حبك رسمك في ناظري وين ما أروح - الفصل 21 - بقلم Kramella ve Chocolita - مكتملة | روايتك

البــــارت الــ 21 قاعد ويـــا اصدقاءه في الحديقه يسولفوون ويلعبون ( uno ) مستانس ولا همه شي فجـــــــــــــأه سمع صووت مثل الهمـــس ينــــاديه بأسمه التـــفت وراه وجااف وحــده من بعييد ملامحها مو باينه مادتله يدها وتناديه قام من مكاانه يبي يرووح لها واهو يحاول يركز في ملامحها قرب لها لكنها بدت ترجع على ورا قرب زياده لكن البنت التفتت وبدت تمشي عنه ركــــض بكل سرعته يبي يووصل لها وصل لطريق مسدووود والبنت جداامه التفتت عليه واهيا منزله راسها وشعرها مغطي ويها تتكلم قاعد تقوووله شي لكــن ابد موو فاهم الي تقوووله البنت بدت تصيـــح التفتت عنه تبي ترووح لحق علييها يبي يمسك يدها لكـــــن فززز قااايم من النوووووم .....: بســـــــــــم الله الرحمن الرحيم اعوذ بالله من الشيطان الرجيم مسح على ويهه وجاف روحه معرررق قطب حواجبه وبتفكيير اشهالحلم الغريييب من هالبنت موو قادر اتذكر ملامحها اخذ ساعته وجاف انه قريب أذان الفجر قام من على السرير يستعد لروحة المسيد ________________________________________ الســاعه 9 الصبح قاام من النووم اخذ له شور طلع من غرفته ونزل تحت عند امه وابوه يفطر وياهم زياد: السلام عليكم بو زياد : وعليكم السلام زياد : وين امي ! بو زياد : في المطبخ تجهز الريوق الحين بتيي زياد وضايق خلقه : ايه انزين بو زياد : اشفيك اليوم مو على بعضك زياد : لا مافيني شي ام زياد واهي يايه وبيدها الصينيه : هلا والله بولدي فزز زياد من مكانه واخذ الصينيه من عند امه وياس راسها زياد : صبحج الله بالخير يمه ام زياد : صبااح النوور اشفييك اليوم مارحت دواامك زياد : اخذت اجازه جم يوم عندي جم شغله ابي اخلصها ام زياد : الله يوفقك .. يالله اقعد تريق مو عاجبني ويهك مصــفر زيااد بابتسامه : ان شاءالله تامرييين بو زياد واهو يقوم : اليووم زيدي الغدا اثنين من رفجاني بيون يتغدون ويااي ام زياد : ان شاءلله طلع بو زياد وراج شغله زياد واهو منزل راسه : يمه .. ان شاءالله اقدر اسعدج واييبلج الي تتمنيه بس انتي ادعي لي ام زياد : زيااااد .. شصااااير زياد: لا يمه مو صاير شي بس ابيج تدعين لي ام زيااد : الله يوفقك ويعطيك على قد نيتك وتلقى اختك الي ما ادري وين اختفت زياد : ان شاءالله يمه ان شاءالله نلقها وتكحلين عيينج بجوفتها يالله الحين انا بطلع ام زياد : الله يوفقك يمه باس راسها وطلع واتصل حق سيف الساعة 10 الصبح .. سيـــــف ناااايم بعممممممق و شوي و يرن موبايله بازعاج يتقلب و يسكره في وجه المتصل و يكمل نومته و يحط الموسده في ويهه و يتلكوت بلحافه خخخ و يرد يررن الموبايل سيف : اوهوووووووووووووووو !!!!!!!! رفع نفسه و سحب تلفونه و عيون مسكره وعيون مفتوحه من التعب سيف و صوته كله نووم : الووو زياد : انت لحين نايم قوم فز بسرعة ورانا شغل اليوم و الا نسيت سيف : و انت ما تخلي الواحد يرتاح غزلان و غزلان جنه الا محد عنده اخت غيرك خلاص قلنالك لا تحن زياد حط بخاطره بالكلام الي قاله سيف... : مشكوور يا خوي مشكور ( و سكر الخط ) سيف يطق راسه : يارب انا شقلت اكييد بيزعل اوووووف و الله اني غبي ما ثمن حجيي الريال معتبرني اخوه و كل شي يقوله لي و انا افشله بهالطريقة !! قام من السرير و جاف الساعه قام خذ له شور سريع و بدل ملابسه و طلع من البيت بسرعه اما زياد ~ فحس روحه متضاايق حيل و خصوصا بعد ما سمع هالكلام من سيف مع انه كان فرحان لانه عرف بمكان اخته بس ما راح يرتاح الا لما تكون عنده و يتطمن عليها و للاسف انه ماله حق يروح بروحه و ما يدري شراح يصير خصوصا ان فهد ينخاف منه خذ مفاتيحه متوجه للمكان الي يرتااح فيه و يفضفض كل همومه و الي بقلبه أنا يا بحر ما جيتك فضى ولمشاهدك شفقان أنا جيتك أبنسى اليأس وبعض همٍ يباريني على جالك أنا جالس أسامر موجك الغضبان أسولف له، عن أوجاعي وعناي وغربة سنيني علامك يا بحر غاضب .؟ علامك تصرخ بكتمان أنا جيتك أبشكي لك، وأبي منك، تواسيني أنا مثلك بحر لكن وسط نفسي أنا غرقان تعبت أبحر مع نفسي وأسألها أنا ويني أنا محتار في وضعي ومع نفسي أنا حيران أنا لا قادر أفهمها وهي تجهل مضاميني أنا مليت من حزني وتعبت أبحث عن السلوان ولا ضنيت به شيء عن أحزاني يسليني أحس أن الحزن عالم بحور وصحره، ووديان وتخيل يا بحر حجمه إذا كله سكن فيني وتصور لو شقا الدنيا تجّمع في كيان إنسان وتصدق ما بقى بالكون أسى ما بات في عيني ترى كل الحزن لو غاب وراح لآخر الأوطان يغيب ويرتحل لحظات ويرجع يستقر فيني أنا آخر فصول الحزن وأنا لدربه العنوان وأنا آخر عزوفاته وأصواته تغنيني وصل و قعد على صخرة كبيرة مجابله البحر و يشكي له الي بداخله و يتأمل تضارب الامواج و يسرح بهالمنظر الي يشرح الصدر و نسمات الهواء تداعب شعره و الهدووء طاغي و ما ينسمع غير صوت الامواج و الطيور . و اصلا انا ما كان لازم اعور راسه بمشاكلنا اذا ابوي نفسه غاسل يده منها ابي الغريب يساعدني و ما راح استفيد غير اني امللهم و اييب الشفقة حق روحي و اختي من تكون بالنسبة له عشان اعور راسه بهالاشياء زين الي متحملني حس بيد تنحط على جتفه تقطع افكاره المتواصلة التفت و جاف صديق عمره سيف و اهوة يضغط على جتف زياد : سامحني يا خوك و الله مادري شلون طلع مني هالكلام غصبن عني خبرك المزاج الصبح يعني فلا تلومني و لا تحط في خاطرك اما بالنسبة لغزلان .... قاطعه زياد : لا تحاتي خلاص انسى هالموضوع و انا بتصرف ما كان لازم ادخلك بهالسالفه سيف : لا تكمل و الله ترى راح ازعل و انت ما خليتني اكمل كلامي لك مساعة ( جاف ان زياد مب معطيه اي اهمية و مجابل البحر و ساكت ) زياد سامحني على كلامي و اذا على غزلان امس من طلعت من بيتكم و انا موكل اثنين يراقبون لي فهد و بعد يومين راح نعرف كل تحركاته حق نعرف الوقت المناسب الي نقدر نتصرف فيه ابتسم زياد و التفت له : لي هني و بس يا سيف رايتك بيضة و ما قصرت خل الباقي علي سيف : مثل ما بدينا مع بعض بنكملها مع بعض لا تزعلني منك و الا انت مب عادني اخوك زياد : و اكثر من اخو و الله الشاهد علي !! ___________________ عند حمد و أمينة .. بعد ما وصلو البيت ساعد حمد أمينة و دخلها للغرفة و تمدد يمها و لمها لحضنه و قعد يمسح على راسها و يسولف وياها . أمينة : حمد انا وايد خايفة اتهقى شراح يصير في هالاسبوعين حمد : لا تخافين انا معاج ، ان شاءالله اجر و عافية و بتتغلبين على هالمرض و انتي قدها وحتى لو خسرنا الياهل في بداله اثنين و ثلاث و ربي بيرزقنا ان شاءالله بس كل شي و لا صحتج فلا توترين نفسج لان هالمرض بالذات يعتمد عالنفسية أمينة (بحزن) : ان شاءالله ، بس حابة اطلبك طلب حمد: انتي تامرين امر يا الغالية طلبي و تدللي كلي لج أمينة : ما يامر عليك ظالم بس ودي نروح مكة حمد : تدرين انج تقرين افكاري هههه هالشي ان مقرره قبل لا تقولين و ان شاءالله نعتمر و تدعين ان ربي يشافيج و يعافيج بس بالاول لازم نروح للدكتورة نسالها لو عادي السفر لج ما يضرج او شي و بعدها نتوكل على الله أمينة : و النعم بالله و اذا على دكتورة اروح باجر اسالها لان كلش مالي خلق المستشفيات حمد : هههه اوكي يا خوافة أمينة (تبتسم ) : سخيف ما يضحك بس اشلون على مريومة حمد : لا تحاتينها و اصلا ما يبيله اكيد بتروح عند امج ( عدل جلسته بحيث يكون مواجهها ) انتي كلمتي امج ؟ أمينة : لا و ما بيها تعرف خصوصا بهالفترة و انا راح اقولها و افهمها بكل شي حمد : اوكي يلا ارتاحي و لما يجهز الغدا بقعدج أمينة : لا مابي بس بنام حمد : لا مو بكيفج بتاكلين (ماحبت تكبر السالفه اكثر هزت راسها بموافقة و نامت ) ____________________________________________ عند رناا قاعده في غرفتها وسرحاااانه باجر عرسها واهيا متدري شتسوي اتحس روحها ضايييعه لا أم مثل باقي الامهات تنصحها وتقعد وياها وتكلمها ولا اخت تهتم فيها وبتشتااق لها لو غاابت ولا اخوو يواسيها تحس رووحها وحييييده ووجوده مثل عددمه في هالبيت وهالحـــياه .. بس يوم دخل راشد في حياتها حست روحها مهمه ولو شوي قطع سرحانها صوت الباب رنا: ادخلل ام فهد : انتي لين الحن قاعده وماسويتي شي ترى بااجر عرسج لو انتي مو ذاكره قوومي روحي الصالون خلصي اشغالج رنا بملل : ماله داعي باجر اروح مره وحده ام فهد : تعووذي من ابلييس ولاتفشليني قدام الناس رنا : هذا الي همج الناس والناس اما بنتج ومشاعرها عااادي ام فهد : بنتي مافيها شي بس تتدلع حشى تراج بتعرسين ما بتروحين تحاربين رنا ودموعها بدت تنزل : قاااااسيه قاااااسيييه طول عمرج ... موتحسييين فييها ام فهد : بلا سخاافه وكلام فاضي وقوومي تجهزي وروحي الصالوون طلعت وصكت البااب وراها رنا انهااااااااااااااااارت على السريييير تصيييح .. مستحيييل امهاااا قلبهااا ابد مايحححس مافي قلبها رحمــــــــــه قااااااسيه بشكل مو طبيعي عمرها ماسمعت عن ام بقاسوتها ااااااااااااااااااااااااا اه ياااارب انك تعووضني وتخلي لي راشد ويعوضني بحنانه _________________________________ في المستشفى .. نوور متمددة عالسرير و ماسكة الرموت و تفرر في القنوات بملل قناة ورى قناة و مب لايقة شي تجوفه ، تنهدت و اهيا طفشانة من قلللب مب عارفة شتسوي شوي و تعدل بجلستها بعد ما سمعت طرقات الباب دخلت ام ناصر : السلام عليكم نور مستانسة : و عليكم السلام قربت منها و باستها : اشلونج يا بنيتي اليوم نور: بعد ما ييتيني صرت بخير و الله تمللت من قعده المستشفى ام ناصر : يا عمري انتي ما بقى الا هاليومين و نجوف الدكتور بعد لو يقدر يطلعج قبل و يلا لبسي شيلتج خالج و ناصر بيدخلون نور: ان شاءالله عطيني ياها .. عطتها شيلتها و لبستها و قامت ام ناصر تناديهم دخلو عليها : السلام عليكم نور: و عليكم السلام هلا خالي " تجاهلت ناصر " ناصر اهني شوي و ينفجر !! بو ناصر : هلا ببنيتي اشلون صحتج الحين نور : الحمدالله بو ناصر حس انها ما عرفت بوجود ناصر : يا بنيتي ترى ناصر موجود معانا نور تستغبي : اووه صج مسامحه ناصر يا خوي ( و شددت عالكلمة) ما انتبهت ناصر و خلاص وصل حده و يكلم نفسه : هين يا نوور هين بس انا ارويج و تمو يسولفون و نور ما تخلو من نقزاتها لناصر و ناصر مو مقصر بعد *_* شوي و يدخل عليهم الدكتور قرب من نور الدكتور : ازيك يا نور عامله ايه دلوئتي ؟ نور : الحمدالله .. الدكتور : يعني مفيش اي تغير ماحسيتيش بصداع او نور او اي حاقه زي كدا ؟؟؟؟ نور واهيا فاهمه عليه بس تستغبى: لا دكتور ولاشي الدكتور : اهااااا الحمدالله على كل حال يا بنتي وان شاءالله يرجع لك بصرك عن قريب انا كنت متوقع ان بصرك يرقع لك بعد الي صار لكن الله كرييم نور و فيها الضحكة : الحمدالله على كل حال الدكتور : و نعم بالله و الحين انا حترخص اسيبكو براحتكو بو ناصر : لحظة يا دكتور متى نقدر نطلعها الدكتور : فحوصتها سليمة لو حبيتو تقدرو بعد المغرب تاخذوها نور متشققة : صجج مشكوور دكتور الدكتور : و لو دحنا بالخدمة يا ستي ( و طلع من عندهم ) بو ناصر : نوور يبه لا تيأسين ربج ماينسى عباده وان شاءالله نظرج يرجع لج نور: والنعم بالله ياا خالي واذا على النظر تراني مو مستعيله علييه ام ناصر : يممه شفييج يابنتي وفيه احد مايبي نظره يرجع له نور : هههههههه اكيد ابيه يرجع لي بس متى ما الله اراد يرجع بيرجع ام ناصر واهيا تدعي لها :يااااارب انك ترجع لها نظرها وترد مثل قبل نوور الشيطااانه نور: هههههههههههههههههههههه خااالتي لازم تفظحينا ام ناصر : هههههههههه مافيه احد غرييب يابنتي ____________________________________ طااحت عيينها على غــــرشه جزاااز كانت يمها خذتـــها بــــسرررعه واهيااا ترررتجف وتصيييح بصوووت عااااالي ورفعتها بتجـــــــــــاااهه واهيا مسكره عيووونها فــــــــــــــــــــــــ ــــــــــجأه !!!!!!!!!!! سمــــــعت صرررخت الافريقي : ااااااااااااااااااااااااا ه فتحت عيوونها شوي شوي وجافته طايح على الارض والدم حوالينه حطت يدها على حلجها ودموعها تمت تنزل بصمت مووو مصدقه انها اذبحت انسااان مستحييييييييييل اشسويييييييت اناااااا داااااااائما متهوووووره لكــــــــن لااااااااا الي سويييته صححححح اناااا دافعت عن نفسي كنت بضيييع وهذي احسن طريييقه ااااااااه يااااربي ما ابي اقعد هني وييييينك ياااا فييصل بالموووت حرركت ريولها ومشت لين باب الخيمه وطلعت تمشي بسررحااااان مو عارفه وييين ترووح اهم شي تشرررد من هالمكان صـــــدمت في شخص جدامها فيصل واهو يمسكها : رواااااااااااااااان وييييييينج انتي ويييين رحتي خوووفتيني عليييييييييييج روان : ...................... فيصل واهو قاطب حواجبه : رواااان انا اكلممممج روان: ..................... فيصل : ردددددي علي شصااار لج ليييش شكلج جذذذي احد سواا لج شي !! روان : صااااااااحت بقوووووووه وطااااحت على الارض من كثر الصياااح فيصل واهو يقعد على الارض يمها : رواااااان رواااااان شفييييييييييييج تحجي شصاااااااار روان : ااااااااااااااااااااه هئ هئ مـــ...اااا أدريي ذبــــــــــــــــ..حت وااااااحد فيصل : شنووووووووووووو ذبحتي واااحد روان : هئ هئ ايييي فيصل : شلووووووووووووون ذبحتيييه تكللللمي .. روان : ماااااادري هئ هئ هئ فيصل : انزيين لييييش روان : كاااااااان هئ هئ كـــااان بيعتـــدي علي فيصل من الصدمه وقف مكااااااان : شنوووووووووووووو روان (( تصييييح من الخووف )) فيصل : وييينه روان : في الخيمه فيصل حمل رواااان على كتفه ووداها الكوووخ ورد راح عند الخيااام يجوووف الي ذبحته فيصل واهو يدخل الخيمه ويسمع تأوهات العامل ... انصدددم : اووووووووف وقفت قلبي هالمينووووونه الحمدالله شكله راسه منبط بسسسس شغله عندي هالخسييييييس طلع من الخيمه ونادا واحد من العمال يساعده واهو رد الكووخ يجووف روااان المينوونه اشسوت بعمرررها فيصل : روااان خلااص تراااه ما مات بس انتي بطيتي رااااسه روان : ااااااااه ياايمه الحيين بيبون لي الشرطه فيصل : روااان تعوذي من ابليس ولا احد بيب لج الشرطه ولا شي وهذا الكلب شغله عندي اوريييه روان واهياا تمسح دموعها : ايييي راااوه شغله قلييل الادب فيصل : وانا جم مره قااايل لج ومحذرج ماتطلعييين من الكوووخ وانا مو ويااااج وران : اوووف انتي الثاني الحين لاتسويها قضيه رحت اتمشى تملللت وانت حظرتك ما ادري وين رايح ومخليني برووحي فيصل بعصبيه : لاااااااااااااا والله كل هذا مو باين في عينج كنتي بتضييعييين على يد هالكللب لووو مو رحمة ررربج جاان خلااااص رحتي فيها بس التهووور الي انتي فييه ما ادري وييين بيوصلج يااا روااان .. ومو كل مره تسلم الجررره خلهااا برووحها وطلع من الكوووخ _______________________________ الساعة 9 .. جافت ريم الساعة و قامت تتجهز عالسريع خذت لها توب ابيض عليه ميكي ماوس بالفصووص و و لبسته مع جينز و حطت لها شويه ميك اب كحل مع قلوس احمر و رفعت شعرها و لبست عبايتها الناعمة و ابدا ما كان لها خلق تتعدل خصوصا انها خايفة من الي بيصير بس مضطرة من هالشي مسحت دمعتها الي نزلت على خدها و عدلت شكلها و سحبت شنطتها و طلعت للسواق عطته العنوان و قعدت تتأمل الشوارع و تفكر شوي و توصل جدام العمارة نزلت و طلبت من السواق انها اول ما تخلص تتصل فيه و مشى دخلت العمارة و قربت من باب الشقة تنهدت و حست ضيقة بداخلها و الخوف هزها طقت الجرس و نطرت شوي و طقته مرة ثانية و رفعت راسها تتاكد من رقم الشقة و بنفس الوقت فتح سعود الباب و اهوة مستانس و يجوف جمالها الي اسره و نعومتها الي وصلته لهالحالة سعود : هلا بالحلوين حيااج دخلت ريم و اهيا تبلع ريجها من الخوف : هــ ــ ـ ـلـ ا سعود: اشفيج انزين خايفة جذي ترى ما باكلج قعدي ريم و اهيا تتظاهر بالقوة : مرتاحة جذي سعود بعصبية : اقوولج قعدي !! ريم يماا بخوف( قعدت و اهيا ساكته ) قعد يمها لاصق فيها و كلش ما في مجال تبعد عنه لانها قاعده على زاوية و تمت ساكته سعود و ياخذ له جقارة و يولعها و ينفخ فيها : بتمين مطوله ساكته ريم : شقول سعود : و لا شي بس ابيج تيين باجر مسوي حفله و ابي اعدل مزاجي و اليوم تركتج براحتج بعبايتج بس باجر لا سامعه و كمل يدخن ريم منصدمة ووقفت بعد ما استوعبت الي قاله : خــــييييييــــــــــــرر ررررررررررر !!!!!!!!!!! سعود ببرودة اعصاب : الي سمعتيه ريم و شوي و تصيح : بــ ــ س بــــس انا ما اقدر سعود : وقف مجابلها و ليش ان شاءالله ريم نزلت راسها : باجر عرس اختي ماقدر سعود : خلاص و لا يهمج الي عقبه غمضت ريم عيونها و دموعها تنزل بهدووء لاصق مالها مفر سعود كلش و لا دموعها و ما يحب يجوفها و اهيا ضعيفة قرب منها و مسك يدها و فتحت ريم عيونها و دموعها لحين تنزل من الخوف و قرب يده من وييها و اهوه ماسكها و مسح دموعها و باس يدها : هالدموع ما جوفها مرة ثانية سامعه ريم هزت راسها و ما تكلمت قربها لحضنه و لمها و ريم تقاوم بس مب تاركها ريم : بعد بعد و الي يسلمك يا سعوود انا مب من هالنووع وخر كفاية اني ييتك لا تسوي فيني شي اهىء اهىء اهىء بعدها سعود و باس جبينها خلاص هدي ما راح اسوي فيج شي و راح اتركج احين بس الوعد بعد باجر و لا تخليني اذكرج اشبسوي لو ما ييتي ريم : خلااص و الله فهمت و دموعها تنزل و بشهقة فهمت و طلعت بسرعة نهـــاية البــــــارت !! اتمنى انه يعجبكم و سوري عالتأخير بس وايد مضغوطين مع الدراسة و حابة اشكر كل متابعينا على تشجيعكم و متابعتكم لنا ما قصرتو ~ توقعاتــكم " الكل و الله الله بالتوقعات ما وصيكم " + اعجاب لو عجبكم ^_^ + تقييمكم لنا لو نستاهل و ان شاءالله البارت الياي بنفس هالوقت بعد من الاسبوع الياي نجوفكم على خير ~