يادروب المحبه بعد حروب - الفصل الاول - بقلم امل علي | روايتك

رواية يا دروب المحبة بعد طعنات الحروب الفصل الاول في الساعة الرابعة عصرا * انتهى التدريب والكل دخل لمكانه كانوا قاعدين اربعتهم في غرفتهم المخصصة لهم زياد : والله يا هو تعب بدر :كم باقي ونخلص الدورة ؟ ذياب بضحكة :صادق انت تونا دخلنا مالنا اسبوع زياد :يعني باقي اربع شهور هيثم : ما توقعت بتعب من اول اسبوع بدر ؛قم قم سو شاهي قام هيثم وهو يسوي الشاهي بعد دقايق خلص وقعد مع اخوياه وهم يسولفون ذياب :انا بنرقد اذا صار وقت التدريب صحوني بدر :قم يمكن يسوون تحضير مُفاجى ذياب :يرجال ما عليك نومي خفيف "كل الاحداث التي تُذكر من نسج الخيال " بمكان ثاني * كانت تكنس الحوش وهي تتأفف :الله ياخذ ذا العيشة امها :اشتغلي وانتي ساكته امجاد :انتم مين قالكم تاخذوني معاكم ترا ولدت في السعودية لو تدرون امها :وتسحبين طلعنا برضانا ولحالنا ؟ ترا كل الي بالقرية انطدوا مثلي مثلك ولا مين يعيش في السعودية ويبي يطلع ؟ امجاد :ويعني مراح نرجع خلاص ؟ امها : الله اعلم يمكن تتحسن الاوضاع ونرجع تنهدت امجاد وهي تطلع من البيت وتتمشى بقريتهم صرخت بخوف من صوت طلقات النار وركضت لبيتهم وهي ترجع امها بعصبية :ما قلتك لا عاد تطلعيين انتي ما تتوبين ما تشوفين الي يموتون بسببهم ؟ تعبناا اقعدي مكانك امجاد : مابي اقعد هناا تعبت اصحى على رصاص وانام على رصاص تعبتت طلعت من البيت مره ثانية وهي كارهه دولتهم والفقر والحرب الي فيها … طلعت للجبال وهي تناظر القرى والبيوت المتفجرة والاراضي المُستحلة من قبل الحزب الموجود بدولتهم مشت وهي تبعد عن القرية بكبرها وقعدت تمشي بين الوديان والاراضي وقفت مكانها وهي تشوف المعسكر للجنود .. تقدمت زيادة وهي تشوف الجنود وهم يمشون بوسط الساحة عقدت حواجبها وهي تشوف الزي العسكري السعودي الي لابسينه ابتسمت وهي تمشي بشويش وتناظرهم عن قرب اكثر " كل الاحداث التي تُذكر من نسج الخيال " بالمعسكر * بدر :ولد قمم ذياب : شتبي ما جاء احد خلني انام سحب اللحاف وهو ينام سحبوا عليه وهم يجددون قهوتهم هيثم :والله ياني مشتاق للوالدة بدر بشوق :كلنا والله زياد :هذا وما اخذنا اكثر من اسبوع واشتقنا لهم فزوا ثلاثتهم وهم يوسعون عيونهم من الي دخلت وهي ترفع قبعة بلوفرها عن وجهها وانتثر شعرها زياد بصدمه :من انتي ؟؟! امجاد وهي تناظرهم ثلاثتهم : ساعدوني بدر :شتقولين انتي ؟اطلعيي لا يشوفك الضباط وبنروح كلنا في مصبية بسببك امجاد :ابي مساعدتكم الله يخليكمم هيثم :تستهبلين وش جابك انتي ؟؟! فزوا ثلاثتهم من سمعوا صوت الضابط المسؤول عنهم قريب من غرفتهم قام بدر وهو يسحبها ويدخلها بالحمام "اكرمكم الله " الضباط وهو يناظر السجل :ذياب بنن سعود بدر ضرب ذياب برجله وهو يصحيه فز ذياب وهو يناظر الضابط :سمم الضابط ناظره من فوق لتحت :بدر بن فيصل بدر :موجود حضرهم كلهم وطلع ومسك زياد راسه زياد :شنسوي في المصبية الي دخلت علينا ؟ ذياب مسح عيونه وهو يفتح باب الحمام ووسع عيونه من شافها : مينن ذي يعيالل؟؟! بدر :شوفت عينك ما نعرفها ولا تعرفنا ذياب :من انتي ؟وشتبين ؟وشجابك ؟وكيف دخلتي ؟ امجاد بلعت ريقها وطلعت : دخلت من السياج وابيكم تساعدوني عشان ارجع للسعودية ذياب :تستهبلين انتي ؟انقلعي لاهلك بدر :ذياب اهدأ ذياب :تستهبل انت ذي لو يشوفها الضابط بنروح اعدام انصدموا كلهم من نطقت : شكلكم تخافون من الضابط اذا ما رجعتوني للسعودية بقوله انكم خاطفيني عشان اتجسس عليكم وانقل معلوماتكم للحزب اليمني "كل الاحداث التي تُذكر من نسج الخيال " بغرفة العيال * ذياب بعصبية دف بدر عنه وقرب منها :مسويه تهددين الحين؟ تهددين مين انتي ؟ قربوا العيال منه وهم عارفين عصبية خويهم امجاد :اذا تعتبره تهديد شي راجع لك بس انا اطلبكم المساعدة بحسن نية بس انتم مو راضين بدر : لا تفكرين بنخسر شي اذا علمتيه امجاد بضحكة :طيب وخر بعلمه تقدمت وسرعان ما مسكها زياد ووقف عند الباب :يعيال استهدوا بالله ذي لو تروح تعلمه قسم بالله حتى عامل نظافة ما يقبلونا ذياب :خله تروح تعلمه بشوف وش تسوي هيثم بجدية :اقعد انت وياه وانتي اقعدي قعدت امجاد وهي تخز ذياب وبدر هيثم :اسمعي يا بنت الحلال احنا مانبي لا نورطك ولا تورطينا ارجعي لاهلك ومن مكانك وامنعينا من المشاكل امجاد : انا مو جاية ادور مشاكل طلبتكم تساعدوني وترجعوني السعودية فقط ذياب :وليش منحاشه قولي وش مسويهه ؟ امجاد :مالك شغل انت ذياب : اذا ما طلعتوها بذبحها على يدي بدر :ولد خلاص هد شفيكك هيثم :وكيف نساعدك انتي ما تدرين اننا في دورة حتى احنا ما نقدر نرجع لاهلنا زياد : نهربها ونفتك هيثم :وكيف بتهربها؟ زياد :زي ما جات من السياج نطلعها من السياج امجاد :اقدر اطلع بس معرف الطريق لازم تطلعون معي ذياب :تخسين وزي ما جيتي من بيتك ارجعي وانتي ما تشوفين الدرب امجاد : انت شفيك تحسب ان الكلام لك بدر :خلاص انت وياها وانتي بعد اكرمينا بسكوتك سكتت امجاد وهي تناظرهم معصبين وخايفين لو تعلم الضابط بوجودها .. هيثم : الحل بتلبسين بدلة واحد من العسكر وبتتدربين معنا وتخلينهم يعاقبونك بالفصل باي طريقه ومنها تقدرين تروحين للسعودية زياد :والله فكرة بدر : وشعرها مو شايفه ؟ هيثم :خلها تلبس قبعة الصوف الي عند ذياب ذياب :ماني معطيها وخطتكم طلعوني منها ماني فاضي اتحمل مشاكلها بدر :ولد تستهبل ؟ ترا كلنا صرنا بنفس السفينه ذياب :اغرقوا لحالكم طلعوني من بحركم قام وهو يسوي له شاهي هيثم وهو يربت على كتف بدر :خله انت تعرفه وتعرف نفسيته زياد :بتقعدين بالغرفة لين نجيب البدله وندور لك حل ولا نشوفك طالعة او يشوفك احد غيرنا امجاد وهي مرتاحة لزياد واسلوبه :تمام بدر :سو شاهي لنا كلنا ذياب حط الشاهي وجاب اكواب للكل باستثناء امجاد زياد :وذي مب شايفها ؟ ذياب وهو يصب له :تشرب عند اهلها سحبت كوبه وهي تشرب ناظرها وكوبه بايدها وبحدة :تبين تجربين براد يمشي ميتين ؟ امجاد:محد قالك ما تجيب لي ذياب : انتي مصدقه عمرك وشايفه الوضع طبيعي؟ لا تخليني اقلب الطاوله عليك واعلمك ان الله حق بلعت ريقها وهي تحاول ما تضعف : ايه اشوف الوضع طبيعي عندك مانع ؟ ذياب : اعلمك المانع انا قام وهو يسحبها من ايدها ويفتح الباب وسرعان ما سحبوه اخوياه وهم يدخلونه هيثم بعصبية :انجنيت انتت ؟ ذياب بعصبية :خلها تطلع والله ما تقعد بدر :ولد بتنكبنا انت وعنادك بنساعدها وبعدها بيرجع كلشي لمحله ذياب :مابي اساعدها خلها تذلف زياد :رح ارقد واضح ما شبعت كانت وراء هيثم وخافت من عصبية ذياب واصواتهم العالية سحبوا ذياب وهم يقعدونه ويقعدون بجنبه بدر : لا تحسب ان الوضع عاجبنا وكلنا مثلك بس ما باليد حيله غير اننا نساعدها ونقفل على السالفه ولا بنروح اعدام وفصل ذياب :انت تعرف اصلها و فصلها ؟ومنوين جايه ؟ ما تعرفون شي بس دخلتوها وساعدتوها هيثم :هاذي هي قدامك اسالها اذا عندك فضول رفع نظره لها وبكره : انطقي منوين جايه ؟ امجاد بلعت ريقها من نظراته واسلوبه :من اليمن ذياب بضحكة:سمعت انت وياه ؟شدراكم انها مو جاسوسه ؟ امجاد بنرفزه :لو جاسوسه بطلبك توديني السعودية ؟ ذياب : عادي يمكن خبثك داخل السعودية عصبت :احترم نفسك ذياب :واذا ما احترمت نفسي ؟ امجاد : بوريءء شهقت من انفتح الباب و دخلوا عسكر وسحبها هيثم وهو يحطها وراء ذياب لانه اطولهم "كل الاحداث التي تُذكر من نسج الخيال "