حبك رسمك في ناظري وين ما أروح - الفصل 6 - بقلم Kramella ve Chocolita - مكتملة | روايتك

البـــــارت 6 مر هالويكند مثل اي ويكند ,, ممل على البعض .. ومفرح لبعض .. ومزعج لبعض اخر اما عند فهد .. فكان مقوم الدنيا فوق تحت من تعصيبه و ثورانه كان قاعد على السوفا الموجوده في جناحه الكبير و الفخم و حاط يدينه على راسه حاول يهدي من نفسه و اشلون وصلت الامور لين هالدرجه تذكر الي صار في بيت بو زياد قـــام من النوم الساعه 5 المغرب دخل الحمام (( اكرمكم الله )) ياخذ له شور طلع ولبس ثوب وتم ساعه ينسف الشماغ ... كان مستانس حده لان بيجوف حبيبة عمره و زوجته غزلان خصوصا انه ما جافها في الملجه ، توجه لسيارته اللامبرجيني الحمراء و ركبها و راح المسيد يصلي صلاة المغرب قبل لايروح بيت بو زياد ... يوم طلع من المسيد جاف الساعه 6 ونص ركب سيارته وتوجه لبيت حبيبته خذ عطره و تسبح فيه و قفل السيارة و نزل وطق الجرس ... -_____________________ اما في بيت بو زياد ... بو زياد يصارخ في ويه مرته وولده على اقل شي , مو مستوعب الشي الي راح يصير لا درى فهد عن غزلان ما بقى دعوه ما دعاها على بنته على هالمصيبه الي قطتها فوق راسهم مرّ الوقت .. سمعوو اذان المغرب راح اهو وولده زياد المسجد القريب من بيتهم مشي و زياد كان يدعي بداخله ان يلقونها و انشاءالله فهد ما يسوي لهم سالفه ان عرف بالي صار ... وعند ام زياد كانت تبخر البيت عقب ما انتهت من صلاتها و تجهز القهوة و الحلويات حق الضيافة وعلى الساعه 6 و ربع رجع بو زياد و زياد من المسجد و جلسو في المجلس ينتظرون ضيفهم .... و كل واحد لاهي بافكاره ويفكر شلون يقول حق فهد هالمصيبه فجأة سمعوو رنه الجرس تعلن وصوول فهد و مع كل رنه قلبهم يوقف من الخوف عند فهد ... كان ينتظر يفتحوون له الباب شوي و انفتح له و سلم على بو زياد و زياد و دخل المجلس فهد : اشلونك عمي بو زياد : بخير يا ولدي انت شخبارك و شخبار الاهل فهد : كلهم بخير و انت يا زياد شمسوي زياد ببرود و هو مو طايق شي اسمه فهد لانه اهو السبب بالي يصير لاخته : الحمدالله كملو سوالف بسيطة و السؤال عن الحال و عقب باشر فهد بالسؤال عن غزلان : الا يا عم بعد اذنك تنادي لي زوجتي ابي اجوفها بو زياد بتوتر واضح عليه : ااااااآآأااااا يا ولدي انـــــا ... وينــقل نظره لولده يبي منه يساعده في الكلام لانه ضــاع الكلام الي كان بيقوله فهد حس ان السالفة فيها ان : اشصاير يا عمي لا تقول انها رافضة جوفتي ترى هالمرة ما راح اسكت بو زياد و كره اليوم الي يابو فيه غزلان : انا ما اقصد ما راح تجوفها بـــــس .. فهد و بدا يعصب : بس !!! بس شنو يا عمي تري بديت افقد اعصابي ؟؟؟ اختصر زياد على ابوه السالفة و تكلم : الي يحاول ابوي يوصله لك ان غزلان عقب ما وقعت على عقد الزواج شــــــــــردت ، ووقف و بصراخ فهمت الحيـــــــن !! فهد انـــصدم صدمة عمره ... و شياطين الدنيا نطت في راسه : شنوووو ؟؟؟؟؟؟ اياااا الحقيرة اشلووون تشرد !!!! زياد بعصبية : و الله هذا الي صار و غزلان من يوم المجة ما بقى مكان ما دورناها فيه و الحين ما ندري وينها فيه زين جذي ارتحت الحين اما بو زياد فماله ويه جدام فهد كفايه ان فهد الي رزه و عزه ووصله لهالمنصب في الشغل و اخرتها بنته طيحت ويهه ف القاع فهد بصراخ : هين انااا اراويها و انت ( يأشر على بو زياد ) حسابك عندي بعدين و محد راح يحل مشكلة الحقيره بنتك غيري انا اراويها ... منو اهيا اصلن علشان تشرد و ما تبي تتزوجني الواطية انـــا فهد الــ.. الي الكل يتمناني هذي ترفضني وماتبيني وكمل : اخخخ بس لو تطيح بيدي راح تروح فيها بنتـــــك انساها سمعت و انا راح اطلعها لو من تحت الارض بعد هذا الي ناقص انا فهد سالم ال ... بنتك تشرد مني اناا اراويها و طلع و صــــــفق الباب وراه راح بسرعه لسيارته و انطلق بسرعه صاروخيه للبيت يفكر بحل للي ما تتسما اخذ تلفونه و اتصل لمعارفه و اعطاهم المواصفات اللازمة عنها ومن بين كل هالافكار قطع عليه صوت الباب الي شوي و يتكسر من قوة الطق عليـــه فتحه و كان راح يحط حرته في الي قاعد يطق في الباب بس انصدم انها امه ام فهد : انت من متى رديت من السفر و ليش ما ييت و سلمت علي فهد و اهوة مو طايق روحه و اتيي امه الحين و تكملها : يمااا جوفي بروحي واصل حدي اسمحيلي مالي بارض اتكلم راح ارتاح الحين بعدين اكلمج ام فهد طنقرت : و الله انك ما تستحي انا امك اتكلمني جذي فهد وصل حده : اوهووووووووو كلش مالي بارض مشاكل كفايه الي عندي، دخل الغرفة و سكر الباب و خلا امه تتحلطم معا روحها ______________________________ صــــباح يـــوم الأحــد الــــساعهـ 6 تي شيرت طايــــر في الهواااااااا بناطلين وجينزات منتشرين حوالين الغرفه شووزات اكرمكم الله ينفلعون على البـــاب مجلاات مبعثره في كل مكااااان الغرفه منقلبه فووق تحت عفييسهـ وحوسه ماتــبين من الاغراض المفــلته وصرااااخ وسب وشتم في الخدامه المسكينه روان : ايــــااالـ .... اوريييج يااا لكـــشمي اوريييج مااكون رواااان ان ماعلمتج الادب لكشمي واهيا واقفه يم الباب : رواان شنو في انتا انا يقول حق انتي انا مافي ياخذ قميص مال انتا رواان ((واهيا تصارخ )) : جــــب سكتي ما ابي اسمع صوتج يعني وين راح هااا دخـــلت ام روان عند روان : روااان شفييييج شصاااير شهــالصرااخ هااا عورتي راسي !؟؟ يـــــــــــااويلي شفيهــــــــا الغرفه جذي شمسوويه انتي ! ليــــش الاغراض منثره جذي روان : يــــمه جوفي لكشميوووه ما ادري وين ودت قميصي ام روان : الحــــين ات ي صج ماعندج سالفه على قميص مسويه كل هالحوسه والنثره .. اخذي قميص ثاني من قلة القمصان الي في كبتج روان : لااااااااااا ماابي توني شايرته يديد ابي آخذه وياااي الرحله اووووف ام روان : روااااااان والله لو ماسكتي وسكرتي شنطتج ونزلتي تحت يااويلج والله مابخلييج تروحين الرحله رواان : لاااااااااااااااااااا بــــس خلاااص اووووف وهذا الحين انا بسافر وتزفيني جذي لو سيفوووه حبيب قلبج جان قعدتي تلمينه وتزفين لكشميو علشان ضيعت قميصه ام روان : رواااااااااااااااان خلااص تراج لوعتي جبدي لو صرتي عاقله نفس اخوج .. روان تقاطعها : ايييييييه هيين سيفوه عاقل من متى هههههههههههههههههاي ام روان : بـــس يـــا بنــــت روان : اوووف خلاص اووكي ام روان : يالله بسرعه سكري الشنطه ونزلي روان : ان شاء الله . ,. , , روان ( تكلم روحها ) : الله واخيرا يأأ يوم الرحله ونـــــــاااااااااااسه بنتم اسبووع هناااك وسيفوه مب ويااااي الاااااي بااااخذ راحتي من قققلب .. سكرت شنطتها الي شكبرهااا تقول بتهاجر من البيت مو رايحه رحله اسبوع وفي المزرعه نــزلت تحت وراحت عند سيف وامها وقعدت تفطر وياهم ســـيف (( واهو يجوف الخدامه نازله ووياها شنطة روان )) : بااااااااااال رواااان شهالشنطه شدعووووووووه بتهاجريين كل هالملابس ماخذتهم حق سبوووع ! روان : يييييه شعلييك انت .. ايي كلهم بلبسهم .. سيف : الله يهدااج بس .. ما اقدر ازفج اليوم بتسافرين تصدقيـــن بفقدج بيخلا البيت ام روان : اي والله وانت الصاج بيخلا البيت من حسها روان : اححححححححم احححم كبر رااسي ههههههااي علشان تعرفون قيمتيي بس سيف : اوووه جافت عمرها ذي .. اقول بس لانج بتسافرين ترى روان : اسسسسكت سييفوه الحين بصيح تراااا واهوون ما روح سيف : هههههههههههه من يهون روان لاا ماصدق اقول عن التمثيل روان : لا صــج والله سيف : عيل خلاص اتصل في مدرستج واقولهم روان مو يايه روااااان : لااااااااااااا وييين مو يااايه هههههههه شيفك انت امززززح ترااا سيف : ههههههههههههه وانا اقول .. يالله قومي صارت الساعه 7 خلني اوصلج المدرسه روان : يالله ام روان : يمه ديري بالج على روحج هناك .. لاتسوين حركاتج ومقالبج .. وخل جورا الاساتذه لاتضيعين روان : اييييه ان شاءالله يممممه يالله خلني المج هع هع ترى برووووح ام روان : حبيبتي انتي ديري بالج على روحج سيـف : بووو ماصارت فلم هندي روان : ايييه غيراان هااااا سيف : يالله يالله ترى بيمشون عنج الساعه 7 ونص وصلت روان المدرسه واخذت شنطتها ودخلت وراحت عند الاداره وعلى الساعه 8 تحرك الباص من عند المدرسه متوجه لموقع السفينه الي بتاخذهم للمزرعه الي تقع في جزر حوار وصل الباص ونزلو جميع الطلاب منه وتحركو عند السفينه ودخلوها في السفينه ,, الطلاب قاعدين على الكراسي ومنهم على ارضية السفينه والمعلمه جدامهم واقفه تعيد وتكرر في النصايح الي مالها اول ولا تالي وروان حاطه يدها على خدها وتفكرر شنو بتسوي هناااك عقــــب نص ساعه استغرقتها السفينه في الابحار وصلو الى شاطئ جزر حوار ونزلو وراحو متوجهين حق المزرعه ودخلو الخيام الي انصبوها لهم علشان يريحون لهم ساعتين وبعدين يطلعون ويبدون استكشاف المزرعه ________________________________ في المستفى الساعه 9 الصبح كانت غزلان قاعده على السرير بعد ما تجهزت تنتظر شهد تخلص اجراءات الخروج و كل شي ... و شوي و تسمع دقات الباب غزلان : تفضل شهد و تطل براسها من الباب : يصير ادخل غزلان : اكييد حياج ، اصلن انا من مساعه انتظرج شهد و تسلم على غزلان : و اشلونها غزولة اليوم غزلان : و الله شوفة عينج الحمدالله بس لحين موذاكرة شي شهد عورها قلبها على غزلان الي صارت قريبة منها حيل و حاولت تغير السالفة : ها عسى جاهزة ؟ غزلان : اي جاهزة شهد : يلا عيل نروح امي متلهفة على شوفتج من كثر ما سولف لها عنج هههه غزلان : الله يخليها لج انشاءالله ، يلا حق ما نتاخر عليها و طلعت غزلان مع شهد من المستشفى و راحو لشقة شهد الي بنفس المنطقة وصلوا لعند باب الشقة طلعت شهد المفتاح و دخلو شهد : حياج يا الغالية تفضلي سمعت ام شهد صوت شهد دشت الشقة قالت اكيد معاها غزلان و قامت تروح لهم ام شهد: يا حياالله من يانا تو ما نور المكان ( تسلم عليها ) يا بنيتي اشلونج ؟ غزلان : بخير خالتي و انتي ؟ و الله مفتشلة حيل منكم و بتعبكم معاي ام شهد : اشهالكلام يا بنتي ترى ازعل عليج انتي بحسبة بنتي شهد و العين اوسع لج من المكان شهد : يلا عاد بنتم واقفين هني ام شهد : يلا دخلو ، و انتي يا شهد و دي غزلان الغرفة ترتاح على ما بال اجهز لكم شي تاكلونه شهد : انشاءالله يما ، يلا غزلان تعالي معاي الساعه 8 ونص فليل عند نورة .. كانت تشوف التلفزيون و تفرر في القنوات من الملل وقلبها يعورها ماتدري شفيها هاليومين ، خذت تلفونها من الطاولة الي يمها و كتبت رساله وطرشتها عيش بسعاده دوم وباظل لك ادعي.. الموت لا بد منه مكتوب على كل خلقه و إن جاني الموت فجأة لاتحزن و تنسى لطفه يوم يضمني التراب عن اليمين و اليسار و من فوقي و من تحتي عيش حياتك و لا تمشي ورى السراب حبيبي لو فارق الدنيا غيره بقلبي ما يدنى و أعيش الباقي بذكراه و أستنى بقربه أدفن لما يدفنوني تحت الرمال ويبعدوا عني الرجال خليك جنبي لحظات طوال يكون صوتك أخر صوت الوصال أنا أدري يوم اموت غيري بقلبك ما يفوز بس أبيك تحاول تعيش و تنسى اللي صار تنــهدت من قلب ونزلت تلفونها و راحت حق امها المطبخ .. نورة : يماا حبيبتي لا تطبخين عفيه نبي نتعشى برع اليوم متمللة وواصلة حدي ام نورة : خلاص كيفج اصلن انا بروحي مالي نفس اطبخ ، روحي تجهزي و خلي نور تتجهز و لا تتاخرين انتي وياها حق نلقى لنا مكان عن الزحمة نورة تبوس راس امها : الله يخليج لي يا احسن ام في الدنيا ، ثواني ما راح نتاخر راحت نورة تركض لنور بسرعه نورة فتحت الباب بالقوة مرة وحده : نووووور نووور نورررر نــــــــــــــــــــــــ ــ,ووووووووور !!!!! نور : وجع انشاءالله اشهالصراخ و الدفاشة ؟؟؟؟؟ صيري ناعمة مالت بس شتبين نورة : احين زين مني ياية اقولج انا بنطلع نتعشى برع عن الملل و تزفزيني ( قعدت يمها في السرير و بوزت >> انا زعلانة خخخخ ) نور : يا حياتيي انتي و الله صج بنطلع و تقوم نور و تناقز فوق السرير من الوناسة خصوصا ان توهم مخلصين امتحانات و لاعت جبدهم من حكرة البيت نورة : يلا يلا بلا مناقز بسرعه قبل لا تكنسل الوالدة جهزي بسرعه نور : اوكي و تجهزوو بسرعه و نزلو حق امهم الي لاعت جبدها من قد ما تأخرو عليها : اففف منكم لازم يعني هالتاخير نور و نورة : افا الوالدة جنها زعلانة علينا و يبوسون راسها و يرركبون السيارة ( نورة الي تسوق و امها يمها و نور ورى ) كانو يسالفون في السيارة و يتفقون على المطعم الي بيروحون له نور: انا ابي ليلو نورة : لااا ليلو هالحزة زحمة و اكيد ما راح نلقى مكان اقول نروح nu asia احسن نور : ليلو يعني ليلو ام نورة : بسكم صراخ و حنه خلاص نورة صاجة احين زحمة و كلا شباب نروح nu asia اهدأ نورة و فيها الضحكة من كلام امها لانها فشلت نور : ههههههههههههههههههههههههه هههههههههههههههههههههههه وعيي فشلوهااااا و اهية تلتفت على ورى و نور : اقوول جابلي حدللم ما تفشلت ولا شي نورة : رقعي رقعيي ههههههههههههههه و كل ها و اهية مو مركزة بالسواقة و نور مجابلة الدريشة مالها خلق تتهاوش معاها ام نورة : نورة انتبهيي !!!!!!!!!!!!!!!!!!!!!!!!!!!!!!!!!!!!!!!!!!!!!!!!! عند سيف طلع من الحمام ( و انتو بكرامة ) واهو ينشف شعره من الماي جاف جواله يطلع نور .... راح واخذه وفتحه جااف مكالمة لم يرد عليها من حبيبه قلبه نورة و مسج قرى المسج و صادته رجفة من الكلام المكتووووب وقال : شفيها تقول جذي يعني هذا كلام اتقوله ضقط على الارقام بخفه وتصل لها لكــــن التلفووون مغلللق : ييييه شالسالفه مفلق تلفونها يــارب سترك .. رد اتصل لكن مافيه فايده نفس الحاله اخذ جواله ونزل تحت علشان يتعشى في بيـــت أميــــنه << اخت سيــف الساعه 11 في الليل نومت بنتها مريوومه وطلعت من غرفتها بعدين راحت المطبخ وطلعت جبسات وبيبسي وجوكليت وراحت نادت حبيبها وزوجها الي تعشقه من مكتبه علشان يجوفون لهم فلم اميــنه (قاعده على الارض و ناثره السيديات حوالينها) : اممم اي فلم تبي نجوف حمد ( وقاعد على الارض يمها ) : والله ما ادري .. اشرايج في هذا (( ايميلي روز )) يقولون حلوو امينه : لااااا يمه رررعب شنو حلوووو حمد : يالله عاااد اصلا احلى شي الرعب حماااااس امينه : انزين ولو خفت يعني شلون بنام بعدين يقولون يخووف حمد : افااااا بس وهذا وانا وياج تخافين ويــغمز لها وبعدين سهله على النومه المج وتنامين مابتخافين امينه (( وويها احمر من الحيا )) : اووووف منك اووكي حطه حمد : ههههههه فديتج والله حط الفلم وقعدو يجوفونه وامينه اي مقطع يخووف نقزت من مكانها وقعدت في حظن حمد من الخوف وحمد يظحك عليها من ققلب على خوفها وترد تقعد مكانها عاد يوم خلص الفلم حمد لين الحين يضحك على امينه وخوفها امينه : حمووووووود اسكت عاااد انت ما ادري شلون ما تخاف لاتتطنز علي حمد : هههههههه شاسوي بعد ههههههه خوافه انتي امينه : لا والله بعد يخوف شتبيني اسوي كله منك قلت لك لاتحطه حمد : ههههههههههههههه يالله صكي الليت وامشي ننام تاخر الوقت امينه : هاااا اصك اليت برووحي تبيني انزل اروح اسكره بروحي تتظنز انت عقب الي جفته ما اتحرك الا وانت وياااااي حمد : ههههههههههه مينوونه انتي تراااه خيااال مافيه في الصج امينه : الا ايميلي روز القصه حقيقيه حمد : ياابنت الناس تعوذي من ابيلس هذلين كفار من جذي امينه : اووووف انزين بسكره وبلحقك خل باب الغرفه مفتوح حمد : ههههههههه اووكي دخل حمد الغرفه وامينه تمشي خطوه جدام وترد ورى عشر من الخوووف : يممممه بيغمى علي من الخوووف غرربل الله بليسك حموود كله منك اعوذو بالله من الشيطان الرجيم بسم الله .. وتنزل من على الدرج بكل حذر خخخ وتتلفت ورا وجدام .. واخيرا وصلت عند الكهربا وسكرت النور التفتت تبي ترجع والااا تصرررررخ ذيج الصرررخه يمااااااااااااااااااااااا اااااااااااااااا يــنـــــــــــــــــــــ ـــــــييي يماااااااااااااااااااا حمممممممممممممد الححححححححححق علييييي جااان ينزل حمد واهو يركض من فووق ويتوجه لها بسررعه : شفيييج ويييينه امينه : كاااهو هنااااااك .. وتاشر على السوفا حمد : تعوذي من بليس مافيه شي امينه : لااااا فيييه يمااا جوفه راقد على السوفا والا ظل الشجره من برع صاير على الارضيه داخل البيت جاااان تصرررخ مره ثاانيه بقوووووووه يمااااااااااااااااااااااا تحررررررررررررررررررررك جووووووف وتسكر عيونها اخذها حمد وظمها وقعد يهدي فيها وفتح الليتات واهيا تتمسك فيه اكثر : حبيبتي اموونه جوفي مافيه شي كله تخيلات امينه ( لين الحين تصيح بقوه وترتجف ) حمد : حبيبتي جوفي رفعي راسج البيت مافيه شي هذي لعبة مريومه على السوفا هنااك وذا الي تحرك ظل الشجره من برع امينه ( شوي شوي ترفع راسها واهيا متمسكه فيه وتدور بعيونها على الجني على قولتها) امينه (( وحدها خجلانه من تصرفها )) ومنزله راسها وبتعدت عن حمد : آآآآأاااا ما ادري انا جفته حمد : ههههههههههههههههههه قومي وياااي يالله ننام حشى ماصارت فلم رعب امينه : اوووف كله منك حمد : خوفتيني عبالي صاير شي امينه : محد قالك تحط لي فلم رعب .. جوف قمت اتخيل طب قلبي في بطني حمد (( واهو يبوسها على خدها)) : اسم الله عليج حياااتي خلاص ياقلبي اخر مره (( ويغمز لها )) يالله امشي الغرفه ننام امينه : حمممممممممممممممممد حمد : هههههههههههههههههههه فديت الي يستحووون اناااا نهـــاية البــــاااارت