الفصل 13
عالم القصص والروايات 📚:
*ـــــــــــــــــــــــــــــــــــــــــــــــــ*
*((, #عشق_بدوي_يابنت_تفهمينة💙))*
*(( #البارت_الثالث_عشر))*
*ــــــــــــــــــــــــــــــــــ*
ﻟﻤﻰ:ﻫﻼ ﺭﻳﻢ ..ﻣﺎﺗﺼﺪﻗﻴﻦ ﻭﺵ ﺻﺎﺭ ﻟﻲ ﺍﻟﻴﻮﻡ .
ﺭﻳﻢ: ﺍﻟﻠﻬﻢ ﺃﺟﻌﻠﻪ ﺧﻴﺮ ﻭﺵ ﻓﻴﻪ ﻭﺟﻬﻚ ﻛﺬﺍ ﻛﺄﻥ ﺃﺣﺪ ﺷﺎﻓﻂ ﺩﻣﻚ !
ﻟﻤﻰ: ﻣﺴﺘﺤﻴﻞ ﺃﺻﺪﻕ ﺇﻧﻲ ﺳﻮﻳﺘﻬﺎ،،ﺃﻧﺎ ﺗﺒﻦ،
ﺭﻳﻢ: ﺗﻌﻮﺫﻱ ﻣﻦ ﺇﺑﻠﻴﺲ ﻭﺵ ﻓﻴﻚ؟
ﻟﻤﻰ ﻭﻫﻲ ﺗﺒﻜﻲ:ﻛﻠﻤﺖ ﻣﺴﺎﻋﺪ ﺃﻧﺎ ﻛﻠﻤﺖ ﻣﺴﺎﻋﺪ،
ﺭﻳﻢ: ﻣﺴﺎﻋﺪ ﻭﻟﺪ ﻋﻤﻚ ﻣﺎﻏﻴﺮﻩ ﺫﺍﻙ،
ﻟﻤﻰ: ﺇﻳﻪ ﻫﻮ ﻣﻮ ﻣﻌﻘﻮﻟﻪ ﺇﻧﻲ ﺃﻧﺤﻂ ﺑﻬﺎﻟﻤﻮﻗﻒ ﺑﻴﻮﻡ ﻣﻦ ﺍﻷﻳﺎﻡ،
ﺭﻳﻢ: ﺇﺭﺗﺎﺣﻲ ﻭﻓﻬﻤﻴﻨﻲ ﺍﻟﺴﺎﻟﻔﻪ؟
( ﻗﻌﺪﺕ ﻟﻤﻰ ﺗﺴﻮﻟﻒ ﻟﺮﻳﻢ ﺍﻟﺴﺎﻟﻔﻪ )
ﺭﻳﻢ: ﻣﺪﺭﻱ ﻭﺵ ﺃﻗﻮﻝ ﺃﺣﺲ ﺇﻧﻲ ﻣﻨﺼﺪﻣﻪ،
ﻟﻤﻰ: ﺃﺟﻞ ﻭﺵ ﺃﻗﻮﻝ ﻋﻨﻲ ﺃﻧﺎ ﺍﻟﻠﻲ ﺑﻐﻴﺖ ﺃﺳﺘﺨﻒ ﻋﻘﺐ ﻣﺎﺻﻜﺮﺕ ﻣﻨﻪ،
ﺭﻳﻢ:ﺷﻮﻓﻲ ﻟﻮ ﺗﺮﺍﺟﻌﺘﻲ ﺗﺮﻯ ﺑﻴﺸﻚ ﻭﻛﺬﺍ ﺗﺨﻠﻴﻨﻪ ﻳﻜﺴﺐ ﺍﻟﻤﻮﻗﻒ،
ﻟﻤﻰ ﻭﻫﻲ ﻣﻘﻄﻌﻪ ﻧﻔﺴﻬﺎ ﻣﻦ ﺍﻟﺼﻴﺎﺡ : ﻟﻴﻪ ﻛﺬﺍ ﺃﻧﺎ ﻏﺒﻴﻪ ﻭﺵ ﺃﺑﻲ ﻓﻴﻪ ﻟﻴﻪ ﻳﺎﺭﺑﻲ؟
ﺭﻳﻢ:ﺇﻳﻪ ﺻﺢ ﻭﺵ ﺗﺒﻴﻦ ﻓﻴﻪ ﺗﺪﻗﻴﻦ ﻋﻠﻴﻪ ﻣﺎﺑﻘﻰ ﺇﻻ ﻫﻮ؟
ﻟﻤﻰ : ﻛﻠﻪ ﺑﺴﺒﺔ ﺭﺋﻴﺲ ﺍﻟﺘﺤﺮﻳﺮ ﺍﻟﻐﺒﻲ ﺇﻛﺘﺸﻒ ﺗﺸﺎﺑﻪ ﺍﻷﺳﻤﺎﺀ ﺑﻴﻨﻨﺎ ﻭﻋﺮﻑ ﺇﻧﻪ ﻳﻘﺮﺏ
ﻟﻲ ﻭﺗﺮﺟﺎﻧﻲ ﺃﺣﺎﻭﻝ ﻣﻊ ﻣﺴﺎﻋﺪ ﻷﻥ ﻫﺬﺍ ﺑﻴﻜﻮﻥ ﺳﺒﻖ ﺻﺤﻔﻲ ﻟﻠﺠﺮﻳﺪﻩ،
ﺭﻳﻢ: ﺃﻫﺎ ﻭﺍﻟﻠﻪ ﺇﻧﻚ ﺇﻧﺤﻄﻴﺘﻲ ﺑﻤﻮﻗﻒ ﻻﺗﺤﺴﺪﻳﻦ ﻋﻠﻴﻪ،
ﻟﻤﻰ : ﺃﻭﻳﻼﻩ ﻳﺎﺭﻳﻢ ﻳﻮﻡ ﻛﻠﻤﺘﻪ ﻗﻌﺪﺕ ﺃﻧﻔﺾ ﻭﺃﺣﺲ ﻗﻠﺒﻲ ﻳﺪﻕ ﻣﻮﺏ ﻣﻌﻲ،،ﺗﺨﻴﻠﻲ ﻣﻦ
ﻳﻮﻡ ﺳﻤﻌﺖ ﺻﻮﺗﻪ ﻭﺍﻟﺪﻣﻌﻪ ﻣﺎﻓﺎﺭﻗﺘﻨﻲ،
ﺭﻳﻢ: ﺇﻧﺘﻲ ﺗﺤﺒﻴﻨﻪ؟
ﻟﻤﻰ: ﻣﺪﺭﻱ ﺑﺲ ﺃﻭﻝ ﻣﺮﻩ ﻳﺼﻴﺮ ﻟﻲ ﻛﺬﺍ،،،ﻻ ﻣﻮﺏ ﻣﻌﻘﻮﻟﻪ ﻳﺎﺭﻳﻢ ﻻﺯﻡ ﺃﺭﺟﻊ ﻟﺘﻮﺍﺯﻧﻲ
ﻣﺴﺘﺤﻴﻞ ﻳﺸﻮﻓﻨﻲ ﺑﻬﺎﻟﻤﻨﻈﺮ،،ﻳﺎﺭﻳﻢ ﺇﻧﺘﻲ ﺗﻌﺮﻓﻴﻨﻲ ﺃﻧﺎ ﺻﻜﻴﺖ ﻋﻠﻰ ﻗﻠﺒﻲ ﻭﻣﺴﺘﺤﻴﻞ
ﻣﺴﺎﻋﺪ ﺃﻭ ﻏﻴﺮﻩ ﻳﺮﺟﻊ ﻳﻔﺘﺤﻪ ﻣﻦ ﺟﺪﻳﺪ،
ﺭﻳﻢ :ﺻﺢ ﻣﻮ ﺣﻠﻮﻩ ﺑﺤﻘﻚ ﻋﻘﺐ ﺍﻟﻠﻲ ﺳﻮﻳﺘﻴﻪ ﻓﻴﻪ،
ﻟﻤﻰ: ﺍﻟﻠﻪ ﻳﺮﺣﻢ ﻭﺍﻟﺪﻳﻚ ﻭﺵ ﺳﻮﻳﺖ ﻓﻴﻪ؟
ﺭﻳﻢ: ﻋﻤﻮﻣﺎ ﺣﺎﻭﻟﻲ ﺗﺴﻴﻄﺮﻳﻦ
ﻋﻠﻰ ﻧﻔﺴﻚ ﻣﺎﻳﻨﻔﻊ ﺍﻟﻀﻌﻒ ﺑﺎﻟﻠﺤﻈﺎﺕ ﺍﻟﻠﻲ ﻛﺬﺍ ﻭﺧﻠﻴﻚ ﺭﺳﻤﻴﻪ ﻷﺑﻌﺪ ﺍﻟﺤﺪﻭﺩ ﻣﻌﺎﻩ
ﻭﺇﻧﺴﻲ ﺃﺻﻼ ﺇﻧﻪ ﻣﺴﺎﻋﺪ،
ﻟﻤﻰ : ﻳﺎﺭﺏ ﺗﺴﻬﻞ ﺍﻟﻴﻮﻡ،،ﻳﺎﺭﺑﻴﻴﻪ ﺃﺣﺲ ﺑﺘﻮﺗﺮ ﻓﻈﻴﻊ،،ﻣﺪﺭﻱ ﻟﻴﺶ ﺃﺣﺲ ﺇﻥ ﻫﺎﻟﻠﻘﺎﺀ
ﺑﻴﻜﻮﻥ ﻣﺴﺨﺮﻩ،
( ﺟﺎﺀ ﻭﻗﺖ ﺍﻟﻤﻮﻋﺪ ﻭﺃﻧﺎ ﺃﻧﺘﻈﺮ ﻋﻠﻰ ﺃﺣﺮ ﻣﻦ ﺍﻟﺠﻤﺮ،،ﺩﻕ ﺟﺮﺱ ﺍﻟﺒﺎﺏ ﻭﻛﻨﺖ ﺃﺑﻲ ﺃﻧﻘﺰ
ﺃﻓﺘﺢ ﺍﻟﺒﺎﺏ ﻣﻦ ﺍﻟﻮﻧﺎﺳﻪ،،ﺑﺲ ﻗﻠﺖ ﻻ ﺃﺭﻛﺪ ﻳﺎﻣﺴﺎﻋﺪ،،ﻻﺯﻡ ﺗﺴﻮﻱ ﺑﺮﺳﺘﻴﺞ ﻗﺪﺍﻡ
ﻟﻤﻰ،،ﻫﺪﺀ ﺍﻟﻠﻌﺐ ﺷﻮﻱ،،ﻭﻓﻌﻼ ﺧﻠﻴﺖ ﻟﻤﻰ ﺗﻨﺘﻈﺮﻧﻲ ﺑﺎﻟﺼﺎﻟﻪ ﺣﻮﺍﻟﻲ ﺭﺑﻊ ﺳﺎﻋﻪ ﻭﻃﻮﻝ
ﺍﻟﻮﻗﺖ ﻗﺎﻋﺪ ﺃﻃﻠﻄﻞ ﻋﻠﻴﻬﺎ،،ﺑﻌﺪﻳﻦ ﻧﺰﻟﺖ ﻟﻬﺎ ،،ﺁﻩ ﻣﻮ ﻗﺎﺩﺭ ﺃﻭﻗﻒ ﻋﻠﻰ ﺭﺟﻮﻟﻲ،،
ﻣﺴﺎﻋﺪ: ﻫﻼ ﻟﻤﻰ ﻧﻮﺭ ﺍﻟﺒﻴﺖ،
ﻟﻤﻰ: ﺷﻜﺮﺍ ﻣﻨﻮﺭ ﺑﻮﺟﻮﺩﻛﻢ .
ﻣﺴﺎﻋﺪ ﺷﻮﻱ ﻣﺮﺗﺒﻚ: ﺃﺗﻤﻨﻰ ﺇﻧﻚ ﺑﺨﻴﺮ .
ﻟﻤﻰ: ﺍﻟﺤﻤﺪﺍﻟﻠﻪ،،ﻋﻤﻮﻣﺎ ﺃﻧﺎ ﻣﺎﺃﻗﺪﺭ ﺃﻃﻮﻝ ﺑﺲ ﺧﻠﻨﺎ ﻧﺪﺧﻞ ﺑﺎﻟﻠﻘﺎﺀ ﺇﺫﺍ ﻣﻤﻜﻦ .
ﻣﺴﺎﻋﺪ: ﻣﺎﻓﻴﻪ ﺇﺷﻜﺎﻟﻴﻪ ﺗﻔﻀﻠﻲ .
ﻟﻤﻰ: ﻣﻤﻜﻦ ﺑﺎﻟﺒﺪﺍﻳﻪ ﺗﻌﺮﻓﻨﺎ ﻋﻠﻰ ﺍﻟﺒﻄﺎﻗﻪ ﺍﻟﺸﺨﺼﻴﻪ .
ﻣﺴﺎﻋﺪ ﻭﺑﻀﺤﻜﻪ ﺳﺎﺧﺮﻩ: ﺇﻧﺘﻲ ﺃﺩﺭﻱ ﻋﻤﻮﻣﺎ ﻣﺴﺎﻋﺪ ﺑﻦ ﻓﻬﺪ .
ﻟﻤﻰ : ﺍﻟﺤﺎﻟﻪ ﺍﻹﺟﺘﻤﺎﻋﻴﻪ؟
ﻣﺴﺎﻋﺪ ﻭﺑﻨﻈﺮﺍﺕ ﻣﺮﺑﻜﻪ: ﻳﺎﺑﻨﺖ ﺍﻟﺒﺪﻭﻱ ﻻﻋﺸﻖ ﻳﻤﻮﺕ ﻭﻻ ﻳﻤﻮﺕ ﺍﻟﻌﺸﻖ .
ﻟﻤﻰ ﻭﺑﻨﺮﻓﺰﻩ : ﻋﻔﻮﺍ ﻣﻤﻜﻦ ﺗﺠﺎﻭﺏ ﻋﻠﻰ ﻗﺪ ﺍﻟﺴﺆﺍﻝ؟
ﻣﺴﺎﻋﺪ: ﻭﺃﻧﺎ ﻭﺵ ﻗﺎﻋﺪ ﺃﺳﻮﻱ ﻣﺎﻋﻄﻴﺘﻴﻨﻲ ﻓﺮﺻﻪ ﺃﻛﻤﻞ .
( ﻟﻤﻰ ﻫﻨﺎ ﺇﻧﺤﺮﺟﺖ ﻭﺇﻋﺘﺬﺭﺕ )
ﻣﺴﺎﻋﺪ: ﺍﻟﺤﺎﻟﻪ ﺍﻹﺟﺘﻤﺎﻋﻴﻪ ﺃﻋﺰﺏ ﻭﺍﻟﺴﺒﺐ ﺣﻠﻢ ﺣﻠﻤﺘﻪ ﺑﺎﻟﺼﻴﻒ .. ﺑﺲ ﻣﺎﻛﻨﺖ ﺃﺩﺭﻱ
ﺇﻧﻪ ﺳﺮﺍﺏ ﻭﻻﺯﻡ ﺃﻟﺒﺲ ﻧﻈﺎﺭﻩ .
( ﻟﻤﻰ ﺗﻮﺗﺮﺕ ﺑﺸﻜﻞ ﻓﻈﻴﻊ ﻟﺪﺭﺟﺔ ﻳﺪﻳﻨﻬﺎ ﺑﺪﺕ ﺗﻌﺮﻕ )
ﻟﻤﻰ : ﻛﻴﻒ ﻛﺎﻧﺖ ﺑﺪﺍﻳﺎﺗﻚ ﻓﻲ ﻋﺎﻟﻢ ﺍﻟﺘﺠﺎﺭﻩ؟
ﻣﺴﺎﻋﺪ ﻭﺑﺘﻬﻜﻢ : ﺍﻟﻠﻪ ﻳﻌﺰ ﻏﻨﻢ ﺃﺑﻮﻱ ﻭﺑﻌﺎﺭﻳﻨﻪ ﺍﻟﻠﻲ ﺭﺯﺗﻨﻲ .
ﻟﻤﻰ ﺑﺈﺑﺘﺴﺎﻣﻪ ﺧﻔﻴﻔﻪ :ﻣﺎﺗﻐﻴﺮﺕ ﻳﺎﻣﺴﺎﻋﺪ ﻟﻠﺤﻴﻦ ﺩﻣﻚ ﺧﻔﻴﻒ .
ﻣﺴﺎﻋﺪ:ﺍﻟﺴﺆﺍﻝ ﺍﻟﻠﻲ ﺑﻌﺪﻩ .
ﻟﻤﻰ: ﺟﺎﻭﺏ ﺍﻟﻠﻲ ﻗﺒﻞ ﺃﻭﻝ .
ﻣﺴﺎﻋﺪ : ﻋﺎﺩﻱ ﺑﻌﺪ ﻣﺎﺗﻮﻓﻰ ﺍﻟﻮﺍﻟﺪ ﺍﻟﻠﻪ ﻳﺮﺣﻤﻪ ﺇﺳﺘﺜﻤﺮﺕ ﺣﻼﻟﻨﺎ ﻭﺑﺲ .
ﻟﻤﻰ ﻭﺑﺴﺮﻋﻪ: ﻣﺎﻫﻲ ﻃﻤﻮﺣﺎﺗﻚ ﻓﻲ ﻣﺠﺎﻝ ﻋﻤﻠﻚ؟
ﻣﺴﺎﻋﺪ ﻭﺑﻀﺤﻜﻪ : ﻃﻤﻮﺡ .. ﻋﺎﺩ ﺗﺼﺪﻗﻴﻦ ﻣﻮﺏ ﻏﺮﻳﺒﻪ ﺍﻟﻜﻠﻤﻪ ﻋﻠﻲ .
( ﻟﻤﻰ ﻣﺴﻜﻴﻨﻪ ﻭﺩﻫﺎ ﺗﻘﻮﻡ ﺗﻜﻔﺦ ﻣﺴﺎﻋﺪ ) : ﺗﻌﺮﻑ ﻣﻌﻨﺎﻫﺎ ﻭﺃﻻ ﺃﻋﻠﻤﻚ ﻣﺮﻩ ﺛﺎﻧﻴﻪ .
ﻣﺴﺎﻋﺪ ﺗﻨﺮﻓﺰ ﺷﻮﻱ: ﻻ ﻣﺎﻳﺤﺘﺎﺝ ﻃﻤﻮﺣﻲ ﻫﻮ ﺇﻥ ﺃﺣﻂ ﺑﺼﻤﻪ ﻗﻮﻳﻪ ﻭﺍﻟﻠﻲ ﻫﻲ ﺇﻥ
ﻟﻬﺠﺘﻲ ﺍﻟﺜﻘﺎﻓﻴﻪ ﺗﺤﺎﻛﻲ ﻟﻬﺠﺘﻚ ﻭﺧﻼﺹ ﺗﻌﺪﻳﺖ ﻫﺎﻟﻤﺮﺣﻠﻪ .
ﻟﻤﻰ ﻭﻫﻲ ﺭﺍﻓﻌﻪ ﺭﺃﺳﻬﺎ ﻭﺗﺒﻲ ﺗﺮﺑﻚ ﻣﺴﺎﻋﺪ ﻣﺜﻞ ﻣﺎﺃﺭﺑﻜﻬﺎ : ﺷﻲ ﻧﺪﻣﺖ ﻋﻠﻴﻪ ﻓﻲ
ﺣﻴﺎﺗﻚ؟
ﻣﺴﺎﻋﺪ ﻭﻫﻮ ﻣﺼﻌﻮﻕ: ﻣﺎﻓﻴﻪ ﺷﻲ ﺃﻧﺪﻡ ﻋﻠﻴﻪ .
( ﻗﺎﻋﺪ ﻳﺼﺮﻑ ﻭﻫﻮ ﻋﺎﺭﻑ ﺇﻥ ﺍﻟﺸﻲ ﺍﻟﻮﺣﻴﺪ ﺍﻟﻠﻲ ﺭﺍﺡ ﻳﻨﺪﻡ ﻋﻠﻴﻪ ﺇﻧﻪ ﻣﺎﻗﺎﻝ ﻟﻬﺎ
ﺃﺣﺒﻚ )
ﻟﻤﻰ: ﺣﻠﻮﻩ ﺛﻘﺘﻚ .
ﻣﺴﺎﻋﺪ ﻭﺑﺈﻧﺪﻓﺎﻉ: ﻣﺎﻳﺤﺘﺎﺝ ﺗﻤﺪﺣﻴﻨﻲ .
ﻟﻤﻰ ﻭﻫﻲ ﻣﻌﺼﺒﻪ: ﺷﻲ ﻏﻴﺮ ﻣﺠﺮﻯ ﺣﻴﺎﺗﻚ؟
ﻣﺴﺎﻋﺪ ﻳﺤﺎﻭﻝ ﻳﺴﻴﻄﺮ ﻋﻠﻰ ﻧﻔﺴﻪ: ﻛﻠﻤﻪ ﻭﺣﺪﻩ ﻗﻠﺒﺖ ﺍﻟﺪﻧﻴﺎ ﻋﻠﻲ ﻣﺴﺘﺤﻴﻞ ﺃﻧﺴﺎﻫﺎ
( ﻣﺎﺟﺴﺘﻴﺮ )
ﻟﻤﻰ ﻓﻘﺪﺕ ﻫﺪﺅﻫﺎ: ﻭﺵ ﻗﺼﺪﻙ؟
ﻣﺴﺎﻋﺪ: ﺃﺑﺪ ﺳﻼﻣﺘﻚ ﺑﺲ ﺍﻟﻤﺎﺟﺴﺘﻴﺮ ﻟﻪ ﻓﻀﻞ ﻋﻠﻲ .
( ﻟﻤﻰ ﺑﺪﺃﺕ ﺗﻄﻠﻊ ﻋﻦ ﺍﻟﺤﻮﺍﺭ ﺍﻟﻤﻨﻄﻘﻲ ﻋﻠﺸﺎﻥ ﺗﺴﺘﻔﺰ ﻫﺎﻟﺒﺎﺭﺩ ﺍﻟﻠﻲ ﻗﺪﺍﻣﻬﺎ )
ﻟﻤﻰ: ﻣﺎﺫﺍ ﻳﻌﻨﻲ ﺍﻟﺼﺪﻳﻖ ﻓﻲ ﺣﻴﺎﺗﻚ؟
ﻣﺴﺎﻋﺪ: ﻣﺤﻤﺪ ﻫﻮ ﻛﻞ ﻣﻌﺎﻧﻲ ﺍﻟﺼﺪﺍﻗﻪ .
ﻟﻤﻰ:ﺍﻟﻘﻠﻢ؟
ﻣﺴﺎﻋﺪ: ﺃﻭﻩ ﻳﺎﻣﺎ ﻭﻳﺎﻣﺎ ﻛﺘﺒﺖ ﺧﻮﺍﻃﺮ ﻓﻴﻪ .
ﻟﻤﻰ : ﺍﻟﺤﺐ؟
ﻣﺴﺎﻋﺪ ﻭﻫﻮ ﻳﻜﺎﺑﺮ : ﻭﻻ ﺷﻲ ﻋﻼﻗﺔ ﻣﺒﺰﺭﻩ ﺑﺲ ﻳﻜﺒﺮﻭﻥ ﻳﻨﺴﻮﻥ ﻛﻞ ﺷﻲ .
ﻟﻤﻰ ﻗﺎﻋﺪﻩ ﺗﺤﺎﻭﻝ ﺗﺴﻴﻄﺮﻋﻠﻰ ﻧﻔﺴﻬﺎ : ﺃﺑﻴﺎﺕ ﺗﺮﺩﺩﻫﺎ؟
ﻣﺴﺎﻋﺪ:
ﺃﻱ ﻣﺤﺒﻪ ﻭﺃﻱ ﻋﺸﺮﻩ ﻭﺃﻱ ﺣﻨﺎﻥ ..
ﻭﺃﻱ ﺷﻮﻕ ﺍﻟﻠﻲ ﺍﻧﺖ ﺗﺘﻜﻠﻢ ﻋﻠﻴﻪ ..
ﻳﻌﻨﻲ ﻭﺍﺛﻖ ﺍﻥ ﺑﺎﻗﻲ ﻟﻚ ﻣﻜﺎﻥ ..
ﻭﺍﻥ ﻗﻠﺒﻲ ﻳﺮﺩ ﻟﻮ ﺗﺮﺗﺠﻴﻪ ..
ﻭﻳﻦ ﺷﻮﻗﻚ ﻳﻮﻡ ﺍﻧﺎ ﺍﺣﺘﺠﺘﻪ ﺯﻣﺎﻥ ..
ﻭﻳﻦ ﺣﺒﻚ ﻳﻮﻡ ﺍﻧﺎ ﻣﻴﺖ ﻋﻠﻴﻪ ..
ﺭﺡ ﻟﻠﻲ ﻷﺟﻠﻪ ﺑﻌﺖ ﺣﺒﻲ ﺯﻣﺎﻥ ..
ﺑﺲ ﻻ ﺗﻨﺴﻰ ﺗﺴﻠﻤﻠﻲ ﻋﻠﻴﻪ ..
( ﻳﻤﻤﻤﺎﻩ ﺃﺣﺲ ﺍﻟﺠﻮ ﻣﺘﻜﻬﺮﺏ ﺑﻴﻨﻬﻢ )
ﻟﻤﻰ ﻭﺷﻮﻱ ﻭﺗﻜﻔﺦ ﻣﺴﺎﻋﺪ : ﺣﻜﻤﺘﻚ ﻓﻲ ﺍﻟﺤﻴﺎﻩ؟
ﻣﺴﺎﻋﺪ ﻳﺒﻲ ﻳﺤﺴﺴﻬﺎ ﺑﺎﻟﺬﻧﺐ: ﺍﻟﻔﺮﺻﻪ ﺍﻟﻠﻲ ﺿﻴﻌﺘﻴﻬﺎ ﻣﻦ ﺇﻳﺪﻳﻨﻚ ﻣﺎﺃﺗﻮﻗﻊ ﺗﺮﺟﻊ ﻣﺮﻩ
ﺛﺎﻧﻴﻪ .
( ﻟﻤﻰ ﻟﺤ
ﻈﺘﻬﺎ ﻋﺼﺒﺖ ﻭﺻﻜﺮﺕ ﺍﻟﺪﻓﺘﺮ ﻭﻃﻠﻌﺖ ﺑﺪﻭﻥ ﻭﻻ ﻛﻠﻤﻪ .. ﺃﺩﺭﻱ ﺯﻋﻠﺘﻬﺎ ﻟﻜﻦ
ﻭﺍﻟﻠﻪ ﻷﺭﺍﺿﻴﻬﺎ ﺑﺲ ﺃﺑﻴﻬﺎ ﺗﺤﺲ ﻭﺗﺘﻌﻠﻢ ﺷﻠﻮﻥ ﺗﺤﺘﺮﻡ ﻣﺸﺎﻋﺮﻱ .. ﻭﺃﺑﻴﻬﺎ ﺗﻔﻬﻢ ﻣﻌﻨﻰ
ﺍﻟﺤﺐ .. ﺁﻩ ﻳﺎﻟﻤﻰ ﻭﺍﻟﻠﻪ ﺍﻟﺤﺐ ﺍﻟﻠﻲ ﺑﻘﻠﺒﻲ ﺯﺍﺩ ﺑﻘﻮﻩ ﻟﻚ ﻭﺷﻮﻗﻲ ﻭﺣﻨﻴﻨﻲ ﻛﻞ ﻣﺎﻟﻪ ﻳﻜﺒﺮ
ﺑﺲ ﻻﺯﻡ ﺗﺤﺴﻴﻦ ﺑﻐﻠﻄﺘﻚ . )
ﺑﻌﺪﻫﺎ ﻣﺎ ﺇﺗﺼﻠﺖ ﻓﻲ ﻟﻤﻰ ﻭﻗﻠﺖ ﻣﺴﺘﺤﻴﻞ ﺃﺩﻕ ﻋﻠﻴﻬﺎ،،ﻭﻗﻌﺪﺕ ﻳﻮﻣﻴﺎ ﺃﺷﺘﺮﻱ ﺍﻟﺠﺮﻳﺪﻩ
ﺃﺷﻮﻑ ﺇﺫﺍ ﻓﻴﻪ ﺷﻲ ﺇﻧﻜﺘﺐ ﻋﻦ ﻫﺎﻟﻠﻘﺎﺀ ﺍﻟﻠﻲ ﻣﺪﺭﻱ ﻭﺵ ﻟﻮﻥ ﻗﺎﻳﻞ،،
ﻣﺮ ﺇﺳﺒﻮﻋﻴﻦ ﻭﻟﻤﻰ ﻣﺎﻟﻬﺎ ﻃﺎﺭﻱ ﻭﻻﺣﺲ ﻭﻻﺧﺒﺮ،،
ﻭﻣﺎﺃﻧﺴﻰ ﺫﺍﻙ ﺍﻟﻴﻮﻡ ﺑﻌﺪ ﻣﺎﺭﺟﻌﺖ ﻟﻠﺒﻴﺖ ﺟﺖ ﺃﺧﺘﻲ ﻧﻮﻑ ﺗﺮﻛﺾ ..
ﻧﻮﻑ: ﻣﺴﺎﻋﺪ ﻣﺎﺩﺭﻳﺖ ﻋﻦ ﺁﺧﺮ ﺧﺒﺮ؟
ﻣﺴﺎﻋﺪ: ﻣﺎﻧﻴﺐ ﻓﺎﺿﻲ ﻟﻚ ﺇﻧﺘﻲ ﻭﺧﺸﺘﻚ ،،ﺇﺫﺍ ﻗﻌﺪﺕ ﺍﻟﻌﺼﺮ ﻗﻮﻟﻲ ﻟﻲ،
ﻧﻮﻑ : ﻛﻴﻔﻚ ﺑﺲ ﺗﺮﺍﻩ ﻋﻦ ﻟﻤﻰ،
ﻣﺴﺎﻋﺪ: ﻋﻦ ﻟﻤﻰ !
ﻧﻮﻑ: ﻭﺵ ﺗﻌﻄﻴﻨﻲ؟
ﻣﺴﺎﻋﺪ : ﻭﺟﻊ ﻳﻮﺟﻊ ﻇﻬﺮ ﺍﻟﻌﺪﻭ ﺇﺧﻠﺼﻲ ﺗﻜﻠﻤﻲ ﻷﻛﺴﺮﻋﻈﺎﻣﻚ .
ﻧﻮﻑ: ﺃﻭﻑ ﻣﺴﺘﺤﻴﻞ ﺗﺼﺪﻕ .
ﻣﺴﺎﻋﺪ: ﻟﻌﻨﺒﻮ ﺷﻴﻄﺎﻧﻚ ﺇﺧﻠﺼﻲ ﻣﺖ ﻣﻦ ﺍﻟﺨﺮﻋﻪ .
ﻧﻮﻑ: ﻣﻄﻠﻖ ﺫﺍﻙ ﺍﻟﻠﻲ ﺑﻘﺮﻳﺘﻨﺎ ﺃﺑﻮ ﺇﺑﺮﺍﻫﻴﻢ .. ﺗﺨﻴﻞ ﺭﺍﺡ ﻳﻤﻠﻚ ﻋﻠﻰ ﻟﻤﻰ ﺍﻷﺳﺒﻮﻉ
ﺍﻟﺠﺎﻱ .
ﻣﺴﺎﻋﺪ ﺑﻐﻰ ﻳﻨﺼﺮﻉ ﻣﻦ ﺍﻟﺼﺪﻣﻪ: ﻧﻮﻑ ﻭﺍﻟﻠﻪ ﻟﻮ ﺗﻜﺬﺑﻴﻦ ﺗﺮﻯ ﻣﺤﺪ ﻳﻔﻜﻚ ﻣﻦ ﻳﺪﻳﻨﻲ .
ﻧﻮﻑ : ﻟﻴﺶ ﺃﻛﺬﺏ ﻟﻤﻰ ﺑﻨﻔﺴﻬﺎ ﺩﺍﻗﻪ ﺗﻌﺰﻣﻨﻲ .....
*ـــــــ((( @ahgeel )))ـــــــ*
*, #نههههاية_البارت*
*📚 #يتبع👇🏻💜*