البارت الرابع
*رواية : خذيت قلب الشجاع يالمترف الفنان*
*الكاتبه : الشۿد 𓄄*
*اللهجه : ماربيه ᥫ᭡.*
*البارت الرابع 4:*
ــــــــــــــــــــــــــــــــــــــــــــــــــــ
*المحبه تزيد وانا على علم ويقين*
*ما ضاقت بي الخطوه وانت خلافي"*
ــــــــــــــــــــــــــــــــــــــــــــــــــــ
_بسم الله الرحمن الرحيم:-_
*نبدأ 💗🎀:*
د : الحمدلله الان حالتها شبه مستقره بس الضربه لها اضرار واحتمال كبير تفقد الذاكره واحتمال تعمى والاحتمال الأكبر (سكتت شويه ): ا تفقد الذاكره.
جابر بصدمه : تفقد الذاكره!!!
زايد بعدم تصديق: تمزحي صح وش الي تفقد الذاكره!! وش يخليها تفقد الذاكره مستحييلللل!!
د : ماندري كل شي بانعرفه لاما تقوم .
مهلا : طيب يادكتوره نقدر نشوفها الان !
د: مش الان عادها ماصحت لاما تصحى .
سكتوا وكلهم غاثيين عليها..
د : ادعوا لها وان شاءالله ماشي يقع بها.
الكل : ياربب.
جابر غمض عيونه بقوه وضرب راسه فالجدره دلا وبصوت مبحوح : يااارببببب.
ـــــــــــــــــــــــ
انتظروا 3 أو أربع ساعات يعني إلى الساعه 12 وجد تقوم وجاء ذياب اخوها ووجد ماقد صحيت :
د : احتمال ماتصحى الان والاحسن انكم تروحوا وإذا تبوا تشوفوها العصر والا الليل معكم إلى الساعه 7 فقط وتجلس معها مرافقه لأن ضروري الليله تترقد عندنا .
ذياب : أن شاءالله.
جاء ذياب عندهم :
جابر : ويش قالت الدكتوره ؟!
ذياب : تقول احتمال ماتصحى الان أن احنا نروح وتجلس معها واحده لأنها باتترقد هنا.
مفرح : هايلله روحنا .
جابر بخوف : خاف أن شي بها ماقد صحيت للان؟!
ذياب : لوم قالت الدكتوره ماشي .
جابر : وباتمسي هنا!!
ذياب بتنهيده : ايه .
جابر : ا طيب وكيف بانأمن يجلسن وحدهن واحنا علينا...
قاطعه مراد : كيف كيف نأمن في مستشفى ماهن في شارع الله يرضى عليك.
جابر حك راسه وهو ماهو صاخي يرجع الوادي ووجد فالمستشفى:
شجاع : بس ياعيال ضروري حد يجلس حولهن قريب منهن لاشي وقع والا حد من ذولا ال سلمان الق*** ...
قاطعه وايل : لوووم لو كانت نذالتهم كيف ماكانت مايسووا كذا "...." (قبيلة ال سلمان) مستحيل يسوو كذا .
مراد : هجعني والله اني متوقع منهم الكلاب اي شي .
جابر جات من الله أنه يظلِ قريب من وجد : خلاص باجلس انا فوق السياره نازل .
ذياب والتعب واضح في وجهه: باجلس انا .
مراد بتكشيره : ايش من تجلس انت من أمس ماذقت النوم روح ارتاح.
ذياب : ل...
قاطعه جابر بحِده : ذيياااب .
شجاع : انت من البارح مناوب في الشغل ارجع الوادي افتهن وارجع بعد العصر .
> ايه نسيت اقولكم ذياب يشتغل 'هو مساعد طبيب' في كرى يشتغل .
شجاع : ارجعوا انتو بااجلس انا وجابر .
مفرح : ععللله لنا...ياخي انت ماتفهم!!
شجاع بضبح : ياخوي باتلثم ماحد بايعرفني.
وايل : ويوفين ماحد بايعرف جابر ياخضيره ؟!
شجاع خفع وايل في رأسه : ماخضيره الا انته ياذا الكلب.
وايل ضحك ، كلن يخاطي شجاع الا جابر ساكت ولا أداء حرف :
معاد استروا لشجاع رجع قال مفرح : خلاص اجلس غير انتبه .
شجاع : تمام.
> نسيت اقولكم نبذه عن شجاع يا إنه عنيييد عِناد غير طبيعي مايمشي الا كلمته لو تقطعوا راسه وماحد يستر له أبداً وقد بغّر بهم واصل ههه
هالمهم مشوا وبقيت هاله عند اختها :
جابر : ا بادخل اشوف هاله وش تبى .
شجاع ابتسم : طيب وانا باسبقك الموتر .
جابر فهم ابتسامة شجاع وضحك : انقلع قلعك.
شجاع ضحك ونزل وجابر دق الباب وماسمع رد من هاله ودخل بهدوء
شاف هاله ماهي جالسه في الغرفه وسمع صوت من الحمام 'اكرمكم الله ' رد الباب ومشى قدا سرير وجد
جابر كان يشوف وجد وهي كأنها جثه هامده ولاحركه منها مشى بهدوء قداها ونبضات قلبه تزيد ويحس بالخوف بلع ريقه بتوتر وهو اول مره يحس أنه خايف على شخص بذا الكثر
عمره ماحس أنه يحب وجد ولا يظهر لها أي مشاعر وكان ناحيتها شبه باارد..بس اول ماشافها فالدرج والدم يخرج من راسها خاف وماهو اي خوف
عمره ماخاف على عمره كذا لو وقع ويش ماوقع يشوف نفسه والكل يشوفه انسان بارد وماهو حق حُب واهتمام، تصرفاته ناحية وجد ماهي دعممه ولا كره لاا بالعكس احترام بس ماهو خوف لذه الدرجه !!
خايف أنه يفقدها خايف أنه مايشوفها ابد خايف تبقى بس ذكراها ومحد يخاف على شخص لذا الحد الا اذا كان *`"يِـحــبَــۿ"`* وماهو حُب يوم اسبوع الا والله حُب *`سِِــنــيـن`* يمكن كان مدفون أو مااعترف به!
وقف جابر يتأملها وهي راقده وخايل يدها والمغذيه ذي مركبه لها نزل راسه بحنيه وحب راسها وهمس ببحه : الله يقومش بالسلامه ياقلبه.
هاله فالحمام 'اكرمكم الله ' سمعت حد دخل افتجعت وفتحت باب الحمام شويييه واتشاقرت وشافته جابر سكتت ورجعت ماخرجت
شويه وفتحت هاله الباب بقوه بحيث أن جابر يسمع "سوتها بلعاني" وجابر اول ماسمع رفع رأسه ومسح وجهه لانه حس بعيونه حمرن وقد بغى يبكي، عزتي له..
هاله يوفين ماهي داريه وباستغراب: جابر ؟!
جابر تنحنح : هلا هاله ا ا جيت ابى اتأكد وأشوف لاانتي تبي شي قبل انزل .
هاله وهي مستحيه من جابر : ا ا ماقد اصطبحت
> هاله والبنوت مايستحن من عول عمهن وكذا بس جابر باحترامه يخلي الواحد يستحي منه غصبا ههههههههه .
جابر ابتسم : ابشري بانزل اشتري لش (ولف لوجد) غير ماوصيش على وجد زين؟!
هاله ابتسمت بحزن : وجد في عيوني.
خرج جابر...
ــــــــــــــــــــــــــــ••ـــــــــــــــــــــــــــــــ
واديـــنــا ♡/
ام عامر فالعِرش جالسه والعجِز والشيبان هناك تبكي : يافقري بنتي باتموت بنتي يابووي يادلمتي دلمتاه اهئ اهئ .
ابو عامر بعصبية : اصصه لصه ياذا العجوز الله لاقاله .
ابو طالب "الشيبه" بعصبية : فال الله ولافالش.
ابو سياف بتنهيده : الله يستر .
سمعوا صوت المواتر وقاموا كلهم وخرجوا الرجال لا خارج ،نزلوا العول ودخلوا :
ام عامر : حلفتكم بالله وجد بنتي كيف هي ؟!
مراد بااطمئنان لعمته : بخير أن شاءالله بخير .
ام عامر لفت لذياب : استحلفك بالله ياذياب اختك كيف هي ؟!
ذياب تنهد : الحمدلله قالوا الدكاتره أن حالتها مستقره .
ام طالب: شفتوها ؟!
مفرح : لا ماقد صحيت .
ابو طالب: ويحين باتقوم ؟!
ذياب بتعب : ان شاءالله عصر باتقوم .
ابو سياف: منذي فالمدينه الان؟!
مراد نزل راسه وهو داري أن أبوه بايخاطي: هاله وجابر وشجاع .
ام سياف : يافقرررري ولدي؟؟
ابو سياف بحِده : وليه الهايت فالمدينه وال سلمان؟؟!
مراد بعصبية: ويش اسوي ولدكم صايع مايطيع لشور حد .
ــــــــــــــــــــــــــ••ــــــــــــــــــــــــــــــ
ليلى بضبح جلست: بنننااااااتتتتت.
شيخه : صووتش دووّر يدورش ياتافهه .
ليلى : ويدورش .
رؤى بضحك : ليلى!
ليلى بضبح: ضرععع.
رؤى : هههههههههههههههههههههههههههههههههههههه مالش ضابحه؟!
شيخه بضحك : ماعليش ياليول ذي أدى للربحات رؤى ومها حد يقبل بهن بايدي لش .
مها ورؤى : جعللش فدونا ياكلببههه.
ليلى ضربتها بالوساده بقوه : عليش غضبي ماناشي شيخه .
شيخه بثقه وضحك : اكيد ماحد شيخة البيت كله الا انا.
ليلى بعضبيه : شيووووخخ!!
شيخه بضحك : عيونها وقلبها وروحها.
ليلى ضحكت: قلعش ياسامجه .
رشاء شافت ليلى بضحك: صدق صدق ويش بش ضابحه ؟!
ليلى بضحك وضبح : خطبة المخدعات ذولا بعد سته ايام وكلمت نجم يشلنا السوق وخاطاني قالوا مش وقت .
شيخه ومروى ورشاء دورهن ماتلقوهن من الضحكه:ههههههههههههههههههههههههههههههههههههههههههههههههه.
مروى : قلعش هامه خطبتهن أكثر من رؤى ومها .
ليلى ضحكت : صدق صدق والله مامعي حاجه لا للخطبه ولا للحروه.
شيخه : ههههههههههههههه خلاص اليوم باكلم عساف والا حد من اخوتي.
رشاء بضحك : ذي يسمعش يصدق بايطيعوا المعقدين يخرجونا.
شيخه خفعتها : جعلش عيدهم ياسامجه.
مروى : روينا الليله اذا بايطعش تقنعيهم .
شيخه بثقه : بيننا الليله .
ــــــــــــــــــــــــــ••ــــــــــــــــــــــــــــــ
اتغدوا وكملوا وذي عليهم بالخير وعصر سرحوا أغلبهم أو كلهم يشوفوا وجد بس للاسف ماقد صحيت ذاك الساع بس صحيت قبل يروحوا بشويه وهي تشوفهم سكته بتعب ولاخلتهم الممرضه يجلسوا قالت عادها تاعبه لايزيدوا بالاسئله والازعاج/
بقيت هاله عند وجد & جابر وزايد وشجاع نازل فالموتر جالسين..
ـــــــــــــــــــــــــــــ
الساعه 7:55م .
وجد جالسه تشوف الغرفه باستغراب وساكته :
هاله : وجد ياعيني .
وجد ساكته وتشوفها باستغراب ولاترد
هاله بعَبره : وجد ياعيني كلميني .
وجد :................ "ولاكلمه"
هاله وقفت وشلت جوالها :
هاله : الووه .
ــــــــــــــــــــــــــ••ــــــــــــــــــــــــــــــ
شجاع متربع وملقي الباب ظهره ومخزن ويقلب في جواله وشغل شيلة:
غرامه سكن قلبي ومن الشوق يشعل بي
محدٍ فالهوا مثلي في زينه وفي شكله.....
زايد يصفق وشجاع دخل معه فالجو ويصفقوا ويغنوا مع الفنان ويضحكوا وجابر دخل معهم فالجو واول ماجاه اتصال قاطعهم:
جابر : اُصص طفوا .
شجاع شغلها : لا والله تبى تجوب اتصالك اذلف .
زايد ضحك : صح انقلع.
جابر خرج وهو يضحك : قلعكم .
ــــــــــــــــــــــــــ
هاله رجعت الغرفه جات ووجد مساكه راسها وشبه راقده :
هاله : وجد !
وجد باستغراب : هاه!!
هاله ضحكت بفرحه : الحمدلله الحمدلله وجد ع..
قاطعها صوت دقة الباب ودخول جابر :
هاله بفرحه : وجد بخير وجد بخير .
جابر بصدمه : متأكده!!! عرفتش .
هاله بتوتر فرحه : ا ا م مدري مدري .
جابر جلس قدام وجد فوق السرير :
جابر : وجد ؟!
وجد تمسك راسها بوجع : آه يوجعني.
جابر بتوتر وخوف : بسم الله عليش ياعيني تشوفيني صح هاه تشوفيني ؟!
وجد : ايه بس (وبنظرات استغراب وتساؤل) من انت ؟!
جابر كن حد لطمه بقوووه غمض عيونه بقوه
هاله سمعت ودموعها بدأن ينزلن بغزاره
جابر مسك وجه وجد وخايل في عيونها بخوف: وجدي انا جابر ج جابر ولد عمش وزوجش عرفتيني؟؟؟ ع عادحنا عقدنا قبل اسبوعين تذكري صح تذكري ؟!
وجد تخايل فيه باستغراب وتحاول تتذكر فجاءه بكت ومسكت راسها : آهه آهه .
جابر طرح راس وجد فوق صدره ونزل راسه لكتفها وهي تبكي، وجابر ياالله ماسك دموعه وهو يشد على وجد ودموعها ملت صدره /
هاله خرجت وهي تبكي ونزلت بسرعه لاالسياره :
زايد لمحها ونزل بسرعه : بنييه وش منزلش وويش ذي يبكيش؟!
شجاع فز : وجد فيها شي ؟!!
هاله وهي تمسح دموعها : و وجد ماعرفتني ولاعرفت جابر .
زايد : وشششووووو!!
شجاع : وش يعني ؟!
هاله ببكى : يعني فقدت الذاكره صدق اهئ اهئ.
زايد مشى بسرعه لا المستشفى بخوف وقلق شجاع وهاله قفاه:
شجاع : وجابر وينه؟!
هاله ببكى : جابر عند وجد اتصلت له اول ما شفتها صحيت ولاطاعت تكلمني لأن زايد م مارد علي .
شجاع وهو يسرع في خطواته : يارب .
ــــــــــــــــــــــــــــ
جابر رفع راسها : وجد ياعيني يوجعش راسش شدا ؟!
وجد ببكى: ايه اهئ اهئ.
جابر قام : باقوم ادعي الدكتوره .
وجد انسدحت على شِقها وتبكي بوجع..
جابر خرج من الغرفه ولقي زايد وشجاع وهاله جايين لاالغرفه :
زايد : جابر كيف وجد ؟!
جابر : ا ا باسرح ادعي الدكتوره قالت راسها يوجعها واجد .
زايد دخل هو وهاله وشجاع وقف عند الباب استحى يدخل :
ـــــــــــــــــــــــــــ••ــــــــــــــــــــــــــــــ
*عند ال سلمان /*
ليلى تشرد وهي تضحك وفي يدها جوال:
ليلى : والله ما اديه الا ودريت وش تخايلي فيه ياتافهه .
شيخه تلحقها بخوف : لييلللللى ياكلبببه هاتيه وبارويش.
ليلى وصلت لا اخر الدرج ومسعيه لا الحوش : هههههههههههه انتي ماطعتي ترويني اشوف واديه لش .
شيخه تلحقها وهي تلعنها وتسبها : ليلى ياوصخه بايقولوا ماعل وش قد معي هاتيه عليش لعنتي .
ليلى لفت لها وهي تسعِي وتضحك : هو صدق وش قد مع امش!!!
شيخه بضحك : لاتتطربخي اوقفييي.
ليلى رجعت تشوف قدامها وتزيد السرعه هههه ولاركزت على حجره في الحوش وتتخربط بها وتوقع على يدها اليمين وتدي صيحه تقوم الاحياء والاموات ههههه :
شيخه جلست جنبها وبخوف : لييلى!!!!
ليلى تصيح وتمسك يدها اليمين وتبكي : آههه آهه يددديي يديي.
نزل عساف اول ماسمع الصوت : ويش به!!!
شيخه : ليلى ذي تسعي واتدهورت على يدها .
عساف بحِده : وليه تسعي أو هي جاهله؟!؟
شيخه : ا ا ..
عساف: اسكه يدش .
ليلى تصيح وببكى : ماسترت ارفعها ذي توجعني اهئ اهئ.
عساف شافها : صورتها اكتسرت قوومي بانشلها الهيئه قوومي.
وقام عساف غرفته بسرعه وشيخه طمرت غرفتها وادت عبايه لـ ليلى وطرحه وبرقع...
قولوا سرحوا المستشفى شيخه وعساف ونجم ورؤى :
> هههه باتسألوني الباقيين وين انا اقولكم العايله شبه مشتتين كلن في فلك يسبحون الذي عند الجيران والذي عند الشله 'العيال طبعاً ههه' والذي عند مرته والذي والذي...الخ ههه
ــــــــــــــــــــــــــ••ــــــــــــــــــــــــــــــ
جابر دعا الدكتوره ودخلت وعقمت حول الخياط ذي في رأس وجد وغيرت اللصقه لأن قدها ملان دم ووجد رقدت..
شجاع ينزل بهدوء فالدرج وهو ملثم بالشال بحيث أنه مغطي نص فُمه ودقنه
ــــــــــــــــــــــــــ
شيخه ورؤى جالسات فالكراسي :
شيخه بضبح : اووففف ويحين بايتموا ضبحت .
رؤى بضحك : جي نلوي.
شيخه : جدتش انا ضابحه في روحي تجي تقولي تبي تلوي .
رؤى ضحكت : وش اقولش يعني .
شيخه بغباء : صح وين سهم !!
رؤى : خبيته في جيبي .
شيخه : جدتش صدق وين هو مداوم هنا اليوم ؟!
رؤى بضحك : مالش اليوم انتي وجدتي وش ست بش؟!
شيخه ضحكت : ماعل امانه هو سهم مداوم .
رؤى : اتوقع ايه .
شيخه : امانه قومي نسرح لاعنده .
رؤى : ليه ؟!
شيخه : ياختي أبا اطب فجاءه وباقوله أنه انتي مريضه وقد باتموتي .
رؤى : اوووه جعلش فدوي تبي تموتيني خبج بش.
شيخه بضحك : يابنيه باختبر غلاش عنده.
رؤى باحراج : شيييخخخه.
شيخه بضحك : اُصص صوتش دوّر .
رؤى بضحك:يدورش تمام يلله سرحنا.
شيخه بخباثه غمزت: ايوه ايوه نسرح لاعنده .
رؤى ماتت خزا: عليش لعنتي ياكلببه هو انتي ذي قلتي انا مابى الله يقلعش.
شيخه : هههههههههههههههههههههههههههههههههههههه امزح امزح مشينا.
ـــــــــــــــــــــــــــــ
شجاع يمشي وشاف مكتب مكتوب فوقه "الدكتور سهم ال'....' " : افا والله ومنكم دكتور ال سلمان.
كمل طريقه وهو يدندن شيلة ابو عسكر ذي مستحيل مايغنيها تعجبه جدا :
الزين مرتاح في حاله معاد يسأل على أحوالي
الله يجازيه باعماله ذي مرخصني وانا غالي
خلاص محنا على باله وأصبح مع غيرنا سالي
هو غير ارقام جواله وانا مسح رقم جوالي..
> مانا حافظه الا ذا البيتين بس واكثر شيله من حق ابو عسكر تعحببنني 🌚❣️.
شاف قدامه وشافها من بعيد ضحك وبصوت ناسل : الناقه .
ـــــــــــــــــــــــــــــــ
رؤى : شيخخه قلعش جي نسأل حد ذي ندور لنا ساعه مالقينا مكتبه .
شيخه : لالا بانلقاه .
رؤى عصبيت وشدت على ضروسها لجل صوتها مايعلا : شيخخخه.
شيخه ضحكت خفيف : خلاص بانلقى حد ونسأله .
طلعين الدرج وشجاع نازل :
رؤى دكمت شيخه وبمشاوره: اسألي ذا .
شيخه ماركزت منهو وسألته : لو سمحت !
شجاع خايل فيها : هلا .
شيخه ركزت على صورته وذكرته " والله إنه نفسه ذي قالي ناقه": ا ا بغيت اسألك مكتب الدكتور سهم ال"..." ؟!
شجاع وهو يذكر : الدكتور سهم ا ايه شفته هاهو ذي على اليمين ثاني مكتب .
شيخه : هاه مشكور.
شجاع : العفو .
نزل شجاع درجه وشيخه طبيعي كانت طالعه فجاءه................
شيخه شهقت و...... :......................
شجاع.........................
رؤى..........................
*اككتففي ᥫ᭡*
*انتهى البارت الرابع 🤍✨.*
*الكاتبه : الشۿد 𓄄 .*