عـلى كتـف الصـداقة - الفصـل الخامس - بقلم روان فهـد - مكتملة | روايتك

دخلت نسمة الغرفة وهي تبكي... راحت على طول سريرها وغطت وجهها بالملاية عشان ماحد يشوفها سمعتها ريهام وأنقهرت عليها، بالرغم من تعاملها السيء، بس هي تحبها لأنها بنت عمها بمقام أختها راحت لعندها ونادتها: نسمة وش فيك تبكي، أحد زعلك نسمة صرخت: أبعدي من قدامي، أصلاً أنتي منافقة أنتي وصديقتك الهبلا ريهام: وش سوينا بك تراك أنتي الغلطانة، ما كان لازم تكلميها بذاك الأسلوب نسمة: وبعدين ما صدقتوا حالكم.... على طول رحتوا لماما عشان تكلموها... أصلاً ماحد يحبني... لا ماما ولا حتى بابا تتمسخرون علي بكل مرة عاد ماما وش قالت: "عمري 18 سنة وما رضيت أعقل، تراني عاقلة.... " بس كل الأشياء هذي بسببك.... خليتي أهلي يحبوك... تمثلين عليهم وعاد يقولون لي: ريهام عمرها مثلك بس أعقل منك ريهام لأول مرة تسمع نسمة وهي تصارحها.... لأن في كل مرة نسمة تعمل مشاكل، وتختلق مشاكل لريهام وصديقاتها ريهام تكلمت بهدوء: طيب والله ما كلمنا عمتي ولا بشيء وحتى أني ما لقيت عمتي من بعد ما راحت رغد حتى شفتي رغد بعينك سلمت على أمك وعلى طول راحت لأمها بس أنتي مكبرة الموضوع نسمة ببكاء: طيب يعني في ملائكة كلمت ماما أصلاً ماما كيف عرفت بالقصة وعاد بكل مرة ماما تعرف كل شيء، لأنكم كلكم منافقين دخلت أم نسمة وتكلمت بعصبية: نسمة وش ذا الكلام أحترمي نفسك، ترانا ببيتهم وبعدين ماحد كلمني أنا سمعتك وأنتي تصرخي عليهم أنا كنت أسمعك عند الباب بس خسارة على تربايتي اللي ربيتك من يوم ما سايرتي فرح وأنتي كذا، بس من اليوم ممنوع تلتقين فيها، وحتى بكلم أبوك ينقلك بنفس مدرسة ريهام وممنوع النقاش نسمة: بس ماما أنا مو موافقة أنكم تنقلوني، هذي حياتي وش دخلكم فيها للحظة أمها عطتها كف خلتها توقف الكلام الفاضي وعلى طول خرجت أم نسمة ونسمة بين شهقات وبكاء تتوقعون بتنتقل لغير مدرسة؟ وش بيكون مستقبلها؟