الفصل 7
ـ *`ࢪواية:`* *ماقلت لك قد الـﻏﯾاب أشتقت لك*
ـ *`ﻋدد الباࢪت:`* *«⁷»*
رواية ما قلت لك قد الغياب اشتقت لك : الفصل السابع :
الزمن يفرض سؤاله كل أجابته محال
السعادة شيئ واضح ولا من وحي الخيالx
كلنا محد سلم من تعاسه أو الم
بس من هو اللي فينا من وسط قلبه أبتسمx
أنا مو قصدي تشاؤم ولابجراحك أساهم
أنا من قلبي أحاول ألقى بس إنسان فاهم
بالمستشفى
ام غلا حاطه يدها على رأس دانه وتمسح عليه وتقرأ عليها
دانه تسمع صوت حنون يقرأ قرآن حاولت تفتح عيونها بس ماقدرت
حاولت إلا أن رمشت بعيونها
ام غلا انتبهت لها
وحطت القرآن ومسكت يدها
:يابنتي تسمعيني
دانه فتحت عيونها بتعب
:ابي مويا
ام غلا قامت بسرعه وجابت لها مويا
وشربتها
دانه رجعت غمضت عيونها
ام غلا :الحمد لله لك يارب
وراحت بسرعه تبشر أبو غلا
طلعت برا شافت أبو غلا جالس على الكرسي
أم غلا بفرح :البشارة ياابو غلا
أبو غلا ابتسم :البنت صحت صح
ام غلا :ايه صحت الحمدلله وقالت تبي مويا
واعطيتها
أبو غلا بفرح :أجل انا رايح أنادي الدكتور
يشوفها ويطمنا عليها
~~~~~~~~~
بجهه ثانيه بالمستشفى
زياد دخل على اسيل شافها نايمه
حس بالذنب هو السبب بفقدان نظرها
جلس قريب منها جلس يتأمل ملامحها
اعجبته حيل حس أن هذي البنت مظلومة
مد يده بتردد وحطها على رأسها يمسح عليه
اسيل كانت صاحيه بس مغمضه عيونها
حست بيد دافيه على رأسها حست بالحنان
تكلمت وهي مغمضه عيونها
:كم مرة تمنيت ابوي يجي يمسح على راسي مثلك
زياد بهدوء:انتي صاحيه
اسيل :...............
زياد:طيب ليش مغمضه عيونك
اسيل فتحت عيونها وبدت دموعها تنزل
:لاني مغمضه ولا مفتحه نفس الشي مااشوف
دكتور ممكن أكون عمياء طول عمري
زياد ابتسم :اول شي ناديني زياد مو دكتور
وثاني شي انا جاي ابشرك أن أن شاء الله خلال سنه او اقل راح تقدرين ترجعين تشوفين بالتدريج
ويرجع نظرك بدون تدخل جراحه
اسيل ابتسمت ومسحت دموعها :صدق
زياد ابتسم لابتسامتها:ايه صدق
أسيل :مشكور دكتور زياد
زياد :هاه ايش قلت انا ...زياد بدون دكتور
اسيل ضحكت :زياد
زياد خق على ضحكتها وفي نفسه
""فديت هالضحكه ""
وبعدين انتبه لنفسه
""هههههه وش فيك يا زياد صرت تتفادا البنت وانت مالك حتى يومين من شفتها ""
ابتسم على تفكيره
وقام
:أنا رايح تامرين على شي
أسيل :سلامتك
~~~~~~
دخل الوليد ومعه فهد بيتهم
الوليد :ياهلا والله ..... يالله أن تحيي فهيد
ويضربه على ظهره
فهد ضحك: ههههه الله يحييك ياخي وراك
عنيف كذا كسرت ظهري
الوليد :هههههه تعلمت منك ادخل بس ....
دخل فهد بيت الشعر وبعدها حطوا الغداء
وتغدوا
وبعد الغدا راحوا الوليد وفهد المجلس
♧ ~~
أروى بعد مارجعت من المدرسه تغدت وغيرت ملابسها لبست بنطلون اسود وبلوزه سواد وطالعه تجنن عليها ولابسه طوق
قامت تدور تبي الشريط حق الفلم الهندي
بس مالقته راحت لمنار
أروى :مناروه ابي الفلم الهندي ألي أمس تفرجتي له
منار جالسه تبرد اظافرها
:تلاقينه بالمجلس
أروى حطت سماعاتها بأذنها
وراحت تتمشى بالحديقه وتغني والهواء يحرك شعرها
دخلت المجلس
وهي تكلم نفسها
:اممم وينه الفلم الهندي ألي ابيه
ياربي كله من مناروه تتفرج ولاترجعه محله
يمكن يكون ب الدولاب
فتحت الدولاب الخاص ب الأشرطة
:اوووف وين بيروح هذا لا لا
يمكن هذا قلبت الشريط
ونقزت :يس يس لقيته
هو كان يطالعها وهو مبتسم معقوله ماانتبهت لي
ناظرها وقال :كل هذا الفرح عشان شريط
أروى سمعت أحد يكلمها ضنت انه زايد
التفت :وانت وش دخل.........
انلجم لسانها لم شافت رجال غريب
وجات ب تهرب
إلا وهي تسمع الوليد بيدخل ويتكلم
:ياهلا والله ب فهد
فهد من سمع صوت الوليد ارتبك
ونزل رأسه
دخل الوليد
وفهد رفع راسه وجلس يناظر وين راحت مانتبه وين راحت
اروى قبل لايدخل الوليد جلست تحوس وش تسوي وين تروح لو يشوفها الوليد بيذبحها
في كنبه كبيره جنب الكنبه الي فهد جالس عليها فيها فراغ وراها دخلت
وراها وهي قلبها يدق بسرعه من الخوف
:ياربي وش هالورطه
جلس الوليد وشاف فهد مو معاه
:وين يالاخو
فهد :هاه
الوليد يقلده:هاااه
وصب له القهوه
:اليوم نبي نسهر سوا مافي رجعه للبيت
بدري
أروى بنفسها
:ياويلي يسهرون وانا هنا
أروى طلعت يدها من جهة فهد وتأشر له بيدها
يعني روح
وفهد توه ينتبه لها
وابتسم يبي يعاندها
:هههههه ايه نسهر حتى الفجر زي اول
الوليد : الحين أدق على زياد وزايد وحمد عشان يجون بعد المغرب
أروى تكلم نفسها
:ياحبيبي على كذا رحت فيها
وبدت دموعها تنزل من الخوف
بعد ساعه وهم سواليف
فهد حن على البنت :الوليد
الوليد :هلا
فهد :اذا ماعليك أمر ابيك تجيب لي مويا
الوليد قام :ابشر
وراح
اول ماطلع الوليد أروى
طلعت ووجها احمر من البكا وهي تمسح دموعها
ناظرت ل فهد
:قليل أدب المفروض تطلع من أول ماشفتني
فهد قام وقرب منها وهو يناظرها
:اقول روحي بس قبل لايجي اخوك
أروى منقهره منه أعطته كف بكل قوتها
وطلعت وهي تبكي
فهد منصدم من الكف ووقف محله وحط يده مكان الكف
دخل الوليد وهو باقي واقف مكانه
:فهد وش فيك
فهد نزل يده:استاذنك تذكرت عندي موعد مهم
الوليد :لا تقول
فهد :خيرها بغيرها يلا في أمان الله
الوليد :طيب اجلس شوي
فهد :مره ثانيه
قام الوليد معاه لبرا
اما أروى اول ماطلعت حطت يدها على قلبها
وهي تبكي ماتدري كيف جاتها القوه وضربته كف بس من الخوف وبعد هو يستاهل جالس يناظرني ماكأنه حرام عليه
قابلت زايد بالحديقه وهي تركض
زايد :أروى
أروى مرت من عنده ولاكأنها شافته
وعلى طول طلعت غرفتها قبل لأحد ثاني يشوفها
زايد ضرب يدينه ببعض وهو يمشي رايح لشباب وش فيها هذي
الوليد سمعه
:مين هذي
زايد :أروى مرت من جنبي طايره وشكلها تبكي
الوليد :هههه تلاقيها شايفة فلم هندي يحزن وكالعادة تبكي عليه
فهد مستمع
""عرف أن الي شافها أروى ""
فهد :يلا شباب توصون على شي
الشباب :سلامتك
ركب فهد السياره وهو فكره مع أروى
~~~~
بغرفة منار
فاتحه كتابها ياربي من وين ابدا
اذاكر أوووووف
حاولت تذاكر فتحته مالها نفس تذاكر ابد رمت كتابها
وأخذت جوالها يمكن اذا سمعت صوته تقدر تذاكر
من اول رنة رد بصوته الي تعشقه منار
حمد:مساء الشوق مساء الحب مساء مايليق الا في مناري
منار بخجل: حمد خلاص عاد خف شوي علي ترى مااتحمل هالحب
حمد: اجل لو اكشفلك اللي بقلبي واخليه يبان ويش تقولين
منار: في اكثر من كذا جعلي ماانحرم منك
حمد انت عشقي احبك
حمد بضحكه من قلب: من اللي مايقوى ذحين على حب الثانيx
انتي يا مناري لو تفارقيني دقيقه انتهي انا اتنفسك اعيشك
يلا مناري ابيك تجيبين الشهاده الزينه كم لي منتظر هالسنين اللي راحت ترى نفذ كل صبريx
على بعدك
منار وبدلع يذوب حمد :واذا قلت لك انتظر سنه وحده
حمد بنفس طريقة كلامها: اقولك تحلمين لاني مشتتتاااااق وما عاد اقوى على بعدك
منار : حبيبي ابي اذاكر الحين بس قبل لا تقفل ابيك تغني ليx
حمد :ابشري كم عندي منار
منار بدلع :وحده
حمد :فديتها هالوحده
وبدأ يغني بصوته الجميل اللي تميزه البحه:
كل يوم ابارك قلبي فيك واهنيه
على وجودك في حياتي والأيام
كبير حبي لك وياكيف ابحصيه
وانا اعشقك في كل ساعه مية عام
احساسي لك اجمل من اني اوفيه
روضة مشاعري بين روحي والانسام
اسمك على سمعي اذا مر طاريه
كأني بشعور المرتوي عقب الصيام
بعد ماخلص منار جلست ساكته شوي
حمد : مناري وين رحتي ؟؟
منار:احبك والله احبك
حمد :بس انا اعشقك
يلا روحي انا راح اقفل الحين وانتي ذاكري ونامي بدري عشان بكره تكونين رايقه
منار:من عيوني انتبه على نفسك
عشان حبيبتك
واذا جيت تنام تغطى زين خلاص
حمد :من عيوني
وبخبث عقبال ماتسوينها انتي بنفسك
منار بحيا :حموووودي
حمد:ههههه خلاص ايش قلنا بس عشان تكونين متطمنه على حبيبك
منار ابتسمت :يلا امشيها بكيفي
حمد :احلفي
منار :والله
حمد:طيب دلوعتي ركزي بكره وجيبي هالشهاده وحلي عقدتي
منار :طيب يلا يالغلا مع السلامه
حمد :مع السلامه يادنيتي
قفلت منار وهي مبتسمه ومسكت كتابها وتنفست براحه
:اااااااه الحين اقدر اذاكر
فيصل واقف بصالة و ينادي
:جمانه جمانه
جمانه سمعته وطلعت من غرفتها هي ونواف
فيصل ابتسم يوم شافهم سوا
جمانه :هلا فيصل متى جيت
فيصل :هلابك ..توني جاي
وفتح يده لنواف
نواف راح يركض ل ابوه وضمه
فيصل يطلع من وراه كيس حلاوه
:وهذي لنوافي
نواف بأس خد ابوه :ياثلام هذي لي ولزمانه
صح بابا
فيصل :هههههه صح يا احلى نوافي
ونزله:يلا روح البس عشان بوديك مكان من زمان مارحناه
نواف :تيب
فيصل ناظر جمانه:اذا ماعليك أمر ابيك تلبسينه
جمانه ابتسمت :ابشر
وناظرت نواف :يلا نوافي البسك عشان تروح مع بابا
نواف راح وهو مبسوط ويأكل حلاوه
أروى رجعت غرفتها طيران
وهي تحس قلبها بيوقف مسحت دموعها وجلست على سريرها وهي بعالم ثاني
""ياربي كيف جاتني القوه اضربه"""
وبعدها ضحكت :هههههههههههه
سمعت جوالها يرن
شافته أفنان يتصل بك
ردت وهي تضحك
أفنان :الله الله أروى ترد وهي تضحك وش صاير
أروى :ههههه الواحد يسلم وبعدين يسأل
أفنان :ايه صح ...وش اخبارك
اروى :اااه أفنان ضربته
أفنان :ضربتي مين هههههه وبعدين أروى تضرب أحد ما اتوقع
أروى :هههههه وربي ضربته كف
بس هو استفزني
أفنان :لا اليوم شكلك مصخنه تكلمي زي الناس مو بالألغاز
أروى حكت لها كل السالفه
أفنان :هههههههههههههه من جدك تتكلمين
أروى :والله مدري كيف جاتني القوه
أفنان :يستاهل
أروى :بس يجنن ياافنان كأنه سلمان خان
واحلى بعد
أفنان :اهاه يمكن من الصدمه انه يشبه له ضربتيه كف
أروى :أفنان بلا سخافة
أفنان :خلاص طيب الحين بسكت بس اذا شفتك
لي تفاهم ثاني
وتكلمت بجد :أروى انا دقيت عليك مالاحظتي أن اسيل ماجات أخاف أن ابوها مسوي لها شي
حتى مو بالعاده تغيب واذا غابت أختها تدق وتشوف وش اخذوا
أروى بقلق :والله ماأدري
اقلقتيني ياافنان
أفنان :ننتظر بكره أن شاء الله تجي
.
.
***
**
*