قـلـبـي هـاجـر اضـلُـعـي هـرب مـنـي الـيـك - الفصل الرابع والثلاثون - بقلم ضــوء الــقــمــر - مكتملة | روايتك

رواية قلبي هاجر اضلعي .. هرب مني اليك : الفصل الرابع والثلاثون : وقفت بخوف شنو اسوي شنو اسوي ابي احد يحميني انا صرت اخاف حتى من ريماس دفنت نفسها بالمخده وجلست تصارخ م تبي احد يسمع صوتها فيها طاقه بس م تدري كيف تفرغها ودها تسوي شي بنفسها بس تخاف من غضب ربها جلست تبكي تبكي لين م ذبلت عيونها ------------------------ شغل الصوت وجلس ع الكرسي يطالعهم شخصاً شخصاً وخصوص عيال الجاسم بصوت تعبان شبيه بلي تنتهي حياته وب انفاس متقطعه اخوي ابراهيم اسمعني وسجل كل كلمه بقولها لك وسمعهم اهلي وخصوص ابوي ابي يسمع كلماتي الاخيره والله يغفرلي ذنبي ابراهيم : شلي بتقوله ي الجاسم !! الجاسم : الي بقوله اني اعتذر منك واعتذر من ابوي ولو فيني قوه كان صرخت للعاالم كله عشان يسمعون كلامي بس م يمديني اوصل للبوي الا وانا ميت اسمعوني كلكم ابوي اخواني خواتي نوف انا كذبت عليكم وقلت لكم اني اتعذب من اخوي كنت وانا صغير انام والشر والحقد مليان بقلبي للإبراهيم كله هاذا عشان عشان عشان "هلا" (الكل متوسع عينه) ديم : مين هلا ! روان : زوجة ابراهيم يبوي يخوي ي خواتي انا كذبت وعذبت نفسي طول الليل عشان افتري عليه لانه اخذ مني الي كانت حبيبتي (نزلت راسها ام الوليد ودمعت) كنت احبها وكنت ابي اتزوجها بس بيوم سمعتهم يكلمون بعض ويقولون انهم يحبون بعض عشان كذا امتلى الحقد بقلبي حرقت نفسي اتفقت مع واحد يجلدني غرقت نفسها كسرت نفسي سويت كل شي بنفسي عشان انتو بعد تحقدون عليه ادري انك انت يبه زعلت منه عشان تزوج اجنبيه ورضيت بعدها بس يوم شفتك ساكت انقهرت وسويت كل ذا ويوم شفته يعذبني كرهته وقررت انك تتبرا منه انا فرحت حيل احس بالانتصار يوم وريتك الالم الي احس فيه وان هاذا كله من زوجته هي الي سحرته ويوم افتريت عليه عشان تصدقوني وتكرهونه وفعلاً كرهتوه كلكم وتبريتو منه وكلمتك له للأن تتردد ب اذني -انا م عندي ولد يمشي ع كلام الحريم ويعذب اخوه عشان حرمه اطلع من بيتي لعاد اشوفك- نبرة صرخت امي يوم تقولك تكفى لا تخليه يروح للحين ب اذني اسمعها ام الوليد سامحيني لاني م اعطيتك حقك كثير الوليد ي بوي انت بعد سامحني لانيي عبيت قلبك بالحقد للعمك بس يوم كنت ادورك وانا ع فراش الموت م كنت موجود ابوي سامحني يبوي تكفى انا اعتذر منك ابراهيم اخوي انت تكفى سامحني تكفى انا ندمت حيل ع الي سويته وتمنيت الزمن يرد فيني ع ورا عشان احطك فوق راسي ودي المك بحضني بس م اقدر الوقت م يمدي قولي ي ابراهيم انك سامحتني عشان ارتاح وانا بقبري ابراهيم : انا مسامحك ي خوي من يوم طلعت من بيت ابوي وانا مسامحك ومسامح ابوي واخواني وكلهم مسامحهم من الكبير للصغير الجاسم جلس يكح بصعوبه وينطق كلماته الاخيره : مدري كيف بجازيك ابراهيم : تشهد ي خوي وقول اشهد ان لا اله الا الله واشهد انا محمد عبده ورسوله الجاسم نطق الشهاده بصعوبه وبعدها اختفى صوته جلس ع الكرسي الجد : وليش ابوك م تكلم من وقتها!! وسام : لانه م حب يشوه صورة الجاسم عند اهله الجد حط ايده ع راسه وبدت دموعه تنهار الجد : يعني الجاسم كل الي قاله غلط عن اخوه !!! وسام : ايه الحين سمعتو الحقيقه انا بريت ذمتي وسمعتكم امانة ابوي الوليد ضلت عيونه ع الطاوله -يعني شنو انا الي سويته بميان كذبه من كذبات ابوي يعني انا عذبت روح مسكينه عشان انتقم لأبوي واخرتها ابوي طلع -تذكر صوتها يوم تقوله -(ابوي مستحيل يآذي نمله تبيه يسوي فابوك كذا انا متأكده ان ابوي مستحيل يسوي هالشي بس م عندي دليل يثبت كلامي م عندي دليل يثبت كلامي) جلس ع الكنبه ودفن ايده بشعره وسام : سمعتكم كل شي وبشوف كيف عيال الجاسم واولهم انت قفل لابتوبه وسام طالع الوليد : بتندم ع انتقامك المزيف ي رجل نوف : وسسام وسام طالعها نوف مدت يدها :تعاااااال هنا وسام : انا مالي اي كلمه مع اي احد فيكم ولا تتصلون علي ولا على اي احد مننا انا واخواتي وانسو عيال ابراهيم بس وقت م يبدا انتقامي بتندمون كلكم لأن لي حق وبرده لكم نوف : خواتك ؟؟ وسام : ميان ولجين -طالع رامي- طلع من المجلس واخذ لابتوبه ابتسم وحس بالانتصار برأ ابوه من ذنب كانو حاطينه فيه بين لهم حقيقة الجاسم بين لهم كذبت الجاسم بين لهم بالشي الي صارر بس لأول مرا ينبض قلبه ريمان بتتزوج الوليد تنهد -اصلاً مستحيل اخذ منهم- لحضات هدوء وصدمه مرت عليهم كلهم يعني كانو عايشين بكذبه طول هالسنين يعني في شخص بينهم انضلم وفي شخص بينهم م يدرون انه حي او ميت مريض ولا متعافي الوليد طالع روان بصدمه وروان اشرت له ب الله يسامحك مرت عليه صدمتين اليوم صدمة خطوبته صدمة كذبت ابوه وانتقامه المزيف الجد : يعني انا ضلمت واحد من عيالي وتبريت منه بسبب كذبه اهه ياربي وش الي جالس يصير الوليد -يعني انا انتقمت وكنت بذبح بنت وبالاخير السالفه الي قالها ابوي كذب- تنهد خالد : لا إله إلا الله محمد رسول الله طلعو الحريم من المجلس وكل مين جالس يفكر بالسالفه نوف م انصدمت لانها كانت حاسه ان مستحيل احد يسوي ب اخوه الي سواه ابراهيم ب جاسم كانت مرتاحه حيل وودها تسوي حفل صلو كلهم ودعو لهم بالمغفره والرحمه ريماس وروان ونوف راحو لريمان يشوفونها لقيوها منسدحه ريماس : ريمان ريمان فزت من مكانها: شنو نوف : بسم الله عليك شوي شوي ريماس : م عليك م راح تتزوجينه لو ع جثتي نوف : حتى انا م راح اخليهم يزوجونكم ثنيناتكم غصب روان : لو توصل للطلاق بيني وبين خالد م راح تاخذينه ريمان : مستحيل اخذه مستحيل انسان مجرم شرير مستحيل اوافق ع انه بيكون شريك حياتي انا اصلاً مستحيل اخذ واحد غير وسام نوف : بانت الحقيقه كلها ريمان : حقيقة شنو حكوها ب لي صار بالمجلس ريمان انصدمت : شلون نوف : هاذي الحقيقه وانا حيل فرحت ريمان بكيت : م ابي اتزوج الوليد نوف : م عليك انا بحاكي ابوي وبخليه ينهي هالسالفه ريمان ضمت نوف : بنام عندك اليوم عشان م يسون لي شي اخواني ريماس ضحكت ع برائتها نوف : م عليه والله لا اكسر روسهم الثنين البنات كانو حاسيين بشعور ريمان معادا ديم كان عندها عادي كانو يحاولون يطلعونها من جوها وخوفها انتهى يومهم وكل واحد رد بيته ------------------------ الفندق وسام : لجين انتي لو تشوفين وجههم بتنصدمين لجين : اكيد انا يوم سمعته انصدمت وانا مالي شغل فيهم وسام: تصدقين تذكرين ريمان الي قلت لك انها حبيبتي لجين ب استغراب : اييه !! وسام : بيزوجونها الوليد غصب لجين : شنوووو!! حرامم عليهم في ناس تزوج غصب وسام : اي باقي عايشين م توفو الي يزوجون البنات بالغصب لجين : اي بعدين شصار وسام :ترجتني اساعدها بس م قدرت لجين : حرام عليك وسام وسام : لا تلوميني لجين : لو انا مكانك اجيبها عندي وسام : مستحيل خلاص بانت الحقيقه وانتهى كل شي بيننا م ابي شي يربطني فيهم لجين : اسمع لقلبك مو لعقلك هالكلمه قلتها لي صح يالله جاء دورك تطبقها وسام ضحك ------------------------ دخلت روان وخالد الجناح ونفس الشي ام الوليد دخلت الجناح خالد رامي نفسه ع السرير وجالس يفكر روان تنهدت : خالد لاتفكر كثرت التفكير تجيب القالون خالد : منصدم ي روان هالايام الصدمات كثيره روان : م عليك خلاص كان راح يجي هاليوم وهاذا هو جاء احسن من انكم تجلسون طول عمرككم مخدوعين خالد: روان انا الي شاغل مخي ميان يعني الي سواه الوليد كلهم اثم روان : حتى لو كان سالفة ابوك حقيقه بيكون اثم ع الوليد بلي سواه ب ميان خالد تنهد روان : انا بروح لأمك تضايقت حيل اليوم يجلس اواسيها خالد : اي تسوين خيير روان : يالله خذ لك شور تصحصح فيه شوي وتبعد التفكير عن مخك خالد : اوك طلعت روان من جناحها وسكرت الباب مشيت خطوتين وانتبهت له روان : الوليد!! كان منسدح ف الصاله بشكل مبعثر طالعها الوليد بصمت روان : ندمت صح! الوليد اشر ب ايه ! روان : قلت لك بتندم بس م صدقتني الوليد : لو ماتت م بسامح نفسي روان : ان شاءالله بتعيش وان شاءالله بيرجع الوضع تمام وبتاخذها من جديد وتعيشها حياه ثانيه الوليد : شلون لو اسوي الي اسويه مقدر اكفر غلطتي عندها روان : بتقدر بس شغل هاذا وصلي وادعي لربك يسامحك وادعي الله يشافيها الوليد تنهد راحت روان للام الوليد وشافتها نايمه بالغرفه سابتها ورجعت للجناحها ------------------------ الكل كان يفكرر بهاليوم وكل الي صار فيه ناس نامت فرحانه وناس نامت متضايقه وناس باقي صاحيه م نامت تعب عيونهم السهر مشتاقين والي قلقانين والي خايفين غمض عيونه وتذكر كل لحضه عاشوها سوا وكل اللحضات كانت جفا من الوليد شلون يرجع سته شهور ع ورا ويعدل غلطته وده يمسك ابوه ويعاتبه ع الكذبه الي انهت حيياته حط ايده ع خده وطالعها ايده "دموووع" -اي دمووع ابكي ي الوليد يمكن تغسل قلبك- شلون اعدل غلطتي انا جالس افقد حسها يوم عن يوم ليش صرت اشتاق لها هي كانت تبيني وانا بعتها خلاص ! يعني انتهى كل شي ميان انا احبك من يوم شفتك وقلبي يحبك بس الشر الي ملى قلبي والحقد الي ملى عيني تذكر صوتها وهي تبكي تذكر دموعها الي تبقى ع خدها حتى وهي نايمه تذكر صوت المها الي يكسر الحجر تذكر عذابه لها الي بدون سبب تذكر شكله وهو يضربها تذكر شكلها وهي تتألم وقت الجلد تذكر شكلها وهي غرقانه تذكر شكلها يوم ماتت من البرد شلون قلبي خلاني اسوي كذاا وقف وطالع الساعه الي معلقه بالجدار راح لها خطوه خطوه لين م وصلها حط ايده ع الوقت وبدا يرجعه بدون م يحس -الوليد :ارجع ي وقت ع ورا ارجع ابي امحي كل الي صار ابي انسى كل شي سويته فيها ابي انساها يوم تتألم يوم تتبتسم يوم تتحداني يوم تنرفزني يوم تضحك يوم تغني م ابي اذكرها خلاص ارجع ي وقت ع ورا ارجع. ابي امسح هالسته شهور من حياتي م ابي اذكرها ابي انسى كذب ابوي ابي انسى انتقامي ابي انسى ميان بس كيف انساها - رفع الساعه ورماها ع الارض بكل قوته تبعثرت ف كل مكان الوليد بصراخ : ليش باقي انا هنا ليش م رجع الوقت لي الوقت يتقدم بس م يرجع ع ورا ليش سويت كذا لليش كذبت علي ي بوي ليششش هي بذاااات ليش هي بذذذاااااات طلع خالد من جناحه وراح مسكه خالد : الوليد شفييييييييكككك!!! الوليد ؛ ليش هي ليش هي خالد مسك خده : خلاص اهداا الوليد الوليد : ليش كذب علي وملى قلبي انتقام خالد : طيب خلاص اسكت وهدي الحين بعدين نتناقش الوليد : عذبتها عذاب لو انه حجر شفق عليها لو انه شمس دفتها بحضنها ليشش هي ليش هي من بينهم كلهمم ليش سوا كذا خالد ضربه كف : اصصصصححححىى خلاااص اصحى الوليد طالع خالد وعيونه متغرقه بالدموع :كنت بذبحها خالد : الله يسامح ابوووي ويغفرله الوليد : انا مقدر اعيش من دونها ي خالد خالد : لايكون انت !! الوليد : احبها اي احبها وحياتي م راح اقدر اعيشها من دونها طلعت ام الوليد ع الصوت ووراها روان روان : خير شنو فيه ام الوليد : شصاير يمه شفييكم! خالد : الوليد متضايق شوي -واشر لروان تاخذ امهم- روان فهمته: اوك ي عمه تعالي نروح للغرفه خالد يتكلم معاه ويهديه ام الوليد : لا اله الا الله وراحت مع روان خالد : الوليد ميان خلاص انساها انت الحين بتتزوج ريمان لايكون ناسي الوليد : مراح اخذها ولا راح اتزوج اي احد غيرها ريمان م راح اضلمها معاي لو تزوجنا يمكن م نعيش سواا خالد : طيب انت قوم ريح الحين وبعدين نتكلم بهالموضوع وقف الوليد وراح جناحه بعد معاناة الصراع الي عاشها ------------------------ جالسه بغرفتها بعد م ريحها كلام البنات حطت كريمها وجلس تدهن يدها ثواني وانفتح باب غرفتها طالعته "مؤيد" ريمان طالعته وبعدين نزلت راسها تكملت دهن الكريم مؤيد : اضن وصلك خبر ان قريب بتملكون ريمان توسعت عينها بصدمه مؤيد : لاتطالعين كذا ريمان : من قالك اني موافقه مؤيد : ومن قال اننا بناخذ رايك ريمان ابتسمت : انتو م راح تاخذون راي بس الشيخ هو راح ياخذ رأيي مؤيد : انتي بس ارفضي ووقتها م راح تردين البيت الا وانتي ع قبركك ريمان : ع جثتي ي مؤيد والله م راح اخذه والله وتشوف مؤيد : وسام انسييه فهمتيي ريمان : م راح انساه سمعت م راح انساه مؤيد دخل عندها بس وقف من صوت امه ام بسام : مؤيد مؤيد طالعها ! ام بسام : روح هناك انا اكلم اختك مؤيد : بس يمه ام بسام : خلاص يمه روح يالله مؤيد طالع ريمان بنضره وخرج ام بسام دخلت وسكرت الباب وراها ريمان : يمه اذا ع الموضوع م راح يتم ام بسام : شلون يمه انا اعطيتهم كلمه والوليد مليون بنت تتمناه ريمان : انا مو من المليون ام بسام : تبين تفشليين امكككك!! ريمان : يمه انتم مالكم اي حق تقررون عني انا م راح اتزوج الوليد وارسلي ردي لهم ولا انا ترا الي بكلمهم ام بسام : الحب يجي من بعد الزواج ريمان : انا م ابيه يكون شريك حياتي مو هو حلمي ام بسام : انا اعطيتهم ردي ومستحيل ازعل جدك ريمان دمعت ومسكت يد امها : يمه شلون ترموني كذا يمه انا م ابييه مو غصب ام بسام : انتهينا وقفت وطلعت من الغرفه ريمان : لو اموت واخسر حياتي كلها مراح اخذه انسدحت ع السرير وغمضت عيونها م تبي تفكر كل همها تنام اخذت فونها وطالعت رقمه لحضات واتصلت ... ... ... كررت مرا وثنتين وابتسمت ريمان : وسام وسام : شتبين ريمان بنام!! ريمان : وسام اسمعني وسام : م عندي وقت ريمان : شوف والله لا اذبح نفسي لو م سمعتني وسام تنهد : شتبين ريمان : وسام بيزوجوني غصب عني وسام : وانا ايش دخلني فيككك ريمان : يعني انت م تحبني وسام : انا حبيت ريما هي والحين نسيتها لانها ماتت من حياتي ريمان : يعني شنووو وسام : يعني خلاص حلي عن راسي م ابي اكلم احد فيكم ريمان : طيب انتبه لك وقفلت الخط وبكيييت وحضنت المخده ------------------------ ديم : مؤيد ترا اذا ريمان م تبي الوليد عادي لاتغصبها مؤيد : ديم ي روحي شلون م تبيه هي لازم تنسى ذا الي م يتسمى ديم : صراحه مالكم حق يعني الكل غلط بحق عمي ابراهيم واولهم ابوي وجدي مؤيد : طيب م اختلفت ي ديم صح هالكلام بس زي م انتي عارفه عياله كارهيننا مو لازم تتوهم وتعيش انها بتكون له لازم تبعده عن تفكيره ديم : حتى الوليد انصدم يوم دري مؤيد : م عليه بيعيشون حياتهم حلوا سوا ديم : لا م اضن مراح يتفقون لو ثنيناتهم انغصبو ع بعض مؤيد : الحب يجي بعد الزواج ديم : طيب انا وانت من قبل نحب بعض وملك ووبسام نفس الشي شمعنى ريمان م تتزوج عن حب مؤيد : لان مستحيل وسام ياخذ مننا انتي شفتي وجهه كيف اذا حتى ع سالم الي انقض حياته كارهه ديم : طيب مو شرط تاخذ الوليد تاخذ اي شخص ثاني مؤيد : انتي م تبين اختي لأخوك صح! ديم : لا ي مؤيد مو كذا مشاءالله ريمان الف واحد يتمناها بس مو غصب مؤيد وقف وطلع من الغرفه ديم اخذت فونها واتصلت ع الوليد بس مجاها الرد تنهدت وراحت تاخذ لها شور ------------------------ دخلت لجين العنايه المركزه وجلست ع الكرسي مسكت يد ميان لجين -ميان اصحي حيل طولتي م صدقت اننا لقيناك شوفي بعد وسام طلع عايش ومامات تصدقين انه كان عايش بين اهل ابوك بس م يدري مين هم كان فاقد ذاكرته م يدري مين هم ويوم درى مين هم كسرهم كلهم وجاك بينقذك بس تعبتي انتي وم لحق عليك وحالف انه راح ياخذ حقك والحين عرفهم مين هو ابو الوليد وفضحه بكذبته وتلاقين عيال الجاسم متفشلين الحين من ابوهم انتي اكيد الحين تسمعيني وودك تسأليني انا اعرف ان سؤالك كيف عاش وسام يوم كانو بالطياره كان مع وسام ذيك المضله الي ترمين نفسك من الهواء و م تتوجعين ابوك قاله انقذ نفسك وانا بساعد امك ونلحقك عشان امك داخت وقتها من الخوف فتحو له باب الطياره بعد محاولات طويله عشان وصل رمي نفسه بس طاح ع صخور كبيره وبعيده مو بنفس مكان سقوط الطياره ارتطم بالارض وفقد وعيه او بالاصح فقد ذاكرته بس الحمدلله ردت له بس بوقت متأخر حيل وبعدها حاول ينقضك منهم وقاله رامي وينك انتي فيه لان اخته بعد تعرف بس مدري كيف تعرف يالله قومي وحشتيني حيل ميان لو تسمعيني سوي اي حاجه تحركي حسسيني انك بخير- دخل الدكتوره بسرعه وجلس يتكلم لجين : مماذا يحددث ماذا يحدث خرجتها السيستر لبرا وجلست تطالعهم من ورا الشباك لجين دمعت يوم شافتهم متجمعين عليها وهاذا يتكلم وهاذا يمسك الاجهزه ... ... الدكتور خرج وابتسم لجين : ماذا حدث الدكتور : يوجد تحسن في صحتها اتمنى ان تكون اجتازت مرحلة الخطر لجين ابتسمت: شكراً لك الدكتور : ماذا حدث هل حدثتها لجين : نعم لقد تحدثت لها عما حدث الدكتور : جيد لذا ستتحدثون اليها كثير يمكن ان تسمعكم لاكن لاتستطيع ان تجيب على اقوالكم لجين اكتفت ب ابتسامه الدكتور : كونو قويين انتم ايضاً لكي تكون مثلكم لجين : حسناً ------------------------ صحي ع صوت المنبه طالع ساعته 5:00 م تنهد ووقف اخذ الشنبر ودخل ياخذ له شور لبس جينزه وتيشرته الابيض لبس كاوتشه وكابه واخذ شنطته وفتح باب الغرفه وانصدم سالم : ممكن نتكلم ! وسام تنهد : تفضل سالم دخل وجلس ع الكنبه ووسام بالكنبه الي جنبه وسام : شنو ي سالم! سالم : وسام الي سويته غلط!! وسام : شنو الغلط؟؟ اني وضحت حقيقة منو جاسم! سالم : اي مفروض م تتكلم عنه كذا قدام عياله وسام : وهو كيف سوا كذا ف ابوي سالم : انت تكون احسن منه وسام : ههه ليش عايلة السليمان في شي منهم طيب كلهم من كبيرهم لصغيرهم كل واحد منهم رافع خشمه مو شايف الناس شي واولهم الوليد سالم تنهد : بس محد يتكلم في الميت كذا وسام : يعني قصدك اخفي حقيقته صح؟؟ سالم :فهمتني غلط انت قصدي وري السيدي ابوه وعيال الجاسم بس مو شرط رجال وحريم يشوفونه وسام ضحك : وسمعت ابوي الي توصخت بسببه وميان الي بين الحياة والموت بعد بخليها كذا تروح هباءً منثورا!!! سالم : اختك شلونها! وسام : ودي اقولك بس عارف انك بتوصلهم الخبر عشان كذا مراح اقولك سالم : ليش كذا ي وسام هم بعد اهلها وسام : ابي احرق قلوبهم كلهم وورقة ميان ابيها تلحقني لفرنسا والاهل م يسون كذا بعيالهم فهمت مقصدي وصل كلامي للوليد الورقه ابيها تكون بفرنسا سالم تنهد وسام وقف : انت م قصرت معي وشكرتك بس سامحني سالم انت بمجرد ارتباطك بهالعائله انا مقدر اتكلم معك سالم : اعتبرها طرده! وسام : طيارتي الحين عشان كذا لازم اروح سالم : اوك يالله سلام خرج سالم وهو يتنهد منه ومن اسلوبه وسام توجه ع الطياره ------------------------ نزل للصاله لقي اهله متواجدين دخل وسلم الكل : وعليكم السلام ورحمة الله جلس عندهم وصبت له روان القهوه خالد : شلونك الحين!! الوليد : زيين خالد : اشوفك كاشخ وين رايح الوليد : مشوار صغير خالد : وين الوليد : بروح لبيت عمتي ام بسام! خالد : ليش! ام الوليد : لايكون عشان موضوع ريمان الوليد : اي يمه ام الوليد : ليش تروح خطبت وخلصت وردو بالموافقه الوليد : هم ردو ب ايه ! بس انا شفتها كيف انصدمت يوم عرفت ام الوليد : كل بنت بتنصدم يوم تدري انها انخطبت وصدمتها لانك انت الي بتكون شريك حياتها حلم كل بنت يمه! الوليد : يمه انا اعرف واحس واشوف بعيني وواضح انها مصدومه بقرار امها وهي متدري ام الوليد : وليش رايح لهم لايكون بتقولهم م ابي بنتكم! الوليد : لا بروح لهم وبسمع منها هي اذا كانت موافقه او لا واذا موافقه -بحزن- بحقق لك حلمك ام الوليد :واذا مو موافقه الوليد : مستحيل اغصبها عليي ام الوليد : بتوافق هاذا احساسي الوليد : انزين انا بروح ام الوليد : انتضرني اجل الوليد : لايمه خليييك يمكن تنحرج منك ام الوليد تنهدت : اوك يمه براحتك الوليد :يالله فمان الله ام الوليد : فمان الكريم يمه روان ابتسمت لاول مرا تشوفه كذا طيب وحنون ومايبي يضر ريمان معاه ويضلمها وهو م يحبها ارتاحت حييل من كلامه -تغيرت كثير ي الوليد ان شاءالله الي صار لك درس وتتعلم منه - خالد : هيه روان اكلمك!! روان : شنو خالد :انا بروح الشركه تبين شي! روان : لا سلامتك انتبه لك خالد : ان شاءالله طلع خالد وتوجه ع الشركه ------------------------ وصل ونزل مع الحرس اشر لهم يوقفون برا طق الباب وثواني فتحت له الخدامه استقبلته بالمجلس الوليد : وين بسام ومؤيد! الشغاله : بابا كلو اخرج الوليد : طيب خالتي ! الشغاله : موجود فوق الوليد : قاعده من نومها! الشغاله : لا نايم الوليد : كويس موجود انسه ريمان! الشغاله : ايوا بابا ريمان موجود بس ريماس لا روح عند نوف الوليد : انزين ناديها لي الشغاله هزت راسها ب اوك طلعت ودخلت غرفة ريمان ريمان : شنو؟ الشغاله : بابا واليد يبقى انتي تحت! ريمان بصدمه : الوليد !! الشغاله : ايوا يقول يبقى انسه ريمان ريمان : طيب قلتي له ان اخواني مو موجودين الشغاله : ايوا قول قال كويس ريمان توترت : اوك حطي قهوه تمام! الشغاله : اوك طلعت الشغاله راحت ريمان لبست عبايتها وطرحتها نزلت بتوتر ووقفت عند الباب الوليد نزل عيونه : ريمان تعالي ابي احاكيك ريمان متوتره حيل شاف رجفت يدها الوليد : م راح اسوي لك شي بس تعالي ريمان دخلت وجلست بعيد عنه دخلت الشغاله وحطت صبنية القهوه ريمان : شنو فيه! الوليد : ريمان انا جاي بخصوص الموضوع ريمان بلعت ريقها وطالعت يدها الوليد : اسمعي ي ريمان قرارنا انا وانتي خرج من يدنا وكل اهالينا قررو عننا بس انا اهلي سمعوني تو كلمتهم ؟ ريمان بلعت ريقها : يعني شنو الوليد: ريمان انا سمعت رد اهلك انتي بالموافقه وانتي بعد سمعتي رد اهلي بموافقتهم عليك ريمان : اي شسوي الوليد : اسمعي اذا انتي موافقه بتعيشين معاي مكرمه ريمان : واذا ...! الوليد : وذا انتي مو موافقه براحتك شي راجعلك لاتحسبين ان اهلي بيزعلون ريمان : اخواني الوليد : بكسر يده الي يحاكيك ريمان : بس هددني مؤيد لو م وافقت عليك بيذبحني وامي عصبت علي بعد الوليد : ريمان اخوانك موضوعهم عندي وامك بعد بس ابي اسمع ردك انتي ريمان : الوليد انت مليون بنت تتمناك وانا من يوم انت صغير اشوفك اخوي الكبير عمري م فكرت يصير بيننا شي الوليد ابتسم : من حقكك انتي هاذي حياتك انتي حره محد له دخل فيها ريمان : انا مو موافقه الوليد ابتسم : ارتحت الحين م حبيت احرجك معاي يالله انتي الحين اطلعي دارك وانا بنتضر اخوانك ريمان ابتسمت : شكراً الوليد شكراً الوليد ابتسم طلعت ميان وصرخت صرخه فرحه وسجدت :شكراً يارب شكراً دخلت غرفتها وجلست ع السرير ريمان : شقد انت طيب ي الوليد شلون كنت افكر فيك كذا الله يسعدك ويكتب لك بنت الحلال الي تسعد قلبك ------------------------ دخلت البيت وضحكت مؤيد : ديم والله تتصفقين! ديم : والله وقتها شكلك يضحك يوم طاحو فيك مؤيد : كنت بزر وقتها ديم : اممم نور المجلس شغال ممكن فيه احد طالعت وان الوليد جالس يشرب القهوه ويطقطق فونه ديم دخلت : لودي عندنا وانا اشوف النور الوليد ضحك ووقف سلم عليها وع مؤيد وجلس مؤيد : هلا هلا ب لودي الوليد : ترا بصكك بالدله ديم ضحكت الوليد : في موضوع بكلمك فيه مؤيد بس انتضر بسام مؤيد : لا بسام مطول مشوارهم طويل قولي وانا اوصله لو تبي الوليد طالع ديم : انزين ديم : اها خلاص فهمت لازم اقوم واطلع برا ضحك الوليد : عفيه ع الحلوه ديم قامت وطلعت للبنات شافت غرفة ريماس مقفله وريمان الباب مفتوح دخلت ديم وابتسمت شافت ريمان سرحانه ومبتسمه ديم : امم الحلو وين سرحان ريمان ابتسمت : حيل مستانسه ديم : خير اللهم اجعله خير ريمان : الله يسعد الوليد ديم : اها السالفه فيها الوليد اممم شكلو في عروس بتدخل بيتنا يعني الي فهمته انك خلاص وافقتي ريمان ضحكت : امم لا ديم تغيرت ملامح وجهها ! ريمان : بقولك بس لاتقولي لمؤيد بالله عليك ديم : والله م يطلع ! ريمان : تكلمنا وكلنا عرفنا اننا مو مجبورين ع بعض بكذا هو بيكلم اهله واهلي وينتهي هالموضوع ديم : امم يالله الله يكتبلكم الخير ثنيناتكم وان شاءالله كل واحد يحصل له شريك حياته ريمان ابتسمت بس ابتسامة حزن ديم : ان شاءلله تتصلح الامور وتاخذينه ريمان ضحكت : ان شاءالله كملو سوالفهم عند الوليد ومؤيد مؤيد صب له القهوه وجلس مؤيد : هلا شهالموضوع الي جاي عشانه الوليد : بخصوص الزواج مؤيد ابتسم : قلنا لك تم الوليد : صح انو انتو موافقين بس م سمعتو رأي ورأيها مؤيد : مو شرط رايها انت الف وحدا تتمناك الوليد : لا انا شرط لي اسمع راي شريكة حياتي مؤيد : يعني اناديها لك! الوليد : لا هي مو موافقه ع الزواج عندي خبر ووصلني انتو ليش جابرينها مؤيد : من مين وصلك الخبر ! الوليد : من شخص م ابي اقولك اسمه مؤيد : ديم صح! الوليد : لا ولي شاهد ع كلامي م وصلني اي شي من ديم مؤيد : يعني شنوو الوليد : يعني اذا هي م تبيني انا م ابيها مؤيد : م عندنا بنت ترفض الوليد : انا بحرمك من ديم وم برجعها لك لان م راح اسمع رايها شرايك! مؤيد : مستحيل زوجتي م راح اخليك الوليد : اجل الي بتكون زوجتي لازم يكون لها راي واسمعه هي رفضت وخلاص انتهى الموضوع سمعت واذا سمعت انكم مادين ايدكم عليها بزعل حيل هذا الي كاتبه الله لنا سمعت؟ مؤيد ابتسم : يعني انت مو زعلان الوليد ضحك : لا بالعكس فرحان الحين حيل عشان سمعت ردها هي لان لو تزوجتها وبالاخير تطلع مغصوبه علي بزعل منكم حييل مؤيد ابتسم : كفو والله الوليد : انا خارج الحين واوعدني م حد يجبرها منكم مؤيد : وعد عني وعن بسام الوليد : يالله اجل انا استأذن مؤيد : فمان الله الوليد : فمان الكريم ططلع الوليد وهو مبتسم وحاس بسعاده بعد الي صار وسمع ردها بالرفض هاذا الي يبيه واول مشكله واجهته حلها طلع لمؤيد وشاف ديم عند ريمان دخل وسلم عليهم وطالع ريمان ريمان : شنو؟ مؤيد : م فيه نصيب ريمان : تمام مؤيد : ليش ساكته! ريمان : شتبيني اقولك مؤيد : توقعتك تقومين ترقصين تضحكين ريمان ابتسمت : دعائي لربي استجابه لي مؤيد : زين تبون شي ديم وريمان : لا مؤيد : شرايكم نروح كوفي نحلي شي ديم مسكت يد ريمان : اي اي من فتره م طلعت معانا مؤيد : يالله ريمان ريمان : لا روحو انتو انا بنام مؤيد : مو ع كيفك يالله قومي ريمان : امم ديم : تتغلى مؤيد : ننتضرك بالسياره ديم : اي يالله ريمان : اوك يالله طلعو وراحوو للكوفي ------------------------