الفصل الثاني
رواية احضنيني بقوة اخاف منك اضيع
الفصل 2
بعد 5 ساعات
ملاك:اه يا حلو النوم
ريما: وانتي صادقه
ملاك:يلا عاااد خل نقوم نلبس وننزل
ريما:تهقين راحوا الناس؟
ملاك:اكيييد ياحبيبتي هذولا عيدهم النهار والحين ليل يعني خلص العيد
ريما:كان ودي اعيش اللحظات احس وناسه
ملاك:خلاص العيد الجاي لاتنامين
ريما:الا البنات تهقين قاموا؟
ملاك:اكيد يعني انتي شايفه وحده فيهم بفراشها الحين
ريما: والله مسكينه غيدا غرفتها كلها شراشف ومخدات منا
ملاك:ههههه لا ومن قوات العين جايبين ملابسنا وبجاماتنا بعد يعني مانتعب نفسنا ونرجع نلبس
ريما: ايييه صح قبل انام قالت لي غيدا اليوم بنروح كوفي شوب ونتعشى برا ونرجع
ملاك:مع مين؟
ريما:تقول كلنا البنات والعيال الثلاثه
ملاك:يعني بنطلع سيارتين؟
ريما:اكيييد وين سياره تكفينا كلنا
ملاك:ههه وانتي الصادقه
ريما:قومي بس نلبس عشان نقعد مع عماتي شوي وبعدين نطلع
ملاك:يلا
.................................................. .....
ونزلوا البنات
لمى:لا ياحلوات انتي وياها ماكان قمتوا
ريما وهي تطلع من الاصنصير: انتي اخر وحده تتكلم نايمه اول وحده انا اول مره اشوف بنت تنام قبل يوصل راسها المخده
ملاك: ههههههه يقطع شرك ياريما عجبتني قبل يوصل راسها المخده
ريما:ولا يهمك حبيبتي اكثرلك منها
ملاك:تسلمين ماتقصرين
لمى:هي ووجع بدت السخافه انتي وياها
ملاك:الا اقول لمى من حلمتي فيه يوم نمتي
لمى: اقول ملاكوو ورا ماتاكلين تبن
ملاك:هي انتي انا اكبر منك لا طولين لسانك علي من اليوم وانا ساكتتلك
لمى:احلفي عاااد
ملاك بتتكلم الا ريما قاطعتها
ريما: خلصونا عااد انا جوعانه وابي اكل من ماكدونالدز
ملاك:وش ماكدونلدز ياللحجيه واحنا بنطلع بعد شوي
لمى: ملاك حبيبتي اطلبي لنا نتصبر فيها احنا ماتغدينا
ملاك:حبيبتك وقت المصلحه ها ؟اقول مالكم الا توست تتصبرون فيه ولا مافي غيره خلاص
لمى:ياشينك ياملاك لا اتسلطتي
ملاك:اخلصي هاتي التلفون
ريما:ونااااسه بتطلبين لنا؟
ملاك:بزران انتوا؟ قلت لكم من اول لأ ورا كل شوي سألتوا؟ وبعدين انتم ناقصين لسان ماتطلبون لحالكم
لمى:مايحلى الاكل الا بك
ملاك:فدييييتكـ
ريما:اللي يشوفكم الحين مايقول قبل شوي متهاوشات
لمى:لا اله الا الله بتحسدينا شكلك
ملاك:ماعليك منها لموو حبيبتي تغااار
ريما:ماااااالت على وجيهكم
ملاك تلعب بحواجبها لريما:مالت علينا اغصان الجنه
ريما:معفنه انتي ووجهك أخلصي وش تبين بالتلفون؟
ملاك:صح نسيتيني بخرابيطك عطيني
ملاك تكلم:sozi make a 1 coffee pleas (سوي 1 قهوه لوسمحتي)
لمى:انتي هبله توك صاحيه ومو متغديه ولا متعشيه يضر قلبك نسيتي مايصلح لك
ملاك:عاااادي قلبي تعود
من ورا الباب
طلال:ياعيال
ملاك:يمه قلبي
ريما: انطمي لا يسمعك
لمى:حيااك ياطلال
طلال:ترا تركي معي
لمى:حياااه
تركي:السلااام
البنات:وعليكم السلام
تركي:كل عام وانتوا بخير
طلال:اي كل عام وانتوا بخير هم عيدوا اصلا" خامدات طول اليوم
ريما بتحرج طلال:وعليكم السلام ياطلال لا احنا بخير انت شخبارك؟
تركي و لمى ميتين ضحك على وجه طلال وملاك ودها تكفخ ريما
طلال:يلا تركي خلنا نطلع هشام ينتظر بالسياره
ريما:أذا انت بتطلع وشوله داخل بس تخلينا نتحجب ع الفاضي
لمى:لا وداخل بأخلاق تجاريه بعد
طلال:هييي انتي وياها انطمو قبل اكفخكم
الجده تدخل من وراه وتضربه بالعصى على ضهره:تكفخ مين انت ووجهك ابد ماتحشم احد
تركي:هههههه جاك الموت ياتارك الصلاه
طلال:جده هم اللي يطولون لسانهم خليهم يتحملون
الجده:لا إذا مطولين لسانهم أدبهم
ريما:جده على طول صدقتيه
الجده:لاطليييل اعرفه زين طويل لسان وراعي خرابيط بس مايكذب
ريما:هههههه هزئوه
طلال:هذا دق على راسك يالخبله يعني انتي كذابه
الجده:انا لو اقعد معكم للصبح مااخلص لمى تعالي شوي ابيك تساعديني بشغله
لمى:ان شالله
راحت لمى مع الجده غرفتها وبقوا ريما وطلال وملاك وتركي
طلال:تريييك بكفخك للحين واقف امش شتنتظر
تركي:لاخلنا شوي
طلال:اقعد لحالك انا بطلع لهشام
تركي:اجل يلا وانا معاك
مشوا طلال وتركي وهم ماشين الا يوقف طلال مره ثانيه
طلال وهو معطيهم وراه:ملاك
ملاك فز قلبها اول مره يعطيها وجه
ملاك:هلا
طلال:الا وانا داخل سمعتك تقولين عادي قلبي تعود ممكن اعرف على ايش تعود؟
ملاك: لا عاادي ولا شي كنت اخربط
ريما اللي تخاف على ملاك لان القهوه تضر قلبها كثيير والدكتور مانعها منها وهي هبله دايم تشربها مررره يعيني زياده ضرر
وتعرف انها لايمكن ترد طلال لو قالها لاتشربها
ريما:لا ماكنتي تخربطين ليه ماتقولين له
ملاك:ريما شفيك متسلطه علي؟
ريما بعصبيه من خوفها على ملاك:لا مو عن كذا بس قولي ولا خاايفه
طلال لف بأهتمام
طلال وعينه على ملاك:ليييه ماتقولين ومن ايش خايفه؟
ملاك:ماعليك منها ذي هبله وتكبر المواضيع وربي الموضوع تافه
ريما:لا مو تافه انا اقولك
طلال: قولي طيب اسمع
ملاك:طلال لاتضيع وقت على سوالفها الماصخه روح لهشام
طلال:رفضك يزيدني اصرار اسكتي
ريما:تذكر من اسبوع لما تنومت ملاك بالمستشفى؟
طلال يتذكر:ايه بس شدخل؟
ريما: انت ماسألت لييه؟
طلال:لأ
ريما:لانها تشرب قهوه
طلال:كلنا نشرب قهوه
ملاك:شفت ان ماعندها سالفه خلاص روح
ريما تتجاهل ملاك:بس ملاك غير الطبيب مانعها من القهوه لانها تضعف القلب عندها وبمجرد ماتشربها بكثره او
ع الريق ممكن يضعف القلب ويسبب لها فقد للوعي وهي حماره تبي تشرب قهوه مره وهي توها قايمه من النوم حتى ماكلت شي
طلال:عشان كذا قلتي قلبي متعود؟
ملاك قامت تبكي ماودها طلال يدري
ملاك:اييه
طلال:قومي معي
..................................
البارت الثاني
ملاك متخرعه اول مره من طلال يطلبها هالطلب
ملاك:وييين
طلال: انتي تعالي
قامت ملاك وراحت ورا طلال "
دخل طلال المطبخ ودخلت وراه ملاك الا الخدامه قاعده تحط كوب القهوه بالصنيه
طلال:how owner ths coffee??(من صاحب القهوه؟؟)
الخدامه:for miss malak(للأنسه ملاك)
طلال:ok give me(طيب أعطيني اياه)
الخدامه تطالع في ملاك وتعطيه وملاك ولاهي فاهمه شي
طلال تقدم الى ماوصل عند المغسله وكب القهوه وملاك تطالع
راح طلال عند الثلاجه وفتحها وطلع منها عصير فراوله وصبه بكاس واعطاه ملاك
ملاك:شسوي فيه؟
طلال: بما انك تتصرفين زي الاطفال وماتهتمين بصحتك انا بهتم فيها خذي اشربي العصير وانتي ساكته
ملاك:بس
طلال:لابس ولاشي مابي اسمع انك شاربه قهوه مره ثانيه والقهوه بدالها عصير
ملاك:ان شالله
طلال وكأنه تذكر شي:الا على فكره لييه تشربي القهوه مره عمري ماشفت بنت بعمرك تشربها مره
ملاك وناسيه نفسها مو مصدقه طلال مهتم فيها:عااادي كل شي بقلبي مر جات على القهوه؟
طلال بأنتباه لكلام ملاك:لييه كل شي مر هذا ثاني مره اسمع منك نفس الجمله؟
ملاك وهي تاخذ العصير:لاتهتم عادي
وهي طالعه من المطبخ:مشكور على اهتمامك
طلال:قبل ماتطلعين اوعديني ماتشربين قهوه ثاني مره
ملاك:وعد
طلال:على فكره
ملاك لفت عليه وابتسمت:شنسيت تقول؟
طلال وهو يبتسم بخبث ورافع حاجبه اليمين:حلو عليك الشورت الاحمر مع البلوزه الاسود وابيض
ملاك تطالع في نفسها تتأكد انها لابسه العبايه:بس انا لابسه عبايه كييييف عرفت؟
طلال:صدفه
ملاك:شلون؟
طلال:شفتك وانتي نازله من الدرج تنادين هديل كنتي متحجبه ولسه مالبستي العبايه و شكلك ماانتبهتي اني قاعد بالصاله
ملاك:تتوقع لو انتبهت كان عادي؟
طلال:شلون يعني كان عادي؟
ملاك:يعني عيب انك تطالعني وانا كذا لو انتبهت لك ماكان كملت وناديت هديل
طلال:طيب شسوي انتي اللي جيتي ولا انا كنت قاعد بحال سبيلي ولا لي ولا علي
ملاك:المفروض انك تنزل عينك وماتقعد تطالع
طلال:شدراني على باللي بنت صغيره انتي جسمك كنه جسم بيبي ماكنك 20 سنه
انحرجت ملاك من كلامه وراحت بدون ماترد
ملاك تكلم نفسها وهي رايحه للصاله:جد مايستحي ودقق بجسمي بعد
ريما:شيبي ووش ذا العصير اللي بيدك؟
ملاك:كب القهوه وصب لي عصير
ريما:متقلب ذا الانسان
الا رغد نازله من الدرج
رغد:يلا قوموا بنروح
ريما:اخيييرا" هلكت جوع
قاموا البنات ولبسوا عباياتهم وراحوا
في سيارة طلال التشارجر(طلال وجمبه تركي و ورا رغد وملاك وريما
وفي سيارة هشام الكاديلاك(هشام وجمبه غيدا و ورا شوق ولينا ولمى
طلال يكلم هشام بالجوال:اسأل غيوود وين تبي نروح؟
هشام:غيود يقول طلال وين تبين نروح؟
غيدا:غيود في عينك انت وياه انا خالتك وعمته استحوا
هشام:كل مره نعيد نفس الاسطوانه تراك كبر معتز و زياد لاتكبرين نفسك خلك كذا عاادي
غيدا:اخلص قوله بنروح كوستا كوفي
هشام يقول لطلال
وراحوا طبعا" جلسوا كلهم على طاوله وحده لان المكان اصلا" مكشوف يعني كذا و لا كذا البنات مايقدرون يكشفون
تركي:ها شتبون
لينا:انا وشوق ورغد ولمى نبي هوت موكا
ريما: وانا بعد
ملاك ودها تطلب بس هي وعدت طلال
غيدا:بما انهم يبون هوت موكا انا ايس موكا
تركي:كلا غير الناس هالخاله
هشام: وانتي ملاك مانطقتي
ملاك توها بتتكلم الا طلال يقول
طلال:ملاك شرايك نخالفهم احنا بعد ونطلب هوت شوكلت بالكريمه تراه شي
ملاك:يلا على ذوقك هالمره
راحوا العيال وطلبوا لكل واحد طلبه واخذوا لهم داارك شوكلت لانهم يعشقووونه كلهم واخذوا كوروسان
تركي وهو ماشي وياطلال وهشام بعيد شوي عن البنات عشان البنات ياخذوا راحتهم بالسوالف
تركي:طلال
طلال:نعم
تركي:شعندك اليوم مع ملاك
هشام:صحيح طلال شعندك وانت مو ذاك الزود وياها من اول واليوم غير
طلال وهو يدخل يده بجيب الثوب:وربي انا نفسي ماادري لييه اسوي كذا
تركي:انا من اول وانا قايل انك غريب
طلال يضحك وهو في نفسه يفكر لييه تضايق يوم درا عن ملاك وليه يتصرف معها بأهتمام كذا
--------------------------------------
.
***
**
*