الفصل الخامس
*❴📖❵↵* *لغة.العيون.tt*
*❴🔢❵☟الـــبـــــــــــ❴⁵❵ــــــــــــارت☟*
➖➖➖➖➖➖➖➖➖
*
➖➖➖➖➖➖➖➖➖
قامت رولا من عند سمر بدا تروح عالبيت وهي عم تمشي بتشوف حسام
حسام: لو متاخر شوي ماكنت لحقتك شايفة اديش حظي حلو
رولا: معك حق والله بس انا يلي حظي زفت
حسام: بلشنا لوين رايحة
رولا: عالبيت
حسام: شو رايك وصلك
رولا:ومين انت لتوصلني
حسام: بلشنا
رولا:طيب بما انو رح نصير قرايب
حسام:(بهمس)ان شاءالله نصير قرايب اكتر واكتر
رولا: حكيت شي ماسمعت
حسام: لا ولا شي خلينا نروح
عالطريق
رولا:صحيح اهلك فكرو بالموضوع ولا لسه
حسام:عم يفكرو والله لا تخافي حتى لو ما وفقو منضل قرايب
رولا: مافهمت يمكن انت بدك مترجم حتى الواحد يفهم عليك
حسام:بتعرفي يا محلا الصدف شايفة لوين وصلت لعند اخوكي واختي
رولا: اي والله شايف صدفة غريبة عجيبة
وصلا حسام لرولا وراح على بيتو
في بيت حسام كانو امو وابو واخو واختو لحسام
حسام: مرحبا يا جماعة
ابو فادي: اهلين حسام ابني
حسام: شوكنتو عم تحكو
فادي: بموضوع اختك انسة فرح
حسام: لوين وصلتو
ابو فادي: موافقين والله الجماعة ما عليهن حكي
حسام: عين العقل عملتو
ام فادي:والله الجماعة مافي منن
فادي: انسة فرح ليش ساكتة
حسام: تركا لاختك بحالا يا زلمة
فرح: يخليلي ياك حسامو مافي منك انت
فادي: هيك صار الحكي
فرح: وانت مافي منك
___
في بيت رولا
كانت مايا عند ريم بنت جيرانن ورفيقتا بالمدرسة كانو عمار ورولا بالصالون
رولا: شبك اخي بشو صافن
عمار: ولا شي اختي شفتي اليوم حسام
رولا: اي اخي شفتو
عمار: ايمتا رح يعطو الجواب
رولا: لا تخاف اخي باين من حكي حسام انن موافقين
عمار: ان شاءالله
بتدخل مايا من الباب
مايا:مرحبا ان شاءالله ماكون قعطت الحديث عليكن
عمار: ليكي الفصعونة
رولا: اهلين اختي لا اطمني خلصنا حكي بعدين انتي اجيتي
مايا: وينا ماما تجي تسمعكن امي يامي
رولا: سكتي وليك فضحتينا
مايا: من الاول ماكان احسن
عمار: شو رايك تنقطينا سكوتك
مايا: خلص انا رايحة على غرفتي ادرس بترتاحو مني شوي
عمار: عين العقل بتعملي
رولا: رفعت العيار شوي
عمار:كنت عم امزح معا
رولا: ههههه
عمار: هي فرح عم ترن الله يستر
رولا:شوف شو رح تقول
راح عمار على غرفتو مشان يرد
عمار: اهلين حبيبتي
فرح: عطيني البشارة
عمار: احكي
فرح: اهلي موافقين وقالولي خبرك مشان تجو انت واهلك واهلي تتفقو
عمار: احلى خبر بسمعو
فرح:كنت بعرف اهلي مابيرفضولي طلب
عمار: طيب حبيبتي سكري مشان خبر اهلي
كانت رولا واقفة قدام الباب عم تستنى فتح الباب عمار
رولا: شو اخي شو صار
عمار: موافقين موافقين وقال مشان نروح نتفق بدي خبر ماما وبابا
رولا: الله يتمملك على خير اخي
راح عمار وخبر ابو وامو
واتفقو اهلا لفرح واهلو لعمار مشان يعملو حفلة خطبة بعد اسبوع
كانو فرح وعمار كتير مبسوطين مع بعض وبالاخص عمار كتير بحبا لفرح عم تمرق الايام لحتى اجا يوم الخطبة بجنينة اهلا لا فرح
__
يوم الخطبة
كانت رولا كتير طالعة حلوة لفتت انتباه الكل بجمالا بفستان ابيض طويل ومع كعب طالعة طويلة شوي وشعرا منزلتو على ظهرا طالعة بتاخد العقل
ومايا كمان كانت حلوة وعمار وفرح كتير كانو لابقين لبعض
اما حسام كان طالع شيك زيادة لابس بنطلون جينز وقميص ابيض وجاكيت اسود رسمي طالع بياخود العقل بالفعل
----في الحفلة الكل موجود كانت رولا واقفة لحالا ببجي لعندا حسام
حسام: كيفك رولا طالعة بتاخدي العقل
رولا: اهلين حسام تمام انت كيفك هاد من زوقك وانت كمان
حسام: كمان شو
رولا:طالع حلو كتير
حسام: عيونك هيك شايفين
رولا:.خجلتني
حسام: صدقتك
رولا: حسام بلشنا
حسام: لا لا طيب شو رايك ترقصي معي
رولا: لا قصدي يعني مابرقص مع حدا
حسام:طيب على راحتك
رولا؛ لتكون زعلت
حسام: لا ليش مافيني اجبرك على شي انتي
رولا: طيب خلص تعال نرقص
رقصو حسام ورولا والعيون كلا عليهن
رولا: امسكني خايفة اتفشكل من الكعب
حسام: خايفة قلتيلي انتي بتخافي يعني هه
رولا: اي بخاف شو يعني
حسام: خلي لسانك بينقذك
رولا: حسام مالك ملاحظ وقفت الغنية ونحنا عم نرقص شو هل خجلة
حسام: هاد كلو من لسانك يلي مابفوت لحلقكك
خلصت الحفلة والعالم راحت وبيت ابو عمار ودعو اهلا لفرح وراحو على بيتون
في بيت رولا
رولا: ولي اديش اجري عم توجعني اخخ مالي متعودة البس كعب
مايا: يلا انا نعست عيوني مابقى ينفتحو بدي نام تصبحو على خير
الكل: وانتي من اهلو
ام رولا: نحنا بدنا نام كمان يا ولاد تصبحو على خير
رولا وعمار: وانتو بخير
بقيو عمار ورولا
عمار: مابدك تنامي انتي كمان هلق انا مو جايني نوم وانتي
رولا: ولا انا جايني نوم
عمار: من العشق
رولا: ههههه بلشت تخبص اخي انو عشق
عمار: قصدي على حالي
رولا: هلق مشي الحال يلا اخي انا رايحة نام تصبح على فرح ههه
عمار: تصبحي على مايا ههه
راحت رولا على غرفتا وغيرت فستانا ورمت حالا عالتخت من تعب كانت نعسانة بس مو جايها نوم تذكرت حسام وقت رقصو وصارت تضحك
رولا: موقف مضحك عنجد ههه
نامت وهي عم تفكر بحسام وتضحك عليه
_ الصبح في بيت رولا كانو بيت ابو عمار بدون يعزمو بيت اهلا لفرح
ام رولا: خليني احكي مع ام فادي واعزمن
ابوا رولا: بتعملي زينة العقل
حكت ام رولا مع ام فادي وعزمتون اليوم
رولا: عنجد امي عزمتي بيت اهلا لفرح
ام رولا:اي والله بنتي
رولا: مايا قالتلي فكرت عم تمزح
ام رولا: لا ماعم تمزح لما حكيت كانت هون
راحت رولا على غرفتها وسكرت الباب وراها كانت عم تفكر شو تلبس وشو بيلبقلا
___في بيت حسام كانو عم يجهزو حالن كان حسام لابس احلى ماعندو كرمال رولا كان كتير حابب يشوف رولا
حسام: شو جهزتو
فرح: شو هل شياكة اخي ياسلام
حسام: جد اختي
فرح: اي والله اخي بس لوين رايح على عرس يعني او لقاء عاطفي كلا عزيمة او ليكون
حسام: لوين راح عقلك انتي
ابو فادي: شو عم تحكو يا ولاد قال اخوكن فادي عندو شغل ومارح يقدر يجي مين رح يسوق السيارة
حسام: خلص ابي انا بسوق وينا امي
ام فادي : ليكني جيت
راحو بيت اهلا لفرح اول ماوصلو
ام عمار:اهلا وسهلا شرفتونا اهلين بالعروس
ام فادي: اهلين فيكي يا ام عمار
فرح:اهلين خالة
سلمو على بعض وقعدو بالصالون وعيون حسام ما نشالت عن رولا ورولا نفس الشي
تغدو وقعدو ليشربو شاي ساوت رولا الشاي وكانت هي يلي عم بضيف عطت للكل بس بقي حسام
رولا: بهمس) تفضل استاذ حسام
حسام: بصوت واطي) شكرا والله انسة رولا
رولا: عفوآ صحة
صار المسا واهلا لفرح راحو عالبيت
في بيت رولا
ابو رولا : والله هل جماعة مافي منن والله وعرفت تختار يا ابني
عمار: تربايتك ابي
ام رولا: اي والله الجماعة طيبين الله يخترلك الخير لك ابني
«««««««««««««««««««
*يـــــــــ͢ـོ͓ـــتبــــــــــــــོـ͓ـــ͢ــ؏*