في هوى دارك سنين العمر - الفصل 13 - بقلم امال | روايتك

▄▁▁▁ // // ▁▁▁▅ـ غرور اخذت نفس والتفتت على صوت هتان الي صحى من النوم يبكي هتان ولد عنود ، ابتسمت بخفه غرور وتوجهت وهي تشيله وقربت تبوسه : ي صباح الخير ي ماما ، عنود وقفت وهمست : تعالي المطبخ الحقيني وراي طلبات كثير اليوم ، عنود عندها بزنس تسوي كيك وتبيع غرور شالت هتان ومشت دخلت المطبخ ناظرت فيها ، عنود مشت وهي تحط الكريمه على الكيك : لا تسكتين ي غرور، غرور بهدوء : بس جدي قال يا عنود لا تدمرين الولد لا تسودين حياته فقط هددي عمك عشان لا يقرب صوبك ، عنود : وهذا الصح امسكيه من اليد الي يتوجع منه ، غرور : مجرد سوال راح اساله وبنفسه يعرف عندي كل الادله راح اقوله بالصريح كم عمرك يا عمي ولو تعدى حدوده جاسر معي! ف انا ماراح ارحمه يا عنود ماراح ارحم احد منهم حرموني من اختي! حرموني من كل شيءٍ في الحياة! انا ماراح اسكت و راح اقوله بوجهه هالكلمتين بالاول اعرف اسم ابوك عنود التفتت بصدمه : غرور الولد ايش ذنبه؟؟ غرور رفعت نظرها : وانا ايش ذنبي ي عنود؟ ايش ذنبي اتحمل غلطة ابوي وجدي! ايش ذنبي؟؟؟ عنود اخذت نفس وسكتت بهدوء : تعالي ساعديني ، غرور حطت هتان فوق الطاوله وتوجهت وهي تساعدها ، - نايف رفع نظره : نسوي هنا في الحديقه؟ فيصل : لا فوق راسك يعني شرايك اي اكيد هنا ، حور بضحكه : طيب احد منكم يروح يجيب الكيك ، نايف : انا بروح بس شوفوا لي وش ناقص بعد ، شوق اكتب على الكيك عمره صبر كم صار؟ ٥٨ صح؟ حور : اي بس ما شاء الله مو باين عليه ، نايف : يلا بمشي قبل يجي ، وتوجه مشى طلع من البيت ، حور مدت البلونة لفيصل : خذ انفخ انفاسك على الفاضي ، فيصل : اقول وش شايفتني انتي؟ شوق : انتم كيف بتتزوجون وهذي حركاتكم؟؟؟ فيصل : الله يسامح عمي و ابوي ورطوني فيها ، حور : لا حياتي مين قايل لك اني ارضى بواحد زيك؟ فيصل : شوق بالله سوي فيني خير و اقنعيها تتعالج ! شوق : اوف خلاص اسكتوا خلونا نخلص ، - غرور كانت بيدها الكيك تاكل وهتان ياكل معها ، عنود : شاطره ما شاء الله عليكم انا اتعب وانتم كلو ، غرور بضحكه : ولدك الي طلب ، عنود : سوي له حليب غرور انا باقي ما خلصت ، غرور هزت راسها بـ اي وتوجهت وهي تسوي رضاعه لـ هتان ، عنود نطقت : غرور شوفي شكل الكيك كذا زين؟ غرور هزت راسها بـ اي : اي زين مبدعه والله ، عنود ابتسمت ونطقت : اخلصي طيب الولد ينتظرك يبي حليب، - ام عبدالعزيز : انت ليه جبتها هنا! فلاح التفت بصدمه : تبين البنت تعيش لوحدها في بيت ابوها؟ كيف تدفع الايجار؟ كيف تتصرف؟ ولا تبينها تشتغل في الديره؟ والناس يتكلمون كلهم مات ابوها وقامت تشتغل! كلهم عارفين انه كان بالنسبه لي اكثر من اخو يقولون مات وخلاص غسلت يديني ولا حتى اهتميت ببنته؟؟؟ ام عبدالعزيز سكتت بقهر وصدت ، فلاح : عجلي علي بالعمامه بسرعه بمشي ، ام عبدالعزيز هزت راسها ومشت تجيب شماغه ، وناظرت لهنوف كانت واقفه ونطقت : ايش تسوين هنا؟ روحي جهزي العشاء عزيز الحين بيرجع من الدوام تعودي هو يتزوج منك على الورق مو عشان يقعدك زي الاميرات ، الهنوف غمضت عيونها بضيق والود ودها تمشي لكن احترامًا لعمها فلاح وتوجهت دخلت المطبخ بصمت ، - عبدالعزيز كان جالس في البقاله و رفع نظره من دخل ابوه ، فلاح : روح للبيت وانا اكمل ، عبدالعزيز : لا يبه خلني هني جالس مالي خلق اروح البيت ، فلاح عقد حواجبه : ليه مالك خلق تروح شصاير؟ عبدالعزيز : مافيني القوه اقعد اسمع صراخ امي ، فلاح تنهد : الله يهديها امك هذي روح روح ياولدي والليله عقد النكاح ونتخلص من صراخ امك ونرتاح ، عبدالعزيز بهدوء : يبه هي راضيه انت سالتها؟ فلاح : ياولدي هي من لها غيرنا؟ اكيد تكون راضيه ، عبدالعزيز : امي الله يهديها تقعد تصارخ خوفي انها تسمع ، فلاح : امك بنفسها تسكت اذا خلصنا من الموضوع ، عبدالعزيز هز راسه بـ وتوجه طلع من البقاله بعد دقايق وصل البيت فتح البيت و دخل وقف بمكانها وهو يشوف الهنوف الي كانت طالعه من المطبخ وتجمدت وهي تناظر فيه ، عبدالعزيز كان واقف والشماغ على كتفه وبيده كيس الخبز ، ونطق بهدوء : وينها امي؟ الهنوف رجفت يدينها وصدت دخلت الغرفه ، طلعت ام عبدالعزيز ونطقت : حياك روح الحقها بعد وهذي ما تستحي واقفه قدامك كذا! ▄▁▁▁ // // ▁▁▁▅ـ