حبك رسمك في ناظري وين ما أروح - الفصل 18 - بقلم Kramella ve Chocolita - مكتملة | روايتك

البـــارت 18 .....: الووو ريم : عمـــر عمر : مين ريم ودموعها انزلت : انا رييم عمر اطلق تنهيده : ااااه هلا ريم ريم بحزن : ليش خليتني جذيه ليش ماترد على مكالماتي انا ما ابي منك شي بس كنت بطمن عليييك الله يسامحك يا عمر خليتني مثل المينونه عمر بحزن : خلاص ريم اكاني رديت عليج وانا الحمدالله بخير ريم : الحمدالله .. انزين شصار عليك ليش ماكنت ترد علي هالفتره كلها عمر : لي اسبابي ريم : انزين .. انا اسفه (( بحزن )) بسكر الحين اهم شي تطمنت عليك تبي شي ؟ عمر : لا سلامتج ريم : باي عمر : باي عمر ااااااااااااه ياااا رييم لو تدريين شصااار فيني جاااان مالمتيني .. ما ابي اضررج ياا ريم ريم هذي اخرتها يا عمر اضل انطرك طول هالايام وقلبي يحترق ابي اعرف شصار فيك اخر شي مايكون فيك شي بس كنت ماتبي ترد على اتصالاتي انا الغبيه الي ذبحت رووحي وحبست عمري عشان اتطمن عليييك لكن حسااافه والله حسااافه _____________________ قاعده على البحر ولامه ريولها عند صدرها والهوا يطير شعرها سرحانه تفكر في حياتها روان انا لازم اسوي شي مايصير اتم هني طول حياتي وفيصل مو راضي اييب طاري حق سالفتي مخليني وياه شكله عجبه الوضع في وحده تساعدهم وتغسل ملابسهم وتكويهم بس خلاص انا لازم اكلمه واقوله يتصرف ابي ارجع حق اهلي بس ما ادري هل بيتقبلوني واهم يدرون ان السفينه اغرقت والي فيها كلهم ماتو ااااه يمه اشتقت لج والله ياا سييف وحشتني بقوووووه واموون و مريوومه بعد اااااه الحين ياترى شتسوون هل انتو حزينين علي او لا هههههههههه والله اكثر واحد اشتقت له سييفووه الخبل الحين من يسوي فيه مقالب شكله ارتاح مني .... ياي من بعييد ويصارخ فيصل : يااااهووووووووو روااااااااااااااااااااان روان بخرررعه واهيا اتلف عليه : بسم الله شفييييك تصاارخ شوي شوي ترى اسمع موصمخه فيصل : اييه بااااين .. شتسوين قاعده هني روان بعبط : والله قاعده اتسوق ... يعني شاسوي قاعده جذيه ماعندي شي فيصل واهو يقعد يمها لكن بمسافه : هاهاهاها انزين اممم قررت روان : شنووو فيصل: بقولج عن حياتي روااان ييييييس واخيرا : ايه احم براحتك فيصل واهو يطاعها بنص عين : اهااا اووكي بس عيل خليها يوم غييير روان واهيا تنط من مكانها : هاااااااااا لاااا شنو يووم غيير قووول يالله اسمعك الحييين فيصل : ههههههههههههههه فيييج فضووول موووو طبيييعي يالله سمعي روان : ايه يالله فيصل واهو يسترجع ذكرياته : قبل 4 سنين توفى ابوي بجلطه في القلب .. في ذاك الوقت انا كنت مسافر لندن ادرس ماكنت ادري عن موت ابوي محد خبرني ودوم يوم كنت اتصل في بيتنا ترد علي الخدامه تقولي امك مو في البيت ما هتميت واايد قلت يمكن الاوقات الي اتصل فيهم ماتكون موجوده في البيت بحاول اتصل وقت ثاني ولكن الحقيقه امي ماكانت برع البيت ,, لاا كانت مرييضه وماتبي تكلم احد مصدومه من موت ابوي المهم اهملت الموضوع وانشغلت في دراستي قلت لازم ارفع راس امي وابوي لاززم اجتهد في دراستي وارجع لهم بشهاده ترفع الراس ... خلصت دراستي عقب سنتين من وفاة ابوي ورديت الديره رحت بيتنا وانا مسوي لهم مفاجاه وماكنت عارف بالمفاجأه الي تنطرني المهم طقيت الباب طلعت لي الخدامه سالتها وين ابوي وين امي لكن الخدامه عيونها دمعت وقالت لي انه اابوي مات من زمان وامي فوق في غرفتها انصدمت ماعرفت شاسوي قلت يمكن هذي غبيه ماتفهم صعدت فوق وفتحت غرفة امي جفتها ممدده على الفراش ويمها قاعده نيرس رحت يم امي اناديها ماردت علي هزييتها وقمت اصارخ عليها .. لكن النيرس قالت لي امك ماتتكلم من الصدمه قلت لها اي صدمه ؟؟ قالت لي من ما مات زوجها واهيا بهالحال قلت لها يعني من متى قالت من 4 سنين من هوول الصدمه قعدت على الارض مستحيييل الي يصيير ابوي يرووح عني وانا ما ادري وامي طايحه ولا تدري عن شي .. وانا محد خبرني المهم مرت الايام وانا مصدووم ومثل ماتجوفين انا هني في هالجزيره وهالمكان وغيرت اسمي وجنسيتي عشان محد يعرفني ويعرف اني في البلاد .. هذا كله عشان اعرف من ورا مووت ابوي وتقريبا عرفت روان : من اهم فيصل بحرقة قلب : موو الحين لين ما اتاكد عدل وايمع كل الادله .. والله لا علمهم انه الله حق من زمااان واهم كانو يتحايلون علينا ماكنت ارتاح لهم وكنت احذر ابوي لكنه طييب ويقول مستحيل يكونون بهالتفكير اااااااااااااه روان بحزن واهيا تحط يدها على كتفه: هونها يا فيصل ان شاءالله تاخذ حقك منهم بس امك المسكينه لييش ماتروح لها وتسال عنها اهيا اشذنبها فيصل : ااااه والله الي معور قلبي امي المسكينه بس اتحمل .. ما ابيهم يشكون اني في البلاد او اني ادري عن شي لكني ادري عن كل اخبار امي روان : اممممم يعني ممكن اخر سؤال فيصل .. واهو يطالعها بنص عيين : يااكثر اسالتج يا روان يالله سالي واجوف اخرتها معاج روان : اممم صور من الي معلقين في مكتبك فيصل : اهااااا الصوور ... اقووولج قوومي وياااي روان : ويين فيصل : قووومي انتي الحين وبتعرفين روان : اوووكي ___________________________ مر اسبوع على هالسالفه و نوور حيــــــــــــل محتارة مرة تبي توافق و مرة ودها ترفض و بس اقتنعت بالي في بالها و راحت لمكتب خالها و دخلت هلا خالي انا قررت و استخرت و ارتحت من قراري بو ناصر : بشري و انا ابوج ؟ نور : خالي انا ا نـــ ــــ ا انا مممو بو ناصر : شبلاج يا بنتي قولي و انا ماراح اغصبج على شي نور بخجل : خلاص يا خالي انا موافقه بو ناصر بفرحة قام من مكانه و باسها على جبينها : الف الف الف مبروووك يا بنتي تستاهلين و الله و لو الولد مب كفو جان رديته بس الكل يمدحه و كمل : ها يا بنيتي لو تم كل شي متى ودج ايي حق يخطبج رسمي ؟ نور : مادري يا خالي الي تشوفه بو ناصر : لو ما عندج مانع ناصر باقي عليه اسبوعين و ايي و خليهم يزورونا اوكي ؟ نور بغصة آآآآآه يا ناصر يعني خلاص و حاولت تداري دموعها وقالت و اهيا واقفه : اكييد يا عمي يلا عن اذنك و راحت لغرفتها بسرعه مب قادره تستحمل سكرت بابها و رمت نفسها عالسرير و بكت لين ماقالت بس !! ___________________ في مطعم ( ...... ) تقابلو زياد و سيف على الغدا سلمو على بعض و جلسو في الطاولة الي حجزوها باسمهم و اكيد القعدة ما تخلو من السوالف الحلوة و الضحك سيف : زيود الا شرايك نطلع البحر نغير الجو و الله هالشهر مر علينا كلا حزن و ضيقه زياد : استغفر ربك و عن هالكلام اما بالنسبة للطلعه اكيـــــــــــــــــــد ما عندي مانع !! سيف : استغفر الله .. يلا شتبي تتغدى تراني حدي يوعان زياد : هههه مابنشرد وقف خلا اجوف المنيوو سيف : يعني مسوي روحك اول مرة اتيي هالمطعم خلصنا بسرعه زياد : كليتنا ما يسوى علي انطر ما عرف شطلب سيف : جووف انا بطلبلي صحن ستيك مع صلصة المشرووم تبي مثلي ؟؟ زياد و ظهرت عليه ملامح الحزن .... سيف استغرب اشصاده توا يضحك : زياد اشفيك قلت شي ضايقك زياد : لا ياخوي بس هالاكلة كانت اكلة غزلان المفضله كنا من نطلع تطلبها و ابتسم : خلاص اطلب لي مثلك سيف بصدمة : يااااارب اشلوون نسيت !!!!!!!!!!!!! زياد : خير اشفيك خرعتني سيف : غزلان يا زياد غزلان !! زياد بتعجب : اشفيها !!! سيف : سامحني يا خوي سامحني و الله مادري اشلون نسيت زياد : لحظة لا تكمل خلا نطلب و نكمل على راحتنا نادى زياد القرسون و عطاه الطلب و لف بويهه على سيف : كمل سيف : من اسبوعين تقريبا اتصلت فيني وحده اسالت قالت لي هذا موبايل سيف قتلها اي نعم وياج عقب صدمتني بكلامها تخيل يا سيف بس اختك يوم طلعت من بيتك بذيج الليله اصدمتها سيارة و من قوة الصدمة تمت فترة في غيبوبة من جذي ايام ما كنت تسال عنها محد يدري لان ما عندهم اسمها كل الي يعروفنه انها حالة و يات بحادث زياد بصدمة : كمل انزين بسرعه قووول سيف : المهم بعد ما صحت هذي شهد كانت النيرس لحالتها و كانت وياها على طول و صارو قراب من بعض مثل الخوات و بيوم كانت وياها شافت سلسال على رقبتها و عرفو فيه ان اسمها " غزلان " قاطعه زياد : ازين شيظمني انها اختي يمكن تشابه اسماء سيف : خلني اكمل و راح تعرف ... قالت لي انها تعالجت و صارت بخير و ماله داعي وجودها في المستشفى و انتقلت و عاشت وياهم و طلبت من شهد ان تشتغل لانها ما تبي تثقل عليهم و دورو لها شغله و بعدها ما تدري عنها اما بالنسبة لسالك الله يسلمك تذكر يوم اروح المستشفى اييب ادويتي بهالوقت و اهيا مارة سمعتنا و تاكدت ان غزلان تقرب لنا فدورت على رقمي و انا قتلها برد عليج و ما رديت ياربي و الله مادري اشلون نسيت لانها يوم تتصلي كانت لاهي مع سالفه اختي زياد : لا تحاتي اهم شي عندنا الخيط الي يقدر يوصلنا لغزلان سيف : اكيـــد و انا الحين خلصت مهمتي و الي علي قلته و هاك سجل رقمها عندك و تفاهم وياها زياد : اوكي و الله ما تعرف اشقد فرحتني ان شاءالله القاها و ما راح اخلي ابوي يغصبها على شي ابتسم سيف لفرحته بصديق عمره : الحمدالله الي قدرت اساعدك و لو بالقليل بعدها بدقايق وصل غداهم و تغدوو بهدوء و حلو من كعكاتهم اللذيذة و توجه كل واحد لبيته سيف شال حمل كبير من ظهره و زياد الي الدنيا مو سايعته من الفرحة و بنفس الوقت يحاتي ووده يكلم شهد باسرع وقت ______________________ في غرفة ريم .. جالسة لحالها مثل ما تعودت عليه بهالفترة لا تطلع و لا تعتني بنفسها مثل الاول ويها شاحب و مبينه علامات التعب فيها اكلها قليل و دايما نفسها مسدودة كانت تفكر بعمر الي قلب حياتها و مو عارفة شتسوي تمنت انها ما ردت و انها لحد الحين عنده احسن من هالعيشة بيت محد يدري من فيه من ما فيه كل واحد بحاله !! فتحت الدرج الي يم سريرها و طلعت منه البوم الصور كانت تجوف صورها مع ابوها و صوره الكل فيها و هما صغار عايلة سعيده الكل كان يهتم يالثاني عكس الحين شافت صورة ويا رنا و تحسفت على كل يوم قضته بعيد عنها كانو على البحر يلعبون و صورة فيها فهد ينثر على شعرها التراب و صور كثيرة فيها ذكريات حلوة و حزينه سمعت صوت الباب ينفتح و تدخل منه رنا ابتسمت ريم لاختها و توجهت للها رنا و قعدت يمها خصوصا ان رنا كانت حاسة بتغيير ريم المفاجأ و ما قامت تطلع مثل الاول رنا : شتسوي الحلوة قاعده بروحها ريم : ولا شي اجوف الصور ملل رنا : عيل تركي الصور عنج و لا تنسين ان عرسي قريب و امي مب فاضيه لي اكيد فمالي الا انتي بليــــــــــــــز لا ترديني ماحب اتسوق بروحي ماحبت ريم ترد اختها : خلاص روحي تجهزي و انا بتجهز و نطلع باست رنا ريم على خدها : ثانكس يا احلى اخت يلا بسرعه لا تطولين ورانا وايد اشياء ريم بابتسامة : اوكي دقايق و اكون عندج تجهزوا ريم و رنا و توجهوا لمجمع السيتي سنتر حق يتسوقون وقفو سيارتهم و نزلوا و بدو رحله التسوق محل و رى محل و ريم ما كان لها خلق بس حاولت تغير من نفسيتها عشان اختها و ما تخرب فرحتها طلعت ريم فستان تركواز فاتح قصير للركبة و موديله ناعم و بسيط ريم : رنووي اشرايج رنا : الاااي وايد روعه عاد جيكي لي في قياسي و انا بجدم غرفة التبديل و لو لقيتي شي يبيه معاج ريم : اوكي يلا روحي بسرعه تعبت من الوقفة رنا : اوكي و تمت ريم في المحل تدور على ملابس حلوة حق اختها خصوصا ان ريم ذوقها جدا راقي و اخذت جم شي و راحت حق اختها و عطتها رايها فالملابس الي كانت حلوة عليها باللبس و حاسبو و طلعوو رنا : ريووم جوفي هالمحل فساتينه روعة ريم : لاا بس ابي ارتاح بل عليج متخرعه خلصتي السوق جتوفي طاحو من الاغراض رنا : ابي اخلص شسوي ريم : معلي ما بتضرج نص ساعه رتاح و نخلص رنا : خلاص يلا اوكي ركبو فووق حق كاريبو كوفي قعدت رنا و ريم سالتها عن طلبها و راحت تطلب وقفت تنتظر الريال الي كان واقف و معاه وحده يطلبون قبلها و كانت تسمع ضحكهم و سوالفهم بس ما انتبهت على اشكالهم لانهم ماعطينها ظهرهم طلبو لهم و التفتو يرجعون مكانهم لاكن صار الي ما كن متوقع !!!!! __________________ صووت الاغاني وصاله لين اخر الشارع بنات وشباب رقص وشرب دخل فهد الشقه وتوافدو عليه البنات من كل جهه وطبعا اهوو مستااانس حددده لكن اليوم ماله بارض لهم مشا من بينهم وراح مكان مايوزعون الشراب وطلب له وقعد على كنبه من الكنبات واهو سررحاان لكن لفت نظره واحد قاعد بروحه في زاويه وعيونه على مبايله كانه يجوف مقطع فيديو ولا صووره ومعصب فهد تركت الكاس على الطاوله وتوجهت للشاب الي قاعد بروحه فهد : مرحباا ... بدون نفس : هلا فهد : اوووه شفيك ياريال ليش كل هالعصبيه .... : وانت اشدخلك فهد ابتسم ومد يده (( يعني يسلم عليه )): انا فهد الـ.. ....: وانا سعود الـ... << عرفتوه سعود ماغيره فهد واهو يقعد يمه : والنعم .. انزين ماقلت لي ليش كل هالعصبيه وانت تجوف الموبايل سعود : ااااه بس والله لو احصلها فهد : اهااا السالفه فيها بنت سعود : اييييه بنت وهالبنت الي ماقدرت اييبها فهد : اهااا من جذي انزين وشتفكر فيه سعود : غيرت رقمها .. لكن اييبه وبهددها فهد : وبشنو بتهددها سعود : بصورها والفيديو فهد : اهاااا انزين ممكن اجوف الفيديو سعود : ههههههههههههههههههه....... _____________________ ناصر .. بعد ما تلقيت اتصال ان كل الشغل خلص و اقدر ارد ديرتي استانست وايد خصوصا اني امبلغهم اني راح ارد بعد اسبوعين فاحلى شي بسويه راح افاجأهم !! دخلت الغرفة و ظهرت الشنطة و رتبت ملابسي و كل اغراضي فيها و سكرتها و اتصلت اجوف لو في حجز للبحرين باقرب وقت و تفاجأت بوجود رحلة بعد 4 ساعات فخلصت كل اموري ببلجيكا و خذت شنطتيوياي و سلمتهم مفتاح الشقة ورحت اتسوق و اشتري صوغ بسيطة بعد اربع ساعات .. ركبت الطيارة و انا فرحان حيل آآآآآآآآآآآآآه يا نور اشقد وحشتيني ما توقعت بهالفترة اني راح احبج و انا الي كنت كاره وجودج سبحان على قد ما كرهتها و من اشوفها اتذكر كل شي على قد ما تعلقت فيها بهالفترة بعد كم ساعة بلغتنا المضيفة بربط الاحزمة لهبوط الطيارة و انا دقات قلبي تتسارع لاني ناوي افاتح ابوي بالموضوع و اخطبها عقب فتره هبطت الطيارة على ارضي الغالية آآآخ بس فديت ترابج يا البحرين !! خلصت الاجارءات بامطار و خذت لي تاكسي حق يوصلني للبيت بيت بو ناصر .. بوناصر و ام ناصر و نور موجودين بالصالة يتقهوون بو ناصر : يا بنتي انا متوقع ان ناصر راح يتاخر بسفرته فلو حابة تجدمين بوقت خطوبتج قولي لا تستحين نور : لا يا خالي كلا واحد و انا حبيت ابلغك ان لو يبينيط بشرط مابي حفله كبيرة نملج و خلاص ام ناصر : ليش يا بنتي نبي نفرح فيج ؟ نور : لا معلي حتى لو سويت شبجوف في العرس يعني فبس خليها بدون حفله و لو كنتي حابة حفله ماراح اكسر بخاطرج خليها تكون صغيرة بينا ام ناصر : الي يريحج يا بنيتي بو ناصر : افا عاد يام ناصر بنتج و بنتج من مساعه يببي لنا شوي خلا نستانس هههه ام ناصر : افا عليك ما طلبت : كلللللووووووووووووووووووو ووش كللوووووووووش نور بخجل : عن اذنكم بو ناصر و ام ناصر : اذنج وياج ركبت نور لغرفتها بروحها بعد ماحفظت الدرب الي يوديها لها و بهالحظة نزل ناصر من السيارة بعد ما دفع للسايق و سمع صوت اليباب و استغرب بس ما فكر وايد بسم الله الرحمن الرحيم .... و فتح الباب بالصالة .. ام ناصر : يحلوها هالبنت كبرت و الحين بتعرس و الله اشكثر تمنيتها لناصر بس شاقول الله كريم بو ناصر : اي و الله نور مافي بحلاها الله يوفقها و ان شاءالله تستانس مع ريلها مع هالكلام وقف شخص مصدوووم !!!!! نـــــــــــــــــــور !!!! ريلها !! الله يوفقها !! ناصر : السلام عليكم ام ناصر : وه يمااا ناصر اشهالمفاجأة الحلوووة ، الحمدالله على سلامتك باس ناصر راسها : الله يسلمج و راح لابوه و هم باسه على راسه و سلم عليه بو ناصر : احلى مفاجأة يا حلو الاخبار اليوم الصراحه ناصر حاول يتاكد من الي سمعه : ليش يبا اشصاير ؟ بو ناصر : نور بنت عمتك انخطبت ووافقت و ان شاءالله باجر او بعده خطوبتها صدمــــــــــــــــــة صدمـــــــــــــــــة صدمــــــــــــــــة يعني الي سمعته صج !!! لكن اشلون ناصر : لا لا لاااااااااااااااااا ام ناصر و بو ناصر يجوفونه باستغراب من صراخه و رفضة للموضوع و جافوه يركض لفوق ام ناصر : يما وليدي شصاده ؟ بو ناصر كان مصدوم من رده فعل ولده و ما علق و لا تحرك و ناصر دخل عليها بغرفتها مدرعم و توجه لها و اهيا مب متحجبة و قاعده ببجامتها عالسرير و صرخ عليها و مسكها من زندها : انتي من سمح لج توافقين هااا جاوبيني جفتي اني مسافر خلاص خذتي راحتج في وين جايفته قولي و سطرها كف حار على خدها نور : آآآه اتركني وخر اشفيك وخر اهىء اهىء اهىء اه ناصر : لو ما ترفضين الي متقدم لج لتجوفين شي ما يسرج سامعه و طلع من غرفتها و رضخ الباب وراه و بهالوقت امه و ابوه صعدو الدرج بعد ما سمعو الصراخ بو ناصر : اشبلاك انت اصراخك لوين و بعدين اشتبي من نور ناصر بتوتر : هاا لا ولا شي بس اسلم عليها و ابارك لها بو ناصر بعدم تصديق : اها خلاص روح ارتاح نور ... آآآآه ليش تسوي فيني جذي يا ناصر انا شسويت لك شلي خلاك تفوور علي بهالطريقة شلي قلب حالك من متى المحبة !! ليش يبيني ارفض و ما اتزوج اهىء اهىء اهىء آآآخ ياراسي و فجأة ما قامت تحس بروحها و سقطت مغمى عليها .. دخل عليها بو ناصر و جافها طايحه على السرير و بخوف : نور يا بنتي نور و تم يضرب خدها عالخفيف لكن مافي اي استجابة صرخ : ام ناصر يا ام ناصر ام ناصر : امر يا بو ناصر اشفيك و جافت نور : يماا بنتي اشفيها بو ناصر : بسرعه نادي ناصر ناخذها المستشفى بسرعه نهاية البارت!! توقــــعاتـــكم : 1)يا ترى شسالفة عمر شالي خلاه مايرد على اتصالات ريم كل هالمده ؟؟؟ 2) روان متى بترد لاهلها ؟ 3) تتوقعون من ورى مووت ابو فيصل ؟ و شراح يسوي فيصل عشان ينفذ انتقامه ؟!! 4)بعد ما يكلم زياد شهد ؟ ويعرف السالفه شبيسوي !! 5) شنو الي صار حق ريم في الكوفي ؟؟؟ 6) كنتو متوقعين هالمصادفة الحلوة بين فهد و سعود (شرxشر ) ؟؟ فهد بيراي سعود الفيدو او لا ؟؟ تتوقعون سعود عرف فهد انه يصير حق ريم من اسم العايله وبيسوي شي او مالاحظ ؟؟ 7) ناصر يا ناصر ههههههه !! شراح يسوي بعد ما تفاجأ بالخبر بدل لا يفاجأهم بييته ؟؟ 8) و نوور شبيصير عليها ؟؟ هل بترفض المتقدم لها عشان ناصر ؟ انتظر توقعاتكم و تقييمكم لنا انا و اختي كراميلا و اعجابكم ^_^