الفصل 34
ألبــآرتـ آلـخــآمسـ. و ألثــ,‘ــلاثوونـ...ْ~~~[35]
«®°•.¸.•°°•.¸¸.•°°•.¸.•°® ».¸.•°°•.¸¸.•° °•. ¸.•°®»
رماح بلعت ريقها بصعوبه .. كانت بترد عليه بس لمى صفقت بايدها وصفرت بقوووه
لمى : كنااااري .. كناااري .. اهنيكم ع الكلام المنمق اللي تقولونه .. هذا واول لقى لكم ..(ونظراتهم شك ) حثني اشك انه اول لقى لكم .. انتم ما تستحون ع وجيهكم .. (ووجهت كلامها لرماح ) اشوووف بعدي عنه
رماح بعدت عنه بسرعه بارتباك
لمى بتصنع العصبيه : لاوالله احلف عليكم بوسو بعض تررااه هذا اللي ناقص وبتكمل الحسبه
شامخ بابتسامه : والله كان ما بتخبرين انا جاهز وما عندي اي مانع
رماح بحرك سريعه مسكت اذنه وخلته قريب منه : نعم نعم .. شنو قلت عيد ما سمعت ؟
شامخ خلا ايده تحت ذقنه : اسف والله اسف خلاص ما اعيدها ... الله يعيني اذا انتي بنت عمي
رماح ابتسمت وخلته وناظرت لمى : يالله مشينا
شامخ كانه تذكر شي بسرعه مسكها من ايدها : لحظه لحظه .. انا ابي اعرف عن ريا كل شي .. ليش ما قلتيلي بالله
رماح بعصبيه :والله انا ما مجبوره اقولك كل شي .. وبعدين انت اللي ما سالت ولا حتى كلفت نفسك تزورنا تتطمن عنا (هنا لمى زادت شكوكها )
شامخ بعصبيه وبجديه واضحه من كلامه :لاوالله ..انا جيت ولا اذكرج لما طرتيني من بيتكم .. وسمعتيني كلام مثل السم
رماح بعصبيه وتاشر عليه : لانك كل ما تحل في مكان تجيب له المشاكل وتهرب ولاكانه شي مسوي
شامخ بعصبيه وتنرفز من كلامها : انزين فهميني انا شسويت علشان كل هذا .. كل مره تسمعيني هذا الكلام
رماح صارت دموعها تنزل من عيونها وقالت بعصبيه وهيه عاقده حواجبها : شنو اخبرك سواد الوجه اللي سويته (هنا لمى بطلت عيونها ع كبرها ) وبعدها هربت ولا كانك سويت اي شي .. شنو تريدني اخبرك سمعتي اللي خليتها في القااع اللي يسوى واللي ما يسوى يتكلم علي
شامخ صرخ في وجها وبعصبيه وعاقد حواجبه بقووه خلا رماح ترتجف في مكانها : بس خلااااااااااص صوتك هذا ما ابي اسمعه مووووليه ...
ومشى عنها للاسطبل ....
رماح صارت تبكي وقالت بصوت عالي علشان يسمعها : ايه ايه اهرب .. ايه ماانت هذا اللي فالح فيه الشرده وبس (وركضت داخل ..تبكي )
لمى واقفه مثل الاطرش بزفه ولا فاهمه اي شي ..
شامخ " ياربي انا ابي اعرف شنو اللي سويت لها علشان كل هذا الدموع والبكي كل ما فاتحتها في الموضوع تعصب وتصارخ.. آه يارماح شلي سويته علشان اخلي سمعتك في القاع ... استغفرالله .. يارب تساعدني وتلين قلبها معااي .. لكن بصراحه صدمه انها تطلع بنت عمي .. يعني منصور وريا ولاد عمي ههههه والله شي حلوو "
.........
فووق في غرفه البنات .. كانت جالسه ع كرسي التسريحه وتبكي بحرقه قلب ..
رماح بعصبيه : حقيررر والله حقيررر ... دوومه كذا ينكد علي ..
لمى كانت جالسه ع التسريحه :طنشيه هذا كله كذا مزاااجي ..
رماح ناظرتها وبعدها مستحت دموعها بقوه : انتي ليش ما قلتيلي انه شامخ ولد عمج ؟
لمى بابتسامه : انتي ما سالتي عنهم
رماح قامت بسرعهه وكانه تذكرت شي : وانا اقول وين شايفتنه هذاك اخوج ... ايه والله كيف ما جاء ع بالي
لمى بستغراب :اخوي ... اخوي شنو دخله فيج انتي وشامخ ؟
رماح لبست شيلتها : انا لازم اتفاهم معاه واخلي لكل شي حد .. ما يصير كذا كل ما شفته شتمته
لمى بابتسامه وتشجيع :وانا اقول بعد كذا .... تبيني اروح معاج ؟
رماح بابتسامه :لا حبيبتي انتي ظلي هنا
لمى باستهبال : اخاف تشوفين حد من الشباب ويسويلج حركات
رماح:لالالا لا تحاتين انا بعرف كيف بتصرف ...
لمى وهيه تقعد ع سريرها : ع كيفج
رماح ابتسمت لها... طلعت
«®°•.¸.•°°•.¸¸.•°°•.¸.•°® ».¸.•°°•.¸¸.•° °•. ¸.•°®»
قامت بكل كسل .. ناظرت الساعه اللي في تالفونها كانت الساعه ثمان ضبط ... تاففت بملل ونقلبت الجانب الثاني وحاوووولت قدر ما تقدر انها تنام بس ما قدرت شوي ورن تالفونها بنغمت الرسايل قامت وجلست ورفعت شعرها البوي وفتحت الرساله كانت مكتوب عليها .. (قو و و و مي.. إغسسسلي نعآس ( المكآن ) .. بـ / كفوفك !
* وافتتتحَي شبآبيكك المحبة لِـ الاحبآب , الشمس ماتشرق ! قبببل تشو و و و فكك !والصبح و آ آ آ آ قف ينتظرك ع البآب ....صبآح الخيرحلاوتي .. قوومي يا كسوله .. اليوم عازمنج ع الغداء في الشقه وما ابي اي اعتراض فآآآآهمه ) حلا عصبت عليه ... وردت عليه برساله ( تحلم اني اجيك لو تموت .. وغداك اكله بروحك.. فآآآهم ) وابتسمت بفرح
...........
بمكان ثاني كان جالس ع مكتبه براحه ومبتسم ويكتب ويوقع ويقراء كووومت الاوراق اللي معااه .. شوي وجاته رساله .. اول ما فتح ارساله وقراها ضحك من قلب عليها رد عليها برساله ( ههههه انزين بتشوفين لو ما جيتي الشقه لا اذبحك فآآآآآآهمه يا حلاوووتي ) ابتسم بفرح ع شقاوتها واسلوبها اللي يخليه يضحك عليها .. بمختصر يعني حب اسلوبها الشرير
....
حلا كانت تنتظره تعرف انه راح رد عليها وجات الرساله وبسرعه فتحتها وقرتها وثاار دمها من العصبيه وكانه متاكد انه راح تجي وردت عليه ( هع هع بنشوف من بيذبح الثاني ..يا البطران ..يا المغرور ... يا الدب )
.......
خالد كان يقراء الاوراق اللي معاه وجاته الرساله بسرعه فتحاها طير عيونه وهو مبتسم وحواجبه رفعهن ع فوق ههه " انا الحين بطران ومغرور وبعد دب " ورد عليها برساله ( حلاوتي انا اتكلم جد . ابيك اليوم ضروري ابي اتكلم معاج في شي خااااص جداا )
....
حلا دخلت الحمام اكرمكم الله .. وسمعت التالفون وطنشته وخذت شوووور طويل .. بعدها سمعته يتصل وضحكت وبعد ما خلصت طلعت .. اتجهت ع التالفون وشافته 3 مكالمات ورساله ابتسمت وشافت الرساله ورسالت له ( شنو هذا الضروري والخاص جدا .. قولي الحين يمكن ما اقدر اجيك الشقه .. لانهم يمكن ما يرضون يخلوني اطلع )
.....
خالد كان معصب انها ما ردت عليه .. لكن من رسلت ابتسم ع الخفيف ..وقراها وقال في نفسه " يعني في امل انها تجي معاااي .. " ورد عليها برساله ( اوك انا ما راح اجبرج لكن ابيج تحوولين معاهم لاني جد ابيك ضروري )
......
حلا وهيه واقفه ع التسريحه وتمشط شعرها وتنشفه عن الماي .. وجاتها الرساله وبسرعه فتحتها وقرتها وتنهدت بضيق .. هيه تبي تروح لكن من بيسمع منها امها راح تعصب عليها انها هلايام تطلع كثيروردت عليه برساله (اوك انا راح احاول وامري لله .. وان وافقو راح اجيك من الساعه 12 تمام وابيك في البيت ما اوصل وما احصلك ..والله وما حصلتك برد بيتنا ولا بتشوف رقعت وجهي ثاني مره )
...........
خالد كان مترخي ع الكرسي براحه ... وجاته الرساله وفتحها وهو يقراها ومندمج ومنزل راسه بدخلت ابو عزام .. وخالد في هذا الوقت ضحك بصووووت عالي وهو فاتح فمه ع كبره بس قطعها من شاف فارس معصب ع ضحكه .. خالد بسرعه قام ووقف وفيه الضحكه
فارس بعصبيه وبهدوء : شفيك تضحك شال المكان فوق راسك ؟
خالد بابتسامه : ولاشي طويل العمر بس صاحبي ضحكني برسالته
فارس ناظره ولا رد عليه وبسرعه دخل المكتب اللي مبطل له الباب من فتره (طبعا البدقارد فاتحينه له )خالد من شافه داخل مات ضحك عليها بس بهدوء .. (طبعا خالد السكرتير حق مكتب فارس واذا غاب فارس يكون عزام .. طبعا عزام وخالد فري عادي يسميه عزاااام حاف ما طويل العمر مثل فاارس) ...
...........
في بيت حلا .. نزلت لامها اللي كانت جالسه في الصاله وتناظر التالفزيون
(كانت لابسه قميص سماوي ليزر بدون اكمام وفتحت الصدر شوي واسعه جايه ع شكل دائره من قدام ومن وراء ... وشورت ابيض ضاغط ..... وساعه رجاليه بيضاء وشعرها هلمره منزلتنه ع عيونها .. اظاهر فيه تغير في البنت )
حلا بابتسامه عذبه وهيه تجلس جمب امها وتبوسها ع راسها : صباح الخير يا وجه الخير انتي
احلام ناظرتها باستغراب : صباح النور .. شفيج ما من عادتج تهلين علي كذا ؟
حلا بابتسامه وبصوت انثوي : افااا يمه .. انتي الكل بلكل .. افا عليج بس
احلام وهيه تناظر التالفزيون :هيه كذبي علي بكلامج هذا
حلا ضحكت عليها : هههههههه .. لا والله يمه ما اكذب عليج انا ..
احلام بشك منها : شنو تبين خلصيني ؟
حلا كشرت وقالت بهمس : ووويه صادتني .. (وبعدها قالت بابتسامه حلوه وهيه تحظن ايد امها ) يمه حبيبتي صديقتي عازمتني ع الغداء معاها
احلام:من من صديقاتج ؟
حلا : خلوووود ما عرفتيها ..
احلام بضيق منها : لا ما اعرفها .. وطلعه من البيت ماكو الا اذا شاورتي ابوج
حلا شوي وتبكي : يمه حبيبتي ..يعني لازم المذله اول شي .. بس بروح لها الساعه 12 وبرجع الساعه 3
احلام بعصبيه :لا والله الساعه 3 ... لو تموتين
حلا وهيه تناقز في مكانها مثل الاطفال : يـــــــــــــمه طلبتج ... وووالله يمه محتاجيتني كثيرر .. والله ما راح اتاخر .. حتى كل نص ساعه بتصل عليج اطمنج هاااااه شقلتي ؟
احلام بضيق منها : اووووف منج لازم تزنين تحت راسي لحد ما اوافق ... لكن بشرط راح اوافق ؟
حلا بابتسامه :اللي تبينه انا موافقه عليه
احلام :تكلمين ابوج وتقوليله ..
حلا رفعت شفايفها ع فوق : انزين اذا وافق واذا ما وافق انا بطلع وبقول انتي اللي قلتيلي .. (وقامت عنها تركض فوق )
دخلت غرفتها وبسرعه مسكت تالفونها واتصلت ع ابوها
زياد بابتسامه : هلا والله ببنتي
حلا بدلع وابتسامه : اهلين يبه .. اخبارك ؟
زياد بابتسامه :انا تمام .. هاااه ليش داقه ما من عادتج
حلا "لهلكثر انا مقصره معاهم .. اوف ياربي " : ههههه يبه طلبتك لا تردني ؟
زياد بابتسامه واسعه : ما عاش من يردج يا بنتي .. قووولي شنو تبين ؟
حلابتصنع الزعل والدلع : ابي اروح عند صديقتي اتغدااء معاها ..من الساعه 12 لحد الساعه 3 .. هاااه شقلت يبه مواقف ؟
زياد بتردد :انزين انا موافق بس كل ربع ساعه دقي علينا نطمن عليج تمام
حلا بابتسامه واسعه وفرح : من هذا الخشم (وهيه تاشر ع خشمها ) تامر امر يا الغالي
زياد : يالله انزين انا االحين عندي شغل .. مع السلامه
حلا بفرررح : مع السلامه يا الغالي
وسكرت عنه .....................
حلا ما صدقت خبر صارت تصااارخ وتنطط ع السرير مثل المينونه .. وهيه تصرخ تقول : واخيررررا بشوووووووووووووووووووفك يا خلوووووودي
بعدها خلت ايدها ع فمها بقووه لا حد سمعاها وتتوهق صارت تناظر يمين ويسار بخرعه وهيه واقفه ع السرير .. بعدها نزلت وراحت للباب تتاكد بطلته ما حصلت حد .. ودخلت وسكرته وخلت ايدها ع صدها وتنهدت براحه وقفلت الباب وراحت لتالفونها علشان تقول لخلوووودها ..
«®°•.¸.•°°•.¸¸.•°°•.¸.•°« ®».¸.•°°•.¸¸.•° °•. ¸.•°®»
في بيت عزااام ...
كانت نايمه .. امس ما نامت غيرر متاخر والسبه كله من عزام .. نااايمه وهيه مبتسه بس عقدت حواجبها من تبطل الباب ببطى ووكانه احد يتجسس .. سمعت يفتش في الدروج حق التسريحه ويبطلهن بحذر ..واطلق ضحكه بس بسرعه كتمها .. اثار بطلت عيونها شوي بس علشان ما يلاحظ ... اول ما شافته عاطنها الظهر ..ابتسمت ع طوله وعرضه وشعره السايح ع رقبته وبياضه .. بسرعه غمظت عيونها من التفت صوبها واختفت الابتسامه ..
اثار " هذا شلي يسويه هنا بغرفتي لا وبعد يفتش كانه حرررامي ..الله وكبر ع ابليسك .. ههههه لو بس قمت وخوفته اممممم انا اقول راح تطلع روحه ههههه "
عزام صااار يفتش بين الدروج .. واخيرا حصلاه خذاه وهو مبتسم .. وجاب المسجله اللي في غرفتها وخلاها عند البلك ... وركب الواير .. وبعدها دخل السيديه وطوووووووووووووووول عليه كانت ااغنيه .. (هلي لا تحرموني منه ) >>>> ههههه قديم ...
اثار فزت من نووومها بسرعه وجلست وهيه شبه نايمه وشعرها منفوووش ... عزام بطل البلكونه ودخلت اشعت الشمس في الغرفه
اثار وهيه تحك شعرها بضيق : ليش داخل هنا ؟
عزام بابتسامه : خفه
اثار وهيه تهز رقبتها ع الطبل : اهاااا
عزام ابتسم لها يعرفها ما تعرف تمسك نفسها :هههههههه ..تعالي بنرقص
اثار بطلت عيونها ع كبرها : شنووو لالالا (وقالت بهمس ) فشله
عزام قرب منها ومسكها من ايدها .. اثار بسرعه وقفت ع السرير وعزام ركب فوق السرير ..
عزام بفرح : يالله يالله رقصي وانا برقص معاج ... بتعلم لاني ما اعرف ابد
اثار حست انه فيه شي بس ابتسمت وعطته الظهر وصارت قريبه منه .. وهزت كدوفها بسرررررررعه ..عزام مااات فيها حس قلبه انه بيطلع من كثر ما يدق ...ورص ع قبضت ايده .. اما اثار عاطيه الشباب حقه في الرقص .. خلت ايدها ع صدها وصارت تلوح بشعرها يمين ويسار بسرعه .. شوي وتدور شعرها .. عزام صار يلوح بايده مثل الاهبل ويرقص ع الخفيف .. اثار التفت عليع وفطست من الضحك عليه .. مسكت ايده ونزلت تحت وجابت الشيله وربطتها ع خسرها .. وصارت تهز خسرها يمين ويسار ببراعه ..عزام يناظرها ويضحك ..
اثار فكت الشيله ودخلت الحمام ...
عزام جلس ع السرير وهو مبتسم" هههههههه اجل هذي الهبله بتصير زوجتي ..والله مينونه وبجنني معااها ..لكن بصراحه عليها رقص يهبل .. "
طلعت من الحمام وهيه تلف شعرها ... ..قرب منها وحظنها من الخلف واخذ نفس طوووويل وهو مغمض عيونه ومبتسم وباسهاا بقوووووه ع خدها قرب وجها من رقبتها وصار يشم ريحت عطرها اللي تجننن الواحد غصبا عنه ... اثار شوي وبيغمى عليها من كثر ما ترتجف ..حاولت تبتعد بس هو محوطنها بقووه ... صار جبينها يصب عرق ..
اثار ا نكمشت ع نفسها وبعدت عنه شوي بس ما زال محوطنها وقال بابتسامه حيى : اغاار انا من رقبتي ههههه لا تقرب
عزام يحس انه اذا تم معاها راح يتهور في اي لحظه ابتعد عنها وهو يبتسم عليها : تغااارين ..حبيبتي انا ما ابيك تغارين اذا قربت منج .. فااهمه
جلست ع السرير وهيه مرتبكه وخدودها حمر وشوي تبلع ريقها
غزام :شفيج ؟
اثار بارتباك واضح :لالا ولاشي
عزام رفع حاجبه اليمين :اهااا ..يالله اجل خلينا ننزل نفطر
اثار ارتاحت من اعرفت انه بيطلع :انزين بس اول شي بخذ شوور وبعدها بنزل
عزام وهو يقوووم : تمام وانا بعد بخذ شوووور
اثار ابتسمت له .. عزام طلع عنها .. وهيه خذت نفس طووويل براحه .. ودخلت الحمام بسرعه تاخذ شووور
«®°•.¸.•°°•.¸¸.•°°•.¸.•°« ®».¸.•°°•.¸¸.•° °•. ¸.•°®»
في المزرعه .. نرجع ساعه كاامله لوراء ..
رماح نزلت تحت بسرعه وهيه مصره ع اللي راح تسويه... لمى تبعتها بشويش علشان ما تعرفها وهيه مبتسمه ..
رماح راحت للاسطبل قبل لا تدخل سمعته يغني بصوته الحلووو وفيه نبرت حزن واضحه ع صوته وزايتنه حلاه في صوته ابتسمت وهيه تسمعه ... كان يغني ..
.............................
اقدر موقفك وعذر واذكر عشرتك بالخير
وكرر شكري وتقديري قبلي يا بعد قلبي
واقول اسف ع حزن(ن) ع بعدك ع التقصير
امانه عش حياتك واترك همومي تسافربي
حياتك تستحق التضحيه والصبر والتفكير
حرام يضيع حلمك يا رفيق الدرب في دربي
بلحظه كيف صرت اقسى من الفرقى بلا تبرير
وانا اللي ليلت فراقك بغيتك توقف جمبي
تصابحك السلامه والاماني يا نصيب الغير
انا كل الكلام اللي بقوله يحفظك ربي (( هنا رماح ما استحملت دموعها اللي انهارات))
وتبقى اكبر واكبر بعيني والزمان صغير
ولو ما قلت احبك كل يوم يقولها قلبي ..
......................
رماح .. حست انه رجلها ما شيلتنها جلست بقوه وهيه تبكي ..
اما شامخ سكت وهو يتنهد بقوه يحس قلبه انه بيطلع من الضيق اللي فيه بس سمع صوت بكي وشهقات .. التفت ع باب الاسطبل وشاف رجلها .. بسرعه ترك الفرس وراح لها بخطوات واسعه انصدم من شافها تبكي
شامخ بخوف عليها ونزل مستواها : رماااح .. شفيج تبكين ؟
رماح ببكي وتشاهق : شــ شامخ انا .. اهي اهي .. انا اسفه والله ما كان قصدي اني اعلي صوتي عليك
شامخ ابتسم لها بحنان : ولا يهمك انسي اللي صار ..
رماح وهيه تسمح دموعها بظهر ايدها : يعني انت مسامحني ؟
شامخ وهو يلعب بخدودها الورديه : ايه مسامحنج .. لكن اياني وياك يعيدينها والله لا اذبحج
رماح بابتسامه : خلآص تووبه ما راح اعيدها
شامخ وقف : يالله تعالي معاي ...
رماح وقفت وهيه تنظف لبستها من التراب :ويــــن ؟
شامخ بابتسامه وهو ماسك ايدها ويمشيها لداخل : هنا راح اراويج فرسي .. راح يعجبج
رماح تمشي واه وهيه مبتسمه .. اول ما وصلو للخيل صار شامخ يمسح ع وجه الخيل بلطف (كان الخيل لونه اسووود كل شس فيه اسود حتى السراج اللي ع ظهره اسود وحلوو مره)
شامخ بابتسامه : خلي ايدج
رماح بخوووف : هاااه شنو لالا مستحيل اخااف انا
شامخ مسك ايدها وصار يقرها من الخيل : ما يخوف ابد بس انتي قربي
رماح صارت ترمش بعيونها بسرعه بخوف منه ... ولانه بعد شامخ قريب منها حيل وماسك ايدها بقوه .. وخلت ايدها ع الخيل وصارت تماسح عليه بخوف وبلطف .. وتضحك بهبل
شامخ بابتسامه وفرحان انها جمبه واخيرا رضت عليه :هااه شفتي ما يخوف ابد .. بس انتي خوافه
رماح بدلع : انا ما خوافه هو (تعني الخيل ) اللي يخوف
شامخ ضحك عليها : ههههه لا والله اقول بس تعالي .. (مسكها من ايدهاوجلسها ع الطابوقه وهو جدامها مباشره وقرريب منها كثير .. )
شال القفازات من ايده ...ورفع شعره اللي مطول شوي ع وراء بس هو رجع مره ثانيه ع جبينه ... ما اهتم منه
شامخ بتوتر وارتباك واضح : رماح ابي اتكلم معاج بموضوع
رماح خافت شوي : شنوو قول !!!
شامخ بلع ريقه ومسح ع جبينه : انا ابي اسوي العمليه لريا .. وان شاءالله راح تقوم بسلامه ..
رماح بفررح وابتسامه واسعه :والله جد راح تسويها .. الله يخليك يا شامخ لكل احبابك والله لا يحرمنا منك طوول العمر قول امين
شامخ مات من الفرحه : امين يارب العالمين ويخلج لنا .. (رماح استحت ) امممم بس انا ما هذا موضوعي
رماح استغربت : اجل ايش .. تكلم !!!
شامخ مسك ايدها وحظنها بين كفوفه :انا ابيج لي وحدي لي ملكي لي انا بس .. يعني يا رماح ابي اتزوجج ع سنةالله ورسوله .. (بخووف قال ) هاااه شقلتي ؟
رماح ماتت من الخجل وبلمت ما عرفت شنو تقول ولا شنو ترد عليه ظلت ساكته ونزلت راسها وسحبت ايدها ببطى من ايده
شامخ بخوف وهو يقرب منها اكثر خاف انها ما تبيه : رماح ردي علي .. انزين قولي اي شي يطمني
رماح حست نفسها راح تموت في مكانها عمرها ما نحطت في هذا الموقف وقفت بارتباك وقال بهمس : عطني مهله افكر
شامخ بضيق بس ابتسام ووقف معاها : عندج الوقت كله .. وانا انتظرج
رماح ابتسمت ع الخفيف وطلعت عنه بسرعه .. اول ما طلعت حست انه داخل انمحى عنها الاكسجين .. خذت نفس طوووووويل ومشت بخطوات واسعه ..
.....
بس لمى ايش صار لها ؟؟؟؟ راح نرجع لها الحين ..
تووووها طالعه من الفله وهيه تلوح براسها يمين ويسار وتغني بصوت واطي ..(كانت لابسه قميص عنابي يوصل لنص الفخذ وعليه رسومات وضاغط شوي .. ولافه شعرها ع جهت اليسار ومدرج وجاي شكله تحوفه ..وقصتها ع جبينها ..وشورت لتحت الركبه وضاغط عليها .. لونه عنابي فاااااتح .. ومتكحله ومسويه روح خفيف.. وجزمه واطيه لونه عنابي غامق وتلمع .. وشيلتها ع كدفها ) صارت تمشي من جهت جناح الشباب ..
نصر كان جالس بشورت لفوق الركبه لونه بني .. وقميص كت وباينات عضلاته وبارزات كثيررر .. ويناظر التالفزيون بعيون ناعسه وشعره الكثيف كثير وطايح ع عيونه مثل البنت .. وياكل بطاطس بضيق .. شد انتباهه اللي جالسه تمشي برع وتلوح براسها .. وغص ببطاطس صار يكح بقووووه وهو يضرب صدره بقوه ووجهه صاررر احمر ...
لمى سمعته ورجعت ع الخلف اول ما شافته عاطنها الظهر ..غطت شعرها بشيله
لمى بخوف :عبدالعزيز شفيك ؟
وقربت منه وصارت تضربه ع ضهره بقووووووه .. صار يكح من ضربها وكانها حاقده عليه وهو ما راضي يلتفت عليها
لمى تنحني ع جانب تبي تشوفه بس ما راضي حتى يتكلم :شفيك .. كل هذا بطاطس تسوين فيك ..مالت عليك
نصر وهو يمسح دموعه وقال بصوت رايح علشان ما تعرفه :مــآي
لمى كشرت وما عرفت شنو يقول : نعــم شنو ما سمعتك عيد اللي قلته
نصر بصوت اعلى شوي : ماااي ماااي
لمى لفت بوزه ع الجانب : انزين وين مطبخكم ؟
نصر توهق هو يباها تطلع لا احد يطلع من اهلها ويشوفها وتروح هيه وياه في خبر كانا .. طير عيونه في غرفة الشباب اللي نايمين فيها وسمع صوت عبدالرحمان .. بسرعه وقف والتفت عليها ومسكها من معصم ايدها وطلعها برع .... لمى طيرت عيونها فيه خااافت بشكل غريب انصدمت منه اول مره تشوفه ولا عمرها شافته ..
نصر طلعها وطلع معاها .. كان يريد يتكلم بس سمع صوت خطوات شامخ كل مالها ويقرب ... صار يلتفت يمين ويسار وما حصل غير مخزن قريب منهم .. بسرعه سحبها معاه وبطل الباب
نصر وهو يدخلها ويتكلم بصوت واطي وبسرعه :لا تخافين انا رح ابطل لج الباب بعدين .. (وسكر الباب )
لمى ما مستوعبه ابدااا .. اللي يصير تحس نفسها مخدره حتى ما قادره تتكلم او انها ترد عليه بس سمعته يتكلم مع شامخ
نصر وهو واقف عند الباب ومبتسم ببلاهه :اهلين شامخ انا لي ساعه ادورك .. وين رحت ؟
شامخ شافه انه مرتبك وابتسم له : هنا بس رحت اشوف اللخيول ... وانت شنو تسوي هنا ؟
نصر بتوتر : ولا شي كنت جاي ادور عليك تعرف الشباب ما صاحين لحد الحين
شامخ : اوكيه يالله مشينا لا احد يطلع ويشوفك هنا ..
نصر ارتبك زياده : يالله روح واناراح اجي وراك
شامخ استغرب تصرفاته وابتسم له وراح عنه ...
اول ما تاكد انه دخل الجناح .. بسرعه بطل الباب وياشر عليها انها تطلع ... بس انصدم من الكف اللي عطته ايه وطار شعره وهو يناظره بصدمه وعصبيه ... لمى من عطته الكف تفلت في الارض ..
لمى بعصبيه : صدق انك ما تستحي ...
ومشت عنه ودخلت داخل الفله وراحت بسرعه غرفتهن ...
.....
اما نصر صار واقف حس نفسه انه راح ينفجر من العصبيه سكر الباب بكل عصبيه ورجع الجناح يحس نفسه انه دمه يغلي من القهر اللي فيه عليهاااا ... "هين يا البزر انا تضربني كف .. ان ما موتج ما اكون انا ولد ابوووي "
«®°•.¸.•°°•.¸¸.•°°•.¸.•°« ®».¸.•°°•.¸¸.•° °•. ¸.•°®»
في غرفة البنات ...
كانن كلهن مجتمعات في الصاله اللي في جناحهن ...
لمى بنص عين لرماح وبصوت عالي : بنات اليوم فاتكن نص عمرجن على اللي شفته ...
رماح انقلب وجها ميت لون تعرفها فيهاا نذاله الكوون كله ...
البنات صارن يشوفن لمى وبعدها رماح ... : شصاير ؟
لمى بابتسامه خبث : هااااه اقوووولهن ؟
رماح وقفت : انا بروح عندي كم شغله ... حور تعالي معاي ابيك تساعديني
حور وقفت معاها ...
لمى بصوت عالي وهيه تضحك عليها : ايه هربي هربي ..تراج الا مثله طالعه اسلوبكم الشرده .. هههههه
رماح طنشتها وطلعت هيه وحور .
ميثاق طارت للمى وقالت بفضول :شصاير .. علامها ومن هذا اللي نفس اسلوبها ؟
نور بفضول اكثر : هوووو تكلمي
لمى بضحكه.. وقالتلهم السالفه كلها ..
خزامي بشك : انتي من صدقج ؟
لمى :آيه والله .. حتى انا ما فهمت شي من اللي قالته .. بعدها عصب عليها وصرخ في وجها وراح
ايناس بشك : يعني شامخ شافها من قبل ؟
لمى :والله ما ادري اللي صار خبرتكم ايه
قمر : احنا لازم نعرف السالفه كلها منها .. اهيا اللي تعرف.ولازم نعرف
ليالي :تهقن يحبون بعض ؟
نور باندفاع : اكيد .. اصلا الشي واضح من البدايه .. انتي بس شوفيها كيف تغير وجها من قلنالها
ليالي بسرعه قامت وكانها تذكرت شي : لمووي تذكرين الفيديو اللي صورناه شامخ لما ربطناه ع الكرسي .. وطلعنا القلاده اللي كانت في جيبه .. كانت عليها اسم رماح..
لمى بصدمه : آيه والله .. ع فكره انا اليوم لاحظت شي ..
ايناس بفضول يقتل : شنو شنو ؟
لمى : رماح بعد هيه لابسه حرف h ... يعني اسم شامخ ..
قمر بضيق من كلامهن وراسها ما يستوعب اللي يقولنه : لحظه لحظه فهمني شوي شوي .. يعني الحين رماح وشامخ متلاقين مع بعض
لمى باصرار : ايه .. وانا متاكده بعد .. حتى سمعتها تقول انها شايفه مصعب .. بس ما فهمتها شنو تقصد
ميثاق وقفت :انا ما راح اجلس افكر واصدع راسي .. بروح لها بدل لا اصير المحقق كونان ..
نور :ايه والله حتى انا صدع راسي من خرابيطهن
وطلعن كلهن راحن يدورنها .... نزلن تحت وكل وحده وتووجهت مكااان ..وما حصلنهااا
سالن الشغالات وبروحهن ما يعرفنها وين راحت ..جلسن طلهن في الصاله وكل وحده تسال الثانيه وينها
....
فوووق السطح
حور بتسال :رماح ليش جايبتني هنا؟
رماح وهيه مرتبكه :ولا شي بس ماا احب حد يسالني وايد ويضغط علي ..احس اني اختنق
حور جلست جمبها وابتسمت لها : اطمني حبيبتي انا غير عنهن لا احب اسال ولا احب اجاوب لما انسال ..
رماح ابتسمت لها :احسسن لج بدل الفضول ..
«®°•.¸.•°°•.¸¸.•°°•.¸.•°« ®».¸.•°°•.¸¸.•° °•. ¸.•°®»
عند حلا...
اللي جاهزه من وقت كانت لابسه (بنطلون جنز اسود ضاغط وله جيوب في كل مكان .. وقميص اسود له نص كم خامه سترتش طايح عليه ..له فتح متوسطه ع الصدر يوصل لحد نص فخذها من الجانب اليمين طوويل ومن الجانب اليسار قصير .. له حزام تحت الصدر بلون ابيض وله كرستال بلون الاسود .. ولبست بوووت لنص الساق لونه اسود وشيله بيضاء وع الاطراف مزخرفه بالون الاسود ...تكحلت وكثرت من الكحل وروج وردي غامق شوي ) ابتسمت ومشطط شعرها ولبست ساعتها الكبيره وناظرتها كانت الساعه 12 ونص .. تعمدت تتاخر .. لبست عبايتها وشنطتها وجوالها وطلعت بسرعه ونزلت تحت ما حصلت حد
حلا بصوت عالي : يمه انا طااالعه تاخرت
احلام من المطبخ : انزين يمه ديري بالج ع نفسج وطمنيني عليج
حلا بابتسامه : من عيوني يالله مع السلامه
احلام :الله يسلمج ويخليج ويعافيج
حلا ابتسمت من قلب ع عطف امها لها .. وطلعت بسرعه ركبت السياره ودلت السايق ع العنوان وراحو ـــــــــــــ وطول الطريق هيه مرتبكه وفي ذا الوقت رن تالفونها وطلعته وناظرت الرقم كان خالد وردت بسرعه وهيه مبتسمه : هلللللوه
خالد ابتسم ع صوتها اللي تغير عن قبل بكثيرر : هلا والله براعيت الهلللللوه
حلا ضحكت عليه : اهلين فيك ..هااه شنو بغيت
خالد بابتسامه : متى راح توصلين انا لي ساعه انتظرج
حلا بدلع وتخلي صبعها ع ذقنها : اممممممممممم بعدني ما طلعت من البيت
خالد عصب عليها :حلالاوتي احنا ما متفقين ع كذا ... ليش يعني التاخير ولا تبين تذلينا ع الغداء
حلا اطلقت ضحكه عليه :ههههههههههههههه شفيك (في هذا الوقت وصلت قدام العماره ونزلت ) الحين بطلع يالله باي
خالد بضيق :باي
حلا توصي السايق : اسمعني الساعه 3 تجي فاهم ..
.....