حبك رسمك في ناظري وين ما أروح - الفصل 4 - بقلم Kramella ve Chocolita - مكتملة | روايتك

البارت 4 نروح لمكان من زمان عنه .. في المستشفى في قسم العناية المركزة كانت الممرضة تلقي نظره على فحوصات المريضة الي صار لها اسبوع نايمه على هالسرير فجأه حست بحركه خفيفه من الجسم المستلقي بضعف قربت اكثر تبي تتأكد .. المريضه رجعت رفعت يدها كأنها تقاتل الضعف الي فيها بعد ماشافت الممرضه هالاشاره ركضت بسرعه تنادي الدكتور الي كان بالغرفه الي جنبهم يفحص مريض ثاني وصل الدكتور البنت رجعت غمضت عيونها بعد الجهد الي خذته الحركه منها بعد مافحصها الدكتور رفع راسه بأبتسامه : المريضه قامت من الغيبوبه الممرضه: الحمدلله >>كان يبين على الممرضه الخوف خصوصاً انها جديده بهالمجال الدكتور: خلاص خليها ترتاح وراقبيها كل فتره بعد كم ساعه فتحت عيونها ببطء ورجعت غمضتها بسبب الضوء القوي الي دخل بعينها الي ماشافت النور لأيام .. رجعت فتحتها تبي تشوف المكان الي اهيا فيه جاها صوت الممرضه الي دخلت من شوي : صباح الخير :صباح النور ... كانت بتنطقها بس حست كأنها مشلوله خصوصاً ان الماي والاكل مادخل جسمها وغذاءها الوحيد كان عبر المغذي الممرضه حست فيها : عطشانه؟ هزت راسها بضعف الممرضه بتعاطف: الدكتور مانع تاخذين اي شي بهالوقت بس تقدرين تبللين فمك بالثلج .. ثواني بس لفت راسها بعد ماطلعت الممرضه : ليش انا هني .. شاللي صار لي قطع سرحانها الممرضه داخله وبيدها كوب فيه ثلج مررت الثلج على شفايفها بس عشان تبللهم بعد ماخلصت حملت الممرضه الكاس وقالت لها بأبتسامه: الدكتور راح يجي بعد شوي عشان يفحصج :لحظه .. قالتها بضعف وحاولت تصيغ جمله: انا ليش ... وسكتت شوي : ليش موجوده هني الممرضه بتوتر : كل الي اعرفه انج تعرضتي لحادث والي صدمج هرب وماقدرو يوصلون له للحين حطت يدها على راسها بخوف وهي تحس بأحساس غريب كأنها مو قادره تستوعب شي ... * * نروح حق بيت بو زياد ... بو زياد دش البيت بصراخه : الله لا يبارك في بنتج انشاءالله انا وين اودي ويهي و ما بقى مكان ما دورتها فيه مالها اثر اختفت ام زياد و حالتها حالة بس طول اليوم تفكر و تصيح : الله يردها بالسلامة اهىء اهىء اهىء بو زياد : اخخخخخ بس لو اصيدها راح تجوف شي عمرها ما جافته ام زياد ............ ساكته ما حبت تزيد المشكله و دموعها تنزل نزل زياد من الدرج و شاف الوضع مكهرب زياد : السلام عليكم ابو زياد و ام زياد : و عليكم السلام زياد : ها يبا بشر اشصار ؟؟ عسى بس في اخبار تبرد القلب؟ ابو زياد : لا و الله انا من الصبح ما بقى مكان ما رحته ما لقيتها زياد : خلااص يبا انت ارتاح و انا اجوفها ابو زياد : وين ارتاح و انا مادري وينها فيه !! اشوة الي الرجال مسافر جان مادري شبسوي زياد : لا يبا ارتاح انا الحين رايح ابدل و ادور عليها بالمستشفيات ابو زياد : الله يوفقك يا ولدي و بشرني اذا لقيت شي زياد : ان شاء الله بالاذن راح زياد فوق غرفته و غير ملابسه و طلع توجه للمستشفيات واحد واحد و كل مستشفى يدش فيه يسالهم عندكم مريضة اسمها غزلان خالد ال .... و كلهم يردون عليه ب لا و اهو يطلع و يروح مستشفى غيره حتى صار العصر و اهو داخل و طالع من كل مستشفيات البحرين حتى وصل لآخر مستشفى وقف السيارة في المواقف و نزل من السيارة وووووووو فجـــــأه !!!! ............... * * * في بيت بو فهد كانت ريم تسولف مع رفيجتها ريناد على المسن .. ريناد : انزين ها شقلتي ؟؟؟ ريم : بخصوص شنو !!! ريناد : عن الطلعة . و الله وناسة بنقعد في كوفي بعدين بندخل السينما وعقب بنتعشى ريم : امممم ، انزين انتي متى قلتي ؟؟ ريناد: يوم الخميس ، يلا عاد وافقي ترى تمللنا من قعدة البيت ريم : اسفة و الله بس ما اكد لج بس بجوف امي اذا رضت اوكي ؟ ريناد : اووه ريووم يلا عاااد و الله ابيج تروحين معاي ريم : اوكي اوكي بجووف قلت ريناد (ضحكة بخبث ) انا ارويج : ايوة جذي تعجبيني ريم : هههههههه قلنا بنجوف انتي تدرين لو امي عندها شي نو واي تخليني اروح ريناد : اهااا يلا ما علينا حاولي ريم : اوكي يا عسل طق طق طق >>> رنا تطق باب غرفة ريم ريم : تفضل رنا و تطل من فتحه الباب : هلا ريومة يصير ادخل !! ريم : اكييد رنا ( ابتسمت ) لان تدري ان اختها من داخلها قلبها طيب ريم : اشفيج ؟ رنا : ولا شي بس البيت مافيه احد و كنت حدي متملله قلت ايي اقعد معاج ريم حز بخاطرها ان اختها دايم تتقرب منها اما اهية دايم تكسر بخاطرها ريم : اكييد حياج اتيين باي وقت ..... و كتبت حق ريناد برب ريم : قولي لي شخبار الشغل معاج ؟ رنا : و الله ما فيه شي مثل كل يوم و انتي اخبار المدرسة ؟ ريم : لا جديد بس ريناد صديقتي توها اتقولي ان تبي تروح المول وتبيني اروح وياها رنا : ريم ريناد هاذي الي اخر مرة يات بيتنا صح ؟؟ الي قلتي توج متعرفة عليها ذي السنة و الا انا غلطانة ؟ ريم : اي اي هاذي ريناد رنا : انا اختج و احبج و اخاف على مصلحتج بس ذي ريناد بلييز تركيها عنج كلش ما ارتحت لها !!! ريم و معصبه حدها من كلام اختها : اقووول لا تسوين لي فيها مصلحة اجتماعية فكينا من نصايحج انا غلطانه الي مجابلتج عندج شي عدل قوليه ما عندج جوفي الباب انجلعييي !!!!!!! رنا و اهيا طالعه من الغرفة : الله يهديج بس ريم ردت فتحت المسن ريم : باك ريناد ولكم باك ريم : ريناد انا مضطرة اسكر احين اكلمج وقت ثاني ريناد اوكي و لا يهمج باي ريم : باي ____________________________ خلونا شوي نروح بعيد عن اجواء المملكه لباريس حيث كان بطلنا فهد في احد الشركات الفخمه الي كان يتعامل وياها فهد وقع على الصفقه الي كان حاظر علشانها وسلم عليهم وطلع من الشركه متوجه حق مكتب السفريات يحجز له رحله للبحرين بس للأسف مالقى حجز الا حق بكره طلع من المكتب متوجه لكوفي شوب يقعد فيه فهــد بعصبيه : والله مب وقته مافيه حجز وانا الي قدمت موعد الصفقه علشان ارد البحرين بسرعه واجوف الي ملكت قلبي وعقلي بس معليه ياغزلان انا وراج والزمن طوييل عيل ماتبين تجوفيني يوم الملجه ياايـــج وباراويج منهو فهد الي تعاندينه _________________ دخل الدكتور على مريضتنا الي كانت سرحانه بعمق الدكتور:السلام عليكم ...:وعليكم السلام د.:شخبارج الحين ان شاء الله احسن ردت وهي تحس بعافيتها بدت ترجع لها خصوصاً بعد ما سمح لها الدكتور بالاكل : الحمدلله .. الدكتور: الحين نقدر نتكلم شوي .. وبعد مااكلمج في شخص من الشرطه حاب يسألج كم سؤال بخصوص حالتج بس وكمل بأبتسامه عشان يهديها: تقدرين تقولين لي اسمج هذا السؤال الي كانت تحاول تجاوب نفسها عليه : م ... مادري تفاجأ الدكتور: كيف .. في احد مايعرف اسمه فجأه بدت تبجي بهستيريه: قلت لك ماعرف اسمي ماعـــــــــــــرف من انـــــا ولا شي عن روحي ولا شييييييي ولا شييييييييييييييييي بدت تضرب بيدها على السرير بقوه وهي تبجي : ليش يصيدني جذي احس كأني عمـــيا توها تفتح وتشوف الظلمه حولها انا شفيييينيي الدكتور بدى يحس بقلق على حالتها مافكر انها ممكن ...... د. :سستر بــــــسرعه عطيها ابره مهدئه طلع برع الغرفه حيث الشرطي كان ينتظر عدل وقفته : بشر دكتور نقدر نباشر بالتحقيق الدكتور نزل راسه : للأسف ماراح يفيد .. استغرب الشرطي د. : كنت حاط احتمال ضئيل على هالشي بس ... المريضه فاقده الذاكره الساعة 6 المغرب في بيت بو سيف صحت روان من النوم بالغصب ودخلت الحمام (( اكرمكم الله )) تتوضى علشان تصلي المغرب . خلصت ونزلت من على الدرج واهيا تفرك عيونها لقت امها واخوها سيف قاعدين في الصاله يجوفون برنامج ديني فلتت روحها على الكرسي بقوه وقالت لهم : صبااح الخير << عبالها الصبح مسكينه خخخخ سيــف باستنكار : صباح الخير .. ترى الحين المغرب اي صباح ويا ويهج ام سيف : بسم الله على بنتي ينت , أي صباح يمه روان : بسم الله الرحمن الرحيم كليتوني هئ ترى توني قايمه من النوم وعقلي مو ويااي فماركزت  سيف : ههههههههه وانتي متى ركزتي او مخج كان ويااج كله مفهيه ولا تدرين شالسالفه روان : سيييفوووووه اسكت عني احسن لك لاتخلي شياطيني تطلع ترى تعرفني عدل سيف : يييمه ييييمه بس خفت رووحي زين لااعطيج بووكس اطير ويهج روان : الله يرحمك ياسلوم بو تيله ويينك تجوف شصار فيني من بعدك سيف : ههههههههههههههههههههه الحين شدخل سلوم بوتيله روان : اسكت اسكت مالك دخل ام سيف معصبه : ببببببببس عااااااااد خلاص انتو ماتتجابلون وتتكلمون مثل الناس كله هوااش روان + سيف : اسفيييين يمه عااد كلش ولا الغاليه .. وقامو يغنون .. ســـت الحبااايب يااااحبــيـــبه << هع وراحو يبوسون راسها قعدو شوي وهم ساكتين .. فجأه !! صرررخت روااان روان : يييييييييييييييييييييمه والله اني احبج واغليج وانتي احلى وحده في الدنيا وممممحد يسواج وقاامت اتغني وترقص .. امي ياا اول حب عشته بدنيااي ام سيف وهي تضحك : روااااااان بسس شفييج شتبين ادري وراج شي روان : فاااهمتني فاهمتني يايمه .. وراحت قعدت على الارض جدامها وتربعت الله يسلمج ياست الحبايب انتي يعني تدرين امم انه المدرسه دايما يودونا رحلات ويعني اليوم عطتنا المشرفه ورقة رحله حق جزر حوار ويعني تدرين بيودونا مزرعة تفااح هناك علشان التقرير الي بنسويه يعني الله يخليج واااااافقي سيـــــف : نعم نعم لا والله حلفي بس .. تدرين انه مدرستكم خلط وثانيا بتروحون جزر حوار يعني بعيده عن الديره لازم تطلعون بالسفينه روان : يييمه جوووفيه ام سيف : والله الي يقوله اخوج اهو الصح روان : سف سف حبيبي تدري لازم اسوي التقرير ومايصير اسويه الا لو رحت هناك سيف : اولا خربتي اسمي شنو سف سف هااا وثانيا قلت لا روان : بليييييييييييييز يالله عاااد لاتصير جذي والله ترى طالعين رحله تعليميه حق نسوي تقرير مو لعبه سيف ساكت ومعصب روان : سيوفي يالله واافق سيف : افكككككر << ويسوي حركات في وجهه علشان ينرفزها روان : جووف النذل يالله عاااد سييف : نذل هاااا جوفي من بيوقع على الورقه روان : لا والله السموحه يا خوي بس والله بالغلط طلعت الكلمه وهذا راسك وبسناه سيف : اووف بعدي عندي ياللزقه خلاص روو.... وقبل مايخلص سيف كلامه ماااجااافو الا غبااارها واهيا ترركض فووق تيب الورقه قبل لا يهون اخوها سيف : يالخبله لاتطيحين شوي شوي <<< هع ام سيف : الله يهديها بس ما ادري متى بتعقل سيف : ما اضن بتعقل خخخخ شوي والا يطق الجرس متواصل ورى بعض طييييييييينق طووووونط طيييييييييييييييييييينق طوووووووووونق << صوت الجرس هيهيهيهي ام سيف : بسم الله الرحمن الرحيم من الي يطق الجرس جذي سيف : ما ادري بروح اجوف الله يستر بس انزييين صبروو شوي دقيييقه بفتح البااااب فتح الباااب وووو جاااااااااااااااف بنت اخته واخته وزوجها ... جان يصرررخ مررريوووومه حبيبة خااالها الحلوووه ويحملها ويبوسها ويفرص خدودها امينه : لا والله احلف انت بس سافهنا وموقفنا جدام الباب ولا ماعطنا ويه (( وجه )) ولا حتى سلمت سيف : اووه السمووحه اختي هلا فيجج تفضلووو هلااا حمووود شخباااارك حمد : هلا هلا الحمدالله وانت سيف : الحمدالله بخييير بجوفة مريومتي حمد : ههههههه امينه : اييه مو كانه انا اختك كل هالحب حق هالنتفه مريوومه : ثوووف ماما هههههه تغار مني سيف : هههههههههههه صحح اي والله تغااار منج .. ويفرص خدودها امينه : سكتي انتي بس هههههههه ضروسها طايحين وتقول حرف الجيم ثاء سيف : فديييتها وفديت ضرووسها انااا عثل عثل مريومه تتدلع : ايييي عثل جفتوو خالو يحبني اناا بس صح خالو سيف : صح الصح ياااحلوه وتمو يضحكون عليها ودخلو عند امهم وراحو يسلمون عليها وقعدو يسالفون وفجأأه !! صراااخ او اعصاار متوجه للصاله وحركااات بهلوانيه وتتزحلق على الرخام سسسسسسف سسسسسسف سيوووفي ياحوبي لك والله يــيــت ويــبــت الورقه ويااي وتدخل الصاله جاان تصررخ مره ثانيه .. امووووووووون مرريووووووم حموووود يااهلا ياهلا بالقاطعييين جان تنقز مريومه وتروح ركض حق خالتها الي تعتبرها قدوتها في التصرفات مريومه : خااالتي حبيييبتي وتــــلمها روان واهيا تشيلها : مي مي حيااتي انتي ياالبى هالخدوود وتقعد تفرص خدودها بقووه ومريومه شوي وتصيح اميينه : حسبي الله على بلييسج ياا روانو ذبحتي بنتي ذبحتيها الحين بتصيح جووفي خدودها صارو حمر روان : هههههههههههههههههاي كيــــــــــفي هع انا واهيا نتفاهم امينه : هـــاتيها بس روان : مي مي حياتي روحي حق امج مريومه : ما ابي اروح لها انا احبج بتعطيني حلاوه صح روان : اكييد ياقلبي .. هع هع جفتي ماتبيييج هههههههااي امينه واهيا تمد لسانها حق روان : ويا ويهج اصلا بس لانه بتعطينها حلاوه ام سيف : وييي ياحسرتي امينه وهذي انتي العاقله تسوين جذي ترى بنتج تبيج بس الحين جافت خالتها فقاعده تلعب وياها حمد : هههههههههههاي عاد ياا خالتي ماتدرين ترا اموون نفس اليهاال هههههههههههههه امينه : لا والله نفس اليهال هاااا بتجوووف وتمد بوزها زعلانه حمد : لاا عاااد مانقدر على زعل الحبااايب يالله عاااد حبيبتي امزح ويااج سييف و روان : هييي انت ويااها ترى فيه عزابيه وعوانس هني لاتخربونا امينه وجها صار احمممر وحمد : والله ما ادري من الي يخرب من سكتو بس كلهم ههههههههههههههههههه * * بعد المغرب في بيت ام نورة .... كانت نور قاعده في الصالة تجوف تلفزيون ، و نورة عندها محاضرة في الجامعة لحين ما خلصت ... اما ام نورة فكانت بالمطبخ تبرز القهوة و الشاي و الحلويات حق اخوها و مرته لانهم على وصول في هالاثناء الساعه 6:00 المغرب رن جرس بيتهم ( تن تن تن تن ) ام نورة راحت عند الباب اهيا و نور يستقبلونهم لانه من زمان ما زاروهم ام نورة فتحت الباب : يا حيا الله من يانا تو ما نور البيت يا خوي بو ناصر : النور نورج يا اختي و تمووو يسلمون على بعض ( كان بو ناصر و ام ناصر وولدهم ناصر كلهم يايــيـن يزورونهم ) ام نورة : حياكم داخل كلهم : الله يحيج و قعدوا كلهم و تموا يسولفون ..... طبعا نور متحجبة بما ان ولد خالها موجود و قاعدين مع بعض ام ناصر : شخباركم شعلومكم ؟؟ و الله من زمان عنكم ام نورة : و الله كلنا بخير ما تتصورين اشقد استانست بيــيتكم البيت قطع بو ناصر افكار نور الي كانت سرحانه : شخبارج يا نور مع الجامعه نور : الحمدالله خالي كل شي تمام ابو ناصر : الا وينهي نورة ما جوفها ؟ ام نورة : و الله اليوم عندها محاضرة العصر المفروض اتكون احين بالطريج ياية و يقطع كلامهم صوت فتحه الباب الداخلي بقدوم نورة الي توها ياية من الجامعه نورة : السلام عليكم الكل : و عليكم السلام و توجهت نورة لخالها و مرتة و سلمت عليهم اما ناصر فكاااان في عالم ثاني من جاف بنت عمته الي يحبها من كان صغير و محد يدري فيه لان طبعه كتووم بس مشاعره تفضحه . نورة : اشلونك ناصر ؟ ناصر : بخير يا الغا .... ( حس بعمره اشكان بيقول ) احم يا نورة و انتي ؟>> توهق مسكيــــــــن نورة : الحمدالله و كملت : عن اذنكم شوي بروح ابدل و ايي ردو عليها : اذنج معاج راحت نورة تبدل ملابسها و لبست شيلتها و نزلت تحت تقعد معاهم نزلت من الدرج و قعدت معاهم و كانت القعده معاهم و لا اروع اما ناصر فكان يراقب كل تحركاات نورة الي كاان هيمان بحبها وخطرة على باله كلمات الأغنيه ..>>> إلتفتلي .. إلتفتلي من وأنا صغيرون أحبــك وإنت لاهـي أحبـك وحيـل حيـل شديـت إنتبآإهي وأنا أدري .. إي والله أدري لآإ شعورك يمّـي ولآإ هـو بإتجـآإهي منشغـل منشغـل عني وسـآإهي آه يا عمـري إنـت .. يآإ عمـري إنـت مايخـآإلـف بعــذرك أدري طبـع آلدنيآإ التـلآإهي صـورتـك , وجهــك , وصـوتك لاحقـونـي بكـل مكآإني نظرتـك , همسـك , سكـوتـك سبـّت آلحـب اللـي كـآإن اما نور فكانت تقدم لهم العصير و كانت متنرفزة وواصلة حدها من حركات ناصر يوم وصلت عنده تقدم له العصير جافت نظراته حق اختها و انقهرت جان تحرك الصينية بسرعة و انكت شوي من العصير على حظن ناصر بدوون ما تدري قام بسرعه ونور جاته بعلبة الكلينكس نور (ووجها شب احمر ميته من الفشيلة ) : يا ربي اشسويت انا ... بصو ت واطي : اسفة ناصر ما كنت اقصد ناصر : لا نور افا عليج اشهالكلام حصل خير بروح اغسله اشوي و بينشف اما نورة فكانت ما تدري بالدنيا لاهية بالمسجات مع حبيب القلب و ناصر كان منقهر من برودها ناحيته و لا بمهتمة بوجودهم كلش رد ناصر و جلس و استمرو بالسوالف و كل واحد لاهي بدنيته بعد كم ساعه بو ناصر : يلا يا اختي نستأذن الحين ام نورة : وين تو الناس خلكم تعشوا معانا ام ناصر : والله قعدتكم ماتنمل بس خليها مره ثانيه بو ناصر : ان شاء الله الجايات اكثر ام نورة : ان شاء الله خلوني اوصلكم و قامت ام نورة و نور معاهم عند الباب يوصلهم اما نورة فكانت تسولف مع .... << ان شاءالله عرفتوه !! و اهما يسلمون عليهم عند الباب ناصر كان يدور تلفونه تذكر انه نساه في المغسلة يوم يغسل ثوبه ناصر : لحظة شوي نسيت تلفوني داخل بروح اخــذه و تمت ام نورة و نور معاهم برا يسالفون لين مايرد ناصر دخل ناصر البيت و انصـــــــــــــــدم !!!!!! عند نورة .... كانت قاعده و تراسل سيف و كل واحد يطرش رسايل غزل في الثاني و جان ترفع الموبايل و تتنهد بحب ااااه ه ه ه احبــــــــــــه يا ناااس و تبوس تلفونها عند ناصر ... تحطم من قلب لما عرف ان حب حياته تحب وااحد ثاني و انجرح و حس الدنيا مسوده في عينه و اهوة يجوفها تقول هالكلام ناصر : احم احم نورة (بتوتر ) خافت انه سمعها : ن نا اا ناص ناصر !! ناصر : اي اشفيج بس نسيت تلفوني نورة : اها خذ راحتكـ ناصر و اهوة متوجه للمغاسل حق اييب تلفونه قام يتكلم بينه و بين نفسه واهو يضغط على التلفون بقوه : لا يا نوورة مستحييل اضيعج مني مستحيــــــــــــــــــــ ــــــــل !!!! افقد كل شي بالدنيا الا حبــــج ، انا لازم اسوي المستحيل حق تحبني مو معقولة اتركها بهالسهولة هذي و طلع بسرعه من البيت و راحت عايلة بو ناصر لبيتهم و دخلو ام نورة و نور البيت وصل ناصر امه و ابوه البيت و حس بروحه حيل متضايق فنزلهم البيت و كمل طريجه يتمشى في السيارة يغير جو شغل المسجل و سمع اغنية راشد الماجد الله رمى حظي معاه دنيا حظوظ والله رمى حظي معاه عندي حبيب ما له حبيب الا الذي يمشي برضاه من وين وين يا ناس وين القاها يعني في هواه اصبر عليه وان غاب اجيه وهو يتحداني بخطاه ان قلت ابيه شالحل فيه لاني في ارضه او سماه انا ب جهاد وهو بعناد والمشكلة يعرف غلاه حاولت اقول الشرح يطول اشرق وتمنعني الدموع مسك الختام واخر كلام لا عاش حب في خضوع و حس بكلماتها تقص قصته الي حس انها انتهت و اهيا لحين ابدايتها و سرح بفكاره مع الاغنية و كان يسووق بسرعه ... و فجـــــــــــــــــــــــ ــأة !!!!!!!!!!!! صرخ بقـــــــــــــــــــــــ ـــــوة :لااااااااااااااااااااااا� �اااااااااااااااااااااااا اا * * نهاية البارت ^^ .... انشاءالله عجبكم ؟ توقعاتكم ؟؟ البنت الي صحت بالغيبوبة ، راح تتذكر من اهيا ؟؟ ريم و طلعتها مع ريناد ؟؟ ناصر و افكاره ... تقولون شراح يسوي بنورة ؟؟ نور و نظراتها لناصر اشسرها !! شصار مع ناصر بالسيارة يا ترى !!!!!