الفصل 10
عالم القصص والروايات 📚:
*ـــــــــــــــــــــــــــــــــــــــــــــــــ*
*((, #عشق_بدوي_يابنت_تفهمينة💙))*
*(( #البارت_العاشر))*
*ــــــــــــــــــــــــــــــــــ*
ﻟﻮﺍﻋﺮﻑ ﺍﻟﺠﺎﻱ ﻣﺎﻏﺎﻣﺮﺕ ﺑﺄﺣﻼﻣﻲ !!
ﻭﻻﺯﺭﻋﺖ ﺍﻻﻣﺎﻧﻲ ﻓﺄﺭﺽ ﻣﻨﺴﻴﻪ
ﻭﺍﻟﺒﺮﺩ ﻟﻮﻫﻮﻳﺤﺲ ﺑﺸﺮﻫﺔ ﻋﻈﺎﻣﻲ
ﻣﺎﻛﺎﻥ ﻳﺠﺮﺡ ﺿﻠﻮﻋﻲ ﻛﻞ ﻓﺠﺮﻳﻪ !!
ﻳﺎﻏﺎﻳﺐ !! ﺍﻟﺠﺮﺡ ﺑﻌﺪﻙ ﺻﺎﺭ ﻣﺘﺮﺍﻣﻲ
ﻭﺍﻧﺎﺍﺗﺤﺮﻯ ﺭﺟﻮﻋﻚ ﻛﻞ ﻋﺼﺮﻳﻪ !!
ﻫﺬﻱ ﺗﻌﺎﻟﻴﻞ ﺟﺮﺣﻲ .. ﺍﻟﻨﺎﺯﻑ .. ﺍﻟﺪﺍﻣﻲ
ﺗﻌﺎﺍﺍﺍﻝ ﻟﻴﻞ ﺍﻟﺠﺮﻳﺢ ﻭﻧﺰﻓﻪ ﺷﻮﻳﻪ؟
ﻛﻞ ﻣﺎﺫﻛﺮﺗﻚ ﺍﺣﺲ ﺑﺸﻲ ﻑ ﺍﻛﻤﺎﻣﻲ
ﻭﺍﻟﻘﺎﻩ ﺩﻣﻊ ﻳﻐﻨﻲ ﻟﻚ ﻭﺩﺍﻋﻴﻪ !!
ﻣﻦ ﻗﻮ ﺻﺪﻣﺔ ﻏﻴﺎﺑﻚ ﻗﻠﺖ ﻹﻟﻬﺎﻣﻲ
ﻣﺎﺑﻘﻰ ﺍﻻ ﺍﺳﻮﻱ ﻓﻴﻚ ﻣﺮﺛﻴﻪ
ﻭﺍﻟﺤﻴﻦ ﻗﻠﻲ: ﻣﻦ ﺍﻟﻲ ﻳﺠﻤﻊ ﺣﻄﺎﻣﻲ؟
ﻭﺍﻧﺎ ﻓﻐﻴﺎﺑﻚ ﺗﺤﻄﻢ ﻛﻞ ﻣﺎﻓﻴﻪ
ﻣﺎﻳﻜﻔﻲ ﺍﻥ ﺟﺮﺡ ﺑﻌﺪﻙ ﺻﺎﺭ ﻣﺘﺮﺍﻣﻲ؟
ﻣﺎﺗﻜﻔﻲ ﺩﻣﻮﻉ ﻋﻴﻨﻲ ﻛﻞ ﻋﺼﺮﻳﻪ !!
ﻣﺎﻳﻜﻔﻲ ﺇﻧﻲ ﻣﺎﻋﺎﺩ ﺍﺣﺲ ﺑﺎﺍﻋﻮﺍﻣﻲ؟
ﻻﻥ ﻋﻤﺮﻱ ﺭﺣﻞ ﻣﺜﻠﻚ ﺑﻼ ﺟﻴﻪ !!
} ﻭﺍﻟﺤﻴﻦ ﻻﺯﻡ ﺗﻤﻮﺕ ﺍﺣﻼﻣﻲ ﻣﺎﺩﺍﻣﻲ $
ﺯﺭﻋﺖ ﺫﻳﻚ ﺍﻻﻣﺎﻧﻲ ﻑ ﺍﺭﺽ ﻣﻨﺴﻴﻪ {$
ﺁﻩ ﻳﻮﻡ ﺭﺟﻌﺖ ﻟﻠﺒﻴﺖ ..ﻣﻦ ﺃﺣﻂ ﺭﺃﺳﻲ ﻋﻠﻰ ﺍﻟﻤﺨﺪﻩ ﺗﺠﻴﻨﻲ ﻟﻤﻰ ﻣﺴﻴﺮﻩ ﻓﻲ ﻛﻞ
ﺣﻠﻢ ..ﺁﻩ ﻋﺠﺰﺕ ﺃﻧﺴﺎﻙ ﻳﺎﻟﻤﻰ ..ﺿﺤﻜﺘﻬﺎ .. ﺻﻮﺗﻬﺎ ..ﻋﻴﻮﻧﻬﺎ .. ﻻﻣﺴﺘﺤﻴﻞ ﺃﻗﺪﺭ ﺃﻧﺴﺎﻙ
ﻳﺎﻟﻤﻰ ..
ﻧﻔﺴﻴﺘﻲ ﺻﺎﺭﺕ ﺯﻓﺖ ﻭﻣﺎﻋﻨﺪﻱ ﺭﻏﺒﻪ ﻓﻲ ﺃﻱ ﺷﻲ .. ﺑﺪﻳﺖ ﺃﺿﻌﻒ ﻭﺃﻛﺮﻩ ﺣﻴﺎﺗﻲ ﺍﻟﻠﻲ
ﻛﻨﺖ ﺃﻋﺘﺒﺮﻫﺎ ﺃﻭﻝ ﺃﺣﻠﻰ ﺣﻴﺎﺓ ..ﺁﻩ ﻭﺍﻟﻠﻪ ﻣﺮﺕ ﻋﻠﻲ ﺃﻳﺎﻡ ﺻﻌﺒﻪ ... ﻟﻜﻦ ﻻ ﻻ ﻳﺎﻣﺴﺎﻋﺪ
ﻛﺮﺍﻣﺘﻚ ﻳﺎﺭﺟﻞ ﻓﻮﻕ ﻛﻞ ﺷﻲ .. ﻻﺗﺘﺒﻊ ﺍﻟﻤﻘﻔﻲ ﻟﻮ ﻗﺼﺮﺕ ﺧﻄﺎﻭﻳﻪ .. ﻳﺎﻣﺴﺎﻋﺪ ﺗﺮﺍﻙ ﻟﻮ
ﺃﻫﻨﺖ ﻧﻔﺴﻚ ﺗﺮﺍﻙ ﻣﺎﺗﺴﺘﺎﻫﻞ ﺗﻌﻴﺶ .. ﻭﺣﺎﻭﻟﺖ ﺃﻗﻨﻊ ﻧﻔﺴﻲ ﺑﻬﺎﻟﻜﻼﻡ .. ﻭﻣﺮﺕ ﺷﻬﻮﺭ
ﻭﺃﻧﺎ ﻣﺸﻐﻞ ﻧﻔﺴﻲ ﻋﻦ ﻟﻤﻰ ﻭﺳﻴﺮﺗﻬﺎ .. ﺃﻗﻮﻡ ﻣﻦ ﺻﺒﺎﺡ ﺍﻟﻠﻪ ﺧﻴﺮ ﻭﺃﻛﺮﻑ ﻧﻔﺴﻲ
ﺑﺎﻟﺸﻐﻞ ﻋﻠﺸﺎﻥ ﺃﺭﺟﻊ ﺗﻌﺒﺎﻥ ﻭﺃﻧﺎﻡ ﻋﻠﻰ ﻃﻮﻝ ﻭﺣﺘﻰ ﺍﻟﺸﺒﺎﺏ ﻻﺣﻈﻮ ﻭﺩﺍﻳﻢ ﻳﻘﻮﻟﻮﻥ
ﻣﺴﺎﻋﺪ ﺻﺎﻳﺮ ﻣﺪﻣﻦ ﺷﻐﻞ ﺑﺸﻜﻞ ﻣﻮﺏ ﻃﺒﻴﻌﻲ ..
ﻣﺤﻤﺪ ﺧﻮﻱ ﺍﻟﻌﻤﺮ ﻫﻮ ﺍﻟﻮﺣﻴﺪ ﺍﻟﻠﻲ ﻳﺪﺭﻱ ﺑﺎﻟﺴﺎﻟﻔﻪ ..
ﺫﺍﻙ ﺍﻟﻴﻮﻡ ﺟﺎﻧﻲ ﻳﺮﻛﺾ ﻭﺣﺎﻟﺘﻪ ﺣﺎﻟﻪ .
ﻣﺤﻤﺪ ﻭﻫﻮ ﻣﺘﻮﺗﺮ: ﻣﺴﺎﻋﺪ ﺇﻟﺤﻖ ﻳﺎﻣﺴﺎﻋﺪ .
ﻣﺴﺎﻋﺪ: ﻭﺵ ﻓﻴﻚ ﻋﺴﻰ ﻣﺎﺷﺮ؟
ﻣﺤﻤﺪ: ﻫﻮ ﺍﻟﺸﺮ ﺑﻌﻴﻨﻪ .
ﻣﺴﺎﻋﺪ:ﺃﻋﻮﺫ ﺑﺎﻟﻠﻪ ﺗﻜﻠﻢ .
ﻣﺤﻤﺪ: ﻟﻤﻰ ﻳﺎﻣﺴﺎﻋﺪ .
( ﻫﻮ ﻣﻦ ﻗﺎﻝ ﻟﻤﻰ ﻭﻗﻒ ﻗﻠﺒﻲ ﻭﺗﺠﻤﺪﺕ ﻣﻜﺎﻧﻲ ﻗﻠﺖ ﺃﻛﻴﺪ ﺻﺎﺭ ﻟﻬﺎ ﺷﻲ )
ﻣﺴﺎﻋﺪ: ﻭﺵ ﻓﻴﻬﺎ؟
ﻣﺤﻤﺪ: ﻣﺪﺭﻱ ﺑﺲ ﻳﻘﻮﻟﻮﻥ ﺇﻧﻬﺎ ﺗﺸﺘﻐﻞ ﺷﻲ ﻏﺮﻳﺐ .
ﻣﺴﺎﻋﺪ: ﺧﺮﻋﺘﻨﻲ ﺟﻌﻞ ﺑﻄﻨﻚ ﻟﻠﻤﻐﺺ ﺇﻧﺸﺎﺀﺍﻟﻠﻪ .
ﻣﺤﻤﺪ: ﻟﻴﺶ ﻋﺎﺩﻱ ﻋﻨﺪﻙ؟
ﻣﺴﺎﻋﺪ: ﺍﻟﺤﻤﺪﺍﻟﻠﻪ ﻭﺍﻟﺸﻜﺮ ﻳﺎﻟﺪﻟﺦ ﺃﻧﺎ ﻣﻮﺏ ﻗﺎﻳﻞ ﻟﻚ ﺗﻤﻮﺕ ﻋﻠﻰ ﺍﻟﺸﻐﻞ ﻭﺵ ﺟﺒﺖ
ﺟﺪﻳﺪ ﻳﻌﻨﻲ؟
ﻣﺤﻤﺪ: ﻳﺎﻏﺒﻲ ﻟﻤﻰ ﺗﺸﺘﻐﻞ ﺑﺎﻟﺼﺤﺎﻓﻪ .
ﻣﺴﺎﻋﺪ:ﻭﺧﻴﺮ ﻳﺎﻃﻴﺮ .
ﻣﺤﻤﺪ ﻭﻫﻮ ﻣﻌﺼﺐ: ﻳﺎﻟﻤﻔﻬﻲ ﻳﻌﻨﻲ ﺗﻜﺘﺐ ﺑﺎﻟﻤﺠﻠﻪ ﻛﻼﻡ ﻭﻛﻞ ﺍﻟﻨﺎﺱ ﺗﻘﺮﺍﻩ .
ﻣﺴﺎﻋﺪ ﺑﺒﺮﻭﺩ: ﻃﻴﺐ ﻭﺵ ﺍﻟﻤﺸﻜﻠﻪ؟
ﻭﻗﺘﻬﺎ ﻓﻌﻼ ﻣﺎﻛﻨﺖ ﺣﺎﻁ ﺑﺮﺃﺳﻲ ﺷﻲ ﻷﻧﻪ ﺣﺎﺱ ﺍﻟﻤﻮﺿﻮﻉ ﻋﺎﺩﻱ ﺇﻟﻴﻦ ﻣﺎﻗﻠﺐ ﻣﺤﻤﺪ
ﺍﻟﺪﻧﻴﺎ ﻋﻠﻲ .
ﻣﺤﻤﺪ: ﻣﺴﺎﻋﺪ ﻋﻤﺎﻣﻲ ﻛﻠﻬﻢ ﻣﻌﺼﺒﻴﻦ ﻭﺯﻋﻼﻧﻴﻦ .. ﻭﻻ ﻳﻤﻜﻦ ﻳﺘﺒﺮﺅﻥ ﻣﻨﻬﺎ .
ﻣﺴﺎﻋﺪ:ﺃﻋﻮﺫ ﺑﺎﻟﻠﻪ ﻣﻮﺏ ﻟﻬﺪﺭﺟﻪ ﻭﺍﻟﻠﻪ ﻟﻮ ﺇﻧﻬﺎ ﺫﺍﺑﺤﻪ ﻭﺍﺣﺪ ﻣﻦ ﻋﻴﺎﻟﻬﻢ .
ﻣﺤﻤﺪ:ﻭﺍﻟﻠﻪ ﻟﻮ ﺇﻧﻬﺎ ﺫﺍﺑﺤﻪ ﻭﺍﺣﺪ ﻣﻦ ﻋﻴﺎﻟﻬﻢ ﺃﺷﺮﻑ ﻣﻦ ﺍﻟﻠﻲ ﺗﺴﻮﻳﻪ .
ﻣﺴﺎﻋﺪ: ﺳﺆﺍﻝ ﻳﺴﺪﺡ ﻧﻔﺴﻪ .. ﺇﻧﺘﻢ ﻭﺵ ﺩﺧﻠﻜﻢ ﻓﻴﻬﺎ؟؟ ﻳﺎﺍﻟﺴﻨﺎﻓﻲ ﻋﻨﺪﻫﺎ ﺃﺑﻮﻫﺎ
ﻳﺴﻨﻌﻬﺎ ﻳﻌﻨﻲ ﺗﺒﻮﻥ ﺗﺴﻠﻄﻮﻥ ﻋﻠﻴﻬﺎ ﻭﺃﺑﻮﻫﺎ ﺣﻲ .
ﻣﺤﻤﺪ: ﻭﺃﻧﺎ ﺍﺑﻦ ﺍﻷﺟﻮﺍﺩ .. ﺗﺮﺿﻰ ﻋﻠﻰ ﺑﻨﺖ ﻋﻤﻚ ﺗﺨﺘﻠﻂ ﻣﻊ ﺍﻟﺮﺟﺎﻝ؟
ﻣﺴﺎﻋﺪ: ﺃﻓﺎ ﺿﺎﻋﺖ ﺍﻟﻬﻘﺎﻭﻱ ﻭﺵ ﺗﻬﺮﺝ ﻟﻤﻰ ﺗﺨﺘﻠﻂ ﻣﻊ ﺭﺟﺎﻝ؟
ﻣﺤﻤﺪ : ﻣﺪﺭﻱ ﺑﺲ ﻫﻢ ﻳﻘﻮﻟﻮﻧﻪ ﻭﺃﻻ ﺃﻧﺎ ﺃﻋﻮﺫ ﺑﺎﻟﻠﻪ ﺃﺑﺮﻱ ﺫﻣﺘﻲ؟
ﻣﺴﺎﻋﺪ : ﻭﺵ ﻋﻠﻤﻚ ﺗﺨﺮﺑﻂ؟
ﻣﺤﻤﺪ:ﻫﺬﺍ ﻫﻮ ﺍﻟﻠﻲ ﺍﻟﻨﺎﺱ ﻳﻌﺮﻓﻮﻧﻪ ﻭﻻ ﺑﻌﺪ ﺗﻜﺘﺐ ﻋﻦ ﻣﺸﺎﻛﻞ ﺍﻟﺤﺮﻳﻢ ﻣﻊ
ﺭﺟﺎﻟﻬﻦ .. ﺑﺎﻟﻌﺮﺑﻲ ﻓﻀﺎﻳﺢ .
( ﻭﻗﺘﻬﺎ ﺃﻧﺎ ﻋﺼﺒﺖ ﻭﺑﺼﺮﺍﺣﻪ ﺃﻧﺎ ﻣﺎﻋﻨﺪﻱ ﺃﻱ ﺧﻠﻔﻴﻪ ﻋﻦ ﻃﺒﻴﻌﺔ ﺷﻐﻞ ﻟﻤﻰ .. ﺑﺲ
ﻣﺤﻤﺪ ﺣﻂ ﺑﺮﺃﺳﻲ ﺃﻓﻜﺎﺭ ﻏﻠﻂ ﻭﺑﺼﺮﺍﺣﻪ ﺃﻛﺜﺮ ﺷﻔﺖ ﺍﻟﻨﺎﺱ ﺯﻋﻼﻧﻪ ﻭﺯﻋﻠﺖ ﻣﻌﻬﻢ )
ﻣﺴﺎﻋﺪ: ﻭﺵ ﺑﻼﻫﺎ ﺍﻟﺒﻨﺖ ﺇﺳﺘﺨﻔﺖ ﻧﺎﻭﻳﻪ ﺗﻔﻀﺤﻨﺎ؟
ﻣﺤﻤﺪ:ﻫﺬﺍ ﺍﻟﻠﻲ ﺫﺍﺑﺤﻨﻲ ﺃﻭﻳﻼﻩ ﻭﺵ ﻟﻮﻥ ﻟﻮ ﻗﺎﻟﻮﺍ ﻫﺬﻱ ﺗﻘﺮﺏ ﻟﻤﺤﻤﺪ ؟
ﻣﺴﺎﻋﺪ :ﻭﺍﻟﻠﻪ ﻳﺎﻣﺤﻤﺪ ﻣﺪﺭﻱ ﻭﺵ ﺃﻗﻮﻝ .. ﺑﺲ ﺇﻧﺖ ﻋﺎﺭﻑ ﻟﻤﻰ ﻣﺴﺘﺤﻴﻞ ﺷﻲ ﻳﻮﻗﻒ
ﺑﻮﺟﻬﻬﺎ ﻏﻴﺮ ﻋﻤﻲ ﻋﺒﺪﺍﻟﻠﻪ .. ﻋﺎﺩ ﺗﺪﺭﻱ ﺣﺎﺱ ﺃﻥ ﺍﻟﻤﻮﺿﻮﻉ ﻣﻮﺏ ﻟﻬﺪﺭﺟﻪ ﻛﺒﻴﺮ ﻷﻥ
ﻟﻤﻰ ﻃﻮﻝ ﻋﻤﺮﻫﺎ ﻋﺎﻗﻠﻪ ﻭﻻﺗﺠﻲ ﺩﺭﺏ ﺍﻟﻐﻠﻂ؟
ﻣﺤﻤﺪ: ﺇﺳﻤﻊ ﻧﺨﻠﻲ ﺍﻟﻌﺎﺋﻠﻪ ﺗﺠﺘﻤﻊ ﻭﻳﻮﻗﻔﻮﻥ ﺑﻮﺟﻬﻬﺎ ﻟﻴﺶ ﻫﻲ ﻣﻮﺏ ﺿﺎﺭﺑﻪ ﻷﺣﺪ
ﺣﺴﺎﺏ .
ﻣﺴﺎﻋﺪ: ﻗﻢ ﺧﻠﻨﺎ ﻧﻌﺮﻑ ﻭﺵ ﺍﻟﺴﺎﻟﻔﻪ؟
ﻓﻌﻼ ﻗﻤﻨﺎ ﻭﺭﺣﻨﺎ ﻟﻤﺠﻠﺲ ﻋﻤﻲ ﺃﺑﻮ ﻧﻮﺍﻑ ﻭﻫﻮ ﺃﻛﺒﺮ ﻋﻤﺎﻣﻲ ﻭﺗﺠﻤﻌﻮﺍ ﺍﻟﺮﺑﻊ ﻭﺃﺧﺬﺕ
ﺍﻟﻤﻨﺎﻗﺸﺎﺕ ﺗﺪﻭﺭ ﻭﺵ ﻟﻮﻥ ﻧﺨﻠﻲ ﻟﻤﻰ ﺗﺘﺮﺍﺟﻊ ﻋﻦ ﻗﺮﺍﺭﻩ .
ﺃﺑﻮ ﻧﻮﺍﻑ: ﻭﺵ ﻫﺎﻟﻤﺼﻴﺒﻪ ﺍﻟﻠﻲ ﻧﺰﻟﺖ ﻋﻠﻴﻨﺎ .. ﻳﺎﺭﺏ ﺳﺘﺮﻙ؟
ﺃﺑﻮ ﻣﺸﻌﻞ: ﻟﻤﻰ ﺗﺴﻮﻱ ﻓﻴﻨﺎ ﻛﺬﺍ ..ﺃﻋﻮﺫ ﺑﺎﻟﻠﻪ ﻳﺎﺭﺏ ﺗﺮﺟﻌﻬﺎ ﻟﻌﻘﻠﻬﺎ .
ﺃﺑﻮ ﻧﻮﺍﻑ : ﺍﻟﺸﺮﻫﻪ ﻣﻮﺏ ﻋﻠﻴﻬﺎ ﺍﻟﺸﺮﻫﻪ ﻋﻠﻰ ﻋﺒﺪﺍﻟﻠﻪ ﻭﺵ ﻟﻮﻥ ﺳﻤﺢ ﻟﺒﻨﺘﻪ ﺑﻬﺎﻟﻄﺮﻳﻖ .
ﻣﺤﻤﺪ ﺍﻟﻤﻠﻘﻮﻑ: ﺃﺻﻼ ﻫﻲ ﻣﺎﺗﻌﺮﻑ ﻣﺼﻠﺤﺔ ﻧﻔﺴﻬﺎ ﻫﻮ ﺷﻠﻮﻥ ﻳﻮﺍﻓﻖ .
( ﻣﺴﺎﻋﺪ ﻛﺎﻥ ﻣﻠﺘﺰﻡ ﺍﻟﺼﻤﺖ ﻭﺍﻟﻬﺪﻭﺀ )
ﺃﺑﻮﻋﺰﻭﺯ : ﻻﺯﻡ ﻧﺸﻮﻑ ﺣﻞ ﻭﺵ ﻗﻮﻟﺘﻜﻢ ﻳﺎﻟﺮﺑﻊ؟
ﺃﺑﻮﻣﺸﻌﻞ: ﺃﻗﻮﻝ ﻣﺎﻓﻴﻪ ﺇﻻ ﻧﺮﻭﺡ ﻟﻌﺒﺪﺍﻟﻠﻪ ﻳﻮﻗﻒ ﺑﻨﺘﻪ .
ﺃﺑﻮﻣﺴﺎﻋﺪ: ﺷﻮﺭﻛﻢ ﻭﻫﺪﺍﻳﺔ ﺍﻟﻠﻪ .
ﺃﺑﻮﻧﻮﺍﻑ:ﻫﺬﺍ ﺍﻟﻠﻲ ﺧﺎﻳﻔﻴﻦ ﻣﻨﻪ ﻣﺎﻭﺭﻯ ﺗﺪﺭﻳﺲ ﺍﻟﺒﻨﺎﺕ ﺇﻻ ﺍﻟﺨﺮﺍﺏ .
ﺃﻧﺎ ﻫﻨﺎ ﻋﺼﺒﺖ ﻣﻬﻤﺎ ﻛﺎﻥ ﻟﻤﻰ ﻣﻮﺏ ﻟﻬﺪﺭﺟﻪ ﻋﻠﺸﺎﻥ ﻳﺴﺒﻮﻧﻬﺎ .
ﻣﺴﺎﻋﺪ: ﺇﺳﻤﻊ ﻳﺎﻋﻤﻲ ﻛﻼﻣﻦ ﺛﺎﺑﺖ ﻟﻤﻰ ﻛﻠﻜﻢ ﺗﻌﺮﻓﻮﻥ ﺇﻧﻬﺎ ﻣﺤﺘﺮﻣﻪ ﻭﺃﺧﺖ ﺭﺟﺎﻝ
ﻣﺴﺘﺤﻴﻞ ﺗﺮﺿﻰ ﻋﻠﻰ ﻧﻔﺴﻬﺎ ﺍﻟﻐﻠﻂ .
ﺃﺑﻮﻋﺰﻭﺯ: ﻳﺎﻭﻟﺪﻱ ﻫﺬﺍ ﺍﻟﻠﻲ ﻣﺨﻮﻓﻨﺎ ﺩﺍﻡ ﺗﻮ ﻣﺎﺻﺎﺭ ﺷﻲ ﻧﺒﻲ ﻧﻮﻗﻔﻬﺎ ﻋﻠﺸﺎﻥ ﻣﺎﺗﺨﺮﺏ
ﻋﻠﻴﻨﺎ .
ﺃﺑﻮ ﻧﻮﺍﻑ: ﺣﻨﺎ ﻃﻮﻝ ﻫﺎﻟﺴﻨﻴﻦ ﻣﺤﺎﻓﻈﻴﻦ ﻋﻠﻴﻬﺎ ﻭﻋﻠﻰ ﺳﻤﻌﺘﻬﺎ ﻭﻣﺮﺑﻴﻨﻬﺎ ﺯﻳﻦ؟
( ﻳﺎ ﺑﻌﺪﻫﻢ ﻳﺎﻣﺴﺎﻋﺪ ﻣﻬﺠﺪ ﻋﻤﺎﻣﻪ ﻃﺎﻟﻊ ﺑﺲ ﻭﺵ ﻟﻮﻥ ﻳﺘﻜﻠﻤﻮﻥ ﻣﻌﻪ ﺑﺬﻭﻕ )
ﻣﺴﺎﻋﺪ ﻭﻫﻮ ﻓﺎﻗﺪ ﺍﻟﺴﻴﻄﺮﻩ: ﻣﻮﺏ ﺇﻧﺘﻢ ﺍ
ﻟﻠﻲ ﻣﺤﺎﻓﻈﻴﻦ ﻋﻠﻴﻬﺎ ﻫﻲ ﺑﻨﺖ ﺳﻨﻌﻪ
ﻭﻣﺤﺎﻓﻈﻪ ﻋﻠﻰ ﻋﻤﺮﻫﺎ .. ﻭﻟﻮ ﺟﻴﻨﺎ ﻟﻠﺼﺮﺍﺣﻪ ﻟﻤﻰ ﻟﻮﺑﻐﺖ ﺗﻨﺰﻝ ﺭﻭﺅﺳﻜﻢ ﻛﺎﻥ ﻗﺪﺭﺕ
ﻟﻜﻦ ﻫﻲ ﻣﺎﺳﻮﺕ ﻏﻴﺮ ﺇﻧﻬﺎ ﺗﺸﺘﻐﻞ ﻭﺑﺲ .
ﺃﺑﻮﻣﺴﺎﻋﺪ: ﺇﻧﺜﺒﺮ ﻭﺇﻧﺖ ﻭﺵ ﺩﺭﺍﻙ ﻭﺵ ﺑﻴﺠﻴﻨﺎ ﻣﻦ ﻭﺭﻯ ﻫﺎﻟﺸﻐﻠﻪ .
ﻣﺴﺎﻋﺪ: ﺑﺎﻟﻄﻘﺎﻕ ﺗﺒﻮﻥ ﺗﻮﻗﻔﻮﻧﻬﺎ ﻭﻗﻔﻮﻓﻬﺎ ﺇﻧﺸﺎﺀﺍﻟﻠﻪ ﺗﺬﺑﺤﻮﻧﻬﺎ ﺑﺲ ﺗﺮﻯ ﻣﺎﻫﻲ ﻣﻦ
ﺳﻠﻮﻡ ﺍﻟﻤﺮﺍﺟﻞ ﺗﻜﻠﻤﻮﻥ ﺑﺎﻟﺒﻨﺖ ﻭﺇﻧﺘﻢ ﻋﺎﺭﻓﻴﻦ ﻭﺵ ﻫﻲ ﻟﻤﻰ .
ﺃﺑﻮﻣﺴﺎﻋﺪ:ﺇﺣﻨﺎ ﻋﺎﺭﻓﻴﻦ ﻭﺵ ﻫﻲ ﻟﻤﻰ ﺑﺲ ﻣﺎﻧﺪﺭﻱ ﻭﺵ ﺧﻼﻩ ﻣﺎﺗﺴﺘﺤﻲ؟
ﻫﻨﺎ ﻛﺎﻥ ﻭﺩﻱ ﺃﻛﺴﺮ ﺍﻟﺪﻧﻴﺎ ﺑﺲ ﻭﺵ ﺃﺳﻮﻱ ﻫﺬﻭﻻ ﻋﻤﺎﻣﻲ ﻭﻋﻴﺐ ﺇﻧﻲ ﺃﺗﻄﺎﻭﻝ ﻋﻠﻴﻬﻢ .
ﻣﺤﻤﺪ:ﺇﻳﻪ ﻭﺍﻟﻠﻪ ﻋﻤﻲ ﺃﺑﻮ ﻧﻮﺍﻑ ﺻﺎﺩﻕ ﻭﺍﻟﻠﻪ ﻣﺎﺗﺴﺘﺤﻲ .
ﻣﺴﺎﻋﺪ: ﺇﻟﻰ ﻫﻨﺎ ﻭﺣﺪﻛﻢ ﺗﺮﺍﻧﻲ ﻣﺎﺃﺭﺿﻰ ﺍﻟﻐﻠﻂ ﻋﻠﻰ ﺃﻱ ﻭﺣﺪﻩ ﻣﻦ ﺑﻨﺎﺕ ﻋﻤﻲ ..ﻫﺬﺍ
ﻭﻫﻲ ﻣﺎﺳﻮﺕ ﺷﻲ ﻗﻠﺘﻮ ﻋﻨﻬﺎ ﻣﺎﺗﺴﺘﺤﻲ ﺃﺟﻞ ﺍﻟﺒﻨﺖ ﺍﻟﺪﺍﺷﺮﻩ ﻭﺵ ﺗﺴﻤﻮﻧﻬﺎ .
ﺃﺑﻮﻋﺰﻭﺯ: ﺇﻧﺖ ﻣﻌﻨﺎ ﻭﺃﻻ ﻣﻌﻬﺎ ﻻﻳﻜﻮﻥ ﺑﺲ ﺭﺍﺿﻲ ﻋﻦ ﺗﺼﺮﻓﺎﺗﻬﺎ؟
( ﺻﺤﻴﺢ ﺇﻥ ﻟﻤﻰ ﺟﺮﺣﺘﻨﻲ ﻭﺭﻏﻢ ﺇﻧﻪ ﺇﻧﺘﻬﻰ ﻛﻞ ﺍﻟﻠﻲ ﺑﻴﻨﻨﺎ ﺇﻻ ﺇﻧﻲ ﻣﺎﺯﻟﺖ ﺃﺣﺘﺮﻣﻬﺎ
ﻭﺃﺣﺲ ﺑﺎﻟﻮﺍﺟﺐ ﻷﻧﻪ ﻻﺯﻡ ﺃﻛﻮﻥ ﺣﻘﺎﻧﻲ ﻭﻣﺎﺃﻇﻠﻤﻬﺎ ﻭﺃﻃﻠﻊ ﻋﻠﻴﻬﺎ ﻛﻼﻡ ﻣﻮﺏ ﻓﻴﻬﺎ )
ﻣﺴﺎﻋﺪ: ﺃﻧﺎ ﻣﻊ ﺍﻟﺤﻖ ﻳﺎﻋﻤﻲ ﺃﺻﻼ ﺳﺆﺍﻝ ﻭﺵ ﻫﻮ ﻏﻠﻄﻬﺎ ﻳﻮﻡ ﻛﻠﻜﻢ ﻣﺠﺘﻤﻌﻴﻦ
ﻭﺑﺘﺮﻭﺣﻮﻥ ﻟﻠﺮﻳﺎﺽ ﻋﻠﺸﺎﻥ ﺗﻮﻗﻔﻮﻧﻬﺎ ﻋﻨﺪ ﺣﺪﻫﺎ .
(ﻫﻨﺎ ﺍﻟﻜﻞ ﺳﻜﺖ )
ﺷﻮﻱ ﻭﺑﻌﺪ ﺗﻔﻜﻴﺮﻋﻤﻲ ﺃﺑﻮ ﻧﻮﺍﻑ ﻗﺎﻝ : ﺇﺳﻤﻊ ﺃﻧﺎ ﺍﻟﻠﻲ ﺃﻋﺮﻓﻪ ﺇﻥ ﻫﺬﺍ ﺷﻲ ﻣﻮﺏ ﻣﻦ
ﻋﺎﺩﺍﺗﻨﺎ ﻭﺗﻘﺎﻟﻴﺪﻧﺎ .. ﻭﺵ ﻫﺎﻟﺸﻐﻠﻪ ﺍﻟﻠﻲ ﺩﺍﺧﻠﻪ ﻋﻠﻰ ﻣﺠﺘﻤﻌﻨﺎ .
ﻣﺴﺎﻋﺪ: ﻛﻴﻔﻜﻢ ﺑﺲ ﺭﻭﺣﻪ ﻣﻌﻜﻢ ﻣﺎﻧﻴﺐ ﺭﺍﻳﺢ ﻷﻥ ﻣﺎﺃﺷﻮﻑ ﻓﻴﻪ ﺳﺒﺐ ﻳﻘﻮﻝ ﺇﻥ ﺍﻟﻠﻲ
ﺗﺴﻮﻳﻪ ﻟﻤﻰ ﻏﻠﻂ .
(ﻣﻦ ﻗﻠﺖ ﻟﻬﻢ ﻛﺬﺍ ﻋﺼﺒﻮﺍ ﻋﻠﻲ ﻭﺑﻌﺪﻫﺎ ﻗﻤﺖ ﻣﻦ ﺍﻟﻤﺠﻠﺲ ﻭﻣﺪﺭﻱ ﻭﺵ ﺻﺎﺭ ﻋﻨﺪﻫﻢ )
*ـــــــ((( @ahgeel )))ـــــــ*
*, #نههههاية_البارت*
*📚 #يتبع👇🏻💜*