الفصل 7
البــــارت السابع
نـــــــــــــوووووووره انـــتبهي !!!!!!!!!!!!
فـــقدت السيطره على الســــياره
خـــــافت ... انــــصدمت
من الــشـــاحنه الكبيـــره الي جــدامها
خلاص حســـت انهــا تجمدت مو قادره تحرك يدينها وتلف السكان (( المقود))
وامهـــا واختها يصارخون عليها .. لـــــفــــي السيااره نـــووووره
تحررركي ...
واهـــيا مو معــاهم مو قادره تتحرك
نـــقزت نور جــدام وحاولت تلف السياره لكن بلا فايــــــده
صدمــــت السيـــاره في الشـــاحنه ومن قوة الصدمه
دخــلت السياره تحت الشاحنه من جــدام
وتـــكسررت من قلب ....
الي يجــوف شكل السياره يقول مستحيل الي فيها ينــجون ..
شــــرطه واســـعاف ونـــاس متيمعهـ حوالين المكــان
قــاعد يحاولون يفتحون بـــاب السيــاره من ورا
عشـــان يوصلون حق الاشخاص الي داخلها
..... : يـــا شــبااب همتــكــم واحــد .. اثــنين .. ثلاااث
سحــــبو البـــاب بأقصى قوه عـــندهم
انـــخلع البااب و رموه وحاولو يطلعونهم من داخل الســـياره
.. : شباااب في احد منهم عايـــــش .. ترى البنت قاعد تطلع صووت
قاعده تـــون .. بــــسرعه طلعوها قـــبل دام فيها رووووح !!!
بعــد ساعه تقريبا .. طلعوهم كلهم من الســياره
وتحركت سيارة الاسعاف للمـــستشفى
بـــاقصى سرعه .. وفي داخلها كانو يحاولون
يـــسعفونهم بالي يقدرون عليه ويحطون لهم الاوكسجين
وينظفون جروحهم ..
____
بيت بو ناصر ...
بعد ما تعشو جلسو جلسة عائلية و كانو يشربون الشاي و يتابعون المسلسل
بين ما كان ناصر يشرب شايه مرة وحده طاح من يده الكــوب
ناصـــر : أآآآااااااااح ..
ام ناصر : بسم الله الرحمن الرحيم اشفيك يا ناصر ؟؟!!
ناصر و قلبه نقزة مره وحده : هااه ل لا اا ما فيني شي بغير ملابسي و ارجع
بو ناصر : عسى ما تعورت اهم شي
ناصر : لا يبا تطمن راح اغير ملابسي و ابيكم في موضوع
راح ناصر و حس بضيقه في داخلة ما يدري اشسببها بس حاول يتناسى الي فيه و راح بدل ملابسه و نزل عند امه و ابوه
ناصر بخجل و توتر : يباا يما بغيتكم بموضوع
بو ناصر : سم يا ولدي امر
ناصر : احم بغيت اكمل نص ديني
ام ناصر والفرحه مو سايعتها و تمت اتيببب : كللللوووووللووووووووووووش
هذي الساعه المباركة يا ولدي الي افرح فيك
بو ناصر وبفرحه : ها يابوك في وحده في بالك و الا تبي امك تدور لك
ناصر : لا يبا انا حاب اتزوج نورة بنت عمتي
بو ناصر : زين ما اخترت يا ولدي و انا ابوك ما في احلى من نورة اخــلاق وجمال ودين
ام ناصر : انشاءالله باجر بعد صلاة المغرب انجوفهم اذا في البيت و نروح لهم و الله و كبرت يا ناصر و تبي تتزوج ههههه
ناصر ابتسم و سرح بنورة ......
اشوي و يقطع سرحان ناصر و سوالف بو ناصر و ام ناصر تلفون البيت ( ترن ترن تررن ترررن )
بو ناصر رفع التلفون : الوو ... و عليكم السلام ... اي نعم هذا بيت نـاصر احمد الــ ... اي تفضل
شــــــــــــــــــــــــ نووووووووو .. انت شـــتقووول .. انزين اي مستشفى .. الحييين يااااي
ام ناصر : اشـــــــــــــــــصاير ؟؟؟
ناصر : علمي علمج يا يما
بو ناصر سكر السماعه وويهه مايتفسر من الصدمه : عن اذنكم المستشفى طالبيني عندهم ناصر
قوم ويـــاي
ام نــاصر وميته من الخوف : شصااااير قووولي لاتروحون وتخلوني .. من في المستشفى
بو ناصر : اختي وبناتها مسويين حادث
ام نـــاصر : يااااااويلي عليــج ياا سااااره انتي وبناااتج .. انطرني باايي ويااكم
بو نــاصر : يامره وين اتيين الحين تمي في بيتج وانا وناصر بنروح وبنقولج شنو صاير
ام ناصر : مستحيييييييل انا بلبس عبااتي
نـــاصر (( منــــصدم مو قادر يستوعب اختي وبناتها .. يعني نوره .. يعني حبيبتي مسويه حادث ))
بو ناصر : ناااااااااااااصر تحرك روح البس بسررررعه
نــاصر صحى من صدمته : ان شاء الله .. ورااح ركض فووق يلبس ثوووبه
راح بو ناصر السيارة و اتصل على بيت ام سيف ...
عند بيت ام سيف ...
كان سيف و امه قاعدين يسولفون سمعو تلفون البيت يرن قام ناصر و شاله
سيف : الو السلام عليكم
بو ناصر : و عليكم السلام هلا سيف اشلونك
سيف : هلا خالي ، انا بخير بشرني عنك
بو ناصر : الحمدالله ، يا سيف مادري شقولك بس انا و ناصر رايحين المستشفى و احنا احين بالطريج اذا ما عليك امر الحقنا ل مستشفى (...............)
سيف : خير انشاءالله يا خالي من في المستشفى
بو ناصر : خالتك وبناتها مسويين حادث
سيــــف مصدوووم : خااااااااااالتي وبنااتها شلوووووون شفيهم الحين
شصاادهم
بو ناصر : ما ادري ما ادري تعال المستشفى ونجووف
سيييف : الحيييين ياااااي .. وسكر التلفون في ويه خاله
وركككضضض بسرررعه غرفته يبي يبدل ويطلع
ام سيف لحقته الغرفه واهيا ميته من الخوف مو عارفه شصاير بس اسمعت اسم اختها
ام سيف : سيييف شصاااااير شفيها خالتك
سيفف : ما ادري يمه ما ادري بس سوو حادق واهم في المستشفى
ام سيف : انطرني البس عباتي
سيف واهو ينزل على الدرج .. بسرعه يمه بسررعه
وطلعو من البيـــت ومشى السياره باقصى سرعته
في مستشفى (...))
بو ناصر .. وناصر .. وسيف ,, وام سيف .. وام ناصر
واقفين جدام غرفة العملياات ومو عارفين شصاير
وام سيف وام ناصر دموعهم ماوقفت وصياحهم كل ماله ويزيد
سيف و ناصر كل واحد يفكر في حبيبته شصار فيها
واهم مايدرون انها نفسها الي يحبونها
بو ناصر : ياحريم سكتو الله يخليكم مايصير جذي
قعدو ادعو لهم ترى الصيااح ماينفع وو ..
ماخلص كلامه والا يسمعون صرااخ و وممرضات ودكاتره يركضون بسرعه
طالعين وداخلين من غرفة العمليات
وقفــت قلوبهم من الخرعه مو عارفين شصاير داخل
وسيف قاام بسرعه يسال احد الممرضات الي توها بتدخل الغرفه
سيف بخووف : لوووو سمحتي شصااير داخل
الممرضه : ثنتين من الي داخل وقف قلبهم قاعدين نسوي لهم صدمات كهربائيه
سيف بغى يوقف قلبه ليكون حبيبته اهيا الي ,, وتوه بيسالها من الثنتين
الا ودخلت داخل بسرعه وخلتهم برع
سيف دموعه في عيونه مو قادر يستووعب حس انه حبيبته اهيا الي.. مو قادر ينطق
وناصر انشل تفكيره هم اهو مو قادر يستوعب
بو ناصر اخته حشاشة يوفه وبناتها كلهم عزيزين عليه مايتحمل يفقد احد منهم
ونفس الشي ام ناصر وام سيف وطبعا زاد بجيهم
كلها دقايق والا يطلع الدكتور
سيف وناصر ماصدقو طلع والا اهم واقفين يمه
... : بشر دكتووووور شصااار
د. : الحادث كان قوي واايد .. الاصابات الي صادتهم مو سهله .. خاصة
الي كانت تمشي والي قاعده يمها على ما اعتقد امهم
سيــف مو قادر يستحمل : انزييين شصاار
د. واهو منزل راسه : والله الي علينا سويناه .. والبقى في راسكم
سيف وناصر : في مييين ؟؟
د. : في الام و البنت الي تسوق على ما اعتقد نوره
ســــييف طاااااااااااح مغمى عليــــه
.. : سيييييييييييييف ييييييييمه ااااه ولدي لحقووو عليييييه
ام سيف تصيييح بقوووووه وام ناصر تصرررخ ياااويلي عليج يااانور من بقى لللللج
بو ناصر انهارت قواه وطاح على الارض يصييح على اخته وبنت اخته
نـــاصر مو مستوعب ابــــدا .. توجه حق الدكتور ويوده من قميصه
نـاصر : انت شلوووووون تخليهم يمووتون شلوووووووووووووون
هذي نووووره تعرف من نوووره هذي حبييبتييي شله خليييتها تمووووووووووووت
ماااالك ححححححق وبدى يضربه .. وتجمعو الدكاتره وومرضات يحاولون يبعدونه
عن الدكتور بقوووه واهيا يضرب ويرفس فيهم مو مستوعب الي صار
حبيبته الي يبيها يبي يخطبها راحت اهو ماعترف لها بحبه
اما سيف شالوه من على الارض وودوه بسرعه يحطون عليه اوكسجين
التنفس عنده وقف من الصدمه
بو ناصر مو متحمل الي صار قام يجوف ولده ويهديه
بو ناصر : يا ناصر هذا الي الله كاتبه تعوذ من ابليس وترحم عليهم
مايجووز ياولدي مايجووز
ناصر واهو ميت من الصياح : يبه شلوووون تروح شلووون وانا نويت اخطبها مايصيير
ماتدري اني احبهااا حرام عليها والله حرااام
بو ناصر : قووم ياولدي رجع امك وعمتك البيت خلني اخلص الاجراءات واجوف سيف شصار عليه
واسال عن بنت عمتك نوور ماعرفنا شفيها هالمسكينه تمت وحيده لا ام ولا اخت
ناصر : يااااليت نوور الي ماتت بداالها
بو ناصر وحده معصب وعطااااه كككككف : ناااااااااااصر اشهالكلام هذي بنت عمتك مثل مانوره الله يرحمها
ولا تنسى تراها توأمها ..
نــاصر اااااااه ويصييح زياده
ما ابي اسمع هالكلام مره ثانيه فااااهم
والحين قوم ودهم البيت وارجع لي
ناصر : انشاءالله
قام ناصر واخذ امه وعمته الي كانو يصيحون صياح يقطع القلب
ام سيف : مب رااايحه ابي ولديي طااح ما ادري شفيييه وين وووودوووه
ناصر : عمتي قوومي والله مب زيين روحي البيت وباجر نرد له
ام سيف تصااااارخ : روحو عني مااااا ابي اروووح ابي اختي وولدي اااااااه
ام ناصر : قومي قومي يا اختي نروح البيت حرام الي تسوينه وولدج ماعليه شر
باجر نرجع له
ام سيف مو قادره توقف منهاااره شالها ناصر وراح السياره
في السياره
ام سيف : اختيييي راااحت .. راااااااااااااحت تعرف شنو مااااتتت يعني ماباجوفها مره
ثاااااانيه وراحت نوره ويااها وو نوور هالمسكيننه
ويييييييييييينج يا اختي خليتي بنتج بروحها اااااااااه يااقلبي
ام ناصر : ياااا عاايشه صلي على النبي وترحمي عليها مو زيين الي تسوينه
ام سيف : ااااااااااه ياا ام ناصر ااااه اختي هذي راااحت الغااليه اهيا وبنتها ...
وكل ماتقول بنتها ناصر تزيد دموعه مو مصدق انها راحت اااه الله يرحمها
وصلهم البيت ورجع حق ابوه المستشفى
ناصر : ها يبه شصار
بو ناصر : خلصت الاجراءات وبندفنهم باجر ان شاء الله .. انت روح اسال عن نوور
وانا بروح اجوف سيف
ناصر اااااه : ان شاء الله
راح ناصر حق مكتب الدكتور ودخل
ناصر : السلام عليكم
د. : وعليكم السلام .. تفضل
ناصر : اسف دكتور على الي سويته اعذرني ماكنت في وعيي
د. بابتسامه : لا معله عاذرك
ناصر بابتسامه حزينه : انزين دكتور ونور شخبارها شصادها
د. : ما ادري شاقولك بس البنت دخلت بغيبوبه ..
ناصر : ومتى بتقوم
د. : والله ما ادري الله وعلم متى تقوم
ناصر : طيب انا استاذن واي تطور في حالتها اتمنى تبلغونا
د. : اكيد .. اذنك معاك
اما عند بو نــاصر
بو ناصر : دكتور شصاده سيف
د. : والله ما ادري شاقولك .. تعرض لصدمه نفسيه قوويه
بو ناصر : اااه .. انزين الحين شلونه
د. : الحمدالله الحين بس اهو راقد الحين وبيصحى باجر ان شاء الله
بو ناصر : الحمدالله .. عيل الحين انا بروح وباجر ان شاء الله نرد
د. : ان شاء الله
ناصر : يالله يبه نرد البيت
بو ناصر : باجر بندفنهم بعد صلاة الظهر
ناصر والدموع بعينه : ان شاء الله
الساعه 6 الصبح ....
نزلت رنا تتفطر عقب ما جهزت حق تروح شغلها في بنك (...............)
راحت لغرفة الطعام ما لقت احد تعودت على هالحالة امها لاهية بطلعاتها و ريم لازم تتاخر في القعدة و هالفهد ما يدرون اذا اهوة موجود او لا
يات ليزا حق رنا : miss rana do you want breakfast ?
رنا( ببتسامة ) : no liza just bring my coffee
ليزا (ردت الابتسامة ) : sure
بين ما كانت رنا تنتظر الكوفي نزلت ريم و اهيا تتحلطم و راسها مصدع بسبة قعدة الصبح حق المدرسة
ريم : افففففف مادري متى اخلص من هالمدرسة و افتك
رنا : و اهيا تطالعها من فوق لي تحت بنظره ما عجبت ريم
ريم : خير اخت رنا اشهالنظره
رنا : سلامتج بس شمسوية في عمرج اظن رايحه مدرسة مو حفلة !!!
ريم : اوهوووووو بدينا محاظراتج البايخة بلييييز رنا اكرميني بسكوتج بروحي مصدعه و مو ناقصتج
تنهدت رنا و قامت و لقت ليزا يايبة الكوفي و خذته معاها و توجهت للبنك ...
اما ريم : بعد هاي الي ناقص ما تبيني اكشخ المعقده عبالها مثلها (( كانت متمكيجة اوفر و لابسة اكسسوارات و اساور بالوان فاقعه و مسوية شعرها كيرلي ))
ليزا : Do you need some thing miss reem
ريم : No , but call the driver to get ready >> iam soo late
ليزا : ok
وصلت رنا للبنك و كانت تموت في شغلها
و من تنزل تظهر للكل احترامها من بواب لي مدير ما تحب الغرور و التكبر على اي كان فهي متواضعه حيـــــــل
دخلت و القت سلامها على الموظفين و كانت متأخرة بالنسبة ليــيــتها كل يوم
دخلت مكتبها و توها بتقعد على الكرسي الا دخل سكرتير المدير يطلبها
السكرتير :صباح الخير .. اختي رنا المدير طالبج
رنا :صباح النور ..انشاءالله ثواني و لاحقتك
السكرتير : تفضلي اهوة ينتظرج
دقت الباب رنا على مكتب المدير
المدير العام : تفضل
رنا : السلام عليكم
المدير : و عليكم السلام ، هلا انسة رنا تفضلي
رنا : دام فضلك .
المدير : انتي اكيد استغربتي ليش مناديج و جذي بس حبيت ابشرج بنفسي
رنا : خير انشاءالله !!
المدير : يا انسة رنا الكل يمدح عملج و كفاءتج بالشغل و ما قط جفنا منج اي قصور حبيت
ارقيج و اخليج مديرة القسم الي تشتغلين فيه حاليا
رنا و الفرحة مو سايعتها : مشكورر و ما تقصر في شي ثاني ؟
المدير بابتسامه لها معنى : لا تقدرين تتفضلين و الف مبروك
رنا : الله يبارك فيك
الســاعه 7 الصباح
في جزر حوار تحديدا مزرعة التفاح
روان واهيا واقفه برع الخيمه وتتمقط وتستنشق الهوا : ااااااااه ياحلات هالمكان
يرررد الرووووح
...... : والله الي محلي هالمكان انتي ياا حلوه
روان : اووووهوووو اووووف انت شمييبك من وين طلعت يالله صبااح خير
..... (( واهو شاق الحلج )) : اكييد خيير دامج واقفه جدامي ومتصبح بويهج الجميل
روان وشياطين راسها طلعت : هييييييي انــتتتت انقلع من جداامي لا بالجوتي على رااسك فاااهم
.... : هههههههههههههههههه فديتج والله .. ورااح
روان وتطق بريولها على الارض : اوووف اوووف اووووف بذذبحه هالخاايس خرب مزاااااجي
ومن بين تحلطمها
سمعت صوت الجرس الي تطقه المعلمه .. اهو عباره عن جرس ميودته في يدها وتلف على الخيام
علشان يطلعون منها ويتجمعون في المكان المتفق عليه امس الي اهو جدام المبنى الي في المزرعه
خذت روان نضارتها الشمسيه ولبستها وتوجهت اهيا والطلاب لجدام المبنى
ووقفو على شكل دائره والمعلمه و واحد من الي يشتغلون من المزرعه وياها
(( طبعا المحادثه كلها بالانقليزي لانه المعلمه اجنبيه بس بترجم بالعربي ))
المعلمه : مررحبا يا طلاب .. ان شاء الله نمتو زيين
الطلاب : الحمدالله
المعلمه : اعرفكم على ادوارد .. مدير الفلاحين
الطلاب : مرحبا ادوارد
ادوارد : هاااي
البنااات كل وحده ميته على شكله ايـــنن مو طبيعي ووسيييم
المعلمه : سكووووت .. طبعا مثل ماتعرفون احنا يينا هني علشان التقرير
وادوارد بيعلمنا خطوه بخطوه شلوني نزرع التفاح وشنو موسم زراعته
وشلون يحفرون الارض ويحرثونها علشان يزرعون وشلون لو قطفو التفاح يسونه مربى
.. واضن كيمراتكم
وياكم علشان تصورون كلشي خطوه بخطوه ترا الصور بتساعدكم وايد
الطلاب : اووكي
المعلمه واهيا تكلم ادوارد : تفضل سيد ادوارد
ادوارد : مرحبا شباب .. اليوم ما بقولكم شلون نحفر ونزرع ونحصد وكل هذا ..
بس بنفتر على المزرعه وبراويكم الاقسام الي فيها
الطلاب بحمااااس : اووووووكي
توجهو كلهم ورا ادوارد واخذ يلفهم على المزرعه ويعرفهم على الاماكن
ادوارد : وفي هالقسم نخزن المربى ..
ويكملون سيرهم حوالين المزرعه .. وهنا نجمع التفاح ونخليه في كوارتين ونصدره
خلص ادوارد تعرفيهم للمزرعه وردوا عند موقع الخيام
ادوارد : ان شاء الله استانستوا في الجوله ..
الطلاب ": رووعه المزرعه
ادوارد بابتسامه خلت البنات يذوبون : باجر بيبدا الجد ترى وكلكم بتشتغلون
الطلاب : وااااااااااااااو احلى شي
ضحك ادوارد وودعهم وراح
في الخيمه عند روان
روان واهيا تفكر : شنو كان ذاك المكان .. ليش مادخلنا فيه .. فتح كل مكان ودخلنا فيه
الا هالمكان .. شمعنى ليييش .. ويوم سالته ليش مادخلنا هالمكان .. قالي لا هالمكان مافيه شي
... بسس مستحيل مافيه شي .. انااا لااااازم اعرف شنو ورى هالباااب لااااااااااااااااازم
الساعه 10 الصبح
في شركة فهد ...
كان جالس على كرسي مكتبه الفخم و الي يبن على هيبة الشخص و منصبه العالي
سمع جوله يرن رفعه و اهوة ماله نفس
فهد : اللوووو
... : اللو طال عمرك
فهد : يا هلا ، ها بشر عسى لقيتوها
..... : أأأآآ طال عمرك ..
فهد قام من كرسيه مرة وحده : هااا لقيتوهااا !!!!!
... : طويل العمر البنت مختفيه مالها اثر ما بقى مكان ما دورناها فيه للأسف اني قاعد اقولك هالكلام بس يأيسنا ما بقى مكاان
فهد بصراخ هز الشركة هززز : انت عارف شتقول جب و لا كلمة و اسمعني زين انت و الخمة ربعك لكم يومييين سامع يومين و لا غير ان ما جفتها جدامي بالمكتب سلم على عمرك فاهم اسمعني انشاءالله اتطلعها لي من تحت الارض مالي شغل اتطلعونها اتطلعونها !!
..... : انشاءالله انشاءالله راح انحاول انطلعها بس هد
فهد و عصب من كلامه لان اكره ما عنده احد يتحكم فيه : جببب و لا كلمة مو انت الي تسكتني و اخر مرة اقولك يومين ما في غيرهم و سكر الجوال في ويهه
اعصابه تلفانه حدها و اتصل بالسكرتير الخاص ماله : ياسر الغي كل اجتماعاتي و اتصالاتي
لليوم و مابي احد يدخل علي فااهم
ياسر : انشاءالله طال عمرك
اياا الزفته يا غزلان وييين اختفيتيي .. ومع منوو بس هين و ضحك ضحكة سخرية
هين اراويج بطلعج بطلعج طال الزمان و الا قصر و راح اخليج خدامه تحت اريولي يا الحقيره
و تم يحاول يضبط اعصابه و اخذ مفاتيحه و موبايله و طلع من الشركة بكبرها اعتفس مزاجه من قلب
الســاعه 2 الظهر
عند غزلان في شقة شهد
قاعـــده على الســـرير وتفكـــر في حياتها
غزلان : يعني من اناااا .. من اهيا امي من ابوي
لو اهم عايشين ليش ماسألو عني ... معقوووله تبرو مني
اووو يمكن ماتوو .. لااا الله لايقووول
بس وينهــــم
انااا قاعده عند شهد وامها .. بروحهم حالتهم الماديه بسيطه
وانا مثقله عليهم .. اناا لازم اكلمهم اليوم ع..
قطــع تفكيرها صوت ام شهد تناديها علشان يتغدوون
طلعت غزلان وتوجهت عندهم على السفر هالي محطوطه على الارض
غزلان واهيا مبتسمه : مررحبا
ام شهد و شهد : اهلييين
ام شهد : ششخبارج اليووم حبيبتي .. ان شاء الله مو ناقصج شي
غزلان بخجل : الحمدالله خالتي .. ابد مو ناقصني شي كفيتو ووفيتو
كفايه مخليني عندكم
ام شهد : اشهالكلام غزلان .. انتي مثل شهد
شهد : صح كلام امي
ام شهد : هههههه يالله سمو بالرحمن
وبدو ياكلون ويوم خلصو شالوا لصحون والسفره وغسلوهم
وقعدو عند التلفزيون يشربون شاي وياكلون كيك مسويتها شهد
غزلان : اااآآآ .. امم
ام شهد : شفيج يمه تحجي
غزلان : اممم يعني ما ادري شاقول
ام شهد : قووولي
غزلان : يعني تعرفون انا ساكنه عندكم ولا شغل ولا مشغله
قاعده ماعندي شي اسويه .. ووو يعني فكرت انه اشتغل
شهد : شلون تشتغلين .. اممم يعني قصدي انتي ماعندج شهاده ولا شي
غزلان : اييه ادري .. من جذي فكرت يعني لو تحصلون
بيت اشتغل فيه يعني انظف واطبخ واغسل لهم
ام شهد : لا يابنتي مايصير شلج في الشغل
غزلان : لا خالتي انا ابي اشتغل ولو ماعليج امر
لو تعرفين احد يبي خدامه لانه محدب يقبل يوضفني في مكان غير هالشغله
تعرفون انه لا اعرف اسمي الكامل ولا عندي شهاده ولا شي بس ادري انه اسمي غزلان
ام شهد : والله لو هذي رغبتج يابنتي انا بجوف لج مكان لاني سمعت وحده من رفيجاتي
تقول انه في بيت تجاار يبون وحده عربيه تشتغل عندهم
غزلان واهيا وستااانسه : ايي خاالتي لو ماعليج كلااافه تسالينهم وانا قابله بكل شروطهم من الحين
ام شهد : ان شاء الله مايصير خاطرج الا طيب
نهايـــــــــــــــــــ البــــــــــــــارت ـــــــــة السابــــــــــــع
توقعاتكم يا حلويـــــن :
_سيف و ناصر و حبهم الي راح !!
_نووور ضحية هالحادث و ما بقى لها احد شراح يصير لها ؟؟ و تهقون راح تقوم من الغيبوبة ؟؟
_فهد .... راح يلقى غزلان و ينفذ تهديده ؟؟!!
_روااان و الرحلة اشراح يصير يا ترى ؟؟ المكان الي جافته ولزمت انها تدخله شسره
ليش ادوارد قالها انه مافيه شي !!
معقوله صج يطلع مافيه شي وروان تتخيل بس ؟؟؟
_و اخر شي غزلان وقراارها انها تشتغل شراح يصير لها؟