الفصل الرابع
*❴📖❵↵* *لغة.العيون.tt*
*❴🔢❵☟الـــبـــــــــــ❴⁴❵ــــــــــــارت
حسام: وشو عرفك بهلشي خالة
البياعة: هي اسما لغة العيون ياابني
رولا:.....
حسام: معك حق احيانن العييون بتكشف
رولا: الله لايقدر خالة هاد يلي قدامك بلوه
حسام: باين
رولا: خلص خالة هاتي الوردة انا بشتريا
حسام: لا والله انا بشتريا
رولا:طيب اشتري
اشترا وردة حمرا وعطاها لرولا
رولا: شكرا كتير
حسام: ولو
رولا: يلا لازم روح
حسام:بشوفك بكرا
رولا: الظاهر اخدت وج بالفعل شباب اخر زمن
حسام: هاد يلي طلع معك
رولا: عم امزح مابصير
حسام: لا بصير يلا روحي
رولا: يلا باي
راحت رولا عالبيت كانو حاطين الغدا بس ما بلشو عم يستنو رولا
رولا: مرحبا يا جماعة يلا انا رايحة اغسل وجاي بلشو انتو
راحت رولا غسلت ورجعت عالاكل
ابو رولا: اتاخرتي ابي
رولا: حسب المحاضرات ابي
مايا: اختي هاتي من عندك كاسة المي
رولا: تفضلي اختي
عمار: والله اليوم كان متعب
رولا: اي والله يااخي
ام رولا: اسكبلك كمان يا عمار
عمار: لا امي يسلمو شبعت كتير طالع طيب الاكل يسلمو دياتك
ام رولا: صحة وهنا
تغدو كلون سوا المسا كانو قاعدين وعمار كان ماسك التليفون بايدو اجت لعندو رولا
رولا: شو عم تعمل اخي
عمار:(وهو عم يلعب بالتليفون) ولاشي اختي لازمك شي
رولا: لا اخي بس بدي احكي معك بشغلة
عمار: احكي اختي
رولا: لا اخي امشي لجوا بالغرفة بحكي
عمار: الله يستر لكن يلا امشي
دخلو عالغرفة وسكرو الباب وراهن
عمار: خير اختي احكي
رولا: هديك المرا لما مايا قالت وضعك مالو تمام خليتا تسكت مشان ماتنحرج
عمار: اي
رولا: هات لشوف ليش دائما حاطط راسك بالتليفون
عمار: مع انك اختي اصغر مني بست سنين بس رح احكيلك
رولا: هات لنشوف احكي
عمار: انا بحب بنت وهي بتحبني
رولا: جد شو اسما قلي
عمار: شوي تانية بتصيري مايا2
رولا: بلا مسخرتك احكي بقى
عمار: اسما فرح
رولا: حلو كمل
حكا عمار لرولا عن فرح وانو عم تدرس سنة اولى جامعة يعني عمرا 19 سنة
رولا: من ايمت بتحبو بعض
عمار: هلق من زمان كنت حبا بس هي كانت تسكر الباب بوجي وهاد كلشي يا سيدي
رولا: خلص ياابني باين من عيونك انك ماعم تكذب ههههه
عمار: هههه
بتدخل مايا
مايا: شو عم تعملو يا حلوين
عمار: عم نحكي عليكي
مايا:احكو لقلكن كنت بدي قلكن مابدكن تقعدو برا
عمار: يلا جايين اختي
رولا: امشي اخي هلق بتجي مرا تانية بتاكلني انا وياك بلا ملح هههه
____
في بيت حسام كان حسام بغرفتو قاعد عم يدرس شوي فجاة بتخطر على بالو رولا
حسام: ليش مااخدت رقما يا ترى بتعطيني رقما ولا لا
ببدق الباب
حسام: تفضل
فرح: شو عم تعمل اخي ليش مابتقعد معنا حاطط حالك بالغرفة
حسام: عم بدرس اختي مشان انجح واتخرج اصلآ مابقيان كتير وبتخرج لازم ادرس منيح صحيح كيف جامعتك انتي
فرح: الحمدالله اخي طيب تعال لبرا شوي
حسام: يلا مشي يا نقاقة
طلعو لبرا وقعدو
ابو حسام: تاني مرا اذا بدنا نخليك تطلع لبرا ببعتلك فرح
الكل: ههههه
حسام: لا ابي بجي لحالي هي نقاقة
فرح: لو مو هيك ماكنت جبتك
قعدو شوي وصارو يحكو عن الشغل والدراسة حسام وفرح لحتى كل واحد نعس وراح على غرفتو راحت فرح لتحاكي عمار
فرح: شو نايم
عمار: لا حبيبتي كنت قاعد مع اهلي
فرح: وانا كمان حاسة حالي مليت
عمار: ليش الحلو مالل
فرخ: مابعرف يلا منلتقي بكرا رح نام هلق تصبح على خير
عمار: طيب حياتي وانت من اهلو
التقو يوم التاني فرح وعمار
فرح: اهلين حبيبي
عمار: كيفك شبك مو على بعضك
فرح: انت لازم تخطبني انا مليت من هالوضع
عمار: اكيد رح اخطبك ايمتى مابدك
فرح: عظيم معناها رح اخدلك موعد من اهلي
خلص دوامن وكل واحد راح على بيتو كانو مجتمعين عيلة حسام كلون
فرح: انا بدي افتح معكن موضوع
ابو حسم: تفضلي احكي بنتي
فرح: بصراحة في شب منحب بعضنا وبدو يجي يخطبني
فادي: انتي عرفانة حالك شو عم تحكي انتي ادللتي زيادة وصار بدو مين يرجع يربيكي
ابو حسام: طول بالك فادي خلي اختك تكمل
فرح: بابا عمار شب كتير منيح وهو بدو يتقدملي
حسام: اختي انتي بعدك صغيرة ومالازم تفكري غير بدراستك
فرح: بس انا بدي ياه
ابو حسام: خلي يجي ويجيب اهلو لشوف
فرح: شكرآ يا احلا اب
راحت فرح عالغرفة لتحكيي مع عمار وتخبرو ي
جيب اهلو بكرا ويجي
فادي: ابي ماكان لازم تسمحلا تتعدى حدودا
ابو حسام: مابدي اضغط عليها بكرا منشوف
ام حسام: هالبنت مابتعرف مصلحتا
حسام: برأيي نتركا على راحتا وبكرا منقرر
كل واحد راح على غرفتو
في بيت رولا
عمار: ابي امي بصراحة في بنت حابة وبدي ياكن تروحو بكرا وتخطبولي ياها
ام عمار: مين هيي ابني
مايا: قلتلكن وضعو مو تمام خرستوني
حسام: العادة انفتح تمك ست مايا
ابو عمار: كمل ابني من بيت مين البنت
عمار: البنت اسما فرح من بيت .....
ام عمار: والنعم والله
عمار: شو رولا مو سامعين صوتك
رولا: فرحتلك كتير الله يتمملك على خير
يوم التاني جهزو حالن اهل عمار ليروحو على بيت اهل فرح
دخلو بيت اهل عمار بيت اهل حسام اهلو وسهلو
فات حسام وتفاجأ برولا
حسام: انسة رولا
رولا: استاذ حسام
ابو رولا: انتو بتعرفو بعضكن
رولا: لا قصدي اي
حسام: نخن بنفس الفرع
عمار: التقينا قبل هالمرة
حسام: صحيح تشرفنا
ابو رولا: نحن جاين نطلب ايد بنتكن فرح لابنا عمار
ابو حسام: متتشرف بس عطونا مهلة كم يوم
حسام ورولا كانو عم يتبادلو النظرات حسام كان مبسوط انو رح يشوفا رولا دائما بما انو رح يصيرو نسايب
استأذنو بيت ابو عمار رجعو عالبيت والكل مدح ببيت ابو حسام
في بيت حسام
ابو فادي: والله مبين عليهن هالجماعة مناح
ام فادي: اي والله ماشاءالله على هالبنات كمان مربايات
فادي: بس يا ابي فرح صغيرة لسه
حسام: مو ضروري يتجوزو فورآ
فرح: اي بابا الله يخليك
ابو فادي: ان شاءالله خير لشوف لبكرا
دخلو ام فادي وابو فادي على غرفتن
ام فادي: ماحبيت احكي قدام الاولاد الجماعة مافي منن بس بنفس الوقت البنت لساتا صغيرة
ابو فادي: لنشوف شو ربنا بيسر
بيوم التاني كانت رولا ماشية هل مرة حسام تقصد ينطرق فيها
رولا: هلا هلا بأخو العروس
حسام: هلا بأخت العريس
حسام مغمض عين ومفتح عين عملت رولا نفس حركتو وضحكو التنين من دون توقف
رولا: احم احم اصلا مابعرف ليش عم نضحك هههههه والله ماي شي بيضحك هههه
حسام: هههه اي مبين مافي شي
رولا: يلا انا رايحة على محاضرتي ههههههه
حسام: الله معك
خلصت رولا المحاضرة وتوقعت يطلع حسام قداما بس ماشافتو مشيت عادي وقعدت عالطاولة لحالا اجت رفيقتا سمر لعندا
رولا: اهلين سمورة
سمر: كيفك رلوش
رولا: تمام انتي كيفك وينك اليوم
سمر: كنت مع تيمو حبيبي
رولا: اكيد اهلك مابيع فو ليكي انا بدي روح عالبيت.....
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖