زعماء المافيا الجزء الأول - الفصل الخامس عشر - بقلم Zainab Mohamed - مكتملة | روايتك

*#زعماء_المافيا🥹❤️‍🩹{{15}}* *[[قسوة_وجبروت_أحفاد_الفاروقي]]* *بقلم≈Zainab_Mohamed* *#عَاشقة الليل🙈❣️* *⫷..≋ـــــــــــہہہہہہ♡♡ـہہہہـــــــــــ≋..⫸*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ و ما الاخ إلا إتّكـاء روحٌ على روح ‏ و غيمٌ يُجاورك مَدى العمر..♥️ ========================= في قصر الفاروقي:في مساء في نفس اليوم ​كان الجو داخل القصر مكهرباً وهادي في نفس الوقت.....🥲 ​في صالة الجلوس كان أسد ورحيم و أسر و عز الدين كانوا قاعدين لكن مراد لسه ماجا من بعد مواجهته لي عيلة المغربي ​رحيم بي خوف:مراد ده مشى وين....المفروض ما يروح لبيت المغربي لوحدو ​أسد بي برود:هو زول كبير يا رحيم....وعارف بعمل في شنو بس الوجع اللي حس بيهو بعد عرف إنو عندو ولد....ممكن يخليهو يعمل حاجة يندم عليها بعدين ​أسر بي حزن:يا خسارة يا مراد....تسعة سنين ضاعت منه وهو بعيد عن ولدو ​عز الدين بي عصبية:عمر المغربي ده طلع ما ساهل....ظهور الولد في وقت زي ده....دي كانت ضربة قوية لينا كلنا ​في هذه اللحظة دي دخل رعد من باب القصر بخطوات هاديه......لكن الغضب ظاهر على وشو ​رعد بي برود:جهزوا سيارات الحماية....وحارس شخصي لرامز ما في زول حيقدر يقرب من الولد ده تاني ​رحيم:رامز هو وين هسي... ​رعد:برا قاعد بلعب في الحديقه.... ​أسد:طيب ومراد.... ​رعد بي غضب:مراد لسه ما رجع....لمن يرجع ما عايز زول يتكلم معاهو في الموضوع ده ​عدّي:هو مراد عايز يعمل شنو.... ​رعد بي برود:عايز ينتقم ودا حقو....عمر المغربي حيدفع التمن لمن قرر يلعب مع عائلة الفاروقي..... ​بعد دقائق قليلة دخل مراد القصر...ودخل ورا رامز ​مراد بي برود:رامز من الليلة دي حيقعد هنا...أي زول عندو كلام يجيني انا بالأول ​سلمى وهي تجري ناحية رامز:يا ولدي....تعال في حضن حبوتك🥺♥️ ​رامز عاين لسلمى بتردد ثم عاين لمراد مراد هز ليهو راسو بهدوء رامز مشى حضن سلمى وقال بي برود:كيفك يا خالة.... ​مراد بي غضب:دي حبوتك يا ولد.... ​رامز بي برود:أنا عندي أم و خال بس.... ​مراد كتم غضبه ثم مشى ناحية رعد ​مراد بي برود: عايزك تجهز ليا كل المعلومات عن.....المغربي وأي حاجة تخص شركتهم وتجارتهم عايز كل شي يخصهم ​رعد بي هدوء:عارف انت حاتعمل شنو.....بس ما تتحرك قبل ما نعمل خطة كاملة ​مراد:محتاج خطة انا حأخليهم يندموا على كل لحظة كان رامز بعيد مني.....عايز أوريهم إنو الخيانة لي....أحفاد الفاروقي بتخليهم يدفعوا تمن دمهم ​ مراد مسك إيد رامز ومشوا لي غرفتهم...... ​رحيم قال:حنعمل شنو يا رعد.....المغربي ده عدو قديم وخطير كمان ​رعد بي برود:حنشتغل على جهتين الجيهة الأولى مراد والمغربي لازم ندعم مراد ونخليهو ينتقم بس ما يخسر ولدو......والجهة التانية هي الغول ما ننسى إنو الخاين اللي لسه قاعد بيناتنا..... ========================= في غرفة مراد.....دخل ليهم عدّي ولقى مراد واقف عند الشباك ورامز قاعد على السرير يلعب بتلفون ​عدّي بي ابتسامة:هلأ بي رامز أنا عمك عدّي ​رامز بي برود:أهلين..... ​مراد بي غضب:عدّي.....اطلع برا ​عدّي اتجاهل مراد وقرب من رامز وقال:ما تخاف من أبوك مراد ده هو أطيب زول فينا بس هسي متعصب شوية..... ​رامز:هو ما طيب....أمي قالت إنو هو اتخلى عني ​مراد بي غضب:رييييييييييييييييييم.....والله انا حاخليك تدفع التمن غالي ​عدّي عاين لي مراد وقال:مراد أهدأ شوية ​ثم عاين لي رامز وقال:مراد ماكان عارف بيوجودك يا بطل.....تسعة سنة ما كان عارف إنو عندو ولد وهسي هو زعلان عشان ماكان معاك من لمن كنت صغير ​رامز بي هدوء:يعني هو ما اتخلى عني.... ​عدّي:أبدا ما اتخلى عنك لأنو الفاروقي ما بيتخلى عن دمو....أنت هسي في البيت الكبير أي شي محتاج ليهو تعال ليا طوالي ​مراد في نفسو قال:رامز ده لسه صغير عشان يفهم الحاصل.... ​عدّي وهو طالع قال:مراد ما تنسى....الولد ده محتاج حنان ما عصبية ​طلع عدّي و مراد بقي يعاين لي رامز اللي كان بيفكر في كلام عدّي.... ========================= في مكتب رعد ​كان رعد وأسد ورحيم وعز الدين مجتمعين والأوراق والمعلومات الخاصة بـعمر المغربي كانت موجودة قدامهم..... ​رعد بي برود:ما عندنا زمن نضيعوا.....ولد المغربي حيتوقع إنو مراد مشغول برامز و نحنا حنضربو في الشغل ​أسد:عمر المغربي عندو شركات عقارية وتجارية ضخمة في تركيا.....نحنا بنقدر نستغلها عشان نسحب منهم كل حاجة ​رحيم:إذا ضربنا الشركات دي.....حتكون ضربة مدمرة ليهم حنخلي ريم وعمر يخسروا كل حاجة ​رعد بي برود: بالضبط ده الل حيحصل.....أسد انت تبدأ تجهز كل الأوراق القانونية والغير قانونية.....عايزين نسحب منهم كل حاجة في يوم واحد....قبل تسعة سنة مراد دفع تمن خيانة ريم ليهوا وهسي هي حتدفع تمن بُعد مراد عن ولدو ​عز الدين:طيب ومراد.....حنخليهو متوتر كده ​رعد بي غضب:مراد حيقعد هنا....ما حيتحرك إلا بإذن مني هو هسي نقطة ضعفنا....وأي تهور منه حيعرض رامز للخطر ​أسد:يعني هسي نحنا حانخلي الغول....و نركز على عمر المغربي ​رعد بي برود:التركيز حيكون على الاتنين...الغول عرف إنو عندنا نقطة ضعف جديدة اللي هي رامز وحيستغلها عشان يضربنا....عشان كده لازم نكون أسرع منهم كلهم...... ========================= في غرفة فارس.... دخل عليه رامز بهدوء وقال:أنت فارس صح..... ​فارس بي برود:أها....وأنت بتكون منو ​رامز بي غرور:أنا رامز مراد الفاروقي ​فارس ضحك عليه وقال بي برود:شايف نفسك كده لي....يا ولد مراد ​رامز بي غيظ:انت بتضحك لي شنو.....وبعدين عايز تعرف يعني شنو رامز الفاروقي ​فارس بي برود:أطلع برا الغرفة.....أنا ما بطيق الناس المغرورة ​رامز بي برود مثالي:وأنا كمان ما عايز أشوفك تاني.....أصلو كلكم في البيت ده يا بتشاكلو يا بتبكوا....يا بتكونوا غضبانين قال كدة وطلع من الغرفة وفارس ضحك ثم رجع يلعب بتلفونو..... ========================= بعد نص ساعة ​في حديقة القصر ​كان رامز بيلعب بكورة في الحديقة والحارس الشخصي الواقف معاهو كان مركز معاهو شديد فجأة ظهرت سيارة سوداء مجهولة وقفت جنب الحارس مباشرة.....نزل منها راجل ملثم..... الراجل الملثم مشى بخطوات هاديه جدا من ورا الحارس الشخصي وضرب الحارس ببقوة في رأسه ووقع الحارس فوراً بدون ما يطلع أي صوت....​الرجل الملثم عاين لي رامز اللي كان لسه بيلعب بالكورة وما انتبه للحاصل ​الرجل الملثم بي برود:يا ولد تعال معايا سريع.... ​رامز رفع راسو عاين للرجل الملثم ثم عاين للحارس الواقع ماظهرت عليه أي علامة خوف....مشى بهدوء ناحية الرجل الملثم الذي رفعه بسرعة وأخذه نحو السيارة السوداء.....ركب الرجل الملثم ورامز معاه وانطلقت السيارة بسرعة كبيرة قبل ما أي زول يلاحظ الحصل..... ========================= في مكتب رعد كان رعد وأسد ورحيم وعز الدين لسه بيراجعوا خطة لي ضربة شركات المغربي في تركيا فجأة دخل رأفت عليهم المكتب بعصبية ​رأفت بي عصبية:إنتوا قاعدين هنا.....بتعملوا شنو رحيم بي استغراب:رأفت.....في شنو ​رأفت بي غضب:كيف في شنو.....وا رامز مافي ​رعد بي برود:اتكلم بي وضوح يا رأفت....رامز كيف يكون مافي ​رأفت بي برود:رامز.....رامز اختفى من الحديقة الحارس الشخصي مضروب في راسو وسيارة السوداء شوفناها في الكاميرات وهي بتطلع من القصر وهنا داخل ​مراد المكتب بعد ما سمع صوت رأفت العالي من بعيد وقال بي صدمة:ولدي وين.... ​رأفت بي برود:ولدك راح يا مراد....راح تاني ​مراد بي غضب:ريم و عمر......والله أنا حأحرقكم الليلة ​رعد قال بي برود وهو يمسك مسدسه:أسد رحيم عزالدين.....وقفوا أي حاجة بتعملوا فيها وكمان كل الرجال لأزم يكونوا جاهزين في خلال نص ساعة......و مافي زول حيتحرك من مكانو إلا بأمري ​أسد بي برود وهو بيتصل برجالو قال لي رعد:الخاطفين ديل كانوا محترفين ضربة سريعة ومافي أي أثر وراهم ​رعد بي غضب:أكيد الغول هو اللي سرب خطة تركيا.....للمغربي وخلاهم يخطفوا رامز عشان يوقفون...... مراد كان واقف في نص المكتب بيعاين لي اخوانو زي الضايع لحظة عرف إنو عندو ولدو و رجع ليهو ولحظة تانيه ضاع منه تاني....كانت كافية عشان تكسر مراد الفاروقي ​مراد بي دموع:تسعة سنين......تسعة سنين ما شفتو والليله لمن شوفتوا راح مني تاني..... ​رأفت بي حزن:مراد....اهدأ ​مراد بي عصبية:ماحأهدأ.....أنا اللي حأقتل أي زول بيفكر يقرب من ولدي رعد أنا عايز أي حاجة بتخص عمر المغربي هسي ​رعد قرب من مراد وقال:انا عارف إحساسك بس ما حنخلي المغربي يفوز عايزينك تكون قوي....الخطة ما حتتوقف ​رأفت:رعد انت حتستمر في ضرب المغربي و رامز مخطوف ​رعد بي برود:أيوه حنستمر.....ده بالذات اللي عايزو المغربي والغول لو وقفنا حيعرفوا إنو رامز هو نقطة ضعفنا الوحيدة.....لازم نخلي المغربي يفكر إنو لو ما رجع لينا رامز حنخليهو مفلس مراد بي حزن:بس انا عايز ولدي يا رعد رعد حضن مراد وقال:انا بوعدك إنو في خلال ساعات بس رامز حايكون في حضنك مراد:بجد يا نمر... رعد بي هدوء:وعد مني حيرجع..... ​رأفت:طيب الخطة هي شنو يا رعد.....حنمشي وين ​رعد مشى بإتجاه رأفت وقال بي برود:ما حنروح مكان حننتظر الغول ده سرب الخطة عشان يوقف الضربة في تركيا أكيد عمر المغربي حيتصل هسي عشان يهدد مراد.... ​في اللحظة دي جات رسالة نصية من رقم غريب لي تلفون مراد مد يدو وسحب تلفونو ​مراد قرا الرسالة بصوت عالي:الولد عندنا يا مراد تخطيطاتكم لي تدميرنا في تركيا حيكلفك إنك تشوفو تاني ألغي العملية اللي حتبدأ الليلة..... وتعال لي فندق....حتلقى ريم في انتظارك أي حركة تهور منك رامز حيدفع تمنها *عمر المغربي* ​ساد صمت تام في المكتب..... ​مراد بي خوف:رعد...لأزم نلغي الصفقة لازم أروح ليهم ​رعد بي برود:لأ ما حنلغي أي حاجة....ده بالذات الفخ اللي عملو الغول حنلعب اللعبة ي أسد الخطة بتاعت تركيا حتبدأ في وقتها المحدد ما في تأجيل ​أسد بي برود:تمام حأجهز الفرق عشان تبدأ الشغل ​رعد وهو يمسك مفاتيحه:أنا حأروح الفندق بدلاً منك....أنت حتقعد هنا تحت حماية العائلة ​مراد بي رفض قاطع:لأ أنا اللي حأروح لولدي ​رعد:أنت حتقعد هنا يا مراد....لأنو لو شافوك منهار حيدمروك أنا حأروح لأنو هم عارفين إنو أنا ما بخاف من تهديد أنت حتكون هنا وعز الدين حيكون معاك ​عز الدين:أنا مع مراد لحد ما رامز يرجع ​رعد بي برود:رحيم أنا عايزك تشرف على الأمن في القصر مافي زول حيتحرك....و رأفت أنت حتهدي العائلة وتوريهم إنو رامز بخير.....وحيرجع قريب ========================= خرج رعد سريع من القصر متجهاً نحو الفندق كان غضبان لكن كان هادي وده كان أخطر شي فيهو..... ​في السياره رعد اتصل بي أسد ​رعد بي هدوء:أسد الخطة بتاعت تركيا تبدأ الشغل فيها بعد ما أنا أدخل الفندق بخمسة دقايق....ما تستنى مكالمتي ​أسد:الخطة حتبدأ في الزمن المحدد ​رعد بي برود:كويس المغربي عايز يوقفنا...ونحنا حنوريهم إنو تهديدهم خلى ضربتنا ليهم أقوى..... ========================= في الفندق في جناح ريم وعمر المغربي بعد دخول رعد بخمس دقائق ​كان رعد واقف بي برود وثقة بيعاين لـعمر وريم وهما بيستوعبوا الضربة القوية في تركيا ​عمر بي صدمة وهو بيمسك تلفونو:التحويلات بتاعت الشركات العقارية.....كيف أسد قدر يسحب كل المبلغ ده في الدقايق دي ​ريم بي غضب:أنت مجنون يا رعد.....المفروض كان تلغوا العملية....عشان نحنا حنرجع رامز ​رعد بي هدوء وثقة:لو ما بديت الضربة دي ما كنتوا حترجعوا رامز رامز ما ورقة ضغط..... عايز أوريك يا عمر إنو قروشك دي ما بتساوي شي قدام كرامة الفاروقي ​عمر بي عصبية:رعد انت كده حتخسرنا كل حاجة..... ​رعد بي غرور:حتخسروا كل حاجة دي كانت مجرد بداية ما اكتر لو رامز ما رجع حأخليكم تخسروا كل الممتلكات اللي عندكم في السوق الأوروبي ​ريم بي غيظ:طيب..... اللى عايزو هو شنو عشان ترجع لينا الثروة دي ​رعد بي برود:الثروة دي تمن خيانتكم.....لكن ممكن أوقف الضربة اللي حتخليكم مفلسين للأبد ​عمر بي عصبية:مقابل شنو يا نمر.... ​رعد:رامز يرجع القصر هسي وما تفكروا مجرد تفكير تقربوا من عائلة الفاروقي تاني طول ما أنا فيني نفس مستحيل تقدرو تأذوا عيلة الفاروقي ​ريم بي غيظ:طيب....رامز حيرجع بس ما حتقدر تبعدو مني للأبد في نهاية أنا أمو..... رعد عاين ليهم برود وكان حيطلع بس وقف عند الباب لمن عمر قال عمر بي سخرية:صدقني يا رعد حايجي اليوم اللي اشوفك فيهوا مكسور..... رعد بي برود:ده في أحلامك يا ولد المغربي..... عمر بي ضحك:لا يا رعد ده ما حلم ده حقيقي اليوم.....اللي حا تعرف فيهو الغول منو أنت حا تنكسر ​واقف رعد عند الباب بهدوء تام كلام عمر كان فيهو ثقة كبيرة.... ​رعد بي برود:الغول ده خاين يا عمر....وأي خاين نهايتو تحت جزمت رعد الفاروقي..... وبعدين شوف نفسك انت الأول قروشك دي راحت منك ودي مجرد بداية لإفلاسكم.....قال كدة وطلع خلاهم ========================= بعد وقت قصير من مغادرة رعد لي فندق كان رامز وصل لي القصر بسلام مراد اللي كان بين الحياة والموت من التوتر انهار في حضن ولدو ​مراد بي دموع:أنت هنا....حمد الله على سلامتك يا قلب أبوك🥺🤍 ​بينما كانت العائلة كلها مشغولة بي فرحة عودة رامز كان رعد وصل القصر دخل خطواتو كانت هاديه لكن التعب كان باين على وشو ما وقف عشان يشاركهم الفرحة رغم إنو هو اللي جاب رامز ​رعد بي برود:رحيم عز الدين تأمين القصر لأزم يكون اكتر من كده ما عايز غلطة تاني ​مراد:رعد...أنا... قاطعوا رعد وقال:هسي مو وقت الكلام يا مراد رامز محتاج يرتاح.....وكلنا محتاجين نرتاح ​رأفت بي خوف:أنت كويس يا رعد.... ​رعد بي هدوء:الحمد لله.....قال كدة وطلع غرفتو كان ماشي و​كأنو بيحمل كل هموم العائلة فوق أكتافو مشى غرفتو وكان كل همو يرتاح من التفكير في كلام عمر المغربي اللي كان معلق في راسو...... ========================= في غرفة رعد دخل رعد غرفتو ورمى الجاكيت بتاعو على الكرسي سند راسو بي يدو على الشباك بيعاين للظلام وكان بيفكر وقال في نفسو:منو الغول ده....منو من اخوانو أو أولاد عمو ممكن يخونو بالبشاعة دي ​فجأة انفتح الباب بهدوء ودخل عدّي كان باين عليهو إنو خايف على رعد ​عدّي بي هدؤ:ما قدرت أنوم يا نمر.... وانا شايفك تعبان ​رعد بدون ما يلف:ما كان في داعي للخوف يا عدّي.....أنا كويس ​عدّي:كيف ما في داعي.....أنت كنت في خطر ما عايزك تبقى قوي دايماً يا نمر....التعب باين عليك ​رعد:أنا ما تعبت من المغربي يا عدّي التعب ده من التفكير في الخاين اللي لسه قاعد بيناتنا......وعارف كل شي يخصنا ​عدّي بي حزن:حنقبض عليهو يا نمر...حنقبض عليهو ​رعد عاين لي وقال بي ابتسامة:طول عمرك أنت اللي كنت بتطلب مني أحضنك......لمن كنت صغير ولمن كنت بتحس بي خوف ​عدّي بي ابتسامة: أنت كنت بتشوفني زي ولدك يا رعد رغم إنو ما أكبر مني بكتير🥺🤍 ​رعد قال:بس الليلة.....ممكن أنا أطلب منك ​تغير وش عدّي دي كانت أول مرة يشوف فيها رعد الفاروقي بالضعف ده اللي لدرجة إنو يطلب منه حضن النمر اللي ما بينحني معقول هسي بيطلب الحضن ​عدّي ما اتكلم مشى بي خطوات هاديه نحو رعد وضمو بقوة رعد سند راسو على كتف عدّي بيحاول يلاقي راحة في أقرب زول ليهوا...... رعد قال:أنت عارف يا عدّي......رحيم أكبرنا لكن لمن أبوي مات قبل أربع سنين وأنا بعمر ستة وعشرين سنة أنا حسيت إني بقيت أب لكل البيت ده وبحكم إنك أصغرنا مني و من رحيم أنت بقيت بالنسبة ليا ولدي اللي ما عايزو يحس بخوف لو مهما حصل ​عدّي بي هدؤ:أنت اللي شلت الليلة كلها يا رعد أنت سندنا كلنا.... رعد:أنا خايف على العائلة دي يا عدّي و كمان خايف من الكسرة لمن أعرف الغول منو..... عدّي:مافي زول حيقدر يكسرك يا نمر أنا معاك أنت الزعيم وأنت الأب لينا كلنا رعد بعد عن عدّي وقال:أنا حأرتاح هسي عشان أكون صاحي بكرة من الصباح عدّي:أنا طالع تصبح على خير يا نمر رعد بي ابتسامة:وانت من اهل الخير..... صلو على النبي _____________________________ كيف ينام الأنسان عندما يكتشف إن الحقيقة المطمئنة التي آمن بها مجرد وهمٌ آخر يتبع_______😘