حبك رسمك في ناظري وين ما أروح - الفصل 19 - بقلم Kramella ve Chocolita - مكتملة | روايتك

البارت 19 طلع من الحمام (( اكرمكم الله )) واخذ مبايله وراح على اسم شهد الي سيفه وضقط على اتصال شهد : الوو زياد : السلام عليكم شهد: وعليكم السلام من معاي ؟؟ زياد : انا زياد اخو غزلان شهد: زيااد اييه ياهلا زياد: هلا فييج بس حبيت اسمع منج سالفة غزلان واشلون عرفتي انها اختي شهد : يوم كنت في المستشفى وكان وياك واحد كنتو واقفين عند الصيدليه كنتو تسالفون وانا كنت واقفه وشدني اسم غزلان وحسيت انها اهيا نفسها لانه نفس القص هالي صارت والاسم نفسه وخصوصا انه اسمها غريب مستحيل يصير تشابه قصص واسماء في نفس الوقت فعرفت انك اخوها زياد : انزين والحين اهيا ويين شهد : في بيت ناس تشتغل عندهم زياد عصب: وشلون تشتغل عندهم ليش ماخبرتكم عنا شهد: اهيا فقدت ذاكرتها من عقب الحادث حتى اسمها ماتذكره بس انا عرفته من السلسله الي كانت عليها زياد : اييه اهيا دوم كانت تلبسها انزين عندج عنوان الي تشتغل عندهم شهد : ايييه عند امي باخذه من عندها وبعطيك ياه بس اهيا الحين محد لو ردت بتصل فيك وبعطيك زياد : انزين بس الله يخليج لا تبطين علي شهد : ان شاءالله زياد : مع السلامه شهد : الله يسلمك ______________ في كوفي كاريبو .. طلبو لهم و التفتو يرجعون مكانهم لاكن !! ريم(بصدمة) : عمر !!! عمر ( مو مصدق الي يشوفه ) : ريم !!!! ريم و الدموع تتجمع بعيونها : معقولة الي قاعده اشوفه عمر لا لا هذا مو عمر اكيد مشبهه فيه بس لا اهوة عمر و لا كيف عرفني و اصلا اشلون ما عرفه و انا حافظته اهوة نفسه عمر الي ما نام الليل و انا ا افكر فيه عمر الشخص الوحيد الي حبه سيطر على مشاعري ! الوحيد الي قدر يدخل هالقلب و ما حبيت غيره ليش ليـــــــــــــــــــــــ ــش ليش انا يصير فيني جذي !!!! افكر فيه و اتصل فيه و احاتيه و ما يرد و اثاريه متزوج شناقصني شذنب قلبي الي تعلق فيه لا ليلي ليل و لا نهاري نهار من الي صار و من يومها و اهوة في بالي و اخرتها متزوج !!! اتوقعها من الكل الا اهوة اشلون و متى اكييد ما طلب اني ابعد الا عشان يتزوج عمر : من وين طلعتي يا ريم اشهالصدفة الي جمعتنا بنفس المكان اشمعنى انتي معقولة الي يصير و انا احاول قد ما اقدر اطلعج من بالي خايف اكون حبيتج ... آآآآآه بس ليش هالنظرات الي تشوفني فيها و الدموع متجمعه بعيونها في اي لحظة راح تنزل معقولة تحبني و مشاعرها مثل مشاعري بس انا ما ارد عليها خايف عليها ليش تجوفني بهالطريقة معقولة عبالها ان الي معاي تكون !!!!!!!!!!!!!!!!!!!!!! و توه عمر بينطق و بيفسر لها منو الي معاه : ر.. التفتت ريم بسرعه متوجهه لطاولتهم و الدموع انزلت ما قدرت تسيطر عليهم اكثر من جذي الشخص الوحيد الي تعلقت فيه طلع ( ما قدرت تقولها ) وواصلت طريجها لاختها في الطاولة و اهيا تصيح ريم : رنا قومي قومي بسرعه مالي قعده بهالمجمع اهىء اهىء رنا خايفة على اختها : حبيبتي اشفيج شصار لج ليش تصيحين ريم : ما اقدر اتكلم بس خل نطلع و الي يسلمج ما اقدر اجوفه ما اقدر و ضمت اختها و تصيح رنا : خلاص بس هدي موب زين الي تسوينه بنفسج و لا تنسين ان احنا بمكان عام يلا نروح ريم ما ردت و تمت تصيح و اهيا تبتعد عن حضن اختها اما عمر فهو لما الحين مصدوم واقف في مكانه ... : عمر عمر عمر : هلا ... : يلا نقعد ؟ عمر : يلا يبي الصينيه عنج انا اشيلها ... : اوكي يلا جوف ذيج الطاولة مناسبة راحو قعدوا و سرح عمر بافكاره و بهالصدفة الغريبة ـــــــــــــــــــــــ روان : اممممم يعني ممكن اخر سؤال فيصل .. واهو يطالعها بنص عيين : يااكثر اسالتج يا روان يالله سالي واجوف اخرتها معاج روان : اممم صور من الي معلقين في مكتبك ؟؟ فيصل : اهااااا الصوور ... اقووولج قوومي وياااي روان : ويين فيصل : قووومي انتي الحين وبتعرفين روان : اوووكي فيصل : يالله ياااا رواااان سلللحفاااه بسررعه امشي روان : اووووه فيصل ريولي تغرز في التراب ما اقدر امشي بسرعه فيصل واهو يقرب منها : اهااا عيل اشيلج احسن بنوصل بسرعه روان بعصبيه : نعم نعم شنوو قلت ماسمعت اقوول يالله امش جداامي فيصل واهو يدزها من كتفها: هههههههههههههههههههههههه هههههههههههههه هبله روان بهمس بينها وبين نفسها : ما اهبل غيرك كرييه واحد فيصل واهو فاتح عيونه : هااااااااااااااا سمعتتتتتتتج انااااا اهبلللل ياا رواااانووو انا اورييييج شالها بسرعه وعلقها على جتفه وركض فييها روااان : بصرااخ : هيييييييييييييي يااااا مينوووووون نزززززلنييي بطيييييييييييييييييييييح اقووولك نزلنيي فيصل : ههههههههههههههههههه علشان تقولين اهبل مره ثانيه وبعدين اصلا وصلنا نزلي روان : اووووووووووووووف اخرررر مره لك فااااهم فيصل : ان شاءالله عمتي دخلوو المكان روان : تدري المكاان روووعه ماتخيلته جذيه كان على بالي انك مجرم او مروج خمور او اي شي بس ماخطر على بالي يكون جذيه فيصل : بااااااااااال هههههههه مجرم ومروج مره وحده روان : اييه كله منك صاك الباب ولا تخلي احد يدخل قلت خلااص اكيد فيه مصيبه فيصل : ايه وانتي لازم تكتشفين شنو المصيبه واكتشفتي طبعا روان : اييه بعد لااازم ههههههههه دخلو المكتب فيصل : امممم من تتوقعين الي في الصور روان : والله ما ادري حاولت اتوقع يوم دخلت ذيج المره بس ماعرفت قلت يمكن هذي زوجتك فيصل : ههههههههههههههههه زووجتي مره وحده روان : وانا اشدراني عااد خمنت فيصل : انزيين يا ام تخمين وهذا الياهل روان : قلت يمكن ولدك فيصل : امممم يمكن روان بصدمه : ولــــــــــــدك !!!!! فيصل : ماشاءالله عليج ماتم شي ماجفتيه في المكتب كلشي فتحتيه روان : ولـــدك؟ فيصل : وليش تبين تعرفين روان : هاااا لا بس جذي فضوول لا اكثر ولا اقل فيصل ((اااااه ياروان والله احبج)): انزين امممم هذي المره الي لابسه حجاب امي وهذي الي بدون حجاب اممم هم امي بس يوم كانت صغيره روان : اهاااااا يعني هذا الولد مو ولدك فيصل : ههههههههههه ملقوووفه واذا قلت لج انه ولدي روان شوي وتصيح : هااا ولدك ايه اوكي فيصل : شنو اوكي روان : ولشي فيصل : هههههههههههه ارتااحي مو ولدي هذا انا يووم صغييير جوفي شحلاتي اييييننن روان ((اوووووف طيح قلبي)): وااااااااي وااايد واااثق هههههههههههههه بس صج اتيييينن يوووم صغيير كيووووت خاطري افرص خدووودك فيصل واهو يطالعها بنظرات طفوليه : والحين بعد اينن طبعا و يالله تعاالي فرصي خدوودي روان بنص عيين : يااااشين الثقه يوووووووم صغيير موو الحيين فيصل : هههههههههههههههههههههه يحليلج روان : هههههههههه فيصل : يالله امشي براويج فرسي روان : يالله واخذها تجوف الحيوانات الي عنده _________________________ وصلو للمستشفى و دخلوها قسم الطوارىء و بو ناصر و ناصر و ام ناصر ينتظرون الدكتور يطمنهم بعد نص ساعه طلع الدكتور فز بو ناصر من مكانه : بشرنا يا دكتور ؟ الدكتور : لا تطمن الحمدالله اهيا بخير لكن احنا شاكين من شي ام ناصر : انزين من شنو شاك ؟ الدكتور : كل خير .. لكن ما اقدر اقول قبل لاتصحى و اتاكد بو ناصر : اوكي بس يصير ندخل نتطمن عليها الدكتور : اكيد تفضلو دخلت ام ناصر ووراها بو ناصر و ناصر خايف و يحس بالذنب شافها كيف نايمة و كأنها ملاك و ابرة السيلان في يدها و ما تحس باحد قعدت ام ناصر في الكرسي الي يم سريرها و تمسح على راس نور و تقرا عليها ناصر بقلبه : انا اشلون اسمح انها تتزوج مستحيل نور لي لو مهما يصير مستحيل اخلي الحقير الي متقدم لها يستمتع بجمالها و بعدين انا احق فيها بس للاسف وايد تاخرت و لازم افك هالخطبة باي طريقة خصوصا ان الوضع استصعب بعد ما عطاهم ابوي الموافقة اووووف (و تنهد بقوة ) رفع بو ناصر ويهه لولده باستغراب : اشفيك انت اليوم منت على بعضك ؟؟ ناصر : لا لا ما فيني و بعدين بروح البيت برتاح بو ناصر : و احنا رايحين معاك مالنا قعده لازم ترتاح ام ناصر : بس يا بو ناصر البنت لحالها اخاف تقوم و تحتاج شي و محد حواليها بو ناصر : النرس موجودين و لو بيصير شي لا سمح الله بيبلغونا يلا و قامو كلهم و توجهوا للبيت يرتاحون اما ناصر فما قدر يغمض له جفن تعب من التفكير و خذ مفاتيحه و توجه للمستشفى وصلو رنا و ريم البيت رنا : ريم ريم وقفي ( و مسكتها ) ما تركبين غير لما تقولين لي شفيج شصادج مرة وحده !! ريم و اهيا تصيح : وخري عني مابي اتكلم لا تتدخلين ( نزلت يد رنا عنها ) و ركبت فووق بسرعه و دموعها تاخذ مجراها رنا : اووووف ... استغفر الله بس و توجهت للصالة و جلست عالسوفا و خلت الاكياس يمها شوي و جافت امها واقفة على راسها رنا : اهلين ماما من متى رجعتي من السفر ام فهد : اهلين و الله الصبح ما طولت يومين و رديت رنا : اهاا ماما حابة تجوفين اشريت ام فهد جلست بالسوفا الي جدامها بملل : نجوف فتحت رنا كم كيس و طلعت الي فيها و روت امها الملابس ام بفهد و اهيا مبطله حلجها : شنو هذا رنا مو فاهمة شي : ملابس شنو ؟ ام فهد : شنو انتي ناوية تفشلينا انا بنتي تلبس هالملابس ناوية تنزلين رووسنا بالقاع !!!!!!!!!!! رنا : شنو يما لهدرجة مو حلوين لهالصراخ !! ام فهد وقفت : سمعيني يا رنا و حطي كلامي حلقة باذونج هالخلاقين عطيها الشغالة تبرعي فيها ما تهمني اما انج تلبسينها و يقولون شوفو بنت الــ .... اشلابسة ما اسمح لج و من باجر انا راح اطلب لج كل شي على ذوقي و تصرفي بالي عندج و ما اجوفهم مرة ثانية بعد هاي الي ناقص وعع ( و مشت بغرور تشرف عالخدم و تكمل اشغالها الي ما تخلص ) اما رنا فبعد هالكلام تحطمت نفسيتها بدال لا امها تروح وياها و تساعدها باختيارها وتنقي لها شنو الاحلى تحطمها و تفشلها و بعد هالمعاناه و كل هذا تقول اشهالملابس امي ما قط سمعت منها كلمة حلوة ودي بس تاخذني بحظنها و تكلمني و تسال عني تنصحني اي شي بس ليش دايما تقسى علي ليش !!!!!! و لا فوق كل هذا خايفة على برستيجها و سمعتها و بس !! و انا بنتها وين رحت ما تهمها فرحتي تبي كل شي بمزاجها و الي يناسب طبقتها اهىء اهىء اهىء ( غطت و يها و كملت بكاءها ) __________________________ فهد : اهاااا انزين ممكن اجوف الفيديو سعود : ههههههههههههههههههه...... . . . . . . . . . . . سعود : لاااا لااا طبعاا موو الحيين اصبر علي انت وبتكون اول واحد تجوفه لو ماصارالي ببالي فهد ظربه على كتفه : ايييي لااازم انا اوووول وااحد سعوود غمز له : اكييييد ... الاااا شراايك بكااس يعدل مزاجي ومزاجك لانه شكلك مو رايق اليووم فهد : اييي والله يبييله سعوود واهو ينادي واحد : كااااسييين يالحبييب سعود : الا شراايك في هالبنت فهد : عذاااااب سعوود : عاااد انا كنت يايبها ليي بس يالله اعطيها لك عربوون صداقتنا فهد : ايييي هذااا الصدييق العدل سعوود : ههههههههههههه اعجبك ـــــــــــــــــــــــــ ـــــ الساعه 2 الظهر عند حمد رجع من دوامه و اهوة حاس بتعب من كثرة الشغل دخل البيت جاف مريومة حمد : يا هلا و غلا الحلو ليش قاعد ه بروحه وين ماما عنج ؟ مريومة وتتعلق فيه وتبوسه : اهلين بابا .. ماما بغرفتها ما جفتها اليوم حمد قام متوجه لغرفه نومهم و اهوة يكلم نفسه : معقولة نايمة لهالحزة !! فتح الباب و جاف الغرفة ظلام و المكيف بارد !! فتح الستاير و قعد يم أمينة في السرير يحاول يقعدها لان مو من عوايدها كثرة النوم حمد : امينة امووونتي أمينة بانزعاج و تتقلب : ابي اناااااااااام حمد : اي نوم بسج الساعه بتيي 3 و بعدين انا شتغدى اليوم أمينة بكسل و تفرك في عينها تحاول تصحصح : خلاص حمد طلبو لكم اي شي و الله تعبانة حمد : اوكي انا الحين قايم اييب غدى من المطعم الي يمنا برجع و ابي اجوفج مجهزة كل شي اوكي ؟؟ أمينة بزعل : خلاص اوكي اوكي ( و اهيا قايمة من السرير ) بعد نص ساعه .. جهزت امينة السفرة و كل شي و اهيا للحين تحس روحها خملانة وصل حمد : السلام عليكم أمينة : و عليكم السلام حط الاكل في الطاولة و أمينة من شمت ريحه الاكل بدت جبدها تقلب عليها حمد و اهوة يفتح الاكياس و يطلع الاكل : اشفيج !!! ويهج مصوفر شكلج مريضة امينة خلاص مو قادرة تستحمل ركضت لغرفتها بسرعه ترجع ( و انتو بكرامة ) حمد ترك الي في يده و راح لها بسرعه و هوة خايف عليها جافها تطلع من الحمام ( تكرمون ) قام لها بسرعه حمد : اشفيج ليش منتي على بعضج اليوم ؟؟ أمينة : مادري و الله بس تعباانة حمد : يلا لبسي عبايتج و بنوصل مريوم بيت امج و اوديج المستشفى أمينة : لا لا ماله داعي برتاح و بصير احسن لا تكبر السالفه خلاص حمد : لا خلاص و لا شي سمعي الكلام و يلا جدامي وصلو المستشفى بعد ما وصلو مريومة بيت يدتها جلسو في قاعه الانتظار لين يوصل دورهم نادو على اسمها و سحبو منها دم و جلست تنتظر قالو لها بعد نص ساعه تطلع النتيجه ما حبت تروح و ترجع مرة ثانية فانتظرت مع انها شاكة كلها نص ساعه و طلبتهم الدكتورة بنفسها بعد ما وصلت ورقة التحليل من المختبر دخلو عليها بعد السلام و جلسو مقابلها الدكتورة : انتي أمينة أمينة : اي نعم الدكتورة و ويها ما يبشر بخير ابد !! حمد : طمنينا عسى ما شر الدكتورة : ما شر بس في خبرين امينة و حمد بصدمة : خبرين !! الدكتورة : اول شي يا انسة امينة انتي حامل و الف مبروووك امينة ما فرحت وايد من خوفها للخبر الثاني : يبارك فيج و حمد هم استانس بس اثنينهم بانتظار الخبر الثاني ! الدكتورة : اما بالنسبة للخبر الثاني ياسفني اني اخبرج بهالشي بس لازم تعرفين لانج بحالة مطورة من المرض و لازم تلحقين على عمرج و انتي اكيد ما عندج فكرة انج مصابة بالسرطان !!!!!! حمد بصدمة : السرطااااااااان !!!!!!!!!!!!!!!!!!! أمينة ما تقدر تتكلم غير دموعها الي عبرت ( و فجأة ) : لا لا مب معقولة انا و طاحت عليهم ______________ عند رنا عقب ساعه من الصياح والضيقه من امها الي ماتدري عنها خذت كل الملابس الي شرتهم ونزلت تحت طق طق طق طق في غرفة غزلان : بسم الله من ياي هالحزه .. مـــن ؟؟؟ رنا : اناا رناا غزلان واهيا تفتح الباب : هلا هلا رنا بغيتي شي رنا : لا حبيبتي بس بغيط اعطيج هذولا هديه مني لج غزلان باستغراب من كثر الاكياس الي عندها : كل هذا ؟؟ رنا بابتسامه : اي حبيبتي كلهم انتي تستاهلين غزلان : بس هذولا واايد رنا : هاا ترى ازعل عليج الحين انا يايبتهم لج ترديني غزلان بخجل : هههه امم اووكي مشكوووره حبيبتي ماتقصرين والله رنا : ماسوينا شي .. ويالله الحين انا بروح انام غزلان بابتسامه : نوم العوافي رنا : الله يعاافيج غزلان واهيا واقفه عند الباب عقب ماراحت عنها رنا .. غريييبه كل هالاكياس لي انا دخلت غرفتها واهيا لين الحين مستغربه لكن ماتستبعدها عن رنا اهيا اطيب وحده في هالبيت وكانها ماتصير لهم كلش اطباعها غيير وطيوووبه امممم خلني اجووف شنو فهالاكياس ... واااااااااو ملاابس احسن شي سوته احس الملابس الي عندي خلاص ذابو من كثر مالبستهم خذت بيجامة نووم كيووووت برمودا لي فوق الركبه سودا والتيشيرت ورديه بدون اكمام عليها رسمة بنت وقفت عند المنظره واهيا اتكلم عمرها وااااو حلوووه فكت شعرها وحطت لها قلوس يااااااي واخييرا ملابس عدله الحين الواحد يعرف ينام واهو مرتاح لفت تدور قلاصها تبي تشرب ماي اوووف نسيت اييب لي ماااي طلعت وراحت المطبخ وقفت تبي تصب لها ماي جان تسمع حس احد يغني طلعت من المطبخ وجافت جدامها فهد طلعت عيوونها من شكله المبهدل شكله مو في وعيه بسم الله خلني اروح غرفتي قبل لايجوفني مشت شوي شوي تتسلل لغرفتها لكنن وييين تروح من عيون فهد فهد يكلمها والسانه ثقيل : يـــــ ..اااا حلووووه انــــ..تي ياااااا غـــــــــــــــــــ زااااله غزلان تجمدت في مكانها ييييييييييييمه هذا شكله سكراااان مشت بسرررعه تبي توصل غرفتها فهد : هـــــــــــ ..ي انـــــ..تي من ويييين دخلتي بـــيـ.تنا ههههههههههههههه ولااا ليــــــ..كوون انــــ..ا داااخل بـــيت نـــ..اس بالغلط مشا اتجاهها واهو يروح يمين ويسار فهد : يــــالله معــــلـ..ـه عــلى الاقل حصلت لي وحـــ..ده تطـــيح الطير من السما غزلان وقفت ومنصدمه منه ومن حالته يييييييييمه شيقول هذااا انا لازم اروح غرفتي بسرعه ماااحست والا احد يحط يده على خصرها غزلان بخرعه : ييييييييييييييييييييييييم ه فهدددد هدنيي احسسسسن لك فهد : اوووه تعرف اسمي بعـــد اقوول خليينا نستانس شوي لفها عليه وقرب منها زياده يبي يبوسها غزلان بخوووف وتحاول تفك نفسها : اببـــــــــــــعد عني يااااااااااااا قذر صج ماتستحي على ويهـــــــك فهد << ولا كانه احد يكلمه قاعد يبوسها غزلان : ووووووووووووووووووووووووع ابعععد انقررفت بقوووه من ريحته ومن الي يسويه داااست على ريووله بقوووووه ودزته وركضت لغرفتها وقفلت الباب " يممممممممه بسم الله اعوذو بالله من الشيطان الرجيم خرعني وعند فهد طااح على الارض ورقد مكانه من التعب نهـــاية الباااارت عاااد لاتقولون البارت قصير بعد زييين قدرنا نكتب واايد منشغلين هالايام نجهز حق المدارس السمووحه الشيوووخ توقعاتكم .. # عمر ؟؟؟ و ريم ؟؟؟ << لكم مطلق الحرية ^_^ # الدكتور شاك بشي صار لنور شنو اهو ؟؟ # اما بالنسبة لناصر شناوي عليه بعد ما يوصل للمستشفى ؟؟ # فيصل وروان .. لي متى بيتمون على هالوضع ؟!!!!!!!!!! # ام فهد لي متى بتم تحبط بعيالها بهالطريقة و كل الي همها برستيجها ؟؟ تهقون شلي بيوعيها من الي اهيا فيه !! # سوري على هالخبر بس امينة اشلون بتتعامل ويا مرضها ؟؟ # غزلان هالمرة قدرت تطلع منها بس شبتسوي بعدين ؟؟؟ (( بليز للي عندها توقعات اكثر تقدر تضيف لا تلتزم بالعكس ^_^ ))