زعماء المافيا الجزء الأول - الفصل الخامس - بقلم Zainab Mohamed - مكتملة | روايتك

*#زعماء_المافيا🥹❤️‍🩹{{5}}* *[[قسوة_وجبروت_أحفاد_الفاروقي]]* *بقلم≈Zainab_Mohamed* *#عَاشقة الليل🙈❣️* *⫷..≋ـــــــــــہہہہہہ♡♡ـہہہہـــــــــــ≋..⫸*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ قد يَنكسر في النفس شيء لا يُجبره ألف أعتذار ========================= > صلو على النبي بعد مرور يوم كامل رعد وأسد مشوا السجن عشان يطلعوا أسر كانوا لابسين بدلات رسمية ووجوهم صارمين راحوا لي الضابط وقالوا له: نحنا جايين عشان نطّلع أسر سيف الفاروقي الضابط: انتوا جايين تهظروا ولا شنو؟............كيف يعني ح تطلعوا أسر من السجن رعد بي برود:نحنا ورانا شغل كتير فعشان كده أنجز وطلع أسر بدون كلام كتير الضابط بي عصبية: انتوا شكلكم فاكرين السجن ده لعبة أو إنو ممكن تطلعوا أي زول على كيفكم ده قانون يا استاذ وما ممكن نخالفو رعد بي برود:لو ما طلعت أسر يبقى أنسى ولدك عشان أنا ح أخليهو يدفع التمن غالي كلامي ده واضح الضابط بي خوف على ولدو: أنا... أنا ما بقدر أعمل حاجة بدون أوامر من الإدارة أسد بي برود:نص ساعة و أسر يكون برا السجن والإ ولدك ح يودع الحياة الضابط:تمام... تمام ح أواصل الإجراءات رعد بي غرور :ده الكلام الطبيعي يلا خلينا ننتهي من الإجراءات دي الضابط مشى يكمل الإجراءات ورعد وأسد واقفين مستنين رعد قال لي أسد:شكله الضابط ده فاهم الموضوع صح أسد: أيوا هو فاهم وما بقدر يرفض لينا طلب عشان مستحيل يكون في أب يقدر يخاطر بي حياة اولادوا الضابط رجع بعد شوية وقال: تم الإفراج عن أسر سيف الفاروقي اتفضلوا أسر مستنيكم جوا رعد:شكرا ليك.......... يلا خلينا نمشي رعد وأسد دخلوا لقوا أسر قاعد في الزنزانة  مستنيهم رعد قال له:انت جاهز أسر قام ووقف وهو ساكت أسد قال له:طيب يلا نمشي من هنا أسر مشى معاهم وهو ساكت وما قال حاجة لما طلعوا من السجن رعد قال له: أسر إنت كويس؟ أسر عاين له وبعدين قال: أنا كويس..........يلا نمشي رعد وأسد عاينو لبعض وحسوا إنو في حاجة مو طبيعية بس ما قالوا حاجة ومشوا مع أسر رعد قال لي أسد: شكله في حاجة ح تحصل ماممكن يكون هادي كده أسد: شكلوا بيخطط يعمل حاجة بس اكيد ح نعرفها رعد: ح نعرف كل حاجة لما نوصل وصلوا القصر ودخلوا مع بعض ولقو العائلة كلها مستنياهم مراد:حمدلله على سلامتك نورت بيتك أسر رد عليه بي هدوء:منور بي أصحابوا العائلة كلها كانت متجمعة في الصالون والكل كان بيعاين لي أسر بي اهتمام🙂💔 أسر مشى على أمه وقبل رأسها وقال: كيفك يا أمي؟ سلمى حضنته وقالت: الحمدلله يا ولدي كنا خايفين عليك كتير وعائلة كلها سلمت عليه رعد وأسد وقفوا يتابعوا بي هدوء ورعد قال لي أسد بي همس:أخوك ده ما طبيعي🥲 أسد رد عليه بي همس: أيوا شكله بقي مختلف يعني عمره كل ماتكلم بجدية زي ما عمل الليلة🙁 بعد شوية فاطمه قالت : يلا يا جماعة الغدا جاهز اتفضلوا العائلة كلها مشت على السفرة وأسر مشى معاهم رعد وأسد كانوا بيعانو لي أسر بشك وكانوا متأكدين أنو في حاجة ما صحيحة خلال الغدا أسر كان بيتصرف بشكل طبيعي بس رعد وأسد كانوا مركزين معاهو كويس بعد الغدا أسر قام وقال: أنا عايز أرتاح شوية تعبان من السجن سيف قال: اتفضل يا ولدي ارتاح أسر مشى على غرفته ورعد وأسد بقوا يتابعوه بي عيونهم لحدي ما دخل غرفته وقفل الباب رعد قال لي أسد: أنا شايف أنو في حاجة كبيرة ح تحصل أسد رد عليه بي برود: وأنا شايف كده برضوه بس ح نراقبو كويس وما ح نخليهو يعمل ليهو تصرف مجنون بمجرد ما..........هو متعصب مننا ========================= *بجانب التاني عند أسر* في غرفة أسر أسر قعد على السرير وفتح الدولاب وطلع تلفون أسر اتصل عليه وقال: تمام أنا خرجت من السجن وكل شي تمام الزول البتكلم معاهو رد: كويس..........أنا عايزك تجهز نفسك لأنو في شغل كتير لازم يتعمل أسر :انا جاهز رعد وأسد كانوا بيسمعوا أسر من ورا الباب .......🥲💔 رعد قال لي أسد: شكلوا أسر قاعد يعمل في شي بس هو شنو أسد:وأنا شايف أنو لازم نعمل حاجة عشان نمنعو رعد قال:خلينا ننتظر شوية ونشوف ح يمشي وين أسد:طيب خلينا نمشي من هنا قبل ما هو يشوفنا أسد و رعد الاتنين نزلوا تحت وقعدوا في الصالون و أسر كان لسه في غرفته وهو بيتكلم في التلفون بعد شوية أسر نزل من غرفته وهو مبتسم وكان ح يطلع من البيت بدون ما يتكلم بس أسد قال بي برود:على وين أسر مشى على الباب وقال:حأطلع أتمشى شوية قال كده وطلع رعد قال لي أسد:أنا ماشي وراه أسد: وأنا كمان لازم امشي معاك رعد وأسد مشوا وراء و أسر مشى ركب سيارته واتحرك بيها بسرعة رعد وأسد مشوا وراه بي سيارة تانية وكانوا بيحاولوا يلحقوه بعد شوية أسر وقف العربية قدام مخزن مهجور رعد وأسد وقفوا بعيد وكانوا بيراقبوا أسر وهو داخل المخزن رعد قال لي أسد:أنا شايف أننا لازم ندخل وراه عشان نعرف هو بيعمل شنو أسد:بس لازم نكون حذرين ممكن يكون في فخ رعد وأسد دخلوا المخزن بحذر وكانوا بيسمعوا أصوات عاليه من جوا المخزن فجأة سمعوا صوت أسر وهو بيتكلم مع ناس تانيين رعد بي استغرب:ديل منو والحاصل شنو🥲 أسد:أول خلينا ندخل ليهم وبعدين نعرف في شنو رعد وأسد دخلوا جوا ولقوا فيها مجموعة من الرجال المسلحين أسر كان واقف قدامهم وهو مبتسم أسر قال: تعرفوا إني كنت مستنيكم🙂💔 رعد وأسد اتفاجأوا لمن أسر قال ليهم كده......يعني أسر كان عارف انه هم وراهو رعد قال ليه:انت عايز توصل لي شنو بي الي عملتوا ده أسر:ح تعرف بعد شوية أصبر علي رزقك مستعجل ليه أسد قال: أسر خلينا نطلع من هنا وبعدين نتفاهم ما تنسي انه نحنا بنكون أخوانك الكبار أسر ضحك وقال:أخواني؟ .........لالا أنا ما عندي أخوان أنا عندي أعداء بس فجأة الرجال المسلحين اتحركوا واتجهوا ناحية رعد وأسد رعد قال لي أسد:شكله لعب علينا أسد:لازم نتصرف بسرعة رعد و أسد كلوا واحد فيهم طلع مسدس......بس كانوا محاصرين أسر قال:أنا كنت متوقع أنكم ح تجوا وراي......بس تعرفوا رغم انكم زعماء مافيا لكن انتوا أغبياء خصوصاً انت يا أسد........ أسد بي هدوء:لسانك بقى طويل يا قلب اخوك🙂 رعد بي زهج:طالما انت ما عايز تقول شي نحنا ماشين.........عشان عندنا شقل نعملوا غيرك انت رعد اتلف نحو الباب عشان يخرج بس وقف بي برود لمن واحد من رجاله أسر وقف قدامو ومنعوا أنه يطلع رعد بي عصبية:غور من قدامي بيكون احسن ليك الراجل قال له:انا اسف بس دي أمور الاستاذ أسر رعد مسك المسدس وقال:يبقى خلي الأستاذ أسر ينفعك لمن تموت رعد ضرب الراجل الفي وشو ووقع في الأرض بعداك قال لأسر:أنا المرة دي خليتك عشان انت متعصب مننا بس والله لو تاني حاولت تعمل ليك شي غبي زي ده ساعتها ح تشوف وش رعد الفاروقي على حقيقتو أسر وقف وهو متعصب وعيونو كانت بتلمع بي غضب رعد مشى وهو مبتسم بي برود وأسر بقي واقف في مكانه العصبية باينه في عيونو أسد قرب من أسر وقال ليه:اسمعني يا أسر وركز كويس ع اللي حقول ليك لو في يوم فكرت إنك تخونا أو تلعب من ورا ضهرنا صدقني ممكن أعمل فيك أسوء من اللي بعملو في أعدائي عشان انا اكتر شي بكرهو في الدنيا الغدر والخيانه في خلي بالك وما تغلط الغلط ده و طلع خلوه أسر قال في نفسو:والله لي اخليكم تدفعو تمن دخولي لي السجن غالي يا أحفاد الفاروقي....... ========================= *بجانب التاني* *عند عمر* وصلت سياره مرسيدس ونزل منها مراد في نفس الوقت الي نزل فيه مراد من السيارة خرج عمر من الفلة وشاف مراد قداموا قال عمر بي إستفزاز :اووو صاحبي القديم هنا منور ياخ والله مابصدق اني شايفك قدامي بعد كل السنيين دي خير جاي هنا عشان تموتني ولا شنو 😊💔 مراد بي برود: فعلا صاحبك القديم الصداقة مع واحد زيك أكيد راح يجي ليها يوم تنتهي وانتهت فعلآ وكمان إذا ما قولت ليا الغول بكون منو ممكن هسي الحقك زين 💔🙂 عمر:ده في أحلامك يا مراد مستحيل اقولك الغول منو مهما حصل.....صحيح انت واخوانك اتفرجو علينا كيف ح ادمر عائلة الفاروقي وكمان دماركم حيكون ممتع....عشان واحد منكم ح يكون السبب فيهوا مراد بي غيظ :اسمع كويس يا ولد المغربي عائلتي خط أحمر بس لو انت اتجاوزت الخط ده نهايتك ح تكون على أيدي انا يا عمر فاهم وقتها ح انسى كل شي الصداقة الكانت بينا وكمان خليك فاكر اني انا بكون مراد الفاروقي وانت اكتر زول تعرفني يعني حتى كنا في يوم من الايام أصحاب وانت عارف هو منو مراد الفاروقي وبيعمل شنو فا ما تغلط احسن ليك و صحيح انا ح اعرف الغول بيكون منو قريب صدقني عمر بي برود :  انا بعرف مراد القديم بس انت اتغيرت شديد يا مراد ومع الأسف الشديد انا ما بعرفك وكمان انا بستناك يا جنتل مان ورني كيف ح تحمي عائلتكم مني صدقني لا انت ولا اخوانك ممكن يمنعوني من دمار عائلة الفاروقي كلكم ح تخسروا في النهاية وكمان على أيد واحد من أحفاد الفاروقي مراد بي بهدوء :نشوف بعدين منو الخسران يلا سلام وقال كده وخرج من عند عمر........ > صلو على النبي ____________________________ كل الخيبات عادية إلا خيبة صديقك المفضل عندما تكتشف أنه لم يكن أبدًا صديقك يتبع_______😘