاص ما بيعرفهم يدينو في جيوبو وكل خطوة بيخطيها شايلة تقلو و جبروبت وقسوة النمر.... ​رعد اتقدم بخطوات بطيئة وبيسحب كل الأضواء والأنفاس ​رعد بي غرور ما ليهو حدود:أنا..... ​سكت مسافة وكمل الكلمة الهزت القصر:أنا رعد الفاروقي....الزعيم الإنتو نسيتوهو ​مراد أول زول قدر ينطق وقال:رعد..... ​رحيم مسك نفسو بالعافية وقال:وين كنت يا رعد....و جاي هسي بعد سنتين ونص تقول لينا أنا نحنا خلاص......نسيناك ​رعد عاين لرحيم باستهزاء وابتسم ببرود:النسيان ده هو أول غلط عملتوهو.....يا رحيم والغلط ده حيكلفكم غالي يا ود أبوي ​عاين لي عز الدين اللي كان بيعاين ليهوا بصدمة لكن رعد تجاهلو تماماً ​أسد بي برود:ما انت كنت مشلول قبل سنتين ونص يا رعد....... ​رعد بي هدوء:الشلل راح......لكن الجرح ما برأ والجرح ده حأخليهو يحرقكم كلكم يا أسد ​عدّي قال له:رعد.....ليه خليتنا ليه كسرت وعدك لينا كلنا.... ​رعد عاين لي عدّي بي نظرة ما فيها أي إحساس و بعدين قال:الصفقة بتاعت أبراج الساحل.....ما حتتم أنا رجعت عشان أوريكم منو هو الزعيم الحقيقي والزول اللي خاني فيكم حيدفع التمن دم كلمة رعد الأخيرة كانت كافية عشان تهز الصالة كلها الصفقة بتاعت أبراج الساحل.....ما حتتم النظرة الباردة في عيونو ما خلت زول يشك في كلامو ​رحيم أتعصب بس حاول يرجع لي برودو المعتاد:رعد......شكل الغياب خلاك تنسى القواعد نحنا الزعماء هسي والقصر ده ليهو قواعد تانية ​رعد رفع حاجبو باستهزاء ثم ضحك ضحكة قصيرة وقال:القواعد.....قواعدكم ولاشي بنسبة ليا يا رحيم الزول البيسمم أخوهو ما عندو قواعد ​مراد اتقدم خطوتين ناحية رعد وعيونو حمراء من الغضب قال:ما تتهمنا ساي يا رعد......نحنا ما خناك ومستحيل واحد فينا كان حيعمل الحركة دي ​رعد واقف بي برود تام ومسك مزهرية من الطاولة القريبة منه و ضرب بيها الشاشه و الشاشه اتكسرت لي حتت صغيرة و مراد عاين ليهوا بغيظ ورعد قال:لو انا رجعت ليكم مشلول......كنتوا حتكونوا سعيدين أكتر مش ​أسد بصوت عالي:كفاية يا رعد اتهام باطل....والشغل بتاعنا ده نحنا بنيناهو بتعب سنتين ونص و ما حتجي هسي وتقول لينا ما حتتم صفقة الساحل دي خط أحمر ​رعد عاين لأسد من راسو لي كرعينو.... وقال:خط أحمر......أنا بكون رعد الفاروقي وما في زول بيرسم لي خطوط في شغلي الصفقة دي حتكون أول هدية مني ليكم و الصفقة دي حنلغيها......الليلة قبل بكرة ​عدّي كان لسه ما قادر يستوعب القوة اللي رجع بيها رعد ​عز الدين هنا قرر يتدخل حاول يكسر حدة الصمت وقال بي برود:رعد......كفاية أنت تعبان من السفر خلينا نقعد ونتفاهم زي الأخوان ​رعد حول نظرتو القاتلة على عز الدين اللي كان الوحيد العارف مكانو:أنت بالذات......ما تتكلم يا عز الدين أنا لسه ما بعرف منو باع ومنو خان وكل واحد فيكم حاخد حقي منه ​مراد بي عصبية:الغول ده......نحنا ما قادرين نلقاهو وكلنا هنا خسرنا في غيابك.....والغول كان السبب ​رعد ابتسم بي سخرية:ما لقيتوا كيف.....وهو هسي  بيكون قاعد معاكم في الصالة دي ​رحيم بي غضب ما قادر يمسكو:نحنا ما حنتنازل ليك.....عن الشغل ده الشغل ده حقنا كلنا ​رعد بي هدوء مخيف جداً وهو بيمشي ببطء وسطهم وكأنو بفتش على حاجة:حقكم....طيب حأوريهم منو هو الزعيم اللي حقو أكبر منكم ​مد يدو لي جيوبو وطلع تلفونو فتح مكبر الصوت واتصل على رقم ​رعد للطرف التاني:أنا رعد الفاروقي صفقة أبراج الساحل......تلغيها فوراً ما عايز أي تفاصيل الصفقة دي بقت حقتي أي زول يعترض وريني ليهوا ​سكوت تام في الصالة الطرف التاني كان مستغرب:بس سيدي اخوانك هم.... ​رعد قاطعو بصوت عالي:نفذ وبس.....وقفل التلفون ​أسد جرى بسرعة وطلع تلفونو وبدأ يتصل بي المسؤولين عن الصفقة بس ما في زول رد عليهو ​أسد بي صدمة:ما بيردو عليا......منو الزول اللي بتتكلم معاهو ده ​رعد بي غرور:الزول اللي إنتوا عملتوا معاهوا الصفقة أسد أنا ما غبت سنتين ونص عشان أرجع ضعيف ​مراد قرب من رعد و قال:انت عايز مننا شنو بالضبط يا رعد....جاي عشان تدمرنا ​رعد لف على مراد بي بطء وعيونو الباردة كشفت عن ألم قديم ما نساهو:أدمركم لي.....أنا بس عايزكم تتذكروا منو هو الزعيم ومن الليلة دي أنا الحاكم وأنتوا المنفذين أي حركة من غير إذني......حتكون نهايتكم ​رعد بي قسوة شديدة:عايز كل واحد فيكم يمشي غرفتو.....ومن بكرة الصباح حتبدأ قواعد الزعيم الجديدة والزول اللي الخان قبل سنتين ما حيعيش هنا كتير ​أمر رعد كان صاعقة كلهم وقفوا مكانهم ما قادرين يستوعبوا إنو بعد سنتين ونص رجع رعد وسحب منهم السلطة بكلمة وتلفون واحد كل واحد منهم حس إنو بقى منفذ بعد ما كان زعيم.... ​عدّي بحزن شديد بيعاين لي رعد من بعيد وماشي ناحية غرفتو.... ​رعد بي برود نادى على الحارس اللي لسه واقف مصدوم:خلي السيارات كلها ترجع القصر أنا عايز أشوف قوائم بأسماء كل الحراس الجداد وكل زول في القصر ده...... ​الحارس هز راسو بسرعة وطلع ​رعد عاين لي باقي اخوانو اللي لسه واقفين متجمدين..... ​رعد:ما سمعتوا كلامي......قلت ليكم امشي غرفكم ولا عايزيني أنا زاتي أوريكم غرفكم بي وين ​الكل اتحرك بصمت ثقيل خطواتهم شايلة الخيبة والغضب سوا الغول ما كسر ثقة رعد فيهم بس الغول كسر حتى ثقتهم في نفسهم..... ​رعد بي هدوء وهو بيقعد في الكنبة اللي كان قاعد فيها مراد قبل شوية وقال بي حزن:انا أشتقت ليكم يا أحفاد الفاروقي.......لو اتعرفو إنو كان نفسي احضنكم بس واضح إنو إنتوا فعلآ نسيتوني بس مامهم........لمن أكتشف الخائن منو فيكم حأرجع زي ما كنت لكن ما قبل ما يندفع التمن وفي اللحظة دي تليفون رعد رن رد عليهو بي صوت أقسى من الأول:قلت ليك الصفقة تلغها......ما عايز أي تفاصيل عنها ولو عايز تعيش نفذ وبس...... ​رعد قفل الخط......وكسر التلفون بيدو و قام واقف وطلع غرفتو..... ========================= في غرفة عدّي كان مصدوم من رجوع رعد بعد كل السنين دي و كان بيبكي على تغير رعد ليهم ثم قام ووقف عند الشباك و بقى يشرب في سجارة وفي نفس الوقت رعد كان ماري بجمب غرفة عدّي والباب كان مفتوح و رعد شاف عدّي هو بيشرب في سجارة و رعد اتعصب ودخل ليهوا وقال:شكلك كبرت شديد يا عدّي..... عدّي قال بي برود:تاني مره لمن عايز تدخل غرفتي استأذن مني..... رعد ضحك عليه وقال:ونعمة الاحترام يا قلب أخوك......يا عدّي القصر ده كلو حقي وحتى غرفتك دي جزء من ممتلكاتي يعني ما محتاج إذن عشان أخشها.....ثم رعد اتقدم خطوتين  و في لحظة واحدة خطف السيجارة من يد عدّي ورماها في الواطة تحت كراعو وداس عليها بعنف وعيونو بتطلع نار من الغضب..... ​رعد بي غضب:التدخين ممنوع عشان صحتك.....و من بتين انت بقيت تدخن يا عدّي.....ومن بتين كسرت القوانين ديك واحترامك لي كلام اخوك الكبير.... ​عدّي عاين للسيجارة و بعدين رفع عيونو لي رعد الغضب الكان كاتمو في قلبو سنتين ونص انفجر في اللحظة دي ما بقى شايف الزعيم اللي رجع بقى شايف الأخ الخلاهو ومشى والأخ البتهمهم كلهم بالخيانة..... ​عدّي بصوت عالي:أنت اللي كسرت كل شي.....أنت اللي كسرت القواعد يا رعد ما كان مفروض ترجع تاني يا رعد نحنا ما عايزينك خلاص.....و عدّي ​من غير ما يحس على روحو وقبل ما رعد يقدر يرد رفع عدّي يدو وضرب رعد كف قوي في وشو صوت الكف كان زي رصاصة بنسبة لي رعد...... ​صمت تقيل عم المكان ​رعد وقف في محلو وعيونو الباردة اتحولت لي نظرة صدمة كبيرة ما قدر يصدقها عاين لي عدّي الكان بتنفس بصعوبة ورعد كان بحاول يستوعب إنو أخوهو الصغير الأكان بخاف عليهو شديد ضربو كف ​عدّي حس بالندم ويادوب استوعب إنو هو ضرب اخوه الكبير وما ضرب اي شخص لا ده بيكون رعد الفاروقي ​عدّي بي هدوء:رعد......أنا آسف أنا....ما قاصد... ​لكن رعد ما سمع اعتذارو نظرتو الأخيرة لعدّي كانت نظرة ميتة شديد ما فيها أي إحساس كأنو عدّي بقى شي ما بشوفو ما نطق ولا كلمة ​رعد لف على نفسو بهدوء وطلع من الغرفة بعصبية صامتة وقاتلة ما كان زعلان من الكف بقدر ما كان زعلان من الكسرة الحصلت في علاقتهم ​أول ما رعد طلع عدّي قعد على طرف السرير و بعدين قام نط بخوف ​مسك عدّي تلفونو بزعل وخوف شديد واتصل على واحد من الحراس القريبين في الأمن ​عدّي بي برود:اسمعني كويس ما عايز أي حركة غلط ممنوع رعد الفاروقي يطلع من القصر الليلة دي مهما كان لو حاول يطلع......وقفو بي أي طريقة حتى لو اضطريت تستخدم القوة أنا نازل وراهو هسي طوالي ​عدّي قفل التلفون بسرعة وطلع من الغرفة نازل ورا رعد عدّي كان عارف إنو رعد غضبان شديد ولو خلاهو يطلع الليلة بتكون مصيبة كبيرة..... ========================= بجانب التاني عند رعد رعد نزل الدرج بخطوات سريعة وغاضبة شديد كان وشو ما بيتفسر وملامحو القاسية بقت أقسى وصل الصالة عيونو بتفتش على أي حاجة واتجه طوالي ناحية باب القصر الرئيسي عشان يطلع ​لكن قبل ما يوصل الباب فجأة ثلاثة من الحراس الضخمين ظهروا زي الظل وقفو قصادو ومسكو أيديهم كحاجز واحد منهم بسرعة مد يدو وسحب مفتاح السيارة الفي يد رعد بدون ما يحس ​رعد وقف عاين للحراس نظرة نارية خلتهم يتجمدوا في محلهم بعدين انتبه إنو المفتاح مافي ​رعد بي غضب:جيب المفتاح دا أحسن ليك......ماتخليني اخلص عليك هسي ​الحارس الأخد المفتاح بلع ريقو ووشو بقى مخطوف لكنو ثبت في محلو ​الحارس بي توتر واضح:أنا آسف يا استاذ رعد....لكن دي أوامر الأستاذ عدّي لازم ننفذها ​كلمة عدّي زادت عصبية رعد عرف إنو أخوهو الصغير هو اللي عمل الحركة دي عشان يمنعو من الخروج الغضب وصل بيهو حد الجنون ​رعد مد يدو بسرعة تحت الجاكيت الأسود وطلع المسدس حقو وجهو ناحية الحارس بي برود مخيف ​رعد بي برود:ما بعيد ليك كلامي تاني قلت ليك جيب المفتاح..... ​الحراس كلهم اتوتروا وبداو يرجعوا خطوات لورا ​في اللحظة دي عدّي وصل الصالة وهو جاري وبتنفس بصعوبة شاف المسدس في يد رعد والحراس خايفين ​عدّي بصوت عالي:رعد أهدأ شوية.....روق شويه يا مجنون ​عدّي جرى بسرعة لي رعد عشان يمنعو من أي حركة متهورة لكن قبل ما يصلو مشى طوالي لي الحارس اللي كان ماسك المفتاح ​عدّي بي جدية:أديني المفتاح..... ​الحارس مد ليهو مفتاح العربية بسرعة عدّي مسك المفتاح وقال للحراس:خلاص امشوا على شغلكم..... ​الحراس انصرفوا بسرعة، وعدّي بقى واقف قصاد رعد المسدس لسه موجه لكن رعد ما صوّب على أخوهو ​رعد بي برود يخفي وراهو بركان:أديني مفتاحي يا عدّي......بدون كلام كتير ما عايز أسمع صوتك ​عدّي رفع يدو اللي فيها المفتاح لكن ما أداهو ليهو ​عدّي بي صوت هادي:رعد أنت هسي متعصب شديد ممكن تعمل حادث أو ممكن تعمل حاجة تندم عليها خلينا نتكلم جوه زي الأخوان نطلع غضبنا دا بالنقاش مو بالعصبية و..... قبل ما عدّي يكمل كلمتو رعد قطعو بسرعة زي البرق نزل المسدس شوية لكن مد يدو القوية ومسك عدّي من ياقت قميصو وشدّو عليهو بقوة ​رعد بي غضب:ما تجيب سيرة الأخوة على لسانك.....أنت رفعت يدك عليا أنت ضربت أخوك الكبير عارف أنت عملت شنو هسي يا عدّي ​في اللحظة دي  الباقيين كلهم جوه رحيم مراد أسد وعز الدين  نزلوا من غرفهم مستعجلين سامعين صوت الحركة والعصبية تحت وقفو جنبهم و صدمة كانت على وشوشهم وهم بشوفوا رعد ماسك عدّي بالقوة.....🙂 ​رعد ما اهتم ليهم بعد عن عدّي وبعدين رفع صوتو وكان بيتكلم مع عدّي ومع باقي اخوانو كلهم.... ​رعد بي صوت عالي:القاعدة الجديدة.....مافي زول بيرفع صوتو عليا فما بالك يرفع يدو على النمر ​عاين لي عدّي اللي كان واقف ببرود...... ​رعد:أنت بالذات يا عدّي.....حأعتبر الكف دا غلطة طلعت منك من الزعل لكن ما بنساها والمرة الجاية ما حيكون في رحمة......هسي أديني مفتاحي وارجع غرفتك طوالي ما عايز أشوف وشك تاني الليلة ​عدّي حس إنو انكسر شاف إنو رعد دا ما أخوهو الكان بحبو ده زعيم مافيا رجع عشان يدمرهم ويسحب منهم كل حاجة نزل راسو في استسلام مؤلم ما كان عندو أي خيار غير إنو ينفذ الأمر ​مد عدّي يدو ببطء ورمى المفتاح على الواطة قدام رعد.... ​عدّي بي هدوء:طيب يا رعد.....اعمل الشي اللي بتشوف مناسب ​رعد عاين للمفتاح وبعدين لي عدّي بنظرة استحقار باردة انحنى رعد ورفع المفتاح و بعدين مشى ناحية الباب من غير ما يعاين لي زول فيهم ​رحيم بي غضب:عملت شنو أنت....ضربتو كف أنت مجنووون يا عدّي نسيت إنو هو أكبر منك عدّي قال:بس هو ما نفس.....رعد أخوي اللي كان بنعرفوا قبل سنتين أسد بي حزن:لو ما كان فينا الخاين......ما كان حصل الكلام دا كلو كلهم سكتوا بحزن..... ========================= عدّي رجع غرفتو وما قدر يرفع وشو قفل الباب وراهو رمى نفسو على السرير والدموع اللي كان ماسكها بالقوة قدام اخوانو نزلت ​كان بيبكي من الزعل والألم ما عشان الكف اللي ضربو لكن عشان نظرة رعد الباردة خلتو يحس إنو كسر آخر خيط كان بربطو بي أخوهو وإنو ضيع فرصة إنهم يرجعوا زي زمان الغضب بتاعو كله تحول لندم ​عدّي في نفسو:أنا آسف يا رعد....ما كان قصدي بس رجعتك القاسية دي كسرتني ​فضل عدّي يبكي لحدي ما غلبو النوم ونام نوم تقيل من الإرهاق والحزن...... ========================= عند رعد ​رعد بعد ما طلع من القصر ما مشى بعيد كان واقف جمب السياره سند ضهرو عليها وولع سيجارة المكان كان بعيد عن القصر شوية عشان ما يشوفو عدّي كان غضبان شديد لكن الكف دا كان أقوى من غضبو ​رعد رفع يدو بي بطء وحسس على مكان الكف الكف دا ما وجعو لكن الوجع الأكان في قلبو من أخوهو الصغير اللي ضربو كف......قعد رعد زمن طويل بره بيحاول يرتب أفكارو وينسى الكف لكن ما قدر في النهاية حس إنو محتاج يشوف أخوهو ما عشان ينتقم لكن عشان يتأكد إنو لسه كويس ​رمى رعد السيجارة وداس عليها رجع القصر بهدوء وكل الحراس انحنوا ليهوا ما عاين لي زول مشى و طوالي مشى ناحية غرفة عدّي ​وصل رعد باب غرفة عدّي لقاهو ما مقفول كويس فـافتح الباب بهدوء شديد ​لقى عدّي نايم في السرير ​رعد دخل الغرفة  وقف جمب السرير شاف وش عدّي والصدمة سيطرت عليهو ​وش عدّي كان متورم وفيهو أثر دموع والسرير مكركب كان باين عليهو إنو بكى كتير قبل ما ينوم رعد نسي الغضب نسي الخيانة نسي الكف بس شاف  اخوهو الصغير الكان دايماً بخاف عليهو.....​رعد قعد على حافة السرير بهدوء ومد يدو بخوف ومسح على شعر عدّي ونزلت من عينو دمعة ما قدر يمسكها ​رعد بي حزن:أنت لسه صغير يا عدّي.....وانا قسيت عليك شديد أنا آسف إني خليتك تشيل الوجع دا كلو براك والله اسف..... قرب رعد من عدّي و انحنى عليهو وباس راسو بحنان شديد وقام رعد من السرير و عاين لي عدّي نظرة أخيرة كلها حزن وطلع من الغرفة بصمت عشان ما يصحيهو...... ========================= في غرفة رعد دخل وطلع تلفونو و اتصل على رحيم و قال:الاجتماع بعد ربع ساعة في غرفة المكتب الرئيسية كلمهم كلكم وخليهم يجوا بس عدّي نايم خلوهو..... ​رحيم بي هدوء:اجتماع شنو....مافهمنا رعد قال:الاجتماع بتاع قوانين الزعيم الجديدة......وفصل الخط ========================= بعد ربع ساعة الكل كان متجمع في المكتب دخل رعد بثقة وقال بي غرور:نبدأ..... رعد بي هدوء:من الليلة دي في خمسة قوانين أساسية ما بتتكسر واللي بيكسرها حتكون نهايتو ​الصفقات ما في أي صفقة بتمضي وما في أي شيك بيطلع إلا بي توقيعي أنا حتى لو كانت صفقة بسيطة شغلكم كله بيجي عن طريقي ​التحركات أي واحد فيكم عايز يطلع من القصر أو يسافر لازم يطلب إذن مني قبلها بي أربع وعشرين ساعة مافي حركة من غير إذني ​الحماية الحراس القدام كلهم حيمشوا جبت حراس جداد كلهم تبعي مافي زول في القصر دا حتى أنتو يا أحفاد الفاروقي مسموح ليهو يجيب حارس خاص بيهو ​التلفونات كل تلفونات الشغل لازم تتسجل المكالمات بتاعتها وحأفحص الرسائل والتواصل حقتكم في أي وقت أشوفو مناسب ​المقابلات ما في زول بيقابل ناس تانيين من المافيا أو أي رجال أعمال من غير ما أنا أكون قاعد في الاجتماع......كلهم سكتوا بهدوء تام ثم قالوا كلهم:طيب يا رعد..... بعدما رعد فرض القوانين الصارمة ديك كلهم كانوا قاعدين في المكتب الرئيسي بيتناقشوا التفاصيل حقت إلغاء صفقة الساحل تحت عيون رعد الباردة وتركيزه التام رحيم كان بيحاول يناقش رعد في بعض النقاط المالية المعقدة لكن رعد كان بيرفض أي اقتراح بيجيهو......🥲 ​رحيم كان بيتكلم بجهد عشان يقنع رعد بأهمية الصفقة فجأة مسك راسو بيدو وسند نفسو على الكرسي عيونو أغمضت للحظة  وبان عليهو وجع قوي ومفاجئ ​رحيم بصوت تعبان:خلاص يا رعد......ما قادر أواصل راسي دا وجعني شديد ​رعد في الأول واقف ثابت في محلو ما حرك يدو ولا عيونو واصل الكلام ببرود وهو بيعاين لي ورقة قدامو كأنو ما سمع رحيم:لو ركزت كويس ما حيجيك وجع راس.....كمل شقلك يا رحيم ​أسد لاحظ إنو رحيم فعلاً تعبان فاتلفت بسرعة لي رعد وقال بي عصبية:رعد رحيم ما بيهظر خليهو يمشي يرتاح.....شوية ونكمل بعدين ​رعد رفع راسو ببطء وعاين لي أسد نظرة حادة لكن لما رجع عاين لي رحيم قدر يشوف إنو رحيم فعلاً شاحب وشادد على يدو برود رعد اتكسر للحظة الذكريات طفولتهم وكم مرة رحيم شال رعد لما كان تعبان جاته في راسو ​رعد بسرعة لكن صوتوا لسه بارد:طيب كفاية لحدي هنا.....الإجتماع خلص كل زول يرجع غرفتو ​قام رعد من المكتب ومشّى ناحية الباب بهدوء من غير ما يعاين لي زول وكأنو ما في حاجة حصلت رحيم قام بتعب شديد و طلع من المكتب بخطواتو تعبانه......رحيم كان ماشي بصعوبة لسه ماسك راسو كان فاكر إنو رعد ما اهتم بيهو كالعادة ​فجأة حس بيد قوية مسكتو من كتفو بحنان غير متوقع ​رعد لحقو لمن شاف رحيم حايقع ​رعد بي خوف:أهدا يا رحيم مالك ​رعد لف رحيم عليهو وبدون ما يدي فرصة لرحيم يتكلم مد رعد يدو لي جبين رحيم وحسس درجة حرارتو بخوف ​رعد بي غضب:ده وجع راس ما طبيعي......شكلك ما بتآكل كويس ولا شنو ​رحيم كان مصدوم من التحول المفاجئ في صوت رعد وطريقة معاملتو نسى كل البرود القالو ليهو قبل شوية ​رحيم بي تعب:ما عارف إحتمال من الإرهاق ما تشغل بالك انا حأخد العلاج وأرتاح.....وحكون كويس لي بكره الصباح ​رعد سحب يدو بسرعة رجع لي برودو ​رعد بي برود:امشي غرفتك طوالي......ما عايزك تطلع منها الليلة دي كلها ولو حسيت إنك عايز حاجه كلمني طوالي ​رعد مشى مع رحيم لحدي باب غرفتو قبل ما رحيم يدخل رعد وقفوا ​رعد بي برود:عشان ما تفكر كتير أنا ما بضيع وقتي على أي زول.....لكن لو في أي حاجه حصلت ليك حأكون أول زول بعرف بي ده جهز نفسك لي بكرة وتصبح على خير...... ​رعد مشى طوالي خلى رحيم واقف على الباب بحيرة بين قسوة الزعيم وحنان الأخ الكان خايف عليهو....ثم دخل غرفتو عشان ينوم ========================= في مكتب رعد رعد كان قاعد على كرسي مكتبو بيحاول يطلع كل الغضب اللي جواهو بالشقل كان بيضغط على يدو بقوة فجأة انفتح باب بهدوء شديد ودخلت فاطمة رعد أول ما شافها قام وقف بسرعة احتراماً ليها وقال بي ابتسامة:ادخلي يا أمي......فاطمة مشت قعدت على أريكة المكتب وعاينت لي رعد بحزن ​فاطمة:تعال يا رعد اقعد هنا......عايزة أتكلم معاك ​رعد مشى وقعد قصادها ورجع جزء بسيط من برودو لكنو فضل محتفظ بـالاحترام الكامل لأمو ​فاطمة مدت يدها بحنان ورفعت وشو عشان تشوف مكان الكف اللي ضربو عدّي ​فاطمة بي حزن:وجع الكف دا بسيط يا ولدي.....لكن وجع القلب اللي هم حسو بيهو من طريقة كلامك دا أصعب بكتير يا رعد.......أنا سمعت كل شي من بتين أنت بتعامل مع أخوك الصغير بالشكل دا..... ​رعد نزل راسو بألم ما قدر يعاين لي عيون أمو لكن ما قدر يتكلم بقسوة ​فاطمة بي صوت حزين:أنت لسه بتحب اخوانك يا رعد..... ​رعد غمض عيونو بألم شديد هنا ما قدر رعد يكذب ما قدر يقول لا لي أمو ​رعد بي هدوء:ما تسأليني السؤال دا يا أمي......أنا ما عندي زول في الدنيا دي غيركم الحب دا هو البخليني أتراجع في آخر لحظة قبل ما أعمل ليهم شي يأذيهم ​فاطمة عيونها دمعت وهي بتسمع اعترافو الصادق ​فاطمة:طيب يا ولدي.....لو بتحبهم ليه بتقتلهم بالقسوة دي ​رعد رفع راسو وقال:القسوة دي هي الحماية يا أمي أنا ما عندي خيار تاني......عشان اقدر احمي نفسي من غدرهم واحميهم هم من غضبي و انتقامي ​فاطمة هزت راسها بحزن مسحت دمعة نزلت من عينها ​فاطمة:أنا بثق فيك يا رعد وبعرف إنو مستحيل تأذي زول في اخوانك......لكن ما تتعامل معهم كزعيم و تنسى إنك كمان أخ يا ولد فارس ​رعد حضن اموه وقال:أنا تعبان يا أمي......أنا تعبان شديد ​فاطمة:ربنا يقويك يا ولدي......لكن ما تشيل الوجع دا براك اتأكد إنو اخوانك كلهم بيحبوك ​رعد بعد عن أمو مسح دموعو اللي نزلت من غير ما يحس رجع لي برودو لكن برودو كان فيهو حزن عميق ​رعد بي برود:خلاص يا أمي.....إنتي امشي ارتاحي ​فاطمة طلعت من الغرفة بهدوء و رعد رجع لي مكتبو عشان يتم شقلو..... صلو على النبي _____________________________ يستهلكون من روحك حتى تتغير كل صفاتك الجيدة ثم يدعون انك تغيرت يتبع_______😘