قـلـبـي هـاجـر اضـلُـعـي هـرب مـنـي الـيـك - الفصل الثالث والثلاثون - بقلم ضــوء الــقــمــر - مكتملة | روايتك

رواية قلبي هاجر اضلعي .. هرب مني اليك : الفصل الثالث والثلاثون : فرنسا 7:34م المستشفى جالسين بالكوفي لجين كانت تطقطق ع جوالها ووسام كان يطالع الشاشه ويشوف الاخبار شافه يوم طلع من المستشفى والصحافه حوله وهو منزل راسه والحرس بعد محاوطينه وسام : لو صار لميان شي بتموت طالعته لجين ب استغراب : تحاكي مين وساام اشر لها ع الشاشه طالعتها لجين وشافته لجين : الحقير ولا كان صار له شي وسام : اي بسبع ارواح ادريي لجين : الله يحرق قلبه مثل م حرق قلوبنا ع ميان وسام : انا حالف م اخليه فيها حتى لو ميان صحيت لجين : سوي الي تسويه الا القتل وسام : م برتاح لو ضل عايش دقيقه لجين مسكت يده : فكر ب ميان لو صحيت وانت مو جنبها مسجون ش بيكون ردت فعلها ويمكن يشنقوك بعد لو صار فيه شي وتوفى وسام : حق ميان م يضيع لجين : الله ياخذ حق ميان ان شاءالله اما انت سلم الامانه الي قاله لك ابوككك وسام : مقدر ي لجين مقدر لجين : عشان ميان ي وسام عشان ميان وسام دفن ايده بشعره : اه ي لجين في شي بداخلي يقول لا تسكت له لجين : هاذي وساويس الشيطان يبي يتمكن من عقلك بس لما يدخلك بالجريمه يبعد عنك ولا كأنه سوا شي وسام : اخ بس اخ اعوذ بالله منك ي ابليس ----------------------------- جالسه بغرفتها وكل ثانيه يشغل بالها - ليش ي قلبي من بين كل الناس حبيت وسام ليش تعلقت فيه شلي صار لي ليش هو بالذات ليش مو شخص ثاني ع كثر م فكرت فيه ع كثر اللحضات الي اتخيلها انك تكون فيها لي ع كثر الاوهام الي توهمتها ع كثر اليوم المنتضر الي محد يمنعني منك من جلست حضنك من حبك من حياتي معاك واخرتها تطلع انت ولد عدو العائله يعني لو اموت م راح اخذك يعني ع جثتي بعد لو يصير الي يصير مراح اخذك هذا كلام جدي وهذا كلام عيال الجاسم وامي عمري م تخيلت انك بيوم تكون فيه انت وسام عمري م تخيلت اننا محرمين نكون لبعض ليش من بينهم حبيتك انت ليش تعلقت فيه حياتي بدونك ولا شي شلون ببدا حياة جديده شلووون - انهارت دموعها ع خدها بس انصدمت من الي فتح الباب وارتاحت "ريماس" ريماس سكرت الباب وجلست جنب ريمان ريماس : انا حاسه بليي انتي تحسين فيه حاسه بكل شي يصيرلك واعرف انك حيل متضايقه من الحقيقه ريمان انا تؤامك يعني اتوجع من وجعك احزن من حزنك اتضايق من ضيقك اتعب من تعبك اضحك من ضحك استانس لا شفتك مستانسه احنا جسدين بس روحنا وحدا يعني نحس بكل شي يصير لبعضنا ريمان بكت : بس م عمري تخيلت انه يكون مراد هو وسام ريماس :ريمان عيشي الواقع وخلي خيالاتك ع جنب م تدرين يمكن تنحل المشكله وترجع العلاقات حلوه ويصير بيننا وبينه نصيب وتكونين له ريمان ابتسمت ريماس : ليش تبتسمين؟ ريمان : من كلامك تحاولين تكونين ايجابيه بس هاذا شي مستحيل انتي شفتي الوليد ايش سوا ب ميان يعني ميان لو صار فيها شي مستحيل وسام يسامح الوليد وجدي ع الي سووه ويمكن يكون فيها سجن وقطع رقاب يعني انتي تتكلمين عن شي مستحيل انتي شايفه كره جدي والجاسم وعياله ع ابراهيم شلون تبين وسام بيوم من الايام يكون شريك حياتي ريماس : هو صح ممكن يكون مستحيل وممكن يكون حقيقه ريمان : مافي غير الاحلام وبحاول انساه لان مستحيل يجمعنا سقف واحد ريماس : الله يعينك ي ريمان والله انا تعبت وانا مالي شغل بالسالفه كلها ، بس انتي قدرتي تكلمينه ريمان : م اكذب عليك حاولت كثير بس م يرد علي ريماس : الكل كلمهم بس محد يرد ابي اعرف شصار ب ميان عايشه ولا صاير لها شي لا سمح الله ريمان : لا ان شاءالله تكون صحيت ريماس : لازم احد يسافر لفرنسا يشوفهم ريمان : مجنونه انتي يبون الفكه منهم وتحسبينهم بيروحون يدورونهم ريماس: صح قلت ممكن شوية ايجابيه ريمان ضحكت : ف عايلتنا مستحيل ريماس ضحكت وضمتها : اي اضحكي بشوف سنونك من زمان م شفتها ريمان ضمتها : الله يخليك لي ولايحرمني من شوفتك لا انتي ولا اهلي ريماس : ولا وسام يارب ريمان ضربت كتفها : تونا نقول بننساه ريماس : احساسي يقول لا ريمان : ان شاءالله احب ايجابيتك بالحياه ريماس : انتي توآمي مفروض تكونين نفسي ايجابيه مو سلبيه غبيه ريمان ضحكت : عكس بعض شنسوي عاد ----------------------------- ام الوليد : الحمدلله ع سلامتك يمه الوليد بتعب : الله يسلمك ام الوليد : شلونك عساك طيب الوليد : بخير يمه وانتي ! ام الوليد : زعلانه يمه حيل زعلانه الوليد : اذا عشان ذاك الموضوع تكفين يمه مو ناقص ام الوليد : يجي اليوم الي بحاكيك فيه الوليد تنهد وطالع خالد : تجدد شي بموضوعهم خالد : لا باقي للحين الوليد : موناي اسمع اليوم الي فيه انمسكو وقتها برتاح كثير الحين حيل قلقان عليكم خالد : الله يعين بس الوليد : ديم شلونها يمه ام الوليد : بخير والله السهر مجننها هي ومؤيد الوليد : الله يعين ، خالد مين مسك الشغل بغيابي خالد : علي وانا وباقي الشباب الوليد : م تقصرون راجعتو الشركه الي بفرنسا خالد : اي بس لهم فتره موقفين شغلهم في مشاكل الوليد: من يوم وقعنا وهم عندهم مشاكل مدري متى تخلص خالد : مع انها كانت كويسه بس غريب يعني منصدم من الي صار فيهم يعني فجأه قطعو الشغل الوليد : هالشهرين اذا م تجدد شي فسخنا العقد معاهم خالد : القصر الي ب ايطاليا امي تقول بيعوه الوليد : ليش خالد : بس تقول م تبيه بيعوه الوليد : خليه انا ابيه خالد : شوف امي هي الي بتقرر عنك من يوم ورايح الوليد تنهد وحاط راسه ع المخده خالد : انا خارج تبي شي الوليد : لا سلامتك انتبه لنفسك مو تتحرك كثير خالد : م عليك فيه مراقبين الوضع الوليد : الله يقويهم خالد : امين يالله باي خرج خالد وتوجه لبيت اهل روان ----------------------------- لجين : وسام سلم الامانه والحين بعد وقتها مناسب وسام طالعها ب استغراب : ليش لجين : هالوقت بيكونون كلهم موجودين ف بيت الجد ونفسيتهم يمكن تكون سيئه وقبل لا تصحى ميان لازم تسلمها لازم وسام : يعني قبل لاتصحى ميان اروح ! لجين : اي وسوي نسخه ثانيه عشان ميان لا صحت تسمعها وسام : وليش يعني قبل لجين : وسام ميان لوكانت صاحيه بتروح معاك وبتحن لهم اكيد ويمكن تجلس عندهم انت نسيهم ميان ونسي ميان مين هم اهل ابوها وسام : صح كلامك بس اخاف يصير شي هنا ! ميان تحتاجني شي لجين : لالا انا هنا جنبها بس انت روح للسعوديه وسام : هم وقت م يتجمعون يوم الجمعه بكون عندهم هناك ان شاءالله عشان الكل يسمع حقيقة مين الجاسم لجين : هاذا وصية ابوك وانت لازم تقوم فيها بعد م يسمعونها رد لفرنسا وانساهم وانسى الي خلفوهم وسام : صح وبننساهم انا وميان لجين : وانا بعد وسام مسك يدها : اسمعي لقلبك مو لعقلك ي لجين فهمتي !!! لجين ابتسمت له طلع الدكتور من عند ميان الدكتور : اعتذر لايوجد تطور في حالتها سننتضر الى ان تفيق وسام : الي تبيه بسويه لك بس لاتموت الدكتور : لا اعلم بماذا سيحدث لها لاكن اتمنى ب ان تكون بخير وسام : حسناً شكراً لك الدكتور : ولكم ايضاً لجين : يارب ي حبيبي انك تنجي اختي يارب وسام : اهخ ياررب ----------------------------- رامي : الحمدلله ع سلامة الوليد ي خالد خالد : الله يسلمكم كلكم يارب روان : طيب الدكتور كتب له خروج؟ يعني احس م طول مرا بدري خالد : اي كتب له -محب يقولهم انه طلع ب ارادته- روان : يالله الله يكتب لهم الصحه والعافيه تركي : اميين خالد : بنسوي عشاء عند جدي يوم الجمعه بس للأهل راكان : طيب ميان! خالد : شدخلنا فيها تنهد تركي : يعني هي بعد مالها دخل وتورطت مع الوليد روان : والي الوليد سواه فيها مو هين خالد : محد له شغل بلي سواه الوليد خلاص السالفه انتهت وطوينا الصفحه عيال الابراهيم انسوهم كلهم ولحد يفكر يكلمنا عنهم من يوم م دخلت حياتنا هالبنت وهي متلعوزه روان طالعت رامي وتنهدت رامي همس لها : حاكيتها! روان : جدد رامي : بس قالت انسى اني احاكيك وقفلت الخط بوجهي روان : انا اسفه حييل رامي : وانتي شدخلك روان : انا الي جبرتك م تتكلم رامي : كله من هالوليد ولا انتي مالك دخل روان تنهدت : الله يهدي عقولهم رامي امين ----------------------------- لجين : هاه لقيت حجوزات وسام : اي لقيت بكرا بس احسه مرا بدري لجين : بكرا شنو وسام : جمعه لجين : تمام طيب من يوم توصل تروح لهم سويت ذهاب واياب! وسام : اي الذهاب بكرا الساعه 1 الضهر عندنا يعني بوصل عندهم ع 9 الليل 10 بكون بقصرهم والاياب من اليوم الثاني يعني السبت الساعه 7 المغرب وبكون هنا ع 3 الفجر لجين : حلو طيب توكل ع الله وروح ي وسام وسام : تم خلاص حجزت لجين : تمام موفق خلاص روح البيت وخذ لك كم لبسه والكاست وسام : اهمشي الكاست والابتوب والسماعات (: لجين : الله يقويك وسام : انزين يالله نروح وجودنا هنا ماله فايده لجين : انت روح انا بجلس عندها وسام : انزين انتبهي لنفسك لجين : وانت بعد وسام : بايي لجين : بحفظ الله طلع وسام وتوجه ع فلتهم دخل الغرفه وفتح التجوري وشغل الكاست وسمعه نفس كل مرا وصار يردد الكلام ضحك من الي جالس يصير قفله واخذ الكاست وتأكد من وجوده بالشنطه مع الابتوب والسماعات اخذ له ملابس وحطها ----------------------------- يوم جديد بيت الوليد الساعه 1 الضهر كانو جالسين ع طاولة الطعام الوليد وامه وخالد وروان وديم ومؤيد ام الوليد : هالجمعه كنت ابيها من زمان بس ناقص شخص خالد : مين كلنا كاملين يمه ام الوليد : مرت الوليد ان شاءالله بنزوجه وحدا الوليد : م ابي اتزوج يمه خلااص ترا بقوم وم اكل مؤيد : كأنك صاير بزر بزياده ضحك الوليد : تهديد وكذا خالد : اليوم عشاك عند جدي الوليد : يوه م فيني اروح خالد : هالله هالله صاحب العزيمه ويسحب الوليد : انت من قالك اصلاً تسوي خالد : من مخي عندك. مانع الوليد : لا خالد : اجل اص الوليد : اووك روان بنفسها -شلون جالس ياكل ويضحك ويسولف ولا كان صار شي ولا كان في وحدا مسكينه تعذبت ع ايده يعني م عنده احساس ولا انبه ضميره ياربي انت من شنو مصنوع ي الوليد شهالقلب الي عندك كيف يهنالك النوم والسوالف والضحك وخالد بعد نفس الشي يعني شلون م يفكرون بعيال عمهم وخصوص ميان محد يدري عنها هي بخير ولا متوفيه ولا باقي بغيبوبه استغفرالله من هالعايله الي قلبها حجر ف حجر لا احساس ولا ضمير تنهدت - طالعها خالد : شفيك روان اشرت ب مافيني شي الوليد : انا طالع اريح لين المغرب وصحوني ديم : طيب انتبه لك حبيبي الوليد : طيب ي حبيبي انتي -وارسل لهابوسه- ----------------------------- تشوف نفسها بغربه م تدري هي وين بس المكان اسود ف اسود وماحل النور عليها شلون انا جالسه هنا وين البوابه الي اخرج منها ليش م فيني نور ليش جالسه اسمع صوت وسام وين الوليد شنو صار لي م اذكر اي شي وين النور تحاول تدوره لين م تدوخ واخرتها ترجع تنام من جديد هي اصلاً نايمه من فتره بس بالنوم تشوف احلامها سودا م تشوف شي بس تسمع اصواتهم لجين ووسام معقوله الي جالسه اعيشه هالفتره حلم معقوله اني توفيت وذبحني الوليد معقوله ان هاذا كل الي صار حلم م فيه لا الوليد ولا غيره معقوله ممكن يكونون اهلي عايشين صح انا اخر مرا دخلت المستشفى كنت معاهم بعدها تحس نفسها م تحس ب اي شي وترجع تغيب صحوتها صحيح م تتحرك بس تحس بلي حولها يتكلمون يسولفون يقرأون القراءن يعاتبونها يترجونها تصحى بس هي تحاول م تقدر م تشوف اي نور ب المكان الي هي موجوده فيه بس الضلام محتوي ع عيونها الجميله ----------------------------- دخل الغرفه وهو لابس كل احتياطاته الكمام والروب الاخضر والمعقم مسك راسها وجلس يمسح عليه وسام - انا بروح يومين واردلك انتي لا تخافين طيب لجين جنبك واتمنى اني اجي الاقيك صاحيه وتسولفين وتضحكين وترجعين مثل م كنتي بس بروح عشان اعرفهم مين هو الجاسم وشنو الي سواه ف ابوي وليش سوا هاذا كله وانتي بعد يالله اصحي عشان تعرفين الحقيقه كلها والله بزعل لا رديت وانتي باقي نايمه اذا انتي تحسين فيني حركي اصبعك ارمشي سوي اي شي - ضل يطالعها بس م شاف منها اي ردت فعل تنهد طلع من الغرفه مسك يد لجين : انتبهي انتي بعد لنفسك وانتبهي لميان معاك ولا صار شي جديد حلو كلميني تمام ' لجين : تمام انتبه لنفسك منهم لا تأمنهم عشان م يغدرونك طيب ولا يقربون منك وخصوص الوليد تمام وسام : لاتخافين علي خافي عليهم مني لجين : ادري انك انت بطل وترفع الراس بس هذول شياطين ينخاف منهم وسام طبطب ع ايدها : زي م وصيتك ب ميان لجين : وزي م وصيتك بنفسك! وسام ابتسم : م ابي اتأخر عن الطياره لجين : اي يالله روح ودعها وطلع ع المطار وبعد لحضات لقي نفسه ب الطياره وربط الحزام واقلعت الطياره من فرنسا للسعوديه متحمس ع الي بيصير بيشوف ردت فعلهم وقرر ينام عشان يحس بسرعة الوقت ----------------------------- المغرب الكل كان متواجد من كبيرهم لين صغيرهم الكل يتحمد للوليد بالسلامه إلا نوف م كانت ابد راضيه بلي صار سلمت عليه ببرود ووخرت عنه لاحض برودها وعرف انها زعلانه م حب يكلمها عشان وصية الدكتوره والكل كان يتجنب يزعل نوف عشان سلامتها هي والبيبي جلسو البنات بالصاله في الدور الثاني والحريم بالدور الاول عند البنات نوف كانت جالسه وتسمع سوالفهم ديم : اخيراً اجتمعنا ع شي حلو نوف : وين الحلو ؟؟ ريماس : يعني تقصد جاء شي يونسنا بعد الي صار ريمان : بالعكس انا اشوف هالجمعه مالها داعي ديم : شلون يعني مالها داعي نوف : يعني بقي اشخاص متأذين من الي صار واحنا جالسين نتعشى ونتونس ونفرح بلي صار ديم : نوف انتي عمتي وانا بحترمك بس سلامة الوليد فوق كل شي وريمان انتي اصلاً م تبين هاذا الي صار مو عشان ميان ولا عشان الوليد عشان ... ريماس قاطعتها : دييييم مالك داعي روان : ديم خلاص ديم : والله شي يكدر الخاطر يتكلمون عن اهلي واسكت ريمان : والي سواه اخوك مو هين ي ديم نوف : صح الي سواه م يسويه اي رجال ديم : يعني الوليد مو رجال نوف : اي مو رجال الحركات ذي حقت بزران وسالفة انتقام من هنا وانتقام من هنا خير فيلم اجنبي احنا جالسين نعيششه ديم وقفت وطالعتهم وطلعت بدون اي كلام ميس : قسيتو عليه هي فرحانه ب اخوها مالكم داعي نوف : صراحه انا مو راضيه ع الي يصير هاذا ولا احد مهتم ولا احد سافر لهم وشافهم وطمنا عليهم روان : خلاص نوف اذا مو عشانك عشان البيبي نوف تنهدت ريمان : صح كلام نوف هالشي م ينسكت عنه ملك : شبتسون ريمان : مدري بس لازم احد يروح يشوفهم نوف : سالم يحاول يلاقي اجازه بس م عنده وقت اصلاً يخلص شغله روان : الوليد وخالد انسوهم اساساً ملك : بسام بعد م اتوقع يعني بيوافق لانه بعد حاقد عليهم ريماس : حتى مؤيد نوف : رامي تركي راكان روان : ممكن نكلمهم ونزبط الوضع معاهم ريماس : رامي بيوافق روان روان : مدري والله بس راكان علاقته حلوه حيلل مع وسام يعني ممكن يتكلمون معاه ريماس ضحكت :كانت علاقتهم حلوه بس الحين تغير كل شي روان : كان يكلمه ويفضفض له يعني ممكن م ينساه نوف : هو م كلم سالم الي انقظ حياته تبونه يكلم راكان ! ملك : صصح انا اشوف الي يقدر بس سالم ممكن يكلمه روان : مدري والله الله يعين ميس : قومو نراضي ديم ريمان : مً سوينا شي يزعل عشان نراضيها ي ميس نوف: صح هاذي حقيقه وتتقبلها غصب عنها روان ضحكت ع اسلوب نوف : نوفوه شفيكك قلبتي عجوز ضحكت نوف : والله انقهرت حيل دخلت ديم وجلست طالعتها نوف والبنات نوف : الزعلانين يطلعون برا ديم : انا مقدر ازعلكم اصلاً ضحكو البنات وجات ديم جلست جنبهم ثواني ونزلو يتعشون بعد م خلصو العشاء فتحت جوالها ولقيت رساله -جدي يقول تعالو عند الرجال في موضوع مهم- ملك طالعت البنات : بنات جدي يبينا كلنا اجتماع طارئ نوف : عرفت الموضوع خلاص قولو للحريم روان : يالله طيب قومو نلبس عبينا لبسو البنات والحريم وبعد 10 دقايق دخلو عن الرجال وجلسو الكل كان متواجد الجد : ي عيالي انا جمعتكم بهاليوم عشان ابي اقولكم شي الكل : تفضل الجد : الي صار الاغلب مو راضي فيها وانا بعد تحسفت حيل الكل طالع الوليد الوليد رفع حاجبه الجد : نبي نقفل هالصفحه ونبدا صفحه جديده وتنمحي هالصفحه كلها ومانبي نذكر اي شي يعني هالحدث الي مر ابيه ينسى كله الوليد : تبشر يبه الجد : وانا بطلب منك ي الوليد طلب امك من زمان تبيه الوليد : تفضل ي جد الجد : انت قول تم وانا بقولك الوليد : خلاص تم من الحييين الجد : انت لازم تتزوج ي ولدي وعروستك عندي الوليد تضايق بس م حب يجرح جده الوليد : منو العروس وانت تبشر الجد : والله ي ولدي ان هالبنت غاليه ع قلبي واحبها اكثر وحدا من البنات وامك بعد تبيها لك وانا بقولك من هي الوليد حس بدقات قلبه الي زادت : منو هي الجد : طبعاً بعد م كلمنا امها وقالت انها موافقه ع الي بنسويه وهي اكيد بتوافق م بترفض جدها البنات العزابيات كلهم نبضات قلبهم زادت حطت يدها ع قلبها الجد ابتسم وطالع ريمان: ريمان ريمان وقفت وطالعتهم بصدمه الوليد طالع ريمان بصدمه -صحيح انها جميله مشاءالله بس انا م افكر بالزواج بيضلمها معاه- الوليد بلع ريقه ريمان طالعت امها وطلعت من المجلس ريماس ضلت مبلمه تطالع جدها وامها بصدمه بسام ابتسم -لأن عاارف ريمان باقي تحب وسام عشان كذا وافقو ع الوليد احسن من ولد عدوهم- ----------------------------- طلعت من المجلس وهي تجري فجأه ضربت بصدره وطاحت وقف وطالعها بدون م يساعدها شاف دموعها ع خدها كيفف ريمان شافته وضلت تطالعها مسكت قميصه ووقفت ضربت صدره بقوتها كلها ريمان : ليش قطعتني انا احبكككك وسام ويييين رحتتت انتت وسام : وخري عني م ابي اشوف وجهك ريمان مسكت يده : وسام اسمعني بيزوجوني الوليد غصب عننننييي تعرف يعني شنو غصب عني يعني قررو عني انا اكره الوليد ولا عمري تخيلته زوج ليييي وسام ضل يطالعها بصمت ريمان : شفيك تطالعني ككذاا رد علي اقولك بيزوجوني الولليد غصصصب وسام وخرها بيده ودخل عندهم هي ضلت واقفه تطالعه بصدمه مشيت ببرود وطلعت للصاله وجلست ع الكنبه -مستحيل اخذه لو ع جثتي مسستحيل- ----------------------------- دخل والكل وقف يوم شافه دخل بصمت وجلس يطالعهم ومعاه شنطة الابتوب نوف جلست ع الكنبه م قدرت رجولها تشيلها راكان : وسام؟؟ الحمدلله ع سلامتك وسام طالعه ببرود وصد راكان استغرب منه وقف الجد ع عكازه واستند عليه الجد : شتبي! وسام : كويس سهلتو علي الوضع يعني بدال م اروح بيت بيت الاقيكم موجودين كلكم هنا اووه بس باقي خطيبتك استاذ الوليد طالعه الوليد ورفع حاجبه بسام : شتبي ي وسام!! تركي : شلون اختك !! الكل يبي يكلمكم بس محد قدر يوصلكم وسام : مالكم شغل طيب وطالع جده وسام : ههه انت فيه شي لازم تسمعه قبل اكثر من 30 سنه اوك!! الجد : قول الي عندك وبعدين بشوف ضهرك وسام ضحك وصفق بيده : اوك ي الجد سليمان بقولك الي عندي بس مو لك لحالك لكل المتواجدين بس جيبو خطيبة الوليد عشان بعد يكون عندها خبر خالد وقف بس مسكه الوليد مع ايده الوليد : شتبي ي وسام اخلص محد فاضي لك العائله المحبه والمخلصه والكريمه كلها مجتمعه ع خير وسام ضحك : خير وين انا مو شايف غير شياطين بالمجلس خالد : لاتخليني انزل هيبتك قدام الحريم وسام : بنشوف مين الي بتنزل هيبته قدام الحريم ههه الجد : شكله فاضي ذا نادو الحرس ياخذونه لبرا! نوف : لااا يبه انا ابي اسمع شلي بيقوله وسام : زين بتسمعين ي انسه !! بس قبل كل شي استاذ سالم شكراً لك لأنك انقضت حياتي وجميلك هاذا م بنساه وهاذا مفتاح الشقه بس للأسف مقدر احط لساني مع اي شخص بهالعايله بسام : قسم بالله لو م خلصت وقلت الي عندك بلكمك ع وجهكك وسام ابتسم : لايطق فيك عرق حط الابتوب ع الطاوله وطالعهم شبك السماعات وطلع السيدي ودخله الكل كان مترقب ومتشوق ع الي بيسمعونه وهم اصلاً م يدرون ايش هو الي بداخله ----------------------------- .