حبك رسمك في ناظري وين ما أروح - الفصل 23 - بقلم Kramella ve Chocolita - مكتملة | روايتك

البــارت 23 عالــــــــــــســـ "9:00" ــــــــــــــاعــة القاعة قامت تهتز من الاغاني الرووووعة الي تخلي الواحد غصب لما يسمعها يرقص هههه تقريبا اغلب المعازيم الجراب وصلو و القاعة بدت تزدحم بالناس و اكيد اكثرهم من الهاي كلاس الي يناسبون مقامهم و طبقتهم بالمجتمع . ريم طبعا جننت المعازيم بجمالها و رقصها الفنان كانت تتراقص بنعومة و ابدااع فوق المسرح و بكل اغنية ترقص احلى من الثانية و كانت وحده طوول الحفلة و اهيا تجوفها باعجاب و ما نزلت عينها نزلت ريم من المسرح و اهيا تسلم على اهلها و معارفهم و اكيد ريم م فاتت عليها نظراتها بس صدت و ما حبت تبين و تكبر السالفة و مشت و اهيا تقرا على رووحها قربت من البنات و قعدو يسولفون و تعرفت اكثر على اخت راشد و مرت اخوه و حبتهم واااايد و خذتهم السوالف و الضحك و سمعو الاغنية و كلهم صرخو سارة: الااااي احب هالاغنية ريم : و الله و انا اموووت فيها امشو نرقص عليها حنان : عاد انا مالي نفس و الله سارة : لا مب على كيفج يلا يلا كل اغنية قاعده تتهربين يا اختي قولي عبدالرحمن مب راضي و فكي رووحج حنان و الي انقلبت حمرة من كلام سارو : سارووو وويع ان شاءالله ريم و سارة : هههههههههههههههههههههه ريم : انزين يلا خليها امشي بتخلص الاغنية و انتي لحين سارة : انزين انزين يلا و ركبو المسرح يرقصوون بمهارة و دااشين جوو مع الاغنية و الكل يجوفهم باعجاب و يسمي عليهم و اغنية ورى اغنية و الي يسولف و يتعارف و من هالحال طبعا الي نشوفه بالاعراس لين ما يات الساعة 10:30 استأذنت ريم و ركبت لاختها في الجناح الي مخصصينه لها و جافتها جاهزة و المصورة تبي تصورها لكن ما كانت بوضع يسمح ان احد يصور فيها كانت تصيح و الكوافيرة تحاول تسكتها عشان لا يخترب مكياجها قربت ريم منها : اشفيج حبيبتي ليش البكي ؟؟ رنا : و الي انا فيه تعدينه حالة هاي شكل عروسة حرام عليكم يومي ابي اتهنى فيه لكن الي اجوفه مجرد صراخ و اهانات و اوامر حطو لها ذي لبسوها ذي مب كأنه انا الي لازم اختار و لا شي خاطري فيه صار من و انا صغيرة حقي مسلوب من هالبيت امي دايما فارضة رايها علي لليووم تتكلم و صوتها مبحوح من البكي و دموعها اربع اربع تقطع القلب ) امي الي لازم تكوون يمي بهاللحظة تواسيني تنصحني توقف وياي و تخليني اسعد انسانة لما اضعف تقويني لما اضيع تدليني بالي لازم اسويه لكن وين وين اجووف هالشي و انا حتى كلمة مبرووووووووووك ما سمعتها قوليلي وين !!!!!!!!! اهىء اهىء اهىء ( لمتها ريم لحظنها و تحاول تسكتها لان شوي و تنهار عليهم اكثر) يا قلبي عليج يا رنا كل هذا بقلبج و سا كته " بس هالكلام سمعته وحده كان المفروووض تسمعه من زمااان و كل كلمة سمعتها كانت تنصدم فيها اكثر من الثانية و تحس بسيف ينغرس بقلبها ، بس هالكلام اهوة الوااقع المرير الي ما قط واجهته و لا توقعت بيوم انها راح تسمعه او تكوون هذي نظرة بناتها لها و عورها قلبها حيل على بنتها الي صج ما قط جافت منها الي رضى و مما عمرها ردتها او اعترضت على كلامها و ما تسوي الي الي يرضيها .. مسحت دموعها و ردت مكان ما يات اصلا مالها عين تدخل لها بعد الي سمعته " كان واقف مع اهله يستقبل المعازيم و يباركون له و ابتسامته شاقة حلجه من الوناسة لانه راح يتزوج البنت الي تمنى يقضي العمر وياها و يه هاليوم و تحقق ، خلص تبريكاته و جاف الساعة قريب 11 و شوي و راح ينزفون و تبتدي ليلة احلامهم اتصلت فيه امه و كلمته عشان ايي عند البوابة و توجهو للجناح عشان يتصور مع العروسة قبل لا تبتدي الزفة عدلو لرنا المايك اب الي انحااس في ويها عدل و عطرتها ريم و وقفت تتجهز عشان راح يتصورون قبل الزفة و تحاول تنسى كل شي و تبدي حياة يديده مع حبيبها راشد و بس بعيد عن الاحزاان كلها دقايق و فضى الجناح بقت فيه بروحها و دخلت ام راشد و معاها راشد راشد .. دخلت الجناح انبهرت بالي جالسة عالكرسي بشموخ و كأنهاا ملاك جمالها يلفت تمنيت لو اقدر اخشها عن العالم كله و تكون لي بروحي متوسطة الكرسي بفساتنها الابيض الكبير المنفووش و جمالها العربي الواضح في ملامحها كانت تتمتع بملامح ناعمة و بنفس الوقت حادة على بساطتها بس طالعة ملكة جماااال الخجل واضح عليها ، قربت منها و بست راسها و همست في اذنها ربي يحفظج يا احلى عروووسة و ربي طالعة قمــر ، اشرايج لو نكنسل العرس مرة وحده ! اكتست الحمرة خدودها من كلامه و نزلت راسها و اكتفت انها تهز راسها بلا ، ضحكت وما قدرت انزل عيني من عليهاااا سلمت علينا امي و باركت و طلعت وعلى طول دخلت المصورة خذنا كم صوورة و طلعنا . حان وقت الزفة تمسكو بيدين بعض و نزلو لتحت قريب عند باب القاعة ينتظرون موعد دخولهم و المعازيم من داخل يترقبوون حضورهم بلهفة و فرح للعروسين الي الكل يمدح اخلاقهم و البعض الي يترقب بنت ال... باي مظهر بتطلع !! ثواااني و انفتحت الابواااااااااااب ~ ماسكين ايدين بعض في وسط الاضاءة الخافته و صوت الزفة منتشر في القاعة و الشموع حوالين القاعة تنور دربهم و يمشون بخطوات بطيئة متوجهين للكوشة و المصورة جدامهم و تصورهم و الفلوس تتطاير فوقهم من فرحة الامهات بعيالهم و ام فهد لحد الحين باين عليها الحزن و كلما تقدمت رنا بخطواتها دمعت عيونها اما ريم فقامت تبكي على اختها من فرحتها لها و كل خطوة يخطونها كلما تزداد المحبة بقلوبهم و يشكرون ربهم و الفرحة الي مب سايعتهم حد منكم شاف في الدنيا بدر مقبلٍ يمشي و من حوله بشر من حلاه يزف للناظر ضياه ان ظهر للناس ولا ما ظهر هذا ما هو بدر ليل يختفي مع طلوع الصبح و بزوغ الفجر او بدر يصبح بعد مده هلال هذا بدر مكتمل طول الشهر هي عروس النور في هذا الزمان هي ملاكٍ بس في صورة بشر من غلاها انقول صلوا على الرسول يا اللي شفتوها بقلبٍ او نظر الله يا نور في ها الدنيا نراه مستحيل ان نشوفه في بشر و التقت شمس الظهيره بالقمر وفي محياها بدى الصبح بضياه مشرقً و خدودها واحة زهر و العيون الي كماعين المهاه تمتزج فيها البراءة بالسحر الليله .. الليله محلاهاالليله الليله .. الليله حلوة و جميلة شعرها ليل كسا الدنيا دجاه حالك متحدر كانه نهر يحسبه قطعة حرير من رآه و الحقيقة هو حريرٍ منشعر و الحسام الي صفا الوجنه كساه يبعث اشواق الحواجب للثغر والثنايا كالبرد بين الشفاه او كحبات الندى و لا المطر عذبةٍ لو تلمس اطراف الحياه كل غصن فتح بوردٍ حمر و العفاف بروحها يسقي بوفاه والوفا في عينها النجلاء سهر شاعر الوجدان واحلامه سماه مبدع واحساسه المرهف شعر ماخذ من وصفه مبتغاه يا عسى الله يوهبه طولةعمر الله يحفظها و يسعدها معاه شيخ بطيبة فواده يشتهر والله يجعل كل دنياهم هناه يكتسي بالسعد كله و البشر ~**~ وصلو للكوشة و باركو لهم و قعدوو راشد متشقق عالاخر و رنا تتبسم للكل بابتسامتها الحلوة اما سارة قامت ترقص لاخوها مع امها طبعا لان الباقي متغطيين عن راشد و انواااع اليباب اكيد كلووووووووووولووووووووووو ووووووش __________________________________________________ __ الساعه 10 ونص مر حمد على بيت ام سيف عشان ياخذ مريومة وأمينة ضرب هرن السيارة سلمت امينة على امها و طلعت اهيا والخدامة شايلة مريومة الي نامت دخلت السيارة : السلام عليكم حمد : و عليكم السلام و الرحمة التفت للسيت الوراني جاف مريومة نايمة و رجع جاف أمينة الي واضح عليها التعب : شفيج ليش ويهج مصوفر تعشيتي ؟؟ أمينة طبعا ما تعشت ما كان لها نفس و (بكذب) : اي حمد طوفها لها لانه يدري ان نفسيتها هالايام كلش : انزين مبين انج تعبانة تبيني اوديج المستشفى أمينة : لا يا حمد بس ردني البيت مالي نفس شي و بعدين اكيد من تعب الحمال لا تحاتي سكت حمد و كمل طريجه للبيت _________________________________________ عند نور نوور حابسة نفسها بالغرفة و طول هاليومين و اهيا تبكي و تتذكر الي صار لها و مب قادرة تنسى .. دخلو البيت بعد ما ترخصت من المستشفى و طبعا الكل تجمع في الصالة و سوالف و ضحك الا ناصر كان يضحك شوي و افكاره تاخذه لبعيد و لمخططاته يفكر شيسوي عشان يقنعها ترفض يحبهاااااا و يحبها حيل لا تستغربوون هالشي ناصر اكتشفه بعد ما حس ان شي من املاكه راح يضيع لو ما تصرف و يوم عن يووم يكتشف ان حبها يزيد داخلهو ماراح يسمح لنفسه انها تضيع منه !! شوي و استأذن بو ناصر يرتاح لما يجهز الغدا خصوصا لان الساعة توها 11 اما ام ناصر فراحت تكمل طباخ و تسوي السلطة و قعدو نور و ناصر بروحهم و كل واحد فيهم عيونه تحكي بلي داخله عدل ناصر قعدته و تم بهزز في ريله بتوتر يبي يتكلم بس مب عارف اشلون يبدي ناصر : احم احم نــوور نور : هلا ناصر : يصير اكلمج بموضوع نور : اكييد تفضل ناصر نزل راسه و يفرك يدينه ببعض و قط عليها كلمة بدون لف و لا دوران : رفــضـيــه !! نور بصدمة وقفت مرة وحدة : نــعـــم !!!!!!!!!!!! ناصر رد سند ظهره على ورى باريحية و لا جنه قال شي و جافها بحده لدرجة ان نور خافت يكشفها و شتت نظرها : الي سمعتيييييييه نور( بعصبية ) : انت الي سمعني لا انت و لا عشرة من اشكالك يتحكموون فيني و بعديم مب غصب قتلك مابيك ما طيقك خلني بحالي اجوف طريجي و افرح مع الانسان الي قبل فيني و يبيني مب لاني اشبه وحده متوفيه سااامع اتركني بحالي اتركني و بعدين انا احبـــه و ابيه و ما راح اسمح لك تخرب علي لهني و بس ناصر ما قدر يسكت عصصب صج عقب الي سمعه قام لها و مسكها من زندها بقوة : لا اسمعج تتكلمين عنه مرة ثانية و يكون بعلمج عقب باجر اهيا ملجتج بس مب وياااه الي ما يتسمى وياااي انا و احسن لج تردينه و تحفظين كرامتج و كرامته و الاا جوفي شراح يصيير ( وبضحكة استفزازية ) يا حرم نــاصر هه دزها على الكرسي و دموعها بدت تنزل ما تقدر تصمد جدامه يحب يلعب بمشاعرها طلع و خلاها بعدت هالافكار و الذكريات عن راسها و دموعها لحد الحين ما نشفت على خدها سحبت سماعات الايبود و شغلت اغنية عبدالمجيد " الله يرحم غلاك " الله يرحم غلاك انا قلبي نساك انته والجرح واحد ما نفعني غلاك والله ما هو بيديني غصب يا نور عيني دام قلبك نساني حب قلبي سواك جيت في وقت ضايع جيت بالشوق راجع ترتجي والمدامع تشتكي من بكاك انته غلطة زماني يا مضيع حناني خل قلبك يعاني انا قلبي نساك ________________________________ عرس و لا كل الاعراااس جمع بين قلبين كل واحد يحمل بقلبه حب اكبر من الثاني غادروا القاعة و الفرحة مب سايعتهم وقفو عشان يودعونهم لان رحلتهم الفجر طبعا الكل بكا و الي فاجىْ رنا اكثر و اكثر امها !!!!!!!!!!! الي يات احضنتها بقوة و تمت تبكي بحضن بنتها بنتها الي ظلمتها و ضوقتها الويل و القهر و دمعتها الي دووم ما تفارقها صاحو مع بعض ام فهد و اهيا تمسح دموعها : سامحيني يا بنتي ساامحيني غلطت بحقج غلطت وااايد رنا : مسموحة يا الغالية مسموحة و ردت احضنتها ( هالحضن الي طووول عمرها تحلم فيه كل ليلة تتمنى ان امها تاخذها بحضنها و تكون حالها حال الامهات الباقيات لكن الي متوقعته ان امها تنكسر جذي جدامها و تطلب منها السماح و تاخذها بالاحضان ) !!! وصلو رنا جناحها وساعدوها تبدل فستانها وتلبس لها شي خفيف لانهم بيروحون للمطار عشان يسافرون يقضون شهر عسلهم الي راح يكون بجزر المالديف خلصت وودعوها ووراهم دمعات تنزل و دمعات تنمسح على فراقهم و الكل يدعي لهم و ان الله يهنيهم و فرحتهم تسبقهم فوق كل هذا ~ اخذها راشد وفتح لها باب السياره وانطلقو للمطار ______________________________ وصلوو للبيت نزلت امينة و حمد شال مريومة و عطى امينة المفاتيح دخلو للداخل ناصر وصل مريومة غرفتها و أمينة راحت لغرفتها و يالله تقدر تحرك روحها من التعب الي تملكها غيرت ملابسها و تمددت في فراشها و تلحفت داخله دخل حمد و جافها تفكر و تنهد لحالتها ما حب يفتح الموضوع اكثر و امبطح يمها و لمها بحظنه عشان تنام حس انها غفت عدلها و غطاها عدل و قام فتح البلكونة و قعد يراقب السما و يتأمل و يسرح بأفكاره و تم ساعات لين ما سمع صووت الاذان ذكر ربه و قام يتوضأ و جاف أمينة تتقلب و مب مرتاحة خلاها و راح المسيد لكن بعد مارد راح لمريومة يتطمن عليها و توجه لجناحه و سمع أمينة تتأوه بألم و اسرع بخطواته و راح لها حمد يضرب بخدها يبيها تقوم : أمينة حبيبتي قوومي شفيج أمينة : آآآه آآآه آآآآآه حمد : أمينة تسمعيني قوومي و الي يسلمج خلا اخذج المستشفى قوومي أمينة : بطـــــــــني يا حمد آآآآآآآآآآآآآآآآآآآآآآه اتصل حمد حق سيف و اهوة ماسك يد أمينة : الوو هلا سيف سيف و اهوة توه راجع من الصلاة خاف لما جاف رقم حمد : الوو هلا حمد اشفييك حمد : الحقني و انا اخوك أمينة تعبانة و لازم اخذها المستشفى و مريم محد معاها سيف بخووف : دقااايق يايك مسافة الطريج بس حمد : اوكي بسرررعه انطرك ________________________________ وصل الاسعاف و على طوول لقسم الطوارىء ... حمد يتمشى في الممرات رايح ياي مب قادر يقعد من التوتر الي فيه كلها لحظات و طلعت الدكتور راح لها حمد بسرعة : ها يا دكتور بشري شفيها الدكتورة : والله يا خوي مابي اخبي عليك بس الحمال و اهيا بهالحالة خطر عليها و مثل ماعرفت انها مريضة بالسرطان و يفضل انها تنزل الجنين عشان صحتها حمد : انزين لو تم الجنين شراح يصير الدكتورة : احتمال كبير نفقدها لو مب الحين مع الشهور الاخيرة اكيد راح تتعب و دام انها توها بالشهر الثاني فاحسن لها حمد : اوكي بجوفها و ان شاءالله تقتنع الدكتور : الحين اهيا تحت تأثير المنوم و دخلوها لغرفة خاصة و الصبح راح تصحى ان شاءالله اجر و عافية و ما تجوف شر بالاذن حمد : ما اييج ، اذنج معاج .. دخل للغرفة بعد ما نقلوها و جلس يمها و قعد يمسح على راسها و يقرا عليها و يدعي لها بالشفاء ~ __________________________________________ الساعه 9 الصبح في مستشفى الـ.... صحت من النوم واهي حاسه بثقل في راسها غزلان : اااااااه فز زياد من مكانه : غزلااان حبيبتي صحستي الحمدالله عالسلامه غزلان باستغراب وخوف : من انت زياد بصدمه : غزلاان انا اخوج زيااد شفيج يعني هالفتره نستج اهلج غزلان قطبت حواجبها : انا ما اعرفك لو سمحت اطلع برع زياد: غزلااان اشهالكلام انااااا اخووج وبقعد هني مب طاالع فااهمه غزلان بملل : اوووف ترا انا تمللت من هالدنيا كل يوم احد طالع لي ويقول لي انه يعرفني وانا ما اعرف احد فيكم افهم انا فاقده الذااكره زياد وخاب ضنه قال خلني اقولها اني اخوها يمكن تذكر بس صج شكلها فاقده الذاكره : غزلان حبيبتي ممكن تقولين لي الي صار لج من اول ماطلعتي من البيت غزلان : انا طلعت من البيت شلون زياد : شرايج اقولج شنو صار من اول مازعلتي غزلان : انزين قول زياد : مره دخل عليج ابوي الغرفه وانا وياه قالج انه واحد يعرفه واهو ولد ناس وتاااجر يبي يتزوجج لكن انتي رفضتي بشده هالموضوع ودايم كنتي ترفضين ما ادري ليش يمكن لسبب انتي تعرفينه واحنا مانعرفه .. المهم هالمره ابوي غصبج عليه وانتي عاندتي بقووه ويوم الملجه يوم يات امي تناديج علشان توقعين مالقتج في الغرفه ونادتني وعرفت انج شردتي حزتها اختي واعرفج عنيييده وراسج يابس ومتهوررره .. انا اختبصت وماعرفت شاقول حق ابوي خصوصا المعازيم والمعرس كلهم قاعدين ينطرون التوقيع كلمت ابوي ويانا فوق وقلت له انج شردتي لكن راسه يابس بدل ما انتي توقعين خلا امي اهيا الي توقع وصرتي خطيبت فهد غزلان بصدمه : يعني فهد الي اشتغل عنده ماجذب وقال اني زوجته طلعت صج زوجته زياد بعصبيه : باااطل هالزوااج امي اهيا الي وقعت مو انتي .. سوااا لج شي هالحقييير غزلان ودموعها في عينها : كان يـــــعذبني زياد وقف وقعد يمها على السرير : غزلان حبيبتي خلااص لاتصيحين مابخليه ياخذج مره ثانيه غزلان واهيا تبعد عنه : انزين بس قوم من هني زياد : يااربي ياغزلان والله انا اخووج غزلان: مااادري ما اعرف حسييت بشي اتجاهك بس ما اعرف هم مو متاكد اذا انت اخوي او لا فهد كان يقولي انه زوجي وانا ابد ماصدقته وقلت مستحيل اما انت قلت لي انك اخوي حسيت فيك او صدقت شوي ارتحت لك زياد بفرحه : عيييل الحمدالله يعني تحسين فيني ومع الايام ان شاءالله بتتذكرينا غزلان : انت شلون عرفت انا وين زياد : الله يسلمج رفيجتج شهد غزلان : شهـــد !!!! زياد : ايه شهد اتصلت لي وقالت لي غزلان : واهيا شعرفها فيك زياد : امممم بقولج السالفه .. مره كنت انا ورفيجي في المستشفى واهيا رفيجتج ممرضه فيه انا كنت اسولف ويا رفيجي واقوله انه لين الحين مالقيناج وماندري وينج وشكلها اسمعت السالفه واعرفت ان البنت الي نتكلم عنها انتي وطلعت رقم رفيجي لان اهو الي كان مريض وقالت له ورفيجي قالي وبس غزلان : والله شهد ماا بنسى وقفتها معاي لا اهيا ولا امها صج اوادم طيبين زياد : الحمدالله انج طحتي في يد ناس طيبين مثلهم والله امي ليل ونهار تدعي لج وتدعي ان نلاقيج ودمعتها على طرف عينها غزلان : عندي ام زياد : اييي عندج ام هههههههه غزلان : اممم ابي اجوفها زياد : انزين انا بجوف الدكتور لو سمح لج انج تطلعين اليوم .. وباخذج وياي بيتنا وبتجوفين ماما غزلان : ان شاءالله اطلع اليوم ما ابي اتم هني زياد : اوووكي بطلعج اليوم بس دقيقه بروح اسأل الدكتور طلع زياد وراح عند الدكتور وخبره انه يبي يطلع غزلان وكتب لها خروج ______________________________________ قاعد في غرفته ويفكر ...: يااربي هالحلم دووم يراودني ااااه من هالبنت تصييح وتقول كلام مو مفهووم المشكله مو قادر اثبت ملامحها اااااخ يا راسي تعبت من التفكير فيها .. سمع طقات على البااب سيف : ادخل ام سيف واهيا تدخل الغرفه : هااا يمه مابتروح الدوام اليووم سيف واهو يتنهد : لااا يمه اليوم قلت اريح شوي ام سيف بخووف : لييش يمه شفيييك سيف : ولشي يالغاليه بس تعبت من الشغل ام سيف : مع انه قلبي مو متطمن بس بمشيها لك سيف : هههههههههه انزين يمه انا يووعان متى الغدى ام سيف : شوي ويبرز سيف : ان شاءلله نادوني مو تنسوني ام سيف : اكييد يااقلبي يالله انا بروح اجوف شصاار على الغدى ________________________________________ وصلو غزلان وزياد البيت زياد واهو يصارخ : يماااااااااا يماااااااااااااااااااا ويينج ام زياد واهيا تنزل من على الدرج : هلا يمه اكااني هني شفييك تصارخ زياد بفرح : يمه يبتلج احلى مفاجأه ام زياد : شنوو زياد : اممممم فكري ام زياد : والله مافيني شده افكر يالله قوول زياد واهو يطلع غزلان من وراه : جووفي ام زياد منصدمه والدمعه في عينها : غزلاااااااان بنتيي غزلاااااان (( راحت لها وحضنتها واهيااا تصيييح ..وييينج يااايمه ويينج وين رحتي كل هالمده ومخليتني احااتيج اشصااار فيييج وييين رحتي غزلان وقافه مكانها بلا حركه ماتعرف هالمره الي لامتها: ..... زياد بتوتر مو عارف شلون يقول حق امه ان غزلان فاقده الذاكره : آآآآآ يمه .. يمه غزلان ماتعرفج ام زياد : وشلووون ماتعرفني وانا امهااا زياد : اممم يمه غزلان فاقده الذاكره ام زياد بصدمه : هااااااا شلوووون يااااحسرتي على بنتي شصاااادهااااا زياد : يمه هدي انتي وانا بفهمج السالفه بس وصلي غزلان غرفتها خل ترتاح ام زياد : يالله يمه تعاالي غزلان : .... زياد : غزلان حبيبتي رووحي ويا امي غرفتج وارتاحي وترى ملابسج كلهم في الكبت لو تبين تاخذين شور غزلان : ان شاءالله _________________________________ ....: انزين انا اليوم راد البلاد ومثل ماتفقنا ابي الخبر يوصل حق كلمن ان فيـصل الـ.. رجع البلاد وابيك تنشره في الجرايد ...: ان شاالله طال عمرك فيصل : يالله ما ابي اي غلط ...: ان شاءالله .. تامر على شي ثاني فيصل : لاا يالله مع السلامه وسكر التلفون .. ااااه واخيرا برد البلاد وبرااويكم يالــ.... على الي سويتوه فيني وفأمي اااه ياروان ما ادري شلوون بقدر على بعدج بس شاسوي بتحمل هالمده وبعدها برتااح قام من مكتبه وطلع رايح الكوخ عند روان قاعده تلم اغراضها وتفكر بعمق شلوون بتقابل اهلها شبيصير بينصدمون .. شبيصير فيهم طلعت منها تنهيده قويه ااااه يمه اشتقت لحظنج فيصل : سلاامتج من الـ ااااه شفيييج روان واهيا تلف عليه : بسم الله من وين طلعت ياليني .. ياا اخي اصدر صووت شي لو دخلت اخر شي بتصيدني سكته منك فيصل : اسم الله علييج يااقلبي فيني ولا فيج روان استحت بس مابينت : لااا والله اقووول اشفيك اليووم صاير لطييف فيصل : هههههههههه لطيف عاااد هههههههههه لا بس لانه اليوم بتروحين عني روان : اي خلاص هيهيههي فيصل : لا ياقلبي ان شاءلله واوعدج انه بنتلاقى مره ثانيه روان : هههههه انزين فيصل : هااا خلصتي لانه بنمشي الحين روان : ايييه خلصت يالله قامت واخذ فيصل شنطتها وطلعو من المزرعه متوجهين حق منطقة السفن ____________________ عند عمر قاعد في السياره جدام البحر يفكر في حب حياته الي مو قادر يتهنى فيها اااااه ياريم قلبي قارصني عليج احس فييج شي وشي جاايد بس شلووون اعرف وانتي ماتبين تسمعيين لي اممم خلني اتصل لها يمكن ترد علي رفع مبايله يبي يتصل لها والا شوي وامه تتصل فيه عمر : هلا يمه ام عمر : هااا يمه وينك عمر : في السياره ادور .. بغيتي شي ام عمر : لاا حبيبي بس تعال البيت ابيك في سالفه عمر: خيير يمه شصاير ؟ ام عمر : كل خير انت تعال بس وبتعرف عمر : ان شاءالله ام عمر : ديير بالك لاتسرع عمر : ان شاءلله وصل البيت ودخل الصاله راح عند امه وباسها على راسها ام عمر: تبووس الكعبه ان شاءالله عمر : ان شاءالله دعواتج لي بس الا شنوالموضوع المهم ام عمر : اييه .. امس رحت عرس رفيجتي و جفت لك بنتها جمالها جمال ربي يحفظها و من جغتها تمنيتها لك الصراحة عمر و ريم في باله : يما سكري هالموضوع و انا قايلج كلش ما فكر بالزواج ام عمر و اهيا متكدرة : بس يا ولدي حرام عليك الي عمرك عيالهم تارسين البيت و انا كلما اكلمك تسكر الموضوع ابي افرح فيك عمر و اهوة يبوس راسها : حقج علي يا الغالية بس ما فكر بالزواج الحين الزواج مسؤولية و انا كلش مب جاهز و اول ما اجهز راح اييج و اقولج ام عمر واهيا تصيح : اااه ما ادري متى بتجهز وانا ما ادري متى يومي اخااف اموت وما اجوفك معرس عمر : اشهالكلام يمه اسم الله عليج يومي قبل يومج ان شاءالله تجوفيني معرس وتجوفين عيالي وعيال اعيالي بعد ام عمر : ااااااه وييين اجوفهم وانت مو راضي تتزوج عمر : يمه خليني جم يوم وانا بنفسي بقولج خطبي لي ام عمر : بصبر واجوف بس والله ياعمر اذا طولت وااايد تراني بخطب لك على كيفي عمر : ههههه ان شاءالله يمه يالله انا بروح غرفتي ام عمر : الله وياك نهاايــــة البــــارت توقـــعاتكم لكل الشخصيات ^___^ تقيـــم + اعجاب لو عــجبكم وسوري على هالخبر بس احتمال مانكتب الا بعــد العيـــد لانه عندنا امتــحانات المنتصف