الفصل 11
*ـــــــــــــــــــــــــــــــــــــــــــــــــ*
*((, #عشق_بدوي_يابنت_تفهمينة💙))*
*(( #البارت_الحادي_عشر))*
*ــــــــــــــــــــــــــــــــــ*
ﺭﺣﺖ ﻟﻐﺮﻓﺘﻲ ﻭﺃﻧﺎ ﻣﺮﻩ ﻣﻌﺼﺐ ﻭﻣﻮ ﻃﺎﻳﻖ ﺃﺣﺪ .. ﻭﺷﻮﻱ ﺇﻻ ﻫﺬﺍ ﺃﺑﻮ ﺣﻤﻴﺪ ﺩﺍﺧﻞ
ﻋﻠﻲ .
ﻣﺤﻤﺪ: ﻣﺴﺎﻋﺪ ﻋﺴﺎﻙ ﻟﻠﻬﺒﺎﻝ ﻗﻞ ﺁﻣﻴﻦ .
ﻣﺴﺎﻋﺪ: ﺁﻣﻴﻦ .
ﻣﺤﻤﺪ: ﻭﺑﻌﺪ ﺗﻘﻮﻝ ﺁﻣﻴﻦ .. ﻳﺎﻣﺴﺎﻋﺪ ﺃﻧﺎ ﻛﻨﺖ ﻣﺘﻮﻗﻊ ﺇﻧﻚ ﺇﻧﺖ ﺃﻭﻝ ﻭﺍﺣﺪ ﺑﻴﺰﻋﻞ !
ﻣﺴﺎﻋﺪ : ﻭﻟﻴﺶ ﺃﺯﻋﻞ ﻟﻤﻰ ﻣﺎﺗﻬﻤﻨﻲ .
ﻣﺤﻤﺪ ﻭﺑﻨﻈﺮﺍﺕ ﻣﺘﺸﻜﻜﻪ:ﺇﻟﻌﺐ ﻣﻊ ﻏﻴﺮﻱ .. ﻭﺵ ﺗﺴﻤﻲ ﺩﻓﺎﻋﻚ ﻋﻨﻬﺎ ﻭﺇﻧﺖ ﻣﻮﺏ ﺩﺍﺭﻱ
ﻭﺵ ﺍﻟﻄﺒﺨﻪ .
ﻣﺴﺎﻋﺪ : ﻋﺎﺩﻱ ﺇﻃﺒﺨﻮﺍ ﺍﻟﺴﺎﻟﻔﻪ ﻣﻦ ﻭﺭﺍﻱ ﻭﺍﻟﻠﻪ ﻳﻬﻨﻴﻜﻢ ﻭﻳﺸﺒﻌﻜﻢ .
ﻣﺤﻤﺪ: ﻳﺎﺛﻘﺎﻟﺔ ﺩﻣﻚ ﻳﺎﻟﺒﺎﺭﺩ .
ﻣﺴﺎﻋﺪ: ﺃﻧﺎ ﻣﻮﺏ ﺑﺎﺭﺩ ﻭﺇﻧﺖ ﺗﻌﺮﻓﻨﻲ .
ﻣﺤﻤﺪ: ﺃﺟﻞ ﻭﺵ ﻋﻠﻤﻚ ﻣﺎﺗﺤﺮﻙ ﺳﺎﻛﻦ؟
ﻣﺴﺎﻋﺪ: ﺧﻼﺍﺍﺍﺍﺹ ﺗﺒﻠﺪ ﺍﻹﺣﺴﺎﺱ ﻋﻨﺪﻱ .
ﻣﺤﻤﺪ :ﻳﺎﻣﺠﻨﻮﻥ ﻟﻤﻰ .. ﺗﺤﺮﻙ ﻭﺳﻨﻊ ﺑﻨﺖ ﻋﻤﻚ .
ﻣﺴﺎﻋﺪ: ﻃﻴﺐ ﻣﺎﻫﻲ ﺑﻨﺖ ﺧﺎﻟﻚ ﺩﺑﺮ ﺃﻣﻮﺭﻙ ﻣﻌﻬﺎ .
ﻣﺤﻤﺪ: ﺃﺻﻼ ﺇﻧﺖ ﻣﺴﺘﻮﻋﺐ ﺍﻟﺴﺎﻟﻔﻪ ﺃﻭ ﻻ؟
ﻣﺴﺎﻋﺪ: ﺇﻧﺖ ﻣﺎﺗﻘﻮﻝ ﺇﻧﻬﺎ ﺗﻜﺘﺐ ﺑﻤﺠﻠﻪ ﻣﺪﺭﻱ ﺟﺮﻳﺪﻩ .
ﻣﺤﻤﺪ:ﺇﻳﻪ .
ﻣﺴﺎﻋﺪ : ﻭﺵ ﺍﻟﻤﺸﻜﻠﻪ ﺧﻠﻬﺎ ﺗﻜﺘﺐ ﻭ ﺗﻌﺒﺮ ﻋﻠﻰ ﻛﻴﻔﻬﺎ .
ﻣﺤﻤﺪ:ﻭﻋﺎﺩﻱ ﻋﻨﺪﻙ ﻛﻞ ﺍﻟﻨﺎﺱ ﻳﻘﺮﻭﻥ ﻭﺵ ﺗﻜﺘﺐ ﻟﻤﻰ .
ﻣﺴﺎﻋﺪ ﺑﺒﺮﻭﺩﺓ ﺃﻋﺼﺎﺏ: ﻋﺎﺩﻱ ﺧﻠﻬﺎ ﻋﻠﻰ ﺍﻷﻗﻞ ﺗﻜﻮﻥ ﺃﺟﺮﺃ ﻣﻨﻲ ﻭﺗﻌﺒﺮ ﻋﻦ ﺍﻟﺤﺐ
ﻭﺍﻹﺣﺴﺎﺱ ﺍﻟﻠﻲ ﺃﻧﺎ ﻣﺎﻗﺪﺭﺕ ﺃﻋﺒﺮ ﻋﻨﻪ ﻓﻲ ﻳﻮﻡ ﻣﻦ ﺍﻷﻳﺎﻡ ..ﺧﻠﻬﺎ ﺗﻜﺘﺐ ﻛﻞ ﺍﻟﻠﻲ ﺗﺒﻲ
ﻳﻤﻜﻦ ﺃﻓﻬﻢ ﻟﻴﺶ ﺇﻧﺘﻬﺖ ﻗﺼﺔ ﺣﺒﻨﺎ ﺑﺪﻭﻥ ﺳﺒﺐ .. ﻭﻣﺎﺗﺪﺭﻱ ﻳﻤﻜﻦ ﺃﻛﻮﻥ ﺃﻧﺎ ﺍﻟﻤﻘﺼﻮﺩ؟
ﻣﺤﻤﺪ :ﺇﻧﺖ ﻣﺎﻋﻨﺪﻙ ﻛﺮﺍﻣﻪ ﺇﻟﻰ ﻫﺎﻟﺤﻴﻦ ﻋﻨﺪﻙ ﺃﻣﻞ ﻋﻘﺐ ﻛﻞ ﺍﻟﻠﻲ ﻗﺎﻟﺘﻪ ﻭﺭﺑﻲ ﻣﺎﺃﻧﺖ
ﻣﺴﺎﻋﺪ ﺍﻟﻠﻲ ﺃﻋﺮﻓﻪ .
ﻣﺴﺎﻋﺪ: ﺃﻗﻮﻝ ﺇﻧﺜﺒﺮ ﺗﻔﻬﻢ .. ﺻﺪﻳﻘﻲ ﻋﻠﻰ ﻋﻴﻨﻲ ﻭﺭﺃﺳﻲ ﺑﺲ ﻻﺗﺪﺧﻞ ﻧﻔﺴﻚ ﺃﻛﺜﺮ ﻣﻦ
ﺍﻟﻼﺯﻡ ﻻﺃﻋﻠﻤﻚ ﻭﺵ ﺍﻷﺻﻮﻝ .
ﻣﺤﻤﺪ: ﺃﻓﺎ ﻫﻨﺖ ﻋﻠﻴﻚ ﺑﻬﺎﻟﺴﻬﻮﻟﻪ .
ﻣﺴﺎﻋﺪ : ﻻ ﻭﺍﻟﻠﻪ ﺃﺣﻄﻚ ﻋﻠﻰ ﺭﺃﺳﻲ ﻣﻦ ﻓﻮﻕ ﻟﻜﻦ ﻻﺗﺤﻂ ﻧﻔﺴﻚ ﺑﻤﻮﻗﻒ ﻣﺤﺮﺝ ﻣﻌﻲ
ﻭﻻﺗﺠﻴﺐ ﺳﻴﺮﺓ ﻟﻤﻰ ﻗﺪﺍﻣﻲ .
ﻣﺤﻤﺪ :ﻋﻤﻮﻣﺎ ﺗﺮﺍﻫﻢ ﻗﺮﺭﻭﺍ ﺇﻧﻬﻢ ﻳﻤﺸﻮﻥ ﺑﻌﺪ ﺛﻼﺙ ﺃﻳﺎﻡ ﺇﺫﺍ ﺑﺘﺮﻭﺡ ﻣﻌﻨﺎ .
ﻣﺴﺎﻋﺪ ﻭﻛﺄﻥ ﺃﺣﺪ ﻣﻌﻄﻴﻪ ﻛﻒ: ﻫﺬﻭﻻ ﻣﺎﻳﺴﺘﺤﻮﻥ ﻣﻦ ﺟﺪﻫﻢ ﻭﺵ ﺑﻴﻘﻮﻟﻮﻥ ﻟﻌﻤﻲ
ﻋﺒﺪﺍﻟﻠﻪ .. ﺧﻞ ﺑﻨﺘﻚ ﺗﺘﺮﻙ ﺷﻐﻠﻬﺎ ﻭﺍﻟﻠﻪ ﻻﻳﻬﺠﺪ ﺷﻴﺎﻃﻴﻨﻬﻢ .
ﻣﺤﻤﺪ: ﻋﻠﻰ ﻛﻞ ﺣﺎﻝ ﺃﻧﺎ ﺑﺮﻭﺡ ﻣﻨﻬﺎ ﻧﺴﻨﻊ ﻟﻤﻰ ﻭﻣﻨﻬﺎ ﺃﺷﻮﻑ ﺍﻟﺮﻳﺎﺽ ﺍﻟﻠﻲ ﻳﻤﺪﺣﻮﻧﻬﺎ .
ﻣﺴﺎﻋﺪ:ﻭﺳﻌﻮﺍ ﺻﺪﻭﺭﻛﻢ ﺃﺧﻴﺮﻥ ﻟﻘﻴﺘﻮ ﺷﻲ ﺗﻬﺬﺭﻭﻥ ﻓﻴﻪ .
ﻣﺤﻤﺪ: ﻳﺎ ﺃﺑﻮ ﺟﺮﺡ ﺗﻮﺻﻲ ﺷﻲ ﻣﻦ ﻫﻨﺎﻙ .
ﻣﺴﺎﻋﺪ:ﻭﺍﻟﻠﻪ ﺇﻧﻜﻢ ﻣﺮﺟﻮﺟﻴﻦ ﻭﻣﺎﻓﻴﻜﻢ ﻋﻘﻞ ﺍﻟﻠﻪ ﻻﻳﺒﻼﻧﺎ .
ﻣﺤﻤﺪ : ﺧﻠﻴﻨﺎ ﺍﻟﻌﻘﻞ ﻟﻚ ﻳﺎﻣﺠﻨﻮﻥ ﻟﻤﻰ .
ﺑﻌﺪﻫﺎ ﻃﻠﻊ ﻣﻦ ﻋﻨﺪﻱ ﻣﺤﻤﺪ ﻣﺴﺘﺎﻧﺲ ﺃﺧﻴﺮﻥ ﺑﻴﺸﻮﻑ ﺍﻟﺮﻳﺎﺽ .. ﻋﻤﺎﻣﻲ ﺗﺠﻬﺰﻭ ﻭﺑﻌﺪ
ﺛﻼﺙ ﺃﻳﺎﻡ ﺑﻴﻤﺸﻮﻥ ﻟﻜﻦ ﻣﺎﻛﺘﺐ ﺍﻟﻠﻪ ﻟﻬﻢ ﻣﺴﺮﻯ ..ﻓﻲ ﺫﻳﻚ ﺍﻟﻠﻴﻠﻪ ﺍﻟﻠﻲ ﻗﺒﻞ ﺳﻔﺮﺗﻬﻢ
ﺑﻠﻴﻠﺘﻴﻦ ﻛﺎﻥ ﺃﺑﻮﻱ ﺑﻤﺰﺭﻋﺘﻪ ﺩﺍﺧﻞ ﺍﻟﻘﺮﻳﻪ ﻭﺑﻴﻦ ﺍﻟﻤﻐﺮﺏ ﻭﺍﻟﻌﺸﺎﺀ ﺗﺤﺪﻳﺪﺍ .. ﻛﺎﻥ ﺃﺑﻮﻱ
ﻗﺎﻋﺪ ﻳﺘﻔﻘﺪ ﺃﻣﻮﺭ ﺍﻟﻤﺰﺭﻋﻪ .. ﺍﻟﻤﻬﻢ ﻃﻔﻰ ﻋﻠﻴﻪ ﺍﻟﻜﻬﺮﺏ ﻭﻫﺬﺍ ﺷﻲ ﺇﺣﻨﺎ ﻣﺘﻌﻮﺩﻳﻦ ﻋﻠﻴﻪ
ﻷﻥ ﺗﻮﻟﻴﺪ ﺍﻟﻄﺎﻗﻪ ﻓﻲ ﺍﻟﻘﺮﻳﻪ ﻣﺮﻩ ﺯﻓﺖ .. ﻫﺬﻳﻚ ﺍﻟﻠﺤﻈﻪ ﻗﺪﺭ ﺍﻟﻠﻪ ﺇﻥ ﺃﺑﻮﻱ ﺗﻠﺪﻏﻪ
ﺣﻴﻪ .. ﻭﻗﻌﺪ ﻳﺼﺎﺭﺥ ﻭﻳﻨﺎﺩﻱ ﻳﺎﻣﺴﺎﻋﺪ .. ﺃﺧﺬﻧﺎ ﺃﺑﻮﻱ ﻭﺇﺗﺠﻬﻨﺎ ﻟﻠﻤﺴﺘﺸﻔﻰ ﻃﺒﻌﺎ ﻣﺎﻓﻴﻪ
ﺃﻱ ﻣﺴﺘﺸﻔﻰ ﻣﻮﺟﻮﺩ ﺑﻘﺮﻳﺘﻨﺎ ﻟﺬﻟﻚ ﻧﻀﻄﺮ ﻧﺮﻭﺡ ﻟﻠﻘﺮﻳﻪ ﺍﻟﻠﻲ ﺟﻨﺒﻨﺎ ﻭﻣﺎﻭﺻﻠﻨﺎ
ﻟﻠﻤﺴﺘﺸﻔﻰ ﻓﻲ ﺍﻟﻘﺮﻳﻪ ﺍﻟﺜﺎﻧﻴﻪ ﺇﻻ ﺍﻟﻮﺍﻟﺪ ﺗﻮﻓﻰ .
ﺻﺮﺍﺣﻪ ﻛﺎﻧﺖ ﻟﺤﻈﺎﺕ ﻣﺮﻩ ﺻﻌﺒﻪ ﻭﺃﻧﺎ ﻣﺎﺭﺍﺡ ﺃﺗﻜﻠﻢ ﻋﻦ ﻭﻓﺎﺓ ﺃﺑﻮﻱ ﻷﻧﻬﺎ ﻣﻦ ﺃﻛﺜﺮ
ﺍﻟﻠﺤﻈﺎﺕ ﺍﻟﻠﻲ ﻫﺰﺗﻨﻲ ﻭﺧﻠﺖ ﺩﻣﻮﻋﻲ ﻗﺪﺍﻡ ﺍﻟﻌﺎﻟﻢ ﺗﻨﺰﻝ ..
ﻣﺮ ﺷﻬﺮﻳﻦ ﻋﻠﻰ ﻭﻓﺎﺓ ﺍﻟﻮﺍﻟﺪ ..
ﻭﺟﺎﺀ ﺫﺍﻙ ﺍﻟﻴﻮﻡ ﻣﺤﻤﺪ ﻳﺮﻛﺾ ..
ﻣﺤﻤﺪ: ﻣﺴﺎﻋﺪ ﻣﺴﺎﻋﺪ ﺷﻮﻑ ﻭﺵ ﻣﻜﺘﻮﺏ .
ﻣﺴﺎﻋﺪ: ﻭﺵ ﺍﻟﺴﺎﻟﻔﻪ؟
ﻣﺤﻤﺪ: ﺷﻮﻑ ﻟﻤﻰ ﻭﺵ ﻛﺎﺗﺒﻪ .
ﻣﺴﺎﻋﺪ : ﺧﻴﺮ ﺇﻧﺸﺎﺀﺍﻟﻠﻪ .
ﻣﺤﻤﺪ :ﻭﺍﻟﻠﻪ ﺇﻧﻬﺎ ﺯﺍﺣﻔﻪ . (ﺯﺍﺣﻔﻪ ﺑﻤﺼﻄﻠﺢ ﺍﻟﻌﺮﺍﺑﺠﻪ ﻭﺗﻌﻨﻲ ﺑﺎﻳﻌﺘﻬﺎ )
ﻣﺴﺎﻋﺪ: ﻭﺟﻊ ﻳﻤﺼﻊ ﺷﺮﺍﻳﻴﻦ ﺍﻟﻌﺪﻭ ﺇﺧﻠﺺ ﺗﻜﻠﻢ .
ﻣﺤﻤﺪ : ﻟﻤﻰ ﻛﺎﺗﺒﻪ ﻋﻦ ﻭﻓﺎﺓ ﺃﺑﻮﻙ .
ﻣﺴﺎﻋﺪ: ﻭﺵ ﺗﻘﻮﻝ ؟ﺑﺴﺮﻋﻪ ﻭﺭﻧﻲ ﻭﺵ ﻛﺎﺗﺒﻪ؟
( ﻃﻠﻊ ﺗﻘﺮﻳﺮ ﻛﺎﺗﺒﺘﻪ ﻟﻤﻰ ﻋﻦ ﻭﺍﻗﻊ ﻗﺮﻳﺘﻨﺎ ﻭﺳﺆ ﺍﻟﺨﺪﻣﺎﺕ ﻓﻴﻬﺎ .. ﻭﺇﻧﻬﻢ ﻛﻴﻒ ﻣﺤﺮﻭﻣﻴﻦ
ﻣﻦ ﺃﺑﺴﻂ ﺣﻘﻮﻗﻬﻢ ﺳﻮﻯ ﻣﻦ ﻧﺎﺣﻴﺔ ﺍﻟﺘﻌﻠﻴﻢ ﺃﻭ ﺍﻟﺼﺤﻪ .. ﻭﻛﻴﻒ ﻳﻌﺎﻧﻮﻥ ﻣﻦ ﺍﻟﻜﻬﺮﺏ
ﻭﺍﻹﻧﻘﻄﺎﻉ ﺍﻟﻤﺘﻜﺮﺭ ﺑﻌﺰ ﺍﻟﺼﻴﻒ )
ﺍﻟﺰﺑﺪﻩ ﻣﻘﺎﻟﻬﺎ ﻛﺎﻥ ﻣﺮﻩ ﺧﻄﻴﺮ ﻭﻛﻠﻪ ﺩﻗﺎﺕ ﻗﻮﻳﻪ ﻟﺪﺭﺟﺔ ﺇﻧﻪ ﺍﻟﺼﺤﺎﻓﻪ ﺑﺪﺃﺕ ﺗﻨﺎﻗﺶ
ﻣﺸﺎﻛﻞ ﺃﻫﻞ ﺍﻟﻘﺮﻯ ﺍﻟﻔﺌﻪ ﺍﻟﻤﻨﺴﻴﻪ ..
ﺑﻌﺪ ﻣﻘﺎﻟﻬﺎ ﺗﻘﺮﻳﺒﺎ ﺑﺄﺷﻬﺮ ﻗﻠﻴﻠﻪ .. ﻋﻠﻰ ﻃﻮﻝ ﻭﺯﺍﺭﺓ ﺍﻟﺼﺤﻪ ﺇﻧﺘﺒﻬﺖ ﻟﻠﻤﻮﺿﻮﻉ ﻭﻣﺎﻗﺼﺮﻭ
ﺑﺸﻲ ..ﺑﻌﺪﻫﺎ ﺑﺪﺃﺕ ﺧﺪﻣﺎﺕ ﺍﻹﺳﺘﺜﻤﺎﺭ ﻟﻸﺭﺍﺿﻲ ﻓﻲ ﺍﻟﻘﺮﻳﻪ ﻋﻨﺪﻧﺎ ﺗﺰﻳﺪ ..
ﻫﻨﺎ ﺃﻧﺎ ﻓﻜﺮﺕ ﺇﻧﻪ ﻻﺯﻡ ﻳﺘﺤﺴﻦ ﻭﺿﻌﻨﺎ ﻭﻻﺯﻡ ﺃﻓﻜﺮ ﺑﻤﺸﺎﺭﻳﻊ ﺩﺧﻠﻬﺎ ﺛﺎﺑﺖ ﺧﺎﺻﻪ ﺇﻧﻪ
ﺑﻌﺪ ﻭﻓﺎﺓ ﺃﺑﻮﻱ ﻋﺎﺋﻠﺘﻲ ﻛﻠﻬﺎ ﺗﺤﺖ ﻣﺴﺆﻭﻟﻴﺘﻲ .. ﺑﻌﺪﻫﺎ ﺑﻌﺖ ﺍﻟﻤﺰﺭﻋﻪ ﻭﻛﻞ ﺣﻼﻟﻨﺎ ﻣﻦ
ﻏﻨﻢ ﻭﺑﻌﺎﺭﻳﻦ ﻭﻓﻌﻼ ﺟﺎﺑﻮﺍ ﺭﺃﺱ ﻣﺎﻝ ﻣﺮﻩ ﻛﺒﻴﺮ .....
*ـــــــ((( @ahgeel )))ـــــــ*
*, #نههههاية_البارت*
*📚 #يتبع👇🏻💜*