في هوى دارك سنين العمر - الفصل 26 - بقلم امال | روايتك

▄▁▁▁ // // ▁▁▁▅ـ هنوف هزت راسها بـ اي وهي ما توصل لها الهواء ، وسكت وهو يطلع وجه المكيف : اغسله لي كم سنه ما غسلته عشان كذا ما يبرد ، وتوجه طلع من الغرفه ، هنوف شدت على لحافها بتوتر لاول مره تكون مع شخص غريب بنفس الغرفه وتحت سقف واحد وهالغريب صار زوجها بيوم وليله بلعت ريقها من شافته دخل وتوجه وهو يعدل المكيف ومد يده والتفت : كذا زين تجيكِ هواء بارده؟ هنوف هزت راسها بـ اي ، عبدالعزيز توجه وهو ينسدح ، - فيصل توجه وهو يجلس : للحين ما نمتي! حور ابتسمت : مافيني نوم يخي حاولت كثير مو قادره ، فيصل سحب المُخده وهو يتكي : بمشي و بتركك ، حور : فاصوليااا خيررر؟؟؟ فيصل عقد حواجبه : فاصوليا بعينك ، حور : اجل فصفص اعرف ادلع ، فيصل : تكفين حور لا تدلعين عشان ما اتبرى من اسمي ، حور : مو وجه احد يدلعك ويحبك ، فيصل سحب المفاتيح وهو يحك اذنه : والله ي حو..قاطعته حور وهي تناظر بقرف : اوف فيصل وش هالحركات! فيصل رفع نظره : وش سويت بعد؟ حور : طول عمري احلم بواحد زي بطل الروايات والافلام ونهايتي واحد يحك اذنه بـ مفاتيح سياره! فيصل ضحك و.. فيصل ضحك وهو يرمي عليها المخده : نامي بس ، حور : احس مشتهيه نودلز وخايفه ادخل المطبخ لوحدي ، فيصل تنهد : تكفين حور مو وقتك والله نامي ، حور : فيصل الله يخليك امشي معي بس ، فيصل : شوفي وقت خوفك صايره زي العسل اما بعدين تصيرين نكديه وتنكدين حياتي و ردودك زي وجهك ، حور سكتت وهي تناظر فيه ، فيصل ناظر بوجهها وخاف انها تزعل وقام وقف : اخلصي بسرعه تعالي ، ومشى طلع. حور ابتسمت و لحقته و دخلت المطبخ ، فيصل مشى وهو يجلس : استعجلي يا حور قبل يوصل تركي ، حور : اوف فيصل لا تتنكد على راسي خلني اسوي براحتي، شوق تحركت بانزعاج وعقدت حواجبها وهي تشوف حور مو موجوده فزت بخوف ومشت طلعت تدورها : حور ، فيصل سمع صوت شوق ومشى وهو يسحب حور ويتخبى ورا الباب كان ساحب حور لحضنه لاول مره تكون قريبه منه هالقد توترت ودقات قلبها تتسارع و تحس بحراره و ريحة عطره القوي الي تشمها منه ، فيصل كان مبتسم وهو يسمع صراخ شوق تدور حور ، فيصل حط يده على خصرها وهو يسحبها اكثر لاجل ما تبان و تشوفها شوق ، حور توترت من قُربه و لمسة يده لخصرها وبعدت عنه بسرعه وطلعت ونطقت : هنا انا ، فيصل عقد حواجبه وهمس : حور! - شوق طلعت للحديقه الخارجيه وهي تدور على حور ما انتبهت للانسان الي كان واقف ينتظر فيصل ولابس ثوب كحلي ، شوق عقدت حواجبها من شافت ظل شخص باين ع الارض ، تركي رفع نظره من حس بخطوات شخص وتوقع انه فيصل وتخبى خلف الجدار ، شوق توقعت انها حور تتخبى عنها ضحكت وهمست بقلبها : حيوانه تحسب ما شفتها ، وتوجهت خلف الجدار فزت من سمعت صراخ تركي : باووو ، تركي كان متوقع انه فيصل و يبي يخوفه لكن تجمد بمكانه وهو يشوف البنت الي قدامه لابسه بجامة النوم ورديه وشعرها كيرلي و خدودها مليانه وقصيره ، بلع ريقه بصدمه ، شوق من الصدمه ما عرفت وين تروح وش تسوي وقفت بمكانها وهي تناظر و رجفت بخوف ، تركي صد عنها وعض شفته ، شوق استوعبت على نفسها و ركضت وهي تدخل و دقات قلبها تتسارع حست من بشاعة الموقف انها شافت الموت بعيونها ركضت الغرفه وهي تقفل الباب ، تركي كان نيته يخوف فيصل ما توقع ولا واحد بالميه انها تكون هي! رغم انه ما يعرفها ولا يدري مين هي لكن الي شافها بنت و اكيد انها تقرب لـ فيصل ما قدر يجمع نفسه من التوتر و صد ركب سيارته وهو يرسل لفيصل : جاني اتصال مهم مشيت ' شوق كانت منسدحه وحاطه يدها على قلبها وهي تتذكر الموقف وملامحه وكيف كان واقف بثبات يطالع فيها! حست للحظه قلبها بيطلع من مكانها من الخوف كيف طلعت قدامه وكيف وقفت وهو شاف كل شيء فيها! من رجولها لراسها! شخص غريب شافها وتعرف انه صديق فيصل! ايش بيصير فيها لو انه علم فيصل بشيء! ارتكبت بخوف وهي تحاول تنام ، - ▄▁▁▁ // // ▁▁▁▅ـ