في هوى دارك سنين العمر - الفصل 33 - بقلم امال | روايتك

▄▁▁▁ // // ▁▁▁▅ـ توجه دخل الغرفه يدور مفاتيحه و متجاهل يده الي ينزف ، غرور انصدمت ونطقت : ءءيدك ، جاسر ما رد عليها ومشى وهو يسحب مفاتيحه ويمشي وقف من سمعها : اسفه ، والتفت عليها بحده : وش اسفه هاه! على ايش اسفه؟ اسفك وش يرجع! يرجع لي وعدي اني احتفظ فيه! وش يرجع لي!! غرور سكتت بهدوء وهي تناظر فيه ومصدومه ، جاسر بصراخ : وش يرجع لي! جاوبيني اسفك ايش يغير! غرور بلعت ريقها ونطقت : ءما انتبهت انا و..سكتت من وقف قدامها ومسك يدها بيده الي كله دم وشد عليها : اسفك يرجع لي امي! يرجع لي حياتي! ايش يرجع لي بالضبط! غرور شهقت من حست يدها تلطخت بـ دمه وحاولت تسحب يدها وانصدمت من شافت الدم يقطر من يده على الارض و رجفت بخوف وهي تناظر جاسر رجع مسكها من كتفها بيده و عبايتها كانه لونه ابيض و تلطخت بدمه وناظر فيها بحده ، غرور مسكت يده ونطقت بخوف : ءيدك ينزف كثير! جاسر ما رد عليها وهو يطالع فيها : تدرين وش كان بالنسبه لي! كان اعلى شي عندي من امييي اسفك راح يصلحه! غرور سكتت بهدوء وهي تشوف عيونه يلمع بدموع و نزلت نظرها لطرحة عبايتها اخذته وهي تمسك يده بخوف وتشوف كله دم جاسر عقد حواجبه وهو يطالع فيها ، غرور ربطت الطرحه على يده وهو تلفه جاسر كان ساكت يناظر فيها ويتنفس غرور كانت منزله راسها وتربط الطرحه بيده لعله يتوقف الدم و ترجف بخوف تخاف من الدم و خافت اكثر من منظره وشكل يده وكيف ينزف ، جاسر كان يناظر فيها بعد دقايق سحب يده منها بعد ما خلصت وصد وهو يطلع ويقفل الباب ، غرور وقفت بهدوء وهي تناظر ونزلت نظرها لـ يدها تشوف الدم و ركضت وهي تشيل قرورة المويا و تغسل ، - غازي التفت عليهم : جبتوا كل الاغراض هنا صح؟ فيصل : اي يبه جبنا كل شيء ، غازي : انزين من هنا الصباح نمشي الديره تجهزو ، نايف : يوووه والله لازم ننام بدري ، فيصل توجه وهو يدخل و نايف لحقه و دخلوا البيت ، حور كانت جالسه في الصاله مع شوق يحطون مناكير ، نايف بقرف : يع ريحة مناكير ، شوق : يع يعينك ريحته يجنن والله ، نايف : يع اسكتي بس انصرعت ، فيصل توجه وهو يجلس جنب حور : ايش لون تحطين؟ نايف : ياولد ما تحس انك صاير خروف بزياده؟ فيصل : ايش عندك غيران ؟ نايف : لا ابد والله بس كانك فليته يالخروف؟ شوق ناظرت لفيصل : ماعليك منه ي حياتي حط لها ، فيصل التفت على حور : احط لك؟ نايف : ي شين حركات المراهقين احط لك اجل ، حور ضحكت بخفه وهي منحرجه من حركات فيصل قدامهم، فيصل اخذ المناكير وهو يحط لها ، نايف : قسم بالله انصرعت من حبكم الهابط وصد مشى ، ▄▁▁▁ // // ▁▁▁▅ـ▄▁▁▁ // // ▁▁▁▅ـ = صباح يوم جديد تحديدًا في الديره = - عبدالعزيز كان واقف عند التسريحه وعقاله على راسه و شماغه على كتفه التفت من دخلت هنوف ومشت وهي تحط شاهي كرك قدامه وقبل تمشي مسك يدها ونطق : هنوف ، هنوف التفتت بصدمه وسحبت يدها بحركه سريعه ، عبدالعزيز بهدوء : ابي اكلمك شوي ، هنوف صدت ونطقت : اسمعك ، عبدالعزيز : لا تشيلين بخاطرك على امي وكلامها امي كذا طبعها وكذا طريقة كلامها وانتي تعرفين حركاتها ، هنوف بهدوء : اي اعرف وصدت مشت طلعت من الغرفه ، عبدالعزيز اخذ فنجان الشاهي وتوجه طلع وعقد حواجبه من سمع صوت السياره مشى لبرا وانصدم وهو يشوف ، فيصل ونايف طلعوا وناظروا لعبدالعزيز الي مصدوم ، ام فيصل ابتسمت : السلام عليكم امك في البيت صح؟ عبدالعزيز بصدمه : اي بس كيف كذا ما علمتونا حتى؟ ام فيصل بضحكه : قلت اسوي مفاجاة لامك ، عبدالعزيز ابتسم : حياكِ حياكِ خالتي ادخلي ، ام فيصل دخلت و شوق و حور لحقوها ، غازي : ابوك في المحل صح؟ عبدالعزيز توجه وهو يسلم عليه : اي في المحل ، غازي : اجل انا بمشي له توجه يركب السياره ويمشي ، نايف ناظر لفنجان الشاهي بيد فيصل مشى اخذه منه وهو يشرب ونطق : اوف بس لذيذ والله تسلم يد خالتي ، عبدالعزيز سكت والتفت لفيصل الي قرب حضنه ، - ام عبدالعزيز بصراخ : نظفي البيت زين والح..سكتت من سمعت صوت ام فيصل والتفتت بصدمه ، ام فيصل : السلام عليكم ، ومشت وهي تحضنها ، شوق رفعت نظرها تناظر للبيت : اوف بس انكتمت ، حور بضحكه : اسكتي لا تسمعك بس ، ام عبدالعزيز بصدمه : متى جيتوا ؟؟؟ ام فيصل : والله قلت اجي اصدمك مره وحده ، ام عبدالعزيز التفتت للبنات وهي تسلم عليهم وناظرت فيهم ونطقت : تعالوا تعالوا ادخلوا الغرفه اجلسوا ، توجهت اخذتهم لغرفة عبدالعزيز : حياكم الله زين سويتوا اجلسوا ارتاحوا حطوا عباياتكم اجيب لكم مويا و شاهي ، ومشت طلعت بتوتر دخلت المطبخ وناظرت لـ هنوف ومسكتها من كتفها : روحي بسرعه البسي عبايتك و ادخلي عليهم الغرفه و سوي نفسك انك ضيفه و جيتي ، هنوف بصدمه : ءء ليه اسوي كذا؟ ام عبدالعزيز : اخلصي بسرعه لا اسمع لك صوت ، هنوف سكتت بهدوء وتوجهت طلعت تاخذ عبايتها و تلبس ، وتحاول تمسك دموعها ومشت دقت الباب و دخلت الغرفه ونطقت : السلام عليكم ، الكل استغربوا لكن قاموا يسلمون عليها ، هنوف مشت بهدوء وهي تجلس بينهم ، " فلاح : والله حلفت عليك تمشي و تتغدى عندي في المخيم تعال يلا ، غازي : ي ابن الحلال خلنا هني و شف شغلك وانا جالس هنا معك لا تقفل البقاله ، فلاح : اكلم عبدالعزيز يجي امش معي انت ، غازي ضحك بخفه وسكت ، ▄▁▁▁ // // ▁▁▁▅ـ