الفصل السابع والثلاثون
رواية قلبي هاجر اضلعي .. هرب مني اليك : الفصل السابع والثلاثون :
خالد : وضع العائله متكهرب حيل
تركي : مرا والله مدري شالسواه
خالد : المشكله من جهة البنات ريمان ونوف ومن هنا رامي والوليد
تركي : ويزيد للأن متأثر من موت فيصل
خالد : اي من بعد موت فيصل انقلب الحال ع الكل
تركي :راكان وده يصلح الامر بين الوليد ووسام
خالد : والله صعبه علينا احنا الكبار
تركي : بس وده يتزوج ويسافر
خالد : صدق يليت يسوي شي كذا يفرح العائله
تركي : ايه والله وده يتزوج بس امي تقول مو وقته
خالد : انا اكلم خالتي م عليك
تركي : اجل خليه يتزوج ويروح
خالد : اي يصير بعد اروح وياه انا وروان وهو وزوجته؟ الا في احد بباله ولا !
تركي ابتسم : اي ريماس
خالد ابتسم : خوش بنت والله
تركي : اعلم روان
خالد ضحك : روان م تشوف غير ريماس م بتغار منها
تركي : ان كيدهن عظيم
خالد : الله يتمم له وانت م تبي
تركي : لا م ابي ارتبط بدري
خالد : ترا حلو الزواج
تركي : ادري بس م ابي
وقف راكان وطالعه تركي
راكان ابتسم : نعمم!!
تركي : وين؟
راكان : بمشي شوي تبي شيء؟
تركي : نو خلاص سمحتلك
راكان دعس ع رجله متعمد وتركي تألم وخالد ضحك ع شكله
راكان : عشان تشيل اللقافه من مخك
طلع راكان وهو يسمع حلطمت تركي وضحك خالد
----------------------------
عند البنات
ريماس تشرب القهوه وواقفه عند الشباك تشوف الرايح والجاي ومنتبه للميس الي ضاله تسقي ومبتسمه ع شكلها
جات بتدخل بس انتبهت للراكان الي ع فونه ويمشي وشكله مو منتبه للي قدامه ضحكت ع فهاوته
بس انتبهت للميس الي كانت معطيته ضهرها
ومو منتبه له هي بعد
~~~
عند ميس وراكان
ضربت رجله رجولها من كثر فهاوته
طاح راكان بس لف عن ميس
ميس تطالعه بصدمه ووقفت
ميس ضحكت ع شكله : م تشوف
راكان : اسف صدق م شفتك
ميس ابتمست: عادي حصل خير
راكان : وانا اقول مين الي مهتهم بهالشجره الي كبرت معانا مع ان كل الشجر الي حوالينها ماتو ورجعو نبتو من جديد بس هالشجره غير اشوف خدم جدي حيل عليها
ميس : اي هاذي غاليه كنت نسقيها انا وفيصل من يوم كنا صغر
راكان : الله يرحمه
ميس خنقتها العبره : انا رايحه
راكان حزن عليها : انا اسف
ميس طالعته : م عليه
راكان ضل يتابع خطواتها وبعدين انتبه لنفسه
واخذ فونه وجلس يطقطق فيه
اما ميس شربت مويتها عشان تخفي عبرتها الي خنقتها وراحت للبنات ولا كان صار شي
~~~
حست بالشي الي دخل بقلبها ونبضاته زادت
بانت عليها ملامح الحسره
-تلعب ع الحبلين انت !!! يعني حتى انا شكلك تلعب معاي لاكن هين ي راكان راح تعض اصابعك ندم وتهنى معاها -
قفلت الستاره وحطت كوب القهوه
ومشيت محد انتبه لها من البنات
حست بجوالها الي بجيبها ع الصامت ويهتز
رفعت شافته متصل
تنهدت
وقفلته بوجه
لاكن تكرر مرا وثنتين وثلاث
رفعت الخط ووشدت ع اسنانها
:شتبييي!
راكان استغرب من ردت فعلها : شفيك؟
ريماس : اخلص علي
راكان : ريماس شفيك تحاكيني كذا
ريماس : راكان ؟! انا كنت اطقطق عليك شتبي ؟ خلاص اذلف
كانت تنطق كل كلمه وهي مخنوقه ب الم بحسره ع الشهر الي كانت تسولف فيه معاه عشان تفضفض عن الي بداخله كون ان فيه شخص يحس ب الم صدرها وان كل هالقوة الي تجيها وتتضاهر الشجاعه كلها تصنع وهي بداخله كل شي. محطم ويوم لقت الي بدا يلم شتاتها رجع بعثرها من جديد
راكان حس بحر فضيع من كلامها : شقلتي!
ريماس : مو عشان اعطيتك وجه خلاص تتمادى وتتصل علي بكل وقت خلاص ياخي كنت اطقطق وطفشت من هالطقطقه
راكان : ريماس مو وقت مزحك جد يعني
ريماس : الي سمعته مو طقطقه انت تطقطق وانا اطقطق وبعدين مين انت عشان امزح فيه معاك !! هههههه يالله روح العب مع شخص ثاني
قفلت الخط
ابتسمت وضحكت بصوت عالي
وفجأه حست بشي حار ع خدها حطت ايدها
دمعه؟؟؟؟
انصدمت وبنفسها -انا تنزل مني دمعه عشان مين عشان واحد مثل راكان -
رفعت جوالها وب اقوى م عندها رمته ع الارض تحطم قدام عينه وكأن شفيت شوي من غليلها
انقهرت ع الوقت الي ضاع مسحت دموعها وطلعت من المكان
عند راكان
كان م يعرف شلي صار بس كل الي براسه انه ممكن يكون مقلب وتمنى انه مقلب لان م تقبل ان ريماس تطقطق عليه
قطع تفكيره صوت بسام؟
بسام : ركون
راكان طالعه وهو عاقد حواجبه
بسام انصدم من شكله : شفيك
راكان : شتبي؟
بسام : كنت بقولك العشاء !
راكان :م ابي
وخرج للبرا فتح ازرار قميصه يحاول يدور الهواء جلس ع كبوت سيارته وضل ساكت وياخذ نفس شهيق وزفير
لين م حس ب ان اعصابه هديت شوي
وغمض عيونه وحط راسه ع رجوله وحضنها
~~
ريماس راحت عند البنات بعد م حست ان اعصابها هاديه
طالعت بميس الي كانت سرحانه ومبتسمه
ضحكت ع حالها
ريماس : وين رايح بالك
ميس : اممم م يهمك كثير ع العموم شفيه وجهك تعبان
ريماس طالعتها وبعدين جلست بعربجه فشخت رجولها -اي يعني فردتهم وهي جالسه ع الكنبه وتكت على ركبها-
ميس طالعتها ب !!
ريماس ضلت تلعب ب اصابعها : اسمعي ي ميس
ميس طالعتها ب؟؟
ريماس : بعمرك لاتخلي احد يلعب او يضحك ويطقطق عليك لان لو انكسر قلبك م راح يطيب
ميس : ريماس شفيك كأنك تعبانه ؟ يمه خوفتيني ايش هالكلام كأنك بتودعين ؟
ريماس ابتسمت ابتسامه صناعيه: كلامي جاك ي حلوه
وقفت ومشيت
اما ميس ضحكت ع تصرفها وبنفس الوقت قرصها قلبها من كلام ريماس الي يخوف ومو مفهوم
قطع تفكيرها صوت ملك : قومي العشاء
----------------------------
جالسه ع الكنبه
نزلت لجين لعندها وشافتها جالسه
لجين جلست ع الكرسي وضلت تتحرك
ميان : وترتيني اهجدي
لجين ضحكت : احبك
ميان : خلاص مليون مرا قلتيها لي
لجين : والله وحشتيني
ميان : تصدقين سالفتك انتي وميلانو مو راضيه تطلع من مخي
لجين : الحمدلله ان الله اخذها وفكني منها
ميان : نبهتك الف مرا
لجين : مو قلنا ننسى الماضي
ميان تنهدت : اشتقت للوليد
لجين : شلون تحبينه
ميان : مدري بدون م احس بنفسي لقيتني احبه
لجين : سبحان الله بعد الي صار لك بسببه وباقي تحبينه
ميان : ترا انا الي انحرقت بنفسي
لجين : اقنعيني انه ماله دخل بحرقك
ميان :والله ماله دخل انا وقتها كنت تعبانه ي دوب اوقف ودخت بمسك البوتقاز مسكت القلايه وانكب الزيت علي
لجين ابتسمت : مين سبب الدوخه
ميان : وقتها خاف علي كثير
تذكرت هالموقف
لجين حطت ايدها ع بطنها : م علينا منه جوعانه
ميان : حتى انا
سمعو صوت الباب يوم دخل وسام ومعاه بيتزا ثلاث حبات وعصير كولا
لجين : هلا بالحامل والمحمول
قامت ميان واخذت الكولا من ايده
جلسو ع الطاوله وحطو الاكل
وسام : احلى جمعه صراحه خلاص معاد فيه مستشفيات وبنرد مثل قبل
لجين : انزين انا بكرا بروح ادور لي سكن
وسام وميان : ليش؟
لجين ب استغراب : ادور سكن ليش يعني
وسام : بيتك هنا ويانا انت اختنا
لجين : لا م ابي اثقل علييكم
ميان : بالله وسام قوم اضربها
وسام : ودي والله
لجين ضحكت
----------------------------
جالسه تطالع الشباك
الجو ممل
تنهدت تنهيده طويله
طالعت خالد
نايم!
لبست حجابها
وطلعت من الجناح
المكان كان ريحته دخان
عرفت ان الوليد جالس بالصاله
راحت له وشافته يطالع بالسيجاره وتفكيره بعيد
تنحنحت وانتبه لها الوليد
الوليد طالعها !
روان : افتح الشباك لاجيت تدخن لان البيت راحت ريحته زقاير
الوليد اكتفى بالصمت
روان : بعدين هلكت نفسك ي الوليد بالدخان انا مثل اختك م يصير كذا صحتك يآثر عليك مستقبلا
الوليد تنهد وحط ايده ع شعره
روان : انت تحبها؟ اذا تحبها روح لها لاتسوي بنفسك كذا
الوليد ابتسم : هي فاقده ذاكرته يعني اكيد محتفقذني
روان : شلون كذا مين قالك ان ميان فاقده ذاكرتها
الوليد : صحبتها ؟
روان ب استغراب : اها
وقفت وراحت عنه وهي تتذكر كلام ريمان
ميان باقي تحبه
ميان باقي تحبه
روان : لازم اوصل للميان بس شلون
راحت للغرفه ونطت ع السرير
فتح عينه خالد بصدمه
خالد بصوت نعسان : شفيك!
روان : قوم قوم
خالد طالع ساعته : صاحيه الساعه 4 الفجر
روان : بقولك شي قوم
خالد تنهد وجلس وكتف ايده : شتبين
روان : اليوم وسام كلم ريمان
خالد : شسوي طيب
روان : قال لها ان ميان باقي تحب الوليد
خالد ب استغراب : ليش هي كانت تحبه
روان : ايه ايه تخيل
خالد : مو معقول لان صدق الوليد كان معذبها شلون تحبه
روان رفعت كتوفها ب مادري
خالد : صدق روان انتي الحين جايه مصحيتني من نومي عشان تقولين لي ميان باقي تحب الوليد
روان : لا مو كذا
خالد : اجل شنو
روان : الحين رامي يحب لجين صحبة ميان والوليد يحب ميان وميان تبادله وريمان ووسام يحبون بعض صح
خالد : ايه؟
روان : طيب اسمع ...
----------------------------
مسحت دمعتها الي ع عيونها
وهي تطالع صوره بالانترنت
مشتاقه له حيل وده تروح وتضمه
بس تذكر وسام ورفضه له
مع انه هي راضيه فيه بس القرار بعد لوسام
لبست الجاكت ونزلت للصاله
وشافته جالس يطقطق ع لابتوبه
ميان : صباح الخير
وسام : هلا صباح النور صح النومه
ميان : صح بدنك من متى صاحي
وسام : م جاني النوم ليش؟
ميان : ليش م نمت
وسام : افكر كثييير
ميان جلست وابتسمت وحطت ايدها ع فكها
ميان : امم ومين ماخذ تفكيرك
وسام : الشغل
ميان : اها اقنعني يالله ان الشغل ماخذ تفكيرك
وسام : لا مو ريمان!
ميان ابتسمت ع جنب : مين جاب اصلاً سيرة ريمان
وسام بدا يضيع الحروف ويتلعثم : كيفك!
ميان : اسمع وسام اذا تحبون بعض اكسر كل الحواجز وخذها عشان بعد لجين المسكينه تاخذ رامي الي شاغل مخها
وسام : شو قلت ع هالموضوع ي ميان لجين براحتها تسوي الي تسويه بس انا لا
ميان : اسمع الغلط هذا كله من شخص ومات يعني راح خلاص هالعائله مالها دخل بغلطته
وسام : يتحملونها
ميان : لا ي وسام حتى ابوي سكت يوم قاله اخوه يعني ليش م علمهم بالحقيقه من البدايه
تنهد وسام : انتي شنو تبين بالضبط ي ميان لايكون باقي تحبينه
ميان م تكلمت
وسام : لو هو يبيك من جد كان لحقك لهنا وحاكاك وحاكاني
ميان : يعني لو كلمك بتوافق عليه
وسام تنهد وسكر لابتوبه وطلع للحديقه بدون م يسمع منها رد
ميان تنهدت : والله اني اعشقه ي وسام ومستحيل انساه
لجين من ورا : شفيك تحاكين روحك
ميان : تعالي انت حابسه نفسك بالغرفه
لجين جلست ع الكرسي : شنو
ميان : امم اسمعي ي اختي الحلوه لازم تحاكين رامي
لجين : شنو! ليش ؟
ميان : شوفي انا لو بيدي كان رحت للوليد وكملت حياتي وياه انا باقي احبه للحين انتي تقدرين تكملين حياتك مع رامي ومراح نقطعك لا انا ولا وسام
لجين ضلت ساكته
ميان : انتو تحبون بعض ونفس الشي انا احب الوليد ووسام يحب ريمان ليش م نكسر كل شي ونعيش معاهم وننسى الماضي او انتي ابدي وتزوجي رامي
لجين : مستحيل اخذه لو انتو م سامحتوهم
ميان : ودي نروح لهم بالسعوديه صدق اشتقت لهم بس وسام
لجين : والله هم حلوين يوم حضرت ملكت اخته كانو حلوين مع بعض
ميان : اي كيف كانت روان وقتها؟
لجين : حيل تجنن مشاءالله
ميان : شفتي حبيبة وسام!
لجين : امم م اعرفهم
ميان : شرايك انا وانتي نحاول فوسام
لجين : كيف يعني
ميان ضحكت : مدري
لجين : وين وسام
ميان : بالحديقه
----------------------------
خالد : فكره حلووه بس نستنى لين بعد م يملكون ريماس وراكان
روان : والله م يمدي ي خالد مطولين عبال م نخطب ونملك والزواج بعد كم شهر مطولين اقل شي خمس شهور
خالد : اجل ماله داعي يروحون
روان : ممكن راكان يروح
خالد : امم خلاص قدام
روان : اوك والله بس انت شوف الوضع وانا بعد بتجهز
-----------------------
بمكتب العمل
سرح بعيد وسرحانه اكيد بتعرفون
كل باله هي كل مكان يروح له يشوف طيفها
تذكر كل موقف معاها بهاللحضه
فجأه يشوفها قدامه اوهامه ترسم صورتها قدامه
وقف وطالعها
ارتسمت ع شفته ابتسامة حب وشوق ولهفة
حس بدموعه الحاره الي ع خده
مسح طرفها
الوليد : وحشتيني وينك ليش تخليني
وهم ميان : انت الي خليت العلاقه توصل لحد هنا
الوليد : بس انا احبك
وهم ميان : انساني م ابيك
الوليد : شلون م تبيني وانتي اعترفتي لي بحبك
وهم ميان : اعترفت لك بس كنت اكذب
الوليد ملامحه بدت تعصب : كيف تكذبين
وهم ميان : قلت لك ببداية اللعبه راح تنكسر وتترجاني اسامحك انت طحت بشباكي
الوليد بصراخ : ليش تسوين كذااا
رفع ايده بيضربها بس بلحضه اختفت
حط ايده ع راسه وجلس يدور : ليش تسوين كذااااا ليش تسوين كذذذذااا
مسك كل شي ع المكتب ورماه ع الارض
انتبه للباب الي انفتح بقوه
زياد : بسم الله شفيييك
الوليد طالعه وعيونه تعبانه : تكذب علي
زياد راح له ومسك يده وطالع يمين ويسار : مين؟
الوليد : ميان
زياد ب استغراب : ميان
الوليد : اي اي ميان
زياد : وين م اشوف احد
الوليد: كانت فيه هنا كلمتني وضحكت علي علقتني فيها وهي تكرهني
زياد -معقوله الوليد وصل للهالمرحله!!-
الوليد : زياد انا احبها م اقدر اكمل بدونها م اقدر شوف كيف صارت حالتي من بعدها شوف كيف صرت صرت اعيش كذا بدون هدف صرت اهمل شغلي اهلي ناسي انت بعد م صرت احاكيك واخرج معك كل فتره شوف كيف انا تغيرت تعبت تعبت ..
زياد مسك كتفه وهزه : خلاص اسكت الوليد اسكت
الوليد : ابيها م اقدر اكمل حياتي ولا اقدر احقق هدف امي م اقدر اسوي شي تربطت
زياد : طيب اسكت خلاص
الوليد : مراح اعيش مراح اعيش امسك نفسي عن الموت خوف من الله تكفى ي زياد..
م حس الا بخده الحار وفكه الي التوا
نزل عيونه ع الارض
زياد : اسف الوليد بس كان يبي لك الكف من زمان عشان تصحى اسمع بقولك كلام وانت بكيفك احكم عليه بنفسك
الوليد جلس ع الكنبه ودفن ايده بشعره
زياد ضل واقف ويطالع الوليد : انت الي سويته شي مو هين ي الوليد الف مرا انبهك انت احمد الله. ان اخوها للأن م اشتكى عليك الي سويته م يسويه اي رجال انت دمرت انثى ب انواع العذاب لو صار هالشي ب اختك ب ترضى له
ضل ساكت الوليد
رفع صوته زياد : بترضى ولا لا
الوليد وقف : اكيد لا
زياد : الشي الي م ترضاه لنفسك ي الوليد لا ترضاه لغيرك يعني انساها مستحيل وسام يسامحك
الوليد طالعه : بس احبها
زياد : انت تحبها صح بس خلاص م عاد في شي اسمه انتقام
الوليد : بس قلبي خرج من جسمي وراح لها يعني صرت انسان بلا مشاعر تعرف يعني شنو انسان بدون قلب
زياد : انت الوليد الجاسم خلاص الي يطلع من حياتك انسى يرد
الوليد : هالمره غير
زياد : فعلاً هالمره غير لانك انت بيدك دمرتها
الوليد : بس
زياد : خلاص لاتتكلم قوم ريح ببيتك
الوليد : انزين
وقف وخرج من الغرفه والعيون كلها عليه
زياد تنهد تنهيده طويله : حسافه ي الوليد
---------------------
دخل البيت شافه هادي
طالع الصاله م فيها احد
طلع دار امه شافها تقرا قراءن
الوليد : مساءالخير يمه
ام الوليد ضلت تكمل الايه وبعدين ردت : صدق الله العظيم ،.. هلا يمه
الوليد جلس جنبها
ام الوليد طالعت وجهه التعبان : شفييك يمه
الوليد حط راسه ع رجل امه : تعبان يمه تعبان
ام الوليد بخوف : بسم الله شفيك يمه
الوليد : يمه الي سويته صح ولا غلط
ام الوليد: بخصوص ؟
الوليد : مييان!
ام الوليد : الي سويته يمه غلط وحيل كبير وهم بعد ابوك غلطان
الوليد: طيب كيف اكفر عن ذنبي
ام الوليد : ادعي ان الله يسامحك ويغفرلك وان البنت واخوها يسامحونك
الوليد رفع راسه عن رجل امه : وين خالد وروان!
ام الوليد : سافر عنده شغل
الوليد : سافر؟ متى
ام الوليد : من شوي
الوليد : ومين معاه
ام الوليد : روان وراكان
الوليد : اها غريب
ام الوليد : روح دارك واخليهم يرسلون لك العشاء
الوليد : م بي يمه بنام
ام الوليد: انزين يمه
خرج الوليد وراح داره ورمى نفسه ع السرير وبعد تفكير طويل نامت معاه الدنيا
-------------------
بعد ساعات طويله
حطو رجولهم ع اراضي فرنسا
طالعوه بحب
خالد : قادر ي جدي !!
الجد: ب إذن الله
روان : اجل لا نتأخر
راكان : اكيد بيكونون صاحينن ع شروق الشمس
*****| اخيراً
ابتسمو ومشيو كلهم بخطوات واحده
-----------------------