الفصل 12
ـ *`ࢪواية:`* *ماقلت لك قد الـﻏﯾاب أشتقت لك*
ـ *`ﻋدد الباࢪت:`* *«¹²»*
رواية ما قلت لك قد الغياب اشتقت لك : الفصل الثاني عشر :
قالوا توادع قلت ياصعب الوداع
وشلون اوادع من معه قلبي وديع.
قلبي معه والسر من فرقاه ضاع
صحيح من يفقد زمام امره يضيع
النفوس الوافية رغم المصاعب ماتميل
والسماء كثر السحب مايغطي نورها
الوافي لاجل الوفاء مايذله مستحيل
والثقة بالنفس حصن القلوب وسورها
""البارت الثاني عشر"""
بعد مرور اسبوع ...حزين...ومفرح...وكئيب...ومشاعر مختلطه.
.ولكن كالعاده...مر وأخذ من أعمار أبطالنا
منار جالسه بغرفتها تكلم حمد
:هلا بحبي هلا بدنيتي هلا بمناري
منار بحيا :هلا حمودي
حمد :حمودي كذا حاف
منار بهمس : حبيبي
حمد :ياقلب حبيبك يافديت المستحي
طيف فتحت الباب بقوه وبصراخ
:منار ماما تقول انزلي
منار عصبت :حمد شوي
وغطت الجوال بيدها
:طيوفه انقلعي عن وجهي وشالت المنديل ورمته عليها
طيف تمد لسانها تبي تقهر منار
وهربت قبل ماتقوم تكفخها منار
تحت بالصاله جالسن
سواليف أبو الوليد وام الوليد وزياد وزايد
جاتهم طيف تركض
ووراها أروى تبي تضربها :بابا ..بابا
ابوها :هلا ببنيتي حبيبتي تعالي اجلسي
أروى :يبه شوف بنتك خليها تجيب سماعاتي
أبو الوليد :هههههه أعطيها يابابا سماعتها
طيف مدت فمها بزعل
:بابا بس سماعاتي ضاعت وابي سماعات أروى
أروى :واذا ضاعت تاخذين سماعات غيرك
ام الوليد عصبت :طيف بسرعه رجعيها لاختك
طيف قامت بترجعها ل أروى
أروى تضحك وتحرك حواجبها:هههههه ناس ماتجي إلا بالعين الحمراء
طيف وهي منقهره: اصلنا سماعتك وعه بابا بيشتري لي احسن منها
أروى :ايه طيب بس أعطيني
واخذتها من طيف وجلست وهي ترفع حواجبها تقهر طيف
زياد شاف أروى وضحك
:ابفهم ليش انتي وياها كأنكم توم وجيري
أروى :لأن اختك ملقوفه
طيف قامت وتخصرت
زايد قام لها وشالها
:أنا كم مره قلت لك إلا طيوفتي
لحد يزعلها
طيف وهي زعلانه وماده فمها بدلع :زيودي الحين مين ملقوفه انا ولا أروى
زايد وهو يضحك ويبوس خدها :اكيد أروى
الكل :ههههههههههههههههههههههه
أروى تناظرهم : ايه وانتم عاجبكم الكلام
وناظرت لزايد :وانت بعد بتخربها بدلعك الزايد لها
ابتسم زايد بحزن وناظر فيهم واحد واحد من ابوه الكبير إلى طيف الصغيره وبنفسه
""يالله بيوم راح أموت واختفي عنهم يارب انك
تصبر قلب اهلي وتخفف علي يارحمن يارحيم""
أبو الوليد :ههههه يابنتي وانتي تحطين عقلك بعقلها
أروى بقهر : لا يبه بس بنتك تقهر
طيف جت بتتكلم
زياد عارف طيف اذا فتحت فمها ماراح تسكت :استوب
خلاص فكونا من منارقركم
وخلينا نسولف زي الناس
سكتت طيف ونزلها زايد من يده
وراحت برا بالحديقه تلعب
رجعوا يسولفون ومنار نزلت جلست معاهم
بس عقلها مع حمد
بعد دقايق دخل الوليد وهو يحس انه تعبان مر من الصاله شافهم الي يسولف والي يضحك
تمنى لو يقدر يضحك من قلبه
ام الوليد ناظرت ولدها الي لها كم يوم تشوفه متغير وبس ساكت ولا يتكلم ولا يجلس معاهم
قامت له
:هلا يمه تعال اجلس معانا تقهوى
الوليد بتعب :هلا يمه ....لايمه ماابي تعبان بروح انام
أمه سكتت وهي قلقانه عليه
تقدم الوليد من أمه و سلم عليها وراح سلم على ابوه وإخوانه وخواته
زياد ابتسم :وليدوه وش فيك لك كم يوم متغلي علينا
زايد :هههههه مدري عنه
الوليد مشى عنهم ومو قادر حتى يكلم أحد
مشى خطوتين وصار بوسط الصاله جاء بيطلع الدرج
حس ب صداع فضيع ينهش برأسه مسك بيده على رأسه وعقد حواجبه
ويده الثانيه على درابزين الدرج
وهو يحس الدنيا تدور فيه
زياد انتبه للوليد أن مشيته ماهي متوازنه وقام له بسرعه
:الوليد فيك شي ......
تحس بشي
الوليد رفع رأسه والتفت على ورى وشاف الكل شكلهم خايفين عليه
جاء بيتكلم بس ماقدر حس الدنيا كلها تدور من حوله وفقد توازنه وطاح لورى على زياد
زياد على طول مسك الوليد يوم طاح عليه
وجلس يهزه :...الوليد ....الوليد
الوليد يفتح عينه ويغمضها بتعب وكل شي يشوفه ضباب :آآآآآآآآه
أمه من شافته صرخت:يمه ولدي
وراحت له
وأبو الوليد قام بسرعه
والبنات يصيحون خايفين عليه
أبو الوليد بخوف :زياد وش فيه اخوك
زايد قرب من زياد عشان يساعده
وسدحوه بالأرض
زياد يضربه بخفيف على وجهه
:الوليد ....الوليد تسمعني
الوليد يلله يتكلم رفع يده وبهمس :تع.بااااان
وبعدها طاحت يده و غاب عن الوعي ومعاد حس بشي
زياد ارتبك :زااااايد جيب بسرعه عدت الاسعافات
زايد راح بسرعه وجابها لزياد
جلس زياد جنبه وكشف عليه
وبعدها تكلم :لا زم نشيله للمستشفى
أمه تبكي :بسرعه اخوكم بيروح منا
منار مسكت يد أمها وهي تبكي
:اهدي يمه
أن شاء الله مافيه إلا العافيه
الشباب شالوا الوليد
وركبوا السياره وابوهم معاهم
والبنات وامهم بالبيت
بعد ساعه بلمستشفى
واقفين ينتظرون خروج الدكتور وكل واحد فيهم أفكاره توديه وتجيبهx
وزايد جالس وابوه جنبه
قطع عليهم خروج زياد مع الدكتور الي كشف على الوليد
ابوه فز وراح له :طمني يادكتور وش فيه
ولدي
الدكتور :الحمد الله على سلامتهx
وراح عنهم
زايد قام لزياد:يعني هو بخيرx
زياد ابتسم :أيه بخير بس يحتاج للراحه عنده سوء تغذيه وفقر دم حاد أعطيناه دم ومغذي
والحين هو بخير
ابو الوليد بفرح :الحمدالله على كل حالx
زايد ابتسم: طيب يادكتور زيود نبي نشوفه
زياد ابتسم :تفضلوا
دخلواااااا عليه شافوه سادح وبيده المغذي ناظره زايد وراح له وبقهر ضربه على كتفه
:كذا يعني تسوي فينا
الوليد بتعب :آآآهx
أبو الوليد :شوي شوي عليه يازايد
زايد ناظر للوليد وبعصبيه :خلني أطلع حرتيx
يبه كذا مهمل نفسه لا يأكل ولا ينام زي الناس
أبوه تقدم من الوليد وباس جبينه :سلامتك يالغاليx
الوليد رد ابتسامه باهته لابوه :الله يسلمكx
ناظر أخوه وشافه كيف زعلان منه
زايد ناظره ولف وجهه عنه
أبتسم الوليد على حركته
تقدم زياد :الحمد الله على السلامه خوفتنا عليك
الوليد بتعب :بشوف غلاتيx
أبو الوليد :ههههههههههه عز الله طيرت قلوبنا وأنت بتشوف غلاتك
رن جوال زياد ناظره :هلا يالغاليهx
أم الوليد وهي تبكي :يمه زياد كيف حال أخوكx
زياد بحنان :والله يالغاليه مافيه إلا العافيهx
بس سوء تغذيه
أم الوليد :تكفى لا تخبي عني شيx
زياد :يمه والله هو بخير
وهذا هو اعطوه دم ومغذي وشوي وراجعين
أم الوليد وهي تبكي :فديته الغاليx
أبتسم زياد :يمه خذي كلميه عشان تهدينx
أم الوليد بلهفه :عطني ياهx
مد جواله للوليد وأخذه :هلا يمهx
هنا بكت ام الوليد زود وماتحملت :الوليد يمهx
الوليد بحب :هلا يمه ترى مافيني شي يالغاليه مثل ماقالك زياد
أم الوليد وهي تبكي :ليش يمه تسوي فيني كذا ليش هامل نفسك
الوليد :أعذريني يالغاليهx
أم الوليد :يمه يوجعك شي تكفى طمني عليكx
الوليد :والله مافيني شيx
أم الوليد :طيب حبيبي انا وخواتك منتظرينك
الوليد :ان شاء الله مع السلامه سكر ومد جواله ل زياد x
أبوه وقف :يلا ياولدي انا وزايد بنروح قبلكم نصرف العلاج وانتم الحقونا
زياد :ان شاء الله بس يخلص المغذي نجي
طلعوا أبو الوليد وزايد
اول ماطلعوا
الوليد غمض عيونه وتنهد تنهيده طوييييله
زياد قرب كرسي من الوليد وجلس عنده
:تكلم يااخوي وش الي مضايقك وقالب حالك
الوليد نزلت دمعه منه ولاحظها زياد
:لا يااخوي دموعك غاليه وش الي مضايقك لهدرجه
الوليد بصوت مبحوح :زياد تذكر دانه
زياد ابتسم : أيه ومين مايذكر دانه الي ماخليت أحد إلا وعلمته انك تحبها
الوليد بصوت مبحوح :زياد دانه ماتت
تدري وانا مت معاها انا كنت كل يوم عايش على أمل اني ألقاها بس الحين خلاص
راح الأمل وتبدل باليأس من الحياه
زياد تفاجاء وتكلم بحزن :الوليد انت انسان مؤمن أدعي لها بالرحمه واترك عنك ذكريات الماضي وعيش حياة جديده
الوليد صرخ :مستحيل أنسى دانه
زياد يهدي الوليد :طيب لا تنساها خلها دايم ب قلبك وعقلك وشوف حياتك
ياأخي ارحم نفسك لو جلست على هالحال راح تموت
الوليد ساكت
زياد يكمل كلامه :طيب اذا ماتبي فكر في..... أمك.... وابوك.... فينا......
الوليد انت الكبير انت القدوة لنا لا تخيب ضننا فيك
الوليد كان يسمع زياد
و قلبه ينعصر من الحزن
:طيب بحاول
زياد ابتسم :أيه هذا وليدوه الي أعرفه
الوليد رد له ابتسامه باهته
"""""""""""""""
ابو الوليد:زايد هاه خذ الوصفه وروح اصرف العلاج وانا انتظرك هنا
زايد :ابشر يبه
راح زايد
وابوه جلس بالاستراحه ينتظره مر واحد من عنده كانه يعرفه
وقف ابو الوليد ناداه :محمد انت محمد
محمد التفت لابو الوليد وناظره
زين عرفه هذا عبد العزيز
وبصوت كله فرح :عبد العزيز
ابو الوليد يوم تاكد انه محمد ضحك وراح له وهو فرحان :ايه عبد العزيز يامحمد
وضموا بعض بشوق
ابو الوليد :وينك فيه يا محمد كل هالسنين
محمد :خليها على ربك ظروف وانا اخوك بعد ماسافرنا وحياتنا تغيرت لكن الحمدلله على كل حال
وانت بعد وينك كل هالسنين
ابو الوليد :احنى نقلنا لبيت اكبر وكنت كل فتره اجي اشوف بيتك اقول يمكن رجعوا من السفر لكن ماالقى احد وبعدها عرفت انك بعت البيت
ابو غلا :ايه صحيح كلامك
ابو الوليد:بشرني عنك جوك عيال
ابو غلا ابتسم وهو يتذكر دانه :ايه الحمدلله عندي غلا
ابو الوليد :ماشاء الله الله يخليها لك
ابو غلا :امين ......الا قول لي عسى ماشر جاي المستشفى
ابو الوليد :والله الوليد تعب شوي وجبناه المستشفى
ابو غلا :الوليد اكيد الحين صار رجال اذكره وهو عمره 3 سنوات
مايشوف شر
ابو الوليد :الشر مايجيك
وشاف زايد جاي وقرب منهم
:هذا ولدي زايد يامحمد سلم على عمك يا زايد
ابوغلا سلم عليه :ماشاء الله والله وكبرنا يا عبد العزيز
زايد على راسه علامة استفهام مايدري مين هذا
ابو الوليد :ههههههه ايوا الله
يلا تامر على شي
ابو غلا :سلامتك خلينا نتواصل
ابو الوليد: بأذن الله لنا لقاء
(الاماكن كلها مشتاقه لك .......... )
نغمة جوال الوليد
الوليد تنهد بألم :زياد شوف مين الي داق
زياد اخذ الجوال ورد
:هلا هلا والله بفهيد وشلونك
فهد بقلق :هلا زياد الحمدلله تمام
غريبه انت راد على جوال الوليد
زياد :الوليد شوي تعبان واحنى بالمستشفى
فهد بخوف :وشلووون الوليد بالمستشفى
يلا يلا انا جاي
زياد :لا لا لاتجي ولاشي شوي وطالعين هو بخير
فهد :زياد لا تكذب علي هو مو بخير انا عارف انه تعبان
زياد :هههههه والله مااكذب عليك واذا مانت مصدق هاه خذ كلمه
الوليد ابتسم بحزن واخذ الجوال
وبهمس :هلا فهد
فهد :الوليد انت بخير يااخوي ليش تسوي بنفسك كذا
الوليد :الحمدلله بخير
فهد :الحمد لله بس ماني مصدق حتى اشوفك بعيوني يلا نص ساعه وتلاقيني عند بيتكم
الوليد :ههههه اقولك بخير
فهد :خلاص انا ابي اشوفك واذا شفتك لي تعامل ثاني معاك يلا سلام
الوليد :سلام
وقفل الجوال
:الحين وش يفكني من فهد ليش قلت له
زياد :هههههههه احسن خليك تستاهل مااحد يعرف لك غير فهد
الوليد اكتفى بالسكوت
زياد قام وشاف المغذي خلص
وشاله عن الوليد
:يلا مشينا الوالد وزايد منتظرينا بالسياره
الوليد :يلا
قام وهو يحس بدوخه غمض عيونه
زياد انتبه له :تحس بشي
الوليد بتعب :دوخه خفيفه
زياد قرب منه :طيب هات يدك
مد الوليد يده لاخوه ومسكها وراحوا لسياره
~~~~~~
رجع البيت
وهو مبسوط فتح الباب واول مادخل سمع سواليف وضحك ابتسم
:اللهم لك الحمد والشكر
مشى لصاله وشاف غلا وملاك يتفرجون وكل وحده بيدها فشار وبيبسي
ابو غلا :اوووووه ملوكه عندنا اليوم
ملاك انتبهت لخالها وقامت له حبت راسه
:هلا خالي وشلونك
ابوغلا :الحمدلله تمام
وناظر غلا :وغلاتي وشلونها
دانه قامت له وحبت راسه وهي باقي مستحيه منه باقي ماتعودت عليه :هلا يبه الحمدلله بخير
ابو غلا :وين امك
قبل لا ترد غلا جات ام غلا
:هذاني جيت هلا محمد تعال ارتاح
هاه قلي وشلون خويك الي بالمستشفى
ابو غلا جلس على الكنبه
:الحمدلله طيب
الا يااميره توقعي مين شفت اليوم
بالمستشفى
ام غلا :اممممم مدري مين شفت
ابو غلا :هههههه توقعي
ام غلا :ههههه مااعرف اتوقع يلا قول
ابو غلا بفرح :ياستي شفت ابو الوليد خويي ايام الدراسه وجارنا القديم
ام غلا :لا.. لا... يالله مصير الحي يتلاقى
ابو الوليد وشلونه وش اخبار عياله اكيد اكبروا
اذكر الوليد صغير عمره 3 سنوات
وكان عندهم توام صح نسيت اساميهم
ابوغلا :هههه ايوا و الله مصير الحي يلتقي
الحمدلله والله اني دايما ادعي الله انه يجمعني فيه قبل لااموت
ام غلا :الحمد لله لازم نزورهم
ابو غلا :ان شاء الله
دانه من سمعت اسم الوليد حنت لذكرياتها
وراحت على طول لغرفتها
طلعت مذكرتها الي كاتب لها الوليد فيها
دمعت عينها هي الوحيده الي باقيه لها هالمذكره
فتحت صفحه جديده وبدت تكتب فيها
توجّع قلبي بإشتياقك
ألا تعود؟ لتروي قلبي الولهان!!x
إشتاق لعينيك التي أحُب نظرتها أشتاقُ إليها كثيراً !
إشتاق لك بشغف
إشتاق لكلماتك التيّ لا زال صوتك بها يعزف على أوتار مسامعيّ..
اشتاق لك لماذا لاتعود لتجعل قلبي يخفق من جديد ......
فمنذ ذهابك وانا لاحياة لي .....
كم أشتاق اليك ....
كم اشتاق اليك ...
سحبت المذكره منها وقرات الي كاتبته غلا
:اوووووه غلايه مين هذا الي تشتاقين له
دانه دمعت عينها وقامت لها بسرعه
:ملاك هاتي المذكره
ملاك رفعتها فوق :ههههه نو نو ماراح اعطيك الا لمى تقولين لي
غلا :ملاك هاتيها
ملاك :لا لا
غلا بدت تبكي :ملاك اااااعطيني
ملاك من شافت دموعها نزلت المذكره وقربت منها
غلا وش فيك لاتزعلين كنت امزح معك
دانه ضمتها بقوه :اااااااه يا ملاك احبببه ملاك انا اشتقت له حيييل حيييل ياملاك محتاجته محتاجه لسواليفه ضحكته لكل شي فيه
ملاك وهي ضامتها :خلاص حبيبتي اهدي اهدي وعلميني كل شي مين الي اشتقتي له
زياد:هههههه والله يافهد ماحد يعرف له الا انت
فهد :ايه انا دواه وباقي ماخلصت من تهزيئه
يبي له بعد
الوليد بتعب :يلا انت وياه ماودكم تطلعون لاني تعبان وابي انام
فهد وهو يأشر على نفسه :ههههه هم يطلعون بس انا بنام عندك ولا ماتبيني
الوليد ابتسم : لازم
فهد :ايه لازمين
الوليد رمى على فهد المخده :طيب تعال انسدح ولاترفسني تسمع
فهد :هههههه طيب
زياد وزايد ابتسموا :يلا تصبحون على خير
وطلعوا
فهد انسدح وتدفى غمض عيونه وتكلم
:الوليد
الوليد وهو معطيه ظهره :هممممم
فهد رفع يده و تركى عليها
:الوليد انا ماابي الحزن يغيرك ابيك الوليد انت زي ماانت تسمع ياابو عبد العزيز
الوليد ابتسم بحزن وهو يلف جهة فهد :بحاول يافهد بحاول مع اني عارف ان قلبي مايقوى لكن بحاول عشانك
وانقلب على الجهه الثانيه مايبي فهد ينتبه لدموعه
~~~~~~
دانه:وهذا كل شي من صغري
ملاك مسحت دموع دانه :ياقلبي ياغلا اذا ربي كاتب لك تلاقينه راح تلاقينه صح
دانه هزت راسها :صح
انسدحت على سريرها
وملاك انسدحت جنبها وتمسح على شعرها
حتى غلبهم النوم
.
.