الفصل الحادي والثلاثون
رواية قلبي هاجر اضلعي .. هرب مني اليك : الفصل الحادي والثلاثون :
طالع ساعته 4:30
دخل الموول وارسل رساله
-انا وصلت انت وينك-
-انا بالجلسات في الدور الثاني -
-كيف بعرف شكلك-
-من يوم اشوفك بجيك-
قفل فونه وطلع مع السلم الكهربائي
وصل للجلسات وجلس وكان المكان شبه فاضي م فيه ناس كثير
*****: خالد
حس بلي مسك كتفه ووقف وطالعه
خالد بصدمه : ريماااس !
ريماس : اي ريماس
خالد : خير شنو فيه!
ريماس : لاتطلق روان
خالد : وانتي شعرفك !
ريماس : روان قالت لي
خالد : وروان مخروقه تقول كل شي
ريماس : تفضفض لي ي خالد روان تحبك
خالد : وحبيبها الي تقولين عليه
ريماس بحزن : م عندها حبيب اصلاً
خالد بصدمه : يعنيي شنو
ريماس : يعني انا كذبت عليك وقلت بك كذا عشان م ترتبط بروان
خالد : ريماس انتي مجنونه
ريماس : هي كانت تكرهك وحاولت ابعدك عنها بس انت اصريت انك تتزوج
خالد : تدرين اني كاره حياتي بسبب كذبتك الحقيره ذي
ريماس : خالد روان كانت م تبيك وانت كنت تضغط عليه قلت خليني اكذب عليه يمكن م يتزوجها بس انت اخذتها صدقني
خالد : يعني انتي عارفه لو م قلتي كذبتك كان عيشتها بجنه انا كرهتها لان احسب ان عندها شخص غير بحياتي
ريماس : انا اسفه كنت بكحلها
خالد : انتي عميتيها تدرين انك لو م جيتي يمديني طلقتها
ريماس : انا انبني ضميري حييل وجالسه اتهذب
خالد: ريماس كذبتك ذي كانت بتموت روان بيدي الثنتين ذي انتي بس لو تأخرتي دقيقه كان توفت
ريماس : كنت احسبك راح تبعد عنها وما تتزوجها بس انت صدمتني يوم ملكت عليها
خالد : الوليد فكها من بين يدي الثنتين ولا كان ذبحتها بسبب كذبتك ذي
خالد جلس ع الكرسي وحط ايده ع راسه
ريماس : روان تحبك لا تخسرها
خالد :ريماس الي سويتيه غلط
ريماس : ادري
خالد : وليش م تكلمتي
ريماس : مدري ترددت
خالد : الله يسامحك انا ضربتها لين م وصلت للموت
ريماس : يمديك يمديك تصلح غلطك بس روح لها
خالد وقف واخذ مفتاح السياره وجري وطلع برا المول وتوجه للبيت
---------------------------
الوليد : ميان قومي اجلسي تحركي الشباب راحو
ميان : م ابي مرتاحه كذا
الوليد : طيب اطلعي الحديقه
ميان : م ابي بضل هناا
الوليد : طيب انا بطلع الحديقه
مد يده وطالعته ومدت يدها رفعها ووقفت وتمشي بصعوبه تحس بدوخه والدنيا تلف
سندها عليها وهي ماسكه يده
ويمشي هي خفيفه بالنسبه له قطعة ريشه تطير بيده
نزلو مع الدرج وهي تحس جسمها طايح وثقيله
فتح باب القصر ووقفت طالعت المكان
ابتسمت الشمس بتغرب والمكان والمنضر جاي شكله جميل ولفحة الهواء البارده
طالعها الوليد وابتسم معاها لا إرادياً
ميان بصوت تعبان : ابي اجلس
الوليد : طيب
راحو للكراسي
ميان : ع العشب
الوليد : ممكن فيه حشرات
ميان : عادي
جلست ع العشب ولابسه روب ابيض لتحت الرُكبه وماده رجولها
الوليد : متحمسه عشان بكرا طيارتك
ميان بحزن : لا
الوليد : ليش
ميان رفعت كتوفها بـ مادري
سمع صوت ضحكه رجال طالعها
****/ اوه الثنين مع بعض
الوليد طالعه بصدمه : انت شتسوي هنا
ميان مسكت يد الوليد : طنشه
****/ ههههه هاذي زوجتك
الوليد : حسابك معاي انا خليها بحالها
****/ والله ذوقك كويس بس شفيها كذا جسمها تعبان
الوليد : انت شتبي
****/ انتهت المهله ي الوليد هههههه ولا شكلك م تدري
الوليد : ميان ادخلي جوا
ميان اشرت ب لا
الوليد صارخ عليها : قلت لك ادخخخليي جووا
ميان صارخت : قلت لك لا م راح اخليك لحالك
م سمع الا صوت الرصاص طالع جسمه
م فيه شي
م شاف الي هي طايحه قدامه
وروبها الابيض غرقان باللون الاحمر
الوليد جلس يرتجف طالع يدور مكان الشخص
بس اختفى
صرخ بصوت عاالي هز كل شي حووله
الوليد :ممممممممييييييييييياااااااااننننننننن
ميان فزت من مكانها
طالعت الوليد
ميان وقفت وراحت له
ميان ضربت خده : الوليد الوليدد
الوليد فتح عينه وطالعها وضمهااا
ميان طاحت عليه وانصدمت من تصرفه
الوليد : لا تطلعيين برا نهااائياً
ميان : مو طالعه
الوليد : لازم تسافرييييين
ميان : اي رحلتي بعد 24 ساعه
الوليد تنهد :كااابوووس
ميان اعطته مويه يشربها
---------------------------
اخذ فونه واتصل ع نوف
نوف : هلا حبيبي
سالم : هلا نوف
نوف : اي شنو تبي
سالم : وريتهم الصور
نوف : اي وشو صار
سالم : م يعرفهم تخيلي
نوف : اي حسيت والله
سالم : اي وشو اسوي انا الحين
نوف : خلاص مالنا الا الصبر
سالم : الله يعين بس
نوف : امين يارب العالمين
سالم : يالله الشباب جايين صوبي اكلمك بعدين
نوف : تمام
سكر الخط وراح عند الشباب
---------------------------
مُراد : يزيد جاي مع مين؟
راكان : مع تركي
مُراد : تماااام
ركبو القارب وشافو شكلو من جوا كان حيل فخم والاضاءه بنفسجيه وعاكسها لون البحر
بسام : ياخي وش ذا الزين
مؤيد : وين خالد طول
مُراد : اي صح يالله معاه نص ساعه لو م جاء بنحرك عنهم
بسام ضحك : حتى صاحب الحفله
مُراد : مين م كان
---------------------------
دخل الجناح ولقيها تحط اغراضها بالشنطه
خالد فحمان ياخذ نفس ويرده
روان طالعته : شفييييك بسم الله
خالد ضحك وطالعها
روان !!
خالد : بقولك شي
روان خافت : شنو
خالد : خلااص مو قايل
روان اعطته ضهرها: اوك براحتك
مسكها مع يدها وحاوط ايده على خصرها
روان : خالد شفيك ترا بديت اخاف منك
خالد : انا مو مريض
روان : يعني في شي جديد!
خالد : اسمعي الغيت موعد المحكمه
روان بصدمه : ليش!
خالد : بس خلاص انا ابييك
روان : بس انا م ابببيك
خالد : مو ع كيفك
روان ضحكت : طيب شنو صار
خالد : انا اسف ع كل الي سويته لك تكفين سامحيني
روان مصدومه منه ومن حكيه : شصار!
خالد : خلاص نبدا حياة جديده سوا ترضين فيني
روان ضحكت : خالد شلي غيرك فجأه
خالد : صحيت من الغيبوبه الي انا فيها
روان حطت يدها ع فمها : شنو يعني
خالد : يعني انتي اليوم عروستي ابي ارد من البحر واحصلك جاهزه
روان جلست تضحك بدون سبب
خالد : ولا اقولك بسحب ع الشباب
روان : روح تونس انت
خالد : لالالا بضل معاك
روان : خالد روح تونس عشان انا بعد اتجهز ونطلع نفطر الصباح يوم ترجعوون
خالد : اوكك ي روحي انتبهي لنفسك م ابي اتأخر ع الشباب
طبع بوسه ع خدها وطلع
روان جلست واقفه مصدومه منه
روان : يمه شصار له شلي غيره كذا
ضحكت وجلست تضحك بزيادة وبهستيريه
م تدري شلي صار قبل ساعه خرج وهو متضايق
فجأه جاها وهو شايلها ع كفوف الراحه
تنهدت وانسدحت ع السرير
---------------------------
اليخت الساعه 5:55
تركي : اربط هاذا ع عيونك
يزيد طالعه ب استغراب : ليش
تركي : بس بدون كثرة كلام
يزيد : مو برابط
تركي : يزيد بالله عليك
يزيد : لا م ابي
تركي : اجل انزل مو موديك مكان المفاجأه
يزيد : مفأجأه
تركي : اي
يزيد : شنو هي
تركي : انزل انزل بس
يزيد :خلاص خلاص بربط عيوني
تركي : عفيه
اخذ الحبل وربط عينه ومشاه
وصل للمكان ونزله
يزيد : صوت بحر وريحة بحر
تركي : هو عند البحر بس مو بالبحر
يزيد : هيه مو ناقص مقالبك ترميني بالبحر
تركي : لا والله مو مقلب امشي وانت ساكت
الشباب كانو هاديين
تركي : امشي ع هالجسر
يزيد : يمه منك
مشي بخطوات هاديه
ووصل للقارب نط عليه ومشي
فتح الربطه وفز من اصواتهم العاليه
Happy birthday to you
يزيد ضحك : اممممما
الشباب ضحكو ع شكله
مُراد: صورت ردت فعلك كلها
سالم : احلى شي
طالع المكان وانصدم من الجمال وبدا يمشي اليخت وشغلو الاغاني وتصوير
ويغنون معاه ويضحكون ويومهم
كان بطل بالنسبه لهم
---------------------------
الوليد : جهزتي شنطتك
ميان بحزن : اي كل شي جاهز
الوليد : متحمسه!
ميان : عادي
الوليد : انزين فلتك الي بفرنسا فتحوها
ميان : ليش كانت مقفله
الوليد : اي محد دخلها من بعدك
ميان دمعت عينها :اوك
نزلت راسها تبي تخفي دمعاتها
حست بالحزن الي احتوى قلبها
بكل ثانيه قلبها بنبض ب اسمه
بكل دقيقه ستين مرا تنبض الوليد
م تبي تتركه م تبي تبعد عنه
بس لازم ترجع لواقعها
هي وياه مستحيل يكونون مع بعض
بكل الحالات بس هي لازم تكسر كل شي
وتكسر كل القواعد الي كانت حطتها
وتتحدى قلبها وعقلها ونفسها عشان تصحى
من الحلم الي هي عايشه فيه
من الوليد الي ماخذ قلبها
طالعته وطالعها
ميان : ابي قلبي
الوليد طالعها ب استغراب :شلون
ميان اشرت ب مادري
الوليد : انتي م تبين تروحين للأن
ميان : إلا ابي ارد مثل م كنت مثل م كنت عند اهلي
الوليد ضحك : بس بدون اهل
ميان : هاذا الي كسر ضهري
الوليد راحت الابتسامه من وجهه وحس بحزن
الوليد : وكيف بتعيشين
ميان : بعيش مثل م كنت
الوليد : اهها انسي عائلة ال سليمان
ميان : زي م قلت برد ميان الاولى يعني كل الي عرفتهم بمحيهم من حياتي!!!
الوليد وقف وطلع من الغرفه وسكر الباب وراه
اما ميان وقفت ع الشباك تطالع الجو
---------------------------
جلس ع الكراسي
مؤيد : اهخ تعبت
بسام : الله بس والله يوم حلو
تركي جلس يطبل ويغني
والشباب بدو يغنون معاه
ويرقصون
بهاللحضه م يحسون ع انفسهم
وقف القارب فجأه وطاحو ع بعض
ضحكو كلهم من اشكالهم
خالد : مُراد !!
مُراد كان فاقد وعيه تماماً
~~~~~~~~~
وسام :ميان تعالي
ميان تصارخ عليه: لالالا م ابي اجيك تضربني بعدين
ابو وسام : ي بنتي لو مسكك بكسر راسوه
ام وسام : اروح اضربا مشان م تعودا
ميان : بابا شوف شوف والله الكاست حقي مو حقو
~~~~~~~~~~
ابو وسام : وهاذي يولدي سالفتي مع اهلي عشان كذا ميان لاتدري بالسالفه
وسام : طيب هو ليه سوا كذا
ابو وسام : لانه كان يبي امك قبلي ف حب ينتقم مني وطلع كل هالافتراءات عليً
وسام : طيب في دليل بثبت انك انت بريء
ابو وسام : اخوي قبل لايموت اتصل علي وقالي سجل كلامي الي بقوله لك وسجلته كله وهو يعتذر ويقول اني م سويت كل هاذا وانه يبي السماح ويبي يرتاح ففي قبره
وسام : وليش م اعطيته جدي يبوي للحين انت ساكت
ابو وسام : جدك حاولت اوصل له بس هو رافض
وسام : لو ارسلتله سمعته ياه بالغصب
ابو وسام : يولدي توفى اخوي وما ابي اشوه صورته قدام اهله وعياله وزوجته الي تحبه
وسام : والكاست ذا وينه
ابو وسام : في التجوري وانت تعرف الرقم السري عشان كذا يولدي انا ابيك تروح لجدك بعد عيني وتسمعه كل الكلام
وسام : بعد عمر طويل بس احنا م نبيهم
ابو وسام : بزعل منك انا بس ابيك تحسن صورتي بعينهم واني م كنت اعذب اخوي
~~~~~~~
سمع صوت ابوه وهو يصارخ انت خذ الشنطه وطب وافتحها يبوك عشان تنفتح المضله وتضيح ع الارض انا بصحي امك وبلحقك
وسام بصراخ: يبببه يبببه مو رايح لحالي
ابو وسام يصارخ : لازم احد فينا يعيش عشان ميان لحالها تكفى يولدي
وسام ودموعه ع خده :تكفففففىىى يبببه
ابو وسام : اختك ي ولدي بعيونك تكفى
وسام دمع فتحو الباب ورمى نفسه
طاح ع الصخر ولف اكثر من لفه ومن بعدها م يذكر شي
~~~~~~
مراد انت لازم تطلع من هنا انت وجودك خطر يمكن تصير مشاكل
~~~~~~
تذكر الصور الي وراها ياه سالم
امه
ابوه
ميان
شلون م اتذكره
~~~~~~
لجين : انت تشبه لشخص غالي ع قلبي
~~~~~~
فتح عينه واصواتهم فوق راسه
وسام حط ايده ع راسه ويشوف غباش
ويشوفهم حوله
مُراد اصحى
مُراد فتح عينك
مُراد فيك شي
اتصلو ع الاسعاف
وخرو بشوف نبضه
مراد
مراد
مراد
مُراد فتح عينه وطالعهم
سالم : تحس بشي
مُراد اشر ب لااا
جلسوه وطالعوه وضحكو
يزيد : انت حساس مرا
تركي : والله فاتك اشكالنا
راكان : قوم قوم يالله بس خوفتنا عليك
مُراد كان يطالعهم بصمت
بسام : هذا لايكون فقد ذاكرته مرا ثانيه
ضحكو الشباب
مُراد: لا انا معاكم بس صدعت شوي
مؤيد : مراد مراد
مراد طالعه
مؤيد : انا مين
مراد : مؤيد السليمان(:
مؤيد : لا الحمدلله م فقد ذاكرته
ابتسم له ابتسامه تسليكيه
سالم همس له : فيك شي تحس بشي
مُراد حط ايده ع راسه : لا صداع بس
مراد -لجين لجين هي حبيبة رامي ميان وين وينها لايكون بفرنسا لحضه لحضه هم تكلمو عنها وقالو انهم جابوها هنا بس وينها البنت الي كلمتني صح ريماس شلون عرفتني اكيد تعرف شي عن ميان-قطع تفكيره صوت ضحكهم
مُراد : ابي ارد البييت
سالم : ليش بدري
مُراد : سالم ابرد وانت كملو
سالم شك ان فيه شي وخاف من الي ف باله
ساالم : تمام الساعه 3 يمدينا نرد
يزيد : اي عادي
كلمو صاحب القارب ورجعو للبلد
---------------------------
ريماس : كلمت مُراد
نوف :جدد
ريماس :والله كلمته بس قال لاعاد افتح الموضوع
نوف : زعل !
ريماس : حيل سكر الخط بوجهي
نوف : انا متأكده لو عرف هو ولد مين راح ينصدم
ريماس : الله يستر
نوف : حتى سالم وراه الصور وقال م اذكر شي ولاجاذ طاري احد
نوف : ي خوفي بس لو انفجرت الحقيقه
ريماس : اي
---------------------------
دخل خالد البيت وهو مبستم
م شاف احد بالصاله
طلع جناحه ودخل وشاف ضلام
وشموع
ابتسم
دخل وفتحت الاضاءه الهاديه
كانت لابسه فستان رمادي ستريتش ماسك ع جسمها وضهرها كله مقتوح
خالد ابتسم وتخرفن عندها
روان : مبروك عليك انا
خالد : ومبروك عليك انا
ضمته وشالها ودار فيها وهي تضحك وتصارخ
خالد : سامحيني
روان :مسامحتكك انا وبنسى كل الي صار
خالد : بس قبل كل شي اوعديني
روان : ب شنو
خالد : ب انك تنسين كل الي صار وكأنه اول لقا بيننا
روان : اوعدكك
---------------------------
دخل بيته وهو جالس يدووور حط ايده ع راسه
مُراد : شلي جابني هنا وليش من بين كل هالناس انا هنا م لقيت الا عايلة السليمان اههخخخ ميااان وين رححتتتي وييين ي ميان انا اخوك انا عايش تعالي عندي تعالي وبكسر كل مين حاول يعتدي عليك او يسوي لك شي والله لا احرقه بيدين الثنتين ذول الي يمسك طرف شعرك ويينك انتي بس
دمعت عيونه من الحقد الي ملا قلبه
جلس ع الارض وحط ايده ع راسه واسند نفسه عليها
شلون انتقم منهم وشلون اضرهم مثل م ضرو ابوي شلون اسوي هاذا وهم الي ساعدوني ع اني اعيش من جديد واحارب كل شي يمر علي شلون شلون
ريمان شلون ريمان تعلقت فيني وانا بعد تعلقت فيها كيف الحين شبيصير بقلبي بس ميان فوووق الكلل فوووق كل شي ميان هي الاولى والله لو ميان م ردت مثل قبل لا اذبحهم واحد ورا الثاني
اخذ فونه واتصل ع ريماس
---------------------------
روان وريماس كانو عند نوف
روان قاعده ع جوالها وتطالع الاخبار
وريماس ونوف يسولفون
روان شافت صورة ميان وشهقت
نوف : بسم الله شفيك
روان عيونها ع الجوال
نوف : هيه بت
روان طالعتها ومدت الجوال اخذته نوف ونطت جنبها ريماس
قريو الخبر وانصدمو
نوف : مين مين نشر الخبر
روان رفعت كتوفها اي م تدري!
ريماس جالسه تقرا الكلام الي مكتوب ودمعت
نوف وروان طالعوها بصدمه
نوف : شفيك انتي بعد
ريماس : صحبتها لُجين!
روان : اوهه لجين!!
نوف : اووف ياربي لو ابوي سمع الخبر
روان : عيال الجاسم
نوف : افف الله يصلحها بس احسن هالشي مفروض نسويه من زمان
روان -اهخ بس لو اقدر اتكلم كان تكلمت- : صح
قطع كلامهم صوت جوال ريماس
ريماس شافت رقمه وشهقت
روان : شفيك!
ريماس : مِراد!
نوف : شيبي ؟
ريماس : مدري ارد؟
نوف : اي ردي
اخذت نفس وردت وشغلت السبيكر
ريماس : هلا ؟
مراد : ريماس بسألك بصراحه وجاوبيني تكفين
ريماس : شو!
مراد : مييان وينن
ريماس طالعت نوف وروان بصدمه
مراد : شفيك سكتي لهالدرجه خايفه !
ريماس : انت تعرف انك
مراد بصراخ : اي انا وسام ولد ابراهيم وجلالة محمد لا امحي عايلة سليمان من كبيرهم لصغيرهم لو ميان صار لها شي
ريماس : مدري والله هي من زواج نوف ...
سحبت روان الجوال ووقفت
طالعتها ريماس بصدمه
روان : روح لرامي وهو بيقولك
مُراد: مين انتي!
روان: انا روان اخت رامي
مراد : زوجك خالد صح!
روان : اي
مراد : بمحيه هو والوليد لو مسكو شعره من ميان
روان : روح لرامي وقوله من روان
قفل الخط
وريماس ونوف طالعو روان بصدمه
ريماس : روان ان شاءالله اني فهمتك غلط
نوف مسكت كتف روان : تككلمي
روان : الوليد منعني وهددني بخواني عشان كذا انا سكت
نوف تصارخ بوجهها : يعننني شنو
روان : اجلسو وبفهككم الموضوع
نوف جلست ودموعها ع خدها وريماس منصدمه
نوف : قولي قولي الكلام اخلصي
روان : يوم زواجك جدي والوليد اتفقو انهم يزوجون ميان
نوف توسعت عينها
روان : ويوم ملكتي هي ملكت ع الشخص
نوف : ومين هالشخص الي تزوج ميان!!
روان بلعت ريقها : الوليد
ريماس حطت يدها ع خدها : كيف كيف كذا
روان : تزوجها مو حب
نوف : روان تكلممممي بسسسرعه
روان : تزوجها عشان ينتقم من اهلها عن طريقها
نوف : وشو صار
روان : معيشها بجهنم
نوف : وانتي من متى تدريييين
روان : من يوم كنا بالشاليه وقتها انتي كنتي بالهند
نوف : ولييييششششش م تكلمتتتتييي من وقتها
روان : هددني بخواني نوف
ريماس : يعني هي م شردت
روان : لاا
نوف : شلون ابوي يرميها هالرميه
روان : مددري نوف
نوف حطت يدها ع بطنها
ريماس : نووف شفيكك
نوف : الم بسيط
---------------------------
ركب السياره
رامي ابتسم : هلا مُراد شفيك
مُراد حرك السياره : خذني عند ميان
رامي توسعت عيونه :انت
مراد : اي انا وسام ابي ميان الحين
رامي : مدري وين
مراد : رامي لاتكذب علي اختك بنفسها كلمتني وقالت لي روح لرامي وهو بيقولك وين ميان
رامي : ميان بعيييده
مراد بصراخ : لو بالفضاء بروح لها
رامي : انت لازم تعرف كل شي
مراد : شنو يعني
رامي : اطلع ع المطار الحين
مراد ساق بسرعته كلها ووصل المطار
رامي كلم اهله وقاله انه بيسافر
بعد وقت طويل طلعو ع الطياره
جاه توتر حيل من الطياره لانها اخذت اهله
رامي : شلون عشت مراد!!
وسام : قولي وسام مو مراد
رامي : انزين وسام انت لو كنت بعقلك محد قدر ياخذ ميان
وسام : ليه مين اخذها
رامي : وسام اختك تزوجت
وسام بصدمه : تزوجت مين !
رامي :الوليد !!
وسام توسعت عينه : شلوون تزوجته
رامي : غصب عنها بس بدون علم احد واختي سمعت الوليد يوم يحاكي صاحبه وقالت لي
وسام : وانتو ليش سكتو وخليتوها معاه
رامي : هدد صاحبه ب انه يمحي اهله
وسام : وليش الوليد م يبي احد يعرف بزواجهم
رامي : لأنه مو زواج حب زواج انتقام
وسام توسعت عيونه : والله العضيم لا امسحه من الارض والله
رامي : وسام احنا اهل
وسام : الله ياخذ الاهل الي كذا
رامي : صدقني م كنت راضي بلي صار
وسام : والله م راح يصير خير
رامي : شيتسوي
وسام :بيعرفون حقيقة ابوهم
رامي : شلون
وسام : بيشوفون
---------------------------
روان : قامت الحرب
نوف :الله يستر بس ويعدي هاليومين ع خير
ريماس : حاكيتي رامي
روان : سافر مع مراد لإيطاليا
ريماس : الله يستر لا يتذابحون هناك
نوف تنهدت واتصلت ع سالم
سالم : هلا نوف
نوف : سالم الحق
سالم : بسم الله ش الحق!
نوف : وسام ودت له ذاكرته
سالم : كنت حاس من يوم طاح
نوف : طلع لإيطاليا مع مراد قصدي وسام
سالم : ليشش !
نوف : الوليد طلع متزوج ميان عشان ينتقم منها ووسام طلع لهم هناك
سالم : صبر شوي شوي مو قادر استوعب الي صار شلون تزوجها كيف ابوك كيف وافق
نوف : مدرري مدري
سالم : ليش م قلتي لي من بدري عشان امنعهم من السفر
نوف : مدري كل شي صار بلمحة بصر
سالم : كلمتو الوليد
نوف : لاتحاكيه
سالم : ليش
نوف : ممكن يحقد ويسوي شي للميان
سالم تنهد
---------------------------
الساعه 7 المساء
وصلو المطار
نزل من الطياره ووقف
رامي شاف اتصالها
رامي : هلا لجين
لجين : هلا رامي شلونك
رامي : لجين شتبين !
لجين : شفيك !
رامي : مو فاضي حدي مشغول
لحين : طيب شفيكك
رامي : انا ب ايطاليا
لجين : شتسوي !!
رامي : مع وسام!
لجين : وسام مين
رامي : اخو ميان
لجين ضلت واقفه ومنصدمه
لجين : عيد عيد الي قلته
رامي : لجين انا مع وسام ورايحين لميان
لجين وانفاسها بدت تزيد وبصوت مخنوق :وسام وسام
رامي : اي لجيين عايش
لجين طاحت ع الاررض : كيف
رامي :سالفه طويييله
لجين : وميان !! شلون شلون عرفتو وينها
رامي : انا كنت ادري
لجين توسعت عينها بصدمه : شلوون تدرري
رامي : لجين انا مو فاضي الحين اذ تبين تعرفين روحي لإختي روان تفهمك السالفه
لجين : وين الاقيها!
رامي : ارسلك رقمها الحيين
لجين : سرريع
سكر الخط وارسل الرقم
---------------------------
طالعها وهي لابسه الفستان الابيض ناعم ساده
طويل لحد ساقها
ولابسه عليه جاكيت ابيض ب اكمام طويله وكله فرو
معاها شنطتها الصغيره
الوليد : جاهزه!!
ميان اشرت ب ايه
الوليد : يالله طيب
ميان مشيت معاه وطلعو بالحديقه
طالعت القصر وطاحت دمعتها ع خدها
طالعت الوليد
وطالعها سرح بعيونها الخضرا
...
...
---------------------------
.