الفصل 14
عالم القصص والروايات 📚:
*ـــــــــــــــــــــــــــــــــــــــــــــــــ*
*((, #عشق_بدوي_يابنت_تفهمينة💙))*
*(( #البارت_الرابع_عشر))*
*ــــــــــــــــــــــــــــــــــ*
ﻣﻦ ﺍﻟﻔﺮﺣﺔ ﻧﺴﻴﺖ ﺍﻧﻲ ﻋﻠﻴﻚ ﺍﻟﺒﺎﺭﺣﺔ ﺯﻋﻼﻥ ..
ﻧﺴﻴﺖ ﺍﻗﻮﻟﻚ ﻟﻮ ﺗﺴﻤﺢ ﺗﻜﺮﻡ ﻻ ﺗﻜﻠﻤﻨﻲ ..
ﺍﻫﻠﻲ ﺑﻚ ﻣﺜﻞ ﻣﺎ ﺍﻧﺖ ﺗﻬﻠﻲ ﺑﻲ ﻭﺍﻧﺎ ﺍﻟﺸﻔﻘﺎﻥ ..
ﺍﺣﺲ ﺍﻧﻲ ﺍﻧﺎ ﺍﻟﻐﻠﻄﺎﻥ ﻭﻓﺮﺻﺘﻚ ﻣﺎ ﺗﻌﻠﻤﻨﻲ ..
ﺫﻛﺮﺗﻚ ﺍﻧﻚ ﻋﻠﻲ ﺍﺧﻄﻴﺖ ﻭﻟﻜﻦ ﻧﻌﻤﺔ ﺍﻟﻨﺴﻴﺎﻥ ..
ﺗﻨﺴﻴﻨﻲ ﺧﻄﺎ ﺍﻟﻐﺎﻟﻲ ﻭﺗﺮﺟﻊ ﻟﻪ ﺗﺴﻠﻤﻨﻲ ..
ﺣﺒﻴﺒﺘﻲ ﻣﺎ ﺗﻤﻜﻦ ﺩﺍﺧﻞ ﻓﺆﺍﺩﻱ ﻭﻻ ﺍﻧﺴﺎﻥ ..
ﺍﻟﻮﻣﻚ ﻳﻮﻣﻚ ﺍﻧﺖ ﺧﻄﻴﺖ ﻭﺍﺫﺍ ﺍﺧﻄﻴﺖ ﺍﻧﺎ ﻟﻤﻨﻲ ..
ﺣﺒﻴﺒﻲ ﻟﻮ ﻳﻄﻮﻝ ﺍﻟﻮﻗﺖ ﺍﻭ ﻳﻘﺼﺮ ﺍﺑﺪ ﺧﻼﻥ ..
))ﺗﺮﺍﻙ ﺍﻧﺖ ﺍﻟﻮﺣﻴﺪ ﺍﻟﻠﻲ ﻳﺸﺘﺘﻨﻲ ﻭﻳﻠﻤﻠﻤﻨﻲ ((..
ﺣﺒﻴﺒﻲ ﺩﺍﻳﻤﺎ ﻗﻠﺒﻲ ﻣﻌﻚ ﻣﺸﺘﺎﻕ ﻟﻚ ﻭﻟﻬﺎﻥ ..
ﻏﻴﺎﺑﻚ ﻋﻦ ﻋﻴﻮﻧﻲ ﻃﻮﻝ ﻫﺎﻟﻤﺪﺓ ﻳﺄﻟﻤﻨﻲ ..
ﻻﺷﻌﻮﺭﻳﺎ ﻗﻌﺪﺕ ﺃﺭﻛﺾ ﻟﻐﺮﻓﺘﻲ ﻣﺜﻞ ﺍﻟﻤﺠﻨﻮﻥ ... ﻻﻣﻮﺏ ﻣﻌﻘﻮﻟﻪ ﻫﺬﺍ ﺷﻲ ﻣﺎﺧﻄﻄﺖ
ﻟﻪ ﻭﻻ ﻛﻨﺖ ﻣﺘﻮﻗﻊ ﻳﺼﻴﺮ .. ﻟﻤﻰ ﻭﻣﻄﻠﻖ ﻣﺴﺘﺤﻴﻞ .. ﻭﺗﻌﺒﺖ ﻣﻦ ﻛﺜﺮ ﻣﺎ ﺃﻓﻜﺮ ﻭﺟﺎﻧﻲ
ﺇﺭﻫﺎﻕ ﻭﻏﻄﻴﺖ ﺑﺎﻟﻨﻮﻡ ﺇﻟﻰ 2 ﺑﺎﻟﻠﻴﻞ ..
ﻗﻌﺪﺕ ﺃﻓﻜﺮ ﻭﺃﻗﻮﻝ ﻟﻨﻔﺴﻲ ﻳﺎﻣﺴﺎﻋﺪ ﻻﺯﻡ ﺗﺴﻮﻱ ﺷﻲ ﺩﻕ ﻋﻠﻰ ﻟﻤﻰ ﻭﻗﻞ ﻟﻬﺎ ﺇﻧﻚ
ﺗﺤﺒﻬﺎ ﻭﺗﻤﻮﺕ ﻓﻴﻬﺎ .. ﺑﺲ ﻭﺷﻠﻮﻥ ﺇﻧﺖ ﺃﻫﻨﺘﻬﺎ ... ﻳﺎﺭﺑﻲ ﻟﻴﺶ ﻗﺎﻋﺪ ﻳﺼﻴﺮ ﻟﻲ
ﻛﺬﺍ .. ﻭﻃﻮﻝ ﺍﻟﻠﻴﻞ ﻭﺃﻧﺎ ﺃﻫﺬﺭ ﻣﻊ ﻧﻔﺴﻲ ..
ﺃﺧﻴﺮﻥ ﻗﺮﺭﺕ ﻭﺭﻓﻌﺖ ﺍﻟﺠﻮﺍﻝ ﻭﺇﺗﺼﻠﺖ ﻋﻠﻴﻬﺎ .
ﻃﻮﻁ _ ﻃﻮﻁ _ ﻃﻮﻁ
ﻣﺴﺎﻋﺪ: ﺍﻟﺴﻼﻡ ﻋﻠﻴﻜﻢ .
ﻟﻤﻰ:ﻫﻼ ﻭﻋﻠﻴﻜﻢ ﺍﻟﺴﻼﻡ .
ﻣﺴﺎﻋﺪ: ﻟﻤﻰ ﺻﺤﻴﺢ ﺑﺘﺘﺰﻭﺟﻴﻦ ﻣﻄﻠﻖ .
ﻟﻤﻰ ﻭﺑﺘﺤﺪﻱ: ﻟﻴﺶ ﻋﻨﺪﻙ ﻣﺎﻧﻊ .
ﻣﺴﺎﻋﺪ ﻗﺎﻋﺪ ﻳﻜﺎﺑﺮ: ﻻ ﺃﺑﺪ ﺑﺲ ﺩﻗﻴﺖ ﺃﺑﺎﺭﻙ ﻟﻚ .
ﻟﻤﻰ : ﺍﻟﻠﻪ ﻳﺴﻠﻤﻚ ﻭﻋﻘﺒﺎﻟﻚ .
ﻣﺴﺎﻋﺪ: ﻣﻊ ﺍﻟﺴﻼﻣﻪ .
ﺧﻠﺼﺖ ﺍﻟﻤﻜﺎﻟﻤﻪ ﻭﺃﻧﺎ ﻣﺎﻗﺪﺭﺕ ﺃﻗﻮﻝ ﺷﻲ .. ﻳﺎﻟﻠﻪ ﻫﺬﻱ ﻫﻲ ﺍﻟﻤﺮﻩ ﺍﻟﺜﺎﻧﻴﻪ ﺍﻟﻠﻲ ﺩﻣﻮﻋﻲ
ﺗﻨﺰﻝ ﻓﻴﻬﺎ ..
ﻣﺮﺕ ﺛﻼﺙ ﺃﻳﺎﻡ ﻭﺃﻧﺎ ﺣﺎﻟﺘﻲ ﻳﺮﺛﻰ ﻟﻬﺎ .. ﻻﻧﻴﺐ ﻗﺎﺩﺭ ﺃﺗﻜﻠﻢ ﻭﻻ ﺣﺘﻰ ﺃﺩﺍﻭﻡ .. ﻛﻨﺖ ﺷﺒﻪ
ﻣﻨﻬﺎﺭ .. ﺁﻩ ﻳﺎﻣﺤﻤﺪ ﻣﺤﺘﺎﺟﻚ ﺑﻘﻮﻩ ..
ﻭﻛﻨﺖ ﺃﻗﻮﻝ ﻟﻨﻔﺴﻲ ﻳﺎﻣﺴﺎﻋﺪ ﻣﺎﺭﺍﺡ ﻳﻨﻔﻌﻚ ﻛﺒﺮﻳﺎﺀﻙ ﻻﺧﺴﺮﺕ ﻟﻤﻰ .. ﻟﻜﻦ ﻭﺵ ﻟﻮﻥ
ﻋﻘﺐ ﻣﺎﺃﻫﻨﺘﻬﺎ .. ﻃﻴﺐ ﺣﺘﻰ ﻫﻲ ﺃﻫﺎﻧﺘﻚ ﻳﻌﻨﻲ ﺗﻌﺎﺩﻟﺖ ﻣﻌﻬﺎ ..
ﺑﻌﺪ ﻫﻮﺍﺟﻴﺲ ﻃﻮﻳﻠﻪ ﻗﺮﺭﺕ ﺃﻛﻠﻤﻬﺎ .. ﻣﺴﻜﺖ ﺍﻟﺠﻮﺍﻝ ﻭﺃﻧﺎ ﻣﺘﺮﺩﺩ ﻣﻌﻘﻮﻟﻪ ﻟﻤﻰ ﺭﺍﺡ
ﺗﺴﺘﺴﻠﻢ ﺑﻬﺎﻟﺴﻬﻮﻟﻪ ﻋﻠﺸﺎﻥ ﺣﺐ ..
ﻃﻮﻁ _ ﻃﻮﻁ _ ﻃﻮﻁ
ﻟﻤﻰ:ﻧﻌﻢ
ﻣﺴﺎﻋﺪ: ﻫﻼ ﻟﻤﻰ ﻛﻴﻒ ﺍﻟﺤﺎﻝ؟
ﻟﻤﻰ: ﺍﻟﺤﻤﺪﺍﻟﻠﻪ ﺃﻣﻮﺭﻱ ﺩﺍﻳﻢ ﺑﺨﻴﺮ .
ﻣﺴﺎﻋﺪ ﻭﺑﺘﺤﺪﻱ: ﺩﺍﻳﻢ ﺗﺤﺎﻭﻟﻴﻦ ﺗﺤﺴﺴﻴﻦ ﺍﻟﻜﻞ ﺇﻧﻚ ﺑﺨﻴﺮ ﻭﺇﻧﺘﻲ ﻓﻴﻚ ﻫﻤﻮﻡ ﺍﻟﺪﻧﻴﺎ .
ﻟﻤﻰ: ﻋﻔﻮﺍ ﻣﺴﺎﻋﺪ ﺃﺗﻮﻗﻊ ﻫﺬﺍ ﺷﻲ ﺷﺨﺼﻲ ﻭﺃﻧﺎ ﻣﺎﺃﺣﺐ ﺃﺣﺪ ﻳﺘﺪﺧﻞ ﺑﺨﺼﻮﺻﻴﺎﺗﻲ .
ﻣﺴﺎﻋﺪ ﻭﺧﻼﺹ ﻣﺎﻋﺎﺩ ﻳﺴﺘﺤﻤﻞ: ﻟﻤﻰ ﺃﻧﺎ ﻭﻟﺪ ﻋﻤﻚ ﻭﺃﺑﻲ ﻣﺼﻠﺤﺘﻚ .. ﻣﻄﻠﻖ ﺃﺑﺪ
ﻣﺎﻳﻨﺎﺳﺒﻚ .
ﻟﻤﻰ : ﻟﻴﺶ ﺇﻧﺖ ﺟﺎﻱ ﺗﻌﻠﻤﻨﻲ ﻣﻦ ﻳﻨﺎﺳﺒﻨﻲ .
ﻣﺴﺎﻋﺪ: ﻣﻄﻠﻖ ﺇﻧﺴﺎﻥ ﻣﺘﺰﻭﺝ .
ﻟﻤﻰ ﻭﺑﺈﺻﺮﺍﺭ: ﻭﻳﻦ ﺍﻟﻤﺸﻜﻠﻪ؟
ﻣﺴﺎﻋﺪ: ﻣﻄﻠﻖ ﺃﺧﺮ ﺇﻧﺴﺎﻥ ﻣﻤﻜﻦ ﻳﺘﻮﺍﻓﻖ ﻣﻌﻚ .
ﻟﻤﻰ: ﺣﺮﺍﻡ ﺃﻇﻠﻢ ﺍﻟﺮﺟﻞ ﻭﺃﻧﺎ ﻣﺎﻋﺮﻓﺘﻪ .
ﻣﺴﺎﻋﺪ ﻭﻗﺪ ﻋﺼﺐ: ﺣﺮﺍﻡ ﺗﻈﻠﻤﻴﻦ ﻧﻔﺴﻚ ﻣﻌﺎﻩ ﻭﺗﺪﻓﻨﻴﻦ ﺣﻠﻤﻨﺎ .
ﻟﻤﻰ: ﺃﻱ ﺣﻠﻢ ﺁﻩ ﺗﻘﺼﺪ ﺳﺮﺍﺏ ﺍﻟﺼﻴﻒ .
ﻣﺴﺎﻋﺪ ﻭﻫﻮﻓﺎﻗﺪ ﺍﻟﺴﻴﻄﺮﻩ ﻋﻠﻰ ﻧﻔﺴﻪ: ﻟﻤﻰ ﻣﻄﻠﻖ ﺭﺍﺡ ﻳﻘﻀﻲ ﻋﻠﻰ ﻛﻞ ﻃﻤﻮﺣﺎﺗﻚ .
ﻟﻤﻰ ﻭﺑﺒﺮﻭﺩ ﻣﺘﺼﻨﻊ : ﻟﻴﺶ ﺃﺿﻴﻊ ﺍﻟﻔﺮﺻﻪ ﻣﺮﻩ ﺛﺎﻧﻴﻪ ﻣﻦ ﺑﻴﻦ ﻳﺪﻳﻨﻲ .. ﻳﻤﻜﻦ ﻳﻜﻮﻥ
ﻣﻄﻠﻖ ﻓﺮﺻﻪ ﻣﺎﺗﻨﻌﻮﺽ ﻭﻋﻠﻰ ﻗﻮﻟﺔ ﺣﻜﻤﺘﻚ ﺍﻟﻔﺮﺻﻪ ﺍﻟﻠﻲ ﺗﻀﻴﻊ ﻣﻦ ﻳﺪﻳﻦ ﺍﻟﻮﺍﺣﺪ
ﻣﺴﺘﺤﻴﻞ ﺗﺮﺟﻊ .
ﻣﺴﺎﻋﺪ: ﻟﻤﻰ ﺑﺲ ﺃﻧﺎ ﻣﺎﺯﻟﺖ ﻣﺴﺎﻋﺪ .
ﻟﻤﻰ : ﻭﺃﻧﺎ ﻣﺎﺯﻟﺖ ﻟﻤﻰ .
ﻣﺴﺎﻋﺪ :ﺇﻳﻪ ﻟﻤﻰ ﺃﻧﺎ ﻣﺎﺿﻌﺖ ﻭﺃﻧﺎ ﻣﻮﺟﻮﺩ ﺃﻧﺘﻈﺮﻙ .
ﻟﻤﻰ: ﺧﻼﺹ ﻳﺎﻣﺴﺎﻋﺪ ﻛﻞ ﻭﺍﺣﺪ ﺧﺬﺍ ﺣﻘﻪ ﻭﻫﺎﻟﺤﻴﻦ ﺗﻌﺎﺩﻟﻨﺎ .
ﻣﺴﺎﻋﺪ ﻭﺑﺸﻤﻮﺥ : ﻳﻌﻨﻲ ﺗﻨﺘﻘﻤﻴﻦ ﻣﻨﻲ .
ﻟﻤﻰ: ﻻ ﺑﺲ ﻣﺜﻞ ﻣﺎﻋﻴﺸﺘﻨﻲ ﺑﻌﺬﺍﺏ ﺫﻭﻕ ﻣﺮﻱ .
ﻣﺴﺎﻋﺪ: ﺇﻧﺘﻲ ﻋﺎﺭﻓﻪ ﻣﻦ ﺍﻟﺒﺪﺍﻳﻪ ﺇﻧﻲ ﺃﺣﺒﻚ .
ﻟﻤﻰ: ﻭﺍﻟﻨﻬﺎﻳﻪ .
ﻣﺴﺎﻋﺪ: ﻭﺍﻟﻨﻬﺎﻳﻪ ﺑﻌﺪ ﺃﺣﺒﻚ .
ﻟﻤﻰ : ﻣﺴﺎﻋﺪ ﻭﺃﻧﺎ ﺑﻌﺪ ﻛﻨﺖ ﺃﺣﺒﻚ .
ﻣﺴﺎﻋﺪ ﻭﺣﺎﻁ ﻳﺪﻩ ﻋﻠﻰ ﻗﻠﺒﻪ:
ﻭﻫﺎﻟﺤﻴﻦ؟
ﻟﻤﻰ: ﻫﺎﻟﺤﻴﻦ ﺑﻌﺪﺃﺭﺑﻊ ﺃﻳﺎﻡ ﺑﻴﺠﻲ ﻣﻄﻠﻖ ﻳﻤﻠﻚ .
ﻣﺴﺎﻋﺪ ﺑﺤﺴﺮﻩ: ﺧﻼﺹ ﻣﺎﻋﺎﺩ ﺗﺒﻴﻨﻲ؟
ﻟﻤﻰ :ﺣﺮﺍﻡ ﻋﻠﻴﻚ ﻭﺭﺑﻲ ﺇﻧﻲ ﺃﺣﺒﻚ ﺑﺲ ﺍﻟﻠﻲ ﺃﻧﺎ ﺳﻮﻳﺘﻪ ﻏﻠﻄﻪ ﻣﺎﺃﺳﺘﺤﻖ ﺗﺴﺎﻣﺤﻨﻲ
ﻋﻠﻴﻬﺎ،
ﻣﺴﺎﻋﺪ ﻭﺑﻘﻠﺐ ﻃﺎﻳﺮﻣﻦ ﺍﻟﻮﻧﺎﺳﻪ: ﻟﻤﻰ ﺇﻧﺴﻲ ﻛﻞ ﺷﻲ ﺭﺍﺡ،،ﺇﻧﺴﻲ ﻛﻞ ﺍﻟﻠﻲ
ﻣﻀﻰ،،ﻭﺧﻠﻴﻨﺎ ﻧﻔﺘﺢ ﺻﻔﺤﻪ ﺟﺪﻳﺪﻩ ﻳﺎﺃﺭﻭﻉ ﻣﻼﻙ،،
( ﻟﻤﻰ ﻗﻌﺪﺕ ﺗﺒﻜﻲ،،ﻳﺎﺍﻟﻠﻪ ﻫﺬﻱ ﺃﻭﻝ ﻣﺮﻩ ﺃﺳﻤﻊ ﻟﻤﻰ ﺗﺒﻜﻲ ﻫﺎﻹﻧﺴﺎﻧﻪ ﺍﻟﻠﻲ ﻣﺎﺗﺮﺿﻰ ﺇﻥ
ﺃﺣﺪ ﻳﻨﺎﻇﺮﻫﺎ ﺑﺸﻔﻘﻪ ﺃﻭ ﻳﺠﺮﺡ ﻛﺮﺍﻣﺘﻬﺎ ﻗﻌﺪﺕ ﺗﺒﻜﻲ ﺑﺸﻜﻞ ﺭﻫﻴﺐ )
ﻣﺴﺎﻋﺪ: ﻟﻤﻰ ﻭﺵ ﻋﻠﻤﻚ ﺗﺒﻜﻴﻦ ﺗﺮﻯ ﺩﻣﻮﻋﻚ ﻏﺎﻟﻴﻪ !
ﻟﻤﻰ ﻭﺑﻌﺪ ﻣﺪﻩ ﻣﻦ ﺍﻟﺒﻜﺎﺀ: ﺁﻩ ﻳﺎﻣﺴﺎﻋﺪ ﻣﻦ ﺯﻣﺎﻥ ﻛﺎﻥ ﻭﺩﻱ ﺃﺑﻜﻲ ﻟﻜﻦ ﻛﻞ ﻣﺎﺗﻄﻠﻊ
ﺍﻟﺪﻣﻌﻪ ﺭﺣﺖ ﺃﺗﻬﺎﻭﺵ ﻣﻌﻬﺎ ﻭﺃﺻﺒﺮ ﻧﻔﺴﻲ ﻋﻠﺸﺎﻥ ﺃﻭﺍﺟﻪ ﻛﻞ ﺍﻟﺘﺤﺪﻳﺎﺕ،
ﻣﺴﺎﻋﺪ: ﻃﻴﺐ ﻫﺬﺍ ﺇﻧﺘﻲ ﻭﺻﻠﺘﻲ ﻟﻠﻲ ﺗﺒﻴﻨﻪ ﻟﻤﻰ ﺑﻨﺖ ﻋﺒﺪﺍﻟﻠﻪ ﺇﺳﻢ ﻣﻦ ﺫﻫﺐ،
ﻟﻤﻰ: ﺻﺤﻴﺢ ﺑﺲ ﻣﻮﺏ ﺣﻠﻮ ﺃﺑﺪ ﺇﻧﻚ ﺗﻘﻔﻞ ﻋﻠﻰ ﻣﺸﺎﻋﺮﻙ ﻭﺗﺮﻓﺾ
ﺍﻹﺣﺴﺎﺱ،،ﻳﺎﻣﺴﺎﻋﺪ ﺣﺘﻰ ﺍﻟﻌﻮﺍﻃﻒ ﺗﺠﻨﺒﺖ ﺃﺗﻜﻠﻢ ﻋﻨﻬﺎ ﻋﻠﺸﺎﻥ ﻣﺎﺃﻋﻄﻲ ﻧﻔﺴﻲ ﻓﺮﺻﻪ
ﻟﻺﻧﻬﻴﺎﺭ،
ﻣﺴﺎﻋﺪ: ﻟﻤﻰ ﺇﻧﺘﻲ ﻗﻮﻳﻪ ﻭﺑﻨﺖ ﺃﺻﻮﻝ ﻭﻗﺪﻫﺎ ﻭﻗﺪﻭﺩ،،ﻳﺎﻟﻤﻰ ﺗﻌﺠﺒﻨﻲ ﺟﺮﺃﺗﻚ ﻭﻛﻴﻒ
ﺇﻧﻚ ﺗﺤﺪﻳﺘﻲ ﺃﻗﺴﻰ ﺍﻟﻈﺮﻭﻑ ﻋﻠﺸﺎﻥ ﺗﻮﺻﻠﻴﻦ ﻟﻠﻲ ﺗﺒﻴﻦ،
ﻟﻤﻰ: ﻳﺎﻣﺴﺎﻋﺪ ﻭﺩﻱ ﺃﺷﻮﻓﻚ ﻭﺃﺑﻜﻲ ﻟﻴﻦ ﻣﺎﻳﺒﻘﻰ ﺩﻣﻮﻉ،
ﻣﺴﺎﻋﺪ ﻭﻫﻮ ﻳﺤﺎﻭﻝ ﻳﻠﻄﻒ ﺍﻟﺠﻮ:
ﻣﺎﺃﺻﺪﻕ ﺇﻧﺘﻲ ﻋﻨﺪﻙ ﺩﻣﻮﻉ،
ﻟﻤﻰ: ﻭﺵ ﻗﺼﺪﻙ؟
ﻣﺴﺎﻋﺪ: ﻻ ﺃﺑﺪ ﻳﺎﻟﻐﺎﻟﻴﻪ ﺑﺲ ﺣﺘﻰ ﻳﻮﻣﻚ ﺑﺰﺭ ﻛﺎﻧﺖ ﺑﺪﻭﺭ ﺗﻜﻔﺨﻚ ﻭﻣﺎﺗﺼﻴﺤﻴﻦ،
ﻟﻤﻰ: ﻭﻟﻴﺶ ﺃﺻﻴﺢ ﺿﺮﺑﻬﺎ ﻋﺎﺩﻱ ﻣﺎﻳﻮﺟﻊ،
ﻣﺴﺎﻋﺪ : ﻫﻬﻬﻪ ﻻ ﺑﺎﻟﻠﻪ ﺻﺪﻗﺘﻚ،،ﻭﺃﻛﺒﺮ ﺩﻟﻴﻞ ﺗﺠﻴﻨﻲ ﺗﺸﺎﻫﻘﻴﻦ ﻣﺴﺎﻋﺪ ﺗﻜﻔﻰ ﺃﻓﺰﻉ ﻟﻲ
ﺑﺪﻭﺭ ﻣﺼﻌﺖ ﺷﻌﺮﻱ ﻟﺪﺭﺟﺔ ﺇﻥ ﺭﺃﺳﻚ ﺻﺎﺭ ﻛﺄﻧﻪ ﺻﻠﻌﺔ ﺑﻄﻴﺦ،
ﻟﻤﻰ: ﺃﻓﺎ ﻋﺎﺩ ﺍﻟﻠﻪ ﻭﺃﻛﺒﺮ ﻣﻦ ﺯﻳﻦ ﺳﻨﻚ ﺍﻟﻤﻜﺴﻮﺭﻩ ﻛﺄﻧﻪ ﺩﺭﻳﺸﺔ ﺑﻴﺘﻨﺎ ﺍﻟﻘﺪﻳﻢ،ﻳﻤﻤﺎﻩ ﻛﻠﻤﺎ
ﺃﺗﺬﻛﺮ ﺃﺣﺲ ﺑﻘﺸﻌﺮﻳﺮﻩ ،
ﻣﺴﺎﻋﺪ: ﻟﻌﻨﺒﻮ ﺑﻠﻴﺴﻚ ﺑﻨﺎﺕ ﺍﻟﻘﺮﻳﻪ
ﻛﻠﻬﻢ ﻣﻄﻴﺤﻴﻦ ﻣﻊ ﺇﺑﺘﺴﺎﻣﺘﻲ ﺍﻟﺨﻼﺑﻪ،
ﻟﻤﻰ: ﻭﺍﺿﺢ ﻭﺑﻘﻮﻩ،
ﻣﺴﺎﻋﺪ : ﺣﺮﻛﺎﺕ ﻳﻌﻨﻲ ﻣﺴﻮﻳﺘﻠﻲ ﻓﻴﻬﺎ ﺣﺒﺘﻴﻦ،،ﺗﺬﻛﺮﻳﻦ ﻳﻮﻡ ﺧﻮﻳﻠﺪ ﺃﺑﻮ ﺍﻟﻀﺒﺎﻥ،ﻳﺤﻂ
ﻋﻠﻴﻚ ﺿﺐ ﻭﻗﻌﺪﺗﻲ ﺗﺼﺎﺭﺧﻴﻦ ﻛﺄﻧﻚ ﻣﺸﻔﻮﻃﻪ ﺑﺎﻟﻜﻬﺮﺏ،
ﻟﻤﻰ ﻭﺑﺘﻨﺮﻓﺰ: ﺇﻻ ﺑﻐﻴﺖ ﺍﺳﺄﻟﻚ ﺇﻧﺖ ﻟﻠﺤﻴﻦ ﺳﻴﻘﺎﻧﻚ ﻣﻐﺒﺮﻩ؟
ﻣﺴﺎﻋﺪ: ﻣﻮﺏ ﻣﻬﻢ ﺍﻟﺴﻴﻘﺎﻥ ﺃﻫﻢ ﺷﻲ ﺍﻟﻌﻘﻞ،
ﻟﻤﻰ: ﺇﺧﺲ ﻳﺎﻣﻌﻘﻠﻬﻢ،
ﻣﺴﺎﻋﺪ: ﻟﻤﻰ
ﻟﻤﻰ: ﺳﻢ
ﻣﺴﺎﻋﺪ: ﻭﺭﺑﻲ ﺇﻧﻲ ﺃﻣﻮﺕ ﻓﻴﻚ،،ﺧﻼﺹ ﻻﺯﻡ ﻧﺘﺰﻭﺝ،
ﻟﻤﻰ :ﻣﺪﺭﻱ ﺑﺲ ﺷﻮﻑ ﺃﺑﻮﻱ؟
ﻣﺴﺎﻋﺪ ﻭﺑﺴﺨﺮﻳﻪ: ﻃﻴﺐ ﻭﻣﻄﻠﻖ،
ﻟﻤﻰ: ﻣﺴﺘﺤﻴﻞ ﺃﻓﻜﺮ ﻓﻲ ﻏﻴﺮﻙ،
ﻣﺴﺎﻋﺪ ﻭﺑﺠﺪﻳﻪ : ﻟﻤﻰ ﺇﻧﺘﻲ ﺣﺒﻴﺘﻲ ﻣﺴﺎﻋﺪ ﺑﻦ ﻓﻬﺪ ﻭﺃﻻ ﻣﺴﺎﻋﺪ ﺫﺍﻙ ﺍﻟﺒﺪﻭﻱ
ﻟﻤﻰ ﻭﻫﻲ ﻣﺘﻔﺎﺟﺄﻩ: ﺃﺳﻤﻊ ﺃﻧﺎ ﺣﺒﻴﺖ ﻣﺴﺎﻋﺪ ﺍﻟﺸﻘﺮﺩﻱ،،ﺍﻟﺮﺟﻞ ﺍﻟﻌﺼﺎﻣﻲ،،ﺍﻟﻠﻲ ﻳﺠﺴﺪ
ﺍﻟﺮﺟﻮﻟﻪ ﻭﻗﻠﺒﻪ ﻛﻠﻪ ﻃﻴﺒﻪ ﺇﻧﺴﺎﻥ ﻣﺘﺴﺎﻣﺢ ﻭﺣﻨﻮﻥ،،ﻭﺃﻧﺎ ﻳﺎﻣﺴﺎﻋﺪ ﺍﺳﺄﺕ ﺍﻟﻈﻦ ﻭﺧﻔﺖ
ﺇﻧﻚ ﺗﻮﻗﻒ ﻓﻲ ﻃﺮﻳﻘﻲ ﺑﺲ ﻟﻸﺳﻒ ﻛﻨﺖ ﻏﻠﻄﺎﻧﻪ،،
ﻣﺴﺎﻋﺪ: ﻳﻌﻨﻲ ﻟﻮﺑﺮﺟﻊ ﺑﺪﻭﻱ ﺑﺘﺤﺒﻴﻨﻲ؟
ﻟﻤﻰ ﻭﺑﺬﻭﻕ: ﺇﺳﻤﻊ ﻳﺎﻣﺴﺎﻋﺪ ﺇﻧﺖ ﻣﺎ ﻛﺎﻥ ﻧﺎﻗﺺ ﻋﻠﻴﻚ ﺇﻻ ﺍﻟﻌﻠﻢ ﻭﻫﺬﺍ ﺇﻧﺖ ﺗﺤﺪﻳﺖ ﻛﻞ
ﺷﻲ ﻭﺃﺛﺒﺖ ﺇﻧﻚ ﺗﻘﺪﺭ ﺗﺴﻮﻱ ﺃﺷﻴﺎﺀ ﻛﺒﻴﺮﻩ،،ﻭﻋﻠﻰ ﻓﻜﺮﻩ ﻳﺎﻣﺴﺎﻋﺪ ﺍﻟﻌﺒﺮﻩ ﺑﺎﻟﻨﻬﺎﻳﻪ ﻣﻮﺏ
ﺑﺎﻟﻤﻜﺎﻥ ﺍﻟﻠﻲ ﻧﻌﻴﺶ ﺇﺣﻨﺎ ﻓﻴﻪ ﺑﺎﻟﻌﻜﺲ ﺍﻟﻌﺒﺮﻩ ﻓﻲ ﺍﻟﻌﻘﻮﻝ ﺍﻟﻠﻲ ﺗﻌﻴﺶ ﻓﻴﻨﺎ،،
ﻭﻳﻜﻔﻲ ﻳﺎﻣﺴﺎﻋﺪ ﺇﻧﻲ ﺣﺒﻴﺘﻚ ﺣﺐ ﺍﻟﺬﺍﺕ ﻟﻠﺬﺍﺕ،
ﻣﺴﺎﻋﺪ: ﻃﻴﺐ ﻟﻴﺶ ﻗﻌﺪﺗﻲ ﺗﻜﺎﺑﺮﻳﻦ؟
ﻟﻤﻰ ﻭﺑﺼﺮﺍﺣﺘﻬﺎ ﺍﻟﻤﻌﺘﺎﺩﻩ: ﺃﻧﺎ ﻣﺎﻛﻨﺖ ﺃﻛﺎﺑﺮ،،ﺃﻧﺎ ﺷﻄﺒﺖ ﻋﻠﻰ ﻛﻠﻤﺔ ﺣﺐ ﻣﻦ ﺣﻴﺎﺗﻲ ﻷﻥ
ﻣﺎﺃﺑﻲ ﺃﻋﻠﻖ ﻧﻔﺴﻲ ﺑﺄﺣﺪ ﺃﺑﻲ ﻗﻠﺒﻲ ﺑﻴﻦ ﻳﺪﻳﻨﻲ ﺑﺲ ﺇﻛﺘﺸﻔﺖ ﺇﻧﻲ ﻛﻨﺖ ﻏﻠﻄﺎﻧﻪ ﻭﺇﻥ
ﺍﻟﺤﺐ ﺷﻲ ﻣﻮﺏ ﺇﺧﺘﻴﺎﺭﻱ،
ﻣﺴﺎﻋﺪ :ﺷﻔﺘﻲ ﻳﺎﻟﻤﻰ ﻛﻴﻒ ﺍﻟﺤﺐ ﻳﺘﻌﺐ !
ﻟﻤﻰ: ﺧﻼﺹ ﺻﻚ ﻋﻠﻰ ﺍﻟﻤﻮﺿﻮﻉ ﺗﺮﻯ ﺑﺮﺟﻊ ﺃﺻﻴﺢ،
ﻣﺴﺎﻋﺪ: ﻻ ﻭﺍﻟﻠﻲ ﻳﺮﺣﻢ ﻭﺍﻟﺪﻳﻚ ﺇﻧﺘﻲ ﺇﺫﺍ ﺻﺤﺘﻲ ﻛﺄﻧﻚ ﺣﻨﻔﻴﺔ ﺑﻴﺘﻨﺎ ﺇﺫﺍ ﺇﻧﻔﺠﺮﺕ،
ﻟﻤﻰ : ﺍﻟﻠﻪ ﻳﺴﺎﻣﺤﻚ ﺑﺲ ﻳﺎﻟﻠﻪ ﺳﺐ ﺍﻟﺤﺒﻴﺐ ﻣﺜﻞ ﺃﻛﻞ ﺍﻟﺰﺑﻴﺐ،
( ﻻ ﺑﺎﻟﻠﻪ ﺍﻟﻠﻲ ﺭﺍﺣﺖ ﺍﻷﻣﺜﻠﻪ ﻭﻃﻲ ،،ﻣﺪﺭﻱ ﻣﻦ ﺍﻟﻤﺘﻨﺢ ﺍﻟﻠﻲ ﺩﺭﺳﻚ ﻋﺮﺑﻲ ﻳﺎﻟﻤﻰ )
ﻣﺴﺎﻋﺪ: ﻫﻬﻪ ﻋﻤﻮﻣﺎ ﻳﺎﻗﻠﺒﻲ ﻣﺎﺃﻃﻮﻝ ﻋﻠﻴﻚ ﺃﺣﺲ ﺇﻧﻲ ﺗﻌﺒﺎﻥ،
ﻟﻤﻰ ﻭﺑﺼﻤﺖ: ﺃﻧﺎ ﻗﻠﺒﻚ ﻳﺎﻣﺴﺎﻋﺪ؟
ﻣﺴﺎﻋﺪ: ﺇﻧﺜﺒﺮﻱ ﻣﺪﺭﻱ ﻭﺵ ﺗﺒﻴﻨﻲ ﺃﺳﻮﻱ ﻓﻴﻚ ﻳﺎﻟﺒﺎﺭﺩﻩ،،ﻋﻘﺐ ﻛﻞ ﻫﺎﻟﺴﻨﻴﻦ ﺷﺎﻛﻪ
ﺑﻬﺎﻟﺸﻲ،
ﻟﻤﻰ : ﻻ ﺗﺼﺒﺢ ﻋﻠﻰ ﺧﻴﺮ،...
*ـــــــ((( @ahgeel )))ـــــــ*
*, #نههههاية_البارت*
*📚 #يتبع👇🏻💜*