16 والاخير
عالم القصص والروايات 📚:
*ـــــــــــــــــــــــــــــــــــــــــــــــــ*
*((, #عشق_بدوي_يابنت_تفهمينة💙))*
*(( #البارت_السادس_عشر))*
*(( #البارت_الاخيرررر))*
*ــــــــــــــــــــــــــــــــــ*
ﻭﺭﺑﻲ ﺿﺎﻗﺖ ﻓﻴﻨﻲ ﺍﻷﺭﺽ .. ﻭﻳﻦ ﺃﺭﻭﺡ ..ﻣﺼﻴﺒﻪ ﻻﻛﻨﺖ ﺑﻴﻦ ﺣﺒﻴﺐ ﻭﺻﺪﻳﻖ ..ﺁﻩ ﻭﺵ
ﺃﺳﻮﻱ .. ﺑﺲ ﻻ ﻻﺯﻡ ﺃﺩﻭﺭ ﺣﻞ ﻭﺃﻗﻨﻊ ﻣﺤﻤﺪ ﻳﺘﻔﻬﻢ ﻣﻮﻗﻔﻲ .. ﺃﻧﺎ ﻣﺎﺃﺑﻲ ﺃﺧﺴﺮ ﻣﺤﻤﺪ
ﻭﻻﺃﻗﺪﺭ ﺃﻧﻜﺮ ﻋﺸﺮﺗﻪ ﺑﻬﺎﻟﺴﻬﻮﻟﻪ .. ﻳﺎﺍﻟﻠﻪ ﺃﺣﺲ ﺇﻧﻲ ﻣﺸﺘﺖ .. ﺿﺎﻳﻊ .. ﺃﺷﺘﻜﻲ
ﻟﻤﻦ .. ﻟﻤﺤﻤﺪ ﻭﺃﻗﻮﻝ ﻟﻪ ﺇﻧﻚ ﺳﺒﺐ ﻫﻤﻲ .. ﻭﺃﻻ ﻟﻚ ﻳﺎﻟﻤﻰ ﻭﺃﻗﻮﻝ ﺃﻋﺰ ﺍﻟﺒﺸﺮ ﻣﺎﻳﺒﻴﻚ ..
)) ﺗﻨﺪﺍﺱ ﺩﻧﻴﺎ ﺍﻟﺤﺐ ﺑﺘﺮﺍﺏ ﺗﻨﺪﺍﺱ ..
ﻭﻳﻨﺪﺍﺱ ﻗﻠﺐ ﻣﺎ ﻭﻓﻰ ﻣﻊ ﺧﻮﻳﻪ ((
ﻳﺎﻧﺎﺱ ﻛﺎﻧﺖ ﻫﺎﻟﻔﺘﺮﻩ ﺃﺻﻌﺐ ﻓﺘﺮﻩ ﻓﻲ ﺣﻴﺎﺗﻲ .. ﻭﻫﺬﻱ ﺣﺎﻟﺘﻲ ﺗﻌﺒﺖ ﻣﻦ ﻛﺜﺮ ﻣﺎﺃﻓﻜﺮ
ﻭﻗﻠﺖ ﻟﻨﻔﺴﻲ ﻻﺯﻡ ﻳﺎﻣﺴﺎﻋﺪ ﺗﻮﺍﺟﻪ ﺍﻟﻤﻮﻗﻒ ﺑﺸﺠﺎﻋﻪ .. ﻭﺗﺴﻮﻱ ﺷﻲ ﻭﺃﻻ ﺭﺍﺡ ﻳﻤﺸﻲ
ﺍﻟﻮﻗﺖ ﻭﺃﺧﺴﺮﻫﻢ ﻛﻠﻬﻢ ..
ﺍﻷﻳﺎﻡ ﻗﺎﻋﺪﻩ ﺗﻤﺮ .. ﻭﺷﻬﺮ ﻛﺎﻣﻞ ﻣﺎﻏﻴﺮ ﺫﺍﺑﺢ ﻧﻔﺴﻲ ﺑﺎﻟﻬﻮﺍﺟﻴﺲ ﻭﺍﻷﻓﻜﺎﺭ ﻋﻠﻰ ﻗﻠﺔ
ﺳﻨﻊ .. ﻟﻜﻦ ﻳﺸﺎﺀ ﺍﻹﻧﺴﺎﻥ ﺃﻥ ﻳﻔﻌﻞ ﺷﻲ ﻭﻟﻜﻦ ﻣﺸﺌﻴﺔ ﺍﻟﻠﻪ ﻓﻮﻕ ﻛﻞ ﺷﻲ . ﻷﻥ ﺍﻟﻠﻲ ﺻﺎﺭ
ﻛﺴﺮ ﻇﻬﺮ ﺍﻟﺠﻤﻴﻊ ..ﺑﻴﻮﻡ ﻛﺬﺍ ﻋﻠﻰ ﻭﻗﺖ ﺍﻟﻌﺼﺮ ﻛﻨﺖ ﻗﺎﻋﺪ ﺑﺤﺪﻳﻘﺔ ﺑﻴﺘﻨﺎ ﻭﺷﺎﻳﻞ
ﻫﻤﻮﻡ ﺍﻟﺪﻧﻴﺎ ﻓﻮﻕ ﺭﺃﺳﻲ .. ﻭﺷﻮﻱ ﺇﻻ ﺃﺳﻤﻊ
( ﺩﻑ . ﺩﻑ . ﺩﻑ )
ﻓﺘﺤﺖ ﺍﻟﺒﺎﺏ ﺇﻻ ﻫﺬﺍ ﻣﺤﻤﺪ ..
ﻣﺤﻤﺪ ﻭﺑﺠﻨﻮﻥ: ﻣﺴﺎﻋﺪ ﺇﻟﺤﻘﻨﻲ ﻳﺎﻣﺴﺎﻋﺪ ﺧﻼﺹ ﺇﻧﺘﻬﺖ ﺣﻴﺎﺗﻲ .
( ﺃﻧﺎ ﺇﻧﺼﺪﻣﺖ ﻣﺪﺭﻱ ﻭﺵ ﻓﻴﻪ ﻣﺤﻤﺪ ﻭﺑﺼﺮﺍﺣﻪ ﻣﺎﻗﺪﺭﺕ ﺃﺗﺤﺮﻙ .. ﺑﻌﺪﻫﺎ ﺿﻤﻨﻲ ﺿﻤﻪ
ﻟﺪﺭﺟﻪ ﺣﺴﻴﺖ ﺇﻥ ﺿﻠﻮﻏﻲ ﺑﺘﻄﻠﻊ .. ﻭﻗﻌﺪ ﻳﺒﻜﻲ .. ﻫﻨﺎ ﺃﻧﺎ ﺇﺳﺘﺨﻔﻴﺖ ﻣﺤﻤﺪ
ﻳﺒﻜﻲ .. ﻣﺤﻤﺪ ﺍﻹﻧﺴﺎﻥ ﺍﻟﻠﻲ ﻳﻀﺮﺏ ﻓﻴﻪ ﺍﻟﻤﺜﻞ ﺑﺎﻟﺼﺒﺮ ﻭﺍﻟﺮﺟﻮﻟﻪ ﻗﺎﻋﺪ ﻳﺒﻜﻲ .. ﺑﻐﻴﺖ
ﺃﻧﺠﻦ )
ﻣﺴﺎﻋﺪ: ﻣﺤﻤﺪ ﺗﻜﻔﻰ ﺃﺣﻠﻔﻚ ﺑﺮﺏ ﺍﻟﺒﻴﺖ ﺍﻟﻤﻌﻤﻮﺭ ﻭﺵ ﻓﻴﻚ؟
ﻣﺤﻤﺪ ﻭﻫﻮ ﻣﻨﻬﺎﺭ :ﺁﻩ ﺇﺫﺑﺤﻨﻲ ﺃﺑﻲ ﺃﻣﻮﺕ .. ﺇﺫﺑﺤﻮﻧﻲ ﺗﻜﻔﻰ ﻳﺎﻣﻮﺕ ﺧﺬ ﺭﻭﺣﻲ .
ﻣﺴﺎﻋﺪ ﻭﺩﻡ ﻭﺟﻬﻪ ﻧﺸﻒ :ﻳﺎﺃﺧﻮﻙ ﺗﻌﻮﺫ ﻣﻦ ﺇﺑﻠﻴﺲ ﻭﺧﻠﻨﺎ ﻧﺪﺧﻞ ﻭﺭﺑﻲ ﺇﻥ ﻣﻌﺪﺗﻲ
ﻗﺎﻣﺖ ﻋﻠﻲ ﻣﻦ ﺍﻟﺨﺮﻋﻪ .
ﻣﺤﻤﺪ ﻭﻫﻮﻣﺜﻞ ﺍﻟﻤﺠﻨﻮﻥ : ﺁﻩ ﻳﺎﻟﻘﻬﺮ ﻭﺍﻟﻠﻪ ﻷﺫﺑﺤﻪ ..ﻭﺍﻟﻠﻪ ﻷﺧﻠﻴﻪ ﻋﺒﺮﻩ ﺍﻟﻮﺍﻃﻲ ﺍﻟﺤﻘﻴﺮ .
ﻣﺴﺎﻋﺪ: ﺍﻟﻠﻪ ﻳﺮﺣﻢ ﺃﻣﻚ ﻭﺃﺑﻮﻙ ﺍﻟﻠﻲ ﻓﻲ ﻗﺒﺮﻫﻢ ﻭﺵ ﺍﻟﺴﺎﻟﻔﻪ؟
ﻣﺤﻤﺪ ﻭﺩﻣﻮﻋﻪ ﺃﺭﺑﻊ ﺃﺭﺑﻊ: ﺃﺣﻤﺪ ﺍﻟﻨﺬﻝ .
ﻣﺴﺎﻋﺪ ﺑﺈﺳﺘﻐﺮﺍﺏ: ﻣﻦ ﺃﺣﻤﺪ؟
ﻣﺤﻤﺪ ﻭﺧﻼﺹ ﺑﻐﻰ ﻳﻤﻮﺕ: ﺭﺋﻴﺲ ﻣﺠﻠﺲ ﺇﺩﺍﺭﺓ ﺷﺮﻛﺘﻨﺎ ﺍﻟﺴﺎﻓﻞ .
ﻣﺴﺎﻋﺪ: ﻭﺵ ﻫﻮ ﻣﺴﻮﻱ؟
ﻣﺤﻤﺪ ﻭﻫﻮﻣﺘﻘﻄﻊ ﻣﻦ ﺍﻟﺼﻴﺎﺡ: ﺗﺬﻛﺮ ﺫﻳﻚ ﺍﻟﻠﻴﻠﻪ ﺍﻟﻠﻪ ﻻﻳﺬﻛﺮﻫﺎ ﺑﺎﻟﺨﻴﺮ .. ﻳﻮﻡ ﻋﺰﻣﻨﺎﻩ
ﻋﻨﺪﻧﺎ ﺑﺎﻟﺒﻴﺖ .
ﻣﺴﺎﻋﺪ :ﺇﻳﻪ ﺃﺫﻛﺮ ﻃﻴﺐ ﻭﺵ ﺍﻟﻤﺸﻜﻠﻪ؟
ﻣﺤﻤﺪ ﻭﻗﺪ ﺇﻧﻬﺎﺭ: ﺇﺧﺘﻲ ﻋﺒﻴﺮ ﻓﺘﺤﺖ ﻟﻪ ﺍﻟﺒﺎﺏ ﻭﺷﺎﻓﻬﺎ ﻭﺇﺳﺘﺨﻒ ﻋﻠﻴﻬﺎ ﻭﺇﻧﺖ ﻋﺎﺭﻑ
ﺇﻧﻬﺎ ﻣﺎﺗﻐﻄﻰ؟
ﻣﺴﺎﻋﺪ:ﺇﻳﻪ ﻫﻲ ﻣﻮﺏ ﻋﻤﺮﻫﺎ 12 ﺳﻨﻪ .. ﻃﻴﺐ ﻭﺵ ﻟﻮﻥ ﺇﺳﺘﺨﻒ ﻋﻠﻴﻬﺎ ﻣﺎﻓﻬﻤﺖ؟
ﻣﺤﻤﺪ: ﻫﺎﻟﺤﻘﻴﺮ ﺇﺫﺍ ﺿﻤﻦ ﺇﻧﻲ ﻭﺻﻠﺖ ﺍﻟﺸﺮﻛﻪ ﺟﺎﺀ ﻟﻠﺒﻴﺖ ﻭﺟﺎﺏ ﻟﻬﺎ ﻫﺪﺍﻳﺎ ﻭﺣﻠﻮﻳﺎﺕ
ﻭﻛﺎﻥ ﻳﻮﺻﻴﻬﺎ ﺇﻧﻪ ﺇﺫﺍ ﻋﻠﻤﺖ ﻣﺎﺭﺍﺡ ﻳﺠﻴﺐ ﻟﻪ ﺷﻲ ﻭﻏﻴﺮ ﻛﺬﺍ ﻛﺎﻥ ﻳﺨﻮﻓﻬﺎ ﻣﻨﻲ؟
ﻣﺴﺎﻋﺪ : ﻳﻠﻌﻦ ﺷﻜﻠﻪ ﺍﻟﻮﺍﻃﻲ ﻭﺑﻌﺪﻳﻦ ﻭﺵ ﺻﺎﺭ؟
ﻣﺤﻤﺪ ﻭﺑﺼﻴﺎﺡ: ﺃﻣﺲ ﺃﺧﺬﻫﺎ ﻣﻦ ﺍﻟﺒﻴﺖ ﻭﻛﺬﺏ ﻋﻠﻴﻬﺎ ﻭﻗﺎﻝ ﻟﻬﺎ ﻣﺤﻤﺪ ﺑﺎﻟﻤﺴﺘﺸﻔﻰ
ﻳﺒﻲ ﻳﺸﻮﻓﻚ ﻗﺒﻞ ﻣﺎﻳﻤﻮﺕ ﻭﺭﺍﺡ ﺃﺧﺬﻫﺎ ﻟﺸﻘﺘﻪ .
ﻣﺴﺎﻋﺪ ﻣﺼﻌﻮﻕ: ﺗﻜﻔﻰ ﻗﻞ ﻏﻴﺮ ﻫﺎﻟﺤﻜﻲ .. ﻟﺸﻘﺘﻪ؟؟
ﻣﺤﻤﺪ: ﺃﻧﺎ ﻣﻦ ﺍﻟﺼﺒﺢ ﻛﺎﻥ ﻧﺎﻏﺰﻧﻲ ﻗﻠﺒﻲ ﻣﺪﺭﻱ ﻟﻴﺶ .. ﻳﺎﻣﺴﺎﻋﺪ ﻋﺒﻴﺮ ﻣﺜﻞ ﺑﻨﺘﻲ ﻣﺎﻛﺄﻧﻬﺎ
ﺃﺧﺖ .. ﺃﻧﺎ ﺍﻟﻠﻲ ﺭﺑﻴﺘﻬﺎ ﺑﻌﺪ ﻣﺎﺗﻮﻓﻮﺍ ﺃﻫﻠﻲ ﺑﺲ ﻟﻸﺳﻒ ﻣﺎﺃﺟﻴﺪ ﺍﻟﺘﺮﺑﻴﻪ .
ﻣﺴﺎﻋﺪ: ﺗﻌﻮﺫ ﻣﻦ ﺇﺑﻠﻴﺲ .. ﺃﺧﺘﻚ ﺗﻮﻩ ﺻﻐﻴﺮﻩ ..ﺑﻌﺪﻳﻦ ﻭﺵ ﺻﺎﺭ؟
( ﻣﺤﻤﺪ ﺧﻼﺹ ﺇﻧﻬﺎﺭ ﻭﻗﻌﺪ ﻳﻀﻤﻨﻲ ﺑﻘﻮﻩ ﻭﻫﻮ ﻳﺼﻴﺢ )
ﻣﺤﻤﺪ: ﺇﺗﺼﻠﺖ ﺑﺎﻟﺒﻴﺖ ﻭﻣﺤﺪ ﻳﺮﺩ .. ﺗﺬﻛﺮﺕ ﺇﻧﻲ ﺃﺩﻕ ﻋﻠﻰ ﺟﻮﺍﻝ ﺍﻟﺨﺪﺍﻣﻪ .. ﺭﺩﺕ
ﻭﻗﺎﻟﺖ ﺇﻧﻬﺎ ﻣﺎﺗﺪﺭﻱ ﻋﻦ ﻋﺒﻴﺮ ..ﻭﺇﻧﺘﻈﺮﺕ ﻋﻨﺪ ﺑﺎﺏ ﺍﻟﺸﺎﺭﻉ ﺇﻟﻴﻦ ﻣﺎﺟﺎﺀ
ﺍﻟﻔﺠﺮ .. ﻭﻣﺎﺩﺭﻳﺖ ﺇﻻ ﻫﻮ ﺑﻜﻞ ﺛﻘﻪ ﻭﺟﺮﺃﻩ ﻣﻨﺰﻟﻬﺎ ﻭﻫﻲ ﺗﺒﻜﻲ ﻭﻣﻼﺑﺴﻬﺎ ﻣﺸﻘﻘﻪ
ﻭﺣﺎﻟﺘﻬﺎ ﺗﺨﺮﻉ .. ﻭﻋﻠﻤﺘﻨﻲ ﺑﻜﻞ ﺷﻲ .. ﻳﺎﻣﺴﺎﻋﺪ ﺃﺣﻤﺪ ﺇﻏﺘﺼﺒﻬﺎ .. ﻭﺭﺣﺖ ﺛﺒﺖ ﺍﻟﺤﺎﻟﻪ
ﺑﺎﻟﻤﺴﺘﺸﻔﻰ ﻭﻫﺬﺍﻧﻲ ﺟﻴﺘﻚ .
ﻣﺴﺎﻋﺪ ﻛﺄﻧﻪ ﺃﺻﺎﺏ ﺑﺸﻠﻞ : ﺍﻟﺴﺎﻓﻞ ﻭﺻﻠﺖ ﻓﻴﻪ ﻛﺬﺍ .
ﻣﺤﻤﺪ ﻭﺷﻴﺎﻃﻴﻨﻪ ﻛﻠﻬﺎ ﻃﻠﻌﺖ:ﻭﺍﻟﻠﻪ ﻷﺧﻠﻲ ﺟﻨﺎﺯﺗﻪ ﻋﻠﻲ ﻳﺪﻱ .. ﻷﺫﺑﺤﻪ ﺍﻟﻮﺍﻃﻲ .. ﺩﻣﺮ
ﻫﺎﻟﻤﺴﻜﻴﻨﻪ ﻭﺩﻣﺮ ﺳﻤﻌﺘﻲ .
( ﻣﺤﻤﺪ ﻓﻘﺪ ﺍﻟﺴﻴﻄﺮﻩ ﻋﻠﻰ ﻧﻔﺴﻪ ﻭﻗﻌﺪ ﻳﻀﺮﺏ ﻓﻲ ﻧﻔﺴﻪ ﺍﻟﺠﺪﺍﺭ ﻣﺜﻞ ﺍﻟﻤﺠﻨﻮﻥ )
ﻣﺴﺎﻋﺪ: ﻣﺎﻓﻴﻪ ﺣﻞ ﺇﻻ ﺍﻟﺸﺮﻃﻪ .. ﻳﻌﻨﻲ ﻭﺵ ﺑﺘﺴﺘﻔﻴﺪ ﻻﺫﺑﺤﺘﻪ .
ﻣﺤﻤﺪ ﻭﻫﻮ ﻣﻴﺖ ﻣﻦ ﺍﻟﻘﻬﺮ: ﻭﺍﺣﺪ ﻣﺜﻠﻪ ﻳﻤﺸﻲ ﻭﻳﻐﺘﺼﺐ ﻭﻫﻮ ﻭﺍﺛﻖ ﻭﻋﺎﺭﻑ ﺇﻥ
ﺍﻟﻮﺍﺳﻄﻪ ﺑﺘﻄﻠﻌﻪ ﺑﻌﺪ ﺷﻬﺮﻳﻦ ﻭﺇﻥ ﻛﺜﺮﺕ ﺳﺖ ﺷﻬﻮﺭ .. ﺍﻟﻠﻲ ﻣﺜﻠﻪ ﺣﺮﺍﻡ ﻳﻌﻴﺶ .
ﻣﺴﺎﻋﺪ: ﺗﻌﻮﺫ ﻣﻦ ﺇﺑﻠﻴﺲ .. ﻳﺎﺃﺧﻮﻱ ﻣﺎﺭﺍﺡ ﺗﺴﺘﻔﻴﺪ ﻏﻴﺮ ﺇﻧﻚ ﺗﺪﻣﺮ ﻣﺴﺘﻘﺒﻠﻚ ﻭﻋﺒﻴﺮ ﺭﺍﺡ
ﺗﻀﻴﻊ ﻣﻦ ﺑﻌﺪﻙ ﻭﺃﻻ ﺭﺍﺡ ﺗﺨﻠﻴﻬﺎ ﻋﺎﻟﻪ ﻋﻠﻰ ﺍﻟﻨﺎﺱ .
ﻣﺤﻤﺪ:ﻳﺎﻟﻴﺘﻨﻲ ﻣﺖ ﻗﺒﻞ ﻫﺎﻟﻔﻀﻴﺤﻪ .. ﺑﺬﺑﺢ ﻧﻔﺴﻲ ﻭﺑﺬﺑﺤﻬﺎ ﻣﻌﻲ ﻭﻧﻔﺘﻚ .
ﻣﺴﺎﻋﺪ : ﺇﺳﻤﻊ ﺗﺪﺧﻞ ﺍﻟﻨﺎﺭ ﻋﻠﺸﺎﻥ ﻭﺍﺣﺪ ﺣﻘﻴﺮﻣﺜﻠﻪ ﺑﺲ ﺍﻟﻘﻀﻴﻪ ﻻﺯﻡ ﻧﺜﺒﺘﻬﺎ ﺑﻤﺤﻀﺮ .
))ﺑﻴﻨﻲ ﻭﺑﻴﻨﻜﻢ ﻭﺍﻟﻠﻪ ﻣﻮﺏ ﺇﻧﻘﻬﺮﺕ ﻭﺭﺑﻲ ﺇﻧﻲ ﻧﻮﻳﺖ ﺃﺭﺗﻜﺐ ﺟﺮﻳﻤﻪ .. ﺑﺲ ﻣﺎﺑﻐﻴﺖ
ﺃﺯﻳﺪ ﻋﻠﻰ ﻣﺤﻤﺪ )
ﻣﺴﺎﻋﺪ: ﺃﺑﻮﺣﻤﻴﺪ ﺗﻮﻛﻞ ﻋﻠﻰ ﺍﻟﻠﻪ ﻭﻣﺎﺭﺍﺡ ﻳﻀﻴﻊ ﺣﻖ ﻭﺭﺍﻩ ﻣﻄﺎﻟﺐ ..ﻭﺍﻟﻠﻪ ﻻﻧﻮﺭﻳﻪ
ﻧﺠﻮﻡ ﺍﻟﻘﻮﺍﻳﻞ ﻟﻜﻦ ﺗﻜﻔﻰ ﻻﺗﺠﻴﺐ ﺍﻟﻔﻀﺎﻳﺢ ﻷﺧﺘﻚ ﺍﻟﻤﺴﻜﻴﻨﻪ .
ﻣﺤﻤﺪ: ﻭﻫﺬﺍ ﺍﻟﻠﻲ ﻗﺎﻫﺮﻧﻲ ﺇﻥ ﻣﺎﻟﻬﺎ ﺫﻧﺐ .
ﻣﺴﺎﻋﺪ: ﺧﻠﻨﺎ ﻧﺮﻭﺡ ﻟﻠﺸﺮﻃﻪ ﻫﺎﻟﺤﻴﻦ .
ﻭﻫﺬﺍ ﺍﻟﻠﻲ ﺳﻮﻳﻨﺎﻩ ﺭﺣﻨﺎ ﻭﺛﺒﺘﻨﺎ ﺍﻟﻘﻀﻴﻪ ..ﻭﻣﺎﻗﺪﺭﺕ ﺃﺧﻠﻲ ﻣﺤﻤﺪ ﺑﻬﺎﻟﺤﺎﻟﻪ ﻋﻠﺸﺎﻥ ﻛﺬﺍ
ﺧﻠﻴﺘﻪ ﻳﻨﺎﻡ ﻋﻨﺪﻱ ﻭﻗﻔﻠﺖ ﺑﺎﺏ ﺍﻟﺒﻴﺖ ﺧﻔﺖ ﺇﻧﻪ ﻳﻄﻠﻊ .. ﻭﻋﺒﻴﺮ ﺧﻠﻴﺘﻬﺎ ﺗﻨﺎﻡ ﻋﻨﺪ ﻧﻮﻑ
ﺃﺧﺘﻲ .
ﺇﺗﺨﺬﺕ ﺍﻟﻤﺤﻜﻤﻪ ﺇﺟﺮﺁﺗﻬﺎ ﺑﺲ ﻣﺎﻗﺪﺭﺕ ﺗﻌﻮﺽ ﻣﺤﻤﺪ ﻋﻦ ﺷﻌﻮﺭ ﺍﻷﻟﻢ .
ﻟﻤﻮﻱ ﺩﻗﺖ ﻋﻠﻲ ﻷﻥ ﻓﻌﻼ ﻗﻄﻌﺘﻬﺎ .. ﻋﻠﻤﺖ ﻟﻤﻰ ﺑﺎﻟﺴﺎﻟﻔﻪ .. ﻟﻤﻰ ﻳﻮﻡ ﺩﺭﺕ ﻋﺼﺒﺖ
ﻭﺭﺍﺣﺖ ﺇﺳﺘﺄﺫﻧﺖ ﻣﺤﻤﺪ ﺇﻧﻬﺎ ﺗﺒﻲ ﺗﻔﻀﺤﻬﻢ ﻭﻋﻠﻰ
ﻗﻮﻟﺘﻬﺎ ﻟﻴﺶ ﻋﻠﻰ ﺑﺎﻟﻬﻢ ﺑﻨﺎﺕ
ﺍﻟﻨﺎﺱ ﻣﺎﻭﺭﺍﻫﻢ ﺃﺣﺪ .. ﻣﺤﻤﺪ ﻭﺍﻓﻖ ﻣﻊ ﺇﻧﻪ ﻣﻮﺏ ﻣﻘﺘﻨﻊ ﻷﻥ ﻋﻠﻰ ﻗﻮﻟﺘﻪ ﻫﺎﻟﺒﻨﺖ ﻭﺵ
ﺑﺘﺴﻮﻱ ﺇﺫﺍ ﺣﻨﺎ ﻳﺎﺭﺟﺎﻝ ﻣﺎﻗﺪﺭﻧﺎ ﻧﺴﻮﻱ ﺷﻲ .. ﺑﺲ ﻟﻤﻰ ﻃﻠﻌﺖ ﻋﻦ ﻋﺸﺮ ﺭﺟﺎﻝ .. ﻟﻤﻰ
ﻛﺘﺒﺖ ﺗﻘﺮﻳﺮ ﻛﺎﻣﻞ ﻭﺧﻄﻴﺮ ﺳﻮﻯ ﺿﺠﻪ ﺇﻋﻼﻣﻴﻪ ﻭﺧﻠﺖ ﺷﺮﻳﺤﻪ ﻛﺒﻴﺮﻩ ﻣﻦ ﺍﻟﻨﺎﺱ
ﻳﺘﻔﺎﻋﻠﻮﻥ ﻣﻊ ﺍﻟﻘﻀﻴﻪ ﻟﺪﺭﺟﺔﺇﻥ ﻣﺤﻤﺪ ﻳﻮﻡ ﻗﻌﺪ ﻳﻘﺮﺃ ﺭﺩﻭﺩ ﺍﻟﻘﺮﺍﺀ ﻭﺍﻟﻤﺴﺆﻭﻟﻴﻦ ﺍﻟﻜﺒﺎﺭ
ﺗﺄﺛﺮ ﻭﺇﺭﺗﺎﺡ ..
ﻟﻤﻰ ﻛﺘﺒﺖ ﻣﻘﺎﻝ ﺑﻌﻨﻮﺍﻥ " ﻋﻨﺪﻣﺎ ﻳﻐﺘﺼﺐ ﻭﺍﻟﺪﻙ ﺇﺑﻨﺘﻚ ﻳﺎﺗﺮﻯ ﻣﺎﺫﺍ ﺳﺘﻔﻌﻞ"
ﻭﺍﻟﻤﻘﺎﻝ ﻛﺎﻥ ﻳﺘﻜﻠﻢ ﻋﻦ ﻗﺼﺔ ﻣﺤﻤﺪ ﻭﺃﺧﺘﻪ .. ﻭﺑﺪﺃﺗﻬﺎ ﺑﻄﺮﻳﻘﻪ ﺑﻘﻮﻩ ﻣﺆﺛﺮﻩ .. ﻣﺎﺫﺍ ﺗﻔﻌﻞ
ﻟﻮ ﻭﺍﻟﺪﻙ ﺍﻟﺬﻱ ﺗﺜﻖ ﻓﻴﻪ ﻭﺍﻟﻠﻲ ﺗﺤﻤﻞ ﻣﺴﺆﻭﻟﻴﺔ ﺗﺮﺑﻴﺘﻚ ﻭﺃﻣﺎﻧﺔ ﺍﻟﻤﺴﺆﻭﻟﻴﻪ ﻛﻴﻒ ﻟﻮ
ﺧﺎﻧﻬﺎ ﻭﺇﻏﺘﺼﺐ ﺇﺑﻨﺘﻚ ﺍﻟﻠﻲ ﺃﻣﻨﺘﻬﺎ ﺑﻴﻦ ﻳﺪﻳﻪ .. ﻭﺷﺒﻬﺖ ﺍﻟﻮﺍﻟﺪ ﺑﺎﻟﻤﺴﺆﻭﻝ ﺍﻟﻜﺒﻴﺮ ﺍﻟﺬﻱ
ﺣﻤﻞ ﻋﻠﻰ ﻋﺎﺗﻘﻪ ﺃﻣﺎﻧﺔ ﺍﻟﻤﺴﺆﻭﻟﻴﻪ ﻟﻤﻦ ﻫﻢ ﻳﺘﻌﺒﻮﻧﻪ ﻭﻛﻴﻒ ﻳﺨﻮﻧﻬﺎ ﻭﻳﻄﻌﻨﻚ ﺑﺸﺮﻓﻚ
ﻣﺎﺫﺍ ﺳﺘﻔﻌﻞ ﺣﻴﻨﻬﺎ؟
ﻣﻘﺎﻝ ﻟﻤﻰ ﻛﺎﻥ ﺭﺍﺋﻊ ﻭﺷﺮﺣﺖ ﻛﻞ ﺷﻲ ﺑﺎﻟﺘﻔﺼﻴﻞ ﻭﺍﻟﻄﺮﻳﻘﻪ ﺍﻟﻠﻲ ﺷﺮﺣﺖ ﻓﻴﻬﺎ ﻟﻤﻰ
ﺍﻟﻘﻀﻴﻪ ﺗﺪﻣﻲ ﺍﻟﻘﻠﺐ ... ﻭﺍﻟﺤﻤﺪﺍﻟﻠﻪ ﺭﺩﻭﺩ ﺭﺟﺎﻝ ﺍﻟﺪﻳﻦ ﻭﺍﻟﻨﺎﺱ ﺍﻟﻤﺜﻘﻔﻪ
ﻭﺍﻷﻃﺒﺎﺀﺍﻟﻤﺘﺨﺼﺼﻴﻦ ﺃﻋﻄﺖ ﻣﺤﻤﺪ ﻋﺰﻡ ﻭﺛﺒﺎﺕ ﺇﻧﻪ ﻳﻌﺎﻟﺞ ﺍﻟﻤﺸﻜﻠﻪ ﺍﻟﻠﻲ ﺻﺎﺭﺕ
ﺑﻮﻋﻲ ﻭﺗﺪﺍﺭﻙ ﻟﻠﻤﻮﻗﻒ ﺑﺈﻳﻤﺎﻥ ﺃﻥ ﺍﻟﻠﻪ ﻣﻊ ﺍﻟﻤﻈﻠﻮﻡ .. ﻭﺃﻱ ﺭﺩﻭﺩ ﻣﻦ ﺍﻟﻘﺮﺍﺀ ﻛﺎﻧﺖ ﻟﻤﻰ
ﺗﺮﺳﻠﻬﺎ ﻋﻠﻰ ﻃﻮﻝ ﻟﻤﺤﻤﺪ ﺇﻟﻴﻦ ﻣﺎﺇﺳﺘﻌﺎﺩ ﻣﺤﻤﺪ ﻋﻘﻠﻪ ﻭﺇﺗﺰﺍﻧﻪ ..
ﻭﺫﺍﻙ ﺍﻟﻴﻮﻡ ﺟﺎﻧﻲ ﻣﺤﻤﺪ ﻓﻲ ﺍﻟﺒﻴﺖ ..
ﻣﺤﻤﺪ:ﻭﺍﻟﻠﻲ ﺧﻠﻘﻨﻲ ﻣﻦ ﺍﻟﻌﺪﻡ ﻣﺎﻓﻴﻪ ﺷﻲ ﻳﻮﻓﻴﻚ ﺇﻧﺖ ﻭﻟﻤﻰ ﻫﺎﻹﻧﺴﺎﻧﻪ ﺍﻟﻌﻈﻴﻤﻪ .
ﻣﺴﺎﻋﺪ: ﺃﻗﻮﻝ ﺇﻧﺜﺒﺮ ﻣﺎﻓﻴﻪ ﻫﺎﻟﺨﺮﺍﺑﻴﻂ ﺑﻴﻦ ﺍﻷﺧﻮﺍﻥ .
ﻣﺤﻤﺪ ﻭﺑﺈﺑﺘﺴﺎﻣﻪ: ﺍﻟﻠﻪ ﻳﻮﻓﻘﻜﻢ .. ﻭﺭﺑﻲ ﻣﺎﺭﺍﺡ ﺃﻧﺴﻰ ﻟﻬﺎ ﻭﻗﻔﺘﻬﺎ ﻃﻮﻝ ﺣﻴﺎﺗﻲ .
ﻣﺴﺎﻋﺪ : ﻻﺣﻮﻝ ﻣﺎﻟﻪ ﺩﺍﻋﻲ ﻫﺎﻟﻬﺮﺝ .. ﻟﻤﻰ ﻣﺎﺳﻮﺕ ﻏﻴﺮ ﺍﻟﻮﺍﺟﺐ .
ﻣﺤﻤﺪ: ﻣﺴﺎﻋﺪ ﺇﻻ ﺑﻐﻴﺖ ﺃﻗﻮﻟﻚ ﺧﺒﺮ ﻭﻣﺪﺭﻱ ﻭﺵ ﻟﻮﻥ ﺑﺄﻗﻮﻟﻪ ﺑﺲ ﻻﺯﻡ ﺗﻔﻬﻢ ﻣﻮﻗﻔﻲ .
ﻣﺴﺎﻋﺪ ﻭﺑﺘﺮﻗﺐ:ﻋﺴﻰ ﻣﺎﺷﺮ؟
ﻣﺤﻤﺪ: ﻗﺮﺭﺕ ﺃﻫﺎﺟﺮ ﻷﻣﺮﻳﻜﺎ ﺃﻧﺎ ﻭﺇﺧﺘﻲ .. ﻭﺩﻱ ﺃﻋﺎﻟﺠﻬﺎ ﺑﺼﺮﺍﺣﻪ ﻳﺎﻣﺴﺎﻋﺪ ﺟﺎﻫﺎ
ﺇﺿﻄﺮﺍﺏ ﻧﻔﺴﻲ ﻭﻣﻮﺏ ﺣﻠﻮ ﻭﻫﻲ ﻃﻔﻠﻪ ﺃﺷﻮﻓﻬﺎ ﺗﻌﺎﻧﻲ ﻭﺗﻜﻮﻥ ﺿﺤﻴﻪ ﻟﺸﻲ ﻫﻲ ﻣﺎﻟﻬﺎ
ﺫﻧﺐ ﻓﻴﻪ .. ﻭﺇﺫﺍ ﺗﺒﻲ ﺍﻟﺼﺮﺍﺣﻪ ﺃﻛﺜﺮ ﺃﻧﺎ ﻭﺩﻱ ﺃﻛﻤﻞ ﺩﺭﺍﺳﺘﻲ ﺍﻟﺠﺎﻣﻌﻴﻪ ﻫﻨﺎﻙ ﻭﺃﺑﻲ
ﺃﺩﺧﻞ ﻣﺤﺎﻣﺎﻩ .
ﻣﺴﺎﻋﺪ ﻭﺑﺘﺮﺩﺩ : ﻣﺤﻤﺪ ﻟﻜﻦ ...
( ﺑﺼﺮﺍﺣﻪ ﻣﺎﻗﺪﺭﺕ ﺃﻛﻤﻞ ﻛﻼﻣﻲ .. ﺧﻨﻘﺘﻨﻲ ﺍﻟﻌﺒﺮﻩ ﻭﻭﺩﻱ ﺃﻗﻮﻝ ﻳﺎﻣﺤﻤﺪ ﺣﻴﺎﺗﻲ ﺑﺪﻭﻧﻚ
ﻣﺎﺗﺴﻮﻯ .. ﻟﻜﻦ ﺣﺮﺍﻡ ﺃﺻﻴﺮ ﺃﻧﺎﻧﻲ ﺧﻠﻪ ﻳﺸﻮﻑ ﻣﺴﺘﻘﺒﻠﻪ ﻭﻏﻴﺮ ﻛﺬﺍ ﺇﺧﺘﻪ ﻓﻲ ﺣﺎﺟﺘﻪ
ﺃﻛﺜﺮ ﻣﻨﻲ )
ﻣﺤﻤﺪ: ﺗﻜﻔﻰ ﻳﺎﻟﻐﺎﻟﻲ ﻗﺪﺭ ﻣﻮﻗﻔﻲ .
ﻣﺴﺎﻋﺪ ﻭﺑﺸﻬﺎﻣﻪ : ﺑﻤﻮﻗﻔﻚ ﻫﺬﺍ ﺃﺛﺒﺖ ﻟﻲ ﺇﻧﻚ ﻭﻟﺪ ﺭﺟﻞ ﻭﺷﻬﻢ .. ﺍﻟﻠﻪ ﻳﺴﻬﻞ ﺩﺭﻭﺑﻚ
ﻭﺃﻧﺎ ﻭﺇﻧﺖ ﻳﺎﻣﺤﻤﺪ ﻣﺎﻳﻔﺮﻗﻨﺎ ﺇﻻ ﺍﻟﻤﻮﺕ .. ﺑﺲ ﻭﺩﻱ ﺃﻃﻠﺐ ﻃﻠﺐ .
ﻣﺤﻤﺪ ﻭﺑﻔﺮﺡ: ﺇﻧﺖ ﺗﺄﻣﺮ ﺃﻣﺮ ﻳﺎﺃﺧﻮﻱ .
ﻣﺴﺎﻋﺪ: ﻭﺩﻱ ﺃﺧﻄﺒﻚ ﻷﺧﺘﻲ ﻧﻮﻑ .
ﻣﺤﻤﺪ ﻭﺑﺬﻫﻮﻝ: ﺃﻧﺎ ...ﻧﻮﻑ ..
ﻣﺴﺎﻋﺪ: ﺇﻳﻪ ﻳﺎﻣﺤﻤﺪ ﺃﻧﺎ ﺷﺎﻭﺭﺗﻬﺎ ﻭﻫﻲ ﻣﺎﻋﻨﺪﻫﺎ ﻣﺎﻧﻊ ﻭﺗﻘﻮﻝ ﻣﺎﺭﺍﺡ ﺗﻼﻗﻲ ﺃﺣﺴﻦ
ﻣﻨﻚ .. ﺑﺲ ﺑﻘﻰ ﺭﺃﻳﻚ .
ﻣﺤﻤﺪ ﻭﻫﻮ ﻣﺘﺸﻘﻖ ﻣﻦ ﺍﻟﻮﻧﺎﺳﻪ: ﻧﻮﻑ ﻣﺮﻩ ﻭﺣﺪﻩ .. ﺗﻜﻔﻰ ﻗﻞ ﺇﻧﻲ ﺃﺣﻠﻢ .
ﻣﺴﺎﻋﺪ ﻭﺑﻀﺤﻚ: ﺇﺫﺍ ﻣﺎﺗﺒﻲ ﺇﻋﺘﺒﺮﻩ ﺳﺮﺍﺏ ﺑﺎﻟﺼﻴﻒ .
ﻣﺤﻤﺪ ﻭﻫﻮ ﻣﻌﺼﺐ: ﺇﺳﻤﻊ ﻻﺗﻤﺰﺡ ﻣﻌﻲ ﺑﻬﺎﻟﺴﻮﺍﻟﻒ .
ﻣﺴﺎﻋﺪ ﻭﻫﻮ ﻣﻴﺖ ﻣﻦ ﺍﻟﻀﺤﻚ: ﻭﺭﺑﻲ ﻣﺎﺃﻣﺰﺡ ﻟﻮ ﺗﺒﻴﻨﺎ ﻧﻤﻠﻚ ﻫﺎﻟﺤﻴﻦ .
ﻣﺤﻤﺪ ﻧﻂ ﻣﻦ ﺍﻟﻔﺮﺣﻪ ﻭﺣﺐ ﺭﺃﺱ ﻣﺴﺎﻋﺪ: ﺗﻔﺪﺍﻙ ﺭﻭﺣﻲ ﻳﺎﺃﺑﻮ ﺟﺮﺡ .
ﻣﺴﺎﻋﺪ: ﻟﻴﺶ ﻣﺎﻗﻠﺖ ﻟﻲ ﺇﻧﻚ ﺗﺤﺐ ﻧﻮﻑ .. ﺃﻧﺎ ﺩﺍﺭﻱ ﻣﻦ ﺯﻣﺎﻥ ﺑﺲ ﻛﻨﺖ ﺃﺑﻴﻚ ﺗﻌﻠﻤﻦ .
ﻣﺤﻤﺪ ﻭﻫﻮ ﻣﺘﻔﺸﻞ:ﻭﺍﻟﻠﻪ ﻣﻦ ﺯﻣﺎﻥ ﻛﺎﻥ ﻭﺩﻱ ﺃﻗﻮﻝ ﻟﻚ ﺑﺲ ﻣﺎﻛﻨﺖ ﺃﺑﻴﻚ ﺗﻔﻬﻢ
ﻋﻼﻗﺘﻲ ﺑﻚ ﻏﻠﻂ ﻭﺗﺘﻮﻗﻊ ﺇﻧﻲ ﺻﺎﺩﻗﺘﻚ ﻋﻠﺸﺎﻥ ﺃﺧﺘﻚ .
ﻣﺴﺎﻋﺪ:ﻭﺍﻟﻠﻪ ﺇﻧﻚ ﻳﻮﻡ ﻋﻦ ﻳﻮﻡ ﺗﻜﺒﺮ ﺑﻌﻴﻨﻲ ﻭﺗﺜﺒﺖ ﻟﻲ ﺇﻧﻚ ﺃﺻﻴﻞ ﻭﻣﻌﺪﻧﻚ ﺫﻫﺐ .
ﻣﺤﻤﺪ: ﺍﻟﻠﻪ ﻳﺨﻠﻴﻨﺎ ﻣﻊ ﺑﻌﺾ ﻳﺎﺃﺧﻮﻱ .
ﻣﺴﺎﻋﺪ ﻭﺑﺴﺨﺮﻳﻪ: ﺁﻣﻴﻦ ﻳﺎﺭﺏ .. ﺑﺲ ﻣﺪﺭﻱ ﻳﺎﻣﺤﻤﺪ ﺇﻧﺖ ﻣﻮﺍﻓﻖ ﺃﺗﺰﻭﺝ ﻟﻤﻰ؟
ﻣﺤﻤﺪ ﺑﻀﺤﻜﻪ:ﻭﺍﻟﻠﻪ ﻟﻮ ﻣﺎﺗﺰﻭﺟﺘﻬﺎ ﺇﻧﺖ ﻷﺗﺰﻭﺟﻬﺎ ﺃﻧﺎ .
ﻣﺴﺎﻋﺪ ﻭﺑﺘﻬﻜﻢ: ﺑﺲ ﺗﺮﺍﻫﺎ ﺻﺤﻔﻴﻪ .
ﻣﺤﻤﺪ: ﺗﺪﺭﻱ ﻳﺎﺇﻧﻲ ﻛﻨﺖ ﺣﺎﻗﺪ ﻋﻠﻰ ﺍﻟﺼﺤﺎﻓﻪ ﺑﺸﻜﻞ ﺟﻨﻮﻧﻲ .. ﺑﺲ ﻏﻴﺮﺕ ﺭﺃﻳﻲ ﺑﻌﺪ
ﻣﺎﺗﻌﺎﻣﻠﺖ ﻣﻊ ﻟﻤﻰ .
ﻣﺴﺎﻋﺪ : ﺩﻋﻮﺍﺗﻲ ﻟﻚ ﺑﺎﻟﺘﻮﻓﻴﻖ .
ﻣﺤﻤﺪ: ﺍﻟﻠﻪ ﻻﻳﺤﺮﻣﻨﺎ ﻣﻦ ﺑﻌﺾ .
( ﺃﻧﺎ ﻭﻣﺤﻤﺪ ﺗﺰﻭﺟﻨﺎ ﺑﻠﻴﻠﻪ ﻭﺣﺪﻩ .. ﻭﺭﺍﺡ ﻗﻀﻰ ﺷﻬﺮ ﺍﻟﻌﺴﻞ ﺑﺄﻣﺮﻳﻜﺎ ..ﺃﻣﺎ ﺃﻧﺎ ﻭﻟﻤﻰ
ﻗﻀﻴﻨﺎ ﺷﻬﺮ ﺍﻟﻌﺴﻞ ﻓﻲ ﺑﻴﺘﻨﺎ ﺍﻟﺸﻌﺒﻲ ﺍﻟﻘﺪﻳﻢ ﺑﻘﺮﻳﺘﻨﺎ ..ﻛﺎﻧﺖ ﻣﻦ ﺃﺟﻤﻞ ﺳﻨﻴﻦ
ﺣﻴﺎﺗﻲ .. ﺻﺎﺭ ﻋﻨﺪﻱ ﺑﻨﺖ ﻭﻋﻤﺮﻫﺎ 4 ﺳﻨﻮﺍﺕ ﻭﺳﻤﻴﺘﻬﺎ ﺑﻨﺎﻥ ..ﺃﻣﺎ ﻣﺤﻤﺪ ﻓﺰﻭﺟﺘﻪ ﺗﻮﻫﺎ
ﺣﺎﻣﻞ ..ﻭﺍﻟﺨﺒﺮ ﺍﻟﻠﻲ ﻣﺮﻩ ﻳﻔﺮﺡ ﻋﺒﻴﺮ ﺃﺧﺖ ﻣﺤﻤﺪ ﻣﻠﻜﺖ ﻋﻠﻰ ﺻﺪﻳﻖ ﻣﺤﻤﺪ ﺑﺎﻟﺠﺎﻣﻌﻪ
ﻭﻫﻮ ﺇﻧﺴﺎﻥ ﻣﺮﻩ ﺧﻠﻮﻕ ﻭﻭﺍﻋﻲ ﻭﻋﺮﻑ ﺳﺎﻟﻔﺘﻬﺎ ﻭﺗﻘﺒﻞ ﺍﻟﻤﻮﺿﻮﻉ ﻷﻥ ﻋﺎﺭﻑ ﺇﻧﻬﺎ
ﻣﻈﻠﻮﻣﻪ .. ﻫﺬﻱ ﻗﺼﺘﻲ ﻗﺼﺔ ﻣﺴﺎﻋﺪ ﺍﻟﻌﺎﺷﻖ ﺍﻟﺒﺪﻭﻱ )
ﺑﻘﻠﻢ / #ﺳﺘﻴﻔﺎﻧﻪ_ﺍﻟﻄﺎﺋﻴﻪ
*ـــــــ((( @ahgeel )))ـــــــ*
~*_❀{‹‹وصلنا للنهاية››}❀_*~
〰️〰️〰️〰️〰️〰️〰️〰️〰️〰️
*❴📝❵↵تنسيق:ادارة قناة عالم الـقصص والروايات 🌸✨*
*❴✔❵↵القناة لنشر ٲحدث الروايات بكل الانواع واللهجات 🤍🖇️*
*❴📖❵↵ان كنت من مدمني الروايات مكانك عندنا..لا تتردد لا نرد احد↫♾*
*❴💭❵↵تحت ٳشراف : ادارة القناة.*
*❴☏❵↵لطلب رواية او مشاركة رائيك بالرواية راسلني على بوت القناة*
_. *⁽ @ahgeelbot ₎* 🌀✨_
*❴♥❵↵نتمنى ان نقدم لكم الافضل دائماً ♥*
دمتم بود
....والقادم اجمل بإذن الله...
#اللهـم_صلي_على_سيدنا_محمد_ﷺ_وعلى_آل_سيدنا_محمد
➣➣➢➣➣↯↯↯↯➣➣➣➣
#قناتنا على التلجرام👇👇
*((عالم القصص والروايات ⇐ @ahgeel ))*
وقناة *(( روايات مستنداتpdf ⇐ @ahgeelpdf))*
ترحب بجميع الاعضاء
لطلب *((رواية زورنا على التلجرام