حبك رسمك في ناظري وين ما أروح - الفصل 20 - بقلم Kramella ve Chocolita - مكتملة | روايتك

البــــارت 20 أمينة ما تقدر تتكلم غير دموعها الي عبرت ( و فجأة ) : لا لا مب معقولة انا "و طاحت عليهم حمد بصرااخ وتووتر : نادوووووو لي احد بســـــــــــــرعه !!! ما قدر ينتظر شالها و دخلها لغرفة فاضية و اهو حده خايف عليهاا فحصتها الدكتورة و ركبو عليها " سيلان " و خلوها ترتاح شوي الدكتورة : اخوي الحين اول ما يخلص المغذي بنجوف شلي يناسبها من علاجات خصوصا ان وضعها كمرأة حامل صعب علينا المهمة و اهيا بمرحلة متطورة فأبيك قد ماتقدر ترفع من معنوياتها وتصبرها لانه نفسيتها بتأثر على الطفل وعلى صحتها نزل حمد راسه هالخبر صدمه هد حيله مب مصدق ان فيوم من الايام يقوم و ما يلقى امينة !! أمينة كل رووحه و حياته اهيا سبب سعادته و فرحته ان راحت يروح وياها ترخصت الدكتورة بعد ما جافت حالته حمد قاعد وياها عالسرير و يمسح على راسها آآآآآآآه يا أمينة يا ليت الي فيج فيني و لا اجوفج تتعذبين قوومي اصحي جوفينا كلنا معاج و ان شاءالله بنتغلب على هالمرض بس لا تخلينه يغلبج احنا من دوونج هالدنيا ما نبيها تكفين اصحي فتحت أمينة عيونها شوي شوي و دموعها دمعه ورى دمعه حمد يمسح دموعها : لاا كل شي و لا هالدموع دمعتج غالية يا بعد قلبي خذاها بحضنه و خلاها تصيح تطلع الي بقلبها أمينة : خايفة يا حمد خايفة اهىء اهىء رااح اموت اكيد و الطفل الي ياما تمنيناه ما راح يلحق يعيش و حتى لو عاش ماراح اكوون موجوده له اهىء اهىء حمد : و الي يسلمج لا تقولين جذي راح تقومين و بتربين اعيالج ان شاءالله و لا تخلين هالشي يحبطج بالعكس نفسيتج فووق كل شي و ان شاءالله بتتعالجين ولا تيــأسين من رحمة ربج أمينة : اوكي بس اوعدني يا حمد ما تتخلى عني حمد يبوسها على راسها : اتخلى عن رووحي و الا اتخلى عنج أمينه بحزن : انزين ماسألت الدكتوره متى بتبدي معاي العلاج حمد : لاوالله ماسألتها الحين بروح اجوفها وانتي ارتاحي لين مايخلص المغذي طلع حمد من عندها وراح مكتب الدكتوره طق الباب ودخل حمد : مسامحه على الازعاج بس بغيت اسأل يعني متى بتبدون ويا زوجتي العلاج الدكتوره : لازم ننطر شوي لين مايثبت الحمل عندها توها في الشهر الاول حمد : انزين وشالحل متى يعني ان شاءالله الدكتوره : اهيا خلها اتييني عقب اسبوعين افحصها واتاكد من الجنين وان شاءالله لو كلشي تماام نبدى في العلاج حمد : ان شاءلله .. مشكوره دكتوره الدكتوره : العفو اخووي واجبنا طلع حمد من عندها ورد حق امينه ونطرها لين مايخلص المغذي وردو البيت ________________ على العشا عند شهد ام شهد : شهد يمه اشفيج ماتاكلين شهد : ..... لارد ام شهد : شـــــــــــهد شهد: هلا هلا يمه بغيتي شي ام شهد : صارلي ساعه اناديج وين سرحانه شهد : ههه لايمه مافيه شي بس شوي تعب من الشغل ام شهد بدون تصديق : اييه الشغل .. يالله سمي واكلي شهد : ان شاءالله امممم يمه غزلان شخبارها ام شهد : علمي علمج والله من يوم ماراحت ما اتصلت شهد: انزين ماتعرفين عنوان الي تشتغل عندهم ام شهد : الا اعرفه .. بس اشتبين فيه شهد : اممم ابي اطلع رقم البيت واكلمها ام شهد : انزين خلنا نخلص العشا واعطيج ياه شهد بابتسامه : ان شاءالله عقب ماخلصو من العشى شهد واهيا يايبه وياها ورقه وقلم شهد : يالله يمه عطيني العنوان ام شهد : عطيني الدفتر الي يم التلفون قامت شهد ويابت التلفون ام شهد واهيا تدور وين كتبته : حصلته يالله سجلي فهد سالم الــ... فلا 111 طريق 435 شهد: مشكوره يمه قااامت من مكانها وعلى طوول دخلت غرفتها واتصلت على زياد بس كم رنه رد عليها زياد : الووو شهد : السلام عليكم زياد : وعليكم السلام .. هلا شهد اخبارج شهد : الحمدالله .. يبت لك العنوان زياد واهو مبتسم : انا الحمدالله بخير شهد انحررجت بقوووه وماعرفت شتقول : احممم ايه صح دووم زياد : هههههههههه انزين يالله عطيني يااه عطته العنوااان زيااد مو قادر يستوعب زياد : مشكوره شهد على هالخدمه ماراح انساها لج شهد : ولو اخ زياد غزلان مثل اختي واي وحد في مكاني بتسوي الي سويته زياد : مشكوره مره ثانيه شهد : العفو .. مع السلامه زياد : الله يسلمج سكر مبايله وتم يجوف الورقه الي كتب فيها العنوان والاسم زياد " لاااااااا موووو معقوووله انا اتخيل ولااا شلوووون مستحييل عند فهــــــــــد يعني طووول هالوقت خاشها عنده ويلعب عليييينا ولا حتى قالنا انها عنده .. كفس الورقه بيده بغضــــــب .. اناااا اوريييك يالـ... استغفرالله ااااه ياربي شااسوي الحين عسى بس ماسوا فيها شي اااااااااه راااسي اخذ مبايله واتصل في سيف سيف: مرررحبا مليوووون ولايسدن في ذمتيييه زياد : هههههه مرحبا اخبارك سيف : تمااام الحمدالله .. وانت اخبارك زياد بهم : اااااااااااااه ياا سيف مووو بخيير سيف واهو يقطب حواجبه : خيييييير شصاااير زياد : اااااااه تخيل اختي سيف : شفيييهااا ؟؟ زياد : اتصلت فيني شهد وعطتني العنوان سيف زفر براحه : الحمدالله يااااا شيييخ خووفتني عبالي صاير شي لها زياد : الااا صااير لها واكيد صاير لها سيف : شلووون مافهمت زياد : سييف ما اقدر اشرح لك في المبايل تعال لي البيت سيف : ان شاءالله مسافة الطريج واوصل لك دقايق والا سيف واصل اتصل حق زياد عشان ينزله دخلو الميلس سيف: عسى ماشر .. شصااير زياد علمني زيااد : اااااااااااه يا سيف اختي طووول هالمده الي ندورها فيها تطلع عند خطيبها سيف : هااااااااااااااا شلووووون زياد : اااااااااااه وهذا الي ذابحني تخيل يوم عطتني شهد العنوان انصددمت ماعرفت شاسوي اكييد معذبها هذا واحد مايخاف ربه بس ابوي الله يهدااه رمى بنته علييه سيف قام وقعد يم زياد وطبطب على جتفه: معله ياا خووي كلشي ينحل زياد واهو حاط راسه بين يدينه : وشلوون ينحل قووولي مو عارف شااسوي سيف : زياد قوووم نام الحين ومن اصبح افلح انا باجر بمرك الصبح وبنروح لها زياد رفع راسه : شلووون نروح لها سيف : انت الحين رووح ريح لي باجر اقولك زياد : ااااه ان شاءالله .. سامحني طلعتك من بيتكم هالحزه وكدرتك ويااي سيف : زياااد اشهالكلام بس ماهقيتها منك انا اخوووك ورفيييجك لو ماساعدتك من بيساعدك زياد : ماتقصررر يااا خووي سيف بابتسامه : يالله انا بروح وانت روح ريح زياد : ان شاءالله _________________________ في المستشفى تحديدا في غرفة نور .. فتحت نور عينها شوي و شوي ... ااااااااااااه رااااسي مااااصدقت فتــــــــــــــحت عيوووونها على الآآآآخر انــــــــــا في حلم ولااااا علم الي قاااعد يصيير حقييقه ولا خياااال تمت تتلفت و تجوف الغرفة دار ما دارها آآخ اشقد هالشعوور حلوو الحمدالله ياربي لك الحمد و الشكر الي رجعت لي بصري الحمدالله سمعت حس الباب ينفتح بهدوء و عزمت بداخلها ما تعلم احد انها استردت نظرها تبي تجوف اشلون الكل كان يعاملها و نظرتهم لها دخل ناصر الغرفة و اهوه يجوف نور صاحيه بس الشي الي ما كان يعرفه انها قاعدع تجوفه نور بقلبها :آآه يا ناصر شقد وحشتني استوعبت الوقت و المكان و ليش يايها من الاساس نوور : من مووجود بالغرفه و اهيا تحرك نظرها بكل ارجاء الغرفه ناصر : لا رد نور ياربي شفيه ذي : من الي دخل مو تجوفوني عميه تسكتوون من !!! ناصر قرب و جلس بالكرسي الي يمها بكل هدوء و اهوه يتأمل ملامحها نور : من و شتبووون ترى و الله لا علم عليك المستشفى فترة هدوووء سكوت بين الطرفين نور بحيلة : اوف ياربي شفيني قمت اتخيل و اسمع اصوات و اهيا تحط يدها على ويها وقف ناصر و اهوه يحرك يده على خدها : لا يا الغاليه ما يتخيل لج نور : ناصر !! ناصر : عيوون ناصر و رووحه نور : اشتبي انت شمييبكم وخر و الي يسلمك اطلع ناصر : لا يا نوور مب طلع قبل لا نتفاهم نور : شنتفاهم عليه و ترى انا مخطوبه ما يحق لك الي تسويه ناصر بثقة : هالخطوبة اصلا ما راح اتم نور بنرفزة من كلام ناصر : موو بكيفك سامع و راح اتزوجه ناصر : اي هين بنجووف ههه و طلع من الغرفة و براسه مليوون مخطط يبي ينفذه عشان يفك هالخطبة هين يا نوور ما كون ناصر ولد ابوي لو ما صرتي على ذمتي اما نور فهيا لحد الحين مب مصدقة الي صار : كل الي يسويه ناصر يدل على حبه لها بس شعقبه يا ناصر شعقبه و بعد كلامه هذا مستحيل اخذه بس ليش كل هالثقة فكلامه اوف اووووف اوف خلا انام احسن لي و ابعد هالتفكير عن راسي ______________________ عند ريم .. جالسة على سريرها و ماسكة بأيدها كتاب و تقرا و اهيا مندمجة قطع عليها صوت تلفونها جافت الرقم انصدمت !! هــــذا الرقم ماتنساااه اهووو الي عذبهاااا سعـــــــــــــــــــــــ ـــــــــــــود !!! هذا شمطلعه بعد هالمده ياربي شسوي من وييين ياااب رقمي انا مغيرته و ما ردت و كملت قراية و بالها مع سعود شيبي و ليش متصل ؟؟ شوي و يرد يتصل ريم : اوففف لي متى ان شاء الله ليكون غصب و سكرت الخط و رد اتصل مرة و مرتين و 3 و ريم كل مرة يتصل فيها اما تتجاهله او تسكره 5 دقايق على هالحال و عقب وقف اتصالاته مرة وحده ريم : مما بغيت اخ سعوود و رمت جوالها و كملت تقرا و سمعت رنة المسج عصبت و رمت الكتاب وفتحت الرساله استغربت بس يوم فتحتها طاح التلفون من يدها !!!! صـــــــــــــــــــدمه صــــــــــــــــــــــــ دمه صــــــــــــــــــــــــ ــــــــــــــــدمه صــــــــــــــــورتي اناا صوورتي !!!!!!!!!!!! شوصــــــــــــــــلها عند هالنذل ( و نزلت دموعها خوف من الي راح يصير لها اكيد ما راح يفكني و خصوصا ان عنده صورتي ) << بلاج ما تدرين شعنده بعد هههه كلها ثواني و يوصل المسج الثاني فتحته هلا و غلا بحبيبة سعود شخبارج ؟ افا ما هقيت كل هالقطاعة بس حبيت اخبرج راح اتصل و ان ما رديتي تحملي الي يصير و اتمنى ان الصورة الي طرشتها اعجبتج و بصراحه احتاريت شطرش من كثر الي عندي هههههههههههه ريم بهاللحظة محد يقدر يوصف شعورها شقول لكم بس ماسكة التلفون و تصيح و ما تعرف شتسوي خصوصا ان الوحيده الي كانت واثقة فيها غدرت فيها و اهيا الي وصلتها لهالحالة حست بالتلفون يهتز بيدها مالقت غير انها ترد عليه ريم وتحاول تخلي صوتها طبيعي عقب الصدمه والصياح : الو سعود : يا حـــــــــــي هالصووت ريم : ... سعود : افا الحب ساكت ريم ( بتوتر ) : لو سمحت خلصني و قول شتبي سعود : لا لا لا ما اتفقنا على جذي و بعدين ورانا مشوار طويل خصوصا بعد هالغيبة ريم (تصيح ) : قولي جم تبي اي شي بس فكني و الي يسلمك فكني اهىء اهىء سعود : جووفي هالدموع و هالحركات ما تمشي معاي باجر الساعه 9 في نفس الشقة الي رحتي لها اخر مرة و ان ما جفتج ما راح يحصل لج طيب و اول شي راح يصير هالصور بتوصل لاخوج بس مب جذي و فوق هذا شوية تعديل و بعدين ترحمي على روحج ههههههههههه ريم بقهـــــــــــر : نذل و ربي نذل و سكر الخط بويهها عند سعووود قااعد وبيده الجقاره يشفطها ويرد يطلع الدخان من حلجه بهــــدووووء " صــــبري علي يااا ريم ان ما ادبتج وخليتج تبوسين ريولي مااا كون سعوووود " _________________________ سيف و اهو في طريجه راجع البيت حب يساعد صديقه و اخوه زياد اتصل لواحد يشتغل عنده سيف : الو هلا محمود محمود : هلا طال عمرك سيف : بغيتك بخدمة صغيرة محمود : انت تامر طال عمرك سيف : ابيك تاخذ وياك واحد من معارفك تكون واثق فيه و تراقب لي شخص بعد شوي بطرش لك اسمه عنوانه و مكان عمله و ابيك تطلع لي كل شي يخصه وين يروح ووين ايي و متى بدخل و يطلع من بيته مفهوم ؟؟ محمود : ما طلبت و اعتبره تم سيف : و انا ما اتصلت فيك الا و انا داري انك كفو يلا بالاذن و احين بيوصلك العنوان و حاول تعجل لان السالفه ضرورية وراقبه من اليووم والباجر من يطلع من بيته خبرني محمود : ان شاءالله مع السلامة وصل سيف البيت بركن سيارته و نزل و الساعه حوالي 12 و نص بليل دخل البيت و جاف امه قاعده سيف : السلام عليكم ام سيف : و عليكم السلام و الرحمة هلا ولــــدي باس سيف راس امه : طمنيني عنج يا الغالية اشلون صحتج ام سيف : الحمدالله على كل حال سيف : يا يما لي متى بتمين على هالحال روان ماهي اول و وحده تموت و كلنا ماشين في هالطريج لا تعذبين حالج مب زين لصحتج ام سيف و دمعتها على خدها : و الله مو بيدي قلبي حاس انها لحين عايشة بنتي مااا ماتـــــــــــــت ما ماتت سيف : استغفر الله انزين يما هدي و قومي وياي ارتاحي و من اصبح افلح نتفاهم بهالموضوع باجر قامت ام سيف رايحة لغرفتها و اهيا بهالحال كل يوم سهر و تفكير و قلبها على بنيتها >> و قلب الام ما خاب بس متى يترجع لحظنها طفى سيف الليتات و ركب لغرفته ياخذ له شور سريع و ينام بعد هاليوم الطويل ______________________ عند روان عقب ماردت من صوب الخيوول دخلت الكووخ وطلعت لها ملابس من شنطتها ودخلت الحماام " اكرمكم الله " تاخذ لها شوور دقايق الا واهي طالعه نشفت شعرها و مشطته ورفعته ولبست كاب وطلعت من الكوخ تتمشا الوقت كان متاخر فلييل وماحست بنفسها واهيا تبعد عن الكوخ واااايد ووصلت في نص المزرعه فااقت من سرحانها يووم التوت ريلها و بغت تطيح تمااسكت ويودت الشجر هالي يمها روان واهيا منصدمه : يييييييييييييمه وييييين وصلت اناااااا مشيييت كل هالمسااافه وانا ماااادري بسسم الله الحين شلووون ارد فييصل محذرني ما ايي هنا برووحي مشت تبي ترد الكووخ لكـــــــــــــــــــــــ ــــــــــن فجــأه !!!!! . . . . . . . اصـــدمت في شي خلاها تفقد تواازنها صررررخت بكل قووتها يوم جااافت هالآدمي جداااامه آآآآآآآآآآآآآآآآآآآآآآآآآ آآآآآآآآآآه يييييمه ريااال ضخمم طويييل واسوود واسنااانه صفررر مبتسم لها ويقرب منها يبي يمسكها رواان واهيا متخرعه : لااااااااااااااا تقرررب تـــــــــــــرى والله مايحصل لك طييييب طبعا الريال مو فاهم اصله افريقي من العمال الي يشتغلون في المزرعه وقاعد يرطن عليها بلغتهم ويمد يده لها ويقرب منها رواان بخووف : ييييييييييييييييييييييييي يييييمه فيـــــــــــــــصل الحــــــــــــــــــــــ ـقــــــنــــــــــــــــ ـــــــــــــــــي الريال يقررب منها وبحرك سريييعه شالها على كتفه رواان واهيا تطقه بكل قووتها وتشووته بريولها .. نــزلــــــــــــــــــــ ـــني ياااااا خااااااااااااااااايس نـــــــزلني لااااااا اذبحك << تقصين على من انتي قاال اذبحه قال ههه :p لكــن الرياال جثثثه ماااايتأثر بـــــشي اببببد مشااا فيها لـــين سكن العمااال ودخل فيــــها الخيـــــمه وروان تصررررخ بكل قووتها لكن وييين مافيه فاايده مافيه احد يسمعها وفيصل ماتدري ويينه من عقب ماكانت وياه راح قال عنده شغل نزلها على فراااشه وراح عند باب الخيمه يسكره روان فززت من مكااانها وتلفتت حوولها تدوور على شي يحمييها منه ماتقدر تتصرف عقلها ووقف بتـــــــــــظيع على يد هالخااايس لاززم تتصرف وتطلع رووحها من هالمشكله جافته خلص ولف علييها يفصخ تيشيرته لاااعت جبدهااا شهــــــــــقت وتمت تصيــــــح بقووووه طااحت عيينها على غــــرشه جزاااز كانت يمها خذتـــها بــــسرررعه واهيااا ترررتجف وتصيييح بصوووت عااااالي ورفعتها بتجـــــــــــاااهه واهيا مسكره عيووونها لكـــــــــــن فــــــــــــــــــــــــ ــــــــــجأه !!!!!!!!!!!. _________________ عـــند عمر قاعد في غرفته موو قادر ينااام النووم مجاافيه من بعد جوفة ريـــــم .. يبي ينساها لكــن جوفته لها حركت مشاعره وخصووصا نظراتها له وعيوونها الي غرررقت بالدمووع يوم جافت ويااه أخـــــته .. اااااااااااااه ياااا رييم لييش ماخليتيني افسرر لج من الي معاااي .. ولكــــن احــــسن مافسرت لها لازم ابتعد عنها ما ابي يصيبها خطر اااااااااااه ابي اسمع صوووتها وبدون تردد اخذ مبايله وكتب رقمها الي حافظه وتوه بيسوي اتصاااال ياااته مكالمه عمر : الووو ...: هممممم عمر يااا عمر ترااااك اذيييتنا ولووعت جبودنا احسن لك تبعد عن طرييجنا ولااا ترى ولا اقوولك ما بكمل كلامي لانك تدري شبيصير عمر بستهزاء : ههههههههههههه اممممم واذا مابعدت عن طريجكم .. تراك تعرف من اهو عمر .. انا وااحد مااا استسلم ومستحييل اخليك تنفذ الي تبييه فاااااااااااهم انااا بااايعها بااايعهاااا وماعندي شي اخاف علييه صج نااااس ماتستحي وماتخاااف سكر الخط في ويهه ونبطح على السرير ااااااااااااه يااا رييم مااا اقدر اصارحج بمشاعري واعشمج بشي وانا معررض للخطر واعرضج وياااي هذوولا ناس ماتخاف الله نـــهاية البــــااارت توقعاتكم لكل شخصيه .. أمينة + حمد ؟؟ شـــهــد ؟؟ زياد ؟؟ سيـــف ؟؟ نـــور + نـــاصر ؟؟ ريـــم + ســعود ؟؟ عـــمر ؟؟ روان !!!!!؟؟ فيصل ؟؟ بليـــــــــــــــــــز الكل يتوقع و لو برد بسيط و توقع للشخصيات ^_^ خاطرنا برد و توقعات تبرد عالقلب لا تخذلونا ;$ تقييـــمكم + اعجاب لو حبيتو البارت و جفتوا ان احنا نستاهل ~ نجوفكم على خير الاسبوع الياي بمثل هالوقت ..