الفصل 44
البــآرتـ الخـآ مسـ و.ألـلآررربعووونـْ~~~[45]
«®°•.¸.•°°•.¸¸.•°°•.¸.•°« ®».¸.•°°•.¸¸.•° °•. ¸.•°®»
منصور بابتسامه ويغمز ع رماح :اممم والله الظاهر مالا انا اللي ابي اتزوج ..حتى شامخ اللي هو راح يصير ان شاءالله نسيبي يريد يتزووج امس جاء المسكين وخطباااج مني رسمي ..
رماح بلعت ريقهااا وطاح وجها من الفشله :احم ..هذا موضوع ثاني
حيدر بابتسامه :لا ما موضوع ثاني ..واحنا ما يصير انطول اكثر في تاخير عمليه ريااا ..ان شاءالله اليوم المساء راح نكتب كتابج انتي وولد عمج..وبكره راح تسافرون ..ومن ترجعووون راح نسوي عرسج انتي ومنصور في يوم واحد ...(رماح انحرجت اخر شي )
منصور بصوت عاليوبستهال :لاااااا مستحيل انا ما ابي عرسي وعرسها في يوم واحد
رماح تخسرت له :مااااااااالت عليج يا الخايس ..هه ولا انا ابيك تكوون معاي ..وبعدين من هذي اللي تريد تتزوجها ؟؟
منصورسكت فتره وبعدها قال بهدوء :رؤى
رماح بطلت عيونها ع كبرها وقامت بصراخ :شنووووووو ..ما حصلت غيرهااا ..
منصور وهو قايم :لا ما حصلت غيرها ..ابيها هيه ولا غيرهاا (وراح عنهااا )
رماح جلست بضيق :اووووووووف منه طوووول عمره عنيد وما يسمع الكلام ابددددد
حيدر بخبث :خليه ع راحته ...
رماح ناظرته :بس كيف يعني هو ما يشتغل ولا عنده معااش ويريد يتزوج
حيدر بابتسامه :ههههههه كيف يعني ما قالج ..انه اشتغل في شركتي من تقريبا ثلاث اسابيع ..وهو ما يعرف انها شركتي ..بس الحين قلتله
رماح عقدت حواجبهاا :اجل ليش ما قااالي ..؟؟
حيدر:كل واحد وله اسبابه الخاصه ...
رماح رفعت كدفها :يجوووووز ...جدي ؟
حيدر وهو يشرب الشاااي:هلاااا
رماح باحراج :الشباب يعني .. يعرفون اني بنت عمهم .؟؟
حيدر ناظرها :ايه من اول ما جيتي وانا قلتلهم عنج ..
رماح يفرك ايدها مع بعض بتوتر :وشنو كانت ردت فعلهم؟؟
حيدر ابتسم وهو يتذكر اشكالهم :كلهم صيع شكله اولادي ما عرفو يربون زين ؟؟
رماح بابتسامه :كيف يعني ما فهمت ؟؟؟؟؟؟
حيدر :اول ما قلتلهم الكل هجم ع باب الفله يريدون يشفوونج ..بس نااازعتهم ما فيهم حياء البرر
رماح ضحكت بصوت عالي .....
شوي ودخلت سيااارت مصعب ..بسرعه تغطت ..نزل من السياااره واتجه بسرعه ع جناح الشباب بدون لا يسلم عليهم
حيدر بحده :مصعـــــــــب
مصعب وقف ولا صد صوبه :نعــــم
حيدر بعصبيه :تعااااااال
مصعب التفت عليه وورجع وجلس بقوووه ع الكرسي :شنوووو
رماح بارتباك من عصبيه معصب قامت :عن اذنكم ...
حيدر وهو تطالع مصعب :اذنج معج
رماح اتجهت بخطوااات واااسعه ع الفله ودخلت .....
حيدر بجديه :امس اتفقنا انا وابوك وعمااانك اليوووم ينكتب كتابك ع مسوودت الوجه وتاااخذها معاك لا عرس ولا غيره هذا اقل شي نسويه لك انت ويااها ..حبيت اخبرك وتتجهز اليوم ويكون لك علم في هذا الموضوع (وقام ) وع فكره احنا ما ننتظر موافقتك او موافقتها اهيا ولا رفضكم للموضوع ..انتو حتى ما تتستاهلون حد يخبركم (ومشى عنه )
مصعب انصدم ما توووقع ابدا انه الموووضع يوصل لهذي الدرجه ...قام وهو ما مسوعب اللي قاله جده له ..
«®°•.¸.•°°•.¸¸.•°°•.¸.•°« ®».¸.•°°•.¸¸.•° °•. ¸.•°®»
مع خالد وحلا ...
كانت جالسه ع الكرسي رااايحه وجااايجه راااااايحه وجايه وحدها سرحانه ...ناظرها من بعيد ابتسم ع شكلهااوقف وقرب منهاا ببطى ووقف ع راسها
خالد بابتسامه مرح :علامه الحلو سرحان ؟؟؟
حلا ناظرت بتمعن بعدها قامت وهيه تتنهد :خالد متى راح ترجعني بيتناا ؟
خالد ابتسم وجلس جمبهاا :امممم افكر اني ما ارجعج ...بس ولا يهمج اليوم بروح وبتفاهم مع ابوج
حلا ناظرته باستغراب:شنو راح تقووووله ؟؟
خالد بخبث يناظرها :بقوووله اني وانا مااااااااار في الشااارع شفتج بصدفه تمشين وتتلوحين يمين ويساااار يمين ويساار (وهو يسوي حركه بايده رايحه جاايه) وكنت ابي اساعدج بصدفه يا سبحان الله بصددددفه شافتنا الشرطى ومسكتنا ...تووهق شنو الدبره وطبعا انتي شايفتنه عزام الفاارسي ادخل في الموضوع وتزوجنا في المحكمه ليششششش ..ليش لاني ابي استر ع بنتك المصون اللي تمشي يمين ويسار (وقال بهمس )سكرااااااااااانه ..انا اسف بس لازم ومجبووور اني اشوه صورتج جدااامه
حلا صااارت تبكي بصمت وهيه تسمعه يقول هذا الكلام ...بعدها قامت بسرعه :بس خلاااااااااص ...حرااااااام عليك اللي تسويه فيني ..هذا جزاااتي اني وثقت في واحد مثلك ..
خالد وهو يناظرها ببرود وع وضعه وجلسته :حلا ..انا سبق وقلتلج انا خذيتج لغااايه تخصني ..(وقام عنهااا وراح يكمل شغله في الزراعه )
اما هيه نهااارت ع الاخر وجلست ع الارض اللي كلهاا طيين .ما اهتمت وصااارت تبكي بصوت عالي وتشاااهق..
خالد عاطنها الظهر وهو يسمعهاا تبكي عض ع شفايف بقهر من اسلووبه معاها ..قام واتجه لها بخطوات وااسعه وجلس جدامهاا ومسكها من كدوفهاا وحظنهاا بقوه ..
حلا حاولت انها تمنعه بس قوتهاكلها نهاارت من البكي ..صارت تبكي ع كدفه وهيه شاده عليه ورااازغه ظفورها في ظهره بقهررر من حالتهااا ...
خالد يمسح ع شعرها : خلاص اهدي ... كل شي راح يتصلح ان شاءالله ..
حلا بعدته بقوه وقامت وهيه تصارخ عليه :قسسسسسم بالله لو صارت أي مشاكل والله ما راح اسامحك ... هذا انا قلتلك ما راح اسامحك ابد
خالد ما رد عليهاا طنشها وقام ومشى عنهاا
حلا ثاار دمها من اسلووبه وتبعدته ووقفت وراء بعصبيه ودزته ع ظهره بقوه وطااح ع الارض وقام وهو منصدم من شكله كله طين في وجهه ورقبته وصدره ورجله وايده كللللللله طين ... التفت عليهاا بعصبيه ..اما حلا ارتجفت من شكله كان يخووف وعيونه حمرء من العصبييه ..رجعت كم خطوه للخلف ..بس هو كان اسرع منها ومسكها من ايدهااا وسحبها له ..ودفن وجهه في صدرهاا وصار يفرك وجها ع قميصهاا ..
حلا بصوووت عالي :وووووووووخر عني ..ووووخر يا النذل ..
خالد دفهاا بعيد عنه وطاحت ع ظهرهااا بقووه وصارت كلهاا طين ..:تستاااااهلين يا قليلت الادب .. شنو هذلا الحركات شنو تحسبين نفسج بزززر ..
حلا ناظرته بنظرات يطاير منها الشرار وعاضه ع شفايفهاا السفليه بقهر :انا اعلمك ... (وطارت له ومسكته من كدفه ورمته ع الارض وهيه فووقه .. )
خالد صرخ بصوت عالي :يااا النذله .. (قلبهاا وصارت هيه ع الارض وهو فووقها) هههههه يالله يا الشاطره شنو بتسوووين
حلا صااارت تدفه ع وجها تريده يبعد عنهاا :بعـــــــد عني
خالد بابتسااامه :انتي اللي بديتي وتحملي اللي يجيج .. (غرز ايده في الارض وحمل طين ورمه ع وجها وهو يضحك عليهاا )
حلا وهيه حالتها حاله وشوي تبكي مسحت الطين من ع عيوونها بقررف وناظرته بقهرر:خــــــــــالد يا الخسيس ..
خالد بحركه سريعه بااااسها ع عيوونها :ههههههه فديت المعصبين ..
حلا دفته ع وجهاا ومسكت قميصه ومسحت الطين ع قميصه ..وصرخت عليه :قووووووووووووووم ..
خالد بهمس :ما راح اقووم ..عاجبني الوضع كذاا ..
حلا صغرت عيوونهاا وتناظره بتفحص وتفكر " شنووو بسووي الحين اخافه يتماادى معاااي ويخووره والله لا امووت ..لالا لا تفكرين بهذي السلبيه "
خالد شافهاا ساكته وتناظره بنظرات اعجبته وابتسم انحنى لهاا وقرب منهاا اكثر علشاان يبوسهاا ..بسسسس فاجاته بحركه منهاا خلته يصرررررررخ باعلى صوووته وهز المكان هز :آآآآآآآآآآآآآآآآآآآآآآآآ� �آآآآآآآآآآآآه
حلا ع وضعهاا وراااغزه اسنانهاا ع رقبته بقووووه وتهز راسهاا علشان تالمه اكثرر ...
خالد بعدها عنه بقووه وهو يمسح ع رقبته بالم وما قال شي بس ناظر وراها وابتسم وقااام من فوقها :يا هلا والله ..
حلا استغربت وناظرته من وين يتووجه بطلت عيووونها ع كبرهاا : من هذي بعد ؟؟
قامت وهيه تنظف جسمهاا وتقرب منهم ..وهيه مستغربه من هذي البنت ...
خالد بابتساامه عذبه :هاااه شنوو جايبتلنا اليوووم ؟؟
البنت بصوت برياء وتناظره باستغراب وشوي تناظر بحلا :امــي جايبتلك غداء ..
خالد بفرح :سلمي عليهااا كثيرر وان شاءالله عشاكم من معااي اليوووم ..
البنت تاشر ع رقبتها وتناظر رقبته :دم .. في دم ع رقبتك
خالد صغر عيونه وناظر بحلا اللي تناظرهم من مساافه شبه قريبه منهم ومسح ع رقبته بعنف : لا ولا يهمج ..اللي معااي شووي شرسه
البنت باستغراب :مـــن البنت ؟؟ اختك ؟؟!!
حلا بصوت عالي ومتكتفه وتناظرها من فوق لتحت :مااا خلصتي كلام ... اللي بغيتيه وصلتيه و بلغي سلامي لامج وقوليلهاا زوجت خالد تسسسلم عليج واايد
خالد خزهاا بنظرااات والتفت ع البنت اللي شكلهاا انصدمت من كلام حلا :ولا يهمج هذي (وقال بهمس ) مجنوونه (وخلا صبعه ع راسه ودوره ع اساس انهاا مجنونه ) لا تهتمين
حلا بصوت عالي وبعصبيه :خلوووووووووووووووووود تراني اشوفك واشوف حركاتك السخيفه
البنت بشك وقالت بهمس:والله اشك انها مجنوونه ...
حلا قربت منهاا ومسكتهاا من ايدهاا وطلعتها برع :بلغي سلامي للكل ..يالله مع السلامه
خالد فطس من الضحك ع حركاتهاا واللي باين عليها انها غيراانه حدها من البنت :شوي شوي ع البنت مو زين عليج تعاملينها كذاا
حلا التفت عليه بعصبيه :اسكت انت اسكت يا الصاااايع .. يعني من وراء الكل تواااعد البناات صدق ما تستحي ..
خالد طلع لسانه وغايرهاا ولوح براسه يمين ويساار :غيـــــــاره
حلا بصدمه :اناا اغار منك انت يا الشين .. تخسي وتهبي .. ما بقى غيرك انت اغار عليه ...
تركته وهو يضحك عليها ودخلت داخل ...وهيه مفوووله عليه وع البنت وع حركاااته اللي تقهرهاا اكثررر
«®°•.¸.•°°•.¸¸.•°°•.¸.•°« ®».¸.•°°•.¸¸.•° °•. ¸.•°®»
في المزرعه العصر الساعه 5:11 ....في جنااح الشباب ..
نصر بحمااس كااشخ ع الاخر : هاااه شباب جهزتوو ولا بعدكم ؟؟
ناصر وهو يعدل اللشمااغ :جااهزين .. بس عبدالرحمن بعده ما وصل
شهاب :انا اتصلت عليه وقال انه الحين واصل هوه واخوه عبدالعزيز
نصر بصدمه :حصلوو عبدالعزيز ؟؟
شهاب :آيه قال انه حصله واتصل عليه وكان في مستشفى
ناصر باستغراب: في أي مستشفى ؟؟؟ ومن متى هو في المستشفى
شهاب وهو يهز كدفه :والله ما ادري .. بس لا تحاتوون الحين راح يووصلون
.....
فوووق في جناح البناات ..
ميثااق لابسه وكاشخه وتبكي وكل دقيقه يعيدون لها المكياج والكوفيره حدها متضايقه منهاا .. ورماح جاهزه وتناظر ميثااق الحزنانه ..وتهد فيهاا
نور دخلت بسرعه وبصدمه :بنااات سمعتو اخر خبر ؟؟؟!!!!!
رماح بخوف:شنووو ؟
نور تبلع ريقها :ميثااق اليوم خطبتها وملكتها .. ويمكن ما راح يسولها عرس ..(رماح وميثاق انصدمن اخر شي وشهقن بقوه ) والله هذا اللي سمعته من جدي ومن عمومتي ...
رماح بعصبيه :انتي متاكده ؟
نور :مثل ما اشووفج جدامي ..
ميثاق نهااارت وصاارت تبكي اكثر من قبل وقامت وهيه تبكي وطلعت برع وتبعنهاا رماح ونور .. ودخلت جناح امها اللي جالسه ع السرير وتبكي ...
ميثاق ببكي وتشااهق :يــــمه (وطااحت في حظنهاا تبكي )
رماح ونور انسحبن من الغرفه ...
الام ببكي ع حظ بنتهاا وتمسح ع ظهرهاا :خلاص يا بنتي ان شاءالله كل شي بيتصلح
ميثاق : ما اظنــي يا امي ..والله انكم ظلمتووني .. والله اني ما سويت أي شي استحق اللي تسوونه فيني
الام غمضت عيوونها بصعوبه :ميثااق بنتي ارضي ع المكتووب لج .. هذا ما اخر الدنياا .. لا تزعلين وانا امج ..
ميثااق بعدت عن امهاا :يعني ما راح تسوين شي ..؟؟؟
الام نزلت راسهاا بقلت حيله ...
ميثااق هتزن شفايفها بقهر ع حظهاا :انزين اللي تشوفونه ..(ووقفت وعطت امها الظهر ) لــكن ان طلعت من هذا البيت اليوووم .. عرفي انج ما راح تشوفيني ابداً .. هذا انا قلت لج .. (وطلعت تركض وهيه تبكي )
الام بصووت عالي :ميـــــــــــثاق .. ميثـــــــاق ...
.........
طلعت من جناح امهاا وهيه تمسح دموعها بعنف .. دخلت جناحها وبسرعه مسكت تالفونهاا ودقت ع رقمه..
ميثاااق بتووتر ..
جاها صوته الرايق واللي واضح عليه انه فرحانه حده :الو ...
ميثاق بتردد :الووه .. مصعب انت وووين ؟؟
مصعب عقد حواجبه باستغراب: ميثــاق شفيج ؟؟ صااير شي ؟؟
ميثااق ما استحملت نبرت صوته اللي كلهاا حناان وجلست بقوه ع السرير وهيه تبكي من قلبها وغطت وجها بايدها وحده :مصعب ابيك الحين ..آآه .. لا تتاخر علي
مصعب جن جنونه ع بكيها : ميثاق شنو صاااير .؟؟؟ليش تبكين ؟؟
ميثاااق بشوووي هدوء : مصعب .. جدي يريد يكتب كتابنا وملكتنا اليووم ..بدوون عرس ..واللي ابيه منك تجيني الحين ..ابي اطلع من هناا . ما ابي اجلس هناا
مصعب بطل عيونه ع كبرها :ميثااق انتي شنووو تقوولين ..جنيتي ؟
ميثااق بعصبيه :انا بجن لو جلست هنا اكثر من كذااا
مصعب مسح ع شعره بقلت حيله :اووكيه الحين راح اجيب الشيخ ونكتب كتابناا .. تجهزي ..
ميثااق بلعت ريقهاا بصعوبه :انزين .. باي
مصعب :باي
مصعب ..تووووهق اكبر وهقه التفت ع شامخ اللي يكشخ وفرحان :شــامخ تراني تووهقت
شامخ التفت له وهو مبتسم :ليش شفيك ؟؟
مصعب ويعظ صبعه :ميثاااق ما تبي تجلس في البيت تبينا الحين اكتب كتااابها واطلع فيهااا ...
شامخ اختفت ابتساامته وعقد حواجبه :هذي مجنووونه ولا ايش .. ؟؟ومن راح يسمح لهاا تطلع من كيفهاا
مصعب اخذ نفس طووويل وهو يلبس اللشمااغ : اناا بروح اجيب الشيخ ..واللي فيها فيهاا ..
شامخ مستغرب منه :مصعب من جدك انت بتمشي كلامهاا .؟؟
مصعب ابتسم : آيه انا ابيها الحين قبل بعدين .. وزين يوم جات منهاا ..
شامخ يصغر عيوونه له :بس جدي ما راح يرضى ..
مصعب :ما على كيفه .. هو اللي بدء وهو اللي يتحمل نتاج افاعل هذا المختل مدري كيف يفكر ..
شامخ ابتسم له بفرح :اجل الله يووفقك ..يالله روح لا تتاخر
مصعب ابتسم له وقرب منه وحظنه :مبروووك يا اخوووي ... ان شاءالله يعطيك خيرها ويكفيك شرهاا
شامخ اطلق ضحكه عليه :هههههههههههههههه شنو انا ماخذ سيااره ولا حرمه ..وانت بعد مبرووووك الف الف مبرووك
مصعب بابتساامه :الله يباارك فيك ..
طلع عنه وصاار شامخ برووح جالس ويكشخ
«®°•.¸.•°°•.¸¸.•°°•.¸.•°« ®».¸.•°°•.¸¸.•° °•. ¸.•°®»
في بيت اثار ..
كانت جالسه في الصاله وعمهاا ومرته جمبها يتاابعون التالفزيون .. شوي ورن تالفون فارس ..
رد بسرعه :الووو
عزام معصب :هلا يبه شخبارك ؟؟
فارس عقد حواجبه :بخيرر الحمدلله .. شفيك شايط ؟
عزام عاظ ع شفايفه السفليه بقهررر: اثار جمبك ؟؟
فارس التفت ع اثار اللي تضحك وتاكل حب :هيه جمبي ..
عزام غمض عيونه :عطني اكلمها شوي
فارس بعد التالفون عن اذنه وقال بصوت عالي :اثاار حبيبتي عزام يبيج
اثار التفت عليه وقربت يمه وخذت التالفون :الـ
عزام قاطعه بعصبيه وبصوت عالي: انت ووووينج من متى وانا ادق ع الزفت تالفونج ولا تردين .. وووين انتي طااسه
اثار التفت ع عمها وقامت لانه صوت عزام عالي وتوهقت وطلعت برع :انت شفيك ..ما تعرف تتكلم شوي شوي .. تراني اسمعك
عزام بعصبيه :اثااار لا تخليني اطلع من طوووري ..
اثار رفعت شفايفها بقهر منه :شنوو تبي مني ؟؟
عزام انقهر منها :تالفونج ووووين ؟؟
اثار بلعت ريقها وقالت تقهره :معي .. وما سمعته ..
عزام سكر التلالفون في وجهاا ..
اثار بعدت التالفون باستغراب ..نااافخت من حالتها معااه :الله يعيني عليه ..كان بداايتهاا كذا الله يعيني بعدين ..اووووف ..
ودخلت داخل عطت التالفون عمها وهيه مبتسمه
فارس:شصاااير ؟؟
اثار تمشي المووقف :لا ولا شي عاادي كان يبيني في سالفه ..بس سالفه (ابتسمت له بهبل وراحت فووق)
دخلت جنااحهااا وهيه معصبيه ع اسلوووبه اللي يستفززها حيييل ... مسكت تالفوونها انصدمت من المكاالمات اللي من رقم عزااام نافخت بازعااج .. بدلت بسرررعه ولبست (قميص احمر نص كم وله رسمه ع الصدر .. وبنطلون ابيض جنز ) رتبت شكلها ع السريع .. ولبست عباتها وشيلتها ..ونزلت تحت ..
اثار بابتسامه وواقفه جدام عمها :عمــي .. أي فندق فيه عزام واي غرفه .. ؟؟
فارس عقد حواجبه :ليشش ؟؟
اثار :لا بس هو شووي تعبان ويبيني معاه .. ما راح اطول كلها نص ساعه واكون معااك
فارس في البدايه تردد وبعدها قالهاا .. وطلعت وركبت السياره وقالت لسواق ع الفندق وراحت .. _____ نزلت من بعد ما خذت كم شغله معاها من السوق .. دخلت الفندق ووركبت الاصنصير وهيه تناظر النااس واللي تاكل واللي تمشي واللي تضحك واللي سرحاانه في عالم ثاني .. ابتسم ع حالهاا طلعت من الاصنصير وتوووجهت ع جناحه ..ضربت الباب بس استغربت الباب كان مفتووح ..دخلت راسها وشافت اثنين ينضفون ..
اثار بجديه :وووين عزام ؟؟
واحد منهم هندي :طلع ..
اثار لفت بوزها الجانب الثاني :اووكيه اطلع انت وياه .
الثااني رمى المكنسه وكانه ما صدق :اووكيه ..
وطلعو ..قفلت الباب من طلعو ونافخت من حالت المكاان ..رمت الشيله والعبايا ع الكنب والاكيااس ..رفعت شعرها باهمال وكسفت البنطلوون لفوق ركبتها ..وصارت تنظف .. وتلمع وترتب .. وبعدها خذت الاكيااس ودخلت المطبخ انصدمت من شكلها كان حووسه اخر حد .. تنهدت بضيق وقهر من اهماله ..رتبت اللي جايبته له في الثلاجه ..ورمت الاكياس الفاضيه ومال الغداء وصحوون في الزباااله ..وغسلت الاكوواب ..ومن خلصت شغلها طلعت ودخلت غرفته ..جن جنووونها من اللي تشووفه مهممممممل لدرجه الجنوون .. مسكت راسها منه ..لمت ملابسه في الدوولاب ورمت نصهم للغسيل ورتبت السرير ودخلت المنشفه في المسبح ..ومن خلصت تنهدت بتعب ..وجلست بكل حيلها ع السرير ورمت جسمهها نصه ع السرير ورجلها تحت ..صااارت تناظر المكاان كان فجم بمعني الكلمه ابتسمت وهيه تشم ريحه عطره في السرير .قامت وتعدلت وتمددت ع السرير
اثار بابتسامه :يا تراء وين ينااام من هذا الجانب ولا منااك ؟؟
قامت وشمت ريحت المكان الثاني ما فيه ريحه كثر الجانب الثاني ..ضحكت ونسدحت ع الجانب اللي ينام عليه .وبعدها قامت وشغلت المكيف ورجعت تنسدح مره ثانيه .ومرت اكثر من ربع ساعه وهيه تناظر السقف ..وداعبها النووم وصارت تتثاوب وعيونها تدمع من النووم ..انقلب ع الجانب وغمضت عيونها بتعب تغطت بكبرهاا بالبطانيه ونـــــــامت
«®°•.¸.•°°•.¸¸.•°°•.¸.•°« ®».¸.•°°•.¸¸.•° °•. ¸.•°®»
مع خالد وحلا ..
الساعه 6:15 ..قريب المغرررب ..
طلع كاشخ ولابس وريحت عطره انتشرت في المكان كله ..دخل غرفتها بدفاااشه وبدون لا يضرب الباب ..حصلها جالسه ع السرير وسرحانه وحاظنه المخده ..
ناظرته بقهر :خيـــــر ..مدرعم كذا
خالد تنهد من اسلووبها :انا بطلع ويمكن ما ارجع غير نص الليل
حلا وقفت بسرعه واتجهت ناحيته وجابلته :وانا حق من بتخليني ؟؟
خالد ابتسم : يعني تبيني .؟؟
حلا ناظرته ببرود وعطته ظهرها :لا ..ولو تختفي كان ززززين .. بتفكني
خالد انقهر منهاا :انزين راح احااول ارجع من ووقت
وطلع عنهاا ..اما هيه لظت مكاانها تناظر المكان ببرود وتنهدت بعمق ..وبعدها تذكرت وقامت بسرعه وطلعت تركض ..وحصلته تووه بيطلع اشرت عليه بايدها .. ووقف
وقرب منه ووقفت جمب الزجاج اللي جمبه ابلعت ريقها وهيه تشووفه لابس نظارته وكاشه ويناظرها بباتسامه :ابي ملابس ..ما عندي ابد ملابس ..
خالد فكرر ويناظر جدام وناظرها وناظر ملابسهاا الوصخه اللي لابستهن االصبح :اووكيه ..لبسي من ملابسي لحد ما ارجع وبجيبلج ملابس .. يالله مع السلامه ..(وسكر الزجاج )
راح عنها وهيه تناظره رزم لها بهرن السياااره وابتسم لها ورااح ..
حلا نزلت راااسها بقلت حيله وجلس ع الارض وظامه رجلها وتكتب ع التراب "الحين معقووله اللي يصير فيني .. ياربي انا احلم ولا هذا حقيقه وم ادري شنو اسوووي ..شفيني ما هذا اللي كنت ابيه ..ما هذا اللي كنت ابي اعيش معااه طوول حيااتي ..وحتى لو ما كان هو اللي خطفني .. كان انا اللي بقووله .. لكنه سبقني وكانه يقراء افكااري ..حبيته قبل لا اعترف له اني بنت ..ما بس حبيته الا عشقته ولو ما معزته في قلبي كان والله لا اعلمه حلا من تكوون ..لكني ابيه من قلبي بس اللي صاااار كله ع بعظه غلط ... بس شنو راح يسووي مع ابوي .بطلت عيوني ع كبرها ..لا مسسستحيل هو رايح يقوله ..والله لا يوقف قلبه .."
حلا خلت ايدها ع راسها :خــــــــــــــــالد ارجع
ركضت من نااحيت السياااره لما ابتعدت ..اول ما طلعت من اسوااار المزرعه ..بطلت عيووونه وهيه تناظظر هذا وقف وكانه حد ظربه كف ناظرها بصدمه وكانت في ايده حجاره يرميها فوق ويمسكها في ايده ..ومن صدمته وقف بدون أي حركه ..وصار يناظرها من تحت لفووق ..وهيه لابسه هذااك الملابس الفااضحه .." انقلب وجهي ودخلت بسرعه اركض ..بس اللي صدمني انه تبعني .وكانه متااكد انه محد معااااي ..خفت خفت خفت كثيرر ..وانا اشوفه من النافذه دخل المزرعه وهو يلتفت بجنووون فيها وكانه يدور ع حد ركضت بسرعه ودخلت غرفت خالد واقفل علي الباب ..وارجع ع الخلف واناظر الباب لا ينفتح في أي وقت " ..
،،،،،،،،،،،،،،،،،،،،،،،،،
ادري انه في اخطاء املائيه كثيررره
لاني نزلته ع السريع. ..
قراءه ممتعه للجميع. .
ولا تبخلون علي بردودكم