في هوى دارك سنين العمر - الفصل 4 - بقلم امال | روايتك

▄▁▁▁ // // ▁▁▁▅ـ = صباح يوم جديد = - غرور كانت جالسه على الطاوله وقدامها كوب الكوفي ويدينها بارده رغم حر الجو الا انها كانت متجمده ماهي مستوعبه ماعاد بتشوف جدها للابد وتكون لوحدها في هالقصر ، رفعت راسها وهي تسمع صوت الباب عقدت حواجبها باستغراب وتركت الكوب من يدها وتوجهت بتمشي لكن تجمدت ووقفت بمكانها وهي تشوف عمها نآهل داخل وكان معه المفاتيح وقدر يدخل ، شهقت بصدمه وهي تشد على الوشاح الي عليها ، بلعت ريقها وهي واقفه تطالع فيه ، نآهل وقف وهو لابس ثوب وغتره ابيض وقف يطالع فيها لثواني ونطق : اعظم الله اجرك بـ موت جدك ي بنت ذياب هذا هو لحق ابوكِ وامك وبقيتي وحيده وش كان متوقع جدك؟ راح يحميكِ طول هالسنين! اكثر من ٢٠ سنه ي بنت ذياب اكثر من ٢٠ سنه وانا ما لمحت ظله ولا حتى طيفه الا على كفنه ! ٢٠ سنه ي بنت ذياب ولدي جاسر محروم منه ومن حنان جده والسبب انتي! رفع اصبعه ونطق : انتي السبب ، غرور ناظرت بصدمه و دموعها تنزل وشدت على كفوفها ، نآهل رفع راسه : تشوفين هالقصر ؟ الي بسببه انهدم كل علاقتنا ! طول عمرك تخبيتي ورا ظهر جدك والحين وين تروحين؟ مالك احد غيري مالك احد غير عمك نآهل!! غرور هزت راسها بالنفي : جدي موجود معي حتى لو ما المح ظله ولا وجوده لكن هو موجود معي ما تركني ، نآهل رمى قدامها جواز السفر : الاسبوع الجاي سفرتك ، غرور تجمدت بصدمه وطالعت فيه : ءءعمي! نآهل رفع نظره : راح اكلم محامي و راح توقعين و تسجلين القصر باسم جاسر باسم ولدي ! غرور رفعت نظرها بصدمه : ءءجدي حلف ي عمي حلف اني ماراح اسمح احد ياخذ هالقصر مني! نآهل : هذا جدك راح و راح معه كل حلفه و وعوده ، اذا تبين تشترين سلامتك وقعي ، وصد وعطاها ظهره وهو يطلع، غرور كانت واقفه مصدومه و دموعها تنزل ، نآهل توجه طلع وقف عند المسبح وهو يطالع بالمسبح ويشوف انعكاسه وقف لثواني وهو يتذكر كل ذكرياته مع ابوه واخوانه و ذياب اخذ نفس وصد وتوجه طلع لبرا ، غرور تمسكت بالكرسي وهي تشهق وتبكي رفعت نظرها وهي تطالع بجواز السفر اخذته وهي تشد عليه وتبكي وجلست على الارض وهي تبكي وضمت رجولها لصدرها ونزلت راسها ، - = في مكان بعيد في الديره = - الهنوف كانت جالسه في الغرفه وتضفر شعرها التفتت على صوت ابوها يناديها ابتسمت وتوجهت طلعت : هلا يبه ، ابو الهنوف : جاين رجال جهزي القهوة وانا ابوكِ ، الهنوف هزت راسها بـ اي وتوجهت للمطبخ تسوي القهوة ، ابو الهنوف توجه وهو يدخل المجلس : حياكم الله ، ابو عبدالعزيز ابتسم ونطق : الله يحيك سمعت من رجال الديره انك تعبان وشفيك وانا اخوك؟ عبدالعزيز كان جالس ونطق : .. ▄▁▁▁ // // ▁▁▁▅ـ