قـلـبـي هـاجـر اضـلُـعـي هـرب مـنـي الـيـك - الفصل السادس والثلاثون - بقلم ضــوء الــقــمــر - مكتملة | روايتك

رواية قلبي هاجر اضلعي .. هرب مني اليك : الفصل السادس والثلاثون : اخذ فونه واتصل عليها نوف : هلا بالقاطع سالم ابتسم : هلا بلي واحشتني نوف ابتسمت : وانت بعد ها شلون مريضك !! سالم : امم يسلم عليك وابشرك صحي من غيبوبته نوف ابتسمت : الحمدلله ، ذكر ولا انثى! سالم ضحك : ليش يهمك نوف : اكيد يعني مريض زوجي شلون م يهمني سالم ضحك : ي عياره صدقتك امم لو بقولك بتغارين اكيد نوف بصوت شبه مغبون : عادي يعني خلاص واضحه حلوه! سالم : اي حييييل تجنن مشاءالله تشبه لك نوف : يعني انت متصل علي عشان تقولي انها حلوه هاه! سالم ابتسم : لا مو عشان كذا نوف : اجل شنوو! سالم : فيه اخبار حلوه ! نوف : امم متأكد لان صراحه بعيلتنا بهالفتره كل الاخبار م تسر سالم : انا متأكد هالخبر بيسعدك حيييل وبتتغيرين 180 درجه نوف : اي يالله قولي بس لحضه هالخبر يخص البنات بعد سالم : ممكن يعني نوف : اجل بشغل السبكر وبخليهم يسمعون عشان يحزنون هم بعد م سمعو اخبار حلوه ريماس تهمس ب اذن روان : اي والله نوف حطت الجوال ع الطاوله واشرت لهم ب اسمعو نوف : يالله قول سلوم سالم : امم لاتنصدمون طيب نوف : يالله طيب وترتني سالم : مييان صحيت والحين هي بخير الحمدلله البنات بصوت واحد : كذذذاببببب !!! نوف توسعت عيونها وبصوت يرجف : بلا بلا لاتطقطقً علي سالم : اعرفكم عشان اكذب عليكم ، والله صحيت نوف : وانت ايش عرفك يعني مو محد قدر يتواصل مع وسام! سالم : انا كنت اكذب عليك صراحه انا الي اعالج بنت اخوك الحين بفرنسا مو بتركيا نوف : يعني انت !! شفتها! سالم : اي نوف ودها تصرخ فرح : يعني هي مريضتك سالم ضحك نوف : الحمدلله يارب وضمت ملك الي جالسه جنبها ديم ابتسمت عشان ميان صحيت وريمان نفس الشي لان لو صار شي يمكن وسام يذبح الوليد نوف : بحاكيها سالم توتر م يدري عن وسام اذا وافق او لا : اقولك عندي حاله طارئه يالله باي سكر الجوال بدون م يسمع اي ردت فعل من نوف البنات ضحكو ع نوف الي تغيرت ملامح وجهها وكشرت نوف : والله لا اوريه يكذب علي ها روان : م عليه م عليهه وقفت روان واتصلت ع رامي وخبرته رامي : الحمدلله ع سلامتها روان : جرب تحاكي لجين رامي : لا خلاص قررت اقفل صفحتها روان تنهدت : طيب يالله اصحى خلينا نرد مثل اول رامي : ان شاءالله روان : م ابي قول بس ابي فعل رامي : طيب تبين شي روان : خبر العيال بالقروب رامي : اوك روان : باي (: ورجعت جلست عند البنات ---------------------------- حس بالعطش دخل المستشفى وراح للكافتريا ياخذ مويه مشي بخطوات هاديه وسرحان للبعيد يفكر فيها شلون يوصل لها ضرب بكتف شخص وطاح جواله من ايده *****/ sorry الوليد : no problem لجين بصدمه توسعت عيونها : انت!! الوليد جاء بيمشي بس مسكت ايده لجين سحبتها بقوتها كلها ويدوب تحرك معاها ب ارادته راحت للزاويه بعيده لجين بصوت شبه يصرخ : انت شتسوي هنا لك عين بعد تجي الوليد ابتسم : بصفتك شنو ي انسه لجين : انت تدري اني ماسكه وسام عنك ولا كان راح يذبحكك ويرتكب ذنب بسبتك الوليد كتف ايده : اوك! لجين بصوت مخنوق من البكي: وخر عننا خلينا نعيش حياتنا بسلام بسببك كنا راح نفقد اختنا والحين جاي بكل عين وقحه لعندنا وتبي وسام يرتكب فيك جريمه سيبنا خلينا نعيش حياتنا ميان م تبيك ولا تبي اشكالك اصلاً ووسام لو شافك ممكن نفقده هو بعد امشي من هنا ولعاد نشوفك ب فرنسا -ضربت صدره- لاتفرقنا احنا عائله واجتمعنا بعد صراعات وشهور وقرابة السنه واحنا نصارع الحياه م صدقنا نرد مثل قبل الوليد : اسمعي انا جاي اصلح غلطي مو حكاية ابرر لك بس عشان م اكسر ايدك الثنتين لجين : انت حقير وبتضل حقير ميان بسببك تصارع الموت جوا وتحاول ترد للحياه وجاي بكل سهوله تصلح غلطتك انت لو تسوي الويل م راح نسامحك الوليد : بس هي تحبني لجين : الي تحبه م يسوي لها مثل الي سويته الوليد : انتي مالك دخل بعيال عمي لجين : قبل لايكونون عيال عمك هذول اخواني واعرفهم من قبل لا يعرفونك الوليد : هه والله اخوانك بصفة شنو ي حب رامي! لجين توسعت عيونها وضربته ع وجهه : اطلع برا م نبي نشوفك وبذكرك ميان فقدت ذاكرتها يعني ماتذكرك لا انت ولا غيرك يعني انساها خلاص وبنفولها عن سواياك وهي راح تكرهك بلي سويته فيها الوليد توسعت عيونه بصمت ضربت صدره وبصراخ :اطلع برا اطلع من حياتنا الله يحرق قلبك مثل م احرقت قلوبنا جو الامن وسحبوه للبراا جلست لجين واخذت مهدئ من السيستر وحطت راسها ع الكرسي وعيونها كلها دموعها وخدها جاف من الدموع وباقي اثرها ---------------------------- وقف بهاللحضه وشافها تطالع الشباك طاحت دموعه ع خدوده وانفه مورد ابتسم وبصوت مخنوق بكي وسام : وحشتيني سمعت صوته الي فقدته من زمان طالعته وتوسعت عيونها بصدمه مسحت عيونها خافت انها تتوهم قرب منها وحاوط ايده الثنتين بخدودها المورده وسام : لك شهرين نايمه وانا انتضر هاللحضه الي اشوفك فيها لك فتره طويله طولتي علي رفعت ايدها وحطتها ع شعره ميان بصوت متقطع : انت حقيقه ولا وهم وسام مسك ايدها وباس باطنها وسام : انا حقيقه يعيون اخوك اسف لأني طولت حييل عليك ميان طالعت سالم : انت تشوف مثل م اشوف سالم ابتسم وعيونه كلها دموع : ايه اخوك ميان ضمتها بكل قوتها وتعلقت فيه وهو شد عليها وع جسمها الصغير ميان بصوت متقطع ومليان حزن وبحة عتاب : وينك فييه كل هالشهور وينك فيه وانا عايشه بحزن وكآبه من بعدكم وينك ليش رحت وخليتني انا احسبك مت معاهم شلون انت عشت وليش م جيتني ليش غبت كل هالمده انا كنت م اقوى ع فراقكم انكسرت حييل اههه ي وسام فرحت عيني بشوفتك الحمدلله انك انت فيه والله اني تعبت حيييل كلكم بيوم ودقيقه وحدا رحتو وسام يمسح ع شعرها : والله كنت مريض م ادري عن اي شي صار ميان : قالو ان كل الي بالطياره توفو ليش م قالو انك حي وسام : ي روح وسام انا نزلت من الطياره من قبل لاتطيح وارتطمت ع الصخره وفقدت ذاكرتي وضليت مرمي بالعنايه كم شهر ورجعت وكنت فاقد ذاكرتي م ادري بشنو صار ميان تضرب كتفه : يارب م يكون حلم وسام اخوي حبيبي وحشتني حيييل اخيراً لي سند وسام ضمها وضل يطبطب ع ضهره : ي عيون اخوك حقك م بيضيع بجيبه لك لا تحاتين ميان ضمتها وشدت ع صدره ودفنت راسها بحضنه وضلت تبكي بهاللحضه ميان تتمنى انه م يكون حلم وان كان حلم تتمنى انها م تصحى وتضل ضامته لين تفارق حياتها دموعها بدت تنهار سالم : ي ميان لاتتعبين نفسك عشان صحتك ولا ترا بطلعه من عندك ميان طالعت وسام : لا خليه عندي م ابيه يفارقني سالم : اجل اهدي انتي الحين وبتكونين احسن طلع سالم وخلاهم لحالهم عشان ياخذون راحتهم سوا وقف وشاف لجين كيف نايمه ع الكرسي والسيستر جنبها استغرب من شكلها ووجهها سالم اشر للسيستر شفيها! السيستر اشرت ب مادري راح لها سالم ووقف جنبها سالم : انسه لجين لجين!! لجين فتحت عيونها بتعب ؟ سالم : انتي بخير لجين اشرت ب ايه سالم : شفيك شصاير السيستر : اتى شخص لا اعرفه وتحدثا سوياً وبعدها تشاجرا واخرجه الامن الى الخارج سالم استغرب : ومن هوا الشخص السيستر : لا اعلم لجين بصوت نعسان : لا شفته قول له ميان فاقده ذاكرته خليه يروح ولعاد نشوفه سالم ب استغراب :مين لجين : الوليد سالم انصدم ! : شيسوي هنا!! لجين : يقول بيعدل غلطته سالم وقف بصدمه : هاذا اكيد مجنون طلع للحديقه يدوره ولقيه جالس ع الكراسي سالم راح له وبصدمه : انت شتسوي هنا الوليد طالعها بصمت سالمم : الوليد وجودك خطر هنا يمكن تصير مشاكل انت كيف جيت شلون خلوك اصلاً الوليد :سالم مو رايق للشي سالم : انت حالاً لازم ترد للدمام انا بعد راجع للدمام وانساها خلاص البنت فقدت ذاكرتها م تبي تذكر اي شي من الماضي الوليد : يعني م راح تذكرني ! سالم : لا نسيت كل الي صار لها هالسنه فهمت !!!يعني حتى موت اهلها م تدري عنه الوليد تنهد -يعني مثل م قالو لازم انساها وارد مثل م كنت اعيش طايش م يهمني شي-:اهخ بس الله يسامحك ي بوي وقف ومشي بخطوات بطيئه وطلع من الحديقه ركب التاكسي واختفى بعدها دمعت عيونه الي احرقت جفونه -عمري بحياتي م ضعفت هالكثر عمري م سويت هالشي ولا دمعت عيوني حتى بموت ابوي كنت حزين بس م بكيت كثير شلون بنت تهزني وتخليني طفل صدق الي يحب يسوي اي شي حتى اتفه الاسباب يخاف منها- قاطع تفكيره صوت الشوفير دفع الحساب ونزل للفندق الي م جاه غير مرا وحداا كان جالس باللوبي ينتضره شافه دخل ووقف وراح له الوليد طالعه وضمه زياد : الوليد شاسوي هنا !! انصدمت يوم قالي علي انك جاي للفرنسا الوليد : وانت متى وصلت زياد : انا لي اسبوع هنا ولي خمس ساعات انتضرك هنا لايكون رحت لها الوليد اشر ب ايه تنهد زياد ومسك ايده وطلع من الاصنصير للجناح الوليد ---------------------------- تطلع فونها كل دقيقه وتتصل عليه حالها كل يوم تنتضر منه رد بس بس كالعاده م تلاقي رد منه جاتها حالة الاكتئاب والعزله عن الناس تبكي كل يوم بدون محد يحس عليها الا شخص واحد قلبها بقلبها ريماس! سمعت صوت باب الغرفه يوم طق غطت نفسها ب المفرش عشان محد يشوفها بهالحاله ريماس : صاحيه! اكتفت ريمان بصمت طلعت ريماس بتوقع ان ريمان نايمه قفلت الباب بهدوء ونزلت للتحت ريمان ضلت ع ماهي عليه كالعاده نزلت ريماس عند اهلها الي جالسين ريماس :مساءالخير الكل : مساءالنور بسام : بما ان الكل متواجد الحين الا ريمان بفتح معاكم موضوع ام بسام : شنو يمه هالموضوع بسام : عبدالمجيد ال**** ولد جيراننا اليوم كلمني ابوه يخطب له ريمان بما ان ابوي مسافر هالفتره ام بسام : والله انهم ناس كفو يولدي بس نشوف اختك بسام : ريمان خلوها علي انا احاكيها بهالموضوع ريماس تضايقت : انتو تعرفون ريمان هالفتره تعبانه شلون تتكلمون بموضوع زواج والحين وذول الناس م يستحون ع وجيهم شايفين وضع العائله هالفتره مكركب يروحون يخطبون مؤيد : وضع العائله تزبط شالمشاكل الي فيها ريماس : نسيتو عيال خالي ابراهيم مؤيد : انا فاهم قصدك ميان بنتهم صحيت والثاني خلاص راح م يبي احد من العائله متى تصحى اختك من حلمها هاذا ريماس : مؤيد اختي هي اختك اذكرك لا تنسى خلاص خلوها ع راحتها لحد يحاكيها هالفتره نفسيتها تعبانه م لاحضتو عليها بسام : اول شي خلاص انا بكلم الولد واقولها وافقنا ريمان لازم تعيش قصة حب ثانيه ريماس : يعني شنو بتصدمونها بهالخبر بعد كفايه الوليد الي عقدها ديم : م فيه شي الوليد ي ريماس ! ريماس : م اسب اخوك انا بس شفتي كيف تعبت يوم عرفت انها راح تتزوجه بس الحمدلله ان هالشي م تم مؤيد : انتي بزر اصلاً مدري ليش نحاكيك ريماس رافعه صوتها : اوك انا بزر بس م روح اغصب اختي ع من هب ودب عشان تنسى حبيبها لا اذكرك انت كنت تعب ديم صح ولو احد اخذها غيرك بتموت وحققت مرادك ريمان بعد ان شاءالله يتحقق مرادها لا تنسى كلامي هذا ي مؤيد وقف مؤيد وجاء لعندها بس وقفه صوت امه ام بسام : مؤيد مؤيد : يمه سكتي بنتك ديم مسكت يد مؤيد : خلاص مؤيد عشاني مؤيد كانت عيونه ع ريماس ريماس : طول م انا حيه لحد يفكر يجبر ريمان ع اي شي ولا والله م يصير طيب بسام : ريمان بتاخذه غصب عنك وعن الكل خلاص وسام بح راح معاد فيه ريماس : ليش انتو كذا شلي غيركم فجأه انا كنت اشوفكم كل شي ليش صرتو كذا تبغون الفكه من ريمان يعني كل هاذا عشان تحب مؤيد : واحنا الحين شنو بالنسبه لك ريماس بصدمه : ولا شي الله جات بتطلع بس انصدمت من الي كانت واقفه ع الدرج ريماس : ريمان! ريمان طالعتهم بنضرات حزن : تبغون الفكه مني صح طيب وطلعت تجري ع الغرفه وقفت الباب وراها اخذت فونها وكتبت نص هالرساله وارسلتها للوسام -انت غصب عنك تسمع كلامي ولا اخر مره انا احبك ولأجل كل شي اسوي لعيونك اهلي بيزوجوني غصب عني للمرا الثانيه افتكيت من الوليد جاني ولد جارنا والي ابيه عيا البخت لايجيبه احبك لا اخر مرا احبك والله يوفقك وين م بتكون انا انتهت حياتي - ارسلتها وعيونها ع المرايا تسمع صوت ضرب الباب ريماس : ريمان افتحي الباب ريمان افتحي الباب ريمان تكفين عشاني افتحي الباب ريمان اخذت الفازه وبكل قوتها رميتها ع الارض وقفت ريماس ضرب الباب خوفاً من الي ببالها ريماس حطت ايدها ع راسها : لالالالالالا لاتفكرين بلي افكر فيه ي ريمان لاتفكرين نزلت تحت وشافتهم جالسين ومحد تحرك ريماس بصراخ : اكسرو البااااابببب ريمممممان يتنتتتتتتححححححر طاح الكوب من يد بسام م توقع الي ممكن بيصير طلع ب اقصى سرعه هو ومؤيد للغرفه وقفت وتطالع المرايا ابتسمت ريمان بصوت مخنوق : اي بروح ومابرد لكم لا وسام ولا اهلي يبوني شلون اعيش غمضت عينها حست بالدوخ الي داهمتها تطالع ايدها شلون تنزف ابتسمت -سامحني ياربي سامحني- جلست ع الارض واسندت راسها ع السرير قطره ورا قطره دقيقه ورا ثانيه تنتهي تنتضر ب اعلان دقات القلب توقف احتوى عيونها الضلام وبدت تسمع اصواتهم تبعد عن اذنها لا اخر مرا مع جسمها البارد شفايفها المورده تحولت للزراق بشرتها البيضه بهتت من التعب عروق ايدها بدت تميل للبنفسج راسها بدا يثقل -------------------------- -------------------------- جالس جنبها وسانده راسها بحضنه الشوق خلاها م تدري هي وين بس كل همها اخوها عايش ميان : يعني انت جيت القصر مع الشباب وسام : اي جيت بس وقتها كنت م اذكر شي ولا ابي اذكر جات لجين ميان : لجين! وين جات وسام : يوم فقدتك وضلت فتره تحاتيك حجزت للدمام ويوم وصلت راحت لاقرب مكتب وكان مكتب رامي اخو روان عرفتيها! ميان : اي عرفتها روان وسام : اي وقتها تعرفت عليه وعاشت وياه قصة حب ميان : يعني لجين تحب رامي وسام : اي وقتها هو كان يعرف ان الوليد متزوجك بالسر ولجين كانت تبحث عنك تدور اي شي يخصك وهو كان يساعدها ويروح معاها بس م خبرها عنك ميان : غريب شنو عرفه ! وسام : مدري والله وتهاوشت معاه وتركته الحين وعايشه هنا معاي بفرنسا ميان : حبيبي ليش م دخلوها وسام : يقولون ممنوع ميان : وحشتني حيل هي ونوف والبنات وسام تنهد : انسيهم هذول خلاص م نبي الي م يبينا ميان حزنت : روان تزوجت! وسام : اي تزوجت خالد! ميان :اهخخ خساره وسام : ليش ميان : سالفه طويله بس زبدتها ان روان تكره خالد وخالد مهددها تتزوجه او يفضحها وسام : وصخين كلهم عيال الجاسم ميان : شلون الوليد وسام : تسألين عنه بعد ميان : اكييد زوجي شلون م اسأل عنه وسام : لما تخرجين من المستشفى لنا نقاش ثاني بخصوص الزواج ميان تنهدت وسام : تصدقين وش كان اسمي يوم فقدت ذاكرتي ميان ضحكت : شنو وسام : مُراد ميان : مُراد مُراد الله حلو مين سماك وسام : سالم زوج نوف ميان : يعني سالم عالجك وعالجني وسام : اي تصدقين ميان : اممم وجهه مو غريب علي وسام : امم ترا كان يدرس طب هنا! ميان : صدق تصدق احس اني شفته وسام : ممكن ميان : شلون نوف ! وسام : حامل هي الحين ميان : وحشتني كانت حيل طيبه وياي وسام : اي قال لي سالم انها تحبنا قطع كلامهم صوت جوال وسام فتح الرساله وقريها وتنهد ميان : شنو فيك وسام : تعرفين ريمان! ميان : اي اعرفها هي صادتني اخر مرا وسام : امم هي تحبني تخيلي وتتصل علي والحين ارسلت لي كلام شوي غريب ميان : اقراه بسمعك انت غصب عنك تسمع كلامي ولا اخر مره انا احبك ولأجل كل شي اسوي لعيونك اهلي بيزوجوني غصب عني للمرا الثانيه افتكيت من الوليد جاني ولد جارنا والي ابيه عيا البخت لايجيبه احبك لا اخر مرا احبك والله يوفقك وين م بتكون انا انتهت حياتي - ميان : الوليد ؟ وسام : اي مسكينه كانو بيزوجونها غصب للوليد ميان حست بضيقه بصدره -ممكن غيره- ميان : طيب ليش كذا تتكلم كأنها بتموت وسام : مجنونه تسويها ميان : يعني قصدك تنتحر؟ وسام : اي تسويها ميان : حرام ي حبيبتي والله خوش بنت وسام :كره عظيم لعأئلتهم ميان : تراهم زينين والله كلهم البنات بس بالبدايه ريمان كانت ناشبه بحلقي بس بعدين صارت طيبه يعني والله البنات وقفو معاي وقفه طيبه كلهم زينين م اكذب عليك حتى نوف اول م جابوني الوليد وجدي كانو مو كويسين معاي بس نوف حمتني منهم وسام : ليش وافقتي ع زواج الوليد ميان : جدي اجبرني خيرني بين خيارين. وسام تنهد : وشنو هي قطع كلامهم صوت سالم سالم : وسام يالله لازم تخرج قبل لا يجي الفريق الطبي وسام طالع ميان وباس خدها اليمين واليسار وقرص خدودها لين م توردت وطلع ميان ابتسمت كانت حيل مشتاقه له ولقرص خدودها من ايده دمعت عيونها لا ارادياً وسام : ليش هالدموع ميان : اشتقتلك وسام ضمها : اشوفك بكرا الحين طولت ع لجين صح قالت صورها لي طلع فونه وصورها وارسل لها بوسه بالهواء وطلع مع سالم طلع شاف لجين جالسه ووجهها تعبان وشبه نعسانه راح جلس جنبها ومسك كفها وسام : لجين لجين فتحت عينها بتعب وسام : شفيك ! شصار لجين : دخت شوي م عليك شلون ميان وسام ابتسم : تسلم عليييك لجين : وحشتني وسام : انتي كنتي تبكين! لجين : لا شسمه جاني حل ممكن بعدها ينسون ميان وسام : شنو الحل لجين : نقولهم فقدت الذاكره ومنبغاها تسترجع الماضي وسام بعد تفكير : اوك -------------------------- زياد : شلي عدا م بدأ كنت تكرهها حييل شلي غيرك الحين الوليد : ب اول م شفتها وانا قلبي ينبض لها اتضاهر القوه والصلابه وانها م تهمني بس عيونها تخليني اضعف كم مرا امسك نفسي زياد : يعني انت كل الي سويته وانت تحبها الوليد : كنت اوسوس وقتها م احس ب اي شي اسويه كان الشيطان يلعب بعقلي وكلام ابوي الي يتردد بمخي م كنت احسب ان ابوي كان .. زياد : الله يرحمه ويسامحه ويغفرله الوليد : مو قادر انساها والحين هي فقدت ذاكرتها م ودي اذكرها بلي سويته فيها واكيد الحين اخوها وصاحبتها يعبون قلبها بالحقد علي وتكرهني زياد : انا حاكيتك وقتها وقلت لك م بيفيدك الندم خلاص انت لازم تشد ع نفسك وتنساه اكيد م راح ترد لك شبه مستحيل الوليد : انا احبها وتعرف الي احبه اجيبه لعندي زياد : انت باقي كذا م تغيرت ي الوليد بس هالشي مستحيل مستحييل انت عارف قصدي الوليد : ابيها ي زياد م اقدر اكمل حياتي بدونها زياد : انت سويت علاقه معاها ! الوليد : لا ! زياد : طلقتها طيب! الوليد :مستحيل اطلقها! زياد : لازم تبدا حياتك من جديد وترد مثل م كنت الوليد القاسي الي م يهمه احد الوليد : مستحيل انا مثل م كنت بخسرها بردها لي الحين زياد تنهد : طيب خليها بعد فتره مو الحين لين م تهدا الاوضاع انت شايف اخوها مثل م قالت لك صحبتها ماسكته عنك ولا كان راح يذبحك الوليد : يسوي الي يسويه زياد : طيب رد للدمام وخليها هي تتعالج من الي صار لها من حرق من اثر الجروح وبعدها بتكون احسن وبتروح تصالحهم وان شاءالله يقبلون وخذها الوليد : زوجتي هاذي اخذها متى م ابي زياد : م ينفع حتى لو انها زوجتك احمد ربك للأن م اشتكو عليك فيها سجن وغرامه وممكن يخلعكم الشيخ الوليد دفن ايده بشعره وتنهد -------------------------- ريماس طاحت ع الارض من الصدمه ديم حطت ايدها ع فمها ! مؤيد ضل مصدوم يطالعها ملك اتصلت ع الاسعاف وبسام راح جري لها مسك وجهها الببارد واخذ الربطه الي ع الكومودينه وربطها ع ايدها عشان يخفف النزيف ريماس مصدومه : ر ر ر ريمان! شالها بسام ونزل لبرا يجري بدون م يدري شلي يسويه وصلت الاسعاف خلال لحضات وبدت تتخذ الاجراءات اخذوها ع اقرب مستشفى ودخلوها للطوارئ هاذا يشتغل وهاذا يقيس الدم والحراره ريماس جالسه بالانتضار بس بالعبايه جاء مؤيد وهو تعبان وحاس بتأنيب الضمير ريماس وقفت ومسكته مع صدره ريماس : انت تسترجل عليها شايف الحين لوين وصلتها شايف شلي صار فيها بسببك مؤيد : ريماس ترا مو رايقلك ريماس بصراخ : الحين مو رايق الحين خلاص حسيت بتأنيب الضمير وجلالة ربي ي مؤيد ريمان لو صار لها شي م تلوم الا نفسسك تحرم علي شوفتك للمات سمعتت مؤيد وخر عنها وجلس جنب بسام ريماس : خلاص انتو سووو الي فبالكم وهي الحين بالداخل تصارع الموت بسببكم هاذا وامي وابوي موجودين بالحياه جالسين تتمرجلون علينا اجل لو راحو شو بتسووون بسام : ريماس اسكتي محد رايق لك ريماس : والله لو تضررت من الي صار راح تنسوني انا بعد طلعت للبرا وجلست تبكي خايفه من الي يصير ودها تتصل ع ابوها تشكي له بس هو مسافر م تبي تخوفه عليها اخذت فونها واتصلت ع روان -------------------------- جالس يلعب فيفا بالصاله سمع صوت الجوال طالع فونه م فيه اتصال شاف فون روان ولقيه ريماس ابتسم ورفع الخط بصوتها التعبان ومخنوق من البكي ريماس : رووان اهئ راكان هنا فز قلبه وخاف وبلع ريقه اول مرا يسمعها تبكي قلبه عوره بهاللحضه ع نبرة صوتها التعبانه راكان : شفيك روان مو عندي ! ريماس دمعت : ريمان انتحررت وهي الحين بين الحياة والموت راكان بصدمه : شنووو!! ريماس : ابغى روان ناديها ليي راكان : روان تساعد امي بالمطبخ ريماس : انزين راكان : ب اي مستشفى انتو! ريماس : ب ال******* راكان سكر الخط وضل واقف منصدم دخل رامي ووراه روان وطالعوه ب ؟؟ منصدمين من شكله روان : بسم الله شفييك انت! وبعدين ليش جوالي معاك راكان : ريمان انتحرت! روان حطت ايدها ع قلبها : من جدك رامي يطالعه : مو وقت مزحك ترا راكان : توها ريماس تقول لي روان : ماتت!! راكان : لا تقول بين الحياة والموت! روان : امشي نروح المستشفى! راكان : يالله انتضرك بالسياره روان طلعت لبست العبايه وبسرعه راحت للسياره توجهو ع المستشفى وصلت ودخلت شافتها واقفه بعيد تبكي راحت لها روان ووراها راكان روان ضمتها وريماس ضلت تبكي روان اول مرا تشوف ريماس بهالحال اول مرا تشوفها ضعيفه للهدرجه توقعت لو يموت مليون شخص م تتحرك ولا يهزها روان : شلي صار ي ريماس ليش ريمان سوت كذا جلسو ع الكراسي روان جنبها ريماس وقدامهم راكان يطالعهم بصمت ريماس : كل من مؤيد وبسام هم الي وصلوها لهالحاله هي تحب وسام وتبي هو ويوم صارت المشكله انصدمت وتأثرت وبعدين صدموها بزواجها من الوليد وانتهت هالسالفه راح وسام وهي تنتضره كل يوم تصارع نومها واحلامها تبكي كل دقيقه وثانيه تتعذب دخلت بحالة اكتئاب والحين اخواني يبغون يزوجونها واحد م تبيه وفوق ذا كله بالغصب يعني م تحملت الي صار ريمان انكسرت وانتحرت بسببهم انا اكرههم كلهم مستقووين علينا بغياب ابوي روان : طيب شلونها هي الحين ريماس : مدري مو قادره انتضرها طلعت ادور شي اسلي نفسي فيه بس هي شاغله بالي اخاف يصير لها شي شوفي اذا يبون يزوجونها خلاص يخلونها عادي انا اتزوج ذاك عنها بس اهمشي ترد راكان : لا لاتتزوجينه!... اقصد لاتهدمين حياتك عشان اخوانك ريماس : انا ابغاها ترد مثل م كانت ابيها تقهرني بكلامها تسوي الي تسويه بس لاتموت جاء مؤيد مؤيد : سلام ريماس : خير خير شتبي انت ليش جاي روح م ابي اشوف وجهك انا حرمت اني اترككم لو صار لها شي روح من هنا روح لاتوريني وجهك انت وبسام لين م تصحى ريمان مؤيد اشر لها ع راكان وقالها هدي بيده ريماس : تستحي منهم اصفق لك ي مؤيد احسن منك بذكرك ي اخوي مؤيد غمض عيونه ومسك ايده راكان وسحبه للبعيد راكان : انتو غلطتوو حيييل بحق اختكم مؤيد : بس راكان : لا بس ولا شي خلاص انا م توقعتكم كذا بس صدمتوني صراحه الوليد طلع احسن منكم وخر عنه وطلع برا المستشفى مؤيد حس بتأنيب ضمير بداخله وبدت تتكرر كلمت راكان -الوليد احسن منكم الوليد احسن منكم- غمض عيونه ودخل داخل بالمستشفى طالعها كانت نايمه مثل الموتى -------------------------- راكان طلع فونه واتصل ع وسام اكثر من مرا م جاه الرد ارسل له - وسام حاكيني بسرعه والله ضروري- شاف الرساله وسام وتردد بعدلحضات قرر يرد رد ع المكالمه وسام : هلا راكان! راكان : تحبك البنت وشوفها الحين تصارع الموت وسام : م فهمتك! راكان : ريمان انتحرت عشانك عشان حبها لك م تبي تكون لغييرك وسام تنهد : مالي دخل فيها راكان : وسام حس شوي البنت تعلقت فيك والحين بين الحياة والموت بسبب اخوانها م تبي تاخذ غيرك وتقدم لها كذا شخص ورفضتهم عشانك انت تعلقت فيك تشوف فيك الحياه صدقني ي وسام ريمان ذهب لاتخسرها عشان سالفه قديمه وسام : السالفه القديمه محفوره بقلبي راكان : لو تكلمها عادي اهم شي لا تسفهها البنت تحارب الموت سويت الويل عشانك حتى انها راح تروح النار بسببك وسام : راكان انتهت علاقتي معاكم كلكم سامحني مقدر احاكيكم ولا اقدر بيوم ارتبط ف بنت من بناتكم ريمان صحيح اني احبها بس انت تعرف هي تكون بنت مين !! بنت مجموعه من اشخاص دمرو حياة ابوي عشان كذا م ابي ريمان تكلمني ولا ابي احاكيها عشان م نحن لبعض وعشان هي بعد م تتعشم اني بيوم اكون شريك حياتها راكان : م قلت لك ارتبط فيها ! حاكيها بس لاخر مرا وسام : ان شاءالله بس ارسلي لا صحيت راكان : الافضل انك تشوفها وجهاً لوجه وسام : مقدر انزل الدمام هالفتره راكان : اوك براحتك سكر الخط وتنهد تنهيده طويله راكان : لجين ورامي وسام وريمان الوليد وميان كل عيلتنا ابتلت بحب اشخاص محرمين بالنسبه لنا وكله من عيال الجاسم رامي تعبان له فتره والحين ريمان ووسام مو قادر يسامحهم وميان صحيت من الغيبوبه ووضعها تمام كل ك طلعنا من مشكله دخلنا بمشكله ثانيه الله يعينهم ع بعض الوليد لازم يصحح غلطته عشان وسام وريمان ولجين ورامي الي اكثر اشخاص تضررو بسبب هبال الوليد دخل جوا م لقيهم بالحديقه عرف انهم دخلو داخل مبنى المستشفى دخل وراهم ومن بعد سؤاله عرف ان ريمان صحتها جيده ضل جالس بالحديقه يفكر م يدري شلي يسويه عشان تنحل هالمشكله وتصحى ريمان وتاخذ وسام كل هاذا عشان م يشوف عيون ريماس زعلانه وصوتها تعبان ضل يحاكي حاله شلون صار كل هاذا بغضون شهرين بلاوي تكلكلت ع العائله اخبار شينه وكل م جاء يتقدم لريماس تصير مشكله يخاف بيوم من الايام يخسرها شافها واقفه بعيد عند الاستعلامات راح لها راكان : مو حلوا عيونك وهي زعلانه خليك قويه مثل م اعرفك وصدقيني لو مكتوب لها تكون للوسام بتكون له غصب عن الكل واولهم مؤيد وبسام ريماس بصوت تعبان : ابتلينا بغلط قديم سببه ولد الجاسم وابوه وجدي الي مزروع بقلوبهم الحقد بس الحب م يعرف مين الشخص المناسب فجآه حبت شخص يكره العائله بدون سبب بدون م تحس ع نفسها لقيت انها تحبه راكان : الحب شي حلو بس الحب يكون للشخص المناسب ريماس : للأسف عائلتنا م فيها اشخاص مناسبين راكان تنهد : فتحي عيونك بتلاقينهم كويسين ريماس : انتو اخوان روان ويزيد الاشخاص الوحيدين بالعائله الي م تطبعو من اطباع ابهاتهم راكان : قصدك مثل الوليد وبسام ومؤيد ريماس : انا مصدومه من اخواني والي جالسين يسوونه م توقعتهم ابد كذا توقعتهم ناس كويسين بس اكتشفت ان فيهم كثير من جدي والجاسم راكان : القدر هو الي حطنا بهالعائله بس انا بدور حل واحاول ف وسام وميان ولجين يسامحون عيال الجاسم بعدها ريمان تاخذ وسام ولجين تاخذ رامي ريماس طالعته ببراءه : شبتسوي انا بساعدك بكل شي لعيون ريمان راكان : مدري ي ريماس بس ودي اسافر للفرنسا واحلها ريماس :كذا صعب م يمدي اروح معاك راكان : في حل بس م بقوله لك راح يوصلك الحل ريماس بغباء : اوك ابتسم راكان وراح للروان روان : وين ريماس راكان : هناك موجوده روان : شكنتو تسولفون فيه راكان : عن حل بين عيال الجاسم وابراهيم روان : اي ي ليت نلاقي حل راكان : بس ريماس بتساعدني روان : شلون راكان : بروح لفرنسا وبكلم وسام روان : وريماس كيف بتساعدك! راكان : انا احبها روان ضحكت : ادري واضح اصلاً راكان حك رقبته : يعني روان : اها بتتزوجها وتروحون ك شهر عسل لفرنسا وتحاولون تحلون مشكلة وسام والوليد راكان : اخاف ترفضني روان : شوف هالفتره حيل صعب نخطب ومابي آملك يمكن ريماس توافق بس عشان تساعد اختها وم تكملون حياتكم سوا يمكن تتطلقون ف تزوجو عن حب بعد فتره يمكن تقولك انت متزوجها عشان مصلحه تبغى النصيحه الي بيحلها جدي بين الوليد ووسام بس المشكله قولي وين! راكان : صح ، وين! روان : المشكله كيف نجيب وسام وميان للعند جدي راكان : حاكيته قبل شوي بخصوص ريمان وقالي مستحيل اجي السعوديه روان : مو هي هاذي المشكله كيف نصيدهم راكان : امم افكر واردلك روان : حاكيت تركي م شفته اليوم راكان : اي راح عنده شغل روان : غريب راكان : طيب جيسي لي نبض ريماس شوفيها تحبني ولا لا روان ضحكت : اوك راكان : انا برد البيت بتجلسين هنا ولا روان : اي خلاص روح انا اكلم خالد يجيني هنا راكان سلم عليها وطلع ---------------------------- طبعاً نوف محد قالها عشان صحتها واقفه تطالع اختها الي طايحه ع السرير وهدوء المكان ليل وضلام الجو بارد وواقفه بصمت دخل وشافها واقفه مكانها واخوانها مو عندها تنهد تنهيده طويله وراح لها راكان :مساءالخير ريماس وعيونها ع ريمان وايدها ع القزاز :صباح الخير راكان طالع ساعته 1:30ص شافت السيستر يوم تجري وتدخل الغرفه ووراها الدكتور ريماس بصدمه : شفيه !! راكان اشر ب ماعرف ريماس تضرب القزاز ب ايدها الثنتين ريماس : شفيه ريماان اختي بس بهاللحضه م حست الا انها طايحه بالارض رجولها م تشيلها وماتبغى تتخيل الي يصير ف بالها راكان طالعها : ريماس قوي نفسك ولا تستسلمين ريماس ودموعها ع خدها حطت ايدها ع قلبها ريماس : ريمان لاتروحين ي نصفي الثاني انتي لا رحتي انا نصفك اعجز عن الحياه بدون نصفي الثاني تكفين خليك قويه وعيشي عشاني عيشي عشان نضحك سوا عيشي عشان اشوفك قدام عيوني واشبع عيوني فيك راكان بهاللحضه حاس بلي تحس فيه هو بعد عنده تؤام ويدري انه بيضعف لو صار له شي راكان حط ايده ع كتفها : ادعي ان الله يقومها بالسلامه ريماس مسكت ايده واسندت نفسها عليه ووقفت تطالع ريمان وباقي الدكتور حولها .... .... ---------------------------- اشرت لهم السيستر ب اوك اوك يعني م فيه شي بدون م تحس ع نفسها اسندت راسها ع صدره ودمعت بهاللحضه راكان تجمد مكانه ريماس بصوت تعبان : انا تعبت خلاص معاد فيني حيل اكمل انكسرت كثير واتضاهر القوه بس م فيه احد يحس فيني اهخ يارب انك تحفظ لي اختي حبيبتي نصفي الثاني استنشقت عطره للحضات وهو مجمد مكانه م يدري شنو يسوي يخاف احد من اخوانها يطب عليه فجآه حست ع نفسها وفزت ريماس مسحت دموعها وبلعت ريقها : اسف راكان والله م حسيت ع نفسي راكان اكتفى بنضراته لها ريماس راحت للدكتور ووقفت عنده وجلست تتكلم معاه وبالها مو معاه كل بالها وتفكيرها بهاللحضه ب "راكان" راكان حط ايده ع دقنه وضل بمسح فيه متوتر ---------------------------- طلعوها للغرف العامه وبعد يوم طويل قضته مع وسام ولجين وكل ضحك مشتاقه للعيونه الي كانت تصبح وتمسي عليها قطع تفكيرها صوت الدكتور الدكتور : مرحباً ميان : اهلاً الدكتور : انا دكتور التجميل للبشره ميان فهمت عليه : اهلاً بك الدكتور : لقد علمت ب انك ستخرجين بعد اسبوع تقريباً للذلك حضرت لك لكي ابدا بتجهيز العلاج للبشرتك او بالاصح للساقكِ ميان اشرت ب اوك حدد معاها موعد بدا التجميل ميان : وكم تستغرق الدكتور : اربع جلسات تقريباً ميان : وكم المده الدكتور : جلستان تقريباً كل اسبوعاً ميان : بالقرب الى اسبوعان حسناً جيد ومتى سنبدأ الدكتور : من الاسبوع المقبل الاحد الساعه 7:00 كل مساء ميان : حسناً شكرً لك ---------------------------- مر شهر كامل طويل حيل ع اغلب ابطالنا شهر هادي كالعاده قررو فيه يبدون صفحه وحياة جديده كل من طرفين عيال ال سليمان ووسام وميان ولجين الوليد عايش بشركته يتضاهر الامبلاة وموال الزواج كالعاده تغنيه امه 😂، يحاول يبعد تفكيره عن ميان بس بكل مكان يشوف صورتها يحس بالتعب والقهر بس دامها فقدت ذاكرتها م وده يرد الماضي نوف كانت ع كفوف الراحه بما انه دخلت الشهر الثامن وقرب موعد ولادتها ميان عالجت بشرتها تقريبا وخصوص رجلها المحروق بس بعد م حاولت مع طبيبها التكتم ع الفاعل مو خوف بس الحب الي تعبها وسام ولجين اكثر اثنين تعبو من ناحيتين الحب والفرح وبنفس الشي الحزن كانو يحاولون يطلعون ميان من حياتها السابقه عشان تبدا حياة جديده وسام كانت شاغله باله ريمان وتذكر انها اليوم راح تطلع من المستشفى وقرر يحاكيها لجين كانت كل يوم تتردد تتصل فيه ع رامي اشتاقت للصوته بس م نسيت فعلته التكتم ع الوليد ومكان ميان رامي وده يشرح لها السبب الي خلاه يسكت بس عارف م راح يكلمها وانتهت علاقته معاها اي يعني يفقدها للأبد ويتقبل واقعه روان وخالد عايشين احلى قصة حب وكأنهم الامس تزوجو ونسيو الماضي روان كانت تلاحظ الالم الي باين بعيون الوليد ودايم تشوفه تعبان ويتضاهر القوه قدام اهله مؤيد وبسام م كلمو ريمان تهديد من ابوهم الي عرف السالفه بعد فتره وتضايق حيل بسبب غيابه وتكتمهم ع اسرار البيت ملك الفتره الاخيره كانت تتابع جميع مقاطعها مع فيصل وكل م حطت راسها ع المخده لابد انها تبكي صار شي اعتيادي بالنسبه لها ريماس كانت م تحاكي احد وضلت بعزله للفتره م تبي تكلم احد الاشخص واحد الي كان يحاكيها كل يوم واكيد عرفتوه ريمان حست بتأنيب الضمير وحمدت ربها انها م انتهت حياتها بأنتحارها وبتكفر عن غلطتها وقررت تنسى مُراد الي هو وسام ونوف الي كانت حاسه ان فيه شي بس العيله مخبين عنها وقررت م تعرف عشان طفلها الي ف بطنها سالم رجع للسعوديه وحيل فرحان لان انقضها من الموت بعد الله طبعاً ومعيش نوف تحت كفوف الراحه ووده يسفرها بحكم مشاكل العائله الي تزيد بس صحتها م تسمح لها قرر يبعدها شوي من جو العائله ---------------------------- اليوم يتجمعون فيه الاهل لهم شهر وشوي م تجمعو بعد الي صار ومسوين عشاء كبير بدون سبب بس يبغون يردون حياتهم مثل م كانت م يعرفون لا ابراهيم ولا عياله لافه ع ايدها عشان م تشوف الجرح نوف وتسأل نوف حاطه ايدها ع بطنها روان : شفيك نوف : عوار حيل روان : والله انا خايفه من الحمل صراحه نوف : هو حلو والله بس لا دخلت التاسع او قربتي تقمطين ام العافيه روان : مو هاذا الي مخوفني ملك: بنات انا حامل كلهم طالعوها بصدمه. ملك : كآني طحت من عينكم! نوف ضحكت : الله يعني بيجي بيبي ثاني ع العائله ملك اشرت ب فيسها ب ايه نوف : يالله عقبال لديم وروان ديم : والله انا ومؤيد متفقين م نجيب ذحين روان : انا انتضر الله يرزقني ريماس : تذكرين مغامرتنا سوا 😂 بالبر روان : والله تجنن بس ضناي راح ميس : الله يعوضك بالاحسن روان : امين يارب ،اقول ريمان شلونك ريمان: تمام الحمدلله روان : وحشتيني حيل ارجعي مثل اول افقعي قلبي ب دلعك نوف : ليش فيك شي انتي روان : لا م فيها شي بس صايرا بارده نوف : اي صح ريمان طالعت فونها الي يرن شافت رقم غريب وقفت وراحت بالحديقه جلست بعيد عن البنات ريمان بصوت مليان تعب ريمان : هلا؟ وسام اخذ نفس طويل مشتاق للهصوت : سلام! ريمان حست بنبض قلبها الي تغير وسام : شلونك ريمان! ريمان : شتبي؟ وسام : بسأل عن حالك ريمان : ماله داعي يعني هالكثر يهمك وسام : الضروف الي تبعدنا عن بعض ريمان : الحب م يعرف الضروف عالعموم انا الحين تبلدت يعني اصبحت شخص بلا مشاعر فهمتني وسام تنهد : انتي لو مو بنت لهم كان عيشتك بجنتي ريمان : انا بنت لهم بحكم القدر ولو الف مشكله م تبعد الشخص عن الثاني بس اها صح نسيت اننا عرب العادات والتقاليد م تسمح لنا اننا نعيش ويا ناس نكرههم وسام: للأسف هاذي المشكله ريمان : لا تدخل لجين ورامي بسالفتي انا وانت وميان والوليد وسام : لجين هي الي رافضته بنفسها ريمان : حاكيها قول لها رامي حيل تعبان اليوم اخته كانت عندي وكلمتني انا وريماس وتقول عايش بعزله يخوفي بس يسوي نفس الي سويته وبالاخير لناس م تستاهل وسام فهم قصدها : المهم انا حاكيتك كنت ابي اتطمن عليك ريمان : ليتك م حاكيتني وسام : ليش ! ريمان : انا انسانه اضعف ع طول خلاص انا بنساك لا تحاكيني وسام : ميان تحب الوليد للأن ولجين بعد تحب رامي ريمان : وانت! وسام سكت ريمان ضحكت ضحكه بارده : عرفت جوابك قبل م تنطقه وسام : اوك باي سكر الخط بدون م يحس ع نفسه حس بالضعف تجاهها وده يضمها ويحكي لها شكثر اشتاق لها وده يكسر كل الي صار وياخذها بس في شي مانعه حط راسه ع الكرسي بعد م استلم شغل ابوه بالشركه وبناها من جديد بعد م انهدمت ولا احد يشتغل فيها من يوم انتهت عائلة ابراهيم حطت فونها ع الطاوله وضلت تلعب برجولها ريماس وروان وصلو لها وهم يلتقطون انفاسهم ريمان : شفيكم! ريماس : وينك لي ساعه ادورك ريمان : كنت اكلم الجوال روان : خوفتينا علييك! ريمان : مراح انتحر خلاص انا طيبه رجعت للعقلي ريماس : مين كنتي تحاكين؟ ريمان : وسام روان : كذابه ريماس جلست ع الكرسي : جد حاكاك ريمان اشرت ب ايه وضلت تلعب ب اصابعها ريماس : اي وش قالك ريمان : يتطمن علي بس روان : بس ريمان : يقوول ميان اخته ريماس : شفيها؟؟؟ ريمان :م فيها شي بس يقول للحين تحب الوليد روان : ليش هي كانت تحبه ريماس : اماا م اتوقعت ابد روان : تصدقين الوليد جميل حيل وعيونه حلوه ريمان ضحكت : انتي متزوجه روان تضرب كتفها : مو اتغزل انا ، انا اقولك يمكن خقت معاه يعني عاشت وياه سته شهور وممكن تعامل معاها بحنيه عكس الي اضهره لنا بالبدايه ريماس : ممكن ريمان : م اتوقع روان : اجل كيف تحبه للحين ريمان :مدري والله غريبه روان : ايوا وبعد شسولفتو ريمان : كلمته بخصوص رامي ولجين وقال انا م منعتها هاذا شي ب ارادتها روان تنهدت : ي حبيبي ي رامي ان شاءالله يلاقي الي تعوضه ريمان : الحب ي روان م حد يقدر يعوض مكانه روان : هو صح صعب بس نحاول ريمان : لاتحاولين ريماس: مجربت انا الحمدلله روان : جربي انتي ريماس ضحكت : تخيلي ريماس تحب احس مو لايق ابد علي روان : طيب لو شخص يحبك بتبادلينه المشاعر ريماس : امم لا محد يستاهل روان تهندت : ليش في ناس كويسين حيل ريماس : اي مراا روان : بزوجك انا ريماس ضحكت : حتى الزواج م ابيه روان : اشك انك ولد ريماس غمزت : طول عمرك قافطتني ضحكو روان وريمان ع شكل ريماس شافو من بعيد الوليد يوم طلع وسكر الباب بس م انتبه لوجودهم كانو بعيدين ويطالعونه بصمت ريمان : الوليد متغير ريماس : اي حيل مسمر وتعبان روان : يحب ميان ريمان : لاتصدميني روان : والله ريماس : هو يدخن! روان : اي ذبح نفسه بالزقاير ريماس : الله يهديه شوفي لوين وصل نفسه روان : اي يبيها تصدقون انه راح للفرنسا وشافها ورجع ريمان : اما يحززن والله ريماس : هو الي جابه للنفسه والله الي سواه مو هين وهذا هو انهى مستقبله ومستقبل رامي وبعد مستقبل ريمان ريمان عقدت حواجبها روان : م عليه الله يجمعهم وده يصحح غلطته ريماس : اي صح تركي م قالك الحل روان اشرت ب لا ريماس : ياربي بس عائلتنا كلهم طاحو بحب اشخاص غلط روان غمزت ب اسكتي عشان ريمان ونفسيتها ريمان انتفضت من لفحة الهواء البارده الي هبت عليهم ريماس : اه برد امشو ندخل جوال وقفو البنات وراحو للعند الباقيين صادفو ميس الي جايه صوبهم ميس : وينكم انتو ريماس : كنا نسولف ميس : اها روان: خلاص داخلين امشي معانا ميس : امم لا لا عندي شغله بسويها ريمان : اوك براحتك وراحو البنات وضلت ميس بالحديقه تسقي زرعتها الي من يوم كانت صغيره تكبر وكبرت معاها وضل شي روتيني تروح تسقيها ---------------------------- .