الفصل التاني عشر
*#زعماء_المافيا🥹❤️🩹{{12}}*
*[[قسوة_وجبروت_أحفاد_الفاروقي]]*
*بقلم≈Zainab_Mohamed*
*#عَاشقة الليل🙈❣️*
*⫷..≋ـــــــــــہہہہہہ♡♡ـہہہہـــــــــــ≋..⫸*
من الأشياء المؤلمة أن يأتينا شعور الخذلان من أشخاص كنّا نحسن الظن بهم أكثر مما كانوا يستحقونهُ منا
=========================
> آذكروآ آلله
في قصر الفاروقي
في المساء بعد العِشاء
القصر كان هادي شوية بس ما كتير....🙂
رعد رحيم وأسد كانو قاعدين في صالة الجلوس الرئيسية ومراد معاهم كلهم ساكتين وبعاينو لي بعض
رحيم بي زهج:يعني قعدتنا دي كلها ما حتودينا لي شي...الغول ده بيلعب بينا
أسد:ما عارف....بس إحساسي ما مطمن لي أسر الليلة كلها كان بتصرف بي برود غريب...
مراد:أسر متوتر زينا كلنا بس أنا ما فاهم ليه الغول ما ضرب ضربة تانية بعد سيارتي ده الهدوء ما طبيعي
رعد بي برود:الهدوء ده الفخ....الغول ما بضرب ضربتين ورا بعض هو بستنى رد فعلنا
في اللحظة دي دخل عز الدين كان لابس ملابس عادية ووشو ما فيهو أي تعبير...🥲
عز الدين:فارس نام ومراد انت امشى غرفتك وارتاح شوية
رعد:تمام عز الدين الليلة دي كلها ما عايزك تغمض عيونك لو حسيت بأي حركة من أي زول مهما كان قريب كلمني طوالي
عز الدين:مفهوم
صوت ضحك عالي جاهم من الباب دخل عدّي وهو شايل كيس مليان حاجات بيضحك وراهو فارس اللي صحى من صوتو
عدّي:أهلا يا جماعة....رجعت ليكم بعد ما جبت ليكم كل الطلبات...ياااخ أنا بقيت سواق طلبات رسمي في البيت ده😃
فارس:عمي رعد....عدّي جاب لي لعبتي الجديدة شوفها
رعد ابتسم ابتسامة بسيطة لي فارس: كويس يا بطل....عدّي رجعت متأخر لي 🙂
عدّي وهو برمي المفاتيح على الطاولة:مشاويركم دي كلها بتتعبني....شوكولاتة لي إسراء وحاجات لي غزل....وكمان مراد طالب ليهو نوع قهوة غريب🙄
مراد:كتر خيرك يا عدّي🙂
عدّي قرب من رعد وقال ليهو بصوت واطي:رعد ما تضايق مني عشان ما كلمتك قبل ما اطلع بس البنات....عذبوني وخلوني أطلع غصب عني ثم قال:المهم أنا جعان شديد عايز آكل
رحيم:اطلع غير هدومك وتعال الأكل جاهز
عدّي طلع السلم بخطوات سريعة وفارس وراهو....
=========================
بعد الساعة 10:00 مساءً
كل العائلة اتجمعت على السفرة حتى سيف وسلمى وفاطمة كانو موجودين الجو كان فيهو شوية ضحك بسبب عدّي ومحاولاتو في استفزاز رعد قدام الكل
فجأة سمعوا صوت رسالة بتجي في تلفوناتهم كلهم في نفس اللحظة
رعد وقف من مكانو وعيونو متوسعة الكل شاف الرسالة
في الرسالة كانت في صورة واضحة جدا لـأسد وهو في إيطاليا قبل يومين بتكلم مع واحد من أعداء الفاروقي الكبار في عالم المافيا....وكاتبين تحتها:
القائد أسد الفاروقي....بيبيع أسراركم لي أعداءكم عشان ياخد مكان رعد الخيانة بدأت من إيطاليا.....بس الغول هو الحَكم
الصدمة كانت مرسومة على كل الوشوش
رعد بي صدمة:أسد...ده شنو
أسد بنفس الصدمة:كضب...والله ده كضب يا رعد....أنا مستحيل أعمل فيك كده
رحيم قام من مكانو بي غضب:أسد....الصورة دي جات كيف
عدّي كان قاعد في مكانو عاين للرسالة ثم عاين لـأسد المصدوم بعدين لف راسو وعاين لي رعد الكان قاعد ببرود عدّي قال له:رعد...الصورة دي ممكن تكون مفبركة....الغول بيلعب بينا
لكن رعد ما سمعو عيونو كانت بس على أسد الما قدر يتكلم.....و فجأه رعد رفع يدو وضرب بيها الطاولة بقوة لدرجة الأطباق كلها اتهزت والصوت دور في القصر
رعد بي غضب:مستحححححيل ثم مسك الكرسي اللي كان جمبو ورماهو في الحيطة
الكرسي اتكسر حتت حتت....
سلمى و فاطمة صرخوا من الخوف إسراء و غزل ختو ايدهم على عيونهم سيف قام وقف سريع.....
رعد لف على أسد ومشى ناحيتو مسكو من هدومو.....
رعد:ليييييييييييه......جاوبني يا أسد ليييييييييييه
أسد حاول يفك يدو من رعد لكن مسكتو كانت قوية شديد عيونو كانت باردة رغم الصدمة:رعد فكني....أنا ما عملت شي الصور دي كضب
رعد هز أسد بي غضب:كضب....الصورة واضحة انت كنت في إيطاليا قبل يومين بتعمل شنو مع عدوي الكنت مفترض تخلص عليهو....كنت بتخطط لي شنو أحكي
رحيم قام مسك رعد وحاول يبعدو:رعد أهدأ.....خلينا نفهم ما تتسرع
رعد بعد رحيم منه بقوة:ما تتدخل يا رحيم....ده ما زول عادي ده أسد أخوي....رجع عاين لي أسد بدموع ما قدر يمسكها..
رعد بصوت مكسور:لييييييه خنتني يا أسد... بس لييييييه انت أكتر زول وثقت فيهو أكتر من روحي لييييييه تديني في الضهر بالسهولة دي....ليييييييييه خنت العيلة دي كلها....يا خساره يا صاحبي وخساره كلمة صاحبي فيك
أسد بعد من رعد وقال بي برود:أنا ما خنتك يا رعد...لو انت مصدق الصورة دي أكتر مني براحتك انا ما حأحلف ليك
رعد حس إنو الدنيا بتلف بيهو رجع خطوتين لورا وهو ما مصدق إنو أسد ببرودو ده دليل على إنو ما بهمو الكشف ده....
رعد صرخ بأعلى صوتو:أطلع براااااااا.....أطلع برا البيت ده يا أسد ما عايز أشوف وشك تاني...
أسد برود زاد لكن عيونو كانت فيها ألم:طيب....يا رعد
لف ضهرو ومشى بخطوات ثابتة من غير ما يعاين لي زول....
رعد نزل في الأرض وحس إنو ما قادر يتنفس مراد و رحيم جرو عليهو عشان يمسكوهو
رحيم:رعد قوم....ما تخلي الغول يربح و يكسرك
رعد بي غضب:خلووني براااي....ثم قام بي صعوبة وطلع السلم بسرعه شديد لحدي ما وصل غرفتو وقفل الباب بقوه....
في غرفة رعد
رعد قعد في الأرض جمب الباب ساند راسو على الحيطة و دموعو بتنزل مسك تلفونو عايز يرميهو لكن جاتو رسالة كانت من أسد
قلبو وجعو لمن شاف أسم أسد بس فتح الرسالة بي إيد مرتعشة....
*رسالة من أسد:*
رعد...أنا طلعت زي ما طلبت..كنت مستني منك أي رد فعل وأي شي لكن ما كنت متوقع إنك حتصدق الصورة دي
أنا ما حأقول ليك شي تاني....بس حأقول ليك شوف كويس الصورة دي مفبركة أنا عمري ما بكون مع زول من أعداءنا وانت أكتر زول بيعرف ده
رعد....أنا ما زعلان منك عشان طلعتني أنا زعلان عشان كسرتني وأنت ما مصدقني
أنا حأبعد زي ما طلبت يا صاحبي.....ما عايز أكون سبب في وجع قلبك......ما حاخليك تشوف وشي تاني عشان ما تتوجع مني....مع السلامة يا صاحبي لو احتجت ليا...حتلقاني براك عارف مكاني
رعد قرا الرسالة كم مرة ودموعو نزلت تاني لكن المرة دي ما كانت دموع غضب كانت دموع ندم ووجع
رعد:يا خسارة.....انا صدقت الكضب وكسرت أخوي
قام بسرعة و عاين للصورة تاني في التلفون أسد كان صح.....التفاصيل ما بتشبهو الغول عمل ليهو فخ نجح فيهو 100%
رعد فتح الباب وطلع بي سرعة نازل السلم خطوتين خطوتين
وصل الصالة ولقا العائلة كلها قاعدة مافاهمة حاجة
رعد بصوت عالي:أسد وين راح....لازم ألحقو
رحيم:مشى يا رعد.....ما رضي يسمعني
رعد مسك عدّي من كتفو عدّي الكان بعاين ليهو بهدوء.....
رعد:عدّي....عمي سيف....أسر شوفوا ليا أسد مشى وين سريع
عدّي:حأشوف ليك يا رعد....مسك تلفونو وعمل كم اتصال سريع....بعد ثواني عدّي رفع راسو وقال:رعد أسد طلب ليهو سيارة من بدري....هو هسي في طريقو لي المطار الليلة عندو رحلة لي فرنسا
رعد بي صدمة:فرنسا.....رعد ما استنى يسمع الباقي ما عاين لي عدّي ولا لي أي زول تاني مسك مفاتيحو وطلع جري على الباب....رعد ركب سيارتو وساق بسرعه.....
=========================
رعد ساق بسرعة تخوف وصل المطار في زمن قياسي نزل من السياره وجرى....وصل بوابة المغادرة الدولية لقا أسد في آخر لحظة مد التذكرة لي موظف الجوازات
رعد بي صوت عالي:أسد....اقيف
أسد لف وشو وعاين ليهوا
أسد بي هدوء:جيت ليه يا رعد....
رعد جرى عليهو ومسك يدو:أنا آسف.....يا أسد والله آسف أنا ندمان....الرسالة وصلتني أنا عرفت إنك بريئ أنا اللي خنت ثقتك لمن صدقت مجرد رساله
أسد عاين ليهو ببرود:خلاص يا رعد....انت عملت اللي عايزو.....فارجع البيت عشان انا خلاص ماشي
رعد حضن أسد بي كل قوتو:ما حتمشي.....والله ما حتمشي انت ضهري يا أسد....لو مشيت أنا حأقع سامحني....أرجوك أرجع معايا البيت
أسد حس بالوجع في صوت رعد ده ما كان صوت الزعيم ده كان صوت أخوهو المكسور أسد هز راسو بهدوء
أسد:طيب يا صاحبي...انا حأرجع....لكن حأرجع عشان أثبت براءتي....ماحأقعد معاك في بيت واحد لو ما عرفنا الخاين ده منو
رعد بي بفرح وراحة:متفقين...متفقين ثم فك أسد وطلعو من صف المسافرين....
=========================
في قصر الفاروقي
عدّي كان لسه قاعد في الصالة مع العائلة بيتكلم معاهم بهدوء ويطمنهم إنو رعد حيلحق أسد....
عدّي بي هدوء:إن شاء الله يكون رعد لحقو.....أسد ده ما بستاهل الوجع ده كلو
رحيم بي حزن:الغول كسرنا يا عدّي....كسر أهم عهد بيناتنا كسر *عهد ثقة زعماء المافيا*
فجأة سمعوا صوت باب القصر بيتفتح دخل رعد ووراهو أسد
رعد كان وشو تعبان.....أسد كان ماشي ببرود
الكل قام وقف فاطمة وسلمى جرو على أسد وحضنوهو
فاطمة بي دموع:يا ولدي الحمد لله انك رجعت....ما تمشي تخلينا تاني
أسد حاول يبتسم:مامشي يا خالتي....أنا هنا لحدي ما الموضوع ده يخلص
عدّي كان أول زول عاين لي رعد و حضنو بي قوة....
عدّي:الحمد لله يا نمر إنك لحقتو.....ما تخلي أي زول يكسرك تاني يا كبير
رعد هز راسو بتعب:الغول ده حأجيبو.....وحأخليهو يندم على اللحظة اللي فكر فيها يكسرنا...ثم قال:أسر انا عايزك في موضوع مهم الحقني في غرفتي وانت كمان يا أسد.....
=========================
في غرفة رعد
بالأول دخل أسر...وتاني أسد دخل ووقف بهدوء وشو ما فيه أي ابتسامة بس حضوره كان كافي يهدي الأجواء
رعد عاين لي أسر وقال:أسر...تعال اقعد جمبي
أسر عاين ليهم بصدمه خصوصاً إنو ما اتكلموا مع بعض من لمن دخلوا أسر في السجن....وهنا لمن أسر أتذكر السجن اتعصب بس حاول يهدي وقال بي برود:خير.....عايزين مني شنو
أسد بي غيظ:هسي منو لأزم يكون.....زعلان من التاني نحنا ولا أنت
أسر قال:لو انتوا عايزين تعملوا مشاكل مع الأسف الشديد.....انا ما فايق ليكم فعشان كده شوفوا ليكم زول تاني تتشاكلوا معاه أو اتشاكلوا براكم يكون أحسن🙂
رعد بي هدوء:أسر...أنا آسف شديد على كل اللي حصل والله ما كان قصدي أشوفك تتوجع أو تدخل السجن....نحنا كنا محتاجين نوريك دروس الحياة بس يمكن اتجاوزنا الحدود شوية
أسد قرب من أسر وقال:أيوه...حتى أنا آسف الهدف كان تعليمك درس صغير...وأنا عارف إنو كان صعب عليك
أسر عاين ليهم دموعو نزلت وقال:آسفين على شنو بظبط....على إنكم دخلتوني السجن ولا عشان غدرتوا فيني طيب إنتوا عارفين انا حسيت بشنو لمن عرفت إنو إنتوا السبب دخولي في السجن....طيب إنتوا لمن عملتوا الخطة حقتكم مافكرتو فيني ولا اهم شي عندكم هي غروركم....يمكن انا كمان غلطان لمن عملت فيكم كده بس كان لأزم انتقم منكم
رعد بي برود:انتقامك غبي زيك
أسر بي غيظ:قصدك شنو بكلامك ده
رعد هدوء:لو انت فعلآ ما كنت غبي زي ما قولت ليك.....ما كان فكرت تنتقم من أخوانك
أسر بي برود:بس انا ما عندي اخوان
رعد:نحنا شنو لو ما عندك اخوان
أسر:إنتوا ولاشي
أسد بي عصبية:أسر التزم حدودك
رعد بي برود:أسد روق ما تتعصب....عشان واحد غبي زي أسر
أسر بي زهج:طيب إنتوا هسي جايبيني هنا لي شنو
رعد بي هدوء:عشان نعتذر منك
أسر ضحك وقال:والله احلى أعتذر اشوفو في حياتي....بس إعتذركم مرفوض وقام عشان يطلع بس رعد مسكو من إيدو وقال:أسر بطل عنادك دا خلاص...ما نحنا قولنا ليك آسفين تاني عايز شنو
أسر بي عصبية:وانا قولت ليكم أعتذركم مرفوض....فلو سمحت يا رعد فكني
رعد:بأول انت قول لينا مسامحكم....
أسر بي غضب:انا مستحيل أسامحكم....فكني يااااخ انا بكرهكم فوق ما تتخيلوا
هنا رعد فك إيد أسر وقال بي برود:الشعور متبادل يا قلب أخوك
أسر عاين ليهم بغضب وكان حيطلع بس أسد قال:كراعك دا مايطلع من هنا.....قبل ما نحنا نكمل كلامنا
أسر قال له:بس انا وراي شغل مهم
رعد بي برود:ويا ترا شغلك المهم دا شنو
أسر:وانت الدخلك في شغلي شنو
أسد بي عصبية:والله العظيم يا أسر لو تاني......قولت كلمة واحدة بس انا حاخلص عليك
أسر بي برود:أسد انت كده اتجوزت حدودك
رعد بي غضب:أسر احترم نفسك أحسن ليك
هنا أسر اتعصب وكان حايضرب رعد كف بس وقف لمن دخل ليهم عز الدين وقال بي برود:نزل إيدك دي سريع
أسر بي سخرية:أوووو ود الخالة....خير إن شاء الله عايز شنو أنت كمان
عز الدين بي نفس البرود:أسر بطل قلة الأدب....واحترم اخوانك الكبار واسمع الكلام بدون مقاطعه....عشان انا كمان مادخلك السجن زيهم
أسر:إنتوا ما بتعرفوا تتكلموا بدون تهديد ليه🥲
رعد:حاسالك سؤال....وانت جاوب على سؤالي
أسر:اسأل.....
رعد بي برود:أنت الغول ولا لا....
أسر بي عصبية:شنوووووو....إنتوا أكيد جنيتوا عشان بتسألوني سؤال زي دا
أسد:يعني أنت ما الغول
أسر بي غضب:انا ما محتاج أكون غول عشان انتقم منكم....أنا بكون أسر الفاروقي لو إنتوا ناسين
رعد بي برود:الغول برضوا بيكون من أحفاد الفاروقي يعني هو واحد فينا
أسر:طيب عشان هو بيكون.....من أحفاد الفاروقي إنتوا قرارتو تخلوني انا أكون الغول
عز الدين:أسر ما تكبر الموضوع هم بس سألوك سوأل ما اكتر
أسر بي غضب:اسمعوني كويس أنا لو عايز اقتلكم صدقوني....حاقتلكم واحد ورا تاني وبيدم بارد وبدون ما افكر فيها بس عمري ما حاغدر فيكم يعني انا ممكن اقتلكم عادي بس الغدر والخيانة مستحيل
أسد ضحك بي سخرية وقال:طيب اللي أنت عملتوا يوم ديك كان شنو
أسر بي برود:كان انتقام
رعد بي هدوء:طيب طلما أنت ما بتكون الغول....ممكن تسامحنا
أسر:مستحيل اسمحاكم....ثم طلع من عندهم
عز الدين قال بي برود:إنتوا مجانين ولا شنو....كيف ممكن أسر يكون الغول إنتوا نسيتوا إنو أسر لسه صغير
رعد بي بتعب:عارفين إنو أسر بيكون....صغير بس لو طلع هو الغول كان أحسن
عز الدين بي أستغرب:ليه....بيكون أحسن
رعد:عشان على الأقل أسر حيكون عندو سبب منطقي عشان ينتقم مني و يكرهني....بس التانيين لا صحيح نحنا غلطنا لمن دخلناه السجن بس كونا عايزين مصلحة أسر بس شكلوا خربناها
عز الدين:ما تخافو أسر حيسامحكم
رعد بي حزن:بتمنى إنو يسامحنا
أسد بي عصبية من أسر:دا شافع قليل الأدب.....وأنا حاخلي يتعلم الأدب
عز الدين بي برود:والله يا أسد لو أنا عرفت إنو انت عملت شي لي أسر صدقني ماراح أرحمك
أسد بي غضب وصوت عالي:وأنت مالك كمان
عز الدين بي برود:صوتك....وطي صوتك أنت و بتتكلم معايا يا أسد
أسد بي استفزاز:لو عليت صوتي حاتعمل ليا شنو
عز الدين بي برود:عايز تعرف حاعمل شنو
رعد بي غضب:ولا كلمة تاني اخرصو إنتوا الاتنين....ما تخلوني افضي المسدس دا في راسكم
أسد عاين لي عز الدين بعصبية وطلع....
رعد قال لي عز الدين:يا وحش ما تزعل من أسد هو متعصب مني أنا فعشان كده الحقو قبل ما يعمل ليهوا شي أنت عارف إنو هو متهور وممكن يعمل حادث
عز الدين قال:طيب وطلع عشان يلحق أسد.....و رعد قعد على السرير بتعب.....
صلو على النبي
_____________________________
الخيانة أبشع شي يعيشها الأنسان
من شخص لا يتوقع إن يخونه في يوم
يتبع_______😘