الفصل الحادي عشر
*#زعماء_المافيا🥹❤️🩹{{11}}*
*[[قسوة_وجبروت_أحفاد_الفاروقي]]*
*بقلم≈Zainab_Mohamed*
*#عَاشقة الليل🙈❣️*
*⫷..≋ـــــــــــہہہہہہ♡♡ـہہہہـــــــــــ≋..⫸*
اِعتذارات العالم أَجمع لن تكفي خيبة إنسان خُذل من شخصه المُفضل
=========================
> آذكروآ آلله🤍🤍
في صباح اليوم البعد أحداث المستودع
في قصر الفاروقي
العائلة كلها كانت قاعدة في الصالة
أسد…رأفت…مراد…عز الدين…رحيم…وحتى إسراء وغزل...وفاطمه...وسلمى...وسيف...وعدّي...وأسر كانوا قاعدين منتظرين رعد ينزل...
خطوات رعد نزلت من فوق السلم
لحدي ما وقف قدامهم....
رفع عيونو عليهم وقال بصوت بارد:الغول منو فيكم....
كلهم عاينوا ليهو بصدمة....
مراد رفع حاجبو:انت جادي يا رعد في سؤالك ده...
أسد قال:دا كلام شنو...نحنا أخوانك معقول تشك فينا
رحيم وقف وقال بحدة:رعد....انت اتجاوزت كل حدودك ما في زول فينا ممكن يخون العيلة دي
غزل قالت لإسراء:يا ساتر...ده شنو الصباح ده🙂
إسراء:اسكتي يا بت ماشيفة اخوانك بيتشاكلوا كيف....
رعد ما اتحرك ولا خطوة بس عيونو لفت عليهم واحد واحد:الغول عارف خطتنا...عارف تحركاتنا...عارف كل شي...ما في زول يعرف الحاجات دي غير البكون من جوانا
عز الدين بي برود:معناتا لازم واحد مننا خاين...
رأفت قال بي عصبية:رعد الكلام ده ما بنقبلو نحنا تربينا سوا....وانت الليلة بتقول لينا كده
سيف قال:رعد...انت جادي بتشك في عائلتك
فاطمه و سلمى قالوا:يا ولدي الكلام ده ما صح....انت أكيد واثق في اخوانك
رعد بي غضب:لا غلطانين....انا ما عندي ثق فيهم
رحيم ضرب الطاولة بيده:من بيتن فقدت الثقة فينا....يا ولد فارس
رعد رفع راسو و ابتسم ابتسامة ساخرة:
أنا...بطلت أثق في نفسي قبل ما أثق فيكم...إنتوا ما فاهمين إحساسي...وما عارف حتى أنا منو
رعد لف ظهره ومشى للسلم من غير ما يسمع أي رد
طلع غرفتو بخطوات سريعة وقفل الباب بقوة و غضب....
عدّي كان واقف ضمن العائلة ساكت…
لكن أول ما رعد طلع الغرفة...عاين ليهم بهدوء
إسراء قالت:أمشو شوفوهو قبل ما ينفجر أكتر....
لكن عدّي ما استنى زول طلع السلم سريع...
ووقف قدام باب رعد....خبط وقال:رعد...افتح الباب
ما في رد
خبط تاني:يا رعد افتح عشان خاطري
بعد لحظات....الباب اتفتح
ورعد واقف...عيونو حمرا من البكاء...وشو متوتر تعبان...مخنوق من جوا
عدّي أول ما شافوا...
اتصدم من شكل رعد....و عاين لي بحزن
ومد يدو وفتح الباب أكتر ودخل ليهو...
عدّي بي هدوء:تعال هنا....
رعد حاول يمسح دموعو بسرعة:ما كنت داير زول يشوفني كده....
عدّي قرب خطوة منه:وأنا ما أي زول....
رعد ما قدر يمسك نفسه…
نزل راسو ودموعو رجعت تنزل تاني وهو يقول بصوت مكسور:ليه يا عدّي...ليه بحس إني ضايع ليه بحس إنه الغول دا هيكسرني....وليه بحس إنه قريب مني شديد...قريب لدرجة بتخوف...
عدّي قرب من رعد…
خت يدو على كتفو...
وقال ليهو بي هدوء:رعد قول بسم الله الرحمن الرحيم...وخليك هادي
رعد رفع راسو وقال بي وجع:بس انا خايف يا عدّي...
عدّي:خايف من شنو....
رعد بي شرود:خايف لمن أعرف الغول منو...خايف أتوجع...وخايف أفقد زول منكم...وخايف اتكسر
صوتو انقطع...كأنو ما قادر يكمل
عدّي عاين ليهو ثم سحب رعد ليهو حضنو وقال:طيب كدي قول بسم الله...هدي
أنا هنا...وفاهم خوفك...فاهم وجعك....وانا معاك يا رعد مستحيل اتخلى عنك
رعد بي دموع:عدي....أنا ما عارف الحاصل ح يوديني وين....أنا بقيت أشك في كل شي حتى في نفسي...
وخايف...خايف من اللحظة البعرف فيها الغول منو...تتكسر فيني حاجات ما بتتصلح
عدّي بي هدوء:يا رعد...انت ما براك وانا أخوك...أنا معاك في كل خطوة...ولو الحقيقة وجعتك أنا بكون أول زول يسندك....ما بخليك تقع مهما حصل
رعد:أرجوك يا عدّي...وقت الحقيقة تظهر....خليك معايا انت سندي الوحيد
عدي بي ابتسامة:وأنا معاك...لآخر نفس
انت أخوي....مستحيل أخليك تواجه شي براك
رعد بعد كلام عدّي هدا شوية....ثم رعد فجأة بعد من حضنو بخطوة...ومسح دموعو بسرعة ورجع لبرودو المعروف🙂
رعد بي برود:خلاص...أطلع برا
عدّي رفع حاجبو وضحك:بسم الله مالك اتحولت فجأة كده لي....قبل دقيقة كنت قاعد بتبكي🥲
رعد عاين بنظرة باردة:عدّي....ما تخليني أخلص عليك
عدّي ضحك:أهااا....ده رعد العارفو انا اخيرا رجعت لطبيعتك....
رعد بنفس البرود:أطلع....وأقفل الباب وراك
عدّي بي برود:بس انا مح اطلع من هنا....
رعد:يااااخ انت لي عايز تستفزني....
عدّي قعد على طرف السرير بدون إذن:وأنا ما حأقوم يا زول...انت قلت أطلع برا وانا وقلت لا....وكمان انا لو ما عصبتك شوية يومي ما بيكمل صدقني🥲
رعد بي غضب:برااااا😑
عدّي قاعد في نص السرير:والله يا رعد...السرير ده مريح وأنا شكلي حاخدو منك
رعد رفع حاجبو:عدّي...أقوم من هنا
عدّي بي برود:لا ياااخ أبيت....داير أرتاح أنا تعبت...انت عارف أنا بمر بضغوطات نفسية🙂
رعد:ضغوطات شنو....
عدّي:ضغوطات إني أخوك....دي براها ضغط😕
رعد بي صدمة:شنووو...
عدّي يضحك:يااااخ أنت والله تضحكني....قبل 5 دقايق كنت بتبكي...وهسي عامل فيها زعيم
رعد حاول يخبي الابتسامة:عدّي...والله العظيم لو ما طلعت برا
عدّي:لو ما طلعت برا تعمل شنو...حاتقتلني مثلا
رعد بي برود:صدقني لو اعصبتني اكتر من كده...ممكن اقتلك عادي😑
عدّي بي ضحك:انت شرير...😀
رعد بي غضب:خمسة دقايق وما اشوفك قدامي....
عدّي:انت دايرني أطلع يعني....
رعد بي برود:أي أطلع...
عدّي بصوت شافع:بس انا ما عايز أطلع🥹
رعد بي غيظ:ربنا ابتلاني بيك انت...ليشنو بس🥲
عدّي قام من السرير وهو بيغني:انت الأستاذ و انت اللي بنتعلم منو انت ألانجاز واللي بأسمو الناس بيغنوا انت اللي معافر ولا همك صغرت همومي قصاد همك انت اللي مخلي الناس تستقوى على تعبها خليت العالم حكى عنك عشان الخوف بيخاف منك خليت المحنه كأنها لعبه بتلعبها يا أسد واقف بشجاعتك أديتني دروس بشطارتك الدنيا بحالها بتاعك و العالم رهن إشارتك ألامل انت اللي كتبتوا وتعب انت اللي تعبتوا وفرضت عليه سيطرتك🥹🤍♥️
بعد ما خلص عدّي الغنية...وقف قدام رعد بابتسامة كبيرة وكأنو عمل إنجاز عالمي🙂♥️
قال بصوت مليان فخر :أنا قبل ما أطلع....داير أقول ليك حاجه
رعد:اها...قول ليا
عدّي قرب منه وخت إيدو على كتف رعد وقال:شكراً
رعد بي استغرب:شكراً...على شنو
عدّي ابتسم وقال:شكراً...لأنك أخوي
وشكراً...إنك بتتحملني كل يوم
وشكراً...إنك مهما عصبت مني بتفضل واقف في ضهري😭♥️ابتسم اكتر وقال:أنا بضحك كتير...وبهظر كتير بس والله وجودك في حياتي نعمة كبيرة....فشكراً على كل حاجة
رعد سكت شويه عينوه دمعت بدون مايحس ثم...رجع لبرودو المعروف عشان ما يظهر عليه التأثير:العفوو يا اخوي....يلا أطلع برا🙄
عدّي ضحك:أخوي الغالي ربنا يخليك لينا😂♥️ثم التفت لي الباب عشان يطلع بس وقف لمن رعد قال بصوت هادي:وبرضو....شكراً يا عدّي
عدّي فتح عيونو صدمة كبيرة:شنوووووو....رعد قال شكراً اسمعوا يا ناس....سجل يا تاريخ😭😂
رعد بي برود:خلاص....برا قبل ما أغير رايي
عدّي وهو طالع من الباب بي ضحك:ما مشكلة....المهم سمعتها منك
ورعد رغم كل شي...ابتسم غصب عنه❤️🩹=========================
بجانب تاني
في صالة
كانوا كلهم قاعدين وخايفين على رعد رغم كل الكلام القالو بس في نهاية هو أخ و ابن العائلة دي
نزل ليهم عدّي وهو بيضحك كلهم عاينو ليهو وقالو:انت طلعت حي من عند رعد كيف🥲
فارس بي برود:والله لو عمي رعد نزل وهو شايل عدّي فوق كتفو....ما بستغرب قدر ما إستغربت هسي لمن عدّي طلع وهو بيضحك بدل ما يبكي...😂💔
عدّي عاين ليهو بغيظ ثم قال بي غرور:المهمة تمت بنجاااح...الوحش المعروف باسم رعد تم تهدئتو بسلام بدون خسائر في الأرواح🙂
فجأة...قبل ما عدّي يكمل كلامو سمع صوت سيف بيقول:يا جماعة زول فيكم يفهمني....ده عدّي ولا ملاك نازل من السماء...الزول ده طالع من عند رعد بيضحك عادي كيف
غزل قالت بي ضحكة مكتومة:أنا مقتنعة إنه رعد
خطف عدّي الأصلي و قتلوا....وأداكم نسخة جديدة🙂
رحيم عاين لعدّي بتركيز شديد:يا ولد...انت قلت ليهو شنو فوق
عدّي بي غرور:حقول شنو يعني...غنيت ليهو واستفزيتو...وتاني وقولت ليهو كلام من القلب🙂♥️
مراد:يعني الكلام من القلب هو البخلي رعد يهدى...ليه ما قلنا ليهو من زمان🙄
عدّي:مالكم يا جماعة...أنا عندي تأثير سحري أنا زي الدواء كده🙂
فارس:دواء...دواء شنو يا ولدي انت جرعة صداع💔😂
إسراء ضحكت وقالت:بس المهم...رعد هدي ولا لا
عدّي بي غرور:أي...هدي لدرجة لو قلت ليهو نط من الشباك كان نط ليا🙂
كلهم سوا:كضببببببب😂♥️
قبل ما عدّي يرد...
سمعوا صوت خطوات بتنزل من السلم...رعد نازل ببروده المعتاد...لكن
عيونو ما فيها عصبية...وشكله أهدى فعلاً
كلهم وقفوا بدون ما يحسوا...🥲
عدّي ابتسم وقال بصوت واطي:شوفتو...حتى ماشي بهدوء دا شغلي🙂
رعد وصل آخر السلم...
عاين ليهم كلهم...
و سكت شوية...
وبعدين قال بصوت بارد كالعادة:لو خليتو عدّي يجي غرفتي تاني....أنا بطلع من البيت ده تاني يوم🙂
كلهم فجأة لفوا لي عدّي بصدمة
سلمى:انت عملت ليهوا شنووو يا كلب قول
فاطمة:يا ولدي....انت داير تخرب علاقتنا بي أخوك🙂
أسد ماسك ضحكتو:يا عدّي....انت داير تمشي السجن ولا شنو
عدّي بي مرح:شنوووووو....أنا عملت شنو...غنيت ليهوا...وضحكت شوية وشكرتو...يعني دي جريمة هسي🥲
رعد مشى ليهوا و واقف جنب عدّي...وقال بصوت هادي ما سامعو غيرو:وبالمناسبة…الغنية كانت سمحة🙂
عدّي بي غرور:شنوووووو انا ماسمعتك ارفع صوتك شوية😌
رعد بي غضب:عدّي ما تختبر صبري احسن ليك
عدّي ماشتقل بكلام رعد و وقف في نص الصالة قدام كل العائلة:يا جماعة...يا عالم...رعد مدح صوتي
الزول ده اعترف...قال الغنية سمحة والله قالهاااااا🙂
سيف ضحك:ياخ ده يوم تاريخي فعلاً😂
غزل:أقسم بالله الحالة دي ما طبيعية....يا رعد انت كويس
إسراء بضحك:انت كويس يا نمر😀
فارس عاين لرعد ببرود:يا عمي رعد...لو كنت مريض ولا عندك حرارة قول لينا ما في داعي تخوفنا كده🙂
رعد بي برود:يا جماعة الموضوع بسيط...الزول ده غنى ليا وأنا بس...كنت بجاملو ما اكتر
عدّي بي صوت عالي:مجاملة شنوووووو....انت قلتها من قلبك وانا سمعتك و حسيتها طالعه من قلبك🙂♥️
رعد بي برود:عدّي امشي غرفتك...عايز ارتاح من كلامك الكتير دا
عدّي:لا يا زول...أنا بعد المدحة التاريخية دي ما بطلع...و هسي أنا فنان البيت ده رسمي🤭♥️
أسد مسك راسه:بس لو رعد ما قتلك انا بقتلك يا عدّي🙂
رعد بي ضحك:أنا غلطت إني قلتها...
عدّي:لكن قلتها🙂💔😂
فاطمة مشت وقفت بيناتهم:
خلاص يا ولد...خلي أخوك يرتاح
عدّي:تمام...تمام...لكن قبل أمشي بس داااااير أقول كلمة أخيرة...
الجميع بصوت واحد:لاااااااااا😴✋
عدّي رافع يدو ومبتسم:أقسم بالله كلمة أخيرة وبس🙂
رعد بي تعب:قول....
عدّي:أنا...فخور بيك وربنا يحفظك لينا....ثم قرب من رعد وقال لي بصوت واطي:وما تخاف من الغول لأنو أنا معاك
خليك قوي وما تبكي تاني لأنو شكلك كان مرعب شوية🙂
رعد فتح عينو وقف قدامو
وقال بصوت بارد:عدّي لو قلت كلمة البكاء قدامي مرة تانية...انت بتشيل عفشك وبتسكن في الحديقة عشان البيت ده يا انا يا انت أصلو ما بيشلنا سوا🙂
عدّي ضحك وقال:يا ناس شفتوا...لسه غضبااااان♥️😂
رعد رغم كل شي
ابتسم ابتسامة صغيرة ما قدر يدسها
=========================
بعد مرور ساعتين
عند الغول
الغول قال بي ضحك :عارف يا رعد أكتر حاجة فرحتني الليلة شنو....ما غضبك...ولا وجعك الفرحني إنك نزلت ليهم وانت الشاكي في اخوانك التنانين...والأحلى من ده كلوا
إنك بقيت تشك في نفسك ذاتها...شفت ده المطلوب بالضبط
ضحك تاني وقال:
واصل يا رعد....النهاية قربت يا غالي
صلو على النبي
_____________________________
لم تكن الخيانة لحظة بل كانت مسرحية طويلة استمتعت فيها أنت بالدور وعشت أنا في الوهم
يتبع_______😘