الفصل الاول
*❴📖❵↵* *لغة.العيون.tt*
*❴🔢❵☟الـــبـــــــــــ❴¹❵ــــــــــــارت
➖➖➖➖➖➖➖➖➖➖➖➖➖➖➖
رولا بنت بعمر 19 سنة خلصت البكلوريا ودخلت الجامعة سنة اولى هندسة رولا من عيلة بسيطة بتتألف من الاب والام والاخت اخت رولا اسما مايا اصغر منا بسنة بس والاخ اخو رولا اسمو عمار اكبر من رولا بست سنين يعني عمرو خمسو عشرين سنة رولا بنت طموحة اما عن شكلا فهي حنطية بعيون بنية متوسطة الطول نحيفة شعرا خرنوبي لنص ظهرا سمارا كتير حلو جذابة
____
اما عن حسام فهو عمرو 25 سنة وهي اخر سنة بالجامعة بيدرس هندسة كمان نفس فرع رولا وعلى وش تخرج عيلة حسام وضعن المادي منيح كتير عندن شركة صغير تقريبا مو كبيرة كتير اخوه لحسام فادي بديرا بتتالف عيلة حسام من ابو وامو واخو واختو اسما فرح اما عن شكلو فهو طويل وعندو عضلات اسمراني بعيون عسلية شخصيتو حلوة
____
في بيت رولا عالفطور
ابو رولا: اليوم اول يوم الك بالجامعة ماهيك يارولا
رولا: اي بابا اليوم ان شاءالله اتاقلم بسرعة
ام رولا: ان شاءالله يابنتي
عمار: عادي اختي بتتعودي بسرعة انا كمان كنت متلك محملا زيادة وانتي من النوع الاجتماعية
مايا: عادي اختي
رولا: بعرف اخي وانتي مايا يلي بيسمعك عم تحكي هل حكي بفكرك صرتي جامعة ومخلصة
مايا: ننننن اصلا انا مابهتم بهل الامور عادي وانتي وشطارتك
الكل: هههههه
مايا: شو حكيت لحتى تضحكو اي ضحكو لقلكن
عمار: خلص مابقى نضحك
ابو رولا: انتو كلكون ضو عيوني وانتي كمان يا ام عمار
ام رولا:........
الاولاد: خجلتا ياابي
رولا: يلا انا صار لازم روح بدكن شي
عمار: وانا كمان طالع بوصلك بطريقي بدكن شي
الام والاب : سلامتكن
عمار: شو مايا مابدك تروحي عالمدرسة
مايا: تعبانة كتير اليوم مابدي روح
رولا: يا كسلانة
عمار: ماشي يلا اختي خلينا نروح
نزلو عمار ورولا وصلا عالجامعة وراح على شغلو اول مافاتت رولا عالجامعة كانت عم تمشي بسرعة مانتبهت قداما انطرقت بواحد وفلتو الكتوب ببعضا وكل واحد اخد كتب التاني
رولا: انا اسف مانتبهت والله
حسام: عادي حصل خير بس كانك جديدة هون صح ولا شو
رولا: اي صح كيف عرفت
حسام: لانو اول مرا بشوفك فيا
رولا:طيب عن اذنك بدي روح مستعجلة
حسام: اذنك معك
بعد ماصارت رولا بعيد ضحك وكان بدو يمشي طبق الكتوب بس لاحظ هدول مو الو
حسام:يالله شكلنا خربطنا بالكتوب كيف بدي شوفا
مشي حسام ودخل عالقاعة الجامعة وباخر الدوام صادف رولا مرا تاني بس كانت شوي بعيدة ندهلا اكتير من مرا لحتى سمعت كانت هي ووحدة
صارت رولا تمشي لحتى وصلت لعند حسام
حسام: تذكرتيني ماهيك
رولا : (بمزح)اي مالحقت انساك
حسام: صبح لما انطرقنا ببعض
رولا:(قبل مايكمل كلامو ) اي وانطرقنا ببعض وانت معجب فيني ونيتك جدية وبدك تبعت اهلك مشان يخط
حسام: (قبل ماتكمل كلاما ) لك
رولا:( رجعت سكتتو) خليني كمل بدك تبعت اهلك ليطلبوني وانت مابتحب تفوت من الشباك فورآ من الباب ماهيك كنت بدك تقلي
حسام: ليش خليتيني كمل
رولا: ليش كنت بدك تحكي اكتر من هيك
حسام: هدي شوي كل القصة انو الصبح لما انطرقنا ببعض وعت الكتوب عالارض بالغلط اخدت كتابك هي هي القصة لا قصة خطبة ولا شي تاني
رولا:(بخجل) وين الكتاب
عطاها حسام الكتاب
رولا:لازم روح شكرا
راحت رولا وهي خجلانة من الموقف يلي صار بس حسام ضل واقف محلو وكان فرحان بس مابيعرف ليش
حسام: عم يحاكي حالو ) شو هل بنت فظيعة بس بالفعل كتير حلوة
راحت رولا عالبيت اول مافاتت استلمتا اختا مايا
مايا: اهلين اختي كيف لقيتي الجامعة كيف لقيتي الجو احكيلي
رولا: لك على مهلك يابنت خليني اخد نفس اوف شو بتلعي
مايا: لك مو انا اختك احكيلي
رولا:اذا كان كل الاخوات هيك متلك يا سلام بس انتي طولي بالك علي ورح احكيلك كلشي امري لا الله
بهاللحظة دخل عمار عالبيت
عمار: شبكن يابنات عم تتناقرو الله يعينك يا رولا على مايا
مايا: هلق هيك صار الحكي اي مو مشكلة خلي رولا اختك خلص انا زعلت
عمار؛ لك انتي كمان اختي تعالي لعندي
مسكا عمار من خدودا
مايا:لك عم توجعي
عمار: شو اعمل اذا الله هيك خلقني
رولا: ههههه بتستاهلي عمار خدا لا مايا شوي بلكي تحل عني
مايا: مو مشكلة
رولا': لك عم امزح معك شبك اختي الحلوة
اجت ام رولا من عند الجارة وشافت ولادا
ام رولا: اهلين يا ولاد ايمت جيتو
عمار: اهلين امي هلق جيت انا
رولا: وانا كمان امي قبل عمار بشوي صغيرة
ام رولا: كنت عند الجارة
مايا: وين ريم راحت اليوم عالمدرسة
ام رولا: والله مابعرف يابنتي
رولا: امي وينو ابي
ام رولا: ابوكي جوا بالغرفة نايم
عمار: انا رايح ارتاح شوي
ام رولا: ارتاح ابني بس يصير الغدا بندهلك
رولا: وانا كمان رايحة امي
مايا: بدك تفلتي مني جايتك
رولا: ههههه تعي
راحت ام رولا عالغرفة لعند ابو رولا
ولاولاد كل واحد على غرفتو
--------
في غرفة رولا:
رولا: اوف شو تعبت
مايا: احكيلي كيف لقيتي الجامعة
رولا: منيحة حلوة كتير والله
مايا: تعرفتي على حدا هونيك بنات رفقة يعني
لما قالت هيك مايا رولا ت
ذكرت حسام لا شعوريآ اجا عالبالا
رولا: اه لا ماتعرفت على حدا وهلق بدك تطلعي بدي بدل تيابي
مايا: طالعة بدون ماتقولي
طلعت مايا من عند رولا
غيرت تيابا ورمت حالا عالتختا
رولا: (عم تحاكي حالا) نعسانة كتير
بيجيا صوت اما من برا رولا يا رولا تعالي امي تغدي
طلعت رولا لبرا وكانو الكل عالاكل
رولا: اممم كتير بحب هل طبخة
ام رولا: صحة وهنا ماما
اكلو كلن وراحو عالفرفة البركة
غرفة البركة الكل موجود
ابو رولا: كيف لقيتي الجامعة بابا رولا
رولا: حلوة ابي عالقليلة صار اسمي بنت جامعية يعني بيقولولي انتي اي سنة جامعة مو اي صف هههههه
كانت رولا عم تجاكر مايا دائما هيك كانو بيجاكرو ببعض بس كانو متعلقين ببعض كتير
مايا: اصلآ انتي بس هاد يلي هامك
عمار: خلص مايا ماتزعلي شو رايك اخدك مشوار اليوم لحالك
مايا : يلا معلش مناخود رولا معنا خطي مسكينة
الكل: ههههه
ام رولا:ليكو الفصعونة
راحو عمار ورولا ومايا على مدينة الملاهي لعبو بكل العاب
في اليوم الثاني كانت رولا عم تغسل وجا بدا تطلع لبرا تفطر وتروح عالجامعة
-----
في بيت حسام كانو كلن مجتمعين عالطاولة الفطور
حسام: صباح الخير
ام فادي: اهلين ابني تعال افطار
ابو فادي: يسعد صباحك بابا
قعد حسام وبلش ياكول
فادي: يلا انا رايح عالشركة بدكن شي
ابو فادي: الله معك ابني
ام فادي: الله معك وينور دربك والله عم تعب كتير لك ابني
حسام: بس اتخرج انا بساعدك اخي
فادي: ان شاءالله اخي
طلع فادي من البيت وراح عالشركة
حسام: كيف جامعتك اختي
فرح: الحمدالله اخي كويسة عم اتاقلم
حسام: اي الحمدالله اختي
فرح: يلا امي انا رايحة بدكن شي
الكل: سلامتك
بيقيو حسام وامو وابو
حسام: انا كمان طالع بدكن شي
ام حسام : دير بالك على حالك ابني
ابو حسام: اللله معك ابني
في بيت رولا
كانت رولا بدا تطلع من البيت
رولا:بدكن شي انا رايحة
ام رولا: رايحة بدون ماتفطري
رولا: مو جاي على بالي امي باكول شي بالجامعة
راحت رولا عالجامعة اول ماوصلت شافت بياع غزل البنات كانت كتير بتحبو اشترت وحدة كانت عم تاكول وتمشي فجاة بتشوف حدا قداما
رولا: هاد انت كمان كنت بدي اخبط فيك مرا تانية
حسام:والله انتي كنتي حاطة راسك بهي شو بعرفني شو اسما
رولا:غزل البنات
حسام: يلي هو مابتفرق صحيح ماتعرفنا انا سمي حسام
رولا: تشرفنا وانا اسمي رولا
««««««««««««««««««««
*يـــــــــ͢ـོ͓ـــتبــــــــــــــོـ͓ـــ͢ــ؏*